رواية لم يكن عالمي الفصل السادس عشر 16 - بقلم شيماء شاكر

محمد خرج من الأوضة بضحك: أخيرًا فوقت. أنا فكرتك مت. بس شكل روحك طويل. مالك بغضب وعصبية وصوت عالي: محمددد… محمد ابتسم: صحتك يا مالك. تحتاجها بردوا. مالك بص لهمس ونفسه عالي، وبعدها بص لمحمد: انت عايز إيه؟! محمد ابتسم وراح وقف قدامه: عايز روحك. وبعد روحك همس. مالك دس على سنانه بغضب: تبقى بتحلم. محمد مسك دقن مالك بعنف وقال بغضب: ماتت بسببك. انت موتها. أنا مش هرحمك… وكمان عايز تاخد همس.

مالك بص له باستغراب: مين اللي مات بسببهم؟ محمد بغضب شد شعر مالك جامد وبالإيد التانية ماسك دقنه بعنف: ياروح أمك مش فاكر اللي سجنتها وماتت في السجن بسببك.. أختي ماتت في السجن بسببك. همس دموعها بتنزل ومصدومة من كلام محمد. مالك يسجن أخته؟ طيب ليه؟ مالك بيدوس على سنانه جامد بغضب ورقبته رجعت لورا من محمد اللي شادد شعره. محمد ضربه بلبونية بعنف وقال بصوت عالي ممزوج بغضب: فاكر ولا أفكرك؟

مالك بص له باستغراب وبيحاول يفتكر هو سجن مين. محمد شايفه ساكت ابتسم بشر. دس على زرار في الريموت اللي في إيده. مالك فجأة اتكهرب وبقى يتهز بعنف. همس دموعها نزلت وبتصرخ بعياط، ولاكن صوتها مبخرجش بسبب اللزق. مالك بيتكهرب وبيتهز جامد بعنف. دس على سنانه بألم وغضب وغمض عينه لأنها بتتحول للأسود بسبب الألم وهو مش عايز همس تشوفه كده. محمد دس على الزرار وضحك ومسح الدم اللي نزل من مناخير مالك: إيه بتوجع؟

مالك نزل راسه ومغمض عينه وبياخد نفسه بألم. محمد مسك شعر مالك بعنف: وأنا بقا هاخد حقها منك. مالك نزل راسه بألم وبيحاول يفتكر: مين… أصدق… مين؟ محمد مسكه من شعره خلاه يبصله: بدور. مالك بص له باستغراب وبعدها على طول افتكر: بدور!!! محمد راح لهمس قال بزعيق: اللي انت بتحبيه ده سجنها من غير ذنب. كانت ماسكة كل شغل وسجنها لفقلها قضية ولبسها. مالك بزعيق:

لأء ما حصلش. هي اللي سرقتني… كنت واثق فيها وسرقت شركتي. كنت هقع بسببها…. كنت هفلس بسبب بدور…. الكل عارف إني رفدتها من شغلي بسبب إنها اتأخرت بس الحقيقة غير… أنا مردتش أخلي حد يتكلم عليها بسبب إنها بنت والكل هيفضل فاكره لها. وطلعت نفسي الوحش اللي رفد سكرتيرته بسبب إنها اتأخرت 10 دقايق على الشغل. محمد بص لهمس: صدقتيه يا همس؟ مالك بعصبية: متنطقيش اسمها على لسانك وإلا صدقني هتشوف مني حاجة عمرك مشوفتها. محمد ضحك بشر:

يعجبني شجاعتك. بس برأيك تقدر تعملي حاجة وانت مربوط كده؟ مالك ابتسم بشر: صدقني أنا أقدر أعمل حاجات كتير أوي. محمد ضحك وبص لهمس: بيخيل عليكي كلام. محمد بضيق: أنا حبيتك جامد محدش حبك أديه. بس انت بكل غباء حبيتي غيري…. ليه؟ هو أحسن مني في إيه؟ وهو معاكي اهو وجنبك. مفيش بينكم 5 متر يقدر ينقذك لو انت في خطر. فوقي يا همس. مالك ده غدار هيبيعك في ثانية. قولتلك بلاش مالك بس انتي مسمعتيش كلامي. مالك بعصبية:

كلامك معايا أنا… متكلمهاش. محمد بضيق شال اللزقة اللي على بق همس. همس دموعها نزلت بوجع: اهم… مالك بعصبية: بقولك متجيش جنبها. كلامك معايا. محمد بص له بضيق: انت عارف أنا علاقتك ليه…… علاقتك عشان تشوف اللحظة دي. عشان همس متشوفكش ميت تشوفك وانت واقف مكانك عاجز مش قادر تتحرك. همس بصت لمحمد بدموع: انت بتعمل كده ليه؟

محمد انت فاهم غلط. هو سجنها عشان هي سرقته بجد.. مستحيل مالك يأذي حد بطريقة دي… بص سيبني وسيب مالك وهو. وعدك مالك مش هيأذيكي. محمد ضحك بهستيرية: ههههههههههههههه انت مش واخده بالك ولا إيه؟ ده حتى ميقدرش يأذي نملة وهو كده. مالك بضيق: فُكني يا محمد وهنشوف. محمد ابتسم ووقف جنب همس: بس أنا مش عايز أتخانق معاك. أنا عايز همس تشوفك وانت مش قادر تنقذها مني. مالك بعصبية بيحرك إيده ورجله بس فعلًا مربوطين جامد.

محمد ضحك وداس على الزرار تاني. مالك اتكهرب وتهز جامد بعنف. غمض عينه جامد.. اتكلم بعصبية بس كلامه نصه مش مفهوم: م.ش هر..ح.مك. همس بعياط وصريخ: أرجوك يا محمد أرحمه. أرجوك. هعملك اللي انت عايزه بس أرحمه.. أبوس إيدك. محمد ضحك: متحاوليش. وداس على الزرار تاني. مالك نزل راسه بألم والدم بينزل من مناخيره ومن جنب شفايفه. بص لهمس اللي بتعيط بصعوبة: متخ.. متخفيش يا همس. همس عياطها بيزيد وهزت راسها. محمد بعصبية بص لهمس:

انت إزاي مصدقاه وواثقة فيه هو كده… وأنا بعذبه بطريقة دي……. إزاي؟؟؟؟ همس بصت لمحمد برجاء ودموع: ارجوك سيبه. محمد أنا كنت بعتبرك صديق. فبحق صداقتي ليك سيبه. محمد بعصبية: انت مراته بس هيطلقك. مش هسمح تكوني ليه. مالك ضحك بألم وتف الدم في الأرض: هي ليا أصلاً أذا سمحت أو لأ. محمد ابتسم بشر ونزل لمستوى همس: سامعة بيقول إيه يا همس؟ مالك بعصبية بيحرك إيده ورجله جامد: أبعد عنهاااا.

محمد باصص لهمس اللي بتعيط ورجع شعرها لورا ودنها وملس على خدها. همس بترجع وشها لورا بعياط: مالك…. مالك بعصبية مفرطة مقدرش يتماسك.. عيونه اتحولت وبقت كلها سودة وجسمه اتحول لأضخم. بقى أضخم 5 أضعاف جسمه الحقيقي: اأابعد عنهاااااا. محمد بص لمالك بصدمة. وهمس صدمتها متقلش حاجة عن صدمة محمد. مالك بعيون سودة وجسم ضخم كسر الديرة الحديدية وشد إيده ورجله. الجنازير اتفكت. شالهم من إيده خالص ورجلهم. محمد باصص لمالك بذهول.

والرجالة الكتير بصت لمالك بصدمة ونصهم جريوا من المكان برعب. محمد بسرعة فك همس ولسه هياخدها ويجري. مالك جري ومسك محمد وفضل يضربه بكل وحشية وغضب. همس رجعت لورا بصدمة ورعب وبعدها جريت. فضلت تجري وبتعيط جامد حاسة أنها في كابوس ولازم تصحي. لازم تصحي من الكابوس ده. همس بتجري جامد بعياط وخوف مش عارفة هي راحة فين. ولكن أهم حاجة إنها تبعد عن الوحش ده. لقت فجأة مالك قصادها جسمه طبيعي بس عيونه شديدة السواد كلها سودة.

همس صرخت جامد ولفت وجريت تاني وهي بتصرخ وبتجري بعياط وعمالة تنادي باسم مالك كأنها مش مقتنعة إن الوحش ده مالك. همس بصريخ: مااالك .. ماااالك.. ماالك. همس بتجري لقت نفسها خبطت في حاجة. بتبص لقت مالك بس عيونه متحولة. عيونه سودة كلها. همس رجعت لورا بعياط وصريخ. ولسه بتلف وتجري. مالك مسك إيديها. همس بصريخ بتضرب إيده اللي ماسكة إيديها: ااابعد عني … ااابعد عني…… ماالك .. يا ماالك. مالك شدها ليه وخلاها تبصله:

أنا مالك. أنا مالك يا همس. اسمعيني. همس بتبعد عنه وبعياط وصريخ: لأ لأ أبعد عني ……. مالك ……. يا ماالك. مالك من توتره وخوفه لتبعد عنه مش عارف يرجع عينه لطبيعتها. مالك مسك إيد همس: أنا مالك. صدقيني يا همس. أنا مالك. اسمعيني وأنا هشرحلك. اسمعيني يا همس. همس مغمضة عينيها برعب… نفس النسمة الساقعة حاسة بيها.. نفس الخوف وارتباك. بس هو مالك. صوته وريحته وإحساسها بيه. مالك حط إيده على خدود همس ومسح دموعها:

أنا مالك يا همس. اديني فرصة أشرحلك. همس بصريخ بتحاول تجري وتبعد عن مالك وبعياط: ااابعد عني سبني ااااابعد عني…… يا ماااالك. مالك مسك إيديها وبيترجاها: أنا مالك. اسمعيني يا همس. أرجوكي. أنا هشرحلك. همس دموعها بتنزل ومغمضة عينيها جامد بخوف: م.. مالك. أ…أزاي …..ل….لاء …..لأ …..أب….أبعد عني. مالك حضنها ودموعه لأول مرة تنزل: حسي بيا يا همس. انتي وعدتيني. مستحيل تخافي. قلبك بيقولك إيه….. صدقيني يا همس. أنا مالك.

مالك غمض عيونه ودموعه بتنزل. همس رفعت وشها براحة بدموع وخوف. شافت دموع مالك بس هو مغمض عينه. همس دموعها نزلت. مدت إيديها ومسحت دموع مالك. فتح عيونه وبص لهمس. همس خبت وشها في صدره وبتعيط: ع….عيو…….عيونك. مالك حط إيده على راسها وضمها لي أكتر ودموعه نزلت: غصب عني … غصب عني. همس بتعيط في صدره وخايفة تبص له تاني. مالك بعد همس عنه براحة وغمض عيونه. همس خايفة تبص له ومغمضة عينيها.

مالك حط إيده على خدودها ورفع وشها ليه وهو لسه مغمض عينه. ومسك إيدين همس وحطها على خدوده. همس فتحت عينيها براحة وبخوف لقت مالك مغمض عينه وأيديها على خدوده. همس حركت إيديها على وشه كأنها بتتأكد إنه فعلًا مالك. وبعدها حطت إيديها على قلبه. ساندت راسها على صدره تسمع دقات قلبه اللي بتحب تسمعهم على طول. غمضت عينيها ودموعها نزلت. همس بعدت وبصت له وهو لسه مغمض عيونه ودموعه بتنزل. همس مسحت دموع مالك وفجأة حضنته.

مالك فتح عينه وحضنها جامد: أنا مالك يا همس. أنا مالك. همس بعياط: عيونك…… عيونك يا مالك…….. جسمك جسمك كان….. مالك بعدها عنه براحة: هشرحلك بس اديني فرصة. همس بصت له بخوف. عيونه مرعبة… سودة جامد كلها سود. مالك بصلها في عينيها. ونظرة الخوف دي بتقتله. همس فجأة صرخت وسابته وجريت تاني: لأاااء مستحيل.. لأ.. مش مالك. همس خبطت في مالك وهي بتجري. مالك دموعه بتنزل: والله العظيم أنا مالك. اسمعيني أرجوكي. همس بصاله

في عيونه ودموعها بتنزل: ع….. عيونك. مالك دموعه نزلت: مش قادر. مش عارف أتحكم فيهم. مش عارف دلوقتي.. معرفش. همس بصاله ودموعها بتنزل. لقت السواد اللي في عيونه اتركز في بؤبؤ عينه والبياض رجع طبيعي. وعيونه بقت طبيعية. همس بصدمة وخوف: إزاي……. إزاي؟ مالك حط إيده على خدها: اديني فرصة أشرحلك بس تعالي معايا. مالك بصلها وفتكر. جاب الطرحة بتاعتها اللي كان لففها على إيده. فردها وحطها على راسها:

هفهمك بس اديني فرصة. أرجوكي يا همس… أنا وعدتك مستحيل أأذيكي. همس بصتله شوية برعب ونفسها داخل خارج بعنف. مالك بص لهمس. نظرة الرعب اللي في عيونها بتقتله: لازم نمشي من هنا الأول. أرجوكي يا همس خليكي واثقة فيا للآخر… أرجوكي. مالك مسك إيد همس لقاها متلجة. غمض عيونه بحزن… لسه هيمشي خطوة بس اتصدم وبص حواليه بصدمة وقال بخفوت: الغابة؟!!!!!! مالك حط إيده على راسه بصدمة: إزاي؟

مالك مسك إيد همس وماشي بيبص حواليه. وكل مدى بيتأكد إنها فعلًا الغابة اللي بتودي لعالم أبوه. مالك بيكلم نفسه بصدمة وصوت مسموع: إزاي.. المخزن في الغابة دي.. إمتى اتبنى.. أنا مبقتش فاهم. معقول….. لاء لاء مستحيل… مالك سمع إن على بعد 50 متر حد من عالم أبوه في الغابة. أكيد شم ريحة دم همس أو محمد ورجالته. مالك بص لهمس اللي بصاله برعب بس في نفس الوقت مستسلمة ليه تمامًا. مالك بقلق: لازم نخرج من الغابة دي.

مالك مسك إيد همس وبصلها: همس أنا وعدتك إن مستحيل حد يأذيكي.. وثقي فيا. همس بصتله ودموعها نزلت. مالك دموعه لمعت في عيونه: عارف إن ممكن تكوني خايفة.. أو قلقانة.. أو حتى مش فاهمة. لاكن أنا مستحيل أأذيكي. فاكرة لما قولتلك مستحيل أأذيكي.. أنا لسه عند كلامي. مهما أتحول أنا مستحيل أأذيكي.. وممكن كمان أتحول عشان أحميكي. همس بعياط: طيب إزاي؟ إزاي اتحولت كده؟ أنا مش… مش فاهمة. خايفة.. خايفة.. أفهم. مالك بيحاول يطمنها:

عارف إنك قلقانة وكمان عايزة تفسيرات كتير. ولاكن خلي الثقة زي ماهي. أنا زي ماهو مالك. صدقيني متغيرتش. همس هزت راسها بدموع. مالك ابتسم بيحاول يطمنها بابتسامته. وفجأة ابتسامته اختفت وبص وراه. أكمين ابتسم: أوه. مالك. أهذا أنت.. من هذه…. هل هي معشوقتك؟ همس باصة لأكمين باستغراب من اللغة اللي بيتكلم بيها. مالك بص له بصدمة ورجع همس وراه ظهره: ما بك يا أكمين… نعم. إنها هي معشوقتي.. ولن أدع أحد يمسها.

همس بصت لمالك بصدمة. مالك عارف اللغة دي وبيتكلم بيها. أكمين ضحك وجه وراه راجلين من عالمه. أكمين ابتسم: هل تعتقد أنك ستتغلب علينا؟ أكمين بيكلم أصحابه: هيا بنا.. ها هو غذائنا. مالك جاب همس في حضنه وبص لأكمين: لن يمسها أحد. مالك شال همس تحت صدمته. مالك بص لهمس بجدية: داري وشك فيا. همس بصاله بخوف. مالك بص لأكمين وزعق: أخلص. همس حضنت مالك من رقبته ودارت وشها في رقبته. مالك بص لهمس بجدية: داري وشك فيا. همس بصاله بخوف.

مالك بص لأكمين وزعق: أخلص. همس حضنت مالك من رقبته ودارت وشها في رقبته. مالك جري جري بأقصى سرعة. ليه استخدم قوته في الجري وطبعًا أكمين وراه هو وصحابه.