رواية لم يكن عالمي الفصل الثالث والعشرون 23 - بقلم شيماء شاكر

همس روحت مع أخوها وهى مش مصدقة اللى حصل. أحمد دخل الشقة وهمس دخلت وراه وهي تايها مش مستوعبة اللى حصل. "ماما" همس لسه هتتكلم. بس همس دخلت على أوضتها على طول. أحمد بص على أوضتها وتنهد بحزن. "ماما همس" بحزن: هى هتفضل حابسة نفسها كده؟ أحمد بص لأمه: همس أطلقت. "ماما همس" بصت لأحمد بصدمة: أي؟! أحمد هز راسه بتأكيد. "ماما همس" قعدت على الركنة بصدمة: أطلقت؟ طيب لي؟ مالك إنسان كويس.

أحمد بضيق: ياريت اسم مالك ميتقالش في البيت تاني. لازم همس تنسى مالك لأنه ميستهالهاش. "ماما همس" لسه هتتكلم أحمد سابها ومش. "ماما همس" دخلت بسرعة لبنتها. همس كانت قاعدة على حرف السرير وباصة في الأرض ودموعها بتنزل بصمت. مامتها وقفت قصادها وقالت بصدمة: الكلام فعلًا بجد؟ انتِ أطلقتي يا همس؟ أطلقتي؟ همس بصت لأمها بدموع. "ماما همس"

بصدمة: طيب لي أنا مش فاهمة. ومن غير ما تقوليلي، خدتي القرار من دماغك. وخوكي بيدعمك في المسخرة دي. همس، ده مالك وافق على شروط أبوكي كلها ودفع ٥ مليون عشان تبقي ليه، ده غير شبكتك اللي شيلها معايا وعايزها تكون مفاجأة ليكي. سيبك من الفلوس، حبه اللي كان باين في عيونه قبل كلامه، عشان حصل شوية مشاكل هو قدر يحميكي منها، قدر أنه يحافظ عليكي ومحدش قدر يلمسك. مش هو ده مالك اللي كنتِ بتعشقيه؟ همس

قامت بنرفزة وزعيق وعياط: كفاية بقى يا ماما. أنا ومالك مينفعش لبعض. أيوا عارفة إنه بيحبني ومستحيل ألاقي حد يحبني زيه. لكن أنا وهو مع بعض مش هينفع. "ماما همس" بنرفزة: مش هينفع لي؟ انطقي. ولا انتِ اللي طايشة وشوفتي شاب عاجبك غيره؟ فقولتي تكنسلي مالك. همس بصدمة من كلام أمها: أنا ياماما. "ماما همس": أنا بفكر بطريقة دي. "ماما همس" اتنهدت بضيق: انتِ خسرتي مالك يا همس. خسرتيه. "ماما همس" خرجت من الأوضة.

همس قعدت بهده على السرير ودموعها نزلت. مسحت دموعها بجمود: لأ. كان لازم يحصل كده. واللي عملته كان صح. تاني يوم. بيجري بكل سرعته. الوقت بليل وغابة كبيرة. سامع صوت نفسه العالي وقلقان وخايف. فاجأة شاف كمين قدامه على الأرض وماسك همس وبيمص دمها وبياكل في جسمها. مالك وقف بصدمة ونفسه وقف. مبقاش حتى قادر يتنفس. بصلهم بصدمة كبيرة. قرب براحة وبخطوات بطيئة ومهزوزة: هم.. همس.. كمين

بص له وبقه كله دم وبيضحك: قلت لك، سوف أرتشف دمائها ههههههه. كمين سابه ومشي تحت ضحكُه الساخر. مالك جري على همس. منظرها كان بشع. أحشائها كلها خرجت بره والدم على الأرض. يدوبك راسها بس هي اللي سليمة. خدها في حضنه وصريخ ممزوج بعياط: لأ. همس. لااااااء. مالك نايم على السرير وعرقان جامد وبيحرك راسه يمين وشمال وبصوت خافت: لأ. همس. لا. لا. "أبين" دخل بسرعة الأوضة وشاف مالك بالمنظر ده. أعد على

السرير جنبه وبيحاول يفوقه: مالك. بني. استيقظ. إنه مجرد حلم. "أهيب" دخل بسرعة وقلق: ما به مالك. "أبين" بيحاول يفوق مالك: أهيب اجلب لي الدماء على الفور. "أهيب" هز راسه وخرج بسرعة يجيب الدم. "أبين" بص لمالك: بني استيقظ. مالك عرقان جدًا وبيهز راسه يمين وشمال وصوته بيعلى وحدة وحدة: لا. همس. لا. لااااااااء. مالك قعد مرة واحدة بفزعة وبيتنفس بصوت عالي وقلبه بيدق جامد وعمال يبص حواليه

كأنه بيدور على حاجة: همس. همس. لا. محدش هيأذيها. محدش هيقدر. مالك قام وقف ولسه هيخرج. "أبين" وقفه: مالك ما بك. إنه مجرد حلم. مالك شد إيده بعنف: إنها في خطر. مالك خرج وجري بكل قوته مبين شوارع المملكة لدرجة إن محدش شافه. وخرج من المملكة كلها وطلع على أرض البشر. مالك بيجري في الغابة وخرج منها ووصل قدام بيت همس في أقل من دقيقتين. وطلع على المبنى ودخل من شباك أوضة همس. لاكن مكنتش فيه. بس مالك حس بيها وهي بره.

مالك اتنهد براحة. نفسه يشوفها بأي طريقة. همس دخلت الأوضة. مالك استخبى. همس قعدت على حرف السرير بضعف وخنقة وعينيها محمرة من كتر العياط. "ماما همس" دخلت عليه: يلا عشان تاكلي. همس بصوت مهزوز من كتر العياط: مش عايزة. "ماما همس" بضيق: أنا عايزة أفهم. مش انتِ اللي طلبتي الطلاق؟ بتعيطي ليه دلوقتي؟ ندمانة ليه؟ ومكسورة كده ليه؟

همس بعياط: يوووه بقى يا ماما. كل شوية تقولي كده. لأ أنا مش ندمانة وكده أحسن. أنا أساسًا عايزة أكلمه عشان نطلق رسمي. "ماما همس" بضيق: انتِ حقيقي مش طبيعية. بتعيطي على فراقه وبرضه عايزة تبعدي. همس بصوت عالي ممزوج بعياط: ارحميني بقى. "ماما همس" بصت لها بضيق وسابته وخرجت. همس قامت بسرعة قفلت الباب بالمفتاح وسندت ضهرها على الباب وحطت إيديها على وشها وبتعيط جامد بصوت وشهقاتها عالية.

مالك عيونه لمعت بدموع على حالتها وحالته اللي هي السبب فيها. وقف قدامها وقال بخفوت: لي بتعملي فيا وفيكي كده. همس نزلت إيديها من على وشها وهي مش مصدقة إنها سمعت صوته. رفعت راسها وبصت لمالك بصدمة. مالك بضيق: لي بتعذبيني وبتعذبي نفسك؟ لي بتعملي فينا كده؟ همس بضيق مسحت دموعها: هو انت مش ناوي تسبني في حالي؟ انت طلقتني. نطلق رسمي بقى وتبعد عني عشان أشوف حياتي وتتجوز. مالك قرب منها بضيق ومسكها من دراعها

وسند ضهرها على الباب بحدة: تتجوزي إيه؟ انتِ مراتي وأنا طلقت إجباري مش برضاي. وانتي عارفة كويس أوي الجواز أو الطلاق تحت ضغط بيبقى باطل. يعني انتِ لسه على ذمتي. يا مدام مالك. همس بتحاول تحرر دراعها من قبضته: أوعى يا مالك. وسبني بقى أنا مبقتش بحبك. مالك ساب دراعها ولف إيده حولين وسطها وقربها منه جامد لدرجة إن رجليها مش لامسة الأرض ووشه في وشها وبيتنفس نفسها. همس باصة في عيونه ونفسها عالي وقلبها بيدق بسرعة. مالك وهو

باصص في عيونها وبصوت خافت: كنتِ بتقولي إنك مش بتحبيني. وبتخافي مني. لتصحي في يوم ألاقي نفسي مصص دمك صح. همس بلعت ريقها وحطت إيديها الاتنين على كتفه ومش قادرة تدي أي رد فعل. حركاته وهمسه وكلامه بنجها. مالك باصص في عيونها: أنا قريب منك أهو مش خايفة؟ مش خايفة لموتك؟ مش خايفة لشرب دمك؟ همس بصاله بتوهان. مالك حضنها وغمض عينه وبيتكلم: ممكن في لحظة أدوق دمك دلوقتي. وأمص دمك كله. دمك اللي نفسي أدوقه.

مالك ركز مع نبضات قلبها. بس نبضات قلبها مفيهاش أي ذرة خوف. مالك ابتسم وحضنها أكتر. همس غمضت عينيها وقلبها بيدق بسرعة ونفسها داخل خارج بسرعة. فاجأة الباب خبط. همس فتحت عينيها وفاقت من توهانها وبتحاول تبعد عن مالك لاكن مبيتحركش. مالك بعد بس لسه قريب منها. بصلها ورفع حاجبه: ردي. همس بتوتر: أيوا. "أحمد": حبيبتي ممكن تخرجي بقى. انتِ حابسة نفسك من امبارح. همس بتوتر: معلش يا أحمد. سيبني لوحدي. "أحمد"

استغرب توترها: همس أنتِ كويسة. همس وهي باصة لمالك اللي مبتسم ببرود: أه أه. أنا كويسة. شوية وهخرج. هغير لبسي وهخرج. "أحمد" ابتسم: طيب يا حبيبتي هستناكي. "أحمد" مشي. همس بصت لمالك بضيق. مالك بعد عنها وبصلها بابتسامة: يلا عشان نروح بيتك. همس بضيق: بيتك إيه؟ انت طلقتني. ولازم تطلقني رسمي. بالورق يا مالك. مالك هز راسه: هممم. طلقتك. مالك بصلها: أنا طلقتك تحت ضغط يعني انتِ لسه على ذمتي. ومراتي شرعًا وقانونًا.

همس بضيق: انت لو ممشيتش دلوقتي هصوت وألم عليك الدنيا. مالك ابتسم: صوتي وقل لهم جوزي عايز ياخدني بيته. همس لسه هتصرخ. مالك حط إيده على بقها: بصي يا همس أنا هاخدك برضاكي أو غصب. همس نزلت إيده بضيق: انت متقدرش. مالك رفع حاجبه بابتسامة: مقدرش! همس لسه هترد لقت مالك حدف أسدلها في وشها: البسي. همس افتكرت وبصت على نفسها لقت إنها لابسة بيجامة سبونج بوب بنص كم وشعرها باين. همس

لبست بسرعة بإحراج وبضيق: انت مكنش ينفع تشوفني كده. ويلا بقى من هنا. مالك ابتسم ومسك همس من وسطها ونط من الشباك. همس صرخت بخوف وخضة: اااااااااااااااااااااااااااااااااه. مالك بقى بينزل من على المبنى بكل احترافية وسرعة وماسك همس بإيد واحدة لغاية ما نزل على الأرض. شال همس بإيديه الاتنين وابتسم لها. همس بصاله بصدمة. مالك ابتسم وغمزلها. وجري بكل سرعة. همس حضنته جامد وبتكتم صريخها في رقبته. مالك وصل بيته برقم قياسي.

همس لقت نفسها في أوضة مالك. مالك بهدوء أعدها على السرير براحة. أتعدل وبصلها: نورتي بيتك يا حبيبتي. همس بصة لمالك بصدمة وبتحاول تستوعب كل اللي حصل في الثواني المعدودة دي. مالك ابتسم بحب. همس بلعت ريقها ووقفت بضيق وانفعال: إيه ده. انت جبتني هنا ليه؟ خلاص بتستعمل قوتك عليا؟ أنا عايزة أروح. انت إزاي تجيبني كده أصلًا. أنا مصدومة بجد في أقل من دقيقتين ألاقي نفسي في بيتك. أنا مش مستعدة أعيش مع واحد كده.

مالك ربع إيده وبصصلها بضيق. همس بصتله وتوترة شوية من ضيقته وبتحاول تداري توترها. أدت ضهرها ليه وبتتكلم بتوتر: أحم. ممكن. ممكن تروحني. مالك ابتسم: بصي يا همس انتِ بعد النهارده هتعيشي هنا. خلاص البيت ده بقى بيتك. ومش هرجع في قراري مهما حصل. همس بضيق: انت مش طبيعي. ابعد عني يا مالك. أنا مش هعرف أعيش معاك في بيت واحد. مالك لف عينه بضيق وشال همس وأعدها على السرير وأعد جنبها: لي مينفعش نعيش أنا وانتي في بيت واحد؟

همس بضيق وشبه ما أنفعال: عشان خلاص. أنا مبقتش واثقة فيك. بقيت أخاف منك. باختصار كده مبقتش بحبك. مالك قابض إيده في الملاية وباصص لهمس بكل ضيق وبيحاول ميفقدش هدوئه. همس بأنفعال: رجعني بقى بيتي وأبعد عني. حبلك يا عم واحدة من العالم بتاعك لاكن أنا لأ. همس كملت بأنفعال: ابعد عني بقى. مالك قاطعها بصوت عالي وأنفعال: مش هيحصل. خلاص انتِ بتعتي. ومستحيل تكوني لغيري. همس بصتله بخوف وكشت في نفسها.

مالك بيحاول يسيطر على أنفعاله. قرب من همس ومسك خدودها بإيد واحدة بعنف بسيط وقال بحده: انتِ مشوفتيش غير مالك العاشق. حذاري تشوفي غيره من شخصيتي. مالك في الطبيعة ميستحملش كل ده. اللي مصبرني عشقي ليكي وبس. همس بصة في عيونه وحقيقي جسمها ارتجف من الخوف. وبلعت ريقها ودموعها نزلت. مالك بصصلها في عيونها. شال إيده من على خدودها ومسح دموعها. وقرب منها وسند جبهته على جبهتها. همس غمضت عينيها ودموعها نزلت. مالك

بصوت خافت وهو مغمض عيونه: بعشقك يا همس. أنا مهووس بيكي. مش هقدر أبعد. مش هقدر أتحمل إنك تكوني لغيري. همس دموعها نزلت ومش عارفة تقول إيه. مالك: اديني فرصة أثبت لك إنّي مستحيل أأذيكي. همس بعدت ومسحت دموعها وبصت لمالك: خلاص. عايزك تثبتلي. مالك بسرعة: تمام. أنا مستعد أعمل أي حاجة عشان تصدقي إنك أغلى مني عندي. همس هزت راسها وخرجت من الأوضة. ومالك وراها. همس بصت لمالك: اقعد على الأنتريه هجيب حاجة من المطبخ.

مالك بصصلها بشك: هتجيبي إيه؟ همس: هما ثواني وخرج. مالك هز راسه وأعد على الأنتريه وبصلها. همس مشيت متجه للمطبخ. وهو متابعها بعيونه لغاية ما دخلت المطبخ. بص قدامه ورجع شعره لورا ومستني همس تخرج. همس دخلت ووقفت قدام الرخامة دموعها نزلت. حطت إيديها على وشها وبتحاول تكتم شهقاتها. مسحت وشها براحة

من دموعها وبتكلم نفسها: لازم أثبت لمالك إني مش في أمان معاه. لازم أثبت له إنه ميقدرش يتحكم في غريزته. لازم أعمل كده يا مالك عشانك. سامحني. همس مسحت دموعها وفتحت درج المطبخ وطلعت سكينة. همس بدموع زي المطر: أنا آسفة. راحت ماسكة السكينة جامد وسحبتها مرة واحدة بعنف. همس تألمت بعياط: ااااه. مالك وقف مرة واحدة وبص على المطبخ. هو شام ريحة دم همس. همس اتعورت. مالك في لحظة كان قدام همس.

همس قبضة إيديها المتعورة. والدم ينقط على الأرض بغزارة. والإيد التانية ماسكة السكينة. مالك مسك إيد همس بقلق: لييي. لي عملتي كده؟ همس شدت إيديها من إيد مالك بعنف: ده عشان تثبت لي إنك مستحيل تأذيني. مالك بأنفعال: انت مجنونة. تأذي نفسك عشان أثبت لك. مالك بيدور بعيونه على علبة الإسعافات الأولية. همس بضيق: أنا عورت نفسي مش عشان تعالجني. مالك بص لها بضيق. وبعدها بص على الدم اللي مغرق إيديها. رفع

عينه وبصلها تاني بتوتر: تق. تقصدي إيه؟ همس بصت على إيديها وسكتت. الدم بينقط على الأرض. مالك بص على إيديها ريحة دمها جننته. مالك بلع ريقه بتوتر وبقى بيدور حواليه على علبة الإسعافات. همس بتحاول تشتته: ما لك. مالك بص لها ونفسه عالي. دور وشه بسرعة وبقى بيدور في المطبخ. بيدور بسرعة غير طبيعية. لغاية ما لقاها خدها وراح لهمس أعدها على طاولة السفرة اللي في المطبخ. ومسك إيديها. همس بصة لمالك وعيونها لمعة بدموع.

مالك بيحاول يشتت نفسه عنها. بأنه يداوي جرح همس. ولاكن وهو ماسك إيديها الدم نزل على إيده. ورحته بقت قوية جدًا. وخلاص مالك مش قادر. مالك بص لهمس بوجع: ليي. لي بتعذبيني كده. ليي بتعملي فيا كده؟ أنا أذيتك في إيه؟ حرام عليكي. أنا بحاول أبعد عنه وانتِ بتقربيني ليه؟ انطقي لييييه. همس دموعها نزلت ومبتتكلمش.

مالك بص على إيديها بوجع. وهو خلاص مش قادر يستحمل. طلع إيديها عند شفايفه وطلع لسانه ولحس دمها براحة. غمض عيونه ودموعه نزلت بوجع. همس حطت إيديها السليمة على بوقها تمنع شهقاتها وعيطت جامد أول ما شافت دموعه. وكان لسانه مالك مكان القطنة. ولحس دم إيديها كله. وكمان الدم اللي نزل على إيده منها. لغاية ما وصل للجرح الأساسي اللي في إيديها. أول ما حس بجرح فتح عيونه وبص لهمس.

همس اتصدمت بخوف من لون عيونه المتحولة للأسود. ونفسه بقى عالي. مالك نفس عالي وصوت ضخم عن صوته الطبيعي: عشان أثبت لك كان ممكن تضيعي نفسك. ولو أنا مقدرتش أتحكم في غريزتي كان زمانك. مالك صوت نفسه عالي وسكت. وبص على رقبتها: مش خايفة مني دلوقتي؟ همس قلبها بيدق بعنف وخوف بل رعب من منظر مالك. وعيونه وصوته يرعب. مالك قرب من رقبتها وأنيابه ظهرت. همس شافت أنيابه ودموعها نزلت برعب. بس مبتنطقش مستسلمة تمامًا.

مالك قرب من رقبتها بأنيابه. همس جسمها ارتجف بخوف ومسكت في هدوم مالك. وخلاص قالت إنها بقت فعل ماضي.