رواية لم يكن عالمي الفصل الرابع عشر 14 - بقلم شيماء شاكر

فاطمة ونور ووائل نزلوا من عند مالك. وهمس جهزت الأكل اللي وائل جابه. وأكلت مالك وكلت معاه. مالك مسك إيد همس وبصلها بحب. وبصلها: أنا عارف إني جيت عليكي أوي. عارف إنك شفتي حاجات صعبة. واستحملتي عشاني كتير. أنا بجد آسف يا همس. إنتِ مكنتشي مطرة تشوفي ده كله ولا تستحملي كل ده. أنا آسف أوي. همس هزت راسها: لأ. مالك. أنا عشانك أستحمل أكتر من كده. متقولش كده تاني. أنا وإنتِ واحد. منقدرش نبعد عن بعض.

أنا بس كنت بشوف جزء من اللي إنت بتشوفه. مالك بص في الأرض: أهيب مات. همس باستغراب: مش ده ابن عمك؟ مالك هز راسه. وحكى لهمس كل حاجة. عن موت أهيب وخطته في اكتشاف الحقيقة وأكمين وأبين. همس دموعها نزلت على حزن مالك وحضنته. خلاص يا مالك. انسى. انسى كل حاجة. وابدأ حياتك من جديد. ابعد بقا عن الدم. وابعد عن المملكة. مالك بحزن: خلاص. أنا مش هنزل المملكة تاني. كفاية بقا. همس حطت إيديها على خدود مالك ومسحت دموعه. خلاص بقا أرجوك.

مالك دموعه نزلت: أنا خسرت كل حاجة. حتى خسرت بابا يا همس. خلاص مفضلش غيرك في حياتي. إنتِ بس. خسرت كل حاجة. أرجوكي متسبنيش. أنا لو خسرتك. مش هقدر أعيش. هموت. همس حطت إيديها على شفايف مالك ودموعها نزلت. متقولش كده يا مالك. أنا مقدرش أبعد عنك. أنا. أنا بحبك. همس قربت من مالك وباست خدوده وعيونه الاتنين. بحبك يا بابا ويا حبيبي ويا جوزي وأخويا وكل ما أملك في دنيتي. مالك قرب من همس جامد وحط إيده الاتنين على خدودها.

وشفايفهم اتقابلوا في بوسة عميقة. بتحكي عن كل الأوجاع اللي شافوها. بتحكي عن كل الألم واللحظات الحزينة اللي مروا بيها. عن الضغط والصبر اللي تعبوا منه. وقضوا مع بعض أوقات ولحظات بتنسيهم واحدة واحدة آلامهم وأحزانهم. ياسين بضيق بيتكلم في التلفون. يعني إيه اختفي. ياسين بضيق: أقلبوا عليه الدنيا. إزاي خالد يختفي كده مرة واحدة. أمال هيسيب العز والفلوس والشركات دي لمين. عايز في ظرف ٢٤ ساعة أعرف أخبار عن خالد.

ياسين قفل التلفون. طيب يا خالد. أنا هوريك لما أشوفك. ياسين كمل بضيق: كده أنا هكمل انتقامي بنفسي. حاضر يا مالك. أنا هدمر الغابة وبأيدي. الشمس نورت دنيا أبطالنا. مالك فتح عيونه بنعاس. وبص لهمس اللي في حضنه وابتسم بعشق. وقرب من خدها وطبع بوسة رقيقة عليه. فضل يبصلها ويتأمل ملامحها الجميلة. ملامحها اللي محفورة في عقله وقلبه. همس فتحت عيونها بنعاس. وبصت لمالك بابتسامة ونعاس. صباح الخير. مالك بعشق: صباح النور يا همسة قلبي.

همس بصت لمالك بابتسامة حب. أحسن دلوقتي. مالك باس أيديها بحب. أحسن كتير أوي. خلاص ميهمنيش في الدنيا دي كلها غيرك. أنا عايش دلوقتي عشانك. همس بسته من خده. خلاص ننسى بقا اللي فات ونبدأ من جديد. مالك هز راسه بابتسامة. طيب يلا بقا قومي جهزيلي الحمام. وأخرج ألاقي الفطار جاهز. همس بغيظ: لأ بص مش ننسى أوي يعني. ننسي اللي ربع. مالك رفع حاجة: قومي يابت جهزيلي الحمام. همس بغيظ: إنت عارف. أنا مني لله. مالك ضحك بحب وحضن همس.

كلنا منا لله يا قلبي. همس ضحكت بحب. ياسين بيتكلم في الفون بصدمة. إيه. مات. ياسين باستغراب: وأخته فين دلوقتي. ياسين قفل: ميهمنيش كتير إذا مات أو عايش. اللي أنا عايزه هيتنفذ. بعد كام ساعة. ياسين ورجالته وقفوا قدام الغابة. ياسين نزل من عربيته هو ورجالته. ياسين بص لهم: ابدأوا. الرجالة بقت تاخد جراكن بنزين. وترش على حدود الغابة الأشجار كلها اللي على الحدود. ياسين رن على رقم: ابدأوا.

طيرتين هيليكوبتر بقوا يطيروا فوق الغابة ويرموا في قلبها متفجرات وبنزين. لغاية ما اتأكد إن الغابة كلها بقى فيها متفجرات وبنزين. في المملكة. الحراس جريوا لأبين. إيها الملك. إيها الملك. أبين بص لهم بقلق. ماذا يوجد. الحراس بقلق: البشريون يقومون بقذف ماء رائحتها غريبة. وأدوات أغرب. لا نعرف ما تلك الأدوات. أبين بجمود: جميع حراس المملكة يأتون خلفي.

أبين قام بسرعة وهو وحراس المملكة كلهم وخرجوا من المملكة وطلعوا على أرض البشر. ياسين بابتسامة شر ركب عربيته ومشي هو ورجالته. الهيليكوبتر رمت في الغابة قنبلة. وفجأة بوووووووم. والنار بقت تاكل في كل الغابة والمتفجرات بقت تنفجر في الغابة. وأبين والحراس اللي معاه ماتوا بسبب النار والمتفجرات اللي في كل مكان. بعد كام ساعة. الغابة كلها صفت. الأشجار بقت عبارة عن فحم. مبقاش فيه ولا ورقة خضرة واحدة.

الغابة كلها بقت سودة كل حاجة النار أكلتها. مالك وقف قدام شركته بعربيته وهمس معاه. مالك نزل هو وهمس وأديهم في إيد بعض وطلعوا الشركة تحت تحيات الموظفين اللي استغربوا وجود مالك وبقوا يسلموا عليه بحرارة. مالك دخل مكتبه هو وهمس. همس بفرحة وضحك: يااااه. الشركة وحشتني بشكل. مالك قعد على مكتبه بابتسامة. مش أكتر مني. الباب خبط ووائل دخل بابتسامة. نورت شركتك يا مستر مالك. مالك بابتسامة: شكرًا يا وائل. وياريت مالك بس.

إنت زي أخويا الصغير. وائل بابتسامة: وأنت زي أخويا الكبير بالظبط. ربنا يعلم أنا بعز حضرتك قد إيه. مالك هز راسه: شكرًا يا وائل. زي ما قولتلك. مالك بس. وائل بتأكيد: أكيد حاضر. نور خبطت ودخلت بضحك. وأنا بقول الشركة منورة كده ليه. همس ضحكت: أنا عارفة إن نوري غطى على الكل. فجأة النور قطع. مالك لف عيونه بغيظ: باين. الكل ضحك. همس بغيظ: إنتوا بتضحكوا على إيه. دي مجرد صدفة. فاطمة فتحت النور تاني وضحكت. همس بغيظ: كده يا فاطمة.

فاطمة بضحك: أصل لقيتك واثقة في نفسك أوي. فاطمة بتذكر: صحيح. عرفتوا آخر الأخبار. الكل بص لفاطمة بتركيز. فاطمة كملت: الغابة كلها ولعت. مالك وقف بصدمة: إيه. همس بصتلها بصدمة: الغابة؟!!!! مالك خرج من مكتبه بسرعة ونزل من الشركة تحت استغراب نور وفاطمة ووائل. همس نزلت جري ورا مالك. مالك ركب عربيته ولسه هيتحرك. لقى همس ركبت جنبه وبصتله. مالك اتحرك بسرعة العربية كلها واتجه للغابة. في ظرف نص ساعة وقف قدام الغابة. ونزل بصدمة.

همس نزلت ورا مالك والصدمة مرسومة على وشها. مالك دخل الغابة هو وهمس تحت صدمتهم. كل حاجة متفحمة. كل حاجة النار أكلتها. حتى الشجرة المسؤولة عن فتح سرداب المملكة اتحرقت وبقت عبارة عن فحم. مالك مسك الغصن المسؤول عن السرداب. أول ما لمسه الشجرة كلها وقعت على الأرض. مالك نزل على ركبته بصدمة وقال بخفوت: بابا. همس حطت إيديها على كتف مالك وعيونها لمعت بدموع. مالك دموعه نزلت: بابا. همس دموعها نزلت. مالك

بصوت هز المكان كله وبعياط: باااااااااباااااااااا. همس حطت إيديها على بؤها بدموع ونزلت على ركبتها جنب مالك. ومسكت إيده جامد. مالك عيط بكل صوته. وكل شريط حياته مع أبوه وعيلة أبوه بيمر قدام عيونه. حتى شريط حياته مع سلمى بيمر قدامه. أهيب وأكمين وأرار وهامين وراميم. كل واحد من عيلة باباه بيمر قدام عيونه. عياط مالك زاد. همس حضنت مالك بعياط: أرجوك يا مالك أهدي. أبوس إيدك. أهدي عشاني. مالك رفع راسه وعيونه محمرة.

والغضب مرسوم على وشه: مين المسؤول عن موتهم. مالك بعد عن همس ووقف: مين المسؤول عن موتهم. مالك بص لهمس بغضب: المسؤول عن موتهم البشر. إنتوا المسؤولين عن موت عيلتي. إنتوا. همس بصت لمالك بصدمة: ما… مالك. مالك بيقرب من همس بخطوات بطيئة والغضب مالي وشه وعيونه اتحولت للأسود: أيوا. البشر. إنتوا. بابا وعيلتي ماتوا بسببكم. همس بترجع لورا بخوف: مالك. إنت بتقول إيه. فوق يا مالك وأرجع لوعيك. عارفة إن الصدمة مسيطرة عليك.

بس لازم تتخطاها. مالك في لحظة كان قدام همس. ومسكها من رقبتها: إنتوا السبب في موت عيلتي. همس حطت إيديها على إيد مالك بخنقة ووشها أحمر: ما… مالك… لاااء. مالك داس على سنانه بغضب. وشاف عربية ماشية من بعيد على طريق الغابة. رمى همس على الأرض وفي لحظة راح للعربية دي. همس وقعت على الأرض وفضلت تكح جامد. وبتحاول تتنفس. وقفت بصعوبة وبتدور بعيونها على مالك. اتصدمت لما لقت مالك واقف قدام عربية.

العربية لقت واحد واقف على الطريق قدامهم أضطرت توقف. مالك في لحظة طلع اللي سايقها ومسكه من رقبته: إنتوا البشر السبب في موت عيلتي. الأطفال ولاد الراجل نزلوا برعب وبيعيطوا على باباهم. ومرات الراجل نزلت تحت رجل مالك وبتترجاه يسب جوزها. همس جريت وراحت لمالك بعياط: لأ يا مالك. لأ. فوق يا مالك. إنت بتعمل إيه. مالك دايس على سنانه وعيونه مسودة. وماسك الراجل من رقبته اللي وشه أحمر جامد ومش قادر يتنفس. همس بعياط: يماااالك.

حرام عليك. أرحمه. افكر ربنا يماالك. الراجل ده ذنبه إيه. حرام عليك يا مالك. هما اللي كانوا بيقتلوا في البشر. شوف هما ماتوا كام واحد مننا. كان مصيرهم الموت. أكيد ده كان آخرتهم. يمالك حرام عليك. الراجل عنده أطفال وعيلة بتحبه وبتخاف عليه. ولو مات هما هيتيتموا. مالك بدموع: هما مولودين كده. ده غريزتهم. همس بدموع: طيب وإحنا ذنبنا إيه. حرام عليك يا مالك سيب الراجل. هما قتلوا آلاف مننا. بل ملايين مننا يا مالك.

مش ربنا قال من قتل يُقتل ولو بعد حين. يماااالك ابوس إيدك سيب الراجل. مالك دموعه نزلت. وأيده ارتخت وساب الراجل. الراجل وقع على الأرض وفضل يكح جامد. وبيتنفس بصعوبة. مراته وعياله جريوا عليه بعياط. الراجل بص لمالك بخوف وخد عياله ومراته في حضنه. همس بعياط: بسرعة امشوا من هنا. يلا خد عيلتك واهربوا. مراته وعياله سندوه بسرعة وركبوا عربيتهم. الراجل ساق عربيته وجري بيها. مالك نزل على ركبته ودموعه بتنزل. همس قربت من مالك بخوف.

لغاية ما وقفت قدامه وحضنته بعياط. مالك عيط في حضنها جامد. بيعيط بصمت. همس حضناه جامد ودموعها بتنزل جامد. ياسين قاعد في شقته وبيضحك وبيحتفل مع رجاله وبيشرب خمرة. فجأة الباب خبط جامد. راجل من الرجالة فتح الباب. شاب دخل جري لياسين وهو بيتنفس بصعوبة: ياسين بيه. البوليس في المنطقة وبيدور عليك. حد بلغ من المنطقة إنك الظابط الهربان. ياسين قام بصدمة وغضب: مين بلغ عليا. ياسين نزل بسرعة. ولسه هيركب عربية.

الظابط رفع السلاح عليه: أي حركة هتموت فيها. ياسين حط إيده في جيبه. وبسرعة طلع سلاحه وضرب الظابط بنار. الظابط خد الطلقة في كتفه وبسرعة ضرب بنار على ياسين. الرصاصة جت في نص راسه ووقع على الأرض ومات. عدى شهرين. مالك فتح عيونه واحدة واحدة وهو على سريره. بقاله شهرين في أوضته ومش بيخرج منها. ولا بيروح الشركة ولا بيتحرك من أوضته. وائل ونور وفاطمة بيزوروه من الفترة للتانية. ولكن هو مبيخرجش من الحالة اللي هو فيها.

لقى همس دخلت الأوضة بابتسامة واسعة. صباح الخير. مالك هز راسه بهدوء. مالك دموعه نزلت ومسك إيد همس وبصوت مهزوز: أنا… أنا آسف. سامحيني يا همس. همس دموعها نزلت ومسحت دموع مالك: لأ يا مالك متقولش كده. أنا مسامحاك. أنا مستحيل أزعل منك. مالك دموعه بتنزل جامد: كنت مصدوم. مصدوم من موت أهلي. دول أهلي وعيلتي يا همس. فجأة كده خسرتهم. أنا آسف. سامحيني. أرجوكي سامحيني. همس هزت راسها لأ بدموع: أهدي أرجوك. أنا مسامحاك.

إنت حبيبي يا مالك. إنت كل حاجة في حياتي. مالك حضن همس بعياط. أوعدك. بوعدك إني هنسى إني نصي منهم. أنا بحبك يا همس. بحبك ومستحيل أأذيكي. خلاص أنا من البشر. مش عالمي يا همس. العالم بتاعهم. خلاص مش عالمي. أنا من البشر. همس بتهز راسها بابتسامة وسط دموعها وبتمسح دموعه. مالك بدموع: خلاص إنت كل حياتي. إنتِ عيلتي. إنتِ أهلي. همس بتهز راسها بدموع وابتسامة: إحنا الاتنين عيلتك يا مالك. مالك بص لها باستغراب وسط دموعها.

همس ابتسمت وحطت إيديها على بطنها. مالك بص لها بصدمة وحط إيده على بطنها. ساعتها حس بنبض الجنين بسبب قوته وقال بابتسامة وسط دموعه: حامل. همس هزت راسها بدموع. مالك براحة مسح دموعها وحضنها: إنتوا عيلتي. إنتوا أهلي. كنت على طول بقولك. مش عالمي يا همس. لازم تتأكدي. إنه مش عالمي. لم يكن عالمي. كانت قصة مختلفة بنسبالي. حبتها وكنت بعيش كل أحداثها. أتمنى تكونوا بتحسوا نفس إحساسي. في رعاية الله.