رواية لم يكن عالمي الفصل الثالث والثلاثون 33 - بقلم شيماء شاكر

مد إيده ليها: تعالي هاتى أيدك. ريم مدت أديها ولاكن المسافة كبيرة وأديها مبتوصلش لبعض. هو بصوت عالي: قربي... تعالي... أنا بحاول أجيلك... قربي يا همس... قربي يا همس... قربي يا همس. مالك وريم قاموا مفزوعين من حلمهم وقالوا في نفس اللحظة: همس! مالك قعد على سريره، نفسه عالي، وقلبه بيدق بسرعة، والعرق نازل من جبينه. رجع شعره لورا بتوهان: من دي همس؟ مين تكون؟ مين؟ مالك بتوهان: إيه اللغة دي اللي كنت بتكلم بيها؟ مالك

حط إيده على راسه بألم: مين تكون همس؟ أبين دخل جناح مالك بسرعة وقعد جنبه بقلق: مالك، مالك مالك؟ مالك بص لأبوه بتوهان: مين دي همس يا أبي؟ مش قادر أتذكر... رأسي بيوجعني أوي... كنت... كنت بتكلم بلغة غريبة... إيه اللغة دي؟ مين همس؟ مين تكون همس؟ أبين اتصدم وقلق إن مالك افتكر اسم همس. أبين حاول يظبط أعصابه، خد مالك في حضنه: اهدأ يا ابني، ده مجرد حلم. مالك

بعد عن حضن أبوه بانفعال: لا مش مجرد حلم. من سنتين وأنا بحلم بالبنت دي، بس مش قادر أشوفها، المسافة كبيرة بينا. عرفت إن اسمها همس، بس مين هي همس؟ مالك مسك إيد أبين بترجي: بتوسل إليك يا أبي قل لي، مين هي همس؟ أرجوك، عايز أعرف، مين هي البنت دي. أبين وقف بضيق: قلت لك مش عارف مين هي همس، مش عارف. مالك وقف بضيق وبص لأبوه شوية وبعدها سابه وخرج. أبين بضيق: مالك، توقف! مالك!

مالك مردش على أبوه وخرج من القصر ومن المملكة كلها وطلع على أرض البشر. مالك بقى يجري في الغابة، أسئلة كتير بتيجي في باله وهو معندوش أي إجابة ليها. وقف مرة واحدة ونزل على ركبته بخنقة: مين هي همس؟ مين دي همس؟ مالك بعلو صوته: همس! في نفس الوقت... ريم قامت مفزوعة من حلمها وبتحاول تاخد نفسها. حطت إيديها على راسها وقالت بخفوت: همس. ريم قامت بتوهان وخرجت من أوضتها وسندت على الباب. فاطمة شافتها

وقامت بسرعة راحت لها: مالك يا ريم؟ أنا لقيتك دخلتي أوضتك، سبتك تنامي شوية. فاطمة استغربت حالتها: الحلم بردو؟ ريم بصت لفاطمة وعينيها بتلمع بدموع: همس. فاطمة بصتلها باستغراب: مين همس؟ ريم ابتسمت وبصت في الأرض وقالت بخفوت: أنا اسمي همس. فاطمة مش سامعة ريم: بتقولي إيه؟ همس ضحكت وبصت لفاطمة: أنا افتكرت اسمي، أنا اسمي همس. فاطمة ابتسمت باستفهام: بجد؟ اسمك همس؟ همس هزت راسها

ومسحت دموعها اللي نزلت: هو قال لي قربي يا همس، أنا اسمي همس يا فاطمة، أنا اسمي همس. خالد دخل من باب شقتهم على كلمة همس، قرب منهم باستفهام: مين اللي اسمها همس؟ همس بصت لخالد بفرحة: أنا اسمي همس يا خالد، أنا اسمي همس. خالد ابتسم: افتكرتي؟ همس هزت راسها: هو قال لي قربي يا همس. خالد باستغراب: مين اللي قال لك قربي؟ همس بصت في الأرض: اللي بشوفه في أحلامي كل يوم، قال لي قربي يا همس. خالد ابتسم بهدوء: اسمك جميل يا همس.

همس ضحكت بخفوت. فاطمة بضحك: أخيرا افتكرتي حاجة، شفتي بقى وش الراجل اللي بيجيلك في أحلامك؟ همس بضيق: لأ بردو مشوفتهوش. فاطمة بغيظ: كاريزما قوي الراجل ده. همس ضحكت على كلام فاطمة. خالد بابتسامة: بمناسبة إنك افتكرتي اسمك يا... همس قاطعته بابتسامة واسعة: يا همس، بعد كده قولوا لي يا همس. خالد بابتسامة: ماشي يا همس، يلا أنا عازمكم على العشاء. فاطمة بغيظ: عمرك ما عملتها معايا على فكرة.

خالد حط إيده على كتف أخته: بصي يا قلبي، انتي فاطمة، لاكن هي همس، تفرق. فاطمة هزت راسها بغيظ وبصت لهمس اللي بتكتم ضحكتها: أقنعني. همس ضحكت هي وخالد. خالد بابتسامة: أنا هستناكم تحت على ما تجهزوا. خالد نزل، وفاطمة وهمس لبسوا ونزلوا. هي صحيت على ألم في بطنها، حطت إيديها على بطنها بألم، وحست بوجع في آخر ضهرها. حاولت تتماسك وبتنام تاني، ولاكن الوجع زاد، ومبقتش قادرة تتحمله، والعرق بقى يلمع في جبينها. هي بخفوت: أحمد...

يا أحمد. أحمد اتقلب بانزعاج: همم. هي بتعب جامد: قوم يا أحمد أنا تعبانة. أحمد اتقعد بقلق: مالك يا مي؟ مي بتعب وبدموع: مش قادرة، شكلي بولد. أحمد قام بسرعة وفتح النور لقي مي مراته وشها محمر ودموعها نازلة. أحمد جري لـ مي: متأكدة المرة دي إنها ولادة؟ مي هزت راسها بعياط: آه، مش قادرة. ماما أحمد خبطت على بابهم. أحمد راح فتح الباب. ماما أحمد جريت على مي: انتي كويسة يا حبيبتي؟ مي بعياط: مش قادرة يا ماما، مش قادرة.

ماما أحمد بصت لأحمد بزعيق: انت لسه واقف؟ مراتك بتولد، يلا لبسيها معايا. أحمد ومامته بقوا يلبسوا مي وخدوها ونزلوا، وراحوا على المستشفى. أحمد رايح جاي بتوتر وهو سامع صريخ مراته. ماما أحمد بصة لأحمد بابتسامة صغيرة. أحمد بص لمامته، وبعدها بص الناحية التانية بضيق. وفاجئه صريخ مي سكت.. وأبتدا صريخ الطفل يظهر: واء واء واء.. أحمد ضحك بفرحه لما سمع صوت عياط النونو.. الدكتوره خرجت بأبتسامه

ومعاها الطفله وراحت لأحمد: ألف مبروك ربنا رزقك ببنوته زي القمر.. أحمد ضحك بخفوت وشال بنته بفرحه: نورتي الدنيا يا أحلي همس في الدنيا.. ماما أحمد راحتله بفرحه وبتمد أديها تاخد النونو. أحمد بعد أيده عنها بضيق: لاء كفايه.. همس أختفت بسببك.. مش هسمحلك تأذي بنتي.. زيك ما أذيتي أختي وبعدتيها عني.. ماما أحمد دموعها نزلو: حرام عليك.. انا كل يوم من سنتين دموعي مبتنشفش على بنتي.. خليني على الاقل أحسها في بنتك..

أحمد بعد ببنته أكتر: لاء انت هتبعديها عنى.. انت هضيعيها زي ما ضيعتي أختى.. أحمد ساب أمه ودخل لمراته وأعد جنبها بأبتسامه. مي أبتسمت بحب وباست الطفله من خدها وبعدها بصت لأحمد: هتسميها أي.. أحمد بأبتسامه: همس.. همس بتقلب في الطبق اللى قدمها بسرحان.. وتفكرها كله منحصر في حلمها.. خالد بص لهمس: همس.. يا همس.. همس بصتله: هممم.. خالد: هممم اي! انا بقالي حبه بناديلك..

همس أبتسمت: لاء انا معاك أهو.. هو بس عشان الاسم جديد عليا.. خالد أبتسم: عايزك تهدي خالص ومتفكريش في أي حاجه.. وزي ما افتكرتي اسمك.. أكيد هتسترجعي كل ذكرياتك.. الموضوع بس محتاج الصبر. همس هزت راسها بأبتسامه خفيفه.. خالد كمل: بس اوعي تنسينا بعد ما تفتكري.. همس أبتسمت: مستحيل.. انا عمري ما هنسا جملكم عليا.. انتو مش بس انقذتو حياتي.. انتو كمان اتحملتوني معاكو سنتين..

خالد: اي اتحملناكي دي.. خلاص انت بقيتي قريبه مننا اووي.. فاطمه بملل: تيرا را را را.. خالد وهمس بصو لفاطمه بستفهام. فاطمه بملل: حاسه انكو عايزين اتنين لمون وشمسيه وبحر وكده.. همس ضحكت: انت مجنونه.. خالد زي اخويا بظبط.. خالد ملامحه اتبدلت للضيق وقام وقف. همس بصت على خالد باستغراب.. خالد: احم انا هروح الحمام.. همس هزت راسها. خالد مشي بضيق.. فاطمه بصت لهمس: انت فعلآ بتعتبري خالد اخوكي.. همس باستغراب: اكيد..

فاطمه كشرت وبصت في الارض. بعد شويه وقت. كان خالد بيسوق عربيته بضيق وفاطمه جانبه.. وهمس قاعده على الكنبه ورا.. همس بصت من الشباك بضيق وقالت في نفسها: مش لازم ارد الجميل بجوازي وحبي ليك يا خالد.. ايوا انتو ليكو فضل عليا.. بس متهيألي مش لدرجة الحب والجواز.. مالك واقف على غصون الشجره العملاقه وبيتفرج على العربيات والبشر.. وتفكيره كله في البنت اللي بتجيله في أحلامه.

مالك بتفكير: ولاكن مهلآ.. صوت همس يشبه صوت تلك الفاتنه اللي كنت مقبل على ارتشاف دمائها.. مالك افتكر عيونها ووشها وجمالها.. مالك ابتسم شويه وبعدها كشر: اقسم ان تلك الفاتنه ساحره.. بأمكانها ان تسحر أي احد بعيونها. مالك نزل من على الشجره بسرعه رهيبه.. وفضل يتمشي في الغابه لغايه موقف على حدود الغابه. شاف عربيه ماشيه على طريق الغابه وبنت مخرجه راسها من الشباك بسرحان.. مالك بذهول: انها تلك الفاتنه..

همس شافت مالك واقف قدام الاشجار دخلت راسها بسرعه بخوف: ياماما.. ده العفريت اللي قتل فارس.. خالد بص لها في المرايه: مستحيل.. هما مبيخرجوش من الغابه.. ولا بيقفوا على حدودها.. همس بصت له في المرايه: بس انا شوفته. خالد بضيق: اكيد بيتهيألك. همس ربعت ايديها بتكشيره فاجئه افتكرت: قولتلك ميت مره مبحبش التكتيفه دي.. همس بصت حواليّها بزهول..

مالك باصص على عربيه خالد فاجئه خرج بره الغابه وجري بسرعته كلها.. وبقى بيجري جنب عربيه خالد. همس مغمضه عيونها وحاسه بنسمه ساقعه.. بس بتقول لنفسها اكيد من سرعه العربيه. مالك عمل ثقب في خزان بنزين العربيه.. والبنزين بقى ينزل من الثقب ده. خمس دقايق وعربيه خالد وقفت. خالد بستغراب حاول يدورها بس مفيش. همس وفاطمه بصو لخالد بخوف. همس بلعت رقها: في أي.. خالد بص لهم: محدش ينزل من العربيه.. وانا هنزل اشوف في أي..

فاطمه وهمس بصو لبعض بخوف.. فاطمه بخوف: خالد متنزلش.. خالد: وبعدين.. نفضل واقفين كده.. متقلقيش هما مبيخرجوش من الغابه.. خالد نزل وبيفتح كبوت العربيه.. مالك واقف بعيد نسبيآ وبيرقبهم.. قرب بهدوء من العربيه وبص لهمس.. خالد رحلهم تاني بيأس: البنزين خلص.. همس وفاطمه بصو لخالد بخوف. همس بخوف: يعني أي.. هنفضل هنا كتير..

خالد بضيق: لاء طبعآ انا هتمشي قدام شويه لحد ما الاقي عربيه توصلنا وهرجع لكم تاني.. أهم حاجه اقفلوا على نفسكم العربيه.. فاطمه بخوف: خالد انت هتسيبنا هنا لوحدنا.. خالد بتفكير: مش هتأخر.. همس فتحت الباب ونزلت: والله ما يحصل.. انا رجلي على رجلك.. فاطمه نزلت: وانا كمان.. انت بتهزر عايز تسيبنا هنا لوحدنا.. خالد اتنهد بيأس: خلاص تعالو معايا.. خالد قفل العربيه. والتلاته مشيوا جنب بعض. مالك قرب منهم جامد..

خالد بص لهمس: متخفيش انا معاكي.. همس ابتسمت ربع ابتسامه.. وهي مرعوبه. فاطمه مسكت في ايد اخوها جامد. مالك بسرعه مسك همس وحط ايده على بؤها وجري بأقصى سرعه ليه.. لدرجه ان خالد وفاطمه محسوش بيه.. همس بتصرخ بس صوتها مش بيطلع بسبب ايد مالك.. مالك دخل الغابه بهمس وسندها على الشجره وهو حاطط ايده على بؤها وباصص في عيونها. همس بصت في عيون مالك برعب وعيونها لمعت بدموع..