رواية لم يكن عالمي الفصل الرابع والثلاثون 34 - بقلم شيماء شاكر

مالك بسرعه رهيبه دخل الغابه بهمس. وسند ضهرها على الشجره وهو حاطت أيده على بؤها وباصص في عيونها. همس بصت في عيون مالك برعب وعيونها لمعت بدموع. مالك غمض عيونه وخد نفس عميق شم فيه ريحتها. أبتسم بجانبيه وقال بخفوت: ريحت دمائك شهيه. همس دموعها نزلت وهي مش فاهمه من كلامه أي حاجه. وصورة فارس قدام عيونها. وأقتنعت إن مصيرها زي مصير فارس ومافيش مفر. مالك شال إيده من على بؤها ومسك إيديها الاتنين بإيد واحده. ورفع إيديها لفوق.

وأنيابه ظهرت. همس غمضت عيونها جامد وعياطها زاد برعب. وبصوت خافت: أرجوك. أنا مش عايزه أموت. أبعد عني. أبوس إيدك. سيبني في حالي. مالك بص لها شويه ومش فاهم كلامها. بس لامس خوفها. نفض أفكاره من دماغه. وقرب أنيابه من رقبتها. همس حست بأنيابه. عياطها زاد أكتر وشهقتها زادت: لااااء. أرجوك. لااااء. أنا مش عايزه أموت. أرجوك. أرحمني. لااااء. مالك داس على سنانه بضيق. هو مستغرب ليه مش قادر. ليه مش قادر يستعمل غريزته.

ليه فيه حاجة جواه بتمنعه. مالك بعد عنها وقبض إيده بغضب وضرب الشجرة بقبضة إيده لدرجة إن الشجرة العملاقة اتهزت. وبصوت عالي: لمااااذا. همس كشت في نفسها وصرخت برعب. مالك نفسه داخل خارج بعنف وباصص لهمس. همس أول ما سابها جريت. فضلت تجري وهي بتعيط وبتنادي بعلو صوتها: خااالد. ألحقووووني. ياااخاااالد. همس خبطت في حاجة صلبة صرخت بفزع وبصت برعب لمالك اللي مبتسم بجانبيه. همس لفت وبتجري تاني. مالك في لحظة كان

عندها ومسكها تحت صريخها: لا. لن أتركك. لقد أصبحتِ ملكي. فاطمة مسكت إيد أخوها جامد بخوف. خالد ابتسم وطبطب على إيديها يطمئنها. بيبص جنبه ملقاش همس. خالد وقف مرة واحدة وبقى يبص حواليه بصدمة: همس!!! فاطمة بصت حواليها وبعدها بصت لخالد برعب: همس فين. خالد لف حوالين نفسه كذا مرة وبعدها بص لفاطمة: فين همس. همس فين يا فاطمة. فاطمة بلعت رقها برعب بتهز راسها لا. خالد القلق بقى ياكل في قلبه ونادى بعلو صوته: همس. ياااهمسسس.

مالك مسك همس من وسطها تحت صريخها وعياطها وبقى متجه للسرداب. همس بصريخ: لاااء. أبعد عني. خاااالد. خاااالد. مالك بضيق: اصمتي. لا أحد سينجدك مني. همس بصريخ: خااااااااالد. خالد سمع صريخ همس خارج من الغابة. من غير تفكير جري بسرعته كلها ودخل الغابة وبينادي عليها برعب: همسسسس. مالك وهمس سمعوا صوت خالد. مالك بص لهمس بصدمة: همس!!! همس بعياط صرخت بصوتها كله: خاااااااااااالد. خالد بيجري في الغابة ما بين الأشجار: همسسسسسس.

مالك قال في نفسه بصدمة: إنها تنادي همس. هل يعقل أن تكون تلك. فتاة أحلامي. خالد وقف قصاد مالك وهمس. وبلع ريقه بخوف من مالك. همس بعياط بصت لخالد: خالد. متسبنيش. مالك غمض عيونه جامد بألم في راسه. وصور مش واضحة بتظهر قدامه: مالك متسبنيش. همس لازم تتأكدي إنك أغلى منى عندي. أنا بحبك. أنا مهووس بيكي. قولت لك ميت مرة مبحبش التكتيفة دي. أنا مستحيل أئذيكي. صدقيني مش عالمي. همس بعياط ورعب بتحاول تشد إيديها من قبضة مالك.

مالك ساب إيديها وحط إيده الاتنين على راسه بألم: اااااااااه. همس جريت ورا ضهر خالد بعياط ورعب. خالد بص لمالك وشايفه بيتألم قدامه. خالد بقى عمال يبص حواليه. همس بتشد في خالد بعياط: يلا. يلا خلينا نجري من هنا. خالد لقى غصن شجرة كبير واقع على الأرض. بسرعة خد الغصن ومتجه لمالك بحذر. همس بعياط بتشد في خالد: لاء يا خالد. لاء. خالد شد نفسه منها ومتجه لمالك. مالك حاطط إيده على راسه بألم ونزل على ركبته: ااااه. رأسي.

همس بعياط: خاالد. لاااء. خالد وقف جنب مالك ورفع الغصن ينزل بيه على دماغ مالك. همس بعياط وبصريخ: لاااااء. خاالد لااااء. ماااااااالك. خالد بسرعة نزل بالغصن على راس مالك. ولكن قبل ما يوصل لراسه. مالك مسك الغصن وبص لخالد بعيون متحولة. خالد بلع ريقه برعب ورمى الغصن وجرى لهمس. همس حطت إيديها على راسها بألم وبستغراب. مين مالك. خالد مسك إيد همس ولسه هيجري. لقى أهيب في وشه. لف ولسه هيجري لقي أرار في وشه.

خالد بلع ريقه برعب ولف. لقى أبين اللي ابتسم بشر في وشه. خالد قلبه دق برعب وخد همس في حضنه. التلاتة. أهيب وأرار وأبين بيقربوا منهم بابتسامة شر. همس عياطها زاد: لاء أرجوكم. لااااء. أبين مسك همس تحت صريخها. وأهيب مسك خالد تحت مقاومته. مالك شايفهم ودايس على سنانه بغضب وبيردد: هم غذاء لنا. إنهم مجرد غذاء لنا. اهدء مالك. أبين بابتسامة شر باصص لهمس: سأقضي عليكي أيتها اللعنة. أبين عوج رقبة همس. همس بصريخ: لاااااء.

مالك عيونه اتحولت للأسود وفي لحظة جاب همس ورا ضهره وبص لأبين بضيق: بماذا أنت فاعل. لا لن يأذيها أحد. مالك بص لأهيب: اتركه. أهيب طنش كلام مالك واسه هينقض على خالد. مالك بسرعة ضرب أهيب وقعه على الارض وجاب خالد ورا ضهره: قولت لن يمسهم أحد. أبين بضيق: لما. أنهم مجرد غذاء لنا. أبين كمل بترقب: أليس كذلك! مالك بص لهمس اللي ماسكة في ضهره برعب وبعدها بص لأبوه: نعم أنهم مجرد غذاء لنا. ولاكن لن أدع أحد يأذيهم. إنها همس يا أبي.

أبين اتوتر بقلق: من. من تكون همس. مالك اتنهد بضيق: فتاة أحلامي. أقسم أنها تلك الفتاة. لذالك لن أدع أحد يأذيها. أرار لسه هيتكلم. أبين رفع إيده بضيق: هيا نعود أدراجنا. أهيب بص لعمه بصدمة: عماااه. أبين بانفعال: أتدرك ما أقوله. هيا. أبين خد أرار وأهيب ونزلوا المملكه. مالك بص لهمس وخالد. خالد بصله بقلق ومسك إيد همس وبيرجع بضهره لورا. مالك مبيديش أي رد فعل. باصص لهمس وبس.

همس بترجع لورا أثر حركات خالد وعيونها مش بتنزل من على مالك. بصاله بستغراب. خالد فاجأة جري بهمس. همس جريت مع خالد بتبص وراها ملقتش مالك. خالد وهمس فضلوا يجرو لغاية مخرجوا من الغابة. لقوا فاطمة قاعدة جنب عربية خالد وبتعيط جامد. خالد وقف وبص لفاطمة: فاطمة. فاطمة بصتله بصدمة وقامت جريت في حضن أخوها: لي. لي سبتني ومشيت. لي أنا كنت هموت من القلق عليك. همس بصت لهم شوية وبعدها بصت وراها على الغابة.

لقت مالك واقف على حدودها وبصصلها. همس نفسها ترحل. فيه حاجة بتشدها ليه. فضلت بصاله وفجأة فاطمة حضنتها وخرجتها من سرحانها: قلقت عليكي جامد. أي بس اللي دخلك الغابة. خالد بص لهمس بضيق: أنا عايز أفهم. انتي عايزة توصلي لأي. لي دخلتي الغابة. لولا ستر ربنا معانا. يعلم كان أي اللي حصل. مفكرتيش لو أنا مجتش وأنقذتك من المخلوق ده كان أي اللي حصلك. همس بصتله بستغراب بس معلقتش.

خالد كمل بأنفعال: بجد أنت مش طبيعية. مفكرتيش لو أنا كان حصلي حاجة أختي هتعمل أي من بعدي. طيب سيبك من كل ده. مفكرتيش انت كان هيحصلك أي لو أنا مرجحتلكيش وفكرت في نفسي وفي أختي. همس بضيق: مكنش هيحصلي حاجة. خالد بضيق: يا سلام. ده كانو هيعملو حفلة علينا. همس قاطعته بضيق: لو. خالد بستغراب: لو أي! همس بضيق: لو مكنش هو أنقذنا كنا هنموت. هو اللي أنقذ حيتنا. هو اللي سمحلها نهرب.

خالد بأنفعال: انت مجنونة. ده كان عايزنا ليه لوحده. همس بأنفعال: لااء مكنش سبنا نهرب. هو اللي دافع عنا. ولو مكنتش جيت وفكرت في نفسك انت وأختك. كان بردو هينقذني منهم. وهيسبني أهرب. همس كملت بضيق: على فكرة أنا مش بنكر فضلك عليا. ولا هنكر أنك فكرت فيا وخطرت بنفسك ودخلت الغابة عشانى. بس صدقني. لولا الشخص ده كان أنا وانت هنكون فعل ماضي. همس اتنهدت بضيق: معنديش حاجة أقولها غير شكرآ. شكرآ يا خالد إنك خطرت بحياتك عشاني.

همس مسحت دموعها، وبتبص وراها ملقتش مالك. اتنهدت بضيق ومشيت قدام فاطمه وخالد. فاطمه بصت لخالد بزعل: لي كده يا خالد. مكنش ينفع تزعلها كده. خالد اتنهد بضيق، ومشي هو وأخته ورا همس. همس ماشيه وحاسه بنسمة ساقعة ومتأكدة 100% إن هو صاحب النسمة دي. لفت أديها حولينها، وابتسامة خفيفة ظهرت على شفيفها. مالك ابتسم لما شاف ابتسمتها، وفضل ماشي معاها من غير ما حد يشوفه. خالد بقا عمال يشاور لأي عربية تعدي، ولاكن محدش بيقف.

خالد بضيق: روحلها يا فاطمه واتكلمي معاها. فاطمه هزت راسها لاء: سيبها شوية لوحدها. هي محتاجة ده. خالد بضيق: أحنا كده هنضطر نروح مشي. مفيش ولا عربية هتقف. فاطمه هزت راسها: طيب. فاطمه وخالد وهمس فضلوا ماشيين ساعة، لغاية ما الفجر قرب يأذن. وتقريبًا وصلوا على البيت. وطلعوا الشقة. همس لسه هتدخل أوضتها. خالد: همس. همس اتنهدت وبصت لخالد. خالد اتنهد بضيق: أنا كنت خايف عليكي. سامحيني لو انفعلت عليكي. همس

ابتسامتها موصلتش لعيونها: أنا مقدرة اللي حصل. متقلقش أنا مش زعلانة. بعد إذنك. همس دخلت أوضتها وقفلت وراها. قعدت على سريرها وفجأة حست بنسمة الساقعة. همس جسمها ارتجف ولفت أديها حولينها: أنا عارفة إنك موجود. بس الغريب إني مش خايفة منك. صدقني مش خايفة. مالك ابتسم وهو بيبصلها: لا أدرك ما تقولين. ولاكنى أعتقد أنك تتحدثين إلي وتخبربني إنك لستي خائفة. الرجالة بفرحة: حمدلله على السلامة يا باشا. نورت الدنيا بخروجك لينا.

هو ابتسم بجانبيه وقعد على الكرسي: مفيش أي أخبار جديدة. راجل من الرجالة اتكلم: ياباشا بصراحة أنا مش عارف أقولك إيه. بس متقولش الأرض انشقت وبلعته. بس أنا عرفت مكان البنت. هي فاقدة الذاكرة وقاعدة مع الدكتور خالد وأخته. وأهلها قالبين الدنيا عليها. ومبلغين أكتر من مرة على اختفائها. هو بابتسامة: انت متأكد إنه مش من ضمن الجثث؟

الراجل: أبداً ياباشا. الظابط حسام ورجالته. هما بس ضحية الانفجار. ولما روحت المستشفى من سنتين اتأكدت بنفسي إن هو والبنت مش من ضمن الجثث. وفي مكان الحادث فريق الإنقاذ نزلوا وبحثوا في المكان اللي ممكن يكونوا وقعوا فيه. بس ملقوش حتى جثثهم. هو بابتسامة جانبية: انت متأكد إن البنت اللي عايشة مع خالد وأخته. همس. الراجل: زي ما متأكد إني شايفك يا باشا. هو بابتسامة: يبقى متقلقش. أنا أقدر أجيبه بالبنت دي.

هو كمل بضيق ممزوج بشر: وساعتها هخليه يندم على غدره بيا. حاضر يا مالك. بكرة أخليك تقول حقي برقبتي. الرجالة ضحكت. ياسين ابتسم بشر. الشمس نورت دنيتنا أبطلنا. همس فتحت عيونها بنعاس. اتقلبت بكسل ونامت على جنبها. فتحت عيونها واحدة واحدة. مالك بمرح: مرحبآ. همس قعدت بفزع ولسه هتصرخ. مالك حط إيده على بؤها: أهدئي. أهدئي أيتها الثرثارة. همس بصتله شوية وبعدها نزلت إيده من على بؤها ولسه هتتكلم.

مالك قاطعها: لا تتحدثي لأنني لن أفهم منك شيئآ. ولاكن أريد أن أقول. إن قلبي يميل لكي. أشعر بمشاعري تتحرك لأجلك. أعلم أنكِ لا تدركي حديثي ولاكنى أردت أن أقول هذا. مالك سكت وبصلها. همس قامت من على سريرها وأدت لمالك ضهرها. وبتحاول متبتسمش: انت عارف كويس أوي إننا مش هنفهم كلام بعض. انت إيه اللي جابك هنا. لازم تمشي. همس بتلف ملقتش مالك. استغربت وبتلف تاني لقيته في وشها. همس رجعت خطوة لورا بخضة. رجليها اتكعبلت ولسه هتقع.

مالك بسرعة لف إيده حولين وسطها وقربها منه وبص في عيونها. همس ساندت إيديها على كتفه وبصت في عيونه اللي بتسحبها لبحر السواد اللي جواها. مالك ابتسم وقال بخفوت: إنك فاتنة. لقد أغرقتيني في بحر العشق. وأصبحت مهووساً بكي.