رواية لم يكن لي من البداية الفصل السادس 6 - بقلم زهرة اللوتس

فاطمة بغضب ضربته بالقلم. عدي بوجع، وكان حاطط إيده على خده، لأن أول مرة أمه تضربه. "عامل رهان وعلى مين؟ على اختك؟ خسارة تربيتي فيك! ماكنتش أعرف إنك بالوساخة دي كلها، بدل ما تحميها تراهن عليها؟ سيبت إيه للغريب ها؟ رد عليا! علاء بقرف: "مفكرها زيك؟ تعرف أنا اكتشفت إيه النهارده؟ إنك وسخ زي شهد بالظبط." عدي بغضب: "أنا مش زيها." علاء بغضب: "لأ، زيك ويمكن أكتر. اللي يراهن على كسر أخته يبقى وسخ، وأنت وسخ."

عدي بغضب: "جاي تلومني ليه؟ ها؟ بتلوموني ليه؟ هي قتلت عدي القديم، وانولد مكانه واحد تاني مفيش في قلبه رحمة. كانت مكسورة وأنت شايفها هي اللي قدامي في شمس، فكنت عاوز أنتقم وبس. اللي كان عاميني هو الانتقام. ولما فوقت لقيتك أجبرتني أخطب ليلى وأنا ما بحبهاش، والكل عارف بكدا. جاي تحاسبني ليه؟ ليه؟ إلهام مكلمتش. ومحمود فضل واقف مكانه. إلهام كانت خايفة من جنان شمس على عدي. شمس: "وأنت بكل سهولة قرنتيني بيها صح؟

ما قلتش دي تربيتي زي ما كنت بتقول دايماً؟ دلوقتي بقيت زيها صح؟ " وكانت بتتكلم بعصبية وزعيق. عدي بندم: "والله انتقامي هو اللي كان عاميني. سامحيني." شمس بسخرية وغضب: "أسامحك؟ بجد؟ أسامحك على إيه ولا إيه؟ ها؟ أنا بكرهك يا عدي. أنت من النهارده ميت بالنسبة ليا." الكلام نزل عليه كالصاعقة، وعلى الكل. عدي بدموع وصدمة: "انتي بتقولي إيه؟ ميت؟

شمس بقوة: "آآآآه، مش عاوزة أشوف وشك تاني في حياتي، ولا حتى أسمع صوتك، عشان ما دمرش الذكريات اللي كانت بينا." وسابتهم وخرجت. ركان: "شمس استني." وخرج وراها. محمود أخد إلهام ومشوا من غير ولا كلمة. فاطمة كانت بتبص عليها بغضب وعتاب: "أنا هروح أشوف نسمة." ومشيت. علاء بص له بقرف، وبص على علي وإيهاب بغضب وخرج. أبو ليلى: "يعني أنت مجبور على بنتي وما بتحبهاش ومش عاوزها؟ ولا هي كمان عاوزاك؟ " وخلع ليلى الدبلة وأداها ليه، ومشوا.

عدي كان حاسس نفسه في كابوس، مش عارف يخرج منه. إيهاب بسخرية: "قلت لك متدخلش مع ركان في حاجة. ركان مش سهل. أنت كان كل همك إنك تهزمه وبس، وأهو طبّلت على دماغك. شيل بقى." وسابه وخرج. علي: "بصله ومشي." الكل مشيوا من جانبه. عدي بدموع، وكانت كلمتها هي اللي بتتردد في باله: "ميت... ميت." عدي بغضب: "ركااااان! والله لأدفعك التمن غالي أوي."

عند شمس، كانت بتجري تحت وخرجت بره المستشفى كلها. وكانت في عربية هتخبطها، بس ركان لحقها في آخر لحظة. ركان بغضب: "انتي مجنونة؟ هتموتي نفسك؟ شمس بدموع وفضلت تضربه: "ابعد عني انت وهو زي بعض. كنت مراهن معاه عليا، على كسرتي؟ يا ركان، دانت أخويا الكبير." ركان خدها في حضنه بحنية: "لأ والله، أنا فعلاً راهنت معاه على إنه مش هيقدر يكسرك، وأنا النهارده جيت عشان أكشفه قدام الكل." شمس بدموع وهي في حضنه: "موجوعة أوي يا أبيه."

ركان بحنية: "على قلبي يا قلب أبيه. بس كان لازم إنه ينكشف عشان ما نفضلش مخدوعين فيه ونفضل نحبه." شمس: "بحبه، بحبه أوي. مش عارفة أنا قلت الكلمة دي إزاي أصلاً. أنا لساني نطقها وقلبي قال بعد الشر عليه." ركان: "ما يستاهلش ولله ما يستاهل. مش هو أخويا بس ما يستاهلش دمعة من عيونك تنزل عشانه." إيهاب جه جري عليهم: "شمس، انتي كويسة؟ شمس هزت راسها بمعنى لأ، وكانت بتعيط وهي في حضن ركان. إيهاب: "أنا آسف والله."

ركان: "اهدوا خلاص، أنا هنا وأنا اللي هقف له. المهم دلوقتي رد فعل عمو محمود هيكون إيه؟ شمس: "أنا خايفة أوي." ركان: "ما تخافيش، أنا اللي هتكلم معاه. بس أهم حاجة أيمن وأحمد ما يعرفوش حاجة، لأنهم مش هيسكتوا." علي كان وراهم بندم وحزن: "آنسة شمس." جه وقف معاهم. ركان كان بيبص عليه بغضب. علي بندم: "أنا آسف بجد." ركان بغضب: "لولا فكرتك السودة دي ما كانش حصل اللي حصل." علي بندم: "صدقني مكنش قصدي حاجة."

ركان: "ليك اختين، ينفع حد يجي يجرح واحدة فيهم بالطريقة دي؟ رد فعلك هيكون إيه؟ علي باندفاع: "أخلص عليه." ركان: "أخلي أحمد أو أيمن يخلصوا عليكم دلوقتي، لأنكم صحاب السوء بتوع البيه. لو بجد صحابه ما كنتوش طوعتوه في كدا." ركان خد شمس ومشي وسابهم الاتنين نادمين. ليلى راحت عند شهد وحكت لها اللي حصل كله. شهد بخبث: "أنا أظهر دلوقتي في حياته. هههههههه." ليلى: "أنا انتهت مهمتي بقا." المجهول: "لسه مهمتك منتهتش."

شهد: "أمال إمتى هتتنتهي؟ المجهول: "لما أنا أقول. دلوقتي الخطة 2." بس خلي بالك من ركان ده." ليلى: "باين عليه إنه عادي." شهد بسخرية: "عادي؟ دانتي اللي عادية. ركان ده هو اللي كشفني قدام الكل." ليلى: "قصدك إيه؟ بس مش باين عليه خالص." المجهول: "ركان ده هو الدرع الحامي للعيلة كلها." ليلى: "بس أنا مشفتهوش في الخطوبة، وبعدين ده باين صحاب عدي بينهم مشاكل." شهد: "أنتي ما تعرفيش ركان ده بيبقى مين." ليلى: "لأ، مين يعني؟

المجهول: "ركان ده يبقى أخو عدي الكبير." ليلى: "بس هو بيقولوا صاحبي." المجهول: "لأنهم كانوا إخوه وأصحاب لحد ما جه اليوم اللي اتفرقوا فيه وبقوا بيكرهوا بعض. وركان ده ساب البيت ومشي." شهد: "إيه اللي حصل بينهم خلاهم كدا؟ المجهول بشرود: "دلوقتي نفذوا اللي انطلب منكم وبس." ليلى وشهد: "أوكي." عند نسمة، كانت منهارة. دخلت عندها فاطمة. فاطمة بخوف: "مالك؟ ومحمود فين؟ نسمة بقهر ووجع: "طلقني." فاطمة بصدمة: "ليه؟

نسمة حكت لها اللي حصل. فاطمة بدموع: "أهو ربنا عاقبنا كلنا بذنب البت الغلبانة دي." نسمة: "مين؟ فاطمة: "شمس." نسمة: "مالها شمس؟ فاطمة حكت لها اللي حصل كله. نسمة بصدمة: "إيه القرف ده؟ ساب إيه للغريب؟ دخل علاء. نسمة: "عدي يا بابا؟ علاء بغضب: "عدي مات بالنسبة لينا كلنا." فاطمة بصدمة. محمود وصلوا البيت هو وإلهام. محمود: "أنتي من النهارده مالكيش أخ، انتي فاهمة؟ " وسابها ومشي. إلهام بدموع وصدمة.

ركان وصل شمس البيت وكان طالع يتكلم مع أبوها. شمس دخلت لقت إلهام قاعدة بتعيط. ركان كان داخل، بس محمود منعه. محمود: "خليك عندك." ركان رجع رجله تاني. إلهام بدموع: "بتعمل إيه؟ محمود بقوة: "وكان أيمن وأحمد طالعين سمعوه وهو بيقوله." وانصدموا... ويتبع.