رواية لم يكن لي من البداية الفصل الثالث عشر 13 - بقلم زهرة اللوتس

شهد جرت عليه وحضنته: عدي حبيبي. عدي طلعها من حضنه واتكلم بغضب: إيه اللي جايبك هنا بعد اللي عملتيه؟ لسا ليكي الجراءة إنك تيجي هنا يا بجاحتك يا شيخة! شهد بصدمة لأنها فكرت إن عدي أول ما هيشوفها هيحن ليها وتعرف تسيطر عليه تاني وتدخل بينهم تاني: حبيبي... عدي بغضب أكتر وتحذير: إياك إياك تنطقي الكلمة دي تاني، الكلمة دي معناها كبير أوي بس للي يفهمها، مش زيك أنتِ. كان بيبصلها بقرف.

فاطمة كانت واقفة فرحانة إن عدي رد على شهد كدا، لأنها فكرته في الأول هيلين ليها لأنه كان بيعشق شهد بجنون. عدي بنرفزة: اطلعي برا بيتي، برررره! شهد اتخضت منه. وبصت على فاطمة لقتها بتبتسم بشماتة. شهد خرجت وحاولت تكلم محمد بس كان فونه مغلق، راحت عند محمد. كان رجالة الكينج خلصوا عليه. شهد راحت عند محمد ودخلت بيته لأنها كانت معاها مفتاح. شهد بغضب: محمد محمد أنت فين؟ دخلت أوضته لقتو نايم على السرير ومستغطي.

شهد بغضب: أنت نايم والخطة بتاعتنا هتبوظ؟ محمد أنت ما بتردش ليه؟ محمد ما كانش بيرد. شهد راحت شالت الغطا من عليه بعصبية وانصدمت. شمس كانت بدأت الامتحانات. شافت رباب وشافت البنات بيتجنبوها لأنها كانت راحت المدرسة والبنات بيتهامسوا عليها. في منهم اللي بيتريق واللي شمّتان فيها وفي اللي هي صعبانة عليه. رباب شافتهم كدا جرت على الحمام وقعدت تعيط. شمس راحت وراها ودخلت لقتها بتعيط. راحت عندها وحطت إيدها على كتفها: روبي.

رباب بصتلها وبعدين خبت وشها بيديها بدموع: ما تبصيش ليا، أنا وحشة وحشة. وقعدت تعيط. شمس كانت زعلانة عشانها وبتتوعد لأيمن على اللي عمله فيها: حبيبتي أنتِ مش وحشة، بالعكس أنتِ جميلة أوي أوي. كمان حبيبتي الجمال مش جمال الشكل، الجمال جمال الروح والقلب وأنتِ طيبة وحنينة. روبي ربنا خلقنا في أحسن صورة. لقوله تعالى: بسم الله الرحمن الرحيم (وخلقنا الإنسان في أحسن تقويم) صدق الله العظيم. رباب مسحت دموعها: صدق الله العظيم.

شمس بابتسامة: يلا قومي بقى، وبعدين الله إحنا في الحمام وبنقرأ قرآن. رباب بصدمة: إيه دا؟ دا فعلًا! يلا. ومسكت إيد شمس وخرجوا. وهما رايحين اللجان بتاعتهم. رباب بابتسامة: شكرًا أوي على كلامك، فعلًا رفع لي معنوياتي. شمس بابتسامة: ولا يهمك، إن شاء الله بعد الامتحان نخرج ولا وراكي حاجة؟ رباب: لا مش ورايا بس ماما ما تعرفش إني هخرج. شمس: خلاص نبقى نرن عليها ونعرفها. رباب: أوكي دي لجنتي وأنتِ فين؟ شمس: بعدك باللجنة، سلام.

رباب: سلام. وكل واحدة منهم دخلت لجنتها، وبعد شوية دخل المراقبون ووزعوا الورق. عند عدي. فاطمة بفرحة: أنتَ دلوقتي ابني بجد. عدي بصلها بابتسامة: مش هخلي حاجة تأذيكم، وهي بسببها ركان ساب البيت وبسبب حد كمان، بس هو أخذ جزاءه دلوقتي. فاطمة باستغراب: مين؟ عدي بصلها: بعدين يا ماما بعدين. وراح دخل أوضته. فاطمة فضلت تبص عليه وفي سرها: شكلك ناوي على وجع قلبي تاني. عدي في أوضته كان بيكلم حد. عدي بابتسامة: كله تمام. ...

عدي: أحسن يستاهل. ... عدي بابتسامة: تمام. وقفل. عدي بمكر: كله هيرجع لأصله دلوقتي. عند ركان. السكرتير دخل: يا فندم في واحد عاوز حضرتك برا. ركان: تمام. السكرتير مشي ودخل الشخص دا. ركان بابتسامة: كنت متأكد إنك جاي. الشخص دا بابتسامة: طبعًا جاي، إيه الجديد؟ ركان بابتسامة: طول عمرك حامي كدا. الشخص: عاوز أخلص من الذنب اللي عليا. ركان: صدقني هتخلص قريب أوي. الشخص بندم: وذنبي تجاهك؟ ركان فضل ساكت.

الشخص بندم: ركان أنا بجد آسف، سامحني مشاعري اللي كانت محركاني، سامحني. ركان بغضب: أنا مستحيل أسامحك. عند علي. جت بنت خالة علي، عروق علي برزت من كتر الغضب واتكلم ما بين سنانه: بتهببي إيه هنا؟ البنت ببراءة: بشوفك فين أنا غلطانة يعني؟ علي بغضب: ليه عيل صغير أنا؟ البنت بخوف من شكله: أبيه أنا بس خفت عليك مش قصدي إنك عيل. أحمد: في إيه يا علي بتزعق مع الآنسة ليه؟ علي بغضب: روحي على البيت على طول وأنا هتأخر شوية.

البنت: حاضر. ومشيت. علي: معلش يا دكتور. أحمد بمرح: المزة بعتك عشان كدا غضبان. علي: المزة بتاعتي إيه دي ريم أختي. أحمد وهو بيعدل هدومه بمرح: هي مرتبطة؟ علي باستغراب: ليه؟ أحمد بمرح: أخوك غلبان ومش متجوز وعاوز يكمل نص دينه وكدا. علي لسه مش فاهم: ما تروح يا عم تكمل نص دينك، أختي مالها برضه؟ نادين بضحك: دكتور أحمد قصده إنه يتجوز أختك صح يا دكتور؟ أحمد بقرف: البت فهمت وأنت دغف. ابعد يا واد عن وشي وروح كمل شغلك يتك القرف.

نادين فضلت تضحك عليهم وعلي سرح فيها وبعدين غار إنها بتضحك قدام أحمد. علي بغضب: بطلي ضحك يا بت. نادين بغيظ: بت ناس بت. علي باستفزاز: آه. وأحلى بت كمان. نادين انكسفت ونزلت وشها وضحكت. علي بمرح: طالما ضحكت يبقى قلبها حن. أحمد بضحك: ولا ما تشقش البت وشوف شغلك. علي بغيظ: أنا مش عارف أنت طالع لي في كل حاجة. أحمد بصوت عالي: بتقول حاجة يا واد؟ علي بصوت عالي عشان أحمد يسمعه، لأنهم في مكان بعيد عن أحمد بشوية: ما بقولش.

وكملوا شغلهم. عند شمس. خلصت هي ورباب الامتحان ورباب عرفت مامتها إنها خارجة مع شمس ووافقت إنها تخرج معاها لأنها بتحب شمس. راحوا كافيه وقعدوا وطلبوا عصير. وكانوا بيشربوا العصير لحد ما دخل حد خلاهم وقفوا من الصدمة الاتنين وبصوا لبعض. رباب بخوف. عند شهد. انصدمت لما لقت محمد غرقان في دمه. وعلى طول الشرطة دخلت ولقت شهد واقفة وعلى إيدها دم من الغطا. الظابط: اقبضوا عليها. شهد بصدمة ما كانتش مخليها تعرف تنطق.

أخدوها ولبست قضية قتل محمد. وانحكم عليها بالإعدام. عند الكينج. كان بيكلم حد. الكينج: ههههههههههه. ... الكينج: ما كنتش أعرف إنك ذكي كدا، ضربنا عصفورين بحجر واحد. ... الكينج: الخطوة الثانية هقولك عليها دلوقتي. وهي وووويتبع.