رواية لم يكن لي من البداية الفصل الثاني 2 - بقلم زهرة اللوتس

كانت في يوم شمس راجعة من الدرس بليل ودخلت البيت. شمس: بمرح... يا أهل الدار أنا جيت. أمها: كانت قاعدة في أوضة الجلوس... تعالي. شمس دخلت وانصدمت من اللي كانوا موجودين. شمس: بحرقة قلب ووجع ودموع كانت كتمهم بالعافية... السلام عليكم ورحمة الله وبركاته. الكل: وعليكم السلام ورحمة الله وبركاته. كانت في بنت قاعدة مع أمها. البنت: اتكلمت بمرح... إيه يا أختي هنفضل مستنينك كتير. شمس: بوجع بان في صوتها... حد قالك تستنيني.

كانت في عيون ما انشلتش من عليها. البنت: بقلق... مال صوتك أنتِ تعبانة. شمس: بس مرهقة شوية. شخص: اتكلم... وياريتو ما اتكلم... مش هتسلمي عليا يا شموسة. شمس: بوجع... إزيك يا أبيه. كانت الكلمة بتطلع منهم بالعافية وكان كل حرف فيها بيقطع في قلبها مية مرة. عدي: بحزن... أبيه. شمس: بحزن وهي منزلة عيونها في الأرض عشان ما تشوفوش وتفتكر اللي عملوه فيها... طبعًا أبيه مش أنت أخويا الكبير برضه. عدي: بص لها بصه طويلة وبعدين رد...

طبعًا. شمس: أنتِ أختي الصغيرة. أمها: حست إنها خلاص مش قادرة تاخد نفسها من كتر خنقة دموعها... شموسة ادخلي غيري هدومك دي. شمس هزت رأسها ودخلت أوضتها وسابت الحرية لدموعها إنها تنزل. كتمت صوت عياطها بإيديها عشان أبوها وإخواتها ما يسمعوهاش وفضلت تعيط. بره. كان قاعد وسرحان في ذكرياته معاها وقارن بين ذكرياتهم والواقع. وإنها ما كانتش بتكلمه إلا وهي حاطة عيونها في عيونه وهي دلوقتي ما رفعتش عينيها فيه.

فاق من سرحانه على صوت أخته. نسمة: عدي اشرب الشاي. عدي بص لها وكان أغلب القاعدة ساكت ودي مش عادته هو عادته إنه مرح وما بيبطلش كلام. بس دلوقتي ساكت. أمها: مالك يا حبيبي أوعى تكون بتفضل ساكت كده عند عروستك. عدي ابتسم بخفة وبرضه ما نطقش. نسمة: بضحك... هو بيتكلم أصلًا معاها لما تيته قالت له عاوزة أكلمها رن عليها... الو وبعدين ادى لتيتة الفون وقعدت تتكلم هي معاها وهو سابها وخرج من الأوضة.

أنا مش عارفة مستحملاه إزاي الواد ده. أبو شمس: بضحك... تلقي بيعمل كده بس قدامنا بس لما بيكونوا لوحدهم بيقعدوا يرغوا هههه. أم شمس ضحكت بس كانت بتبص على عدي نظرات عتاب ولوم وعدي قاعد بيبص لها وعارف إنه هو اللي غلطان. أيمن أخو شمس: هههههه والله لو مكانك آخد عروستي وأمشي من حوليهم واستفرد لوحدي بيها. نسمة: هههه تستفرد بإيه يا واد. أيمن: آخدها مكان رومانسي كده ونقعد فيه براحتنا من غير حد.

أحمد أخو شمس: خلاص خلاص شكلها منكده عليه عشان كده ساكت صح هههه. أمها: بس ياض أنتم وهو ما تخموش على أخوكم. نسمة: هههه بصوت عالي... شموسة أنتِ نمتي ولا إيه جوه تعالي هنا اقعدي معانا. عدي غمض عينو لما سمع صوتها. شمس: بخنقة... جاية. مسحت دموعها وغسلت وشها وطلعت. نسمة: إيه ده بقالك ساعة جوه وما غيرتيش. شمس: بابتسامة... واتجاهلت وجوده أصلًا... أنا قولت أصلي الأول وأسمع المسلسل الأول وبعدين أغير وأنام.

نسمة: تصلي في الكعبة إن شاء الله وابقي ادعي لي. شمس: بضحك... هههه هدعي عليكي هههه. الكل قعدوا يضحكوا عليهم. نسمة: مسلسل إيه ده اللي هتسمعيه. شمس: مسلسل أفلام... عارفة. نسمة: أسمع عنه بس أنتِ قلبك جامد تشوفي الحاجات دي. شمس: آه جامد قوي وبعدين ما فيه في حياتنا ناس زيهم. وكملت بقرف... بيغيروا جلدهم وشكلهم ووشوشهم. وكملت بسخرية... وبيكونوا أقرب الناس ليكي. شفتي قرف زي كده.

تديهم ثقتك وهما يخونوها بكل سهولة ولا أكأن في بينكم عيش وملح ناس مقرفة أوي. عدي كان عارف إن الكلام ده كله متوجه له هو عشان كده بص لها. وهي ما عبرتوش. أيمن: هندي لأ. شمس: لأ هسمع المسلسل يا أما هجيب كرتون. أحمد: إيدها يابني ما أسود من ستي اللي سيدي. أمهم: ولا ادي اختك الريموت خلينا نشوف المسلسل. أبوها واسمه محمود: هندي لأ. أمهم الهام: هات ياض. واخدته من أيمن وقلبت وجابت المسلسل.

شمس كانت مركزة مع المسلسل ونسمة برضه ركزت عليه. أيمن قام دخل أوضته لأنه بيكره الهندي. وأحمد جاله تليفون وقام يرد عليه. ومحمود قام يدخل الحمام. عدي كان كل تركيزه عليها هي وتصرفاتها وهي بتشرح لنسمة المسلسل. الهام كانت كل شوية تبص عليهم وبعدين على المسلسل. شوية وعدي قام وقف. في مكان بعيد. كانت في بنت قاعدة بتكلم حد في الفون. البنت: وحشتني قوي هشوفك إمتى. ........ البنت: يوه كل مرة بتقول كده عاوزة أشوفك. .......

البنت: خلاص تعال أنت. ..... البنت: أمي هتاخد بنتي وهتسافر عند جدي تعال بجد أنت وحشني أوي. ...... البنت: ببضحكة... أوكي هستناك باي يا حبي. قفل معاها. المجهول: ههههههههههههه أنتِ بتاعتي وبس يا شمس. عند إيهاب. كان قاعد زعلان على شمس وعدي. جاله واحد صاحبهم تالت. علي: مالك يا بني. إيهاب بحزن: نفسي أعرف عقابها ليه هي كان ذنبها إيه. علي باستغراب: قصدك مين. إيهاب بغيظ: شغل البطاطس ده ما تجننيش عليك.

علي: إيه يا عم مابراحة شوية وفهمني. إيهاب: بتكلم على زفت عدي وشمس. علي بحزن: اللي مر بيه مش سهل برضه يا إيهاب، اللي مر بيه صعب يخليه إنه يثق في أي واحدة. إيهاب: طيب هي ذنبها إيه ليه الحمار ده يضيعها من إيده والله ما يستاهلها. هو فقر وخليه لما تضيع منه خالص وييجي واحد ياخدها منه ويرجع يغني ظالموه.

علي: إيهاب إحنا مالناش دعوة وبعدين هو صاحبنا اللي صاحبنا مش هي وبلاش تفتح السيرة دي قدامه عشان أنت عارف آخر مرة اتفتحت كان هيعمل فينا إيه. إيهاب: البت ما تستاهلش كل ده. علي: إيهاب عدي مش سهل وانت عارف إنه مش هيسكت لو عملت اللي في دماغك. إيهاب: بتوتر... وإيه اللي في دماغي. علي ببرود: اللي أنا وأنت عارفينه يا صاحبي ولو عدي عرفه مش هيسكت وأنا أكتر اتنين عارفينه. مشي علي وإيهاب بص قدامه بشرود. عدي قام... وأخيرًا نطق...

يلا يا نسمة عشان الوقت اتأخر وانتِ عارفة الطريق. نسمة: ماشي وقامت معاه وسلمت عليهم وهو سلم عليهم الكل وجه عند شمس ومد إيده ليها. وكان خايف إنها تكسفه قدامهم كلهم. بس لو ما سلمش عليها الكل هيلاحظ عليهم. شمس بصت لإيده بقرف وكرة... ولفّت وشها على جنب. لقت أبوها بيقول لها: إيه يابت هتسيبيه واقف ماد إيده ليكي كتير. شمس اتطرت إنها تسلم عليه بس سلام أطراف... يعني كانت بتسلم بطرف صوابعها عليه وهي قرفانة وسحبت إيديها بسرعة.

عدي بص لها بوجع لأنه أول مرة تسلم عليه فيها كده. نسمة: إيه يا عم عدي مش هنمشي ولا إيه. عدي هز رأسه ونسمة خرجت وبعدها عدي والهام ومحمود بيوصلوهم. عدي كان مستنيها تنزل توصلو زي ما كانت بتعمل زمان بس شمس ما نزلتش. عدي ركب الموتوسيكل ونسمة ورا. وكان نفسه إنها تيجي تودعه بس اللي عمله هو ما يستاهلش إنها تبص في وشه حتى ويستاهل كل اللي بيجري له. مشي عدي والهام ومحمود طلعوا بيتهم تاني.

نسمة بحزن: زعلان ليه مش ده اللي أنت كنت عاوزه. عدي بص لها بصدمة: أنتِ كنتي عارفة. نسمة: بقرف... آه ولأنك أخويا ما كلمتش ليه تعمل كده ليه. عدي كان باصص ورا بيكلم نسمة وكان في عربية كبيرة جاية ناحيتهم. نسمة بصريخ: عدي احاسب. عدي... لما بص قدامه كانت العربية و... ويتبع.