رواية لم يكن من نصيبي الفصل الخامس 5 - بقلم يارا علاء

أحمد بضيق: ولا انت وهو احترم نفسك وقوموا نبارك لي خالد. قاموا وراحوا باركوا له، وبعدين قعدوا لغاية لما الفرح خلص والكل روح على بيته. *** عدى الأيام عادي ومفيش أي جديد، ويمنى كانت في أوضتها مش بتخرج، وخالد كان بيخرج مع حبيبة، وأحمد كان مهتم بيمنى بس يمنى كانت بتتحجج دايمًا عشان مش تكلمه. (عدى 6 شهور) والنهاردة فرح خالد، وأحمد طلب إن يكون كتب الكتاب النهارده والكل وافق ويمنى كمان.

كل الناس كانت مستنية العرسان وكل واحدة نزلت وهي جنب عريسها. أحمد اشترى فستان لـ يمنى عشان مش عاوز يحرمها من اليوم ده. أحمد ويمنى، وخالد وحبيبة قعدوا جنب المأذون. المأذون قرأ قرآن وقال شوية أدعية وقال كلمته المشهورة: "بارك الله لكما وبارك عليكما وجمع بينكما في خير وعلى خير". وبعد ما قال المأذون قال كده، ما هي إلا ثواني. أحمد كان ضامم يمنى لحضنه بحب، وخالد هو كمان.

أحمد: مش مصدق إنك بقيتي مراتي وحلالي، بحبك يا يمنى وبعشقك، بموت فيكي. كان نفسي أقول لك كلام كتير بس وإنتي حلالي بعشقك يا يمنتي. يمنى ابتسمت. المهم العرسان راحوا يرقصوا بفرحة. أحمد كان ضامم يمنى لحضنه وقال: كان نفسي أعمل لك فرح كبير بس إنتي رفضتي. يمنى: مش بحب الأصوات العالية عشان كده رفضت. أحمد بابتسامة: مش مهم أي حاجة، المهم إنك بقيتي ليا. أما عند خالد اللي كان باصص لـ حبيبة بحب. حبيبة بكسوف: خالد. خالد: قلب خالد.

حبيبة ووشها احمر قالت: متسيبنيش كده بتكسف. خالد بحب: وأنا بحبك وإنتي مكسوفة. حبيبة: وأنا بحبك. بعد انتهاء الفرح كل واحد روح بعروسته البيت. *** (في بيت خالد) دخل خالد وحبيبة. خالد: يلا يا حبيبتي ادخلي غيري عشان عاوز نبدأ أنا وإنتي حياتنا بالصلاة. حبيبة بكسوف: حاضر. ودخلت غيرت وراحت له، وصلوا. بعد ما خلصوا خالد بص لها بابتسامة وقرب منها. حبيبة بكسوف: خالد. خالد: يا عيون خالد. حبيبة: ابعد. خالد: ابعد إيه دا أنا صدقت.

حبيبة. حبيبة: نعم. خالد: تقبلي نبدأ حياتنا ونملي البيت عيال. حبيبة هزت راسها وقالت: موافقة. خالد بابتسامة: ربنا يجعله ذرية صالحة لينا. حبيبة: يارب. *** (في بيت أحمد) أحمد دخل هو ويمنى ويمنى كانت متوترة ومكسوفة. أحمد: ادخلي الأوضة دي وغيري هدومك عشان نصلي. يمنى دخلت من غير كلام وغيرت وراحت له، وصلوا وأحمد قرأ دعاء المتزوجين وبعدين بص ليمنى ومسك إيديها. أحمد بحب: جاهزة. يمنى بخوف: أنا مش جاهزة وخايفة.

أحمد بحنية: متخافيش طول ما أنا جنبك، وعموماً مش هجبرك على حاجة، يلا نخش ننام. يمنى اتنهدت براحة وراحت عشان يناموا، أول ما دخلوا الأوضة اتكلمت يمنى بتوتر. يمنى بتوتر: ...