رواية لماذا احببتك الفصل الاول 1 - بقلم اورجانزا الطائي

بسم اللـّه مـا شـاء
#رواية_لمِاذا_أحبَبتُك
#اورجانزا_الطائي'بُهِدى♟
.
.
lnasgram: org_bl
wattba:umkno22
Tektok:org_bl
♟______♛_______♟
يُقـال عَن ألحُب هوَ
حب يغيب وصاحبه ما بعد غاب
وَ حب يَدوم وصاحبهُ في غيابه
و َحب يذوب خافقً ما بعد ذاب
وَحب يداوي صاحبه من عذابــه
وَحب حياته كلهـا لـوم وعتــاب
وَ حب حقيقي ما يضرك عتـاب
وَ حب بلا معنى وحب بلا أسبـاب
يبدأ غريب وينتهي في غرابــه
♟______♛_______♟

رفعت ادينـي للسماء أناجي خالقـي
بَحقِ فاطمة وأبيها وبَعلها
وبَنيها والسُر المستَودع فيها
كررتها تلث مرات واردفت بتوسل الخنگة متسودة صَدري
دخيلك يَكفيل زينب أريدنك تكفلني بحاجتي
ماعندي غيرك وأنخي وانه متاكده متردني حشاك يابو فاضل من الرد..

مسحت على وجهي بـ أديه
و صَليت على ألنبي محمد
لميت سجادتي، و شِلت القُـرآن
الي مافارگني مِن عُمـر عَشـر سنـين.
خليتهن على رَف ميز التلفزيون
وكعدت على صفحـة بـ إيدي المسبحة
أرتاچيـت على الحايط أسبح
استغفرالله ١٠٠مره
واللهم مصلي على محمد واله محمد ١٠٠مره هل كلمات شكد بيهن صدقه وحسنه الوادم تتعاجز بلفضهم

بس هـاي لو گال و الكلت أو نَميمه لا والله چـان  سولفوها سالفه مال سنه واكثر وهل كلمات يتعاجزون مِنهن

خلصت تسبيح رفعت المَسبحة
بستها وخليتها على راسي متنهـدة
گلبي  مـا مِرتـاح..

فَـزيت على صوت رجـولي ثگيل
كمت فتحت طرف البـردة مِستغربة
منهو جانه بهل وكت

ركزت عليَ منطينـه گفـاه
شـوي وألتفت هجست عليَ
من حركاته ألهادئه ولا يگلك شاب لا والله الي يشوف أخلاقة وكلامـة يگول داش بالعمـرين حتى أبـوي  يحتـرمة 
مرات يسئلـة من يضيگ عندَ شي ولو مايضيگ  عندَ حلـول لكـل مشكله...

دَيـسم كـامل مكمل من كل شي يصير أبن خالتي وأبن عمي الوسطاني عبدلله.

گطع صفنـتي صـوت يصيح بـ أسمـي

_ذات تعـاي نـزلـي أُمـچ تـريدچ بسرعـة.

ألتفت على مَصدرأزعاجي بنت عمي محمد
مَشـاعـر للأسف هـاي بَس أسم خالية من كُـل المشاعر..

ذات:خـوش هسه أنزل
ماعرفتي شتريد مني؟

مَشـاعر: لا،مـا أعرف
يلا نزلـي كافي تهوجسين الي ببالچ مايصير.

روحـي لابت من كلامهـا
خـزرتها وعطت عليهـا
ذات: مِن الله يگصف عمرچ گولـي آمين شعندچ وَياي هاي عـود أنتِ بنت عمي وصديقتي تگوليـن هيچ چا شبقيتي للغربه.

ضحـكت بصوت مُرتفع متخـوصرة
مشاعر: لـو بَس تدرين شگد أحب أغثج

ذات: وَلي مَشـاعـر لا و ألخلق
سبع سموات أموتچ

مشاعر:أريد أعـرف عَمي أبو قامة
ليش سماچ ذات

ذات:روحي سألي شمدريني
قابل أشـم گفه إيدي.

مشاعر: أعرف خيه ميحتاج اسأل
معناه ذات هَي صاحبه العيون الزرقاء والهمه والقوه الشجاعه مكافحه وعصاميه .

ذات : يَـ ألدوث لـو مركزة على كتاب الله چان عـرفتي مذكور بالقران الكريم
بسم الله الرحمن الرحيم

«قُلِ الْأَنْفَالُ لِلَّهِ وَالرَّسُولِ ۖ فَاتَّقُوا اللَّهَ وَأَصْلِحُوا ذَاتَ بَيْنِكُمْ ۖ وَأَطِيعُوا اللَّهَ وَرَسُولَهُ»
صدق لله العلي العظيم
بعد منين جبتي هل خرابيط ؟

مشاعر: وينها الي تگـول
أشم گفه إيدي أشو تعرفين؟
هوَ صح مذكور بالقرآن سألت أمج
و گالت عَمي فاتح القرآن وصاير الوقه بيدَ و گـايل الهم آخذ أسم بنتي من الورقه
ومسميج ذات
بَس صدك مو اكو انفال شعَجب
ماسماچ انفال؟

رفعت حـواجبي أسمع كلامهـا الي يوميـا بدون كلل وملل تحچـي
مَشاعر: تدرين عمي توَرط

فتحت شعري و أخذت المشط امشطه
وعيونـي عليهـا

مشاعر : عندي حَدس انتِ راح تخلي يتندم لان صفات هل الاسم ينطبقن عليچ.

ألتفت بكامل جسمي
رافعه حواجبي ومبتسمه
ذات:چـا خل يسمعچ.

مشاعر: لله وكيلج بدون تردد يوديني للمگبرة.

ذات:حـلو تعرفين بَعد شداعي الحچي.

مشاعر: خـايبة حدس عندي وحچيتة
يا كلمة ردي لمكانچ

هَزيت إيدي وشديت طَرف شَعري
ذات: أگلچ صايمة

مشاعر: خـايبة غير رمضان شلون ماصوم

ذات: مو انت عندچ ضعف أفتكرت ماتصومين

مشاعر:لا الحمد الله مستحملة

ذات: راح أنزل انه تنزلين يو لا

مشاعر : اي انزل چا شصخم گاعده وحدي

جَريت ضفيرتي صَفح الي توصل لنص فخذي
وأمسد عليهـا و حچيت
_ يلا لعد

مشاعر: هوب هوب وين نازله هيج دَيسـم،و جَسـاس موجودين.

ذات :اهوو نسيت انتظري ألبس حجاب

أخذت حجاب لبسته وضميت ضفيرتي جوه ملابسي.
نزلنه و رحت للمطبخ ريحة الاكل طالعه

صَديت على أمـي
ذات: أساعدج يمه

أم ذات : لا يمه انت صايمه گعدي استريحي

ذات :يمه أنتِ هم صايمه

ام ذات: چـا گومي نظفي الخضره

ذات : تـدللين يمه

اخذت الخضره وتربعت انظف بيها
ذات: يمه منو راح بجينه مسويه هواي

ام ذات : راح يجون بيت عمج محمد
وعبدلله وقاسم

ذات : مو من عوايدهم ينجمعون هينه

ام ذات : ليوم يجي عمج عِماد من بغداد
اهو وعايلته

ذات : صج تحجين يمه

ام ذات: اي أبوج عازمهم

ذات : مشاعرر تعاي نضفي وياي

مشاعر : خاله عمو عماد شكيد بناته

ام ذات : عمج عماد ماعندَ بنيات بس وليد واحد لَيـث

ذات :يمه صج لـويش عمي مايجينه

ام ذات :عمج اتزوج غريبة مو من هين عاش ببغداد

ذات:مرته بغداديه؟

ام ذات : لا انبارية من الأنبار خذاها

ذات : چا  لـويش عايش ببغداد

ام ذات :حتى مايكولون عليَ علمود مرته عايش بالانبار هوَ چان يدرس ببغداد وتعرف عليها

ذات :كفو من عمي الوحيد مااخذ من الاخوات

مشاعر: اي ولله خالاتي لعمامي بس عمي عماد وخالتي سماد تزوجو غربه وكسرو الصحن

ذات :اليوم خواتج ينجمعن يـ أم قامة بعد شتردين.

مشاعر :الي يسمعج يگـول
ماينجمعن غير بس بالاعزايم

ذات :هههه حجايه ومكيوله

ام ذات :مشعيران عينج علينا

مشاعر :ههههه خاله مدري عمه لا والله بس انتن كل يوم يم وحده

ام ذات :هنَ يجني مو انه اروحلهن تعرفين عمج مايقبل

مشاعر :هو هذه عمي

ذات :عمامي ميتصرفون شي بدون علم ابوي اي شي يسوو لازم ابوي يعرف بي

فارض روحة على الچبير والصغير عندَ كل شي ولا الشرف والسمعه

كملت الخضره
غسلت اديه وصلت للباب حجيت

ذات: يمه انه طالعه للبستان

ام ذات: ديري بالج يمه الدنيا ضهر

ذات :ماطول ولله

ام ذات :روحي وردي بسرعه

طلعت من المطبخ للطارمه مناك اكو باب تودينه للبستان، تلاكيت بـ دسيم سلمت عليَ
_شلونك ابن العم

دسيم : هلا والله يا لذات
نحمـد الله وأنتِ؟

ذات : هلا بالمهلي
والله برحمه الباري

دسيم : حمدلله چـا على وين؟

ذات : للبستان

دسيم :يَبـوي لاتتاخرين

ذات : اي ما اتاخر،
مشيت شوي صار بوجهي الغثه مهوال
رفعت حاجبي حضنت اديه وصحت بـوجهة
ذات: خييرك مهـوال

مهوال :شعندچ واكفه عد دسيم

ذات :وشدخلك انتَ شعندي ويا

مهوال: اعرف الي بالج شنهو
بس والله انت مو لغيري سمعتي

ذات : ضحكتني مهواال اني اخذ واحد نفسك لا ولله مو ذات الي تاخذ حضينه

مهوال :احترمينفسج ذاات
كلامچ هـذا يوصل للشيخ

ذات :ضحكتني ولله ، ترى اهو عمك تكدر تگول عمي بدل الشيخ ، بس ماعندك جرئه جبااان.

رفع ايده راد يضربني كمشتها خزرته
هـاي اذا ترفعها اكسرها والخلقك
مو جاي تتمرجل براسي فهمتت
شمرت ايده بقوه سمعت صوت ديسم من وحدي ابتسمت التفتت شفته بالكوه لازم الضحكه.

ديسم: مو من شيمك مهوال
تمد ايدك على حرمه

مهوال : تتجاوز و رايد احطلها حد

ديسم: بنت عمنة ،اهي مالنه حك عليها

مهوال :انت ما ألك حك بس انه الي حك

ذات :شنهوو انت اول خلي كلمه الك وبطل خوف وبعدين تعال احجي

ديسم: يا لذات من احچي لاتكمزين

باوعت عليَ ورفعت حاجبي
ذات: شي يخصني احجي

ديسم :بس اذا انه احجي ،لا ماتحجين بحرف
ختم كلامه واردف بغضب

-مهوال لاانه ولا انتَ النا كلمه عليها فهمت لو اعيد

مهوال :اي بس اهي زايعه المستحه

ديسم: تدري اذا كلامك يوصل لعمي شيسوي بيك وفوكاها رايد تضربها والله يكسرها لايدك لاتنسه هذه

ذاات الشيخ ابو قامه
شد على اخركلمه

مهوال :اعتبر مصار شي وانه اعتذر منها بنت عمي

ذات :من اكول حضينه ميقبلون عليَ وهو كلمتين من ديسم خاف

راح مهوال للبيت ردت اروح وكفني صوت ديسم

ديسم: يا لذات

التفتت عليَ

دَيسم: المن هل عصبيه

ذات : ماامعصبه انه

ديسم: اوضح عليج

ذات: عندك شك
ديسم:لا يابه ماعندي هههه

ذات :اروح للبستان

ديسم :ديري بالج

ذات :اي
مشيت للبستان الدنيا حاره تصكع كعدت جوه خيال الشجر
انتضره يجي انه كتله راح اروح للبستان
واكيد سمعني من حجيت..
يارب العالمين بحق هل ضهريه اجمعني بي ماريد غير هذه منك يارب..

انه ادعي صارلي سنتين انجمع بي ويجيني مهوال يريدني اتزوجه هيي هيي انه اتزوج حضينه لا ولله

هواي نتضرته وهوه ماكو اخر شي مليت رجعت للبيت والدنيا بدت تغورب

شفته موجود يحجي ويا عمامي

عفته ودخلت للبيت
سمعت اصوات كومه ابتسمت اجن خالاتي
دخلت سلمت عليهم وهمه ماشاء الله كومه لا وحده ولا ثنين
اجتني سِينين تركض بوستها وحضنتها

سينين :شلونج ولله مشتاكتلج

ذات :والله اني اكثر حبيبتي

سينين: شو ماتجين علينه بس انه اجي ليكم

ذات :عمو الشيخ ميقبل اجي ليكم ههه

حطت حلكه يم اذاني وهمست

سينين: اكلج سرر انه ماحبه لعمو الشيخ

ذات :بالكوه حصرت الضحكه
هوه منهو الي يحبه لعمج الشيخ ههههه

سينين :بحركه طفوليه خلت ايدها على حلكي اششش

ديسم :يسمعج ويكتلج مايقبل نحجي عليه يكول عيب

ذات :خلي يول ديسم

سينين :لا ذاات احب لاتحجين هج

ذات :ههههه بعد اخته للديسم شلون ترضه

سينين :ماارضى وللله

ذات :فدوه لله وعطيته
باله اني اروخ راح ياذن

سينين: امح احبنج والله اريدج تتزوجين ديسم لان احبكم ثنينكم

ذات :بشقه ههههه حبيبتي هوه اخوج خطبني وماوافقت

مشاعر :ها ها اكو وحده تخطب وينه عنها ابو قامة

ذات :من طيح صبغج انتي و بهمس وابو قامه

مشاعر: وينه عنج اله يسويج اقسام هههه

ذات :تولي اصعد اصلي احسن

مشاعر: وين بعد ساعه للاذان

ذات :بكيفي شوكت اصلي وشوكت اكعد

مشاعر: اعصابج خيه روحي ادعي ههههه

ذات :ولي ولي

نزلت سينين وتوضيت صعدت لغرفتي
بعد ربع ساعه للاذان وتكلي مشاعر ساعه هل بنيه ولا تستعدل شكد انصحها..

فرشت السجاده وفتحت القران الجزء الثلاثون سوره النبأ كعدت اقره بيها بتجويد خلصت السوره اذن الاذان

صليت الفرضين خلصتهم
فتحت اديه للسماء ادعي

اللهم انك تعلم سري وعلانيتي فاقبل معذرتي و تعلم حاجتي فاعطني سؤلي وتعلم ما في نفسي فاغفر لي ذنوبي ...اللهم اني اسالك ايمانا يباشر قلبي ويقينا صادقا حتى اعلم انه لن يصيبني إلا ما كتبته علي والرضا بما قسمته لي يا ذا الجلال والاكرام"
صدق رسول لله

اللهم إني أسالك باسمك بسم الله الرحمن الرحيم الذي لا إله إلا هو الحي القيوم لا تأخذه سنة ولا نوم الذي ملأت عظمته السماوات والأرض الذي عنت له الوجوه وخشعت له الأصوات ووجلت القلوب من خشيته إن تصلي على محمد وان تعطيني حاجتي «الدعاء بالحاجة»

مااعرف ليش من اوصل اللهم اني اسالك يدمعن عيوني ومن وحدي ابجي دون سبب..

خلصت دعائي نزعت ازرار الصلاه وصفطت السجاده
نزلت

لكيت زوجه عمو عماد جايه سلمت عليها حبابه

كاعده بنص خالاتي خطيه ناعمه مو نفس خالاتي البقيه ههههه ماشالله سمان ههه

رحت للمطبخ لكيت الولد ينقلون الاكل للستقبال لان ابوي طالب زلم ونسوان ننجمع
مدري شعجب مو من عوايده

كملو النقل والكل راح للستقبال لتمينه على سفره وحده من بعد تلث سنوات ...

ترئس السفره ابوي وعمامي بصفه
ونوب ولد عمامي وبعدها و خالاتي نوب الاحفاد صايرين فيلق ههه

قره ابوي دعاء الافطار وبديه نفطر

كل شوي وداغتني مشاعر على ابن عمي عماد ليث

مشاعر ولج خايبه شوفي شلون يخبل خايبه لو بيدي اخطبه شوفي جماله ولج

ذات ولج جوزي لايسمعوج

مشاعر ولج حتى نسيت الاكل من كد ماحلو

ذات ياا هاي عود انتي الفاهمه

مشاعر منهو ضحك عليج وكلج انه فاهمه خايبه كدام هل حلوين افهه

ذات شايفه راح يطيح حضج من هل حلوين

مشاعر تدرين شاكه عنده اخت

ذات اختيش لج ماسمعتي بس هل ولد عنده

مشاعر هسه تطلع عنده اخت وكولي مشاعرماكالت

ذات وشلون عرفتي

مشاعر لج سمعته يكول خيتي تحملي هل يومين بيت خالي مو تدرين مانكدر نجيبج ويانه

ذات ذذبيت الخاشوكه وباوعتلها صج

مشاعر قابل اجذب عليج

ذات بس عاشت ايدهم تدرين

مشاعر ليش

ذات عنج الي اهو ابوي عنده ولد العم لبنات العم وولد عمج ملهوكين اذا عجبتهم وحده من البنيات بس ينهي عليها هذه هو صارت نصيبه..

مشاعر طلعيم ديسم و جساس

ذات هذوله عانتهم

مشاعر اكول ليش خطبتي مساع ههه

ذات انجبي

عفتها تلغي حتى اكل مااعرف

كلت حمدلله بصوت وكمت وصلت للباب

عماد ابو ليث ليش عمو مااكلتي شي

ذات حمدلله عمي اكليت خير لله

عماد الله يحفضج ويخليج لابوج عمو

ذات ابتسمت وطلعت مااعرف شرد عليه ههه

كعدت بالمطبخ لكيت حاطين الكتلي مال الجاي على الطباخ صبيت بكلاص شربته

خلصو اكل جابو المواعين.

اني نسحبت بقن بنوات عمي واختي ونسوان خوتي يغسلون

رحت للاستقبال كعدت يم عمتي ام ليث

ام ليث شكد عمرج بنيتي

ذات ابتسمت عمري18سنه

ام ليث ماشاء وخلق انتي ذات

ذات اي عمسه مساع سلمت عليج

ام ليث ههه مافرق بينج وبين اختج انتن توئم

ذات هههه لا ميسر اكبر مني بتلث سنوات انه اخر العنكود

ام ليث هوه لو هيج لو ميرلد اخر العنقود

ذات هههه اعرف كلها تكلي هج

ام ليث هههه حبيبتي

ذات عمه

ام ليث ها بنيتي

ذات عندج بنوات

ام ليث هاا لالا ماعندي غير وليدي ليث

ذات اهاا مبينه عدها بت لان نخبصت
ختم كلامي ويه مرت عمي كلام عمي عماد

عماد مرخصت الكاعدين

... مرخوص

عماد يخوي انه ناوي عن قريب اشتري بيت بالناصريه بقربتكم
واريد اقوي علاقتي بيكم اذا تقبلون انه اريد ذات لابني ليث زوجه وانت تعرفون ليث شنو..

ذات نصدمت صدمه عمري بكلام عمي انه ماريد اتزوج
من انسان ماعرفه

وليث بالسنه حسنه اشوفه من بعيد وانه ماحبه احب الي معشش بگليبي مستحيل اقبل اصبلا ابوي ميقبل

ابو ذات ليث والنعم منه وين الكه احسن منه اعتبرها صارت ل ليث اخذها بعبايتها..

ذات مستحيل اتزوج شخص مااحبه مستحيل

ماتحمل اشوف شخص مضلوم مو نوبه انه انضلم

حجيت يابه انه
قاطعني صوت دحكت على مصدر الصوت

... عمي من رخصتك انه هاوي بنت عمي
وكدام الكل ذات نهوتي لحد لمماات

ذات معقوله ينهي عليه انه يتبع...