رواية لماذا احببتك الفصل الثاني 2 - بقلم اورجانزا الطائي

قصه لماذا احببتك
البارت الثاني
بقلمي اورجانزا
.
.
.
.
.
.
كنا صغارا جدا
لا نعرف معنى الحرب
لا نعرف طعم الخسارة
أو الخيبة، أو الموت !!
كنا نتبادل الأدوار فيما بيننا
نتبادل القُبل قبل حظر التجوال
كان كلانا يحمل مسدس ماء بيده
كلانا يصوب سلاحه نحو الآخر
ذات ليلة نفذت ذخيرتنا من الدموع !!
شعرت بشدة الألم
حين سألت الطبيب عن ذلك !؟

قال لي :
لا تخف هي رصاصة حب طائشة
قد استقرت في قلبك إلى الأبد !!

.
.
..
.
.
.
.
.
.
.
.
بسيل
جالسه خلف مكتبي واضعه قلم الرصاص بين شفاي
افكر بما اكتب.
عن ماذا اتطررق..
امم سوف اكتب عن العادات والتقاليد العشائريه..

اولا الفصليه  تحمل ذنوب غيرها

ثانيا الهديه  تخلف وجهل

ثالثة" النهوه "  ضلم بحق الانثى

مطيت جسمي وشمرت القلم على الميز 

وكفت تذكرت امي
ماتقبل اكتب بهل فتره لان محاضرات  واني صارلي فتره ملتهيه عنها..

ولله لو تدري كان زعلت عليه وبعد شيراضيها..

سمعت صوت الاذان تخلخل لمساميعي

رحت توضيت.لبست احرام الصلاه  وفرشت السجاده

خليت كتاب مفاتيح الجنان  والقران الكريم

صليت صلاه الصبح..

اخذت القران الكريم قرئت منه سوره الاعراف ختمتها.وسديتها بسته وخليته على كصتي..

فتحت مفاتيح الجنان قرئت دعاء العهد..

ختمته وصليت على سيدنامحمد..

نزعت الازرار ولميت السجاده..

وكفت كدام مرايتي  مبتسمه 
فتحت شعري القصير  مشطته  وسويته كبايه..

نزلت  للمطبخ  سويت جاي وطلعت قشطه وخبز

اكلت  ماصايمه..

صعدت  لغرفتي    حضرت ملابسي  وجنطه وياي حتى اروح لبيت خالتي..

طلعت قميص اصفر بي كشكش من الياخه  وتنوره قصيره سوده  وجواريب سود خفيفات

كملت تحضير اغراضي..   سمعت اصوت  ابتسمت اكيد كعدو..

نزلت  لكيت ماما وبابا كاعدين

صبحت عليهم وحضنت بابا وبسته من راسه

شلونك حبيبي

..  دام وحيدتي بخير اكيد انه بخير

بسيل الله يحفضك الي انته سندي وعزوتي

.. بنيتي تعالي كعدي يمي

بسيل  كعدت بصف بابا  حضني  وكال

.. هم يجي يوم وافاركج

ردت امي  هيه وتوخر القوري من الطباخ لميز لطعام

-نفس مااني يمك  بنتك هم يجي يوم وتعوفك

بسيل  هذه انتي مامي حبيبتي اني اختلف شلون اعوف سندي اله اذا جنت خبله

- اشوف خاف بعد يومين جايبته وجايه اريد اتزوجه

بسيل هسه اني لاكيته وماجبته واجيتج هههه

..  مو هستوج تكولين مااعور سندي

- بنات اخر وكت والله  جنت استحي احجي ويه ابوج  من خطبنه...

بسيل ههههههه اكول ليش بابا يحبج

- قابل احنه نفسجن جنه مانرفع عينه بعين الولد مو هسه انتي كاعده  يم ابوج وتكولين وينه وماجبته

بسيل ههههه حبيبتي وللله احبكم قابل صدك  دااحجي اشاقه ولله..

اجه مصدر قوتي وطموحي  اخوي 
صباح الخير شلونك

.. صباح النور يوجه الخيير  حمدلله  وانتي

بسيل تمام
كعد مقابيل بابا مبين عنده حجي بس ساكت

اجت امي كعدت بصفه

صبت جاي  واني على واهسهم كعدت اكل

شلت استكان الجاي  اردفت
صدك بابا خلي اروح وياكم همه مصيرهم يعرفون عندك بنت

راد يشرب جاي من سمعني نزل الاستكان وباوعلي عقد حواجبه

لابابا خلهم يتزوجون  ولد عمج ماريد واحد منهم ينهي عليج ويخرب مستقبلح وانتي تردين تدرسين..

بسيل بااصرار بابا اريد اتعرف على عمامي ماشايفتهم بحياتي بس بالصور

.. بنيتي على كولت ابو المثل  الباب الي تجيك منه ريح سده واستريح ليش تلحين...

بسيل..كتت واردفت بضجر
  هوه منو  بقه  من ولد عمي مامتزوج

... اللهم طولج ياروح

...  بسيل ليش تلحين على ابوي  هون يريد مصلحتج

بسيل  شبيكم محد يفهمني  ليش عازليني هااا
من حقي اشوف عمامي الي ماشايفتهم  بحياتي  كلها..

..  يابه هسه عوف سالفه بسيل لان مامنها فايده وانه اريدك تخطبلي..

بسيل صدك  ولله واخيرا راح تتزوج

..  هههه ولج خلي افهم من اخوج يريد منو من بنتات خواله  لو من شغله..

...  احمم يابه مو بنات خوالي ولا من شغلي

..  لعد منو

..  احم احمم يابه اريد ذات بنت عمي..

_ انته وين شايفها للبت من نروحلهم مانشوفها اله ماندر

مسد على لحيته  قلص عين
ليث  شايفها غير بنت عمي

_ان شالله كلامك صح

ابو ليث يصير خير  من نروح اطلبها الك وين نلكه احسن من ذات  اسم على مسمى جمال وقوه..

بسيل اريد اشوفها ماعندكم صوره الها

ام ليث لا ولله ييمه منين اجيب صوره  واحنه من نروم ساعات معدوده والبت تشتغل  ويه النسوان..

بسيل شوكت ترحون

ابو ليث بالسبعه ونص

بسيل باوحت للساعه
تره الساعه سبعه اله ربع

ابو ليث لعد تحضرو ياله نلحك
كام من السفره  واردف

وانتي  بسيل حضري روحج حتى اوديج لبيت خالتج

بسيل بملل ايي بابا محضره اغراضي بس ابدل
تقرب عليه وباسني من راسي

ابو ليث  باباتي لاتزعلين مني بس اني مامستعد اخسرج لان اذا نهو عليج تاكدي مراح ارفض...

بسيل لا مزعلانه بس

ابو ليث عوفي البس  بنيتي انتي متعرفين شي
خليج بعيده عنهم لان اذا تتقربين عليهم تتاذين  وماتشوفين الراحه لان عادات وتقاليد

بسيل بابا احنه هسه 2010   شوكت يموتن هل احكام العشائريه  ...

ابو ليث اووف يبنيتي  ياما ماتو من وره العشاير بس هذه هي الحياه وانه  جاي ابعدج انتي واخوج عنهن

بسيل ربي يحفظك الي بابا

ابو ليث ياله بويه غيري حتى نروح هم ياله نلحك

بسيل  صعدت لغرفتي  واني افكر ليش هيج كال بابا شنو الي صاير..

غيرت ملابسي  ولبست توربان اسود  اخذت جنطتي ونزلت..

لكيتهم كاعدين ينتضروني..

طلعنه من البيت  وصلوني لبيت خالتي  نزلت  من السياره دكيت الباب  طلعت خالتي  سلمت على اهلي وراحو

دخلنه اني وخالتي للبيت

... شبيها بسوله شو ضايجه

بسيل هه لاخاله وين ضايجه لعد لبنات وين

..  نايمات  عدهن عطله بس حمزه كاعد

بسيل يربي شكد اكره حمزه ماعلم الولد مابي شي ولا مسوي شي بس مادري ليش مااطيقه واحتمال لان عرفت يحبني هل مااحبه..

..وين صفنتي

بسيل ههه يمج خاله

.. تعالي تريكي ويانه

بسيل  خاله مااكدر

.. لا ولله ازعل منج

بسيل بكذب. خاله  صايمه شلون  اتريك 

.. واني كلت اخيج تتريكين  ويانه  عبالي حالفه متاكلين يمنه

بسيل ههه لا عمي شعندي غير خالتي حبيبتي بس صايمه 

.. ههه عفيه بنيتي  دخلي جوه بالمطبخ

بسيل اي
دخلت للمطبخ لكيتها محضره الريوك

نزلت جنطتي وكعدت على الكرسي   سمعت تحمحم

التفتت حمزه 

حمزه  صباح الخير

بسيل صباح النور 
اجه كعد مقابيلي

حمزه ليش ماتاكلين؟

بسيل صايمه

حمزه اهاا

بسيل 
تريك هوه وخالتي  ربع ساعه طلع...

خالتي ماتكدر تصوم عدها سكري وضغط من توفه زوجها لازمنها لحد هذه يومها...

بس حمزه مااعرف ليش.

بدلت ملابسي  وساعدت خالتي

البنات كعدن  قريب الفطور   خالتي مجهزه كلشي بس الكاستر والتمر اني سويته..

كعدنه اكلنه  وخلصنه 

خابرني ليث

حجيت وياه

كتله مليت عسه وعل يحسون ويخلوني اشوف عمامي..
كلش متشوقه اتعرف عليهم.

خلص اليوم عادي   وخلصن التلث ايام بس كلمااحجي ويه ليث احسه ضايج اسئله ميكول شكو گلبي لعب بس لا مانطوها..

خابرني ليث احضر  روحي حتى ارجع وياه

بدلت وكملت  انتضره يجي خالتي لحت عليه حتى ابقه بس  رفضت لان متقيده كلش

رمش عليه ليث سلمت على خالتي  والبنات نايمات..

طلعت لكيته وحده تفاجات شعجب  وحده

صعدت يمه

شلونه الحلو شو كالج الجهره

حاط عكس ايده على شباك السياره واصابيعه يم شفته
باوع صفح كال

ليث  مو زين

بسيل ياا ليش

ليث نهو عليها

بسيل صدككك بس لا ذات

ليث اي ذات نهو عليها ومااكدر اتزوجها اله يفك نهوته بس مبين ميفكها..

بسيل انهي انته هم

ليث متاكلين عسل هوه وين صاير ينهونو ثنين على بنيه

بسيل  يوو واني شمدريني..

ليث هههه شغلي الي براسج

بسيل اوكي ان شالله لاتشغل بالك اذا هيهزمن نصيبك تصير الك ولله

ليث  ونعم بالله

بسيل  وصلنه للبيت نزلت بسرعه  سلمت على ماما وحضت بابا مشتاقتله هوااي 

بابا وماما راحو يرتاحون وحسب ماعرفت بيت ابن عم  ابوي مدري شيصير عازم ابوي على عرس بنته..

كعدت مقابيل ليث كتله

احجي

ليث بستغراب شحجي

..  من شوكت  تعرفها وتحبها

ليث منو؟

..  ذاات

ليث باابتسامه ذات اه يا لذااات  عذبتني

..ههه مبين من قبل تحبها

ليث صارلي خمس سنوات احبها بس ساكت وبيوم الي حجيت نهو عليها لو اعرف  هيج يصير جان ضليت ساكت.

.. صدك من خمس سنين

ليث اي من اروحلهم مااشوفها هوااي  على عدد الاصابع بس هل بنيه بعيده عن المجامله  والحقد

بسيل  ذاات انثى متكامله قويه جميله  رقيقه وعصبيه
كل هذني بجهه وعيونها وجمالها بجهه.

مره جنت يمهم كاعدين بالحديقه اني وولد عمي   فاتت من يمنه تريد تروح للبستان  ديسم ابن عمي ماقبل تروح وهيه عارضته بس برقه وانوثه درجت مبين حده كلامها بس برقه لج ترزل بنزاكه والنبي حجت على ديسم لان هددها بعمي..

عافتنه وراحت للبستان بس الكتلني ابن عمج ابد مكال هوه رايدها  هيج فجاه من طلبتها نهه عليها اووووف ياالله

بسيل اذا خير الك انشالله تصير

ليث حتى لو شر هم اريدها ربي خير او شر  بس المهم تصير من نصيبي..

بسيل يوو هاي انته واكع  من زماان

ليث اي ولله يخيتي واكع ومحد مسمي عليه هههه

بسيل ههه مرت الايام بسرعه تركض    وخلص رمضان المفروض البارحه العقد  مال ذات لان هواي مر عليه  ..

بس ماراح لان انشغل  وهوه اعتذر منهم كاعدين باليل بالصاله

اني وابوي وامي وليث   نسولف  دك جهاز بابا

رفع جهازه شاف الاسم  ابتسم بحزن 

فتح  الخط كال الوو

شوي ونكلبت ملامحه لانزعاج والصدمه  بهل اثناء ندكت الباب راحت امي تفتح الباب

وابوي كال ذبحووهاا  ... لاحول ولاقوه اله بالله العليي العضيم

بسيل  انصدمت شنو الي ذبحوها  سمعت صوت ليث عيونه مدمعه  كال

ليث يابه ذااات

بسيل هستوه يريد يحجي  دخلو بيت خالتي ام حمزه 

ابتسمت مجامله لان بالي يم الي ذبحوها شنو ومنو

بابا الحلو بي حتى لو بقمه حزنه من يشوف ضيف او اي احد يضحك ويستقبل برحابه

سلمت عليهم  ورحت سويت جاي  انتضرته صار  اخذته ورجعت للصاله ضيفتهم  شربو ومن حديث الحديث

ليث جان بس جسد كاعد ويانه صافن ومدري شيفكر

حجت خالتي..
...  ابو ليث اليوم اني متعنيتلك  وجايه اريد اخطب بنيتك بسيل لحمزه  زوجه على سنه الله ورسوله  الولد هاويها وانه اجيتك يتبع....