رواية لماذا احببتك الفصل الأربعون 40 - بقلم اورجانزا الطائي

داريتكم بالقفله وانتو هم داروني بتعليقاتكم الجميله
تأكدو تعليقاتكم تسويلي حافز اكتب اسرع

النشر بين يوم ويوم.

قصه لماذا احببتك
البارت تكمله
بقلمي اورجانزا الطائي
.
..

.
.
.
.
.
..
.لبابه

ابتسم دخل للبيت گال: سبع ارواح لاتخافين مايموت.

لبابه: مسحت دموعي گتله شنو شتحجي انته

ايهم: عندي حجي وياج، قبل لايجي ابوج.

لبابه: شبيك انته شتحجي؟!!

ايهم: لاتستغبين يحلوه،

لبابه: انته شبيك؟!

ايهم:عوفي استغبائج وسمعي زين.

لبابه: شسمع يمعود اطلع يجي بابا وتعال.

ايهم : المهم شنو هل دقه تركيز العندج، درجه منتبهه لعيوني..

نهه كلامه باابتسامه.

لبابه هه هه عيونك!! هه عرفت والله شكيت..

ايهم:حمدلله ماطول عرفتي.. كلامج مايمشي عدي

لبابه لعد

تحمحم عدل ياخه قميصه رفع حاجبه گال:

ايهم: خطبتج من ابوج گال بعدج صغيره، بس العمر مو مقياس، وانتي عمرج 16 يعني اضبط عمر للزواج.

لبابه:شبيك انته بس گولي تره اشك بيك مخبل والنبي،تره بعدني صغيره ولعلمك يمكن لو متزوج جان بنتك بعمري..

ضحك بستهزاء گال:اي مو اني ابوج بنت خوش رجال.

المهم، راح ارجع اخطبج من ابوج واصر عليه واني ضامن هل مره يوافق.

لبابه بابا يوافق اني ارفض عندي لسان تره واكدر انطي رايي.

ايهم: رفضي حتى اسفر ابوج للوادي بهل ضهريه..

لبابه شبيك انت قابل الاعمار بيدك.

ايهم: طلقه وحده بالراس تسفره لوادي السلام.

لبابه شكد نذل انته شلون ينطيك گلبك تگتل بني ادم..

حجه بحقد حزن.

ايهم:نفس ماانطه لابوج يگتل ابوي كله على ثار صارله سنواات..
گتل شخص بريئ بدم بارد مااهتم لصياح ابنه مااهتم لدموع بنته ماهتم للعائله الدمرها..

لبيب تلاثه ماتو بيوم واحد، ولج ابوي و اخواني ثنين..

صدمتي باابوي ماتنوصف اجذب الي اسمعه واردد لابابا ميسويها

كلامه بحركه وعصبيه درجه عيونه صارن حمرر..

خسرت كل شي من ابوج وجدج.. والله العظيم يا لبيب بس ترفضين.وروح الي خسرتهم اگتل ابوج وخواتج كدام عينج.

لبيب: مااصدك والله جذب بابا مو هيج ، ولنفترض صح انته لييش ليشش تريد تكتلهم اكو رب ياخذ حقك..

ضرب ايده بالحايط اسمنت والتفت عليه گال

ايهم : ليش ماا گال ابوج هيج لو عليه حلال وعلينه حرام..

لبيب انتي مالج اي دخل، لهذه ابتعدي اذا ماوافقتي والله العظيم اگتل ابوج و خواتج كدامج وبيوم موتهم اتزوجج..

لبيب: لالا والله موافقه بس ماتأذي بابا ولاخواتي..

ابتسم بحزن گال

ايهم: ابوج بالطريق مسحي دموعج.. وبالمناسبه عازمني على غده يمه هه

لبيب: تدري شنو اكتشفت الحيوان اوفه من البشر.

ضحك ضحكه طويله گال

ايهم افاا عليج لبيب هيج انه بنضرج.

لبيب: ماگلت انت بس تذكرت هل حجايه..

سحب ورقه من جيب البنطرون انطانياها

گال

ايهم: هذه ماتفتحيها طول مااني بيتكم من اطلع فتحيها وحذفي الي سمعتي هسهمن دماغج..

لبيب عجيب هل الانسان.. ساعاته براحاته..

اخذتها منه بس ميته خوف..

ايهم ابوج شكد يخاف على عرضه عايفج وحدج بالبيت..

هز ايده راح اتصل مااعرف شنو حجه..

رجع گال

ايهم: ابوج يكول راح اجيب اكل لاتسوي..

لبابه عفته دخلت للمطبخ قفلت الباب من الداخل سويت زلاطه احاول اچذب الي سمعته..

خلصت زلاطه ندكت لباب سمعت صوت ابوي..

ارتاحيت وخفت بنفس الوقت..

دك باب المطبخ فتحتها انطاني الغده اخذته منه حضرته بالمواعين صحته انطيته الصينيه...

رجعت لغرفتي كعدت افكر بكلامه معقوله بابا هيج مسوي؟؟!

لالا شنو السالفه مستحيل يسوي هيج..

دخلت بدوامه الافكار السلبيه..

فكرت اگول لبابا بس خاف تصير سالفه..

يالله اني شجابني على هل سوالف..

اني وين وهل مصيبه وين يارب العالمين انته حلها.

سويت جاي اخذه بابا..

راح ادهم بابا طلع وياه رجع للبيت گتله يجيب عمه شوگ بالبدايه رفض بس اصريت لان اخاف ابقه وحدي.. صدمني حجه وياي بعصبيه..

ربع ساعه اجت عمتي شوگ ارتاحيت لوجودها يمي..

كعدنه نسولف عادي مر اليوم لليل اجه بابا اخذ عمتي.

مر شهرين على جيه ادهم..

لحد ما جنت اسوي عشه، صادف بابا موجود..

كملت العشه كطيته على الميز تعشينه سوه غسلت المواعين..

دك جهازه.

حجه وياه حسب مافهمت ايهم..

غلق الجهاز گال

هجان: ايهم بالطريق سوي جاي.

لبيب هزيت راسي.كمت سويت جاي

احساس مرعب ماعرف ليش احس راح يصير شي..

اخذت نفس زفرته..

دكت لباب طلع بابا دخله الي يكلك بيته وره لباب..
خدر الجاي صحت بابا اجه اخذه.

كعدت بالمطبخ راسي احسه يفتر من الافكار.
هستوني خليت راسي على الميز مااعرف شكد مر من الوقت..

سمعت صوت بابا عصبي كمشت گلبي بس لا راح يتعاركون...
ثواني سمعته يصيح بااسمي.

اخذ حجاب لفيته بسرعه رحت اله. گتله

_لبابه بخوف: هاا بابا صحتلي؟؟!

هجان:كعدي كدامي بسرعه.

لبابه بلعت ريگي كعدت مقابل ايهم..

تخوصر گال

هجان:من شوكت تحبينه..

لبيب: منوو

هجان:لبييب سألت جاوبي.

لبيب: اشر على ايهم عيونه عليه رفعت راسي شفته مبتسم رافع حاجبه..

گتله بس اني مااحب..

هجان:لبيب متأكده.

لبيب سكتت

صاح بصوت خلاني افز وابجي.

دموعي تنزل وابوي ولاهمه..

حجه بعصبيه خزرني گال

هجان: ليش تچذبين..

لبيب ااا اا ني ممچذبه..

هجان ممچذبه لعد شبيج هل ايام من غير اذا يجي ايهم متطلعين اله اذا اكو شي ثاني...

ايهم: اني خطبتها منك اكثرمن خمس مرات وانته راسك يابس. ولبابه تحبني وواني اعشگها الك شي ثاني بعد..

ابد متوقعتك هيج،اعرف بيك جنت تحب بنت عمك تالي طلعت نفس الشي.. وانته جبرتني احجيلك.

هجان ايهم اسكت موجاييني تحجيها برفاعه صدر هجان انه اعشگ بنتك اگلك صغيره تگلي هيه تحبني..

نطيني واحد كوا** تروح تگوله اعشگ بنتك وشوف رده فعله.

ايهم: انته مانطيت مجال.

هجان: والمجال الي تريده شنو هوه بلا زحمه..

ايهم: اتزوج بنتك هذه المجال..

هجان: ايي هذه مجالك..

ايهم: يااخي اجمع راسين بالحلال حتى الله يجمعك ويه محبوبتك ويفتحه بوجهك..

ضحك بستهزاءگال

هجان: متفيدك صغيره واني مازوج بهل عمر. لان ماتعرف شي عن الحياه..

رد عليه

ايهم: اعتقد لبابه عليها كل شي حتى تتركه بيت وحدهي وهيه الي ربت اخواتها.. ولعلمك 16رداح تدخل 17..

هجان:هم صغيره

ايهم شنو سالفتك هجان تره مصختهه يمعود

هجان:مراهقه

ايهم اعقد سيد بهل فتره والمحكمه والعرس من تدخل ال 18

هجان:

هم صايره.

ايهم:ماتعتبر قاصر بال 18

لبابه: صدمني شلون لاف لسالفه على بابا
حتى بابا نسه السؤال

هذه ذيب مدر ثعلب شلون قنع بابا.

قطع حب افكاري الملازمني. صوت ايهم

ايهم: هاا لبيب ابوج يكول بكيفج.

لبابه : نزلت راسي محجيت شي.

حجه بابا: لبيب بنتي موافقه انتي..

لبيب بكيفك بابا..

~٠~٠~٠~٠~٠~٠~٠~٠~٠~٠

موده.
.
.
.
.
...رفع ايده لامس حنجي بااصابعه صدني عليه عيونه تتجول بتفاصيل وجهي..

بلعت ريكي ابتسم گال ترگي الخجل.. ميلوكلج طفلتي..

حجيت بفهو هااا

مااحس غير على شي عض رجلي .

دفعته باوعت لرجلي فاره..

خترعت منها صعدت على الكرويته..

حسين خرب ضحك عليه..
ضجت حيل منه..

خلص ليوم كلمن نام بمكان..

خلال هذه السنه الفاتت ماكو شي جديد اني انام بمكان وحسين بمكان بهل وقت عرفت قيمه حسين لو واحد بمكانه مسوه الي سواه حسين وياي..

بهل سنه اكثر من خمس مرات اخذني حسين لاهلي بس بابا اخر مره طردني من لباب..

علاقتي بخوالي نقطعت اخر شي عرفته وفاه زوج مشاعر..

حسين بعدني عن الكل.. على كولته ليش ادوس على الجن واگول اسم لله..

حسين كل شي صار بحياتي.. هل مخلوق الله رحمني بي شكد اذيته بس هوه لحد الان ماامذايني..

عوضني عن كل شي حياتنه هادئة لابعد الحدود يطلع يشتغل يرجع العصر ناكل نطلع نزور نرجع للبيت..

واهم من كل هذه هوه الامان الي دااحسه ويه حسين..

كل هذه وعلاقتنه سطحيه على كد السوال والجواب..

بعده عني كلش ينرفزني خاصته صارله يومين..

من انام يحجي بجهازه فوك الاربع ساعات..

ابين ماكو شي لاسمعت ولاشفت مغلسه على الوضع..

كعدت الصبح على نسمه هوه..

نفس العاده فاتح الشباك والجو بارد..

كمت غسلت وجهي سويت جاي ثگيل..

حسين بالحمام..

صار الجاي، طلعت اجبان خليتهن بصينيه..
وديت للهول شوي طلع من الحمام لابس بنطرون،فالينه تعلاكه..

كعد كدامي تريك، شربت جاي گمت من يمه..

طلعت للحديقه فتحت الصونده رشيت الحديقه رغم هيه ماطره والجو بارد حيل..

سمعت صوته وراي التفت گال.

حسين: اليوم والدي يجون على الغده سوي بس تمن البقيه اني اجيبه وياي من ارجع..

موده هزيت راسي گتله

بس عمو؟!

رد عليه هوه ويدكم اخر دكم قميصه..

حسين:لا امي وسدر وياه.

هزيت راسي رجعت ارش بالحديقه..

حسين:دخلي لاتتمرضين موزين عليج..

موده رديت عليه بدون مالتفت

ايي كل همك تخاف عليه وانت من الصبح تفتح الشباك ناس تفتح الصوبه لاانت شباك.

ضحك بصوت
التفتت عليه متخوصر رافع حاجبه..

گال ليل كله فاتحه صوبه وخانكتني بيها واني مغلس اگول خطيه بردانه..

الصبح تصير الغرفه عبارة عن خنكه افتح الشباك حتى يغير الهوه وتنشيط لعقلج شوي..

موده لا سويت زحمه شبيك باباتي، تره انته اربعه وعشرين ساعه محتر شسويلك وثانيةشي شمدريك باليل افتح صوبه هاا اشغلها بال12 واطفيها 4 لان ادري بيك متتحمل وتحتر.

ابتسم التفت لجهه الحديقه رجع باوعلي رافع حاجبه وعاض شفته. گال

حسين: غير احتر يااابويه..

موده:باوعتله بستهزاء گتله ان شالله دوم الحررر كول اميين.

ضحك ضحكه طويله گال
حسين:حسبي لله،ليش ولج بايك عافيتج لو ضحكتج هيج تدعين.

باوعتله بطرف عيني گتله اي يمكن الله اعلم، تره تأخرت على شغلك.

ضحك گال

حسين عوفي جبار مدفون هل فتره ريتي .

موده اكثر شي يضوجني من يكلولي جبار.
حجيت بضوجه..
حسيييين والله اخنگك اذا تعيدها..

ضحك تقرب كرصني من خدي گال.

حسين وهوه اكو احلى من جبار؟!

موده: طلع قبل لا اجاوبه..
قفلت لباب وراه، دخلت للبيت غسلت مواعين، والملابس..

نكعت تمن نضفت البيت شغلت الصوبه حتى يدفئ البيت..

لل11ونص كملت التمن سويت زلاطه..

دخلت للحمام سبحت طلعت مشطت شعري صاير طويل واصل لنص ضهري اتعقد من لطويل..

اخذت مكص فرگت شعري نصين كصيت طرف الاول والثاني لحد اذاني..

كلش غير من شكلي

رغم شعر الطويل حلو بس مااحبه لهذه اكصه دائما..

طلعت كذله اجيت اكصها توهوهت بس لا اصراري تفوق كالعاده..

كصيتها لحد حواجبي شكل ثاني ولا يگلك هذه اني..

اخذت حمره سحريه خليت شوي حواجبي ولا حافتهن من زواجي لحد هسه..

ندكت لباب لبست حجاب طلعت فتحتهه حسين.

انطاني علاليك الاكل

اخذتهن للمطبخ جايب دجاج وسمج ومركه فاصوليه،فواكه..

غسلت الفواكه والاكل غطيته حتى ميبرد..

رجعت للغرفه، مالكيت حسين

دورت عليه طلع بالحمام..

هستوني نزعت حجابي ندكت لباب، لبسته طلعت اريد اروح للباب ..

وكفني صوته..

حسين:جااي لاتطلعين.

رجعت للمطبخ سويت جاي..

طلع من الحمام الخاولي على راسه لابس تراك سود رصاصي..

وكفت كدام لاب المطبخ

فتح لباب وفعلا عمي ومرته وبنته وسد..

دخلو للبيت، شويه واجه گال

حسين:والدي سئل عليج روحي سلمي عليهم ولا يهمج شي اني وياج.

موده هزيت راسي گال

حسين: امشي كدامي اني وراج لاتخافين.

موده اخذت دولكه مي رحت للاستقبال دخلت سلمت عليهم وانطيتهم مي
التفتت حسين ماكو..

شوي رجع كعد يمهم واني فرشت سفره كعدنه تغدينه عمتي مراضيه لان اكل مطاعم.

خلصنه الغده جبيت الجاي

مرت عمي تباوعلي وتسوي هممم ..

شوي دخل حسين كعد مقابيلي يسولف ويه عمو

نحجي اني وسد صارلي هوااي مشايفتها..

حجت مرت عمي گالت

_شعجب مصار عدكم جهال وانتو متزوجين صارلكم سنه، اريد اشوف جاهل حسين.

موده سؤالها فاجئني وابد مجنت حاطته بالي..

صارت عيني على حسين الي كاتم الضحكه..

رد عليها

حسين : والله يانبع الحنان اني مأجل الفكره بعد مو هسه عندي شغل ومفارغ للواق والويق واصلا انتي تعرفين اتخبل من الجهال كلها اله جاهل يمي فاا ياامي بعد يمكن 30سنه او اكثر لان هسه ابظ ابد مامستعد لطفل، وزين انتو تعرفوني مااحب الجهال، بس الماعده شغل وعمل يخلف.

ردت عليه عمتي: ماغيرتك لعدمابيها حظ ، ابوك هم مراد جهال وهسه عندي خير من الله بس السبب من مريتك وانته تغطي..

ضحك گال:اي والله نبع الحنان مابيها حظ..

موده فتحت عيوني على وسعهن من كلامه انتبه عليه غمز رمشت اكثرمن مره

اخذ ستكان الجاي هستوه شرب..

رد عليهم عمي:مو ذبحت روحك عليهاوهسه تنطي بيها كدامنه ، يعمي بيج حظ حرمي من حصه التومينيه.

موده مافهمت قصد عمي بس حسين غص بالجاي يكح ويضحك انطيته مي شرب رد عليه عمي..

_على كيفك يابوي، هذه بسحجي لو فعل شتسوي.

حسين رحمه لابيك يابه وسد گاعده يمنه ماتفهم شي..

رد عليه عمي: ابني واعرفك.

موده حاجتني وسد گالت نروح لغرفتج..

ترخصت منهم طلعنه للغرفه..

سولفتلي عنهم عن اهلي مابيهم شي..

گال:موده ليش متحفين وجهج تدرين شواربج ينحلف بيهن.

ضحكت گتلها متعاجزه والله.

كامت جابت خيط من المجر واجت تحفلي اني هم معارضت بس شنو مدي اعيط من الوجع..
نضفت حواجبي

گالت ياله باعي گمت للمرايه نصدمت لهل درجه نايم على وجهي الشعر!!

التفتت الها گالت نزعي الحجاب رفضت لان عمي صاحني طلعت كدامهه وصلت للاستقبال سمعت حسين يگول

حسين: كلهن يروحن فدوه لمعانيها،ماحلت بعيني مره غيرها..

بسرعه خمنت يردون يزوجو ، الافكار السلبيه تستحوذني لدرجه مو طبيعيه..

دخلت للاستقبال حجه عمي

_بنيتي راح نرجع ورانه درب ان شالله بجيتنه الثانيه بيدج وليدكم..

دخلت وسد رادت تبقى بس عمو رافض

طلعو بيت عمي اخذت نفس براحه بعد ميحتاج انتبه لحركاتي هووف

حسين هم طلع وراهم.

غسلت وجهي احس نار تطلع منه..

مشطت شعري وكذلتي باوعت بالمرايه تغيرت كلش..

بدلت ملابسي لبست تراك شتوي

صار ليل ماطبخت اكلتمن الاكل الزاد طفيت الاضويه مال الهول بس الغرفه والممر عفتهن مشتغلات..

شغلت تلفزيون كعدت اتابع فلم..
النعاس تغلب عليه.. نمت ماحسيت غير على صوت سده باب الغرفه..

صحصحت باوعت للساعه ثنتين ونص. هزيت ايدي رجعت اريد انام مااكد اتگلب منا ومنا ..

صارت بتلاثه ونص واني بعدني گاعده مو من عادته كل مره يكعدني يگلينامي بالغرفه وليوم لا سد لباب على روحه..

ماتحملت الفضول يكتل والف شئ اجه بالي
رحت للغرفه هستوني اريد افتح لباب سمعته يگول لو تدرين شكد احبج ماحجيتي هيج..

مجرد سمعت صوته نزلن دموعي بلعت الغصه ركضت للهول دحست روحي بفراشي حاطه ايدي على حلگلي امنع صوت شهكاتي..

ابجي اضرب على راسي عاابت الج ماعرفتي اكيد هسه يحب وحده وانتي خربتي بينهم ..

ميحبج اقتنعي.. لاتعيشين بوهم مااله وجود.

ساعه ابرر اله ساعه الوم نفسي دخلت بدوامه الافكار السلبيه...

اتكلب مااكد ر انام ضربت رجليه بالكاع عصرت عيوني قوي..

مطرت الدنيا احتاجيت اطلع للحديقه احس المكان ضايق نفسي..

طلعت للحديقه الجو بارد والدنيا تمطر هستوه طالع الضوه..

وكفت بنص المطر ابجي..

سامعه يگولون المطر يغفر الذنوب ويطهر النفوس مااعرف صدق هل كلام..

دموعي تنزل ملابسي نترست مي رفعت راسي السماء حجيت من كل گلبي ربي اغفرلي ذنوبي الي سويتنن... طهر نفسي وجسدي.. يارب العالمين ماعندي غيرك بهل عالم..

مسحت دموعي ارتاكيت على المحجر مال حديقه.. مااعرف شكد مر من لوقت بس المطر توقف وحسين طلع مبدل..

شافني گال

حسين:شتسوين هنا الدنيا بارده كومي دخلي..

اطاني ايده ماباوعتله لان مفضوحه من ابجي عيوني يصغرن.. وشفايفي ينتفخن

ارتاجيت على السياج كعد كدامي مد ايده يرفع راسي غمضت عيوني بقوه بلعت غصتي.

تقرب عليه باسني بخفه بين شفايفي وخدي، ماتحملت شهكت نزل دموعي..

حسيت عليه مسح دموعي بااصابعه گال

حسين:ليش تبجين؟؟

موده ماتحملت حجيت بغصه وخر فدوه.. التفتت جهه الثانيه.

گال: شبيج موده شنو هل حجي..

عدل راسي گتله

موده: وخرت ايده من وجهي گتله مابيه شي بجيت بصوت ركضت بسرعه للبيت..

دخلت للحمام قفلت لباب.

كعدت بالكاع ابجي بصوت اضرب بالحايط بيدي..

اسمعه يحجي يصيح يريدني اطلع ماحجيت تأكدت طلع من البيت..

فتحت باب الحمام رحت للغرفه اخذت ملابس رجعت سبحت..

كعدت بالهول سحبت سحاب السويتر لبست كلا مالته تغطيت نمت وطع مو طبيعي بجسمي راسي يوجعني فتح عيوني لكيته واكف فوك راسي يحجي ماهتمي التفتت للجهه الثانيه تغطيت..

كل ماافتح عيوني هوه واكف ارجع انام لحد ماحسيت على مي فتحت عيوني كاعد يمي يمسح وجهي بالمي..

خزرته ضحك گال

حسين واخيرا صحت الاميره النائمه

كمت وكفت بالكوه
گال

حسين: روحي سبحي.

موده محجيت شي اخذت ملابس رحت للحمام سبحت طلعت ميته برد..

كعدت مقابيل الصوبه جاب خاولي نشف شعري..

صفن بوجهي گال

حسين: هيج المرض يحليج..

سكت ثواني گال

حسين:شوكت كصيتي شعرج؟؟!

موده مو شغلك.
حسين: مرتي.

موده: هه هه هه ضحكتني من شوكت بالله ذكرني.

حسين: اهاا تردين زواج فعلي اني حاضر..

موده: موميته عليك هل درجه لاتشوف روحك عيش حياتك اني مااحبك.

حسين:موده مشتهيه عركه شو صارلجمن لبارحه بس تناكرين عسى مااكول شي تطنكرين، وليوم وخر تاركج على راحتج وگتلج تحرمين عليه المسج دون رضاتج مبتعد عنج الف متر ادوس على روحيفي سبيل راحتج وهسه تحجين شكل فهميني الي تردي شنو واني حاضر.

موده: باوعت بعيونه گتله اريد اطلك ماااتحمل اكون عاله على شخص..

عكد حواجبه گال حلم ابليس بالجنه اني ماتزوجت حتى اطلك.

رديت عليه على كولت امي :اعبر الشط مادامه ضيك..

ابتسم گال: بس اني اريد اعرضه لهل شط واتمم زواجي منج عندج اعتراض؟؟!! ي ت ب ع

___________