رواية لماذا احببتك الفصل الحادي وأربعون 41 - بقلم اورجانزا الطائي

تفاعلكم يسعدني تفاعلو على الفقرات. 3200كلمه

قصه لماذا احببتك
البارت الثامن والثلاثون
بقلمي اورجانزا الطائي
.
.
.
.
.
.
. . .
حسين: لاتصعبين الامور .

موده باوعت بعيونه گتله ماريد..

اخذ نفس زفره ب ااه. گال
حسين: ثبتي لا والله هسه اتمم زواجنه ..

موده: كمت من يمه جر ايدي كعدني بصفه..

كمل تنشيف شعري عدل كذلتي گال

حسين: هوه ياهو اليجي يكص شعر، آه يالكذله شعلت ابو العشيره..

محجيت شي نزلت راسي مااعرف شنو هل تناقض العندي او العنده..

دموعي تنزل بهدوء رفع راسي مسح دموعي بااصابعه

گال
حسين:سنه احارب حتى متنزل هل دمعه وتالي ليوم اني سببها..حتى مااعرف شنو ذنبي بيهن.

موده ستهضمت من نبره صوته..

عكد حواجبه بخفه گال

حسين:هم المجرم ينطونه فرصه حتى يعترف وانتي هسه ماتگليلي حتى اعترف اذاوغلطان واذا لا.

موده بعدت نظري عنه احس الحجايه حشرت بزردومي گتله : انت تحب!!

رد عليه:اي ليش لا..

موده نزلن دموعي مسحتهن بسرعه يمكن جان عندي امل واحد بالميه يكول لا بس صدمني.. مااعرف شنو احجي فضلت السكوت.

حسيت على اصبعه لامس خدي ميلت راسي..

اخذ نفس زفره باآه يموده گال: هوه هذه الي خبصتيني بي يومين ومتغيره الف درجه؟!

موده: ميهمك انت بس يهمني اني. حسين يمكن عرفت بنفسي احبك بوقت غلط ابد مامناسب..

مركز عليه من احجي ابتسمت بحزن گتله: يمكن احلى ايام حياتي هنه وياك حسين انت عباره طيبه وحنان امان وكل شي..

بس دائما مانحس بالاشياء الحلوه اله ما نخسرها واليوم ثبت الي انو اني خسرتك.. اي لاتباوع هيج خسرتك وخسرت روحي هم..

عرفت هواي شغلات جنت جاهله عنهن اولهن جنت ضالمتك هواااي ابد والله متوقعتك هيج، جنت كل الي بالي انسان عصبي جاد مايضحك دومه معصب مايحترم احد بس لا طلعت مختلف جذري..

باوعت بعيونه بلعت ريكي بابتسامه گتله تدري جنت اصيحلك حسوان..

بعد نضره عني ثواني معدوده ابتسم بخفه گال وهسه؟!!

اخذت نفس بضيق گتله :اختلف الوضع والزمان والمكان..

ابتسم بلل شفته گال:ويلوموني جي انه احبج.
بس تدرين هذه اطريقه الوحيده الي خليتج تعترفين بعضمه لسانج انتي تحبيني..

ابد ماجنت اريد اتقربلج او حتى المسج واعرف انتي تحبين غيري لهذه مبتعد عنج..

ردتج انتي تكعدين كدامي نفس هذه كعدتج وتگولين يفلان انه احبك.

شوفي عندي امل كلش چبير برب العالمين واهل لبيت..نذرت بس تصيرين الي انتقل لكربلاء شرط البيت قريب على ابا عبدلله حتى اني وياج نخدم زواره.. وليوم انتي كدامي گلتيها تحبيني..

موده غمضت عيوني احاول استوعب الي حجاه باوعتله گتله يعني كل هذه حتى اني اجي اگولك احبك!!

ابتسم گال:اي كل هذه حتى تعترفين بعضمه لسانج بدون جبر من احد..

گمت وكفت ردت امشي صار كدامي حجه بضحك
گال:

حسين سالمين بنيتي وين شارده؟

بللت شفتي رفعت حواجبي گتله:لجهنم الحمره تجي وياي!!

ضحك بصوت گال:وياج لحد يزم الحساب..

موده نزلن دموعي عضيت شفتي بقهر حجيت وااشرت على نفسي گتله

موده:تدري شكد بجيت؟

ابتسم بحزن رد:خير من لله.

موده:وتعرف هم!!

حسين: من تنامين اجي امسح دموعج..

موده بيدك تكسر وتجبر

حسين من حبي الج.

موده الي يحب مايقهر محبوبه..

حسين بس انه حبي من نوع اخر مامستهلك من قبل الج بالباكيت..

موده:منو جنت تحجي وياها لساعاات طويله..

ضحك گال:اقرب من روحي عليه هذه الضلع الماينشع اخوي وسندي هههه

موده ولد!! يعني انت..

حسين هههه لاتطوخين صديقي خابر اول مره يسولف عن مشروع باله وعرفتج كاعده بس تتكلبين

مرن الثانيه تقصدت هم نجحت والثالثه هم واليوم انتي كدام عيني..

موده ليش هيج سويت

حسين: حبي الج خلاني اكبر شخص اناني
لدرجه صرت اتمنه احبسج بقفص حتى ماتشردين...

وانتي هم جبرتيني صارلي شكد وياج ومبين ذاك ويني احبج بس انتي جنتي قافله او مااعرف شتفكرين ..

موده خبيث والله.

حسين: حقيره ورب العزه..

موده انيي

حسين لا خيالج..

موده حسييوااان انته

حسين هاا مو اطيح حظ الي نطاج مجال..

موده عادي بس صدك سوال

حسين جواب

موده شلون تطيح حظك بنفسك؟؟!

حسين هااا هيج صارت موو تعالي لج اليوم منو يخلصج مني..

موده سحبني عليه، حضني من خصري..

وجهي بوجهه ماتفصلنه غير مسافه بسيطه درجه نفسه يضرب بوجهي..

ركز بعيوني خجلت منه كمش راسي من وره قربني اله كلش بس ثواني بتعد عني تحمحم مسح على راسه گال

حسين: موده اذا من صدك تردين قربي انتي تعالي فتح ادينه..

موده من ابتعد الف فكره اجت براسي بس كلامه مااعرف شنو لدرجه بسرعه ركضت لحضنه..

شدني لحضنه بقوه همس يم اذني..

حسين ربي لايحرمني منج..

موده ان شالله، بس الله يعلم شكد بجيت بهل ايام الفاتت كل مااتذكر ابجي لو مجرد اشوفه كامش جهازه اتخبل بس اغلس..

ماتحب ابينله حتى من اغار عليه..

اكثر شي حلو بالحياه من تلكين نص الثاني ويكون كد هل اسم..

حسين عيشني بعالم ثاني بعيد عن عالم الحقيقي..

اجمل يوم بحياتي هوه تم زواجي من حسين..

قطع حبل افكاري صوته هوه يگولي..

حسين:الف مبروك بنيتي..

موده باوعتله باابتسامه عميقه..

كمت وكفت صارت عيني على الفرشه نصدمت دم"

عيني تروح من لفرشه لحسين

ضحك گال شبيج..

رديت عليه.والدمعه لالتب عيني گتله دمم شلون

قبل لااحجي تقرب عليه كعدني مقابيله على للجربايه هوه كعد بالكاع..

حسين عادي بنيتي هذه تمزق الغشاء وتصير عادي لان اول ليله النه..

موده بصدمه ووو خالد..

حسين بضوجه هم حاسبته رجال؟؟!

موده مافهمت قصدي حسين.

حسين غهميني

موده قصدي خالد اخذني گال ماكو اي علامه..

مخلاني اكمل ضحك گال

حسين:الكافور اله حوبه بنيتي وهذه الحيوان مامتقربلج.

موده كافور ايش وشنو متقرب والله تاذيت..

حسين كافور عشبه او ورق عادي يتخلى للموته وهوه يوكف قدرته لفتره معدوده.

موده هااا صدك والله انت تطلع منك هل سالفه

ضحكك وخر كذلتي على صفحه گال خلف السواهي دواهي.

موده ن سوال ابد مافهمت عمي من كالي اكطع وجبه التومينيه مافهمت عليه شيقصد.

ضحك بمكر تلمس لحيته گال تعالي اشاورج عيب منا الحيطان يسموعون

موده حسيييين لا هيج فدوه شبيك «🙂لي كده حراام »

سحبني عليه شاورني لو اني مدري شصار بيه متت خجل من عرفت قصده والنوب الغباه اضحك واحجي واني مفاهمه قصده انو مااخلي يتقربلي..

صفنت عليه تذكرت سالفه الاطفال گتله حسين صدك ماتريد طفل لو لان عمتي لحت عليك..

ابتسم گال اني مااحب الاطفال اتخبل منهم للصراحه واصلا مانريد احنه الحياه طويله..

موده بقر ليش

حسيت اتخبل منو صوتهم مو النوب يكهعدون يمي..
لاغيها فكره الاطفال من دماغي وانتي هم ماتردين مو

موده دمعن عيوني گتله بس اني اريد..

قبل لااكمل كلامي سحبني لحضنه گال

حسين:اذا من صدك تحبيني لاتجيبين طالي الاطفال مجرد ذكرهم اتخبل اكره شي اسمه طفل..

موده: حسين تكره الاطفال تره احلى ما بالدنيا الطفل..

تقرب عليه كمشني من اكتافي گال

حسين:موده لاتسبقين الاحداث، بعدنه بدايتنه احتمال ربج مايقسملنه، بس تأكدي سعادتي وياج انتي بس.

موده طفرن دموعي من عيوني حط كصته على كصتي گال

حسين:لاتعذبيني هيج.. تخليني استحقر روحي ورب الكون.

موده:بلعت ريكي گتله اغيرك والله واخليك تحب الاطفال بس شيل فكره الاطفال مزعجين وشوف.

ابتسم باس كصتي گال

حسين: اختاريتج من بنات الكون واحسن من اختار..

موده احبك حسين.

حسين: طفلتي، حبيبتي صفحة بيضاء، وحياة صفاء ثغر باسم ك طعم التوت ، وقلبِ نقيّ وروح بريئه ..

موده ممم ثغر باسم كطعم التوت..

ابتسم گال

حسين:
ناعس العينين ، الخدود أزهار الربيع و الشفايف توت مرطب بالعسل...

يحجي ويلامس وجهي بااصابعه.. وصل لشفايفي طبع بوسه كلش خفيفه.

موده ضحكت گتله: صرت شاعر ومادري

حسين هل تعلمين انكِ كل احرف لغه العربيه
كتب الشعراء، لاجلك اجمل وارقى النصوص لاجل عيناك الناعستين..

مود تره والله خجلتني

حسين: يلوكلج الخجل يبعد ريتي وعشيرتي..

موده حسيين مامتعوده والله

شالني تمسكت برگبته باس راسي گال

حسين ربي لايحرمني منج.

موده ولا منك..

خلص ليوم وحسين بس يتغزل درجه خجلت كلش منه..

باليل طالع كعدت اتابع تلفزيون على فلم رعب مندمجه ويه الفلم بس كل شوي وجافله. اصريت اكمله..

ربع ساعه سمع طگه مال لباب جفلت بهل اثناء دخل حسين..

اخذت نفس براحه ستغرب گال

حسين :شبيج ليش وجهج اصفر هيج.

موده ضحكت گتله دااتابع فلم رعب وصارت طكه جفلت بس

تلمس خدي بااصابعه گال ماتخافين منه..

موده هزيت راسي بنفي سألته متعشي گال

حسين مااشتهي..

موده اهاا

كرص خدي باسني من كتفي كام وكف

گتله وين، طالع

ابتسم گال

حسين اسبح واجي.

هزيت راسي شوي رجع ينشف بشعره بس بالبجامه التراك سود اتعجب عليه ليش مايبرد؟!

حط الخاولي على لباب دحس روحه يمي..

سحبت ايده حطيتها جوه راسي الهول اضلم بس ضوه التلفزيون..

شرب جكاره التفتله گتله:تره مضر بالصحه..

ابتسم گال هذه راحتي.. تكدرين تتخلين عن راحتج؟؟!

من غبائي گتله اي واذا

رفع حاجبه صححت كلامي على كولت امي تريد تكحلها عمتها

الجگاره مو راحتك اني راحتك..

ابتسم گال شي منتين منه انتي راحتي وعذابي بنفس الوقت..

ضجت غلدمت گتله ليش بالله اني عذابك

ضحك بهدوء وخر كذلتي على صفحه گال الضاهر نسيتي سنوات اركض وراج هذه شيسمونه براييج..

واليوم كل راحتي يمجانتي وبس.

باسني بكتفي حضني ضليت اتابع من فلم لفلم لحد مصارت ساعه 2ونص تذكرت فلم الرعب الي وكف گلبي مساعه..

شفت حسين نايم ناطيني ضهره هفف والله خفت ثواني صار رعيد الدنيا مطرت بهل اثناء صوت اجه من يم باب الهول..

من خوفي عفت التلفزيون مشتغل دحست روحي بحضن حسين..

صد عليه فاجئني عبالي نايم ضحك وحضني صار راسي بركبته..

ثواني ابتعد عدل نومته نام..

ثواني نمت ماعلم جنت منعسانه بس حضنه دافي والجو بارد ثلج...

ثاني يوم كعدت على هوه بارد ابد ميبطل هل طبع حتى لبارحه ممشغله الصوبه..

فتحت عيوني ماموجود والشباك مفتوح الدنيا مغيمه مطر قليل..

دخل للهول بس بالبنطرون الگحلي والقميص الاسود بعد مساده..

ابتسم گال صباح التوت وليمون.

رديت عليه صباح النور سكتت بس بردت گتله حسيين.

رد عليه: روحة..

حجيت بزعل:سد الشباك والله مثلجه..

رفع حاجبه گال تعلمي هذه الشغله احسن الج راحه نفسيه بس تتعودين..

موده بردانه والله

باوع على الساعه..

ابتسم تقرب عليه تغطه وياي حضني يلعب بشعري

نعست گال

حسين شعجب كصيتي شعرج؟؟!

موده بنعاس:اصلا اكره لشعر الطويل اريد اكصره شوي بعد.. ليش مو حلو

ضحك گال الصرتحه اول مره اشوف وحده شعرها قصير وهيج توهج تدرين طالعه حلوه..

موده باوعتله ضحكت گتله عليك والله انته فد صاك

ضحك گال: يايابه حاطه عينج عليه مو عيب.

موده لا مو عيب..

نعست كلش بحيث مااكدر افتح عيني ستسلمت للنوم..

حسيت على حسين يسحب ايده من جوه راسي صحيت گتله وين.

رد عليه هوه يمسح بعيونه ساعه بيش

باوعت للساعه گتله 10ونص ليش

حط اصابيعه على عيونه عكد حواجبه وتثاوب گال

بعدج بردانه

رديت لا عادي ليش

ابتسم رجع مدد گال من وره حضرتج مارحت للشغل..

رديت عليه يااا ليش

ابتسامه فاتح عين ومغمض عين گال

حسين:مانطاني گلبي اسحب ايدي من يم راسج

ضحكت گتله لعد خل يفيدك گلبك.

ضحك سحبني عليه همس يم اذاني بذوبان طفله واخذتي عقلي مو حرام عليج يالظالمه..

ضحكت گتله اني ظالمه؟!!

ابتسم همس اي ظالمه انتي..
هسه عوفج من هل حجي ميوكل خبز

تعالي اريد اطلع النوم من عيونج تنامين وتعوفيني..

مود ضحكت گتله انته نمت قبلي

ضحك گال لا وداعتج اصلا ولا كدرت انام من وراج
متشوفين رجعت نمت.

موده طلعت من الحمام لابسه تراك شتوي لون نيلي
لافه شعري بالخاولي..

رحت للحديقه الدنيا تمطر بخفه والجو رهيب كلش حلو..

حضنت اديه لصدري بقيت طوه المطر..

ثواني زاد المطر گلبي منطاني ادخل وهل جو الحلو

حسيت على اديته تسلسلن لخصري وراسه على كتفي..

همس:دخلي لاتتمرضين.

ابتسمت گتله لا ميته حر

لافني عليه رفع حاجبه تلمس شفايفي بيده گال والزراك شنو معناه؟!

ضحكت گتله تعود هذه روتين بالنسبه الي نفس ماتفتح الشباك وتخليني اثلج.

هز راسه كال مو اگول انتي طفله..

موده هههه اي يمكن.

سحبني دخلنه للبيت شفت باكيت جكاير يمةباب الهول گتله هذه باكبتك شيسوي هنا

ضحك تمسك بااكتافي گال:اكو طفله صغيره عذبتني سهرانه لنصاص اليالي ومنطاني گلبي احاجيها لهذه بس شمرت الباكيت على الباب اجت تركض لحضني
.

فتحت حلكي على الصدمه گتله يعني انته موو

ابتسم گال اي يبعد ريتي وعشيرتي..

حضنته قوي گتله ماتتغير عليه موو

گال للموت وياج ماتغير..

موده مرت الايام صار شهر ونص على اتمام زواجنه

نفسي تلعب العاده غابتلي بس اتقيئ مصخنه نار بطني موتتني..

كاعده انتضر دوري صارلي نص ساعه هنا صاخت اسمي بتسمت اخذت الورقه وانطيتها فلوس دخلت للدكتوره..

شرحتلها حالتي انطتني تحاليل.اخذتهن طلعت..

لاكاني حسين گتله كالت ضروري اسويهن فعلا اخذ الورقه حسين عكد حواجبه مبين ضاج سئلته گال ماكو شي..

سحبو دم نص ساعه.. طلع النتيجه محجه شي ابو المختبر.

دخلت للدكتوره گالت حامل خفت حيل حسين ميريد اطفال حتى مانع جابلي..

مصدومه مااعرف شسوي بس دموعي تنزل..

كتبت علاج طلعت..

سألني حسين مجاوبته اخذ الراجيته جاب ادويه رجعنه للبيت..

بدلت ملابسي كعدت گال

حسين ماحجيتي شگالت الدكتوره؟!

مزده بلعت ريگي گتله اااا گااالت حااااامل.

بس حجيت نمحت ابتسامته گال

حسين:اني شگلت موده
مو اكلت خره وكتلج ماريد اطفال..

موده: ليش ماتريد طفل شنو السبب هذه ثمره حبك الي او حبنه ثنينه..

كام وكف عصر راسه فتر شويه وصاح

حسين: طفل ماريد اني من اخذتج گتلج موده طفل ماريد وجبتلج مانع صح لولا احجي لاتسكتين

موده تريد احجي تتحمل كلامي الي اكوله بدون متعصب زياده..

حسين احجي لاتسكتين.

موده بلعت ريكي گتله لعد انته تريدني شهوه وجسد..

حسين موده ليش فاهمه الزواج بس اطفال

الزواج مسؤليه والاطفال هم مسؤولية

موده اذا انته مو كد الزواج والمسؤليه ليش اتزوجتني او اكولك ليش تممت زواجنه لييششش

گمت وكفت كدامه باوعتله بستهزاء گتله: تعرف شنو ماكو فرق بينك وبين خالد خالد جان يلعب على مكشوف وانته لا اصلا مبدع احييك

مااحس غير ضربني راجدي كمشت خدي نزلن دموعي گتله

شوف نفس الشي هوه هم ضربني لانومعرف يحجي..

اصلا« لييش حبيتك» ليشش

رجع هم ضربني گتله حقير والله ماتهتم غير لنفسك
اهم شي عندك ال*****

جرني من شعر ضربني راجدي شمرني بالكاع

بجيت واصيح وخر وخر مني هوه زاد عصبيته دفرني بطني وضهري حسيته متقصد..

حضنت بطني واصيح وخرر وخرر حقير تريد تكتل طفل بعده مشايف الدنيا ..

جرني من شعري كومني كاز اسنانه گال

حسين طفل ماريد هيه كوه ماريد اطفاال لاتجبريني اسوي شي اندم عليه بعدين..

موده يحجي هوه الم بطني كلش قوي حسيت على حراره نزلت عليه زدت بالبجي مااعرف شنو..

باوعت لرجليه متروسات دم بجيت بقوه كمشت بطني باوعت لحسين گتله حسبي لله ونعم الوكيل عليك يحسيوان ابني ماات ماات يحقير..

شكله نصدم ماعرف شنو شمرني بالكاع طلع من الهول تذكرت كلام الدكتوره من كالت حملج كلشش ضعيف.. غمضت عيوني ستسلمت لواقعي المرير يتبع..

توقعاتكم للبارت القادم.

بنات منا ورايح انشر حساب اجمل تعليق

بارت القادم تردو عن اي بطل ؛لو عن بطل جديد تتعرفون عليه استثنو موده لان بارت لسابق كان موجوده وهذه لبارت الها.

اكثر شخصيه حبيتوها 🦋