رواية لماذا احببتك الفصل الرابع 4 - بقلم اورجانزا الطائي

قصه لماذا احببتك
البارت الثالث
بقلمي اورجانزا
.
.
.
.
.
.
.
.
.
.
.
.
.
.
.
.
الحياه عباره عن فرص وتجارب فاشله وناجحه
كل شخص ياخذ مستحقه منها إذا تم العقل نقص الكلام إلى من يهمه الأمر..

صوت زقزقه العصافير ورائحه الاشجار في الصباح لاتعوض..

حاطه اديه جوه راسي ومغمضه عيوني اسمع اصوات زقزقه العصافير وصياح الديج هه فتحت عيوني ادحك للسما دنيا الصبح الجو حلو..

فرحانه وفرحتي مانطيها لاكبر مخلوق بهل دنيا..

ايام بسيطه واصير زوجه خالد

ربي تمملي هل فرحه صارلي انتضرها من سنين..

گبل ايام خالد طلبني من ابوي الله يطول بعمره

وابوي طلب مهله اسبوع ويرد الخبر بعد يومين يخلص الاسبوع

ناذره اصوم عن الاكل والكلام تلث ليالي لوجهه لله بس اصير نصيب خالد..

يالعباس يكفيل اليتامه اريدك تكفلني بحاجتي واصير على ذمه خالد دخيلك يابو فاضل لاتردني انه نخيتك واريدك توكف

وياي ماكول اذا مو زين ابعده لا اذا زين گربه صوبي واذا شين هم گربه صوبي اريده بحلاته وبمرارته...

تنهدت بصوت وخرت اديه من راسي وكمت فتحت الصونده رشيت الطرمه آه آه آه ياريحه التراب شكد احبه اخذت نفس طويل ريحه التراب ترد الرووح
كملت سديت المي لفيت الصونده وحدرت للبيت ابوي ومشاعر نايمين بس امي كاعده

تقرا قران

صوتها بالتجويد حلو احب اسمعها من تقره وكفت بالباب تقره سوره التكوير

.....« بِسْمِ اللَّهِ الرَّحْمَنِ الرَّحِيمِ

إِذَا الشَّمْسُ كُوِّرَتْ (1) وَإِذَا النُّجُومُ انْكَدَرَتْ (2) وَإِذَا الْجِبَالُ سُيِّرَتْ (3) وَإِذَا الْعِشَارُ عُطِّلَتْ (4) وَإِذَا الْوُحُوشُ حُشِرَتْ (5) وَإِذَا الْبِحَارُ سُجِّرَتْ (6) وَإِذَا النُّفُوسُ زُوِّجَتْ (7) وَإِذَا الْمَوْءُودَةُ سُئِلَتْ (8) بِأَيِّ ذَنْبٍ قُتِلَتْ (9) وَإِذَا الصُّحُفُ نُشِرَتْ (10) وَإِذَا السَّمَاءُ كُشِطَتْ (11) وَإِذَا الْجَحِيمُ سُعِّرَتْ (12) وَإِذَا الْجَنَّةُ أُزْلِفَتْ (13) عَلِمَتْ نَفْسٌ مَا أَحْضَرَتْ (14) فَلَا أُقْسِمُ بِالْخُنَّسِ (15) الْجَوَارِ الْكُنَّسِ (16) وَاللَّيْلِ إِذَا عَسْعَسَ (17) وَالصُّبْحِ إِذَا تَنَفَّسَ (18) إِنَّهُ لَقَوْلُ رَسُولٍ كَرِيمٍ (19) ذِي قُوَّةٍ عِنْدَ ذِي الْعَرْشِ مَكِينٍ (20) مُطَاعٍ ثَمَّ أَمِينٍ (21) وَمَا صَاحِبُكُمْ بِمَجْنُونٍ (22) وَلَقَدْ رَآهُ بِالْأُفُقِ الْمُبِينِ (23) وَمَا هُوَ عَلَى الْغَيْبِ بِضَنِينٍ (24) وَمَا هُوَ بِقَوْلِ شَيْطَانٍ رَجِيمٍ (25) فَأَيْنَ تَذْهَبُونَ (26) إِنْ هُوَ إِلَّا ذِكْرٌ لِلْعَالَمِينَ (27) لِمَنْ شَاءَ مِنْكُمْ أَنْ يَسْتَقِيمَ (28) وَمَا تَشَاءُونَ إِلَّا أَنْ يَشَاءَ اللَّهُ رَبُّ الْعَالَمِينَ (29) صدق الله العظيم

موده. صدقت واشرت يمها

ضحكت وكعدت بصفها ابتسمت بوجهي مسدت على راسي

.. ليش مااجيتي كعدتي يمي

موده ههه ماردت اكاطعج وانه احب صوتج بالقران الكريم

ابتسمت بطمئنان
... انتي ستمري بالقراءه حتى تتمكنين من القرائه

موده ان شالله يمه
صج يماا انه كل ماافتح القران تطلعلي هذي السوره وانه اهجس هل سوره قريبه لگلبي مدري ليش..

.. الله اعلم الله اله بيها اراده

موده بحماس يماا تدرين انه وبت خالتي ذات متسابقين عليها ياهو الي تحفضها

.. احسن شي تسوو حفظ كلام لله

موده يماا ذات ربحت السباق حفظتها مااي بدون تئتئه

.. ماشا لله ذات ذكيه

موده يماا ليش انتي تزوجتي غريب موش من ولد عمج

.. ههه بنيتي ولد عمي ماهاويني وانه بعد ماهاويته

موده انتي خالو تزوجتو غربه عكس خالاتي كلهن اخذن الاخوان

... اراده رب العالمين

موده ونعم بالله انه اكوم اكعد مشاعر بايته يمنه حتى تنام

... هههه ماماتي عوفي بنت خالتج تنام خطيه

موده لا وللله اله اكعدها
بست امي من راسها وصعدت لغرفتي لبارحه نشلع گلبي على ما وافق خالي وخالتي توسلت بيهم يبقوها و هيه عايفتني ونايمه اله اكرهج بالنوم..

حدرت للغرفه اكعد بيها وهيه ماتكعد بالكوه كعدت

مشاعر يوو ولله بعد ماانام يمكم

موده ههههه نكرص احنه حتى ماتباتين يمنه موو

مشاعر ولله اي بنت خالتي اسمها موده تحرمني من النوم

موده عزااااا بعينج يامشاعر بنت خالتي

مشاعر بخوف شكو شصاير

موده بخوف ولج وينه عنج خاليي وخالتيي

مشاعر شكو شتحجين انتيغير افهم منج

موده لا كولي يدرون

مشاعر شنهوو

موده صحصحي وكعدي ياله

مشاعر وهيه تكعد كعدت احجي شكو مو بطيتي چبدي

موده كمشت اديها بقوه باين مصحصحه وياي

خالتي تدري بيج تحبين النووم

مشاعر اي وشكو هوه منو ميحب النوم اني وياه قصه عشك..

موده كاتمه الضحكه عزا عزا بعينج لج ياهو الي يحب النوم غيرج
ولج سكتي لايسمعوج وكفيلها لزينب يذبحوج

مشاعر شبيج خرفيتي شكو يذبحون

موده فلتت اديه منها وكفت يم الباب

ولج خايبه عيب هسه اذا يسمعوج يكولون سوالف متزوجين هيه شمعرفها واهي مامتزوجه

مشاعر اخذت صفنه هاا اي صدك
اردفت بغضب

ولييج مويدان اني البالي وصخ لو انتي چليله الحيه نوب تحجيها بعين صلفه انه كلت انام انطمر ما كلت
انعل ساسج

موده ههههههه انه شحجيت انتي كلتي وانه صححت الج

مشاعر ولي من خلقتي حرمتيني من النوم

موده هااا شكلتي

مشاعر مطال مال جاموس بحلكج

موده الله يخلصني منج ليش ما بحلكج انتي

مشاعر ولي من خلقتي

موده لا صج اسولفلج شي

مشاعر شنهو

موده مو تكولين لمخلوك

مشاعر غردي

موده بخجل انه احب..

مشاعر شنهوو صجج انتي لملسننه تحبيين وهذه ياهو الي حبج.

موده يووووو سكتيي مشاعر تلام منج ذات وتكلج عديمه المشاعر..

مشاعر جبي ياله واحجي بنات خالاتي يتحبحبن وينه عنجن مشيلخ..

موده هسه شمدري يشتم كفه ايده مثلا

مشاعر هسه احجي وعوفي الكفه منهو وشلون حبيتي من حبتج كراده

موده تصدكين كعدت بالحديقه ادعي يصير من نصيبي بحلاته ومرارته

مشاعر تفوو عليج شصخمين بمراره

موده عبن احبه من صج

مشاعر كملي خايبه ارد اشوف وين اخرتج

موده احبه من تلث سنوات

مشاعر من تلث سنواات شلحكتي تحبين وتعشكيين وانتي عمرج 18..

موده مشااعر وششش بيجج والكفل زينب مااحجي

مشاعر الصمي واحجي منين تعرفي ومنهو

موده يصير ابن رفيج خالي مشيلخ

مشاعر خلي يسمعج تصيحي مشيلخ اله يشمرج من اعلى السطح كملي وبعد شلون تعرفتي عليه

موده بفاتحه يده الله يشفعلها عرفته

مشاعر وينج يسمادوو بزرتج تحب وانتي مالج دره
ونوب بوفات يدتي

موده مشعيران اخلص والغي

مشاعر الغي

موده شفته وحبيته بالفاتحه وطول ايام لفاتحه يجي لين بيت خالي

بالاربعين دزلي مكتوب بيد اليهال

مشاعر ابن شيخ وعينه زايغه

موده لاتحجين عليه ..

مشاعر ولي انتي وياه

موده اسوي روحي مااسمعج..
وانه بعت ثجل عليه
رحت لين بيت خالي مشلخ

طلعنه انه وذات للبستان هناك واشوفه ويه جساس وديسم..

ضلينه بالختله ادحك اله

ذات رجعت للبيت وانه بقيت جساس شاف ذات راح وراها مدري شحجو واهي تضحك وياه

ورها بشوي خابر على ديسم وهم رجع بقه وحده رفعت راسي ولنه يشوفني ضحك تكرب ناحيتي

وانه بس اريد انهزم عاد خفت ومشيت اجاني صوته

... موده

خفت ارجع ويجون الولد ضليت واكفه منطيته كفاي

اسمع خطوته من يمشي على الاغصان اليابسه والاوراق طكطكه
ثواني كال

.. بس احجي وياج وانتي حره اذا توافقين اولا

وانه ماجذبت خبر درت وجهي وكتله وش بيك

دحك بعيوني وابتسم رفع حاجه ضهرت غمازته لج خايبه يخبل يمووت بالعباس لج انه ماعندي غمازه وهوه ناكرات بخديداته وحنجه..

كال بيه انتي يابنت الناس انه هاوييج ورايد الكرب من الشيخ واهلها.. اذا موافقه تكلمي حتى اخطبج من الشيخ ابو قامه..

موده ولج خيه غير سرحت وانه ادحكله الله من خلقه ماخلق غيره بجماله يحجي وانه كاسره ركبتي فاتحه الحلك من الان هاي الهاي شفت روحي تزوجته وحبلت منه...

عاد اهو اردف

... اريد منج اشاره تكفيني اذا انته هاويتني بس رمشي بعيونج.. والحليم تكفي الاشاره

انه ماجذبت خبر بدل الرمشه الوحده شبعته رمشات حتى عينه علكت من كد مافتحتها وسديتها

مشاعر كبوور اي ولله ولج خايبه وين المستحه وبن الخجل ولج انتي حتى الموخوش بنيه ماتلحك بيج

موده خاب ماتولين قابل انتضره يروح مني

مشاعر لا استفلتي احس ليج

موده اي اي هههههه هففف

مشاعر وش بيج

موده بعد يومين تخلص المده خايفه

مشاعر ليش

موده خاف ابوي يعند وماينطيني..

مشاعر اذا اهو قسمتج يصير لو اكبر راس وكف

موده ايي

مشاعر صج بعد يومين معزومين يم خالي الشيخ

موده قصدج مشيلخ

مشاعر اله يموتج ياله تسكتين

موده هههه اله اموت

مشاعر الله ياخذج واخلص

موده صج انه ماروح

مشاعر ليش

موده ماريد اروح الغثه يجي ليهم

مشاعر منهو

موده حسيون

مشاعر حسين وحياه عينه رجال وكد كلمته

موده يفدج اخذي انه مااحبه

مشاعر بس ماتردين ترحين حتى ماتشوفي

مود ايي خاف ابوي يحجي للشيخ ويصير زلمه وينهي عليه

مشاعر كولي اخاف مو مااحبه

موده الله وكيلج الاثنين

مشاعر هههه

موده ياله كودمي ننزل

مشاعر نازله وراج

موده نزلت شوي فتريت نزلت وراي مشاعر

ابوي كعد وطلع للشغل وانه نضفت البيت وامي تهير بالفطور..

اذن الاذان اخذت سجادتي صليت بالصاله مشاعر صعدت بغرفتي تخاف لايجي ابوي.

كملت صلاه قريت قران ودعيت ربي يجمعني بمحبوبي

كمت اساعد امي بالاربعه الضهر ابوي رجع تعبان سبح ونام..
كملنه طبخ امي راحت تسبح وانه سويت لك تمر ودهن حر ومشاعر سوت حلاوه طحين..

خلصنه انه رحت سبحت وطلعت لكيت مشاعر تخابر

محاجيتها مشطت شعري الي واصل لحد اذاني انه مااحب شعر طويل اتخبل منه..

باليل اجه اخوها اخذها اجونه خطار وخلص اليوم بعد تعب الجاي والكهوه

خليت راسي على مخدتي بسرعه دون تفكير نمت..

صحيت ثاني يوم روتين عادي..

  كاعده كدام مرايتي   احجي ويه انعكاسي

المفروض اليوم ابوي يرد الموافقه   اهييس گلبي طبل  خايفه  لامايقبل  ..  

سويت حركه بيدي ابعد الافكار من راسي

اووو  سكتيي مويدان راح تفاولين نفسج   لا ابوج ينطيج لخالد اي اي لاتخافين شبيج

اعوذو بالله من الشيطان لرجيم بسم الله الرحمن الرحيم  شبيج اليوم  تحجين ويه  المرايه

اذا ابقه كدام المرايه اتخبل والعباس   هسه  لازم انزل اقنع امي حتى مااروح  بس شلون اقنعها..

افتر بالغرفه  اطكطك باصابيعي  واكل بشفتي ممم يارب هسه شحجي  مم. اييي اييي لكيتها 

فتحت الباب ونزلت  لكيت  امي كاعده بالصاله  لابسه  النظارت  الطبيه وتقراءه كتاب

كعدت يمها..

  بلعت ريكي واردفت بتوتر وخوف مم يمااا

رفعت راسها  نزلت النضاره  باوعتلي  مبتسمه هاا

موده يماا ماريد اروح وياكم للعزومه

كضبت حواجبها  اردفت بتسائل

ليش يمه بيج شي

موده  باوعت للسكف  ونوب طكطكت اصابيعي   اردفت
موو موو تعباانه اي يمااا تعبانه 

اردفت بقلق وخوف .. شنهو  موده وش بيج  شيوجعج تكلمي لاتقلقيني 

موده هاا ماكو شي  بس بطني توجعني

من شوكت  وليش متكلمتي جان  خليت حسين ابن عمج يودينه  ابوج  موش هينه  هسه ادز على حسن.

موده  سمعت طاري حسيوان  فتحت عيوني وبلعت ريكي
   طفرت لالا يمااا   وش بيه  حصان ماتشوفيني اهرف من هينه لهينه   لاتدزين عليه يمااا مااريد طبتت والله

... بشك موده تكلمي وش بيج وليش ماتردين ترحين لبيت خالج الشيخ

موده سالميين يماا    وش بي  قابل بس مابيه اطلع لان لان مارييد

..  بنيتي حبيبتي اعرف الي بالج  مو حسين الي يسوي هيج حسين رجال ابن رجال  لو يريد ينهي عليج جان من زمان من خطبج وماقبلتي.. مو هسه وابوج كاله اخذها مكبعه بس اهو ماقبل كاله يعمي اذا مو برضاتها تحرم عليه حرمه امي واخيتي..

وانه اكلج ماراضيه على هذه الي رايدج عندي حدس تصيرلج مصيبه ييمه  ابنه عمج سترج موش الغريب ييمه 

وهذه انه ماراضيه عليه  ..

موده طول ماامي تحجي انه دمعتي ماوكفت   انه مااحبه لحسيوان  بس اهو مرتين خطبني وماقبلت وحتى كالي اهو يحبني..
بس انه احبه خالد اعشكه مو بس احبه ورايدته  بحلاته ومرارته..

رفعت راسي متفاجئه اردفت    ليش يماا ماراضيه والله خالد حباب وطيب حتى احسن من حسيوان  واهو ابن شيوخ ومعروف وانه احبنه  لاتكولين هيج..
تداركت الموقف هذه امي مو زهور لو ذات وكاعده اعترف كدامها  شهكت وخليت ايدي على مبسمي
بلعت ريكي   واردفت بخوف وتوتر
يمااا والله نسيت انتي اميي  وحجييت

امي كاضبه حواجبها   وابتسامه كلشش خفيه على مبسمها

موده يماا لاتضووجين بداعة  بداعه جدي خفااش اا قصدي واضب   يماا

.. موده يمه انه مامرتاحتله  واهيس وره زواجتج يصير اشي..

موده بتوسل يماا انه  احبه..

..  مووده ترانه اميمتج مو رفيجتج

موده  لا ولله انتي رفيجتي موش اميمتي

.. ييمه اذا بي الخير الله يكربه واذا مو خير الج الله يب..

موده قبل لاتكمل حجيت لالا يمه الله يكربه اذا زين وحتى لو مجان زين الله يكربه ليه

هزت  راسها بعدم رضه

موش هيج يموده انتي واعيه  هيج تكفرين وحارم عليج ييمه

موده نزلت راسي  وهمست صار يممه
بس مكلتيلي يماا ماروح موو

... هزت راسها اخذت نفس وزفرته بعدم رضه

لاترحين ابقي بس انه اكلج ابن عمج مايني عليج  لو يريدزجان كبل سنه نهه شيلي هل افكارمن عگلج..

موده اي يماا
بستها من راسها  ورحت لغرفتي سديت الباب  وكمزت  هيي  هيي ماروح هههه انفاسي تقطعن  وصرت الهث  مدددت على جربايه  اباوع للسكف واضحك..

اخذت دشداشه واغراضي رحت سبحت وطلعت انشف بشعري نشف بسرعه لان قصير..

تسمع  صوت بس ممبين منو 

شمرت روحي على الفراش مددت على ضهري اضحك 

اتخيل شكل خالد من بابا يردله لموافقه ولخطوبه من يلبسني النييشان  والحنه من يحنوني على اسمه والزفه من نصير جسد وروح وحده   ويصير عدنه ولد يشبها والبنت تشبهني  واكمل دراستي ...

قطع حبل افكاري صوت  امي

... مووده  بنيتي حسين يريدج تعالي بسرعه

موده  اهوو حسيوان وش يبي  مني 

كمت بتملل  اخذت حجاب لبسته ونزلت..

ها يماا صحتيلي..

... اي يمه دشي للديوانيه ابنه عمج رادج

موده بانزعاج  يمااا لاا

.... بااصرار 
موده كدامي للديوانيه

موده دنكت راسي توجهت للديوانيه

فتحت الباب   كاعد ومرتاك على القنفه حاط رجل على رجل   بيده اليسرى جكار ملامسه مبسمه  اخذ نفس وزفره منها نتيجته انتشر الدخان.. انتبه الوجودي 

طفه الجكاره بالمنفضه
  تحمحم وكف بهيئته الرجوليه.. عدل تيشيرته الاصحراوي.. ابتسم ابتسامه يادوب تبين.

.. حدري موده.

موده هاا ايي  اجييت.
يربي شكد اخاف منه الي يسمع حجي عليه يكول متخاف منه بس للصراحه اخاف منه اكثر من مشيلخ..

حسين. موده وش بيج  حدري هين.

موده هاا اي اجيت

  تمشيت لحد القنفه المقابيله ردت اكعد حجه

حسين موده  تعالي بسدي

موده بصدمه وخوف
هاااا بببسدكك..

ابتسم  رفع حاجبه الايسر ومسح على لحيته كال

لايشطح بالج انتي بنيه عمي   وانه بيتكم كاعد حدري على هل قنفه وين شارده باخر لديوان.. 

موده تفشلت منه  حتى محجيت شي كبل كعدت يمه فرق بيني وبينه مكان نفرين..

تحمحم وكال

موده انتي تعرفين منو انه وشنو انتي بالنسبه الي.
انه  خطبتج من عمي

  وعمي كال اخذها مكبعه

وانه رفضت واذا متصدكين سألي امج جانت شاهده كتله يعمي انه مااخذ بنيتك اذا مو برضاتها  كال مو بكيفها اهي اله كتله لا  وقسم بالله العلي العظيم
والكفل زينب  اذا مو برضاتها تحرم عليه حرمه اميمتي واخيتي

    وعمي وعمتي ثنينهم موافقين

بس انه حجيت وياج اذا تتذكرين يابنت الحلال انه احبنج ورايدج  زوجه الي.

بس انتي الله يحفظج رفضتي وبعد ماشفت خلقتج. لحد هذا يومي

والبارحه عمي اجانه كال جاييج خطابه واجه يشوف منهو منه رايدج  وحجه ويانه

وكالي انته رايدها لولا  وانه ماجذب عليج كتله رايدها

موده اول مره يمكن اني احاجي حسين  يادوب جنت اسلم عليه بس من كالي احبنج تركت حتى السلام.

موده شكد حنين صوته يجبرج تستمعيله بدون  متكاطعي.. 

بس خوفني من كال رايدها.

باوعت عليه عيوني مدمعه صفن بعيوني وكضب حواجبه

حسين وش بيج  المن هل دموع

موده مممابيه اشيي

حسين  چاا المن هل دموع 

موده هزيت راسي بنفي  هجج

حسين موده انه اليوم جايج متعني اريد اسمع موافقتج
انتي تهوييني لولا..

وثقي بكفيل زينب والسبع سماوات كلمتج ماتوصل لعمي حدها لهنا « دك على گلبه »  وماتطلع  لحد ماتطلع  هل روح منه..

وانه كايلج  هاويج ورايدج زوجه وانتي بكيفج  انه حلفت بكفيل زينب وقسمت اذا انتي ماموافقه تحرمين عليه حرمه اخيتي واميمتي..

موده   طلع شهكه مني بس اخاف احجي منه 

تقرب عليه   ورفع راسي تلاكت عيوني بعيونه  بلعت ريكي بصعوبه اخاف منه.. كال

حسين هاا يبنت عمي  باينه ماهاويتني موصج  تكلمي اهي چلمه وحده  اي  ، لا   وانه  ابقه سندج من بعد عمي.

موده هااا  اااا لاااا
نطقت ال لا  غمضت عيوني بقوه انتضر الراجدي  منه..
بس الصار صدمني  فتحت عيوني  ببطئ  صافن بوجهي ومبتسم.

تقرب عليه   باسني من كصتي   ووخر كال تراني بايس اخيتي  ومن اليوم انتي اخيتي وتحرمين عليه ليوم الدين  وكلامج وياي  ميطلع من هذه الديوانيه  بس تطلعين عتبتها تمسحي من ذاكرتج.

موده وخر عني اهييس عطره مجلب بيه  ملاني عطره

غمض عيونه  وفرك وجهه بقوه  اخذ نفس وزفره

طلع وكف بعتبه الباب رفع ايده كال

حسين استودعج بالله خيتي الغاليه..

موده طلع حسين   بس شو خفت.

  طلعت  صارت امي  كدامي

.. رفضتي؟؟

موده  بفرح  حرمت عليه.

... ييمه انه اكلج راح تتندمين  على هل زواج
ابن عمج سترج وغطاج.

موده يمااا وشب خالد ولله يحبني وواحبنه

... ييمه الحب الي تدوري انتي مايدوم  انه احجي عن رجال يحترم ويقدر ويثق  ويحب وانتي  تدورين على شي مايدوم  اله وكت ويروح ييمه..

موده باانزعاج اي يمااا اروح انام 

.. هزت راسها  كالت  روحي ييمه بس لاتجيني  وتعضين  اصبع الندم.. عمر طويـل مو يوم ويوم..

موده اي يماا اريد مبايلج

... تلكي على لشحن

موده شوكت ترحين للعزيمه

.. بس ابدل وابوج يجي عليه

زين يماا منهو يبقه يمي.

.. تجي وسد يمج بين مانجي واحنه مانتاخر

موده ايي 
اخذت جهاز امي ورحت لغرفتي دكيت على مشاعر

مشاعر هلا وچثير الهلا بخالتي مو من عوايدج تخابرين

موده  يولي انه موده مو خالتج منهو كالج امي تحبنج وتخابرج

مشاعر  سكتي ياله شتردين مو تجين  المن مخابره

موده انه مو كتلج مااجي ابقه

مشاعر ولله فزكانه

موده ولج مشعيران سمعي اليوم اجه حسيوان 

مشاعر صج  طلعتيله

موده اي دز عليه

مشاعر احجي ولج شصار  من البدايه

موده  جنت مدده وصتحت امي حسيوان يريد يحجي  وياي نزلت والي صار هوه.......... الخ

وهسه انه خابرتج

مشاعر لله يموتج واخلص لج حسين تفوتي شفايتلي يحبني غير املخ روحي  حسين جمال  وشخصيه وهيبه ودارس  شصخمين بهذا  ...

موده  ولي روحي حبي انهاحب خالد  ولج غير امي تحطي وياي وفلتت انه احب خالد  هه

مشاعر هههه هسه خالتي تسولفلي من تجي

موده هههه اي ياله  روحي امي تريد المبايل تجي ليكم

مشاعر ولي ياله.

موده نزلت جوه انطيت لجهاز  لكيت ابوي موجود يبدل وامي مخلصه وسد جايه اخذتها وكعدنه بالحديقه شويه وابوي طلع باسني من راسي وطلع.

كعدت يمي سد شويه وغوربت الدنيا دخلنه للبيت لكيت امي مسويه فطور  حضرنه الفطور وفطرنه  بعدها صليت وكعدنه بالصاله شغلنه التلفزيون 
انه رحت للمطبخ طلعت فواكه وعصير وچبس وحب

كعدنه ناكل ونتابع التلفزيون  لحد مصارت الساعه 10 دخلو للبيت ابوي شكله عادي بس امي ضايجه وعيونها حمر   وسد كالت اني اريد اروح ابوي اخذها  وداها

رحت لامي بغرفتها   هستوها نزعت العباه

وش بيج يماا ليش عيونج حمر

...  ابن خالج نهه على ذات..

موده  ياهوو منهم وذات  وش كالت

.. اخذت نفس بعمق وزفرته    هِجان نهه عليها  وبنت خالتج الله يسلمها ماسكتت  وصارت طلايب  وولد خالج مشلخ جنزوها وهسه اهي بالمستشفى حالتها خطره.

موده عزااااا صجج منهو اخذها   وليشش

.. شكثر تسألين هِجان اخذها للمستشفى وتعارك ويه اخونها وسجن اخوها الجبير لان كتلها..

موده اي يبعد طوايفي يستاهل بعد هذه هِجان مسيطر على الكل  بس ليش ابوي هج

...  حسين

موده باستغراب وش بي

...  حالته خطره بالمستشفى  بين لحياه. والموت  مسوي حادث على الطريق السريع..

موده  هااا  نقبض گلبي اهيس انه لسبب  ردت احجي  دك مبايل امي

فتحته  وخلت على اذانها ثواني شهكت ودكت على صدرها  ودموها نزلن كالت

..  لااله الاالله يتبع...  اذا التفاعل حلو باجر الكم بارت  بس هاا من هسه مو وحده تعلق وعشره مايعلقون بس يصوتون..

#ابد _ابد _مو _خبيثه 😇

_توقعاتكم للبارت القادم

_ علقو على الفقرات

_ وصوتو

واسفه لان تاخرت بس طولت البارت  3200كلمه 😫