رواية لماذا احببتك الفصل الخامس 5 - بقلم اورجانزا الطائي

قصه لماذا احببتك
البارت الرابع
بقلمي اورجانزا

.
.
.
.
.
.
.
.
.
.
.
.
.
...
لبيب

بنضري اصعب اشي بالحياه تودلد بعائله متفككه

اب بارد الاعصاب وام عصبيه

اب صارم  وام متعجرفه

عائله متفككه من اجيت للدنيا لحد هذه الحضه..

من وعيت واسمع امي انجبرت عليك لاعبالك ميته عليك كلك خلك ضابط نسونجي حقير..

وابوي دائما يردها موانه الي ابرر افعالي لوحده مالها ثكه بيه..

يعوفها ويطلع

اكثر من مره تكله اسممك انته وبناتك لاعبالك اخاف
وهوه يكله اعلى ما بخيلج اركبي..

وامي جانت تذب حركتها بيه انه وخواتي تضربنه على ضهرنه لو رجلينه ابد ماتضرب على الوجه لو الايد

حتى بابا ميشووف الاثار..

صادف يوم الاحد الساعه 2ونص الضهر  دنيا حاره
بعدصيف تموز..  

جان بوقتها عمري 11سنوات راح ادخل ال12

من دون الايام امي دارت بالها علينه وعلى بابا كل شوي تكله حبيبي وعمري  اني مالي غيرك

حتى ابوي استغرب افعالها

 جانت بالمطبخ  اجتي علينه اني جنت كاعده بسد ابوي  واخواتي وحده بحضنه وحده بجهته الخ

اصرت على بابا يجيب عصير جياس كالها اكو بطل واكو بواكيت انه جبت  بس هيه اصرت تالي لبس الكلبيه وطلع
بيقت بس اني واخواتي بالهول امي راحت لغرفتها

ربع ساعه  واجه جايب حلويات وحب وجبس وعصير وقواطي ببسي  امي رادت

   ابوي يجيب النه حلويات  بوكيت عصير.  لان امي تكله مابيه اسويلهن عصير   بس بهذه اليوم

سوت عصير بودره 

صاحتلي اروح الها  رحت وكفت
كدامها   حطت سراحيه كزاز  خلت بيها نص مي  وجيس بودره عصير الموز وشكر تلث خواشيك تخلي وتباوعلي تضحك خفت منها..

كالت  لبيب بنيتي جيبيلي الثلج من الثلاجه  هذه الماي حار

هزيت راسي وتوجهت للثلاجه  وكفت يم الثلاجه باوعت على امي شفتها

اخذت شريط مال حبوب مااعرف مال ايش  وخلت بالسراحيه بلعت ريكي بخوف واخذت مكعبات الثلج 

هذني يمه كالت

اي يعمر  امج..
يمه  شنو هذه الخليتي

هاا اا لبوبه هذه.شكر شوفي لون ابيض  بس هذه خاص لهذه العصير نخلي  ابوج جابه هستوه..

اخذت الثلج  وخلته  تضحك وتباوعلي  ..

خلطت شوي وجابت كلاصات تلاثه صبت  الشربت بيهن

ماما  ليش تلاثه احنه اربعه كالت

اني مااحب العصير اريد اشرب ببسي وصيت ابوج جابلي، واخذي هذه الطاسه البيهه شاميه والكرزات وديهن يمه

هزيت راسي اخذتهن ورحت للهول  بابا كاعد كدامي يتابع فلم ويمه اخواتي

شافني كام اخذ مني الطاسه والماعون  وحجه على امي ليش انه جايبتهن

ماما تسوي العصير

باسني من راسي وضحك

كتله بابا

روح ابوج

بابا مما خلت شي ابيض بالعصير وانه اخاف

صفن بوجهي  ثواني وضحك 

انه جبتلها  كتلها تخلي

بابا يعني ميموت؟

.. هههه لا بابا شنهي قابل  تعالي كعدي بسدي

كعدت  يم  ابوي امي تاخرت  كام ابوي طول ياله اجه

كعد يمي وحضني  وره بشويه اجت امي

كال

..  وينج طولتي  صارنه ساعه ننتضرج

كالت هاا جنت ا اسوي العصير

هز راسه   اخذنه العصير من امي

شربت شويه  واخذت شاميه اكل

بابا  ماشرب عصير بس ياكل  وامي تسئل ليش ماتشرب ضوك شغل ايدي..

وهوه يكلها شويه واشرب.

اخر شي كال بابا

.. ام بسمه جيبيلي كازو  والاركيله 

كالت تدلل من عيوني
و كامت

بابا اخذ العصير مالته  وراح للمغسله الي بين الديوانيه والهول   رجع الكلاص فارغ.

كعد  صاح بسمه بس الكازو جيبي شو نعست  .

اجتي امي تضكك   اياي اجيت

جابت الكازو بماعون كزاز كعد ابوي ياكل وانه كملت العصير    نعست ودخت   كمت  وكفت كال بابا

.. وين رايحه

بابا  نعسانه  اروح انام

قبل  يحجي ابوي جاوبت امي

خلها تنام هيه  سهرانه منايمه زين

كام ابوي  باسني وكال روحي باباتي..

عفتهم ورحت لغرفتنه اني واخواتي  اختي الاصغرر مني نايمه بالغرفه   والاصغر يم ابوي.

نمت بعد  مااحسيت غير على اصوات عاليه

    كعدت خايفه وگلبي يدك بسرعه 
اختي سبيل واكفه  تدك باب الغرفه بقوه وتبجي  والثانيه لبان بالكاع تبجي  وصوت ابوي  وامي عالي حيل بس وياهم صوت مااعرفه منو 

   وخرت الغطه  ووكفت  راسي يوجعني  غمضت عيوني بقوه وفتحتهن

لزمت راسي وجع مينحمل  كمت ابجي على وجع راسي

  تمشيت على الباب  وخرت لبان من يم الباب  وديتها يم بان كعدتهم سوه...

ورجعت للباب ادك لباب  واصيح باباا  بابا تعال افتح بالباب ميفتح دكيت الباب  بكل قوتي  واصيح بابااا تعااال
امسح دموعي بقبضه ايدي وادك لباب

اسمع امي تفشر وتغلط على بابا  تكله

ولك كو** ابو النسوان  تمد ايدك عليه بيك حظ تعال عليه انيي انيي الي تفقت وياه   عليييك  ولك انيي ابتليت بيك  اكلك طلكني ماريدك مااااااريدك هيه كووه 

اني اكرهككك هِجان اكرهكك

اني مااحبك جنت اضحك علييك بس حتى ابوك  يساعد  ابوي  افهم 

هِجان  من لله يطيح حظج انتي والكو** ابوج
ولج  منو الي هداج الي
هااا احجي شو الصمتي  ولج لو ماانتي خابرتيني  كلتي اني بعرضك اقبل بيه ضحكو عليه

احجيييي منوو كااال  احجي من طيح لله حظج  ورطت روحيي بوحده زانيه  ولج اني اوكف ضد اهلي علمودج ولج انيييي الي الي عفت اهلي 10سنيين  علمود حضره جنابج  حتى  ماتنقهرين على اهلج.

ولج عشر سنوات اني  ببغداد  ماكلتي هذه الكلب ابن ستين كلب الي يدور رضاج ولج 13سنه ماماد ايدي عليج ولا مسمعج حجايه

وتالي هيج تجازيني تخلين منوم الي ولبناتج حتى تنهزمين ويه هل كوا*  بس حسافه عليج  لو معيش كلب وياي جان اوفه منج.

بسمه دياله على اساس اني  الي حابتك ومنو كالك هااا منو جبرك تتزوجني  وممنوع تكول على اخوي كوا* اخوي اشرف منك ومن عشيرتك

« ها بنات شلونجن  🌚😂»

لبيب   اسمع كلامهم وابجي ليش  هيج  ابوي وامي 
مسحت دموعي  بيدي  ودكيت الباب  بقوه بابااااا تعاال  بااااباااااا  باااباا تعال  فدوه تعااال بابا  حبيبي تعااال

ادك الباب بقوه واصيح  صار هدوء بس اصواتي وضرباتي على الباب..

شويه ونفتح.

وخرت صار كدامي ابوي  وجهه احمر من العصبيه حضنته وشهكت.

هِجان. شششش ليش البجي بنيتي

.. بباببا   شببببيكك اهى باباا ولله احببك

هِجان اششش يبعد ابوج وطوايفه المن البجي 

لبيب. بابا  ليش تصيح

هِجان ماكو شي بنيتي   روحي سكتي خواتج  انه هسه اجيج.

لبيب  رفع راسي مسح دموعي  وباسني من كصتي وراح 

رحت لاخواتي  سبيل كاعده بالزاويه وبان نايمه  ..

تقربت منها شلتها نومتها على السرير   كعدت بصفها وخرت كذلتها من وجهه ومسحت عليه دموعها ناشفه على خدها..

   بست ايدها وكمت لسبيل  كعدت يمها اهدي بيها   شويه هدئت.  كامت مددت على سرسرها    عفتهم وطلعت من الغرفه  امشي على كيف   بالكوه اتنفس .

تقربت على باب الهول مسدود   فتحته شويه ابوي واكف ويدفر   شويه ودنك  ورفع روحه نتبهت على الي رفعه شهكت بصوت  بعد ماحسيت على شي غيرعلى صوت ابوي يكعد بيه

فتحت عيوني على كيف  ابتسمت  رفعت روحي  وخرت من حضنه .

هِجان. شبيج باباتي

لبيب  تذكرت الشخص الي شفته  بجيت بقوه  ابوي يهده بيه واني بس ابجي..

بااابا منو هذه...

هِجان  بنيتي ماكو شي  تتخيلين

لبيب برفض لالا بابا ولله شفتك انته شلت واحد من الكاع  رفعته كله دم ممبين شكله...

هِجان تتوهمين بنيتي ماكو شي بس امج وبالغرفه مالتها ماكو شي.

لبيب بااصرار  بابا ولله

هِجان باصرام لبابه ليش الملحه ياباباتي

لبيب  بدموع بس بابا  اني شفت

هِجان  اشش بنيتي ياله كومي كافي دلال   جبتلج اكل كومي اكلي اخواتج اكلن وانتي بعدج.

لبيب  ماجوعانه

لاباباتي تره ازعل منج

لبيب لااكل بس تاكل وياي

انه ماكل بس انتي بقيتي

لبيب ابوي يحجي وعيونه دامعه  كتله ولله ولله مااكل وزعلانه منك لان متاكل وياي

هِجان  ههه ياله كومي خل ناكل

لبيب كعدنه ثنينه جايب دجاجه مشويه   اني اكل وهوه بس صافن على الاكل وكل شوي يزفر نفسه.. ويعصر راسه اخر شي صاح بصوت عالي  ياالللله  ليش هل اختباار ليشش كمش راسه  ودنك.

تقربت عليه باباا

مجاوبني

بابا حبيبي  شبيك  رفعت  راسه  بديه  عيونه حمرر  ودموعه نازله على خدوده  مااعرف ليش بس شفت دموع ابوي نزلن دموعي..

مسحت دموعه بديه  وكتله هل عيون الحلوه مايبجن على شي مايسوه..

بابا من يلكانه نبجي يكلنه هذه العيون الحلوه مايبجن على شي مايسوه.

ضحك ومسح  وجهه بقوه   شالني حطني بحضنه وكال

.. كبرانه بنيتي وجايه تبيع كلامي عليه ههه

لبيب هه  انته تكلي هيج وانه كتلك نفسه
حضني على صدره وكال كملي اكلج بنيتي

لبيب نعسانه اريد انام

هِجان  ياله لعد كومي بسرعه  نامي لان تاخر الوقت هسه

لبيب  بسته من خده وكمت  لغرفتي  تمشيت الها اسمع صوت امي بغرفتها  غيرت اتجاهي ورحت لغرفتها كمشت يده الباب ردت افتحها متفتح واسمع صوت امي
تفشر

ولك كوااااا* شسوويت باخويي ولكم اللله ينتقم منك كلب  حقير ابو النسوان عبالك نسيتها  ولك وحق الحسين اعرف بيك  حاطو صورتها بجهازك ولك والله اعرف   بس مغلسه لان مااحبك  سمعتتت هِجان اكررهكك  مااحببك...

لبيب كلام امي بقه بالي غلطها وفشارها على بابا جانت حتى على بيت جدي اهل بابا تغلط وتفشر وهيه يمكن مره وحده رايحتلهم انه وياها وخواتي  وهيه دائما تسوي عركه حتى متروح ويه بابا

بوسط افكاري  وذكرياتي ندك الباب بقوه جنت خاله راسي على الباب  جفلت وخرت  رجعت خطواتي ليوره ارتدمت  التفتت ابوي حضنته وبجيت

بابا شبيها ماااما

هِجان امج تعبانه بنيتي ياله لغرفتج اليوم انام يمجن مشتاكلجن

لبيب صدك بابا

هز راسه  واني اخذته من ايده ورحنه لغرفته

نام يم بان   وانه  نمت بمكاني  بسرعه..

ثاني يوم  كعدت على صوت دك  بالخلفيه طلعت للخلفيه لباب مفتوح   باوع بابا  يدك جينكوه على الشباك مال غرفته 
واصل للنهايه  دك اخر  بسمار  انتبهلي ضحك كال شلونها بنيتي اليوم

لبيب زينه بس ليش بابا حاط جينكو

...  احسن بابا الذبان والبك  يدخل للغرفه والدنيا حاره هم الجينكو يعزل الشمس واللذبان ولبك..

تمشيت شوي وصلت يم الحمام مال الغرفه  هم ساد شباكه

بابا زين  ليش شباك الحمام هم ساده..

هِجان بابا اخاف على امج من البك.

مشت الايام وابوي وبس ابوي يدخل للغرفه  اسمع فشار امي وصياح ابوي

طول هل خمس اشهر ماشفت امي  حتى مالمحتها بابا يوديلها الاكل ويطلع  لحد مابيوم باليل اسمع ابوي  يحجي ويه امي 

هِجان بسمه انه مستحيل ابقه وياج  وتاكدي انه مافد يوم خنتج  لاخايف منج ولا اشي  بس خالقج مانع الزنه

وانه انتي موجوده زوجه المن هل تملعب واروح ازني

بس  انتي دمرتي حياتنه مافد يوم كعدنه تذا ماسممتيني بكلامج ولج انتي خحتى بناتج ماخلصن منج...

اكو وحده عاقله تبيع  شرف بنتها مقابل سفر 

تردين تطلكين  تعاليلي وكولي  واريد اشوف ياكلب يرفظ

بسمه بس اني كايلتلك  وانته تكول ماطلك عندي بنات يتيهن

هِجان وتشوفين كلامي غلط يعني

بس اسئلج سوال  سوايتج لله يقبل بيها من تنطين منوم  لبناتج ووتردين تنهبين

بسمه بس اني شارده ويه اخوي مو غريب

هجان   واتفاقج  شرف بنتج مقابل جواز وسفر لتركيا

لج ماكلتي بنتي طفله، عوفي الطفله ماكلتي من تكبر شيصير وياها ولج مو يكولون بايعه روحها من طيح لله حضج

بسمه  هسه صاير تستشرف براسي  وخر من يمي وانه كتلك اريدك تطلكنيي فهمت لولا

هِجان ولج غير بنتج من لحمج ودمج لو انه غلطان

بسمه لاتبيع عليه شرف وانته من تروح للناصريه تلعب لعب ويه بنت عمك  لاعبالك مااعرف تحبها 

هِجان اعرف بيك تحبها لذات تره  وخلي تتهنه بيك  انه مااريدك روح للكح*

ولج  هذه الي تحجين عليها اشرف منج ومن ابوج
ولج لمسه مالامسها مو نوب وحده كحب*  مدري منو نايم وياها..

ويبسمه انتي طالك  بالثلاثه طالك طالك طااالك  تحرمين عليه ليوم الدين.

لبيب  اسمع صياحهم وابجي ماعندي وسيله غير البجي.

ابوب طلك امي  وامي تهلهل  بصوت عالي

كرفصت يم الباب خليت اديه على اذاناتي ماريد اسمع صياحهم..  دموعي ينزلت وصوت شهكاتي المسموع المستمر..

شوي ونفتح الباب بابا طلع  شافني   اجه كرفص يمي

هِجان شبيج باباتي ليش البجي  كومي ياله وياي اطلعج انتي وخواتج اونسجن..

لبيب اخذني من ايدي وكومني وداني للغرفه ابد الي والخواتي..

بدلت ملابسي وملابس بان سبيل تعرف تبدل   بان  بالكوه تبدل.

طلعت اني وخواتي للهول مالكيت ابوي وغرفه امي مفتوحه بس جانت ضلمه فتحت باب الكلدور مقفوله

وباب المطبخ هم مقفول.

انتضرنه نص ساعه ياله  نفتح باب الحديقه  ركضت للشباك مال الهول

فتحت البرده  صار بابا كدامي يضحك..

فتح باب الكلدور رحتله  كتله بابا وين جنت

هِجان  باابتسامه حليت مشكله واجيت ياله صيحي اخواتج خل نطلع.

لبيب هزيت راسي  ورجعت  لاخواتي اخذناهن وطلعنه..

اخذنه المطعم  وطول الطلعه يضحك لو يصفن..

لحد مارجعنه للبيت  بالطريق اخواتي نامن . كال.

هِجان لبابه بنيتي

لبيب التفت عليه وكلت ها بابا

شغل جكاره كمشها بيده ليسره مرچيها على شباك لسياره والايد الثانيه على ستيرن يسوق بيها..

نفخ دخان الجكاره على جهه الشباك  وباوعلي..

هِجان بنيتي باجر ننتقل  للناصريه.

لبيب ليش بابا

هِجان  بااقناع انتي موتردين تشوفين بيبيتج وجدج لولا مو كلتي اريد اشوف مشاعر وشوك

لبيب  بابا وامي  تجي ويانه..

هِجان تخذ نفس عميق من الجكاره ونفخه  كال
لا بس اني وانتي وخواتج من اليوم انتي امهن لاخواتج
انتي تديرين بالج على خواتج.. امج طلكتها وبعد ماترجع انتي چبيره وتعرفين..

امج ماتريدني امج عافتنه  وراحت..

سكتت ثواني واردف بحذر

لبابه اذا احد سئلج ليش ابوج وامج تطلكو كولي ابوي طلك امي لان خيرها بينه وبين اهلها ماتريد تجي للناصريه.. اياج تجاوبين بغير  هل كلام.

لبيب بس بابا ليش ماما هيه كالت تريد تعوفنه وتسممنه انه وياك واخواتي..

هِجان بااقناع. باباتي حبيبتي  اذا تحجين هيج يرجع عليج انتي وخواتج مستقبلجن يضيع  بسب وحده قليله ادب شنو ذنبج انتي باجر عكبه هم تتزوجين واخواتج هم.

لبيب بابا حتى لمشاعر مااكول

هِجان اي حتى لمشاعر الي صار بيتنه ميطلع لاي مخلوق واذا طلع ازعل  منج وبعد مااحبج

لبيب لالا بابا ولله مااحجي.

هِجان عفيه بنيتي

لبيب شكد ابوي يحجي وياي  حتى مرات ماافهم شنو معنى كلامه.

شكد افكر بكلامه بس ماالكه جواب.

وصلنه للبيت   نزلت اني  فتحت الباب الوره شلت اختي الصغيره بان وبابا شال سبيل...

فتح الباب ودخلنه  طلع المفتاح وفتح باب الكلدور  دخلنه حط سبيل على الكرويته  وطلع

انه خليت بان بالغرفه  وبدلت ملابسي  وطلعت يم ابوي

مالكيته بالبيت  طلعت ادور عليه بالحديقه 

كاعد على الكرسي  وخال رجليه وحده فوك الثانيه على الطبله   وايده على عيونه ولثانيه بيها جكاره  ..

انقهر على بابا كضه حياته بس يفرحنه ابد ماضوجنه حتى ميمد ايده علينه حتى على امي 

بس امي ابد متحبه ودائما تكول اني تزوجتك مو برضاتي  وهوه يرد عليها لوما  ابوج هداج الي  وانتي خابرتيني كلتي اني بعرضك  ضحكو عليه اني مو بنيه...

ترسخ كلام ابوي.وامي ببالي

شنو  معنى اني بعرضك؟؟

شنو موبنيه؟؟

شنو ضحكو عليه؟؟

مرات اكول امي ولد. لوشنو   ليش ضحكو عليها 

يعني ماشترولها ملابس وحلويات لوشنو

شنو معنى عرض

وليش امي تكول لابوي انته تحب ذات منو هذه  مقوله هيه هم تحب ابوي  وليش بابا متزوج حرام يحب غير امي...

شكد افكر واكو اسئله براسي بس ماالكالهن حل  وهذه الي يدوخني ليش وشنو وشصار...

نفضت الافكار من راسي  تقربت على بابا

حضنت راسه   وخر ايده وباوعلي ابتسم  

هِجان  باابتسامه تعالي بنيتي 

لبيب  بابا حبيبي  ليش ضايج

اخذ نفس وزفره كال

هِجان ضايج عليجن منو الجن  وانتن بنات..

لبيب انته النه 

هِجان  الله يحفظجن  الي  بس هاي اريدها من لله

لبيب بابا  ياله كوم  نعزل مو باجر نروح للناصريه..

هِجان بس ملابس ناخذ  اني ماثث البيت الي بالناصريه ميحتاج شي  غيرجن انتن تنورنه بوكاحتجن هه

لبيب باباا والله اني مو وكحه

هِجان حشه الوكاحه بنيتي لبيب وينها وين الوكاحه اصلا هيه تعلم الوكاحه هههه

لبيب هاا  صفنت بكلامه شنو يعني   كتله بابا  شنو يعني

هِجان يعني  انتي عاقله هههههه

لبيب ياله بابا نعزل ملابسنه

هِجان مو تدلل عليه لبابه ابوها.

لبيب  كومته من ايده اخذته للغرفه 

نزل جنط مالاته  مال السفر  اربعه  ثنين كبار وحده وسط وحده صغيره

خليت تراكاتي وملابسي بالجنطه  وملابس اخواتي هم
بقت جنطه الجبيره والصغيره  الجبيره خليت بيها ملابس الطلع  وبدلاته العسكريه.. وملابس البيت
والصغيره  خيت بيها علبه مستطيلها بيها مكعبات صغار مكان السبح  اربعه وعشرين مكعبه بيهن السبح لرجاليه  ويه كل سبحه محبس سيت يصيرن..

وثمن علب ساعاته  وخمس عطور واوراق مااعرف مال شنو  بابا كلي خليهن.

كملنه  نقل الملابس  بابا نام  يم بان واني نمت بمكاني

حسيت على ابوي يكعدني 

كمت بسرعه  غسلت وجهي وبدلت كعدت خواتي  بدلت لبان وسبيل هيه بدلت..

كملنه طلعنه من البيت  قفل باب البيت وطلعنه  الدنيا
هستوها تفتح..

خولتي رجعن نامن  واني بقيت كاعده خاله راسي على الجامه  شراح يصير  بحياتنه  وامي شصار بيها...

  دنزلت دعمتي مسحتها  غلبني النعاس  ونمت 

فتحت عيوني شمش قويه بعيوني  فركتهن  وباوعت لابوي يسوق والجكاره  بيده..

كتله بابا بعد شكد ونوصل

هِجان  صباح الخير يوجه الخير  مابعد شي ونوصل.

لبيب ههه صباح الخير نسيت

هِجان هههه عادي مابعد شي راح نوصل اقل الخمس دقايق بهذيج الوفه

لبيب ياا صدق قربنه

هِجان اي

لبيب  شويه ووصلنه نزلنه  اني وابوي

تلكانه ولد  مو كلش جبير  وسط  بوس ابوي    وسلم عليه   كالي

... هله بببنت العم انه إسلام ابن  عمج حسنين

لبيب هلاو إسلام شلونك
شو هذه ضحك وابوي هم ضحك   وكال هلا هلا ببنت عمي

ضجت منه هو اني شكلت حتى يضحك.

إسلام  ياله عمي فوتو الشمس تصكع

هِجان بس اجيب البنات

لبيب  فتحت الباب  شلت بان   بس
إسلام ماقبل  هوه اخذها مني..

وبابا شال سبيل

كمشت ايد بابا ودخلنه للبيت..

خايفه منهم لان اني مااشوفهم غير بس بالاعياد مو كل مره   بس من بابا يجيب علينه  عماتي فجر وشوك ومشاعر  ..

واليوم اني جايه يمهم.

دخلنه للبيت  تلكتنه بيبي تهلهل  وتطش جكليت  تبجي

تمسح دموعه   وتحجي ولك يبعد روحي  ليش حرمتني من شوفتك 

اجه علينه إسلام  اخذ سبيل من ابوي  وابوي راح لامي باسها من راسها وايدها..

وبيبي بس تبجي  وتكول الميخافون من لله  حرموني  منك يابعد حيل امك

وخر عنها بعد ماهدئها وراح سلم على جدي  صاحلي  سلمت على بيبي وجدو  وفجر مشاعر شوك  وزوجه عمو حسنين وبناته توئم اكبر مني بسنه..

كعدنه بالاستقبال ضلو يحجون  لحد مصار الغده وتغدينه 

سألت بابا شوكت نروح لبيتنه كال على باجر
لان العصر يرسد يروح لعمامه..

فعلا كعدت يم عماتي مشاعر وشوك بس عمه فجر  ولا عليها بينه  ..

صار العصر   وبابا كالي حضري روحج  ترحين ويانه

بدلت مشاعر لان تجي ويانه..

  وصلت للباب  ردنه نطلع حجت بيبي

.. ابو لبيب  لبيب شكد عمرها

جاوبها ابوي

هِجان كم يوم وتدخل بال12 يمه

.. لعد شلون ترضاها تطلعها وياك بلا حجاب وهيه بالغه

هِجان بعدها صغيره من تكمل ال12تلبس

....  ييمه اسم لله على بنيتك شو مبينه بنت 15 مو ال12  شابه ليش تخلي الناس  تخلي عينها  عليها وانته تشوفها.صغيره بس اهي جبيره  بالديره عمرها 13 يزوجوهن  وانت تكول صغيره

هِجان هههه ان شالله يمه على الجايات تلبس حجاب مو لبابه

لبيب هزيت راسي  بدون مااحجي

طلعنه من البيت  انه وخواتي ومشاعر وبيبي وابوي..

شويه ووصلنه يم بيت كلشش چبير   كالت عمه مشاعر بيت عم ابوي الجبيره يعني الشيخ مالتهم  وهو  يحب ابوي..

دخلنه للبيت    وصلنه قريب الديوانيه على كوله عمه مشاعر
  فا من الجهه الثانيه المطبخ  بعده ابوي واكف
ويه واحد  يمكن كالت مشاعر الكهوچي   احنه نريد ندخل على جهه المطبخ

   اجانه ابوي يحجي ويه عمتي

هِجان مشاعر خيتي بنياتي امانه يمج.

مشاعر هه   بعيوني اخليهن ولله   ومحد بالبيت غير ذات وخالتي..  امن خويه

لبيب تذكرت امي من تكول لابوي انته بعدك تحبها لذات

بهل اثناء اجتنه وحده تركض  حضنت عمتي مشاعر

وتكله فلك صابج مشتاكه مختفيه مانهه من عوايدج مشعيران..

مدري شكالت عمتي والبنيه وخرت  باوعت على ابوي  مبتسم  ابتسامه خفيفه و وعيوني يلمعن.

البنيه باوعت لابوي  وضحكت بخجل   عيونها يلمعن لمع

ذات  هلا ولله منور الديره ابن العم..

هِجان منوره باهلها  يبنت عمي.

ذات  هذه البوته بنتمن بنتك موو

هِجان  اي بنيتي  وفيت بچلمتي ردتي تشوفيهن  وجبتهن لدارج

ذات هه معدل ابن عمي
دشو داخل

مشاعر  معدل موو ههه

لبيب بوستني  هذه الي اسمها ذات  ودخلنه للبيت  سلمت على وحده كالت عمه مشاعر اخت بيبي كعدتني يمها وتسولف عاد  ضلينه لليل ياله رجعنه بيومها بتنه يم بيت جدي ثاني يوم انتقلنه لبيتنه

نضيف مابي شي بس جبير  اكبر من بيتنه والكبر كله بالحديقه  كلها اشجار فواكه وورد  وياس   واكو سقيفه بنص الحديقه  جواها كراسي اربعه وميز

ودائر مدائرها ثيله..

  ديوانيه بابها خارجي على الحديقه  والبيت بي غرفتين جوه ومطبخ  وصحيات  وكلدور جبير بين الغرف والمطبخ والهول  ..

انب وعمه مشاعر وشوك رتبنه الملابس  والبيت ميحتاج تنضيف لان منضفي..

مشت الايام وحياتنه هادئه  مابيها اي  خلاف بينه اكثر شي باا يجيب اكل جاهز النه  وبيوم الي ابوي يلتحق للدوم تجي يمنه عماتي مشاعر وشوك بيتنه على بيت جدي يعني بصفهم بس كلمن بابه..

جدي شكد كال لابوي من  تلتحق عوفهم يمنه  بس ابوي يرفض وهمه يسكتون  لاحظت شي كلها تخاف من ابوي

حتى اخو الجبير يخاف منه 

والشيخ كل شوي داز على ابوي  حتى بنزوله اغلب الوقت هوه يم بيت الشيخ..

صادف اليوم اني رحت لبيت جدي جانو بنات عمي وعماتي كاعدات  بيبي سألتني كال حبوبه انتي بالغه لو بعدج.
ماعرفت شنو قصدها بس تذكرت هيه كالت لابوي بنتك بالغه لبسها حجاب هزيت راسي  اي بيبي بالغه...

كالت اللهم صلي على محمد وآله ومحمد  كبرتي

مافهمت شنو يحجن  كلت اسئل عمتي مشاعر.بس مصارت فرصه

رجعت للبيت عادب ماكو شي ومرت ايام وصارلنه شهرين  من اجينه للناصريه..

نضفت البيت  بس مو كله بس شلت الوصاخه  لان عمه مشاعر تنضف واني اساعدها..

خلصت تنضيف وسبحت اخواتي جانن نايمات الضهر وبابا بيت جدو دزو عليه

جنت واكفه كدام المرايه  جبيره حاطينها بالكلدور 

لابسه دشداشه جوه الركبه ميكي ماوس لون احمر

داامشط بطني وجعتني 
شوي لوتني كمشتها توجعني كلش 

ضليت لازمتها وابجي
شوي حسيت شي حار ينزل عليه  عبالي ادررت على روحي بجيت بقوه
كمت اريد ابدل  وكفت كدام المرايه وانصدم دم ينزل على رجليه   زدت بالبجي   اتذكرت الي شفته بيتنه الي جان  كله دم..

ابجي واصرخ دم دم   شويه وانفتح الباب   اجه ابوي

رحت عليه حضنته وابجي

هِجان بخوف شبيج باباتي لبابه شبيج

لبابه بابا دم دم  بابا دم
وخرني من حضنه  باوع عليه  من راسي لرجليه     رفع نضره عني بسرعه شدني لحضنه وكال

هِجان شششش ماكو شي بنيتي عادي  هذه امر رب العالمين

لبابه بابا بطني توجعنيي ودمم 

هجان ششش بلا بجي 

وخرني عنه  افتر  بالهول    اني بس اصرخ ماهدئت

  عصر راسه بقوه وكال

هِجان عساااج لاتهنينيي من هيج سويتي...

ضرب قبضه  ايده بالمرايه تكسرت  ووكعت بالكاع وهوه اعصاب صار خفت حيل منه   زدت بالبجي واحجي وياه بابا ولله ماسويت شي ولله هوه وحده طلع اني مادخلني ولله بابا

اشهك وابجي  ضرب على راسه  وطلع يتبع..

اختكم اورجانزا 🖤