رواية لماذا احببتك الفصل الرابع عشر 14 - بقلم اورجانزا الطائي

رواية لماذا احببتك
البارت الثاني عشر
بقلمي اورجانزا الطائي
.
.
.
.
.
.
.
.
.
.
.
.
.
.
.

....
مشاعر : بالكوه حابسه الضحكه وهِجان عصب

خطيه فزت تتلفت منا ومنا وتتنفس بصعوبه وتشاهك وتحجي

جيلان: هِجان كتلوها كتلوها لامي كتلو امي هجان وزادت بالبجي..

مشاعر: منظرها كسر گلبي.. حسبي لله ونعم الوكيل عليهم.

توقعت هجان يهدئها بس صدمني عافنه وطلع.. وصل للباب صاح عليه رحت عليه.

هِجان ببرود: لاتعوفيها وحدها.

التفت راد يطلع صد عليه وكال.

اليوم امي تجيب البنات.

مشاعر بقلق اي باليل تجيبهن
راح بدون ميحجي وانه رجعت يم جيلان

كعدت يمها حاولت وياها ماكو حاضنه رجليها وتبجي
صار المغرب وهيه على كعدتها ولا تحركت من مكانها..

كمت سويت عشه، لل8ونص اجه هجان شكله يوحي عصبي..

فات من يمي حتى بدون سلام كبل لغرفته..

استغربت لان مو من عادته ميسلم،

حطيت الاكل على الميز حاولت ويه جيلان ماكو متقبل عفتها. رحت لغرفه هِجان دكيتها ودخلت

لكيته كاعد على الجربايه وبيده جكاره..

حجيت بتوتر: خويه

باوع عليه بدون كلام

رجعت حجيت كوم تعشه

هجان اخذ نفس من الجكاره وهمس: ماريد اكلو بالعافيه..

مشاعر عفته وطلعت اليوم متضامنين مياكلون

اكلت شويه وخليت الاكل بالفرن نضفت المطبخ وطلعت لجيلان الكاعده بالصاله

كعدت بمها ماتحجي بس دموعها تنزل

مليت من كد ماحاولت احجي وياها وهيه عبس ماكو متحجي..

ندكت الباب كمت اريد اطلع افتحها اجاني صوت هجان ضحكت..

هِجان حلالج الوضع ،

مشاعر ههه لا ولله بس نسيتك انته بالبيت..

هجان اخذي صخمان لغرفتي وطلعيلي ملابس.

مشاعر اسمها جيلان وابتسمت

خزرني ومشه هههه

اخذتها لغرفه هجان كعدت بالكاع ماقبلت تكعد على الجربايه..

عفتها وطلعت،

سمعت صوت امي طلعت للحديقه لكيتها كاعده تحجي ويه هجان بس مبين هجان كاعد على اعصابه.

وبناته كاعدات على الحشيش

خرب ولله جنيات ولله لو ماموجود ابوهن جان هسه صوتهن واصل لسابع جار..

تقربت عليهم هستوني اريد اسحب الكرسي وكفني صوت امي

... مشاعر اخذي بنات اخوج ودخلي للبيت.

مشاعر هزيت راسي واخذتهن البنات بس جزينه ابوهن

دفعتني بان ومشت وسبيل راحت وراهه

بان اوعه وافهم من سبيل حتى بالشكل بان مبينه اكبر ومن شكلها مبين وكحه

عكس سبيل الي مبينه فقيره بس تمشي وره بان هههه

كلت بكلبي خفتن وراحه عفتهن وكعدت بالصاله بس الفضول يقتل

طبعا نفس كل مره فضولي يتفوق عليه تمشيت على كيف من يم المطبخ.
وكفت قريب الحديقه من يم السياج.

استمع الهم امي صوتها عالي شوي.

.. ييمه خطيه مفرفحه على بنيتها شوفها وين صفه بيها الدهر خطيه تكول طلعت للبستان ضايجه وماردت للبيت بعد.

يرد عليها هجان.
واني شسويلها اذا بنتها شارده.

.. ييمه شلون شتسويلها انت عندك عرف وتكدر تلكاها.

هجان، يمه اذا تعزيني من صدك كليلي شلون ذات ردمتها لوري مدري سياره مدر صخام.

ردت ردت عليه

... ييمه وانه شمدريني ابوها هيج كال.

اسمع صوت هجان عصبي وصوته عله.

هِجان: بس حسب الي وصلني ذات شارده مو هيج يمه

.. لا يمه منهو كالك

هِجان يممممه

.... ماكو غير هذه شعيران كالتلك اليوم اشوي على اذانها بصل

هِجان: مشاعر يمي وانه حجيت ويه ابوي اليوم نروح لبيتكم، وتاخذ غراضها .

... لاييمه منهو الي غيرها

هجان بااصرار: عندج شوك وفجر

.... ييمه فجر حايره بروحها وشوك تدرس

هِجان : يمه اريدها بس هل ايام

... ولك ييمه هيه يم بنياتك من انته مو هنا

هِجان هاي هيه يمه مشكوره

.. ييمه انه منهو الي غير اخيتك

هِجان هاي هيه يمه ماريدها انه هنا ومن تروحين اخذيها وياج..

مشاعر رجعت للمطبخ كعدت على الكرسي

خليت ايدي جوه حنجي، شكد اني اضوج من بناته بس
محبوبات رغم وكحات والله ميجرعهن..

ماريد اروح البيت مينجرع بس مشاكل ابو اسلام ومرته
كل يومين والثالث متعاركين.

قطع سلسله افكاري صوت امي. يمي

.. وبن صافنه ياله كومي نرجع لبيتنه

مشاعر البس عباتي واجي
رحت لبست حجابي وعباتي، فتحت باب الغرفه على كيف ردت اسلم على جيلان قبل لااروح

لكيتها نايمه بالكاع وضعيه الجنين سديت لباب وطلعت

ويه امي مسافه بسيطه وصلنه لبيتنه واستلمتني رزايل
لان اني سولفت ولو مو اني موده وجيلان بس اكلت الرزاله.

فتحت باب غرفتي اني وفجر وشوك

شوك نايمه بس فجر متغطيه تقربت عليها اسمع صوت بجي هذه شبيها نوب وخرت الغطه عنها

كعدت مخترعه ضمت ورقه مدرش شنو وره ضهرها، مسحت دموعها
كالت هاا

استغربت وكلتلها شنو هذه الضميتي؟؟!
و شبيج تبجين!

ردت بتاتئه: ها ا ا ا ماكو شي بس ضايجه

مشاعر: شكلها خايفه وتئتئ وتبع بريكها وتتلفت
الشك استحوذ براسي

كتلها: فجر شبيج

.... يووو عوفينيي

مشاعر جريت ايدها بقوه واخذت الورقه طلعت صوره شفتها لو انصدمت بالموجود بالصوره باوعت عليها خزرتها وحجيت شتسوي هذه الصوره احجي لا ولله اكول لهجان ..

.. بجت وحجت لا لا عليج لله كلخا اله هِجان.

مشاعر احجي لعد.

... ميلت ركبتها حجت من بين دموعها، احبه ولله

جيلان •••

.
.
.
.
.
.
.
صحتت يمممه التفتت للجهه الثانيه هجان واكف واكو اشواك بينه

صحت بصوت عالي هجااااااااان
ضربني حربه راجدي

شهكت و صحيت اباوع شو مشاعر تضحك وهجان عاكد حواجبه.وواكف

احجي وياه اريده يرد ماكو ولا رد عليه كتلو امي كدامي شفتها مدده بدمها..

حقدت عليه من كل گلبي شوي شوي حبه دينزاح من گلبي..

عافنه وطلع مشاعر كعدت يمي ماريد احجي نفسيتي تعبت..

مشاعر راحت سوت اكل

شويه واجتني رادت اكل مااكدر مشتاگه لامي متعوده عليها..

ماانام اذا مو على رجلها..

امي روحي امي الهوه الي اتنفسه امي كل ما املك بهل دنيه.. ابد ماتحمل حياتي بدونها..

اني ممفاركه امي من اني وصغيره لحد هذه اليوم...

واليوم صارلي تلث ايام ماشايفتها گلبي نار عليها..

فصلت عن الكل بالي كله يم امي شصار بيها

اخذتني مشاعر لغرفه هِجان كعدت بالكاع راسي يوجعني وحيلي بايد.

غمضت عيوني وشهكت حاضنه رجليه لصدري احس نااار تطلع من صدري حاسه راح يصير شي بس شنو مادري..

مددت وضنت رجليه عيوني مينفتحن مااكدر ماحسيت غير على صوت قريب عليه.

فتحت عيوني بتعب شفت بنت هجان بان..

بان: شسوين بغرفه ابووي

جيلان عدلت كعدتي غمضت عيوني وفتحتهن يحركني. بس شجاب الغطه اني ماتذكر تغطيت جاوبتها

هاا مادري

بان كومي طلعي، بابا دزني كال طلعيها بين ماارجع.

جيلان نصدمت معقوله يدز بنته تطردني مو كال انتي دخيلتي شكد جذاب ونذل

كمت وكفت بالكوه امشي طلعت من لغرفه راسي ثكيل..

طلعت للحديقه ضلمه، كعدت جوه السقيفه مااكدر امشي راسي يووجعني..

كعدت خليت راسي على الميز..

مدري شكد مر ونفتحت باب البيت

فات للبيت وسد لباب دخل للبيت..

عيوني مااكدر افتحهن بعد ماحسيت غير على صوته الاحبه

فتحت عيوني باوعت عليه واكف وحاضن ايد لصدره والثانيه كامش الجكاره حاطها بين شفايفه رافع حاجب نفخ دخان الجكاره وكال

هِجان: شسوين هنا.

جيلان فتحت عيوني بقوه وكتله
البارحه ماكدرت اروح لان تعبانه ليوم اروح لاتخاف.

عكد حواجبه باستهزاء كال
ومن منو اخاف اشر عيه كال انتيي

جيلان سكتت محجيت لو حرف واحد.
كمت وكفت وتمشيت للباب صاح بعصبيه

هِجان صخماان وين موليه.

جيلان باوعتله بطرف عيني وحجيت شعليك

هِجان رفع حاجبه وجاوب
اني شلون ويه العرامه..

جيلان ليش تشوفني بعين اطباعك.

هجان دخلي جوه.

جيلان مو اني لعبه لبارحه تدز بنتك تطردني وليوم تكلي دخلي جوه.

هِجان هم بناتي ، اني لو اريد اطردج مخايف وانتي معندج عقل تفكرين طفله عمرها 9سنوات وانتي تطبلين وياها.

جيلان بس بنتك واعيه والي يشوفها ميكول تسعه وتسعه جبيره اعتقد.

هِجان امشي دخلي ليوم بالذات ماريدج تطلعين.

جيلان بس

هِجان. بلا بس ولا شي دخلي كدامي بسرعه.

جيلان مشيت بتجاه الباب حجه بهدوء

هجان صخمان بان ششافتج؟

جيلان اي شافتني. عفته و
دخلت للبيت واني ادردم عليه واغلط والله حقير وكلب ونذل الله يعذبه ان شالله

ماجنت اعرف اني داافكر بصوت عالي اجاني صوته يحجي

هِجان. رحمه لله والديج النذل والحقير يدور مصلحتج،
وعلى المره الثانيه من تفكرين وتسبين حاولي تنصين صوتج افضل.

جيلان بلعت ريكي شوف الحظ ليش كل مااحجي واسب بي لازم موجود، التفتت عليه وحجيت

منو كالك اني ممتقصدتك بلعكس اني متقصده اسمعك.

باوع عليه وكال

هجان صيحي للبنات اوديهن يم اهلي وطلع

جيلان تافئفت

دخلت للبيت صحت للبنات بان ردت بعنتكه

وطلعت هيه واختها..

كعدت على الكرويته صفنت بصفنتي تخايلت امي وذات كدامي شلون مضروبات

احس النفس انكطع منضرهن دمرني

دموعي نزلن بغزاره

غمضت عيوني هم شفتهن فتحت عيوني واشاهك ياربي ليش هيج...

كمت افتر بالبيت اريد انسه ماريد اتذكر شي ياربي..

شفت لساعه 10 ونص كعدت بالصاله حاسه شي راح يصير واحساسي ميخيب..

نزعت حجابي ورحت غسلت وجهي اباوع بالمرايه شكلي متغير كلش ولا مبينه اني نفسي..

رحت للمطبخ اريد مي عطشانه..
قربت للبراد اخذت مي بس صوت بقبقه البراد..

سمعت طكه مال الباب التفتت بيدي الكلاص الكزاز التفت..
انصدمت وكع الكلاص من ايدي، اريد احجي مااكدر

بالكوه طلعن احرف اسمه من.حلكي صمصمصم ددد

ضحك كال

... لازم عندج موت امج عادي

جيلان: لا لا صم د امي ماعليها..

... ههههههه بس انتيخلفتي بالشرط وانه كتلج اذا رحتي لهجان لو حجيتي لاحد امج اشر على ركبته وطلع صوت بحلكه..

جيلان شهكت بصوت وحجيت لا عليك لله امي ماعليها بشي عليك لله.

صمد. شششش حطي شي على راسج وكدامي للبيت بدون اي حرف.

جيلان نزلن دموعي مسحتهن ومشيت للصاله اخذت حجابي لفيته..

على راسي ومشيت كدامه..

حجه .استعجلي ياله كدامي كل ماتتاخرين كل ما امج تموت قبل لاتشوفيها هههه

جيلان الله لاينطيك ياكلبب والله العظيم حيوااااان انته مو انساان.

مااحس غير على حراره خدي بجيت بصوت وبدون وعي اغلط وافشر عليه ماخليت حجايه ماكلتها عليه..

وهوه واكف كدامي سكتت كال

.... خلصتي؟؟

جيلان الله ينتقم منك

... امشي كدامي.

جيلان هنا تاكدت ماعندي احد يجي يساعدني..

نزلت راسي ومشيت كدامه طلعت من المطبخ

واني ادعي بكلبي بحق فاطمه وابيها وبعلها وبينيها
دخيلج يام البنين ماريد امووت..

فتحت باب الشارع ارتدمت رفعت نضري واشوف هِجان كدامي واكف هز راسه واني الفرحه ماسايعتني

ضحكت بصوت

هوه دفعني عنه للجهه لثانيه وسد لباب.

باوعت لصمد لونه نخطف ويبالع.

حجه هجِان ببرود: منو انطاك الاذن تدخل بيتي وانه ماموجود بي.

صمد بيت ابن عمي مو غريب وو

هجان: ليش ابن عمك فاتح مكو** حتى تدخل.

صمد: اطلع من لسالفه هجان انه وجيلان وانت مالك حق

هجان منهو الكال مالي حق .

صمد اانه اكوول

هجان باستهزاء: وانته منوو

صمد لاتنسه انه منو هجاان

هجان ههههههااااااي لا ولله للاسف انه ناسي باله ذكرنيييي انته منوو

صمد هجاان انه اخووها والي حق بيهاا

هجان: اخوها على عيني وراسي بس شنهو هيه حصه تومينيه..، وبنت وبيتي انته منوو هم يوم شفتها شتحتاج
هم يوم سألت عليها شكلت

هم شفتها زينه مريضه

صمد هجاان الضرووف

هجان من خر* بيك وبالضروف الي تجبر اخ يعوف اخته
وحيده لاسند ولا عزوه.

وبدون مطرود اطلع من البيت وياليت ماترجع

صمد اختي واريد اخذها وياي وشعندها باقيه وياك ببيت وحدكم..

هجان يعجبني يااخي يعجبني انه وبنت عمي ببيت واحد انته منو شنهو الحارك حمامك.

صمد هجااان احترم روحك.

هجان امشي من وجهي لا اطيح حظك

صمد اخذ اختي واطلع

هجان بنت عمي وتبقه يمي معززه

صمد حجي يفيدك امشي كدامي جيلان

هجان بنت عمي وتبقى يمي وانته اطلع

صمد جيلان امشي ويااي لا ولله يصير شي انتي بغنه عنه

هجان انته الضاهر عاجبك تاكل خر* هواي

صمد هجاان انته منو عود ابن عمها مالك حق عليها

هجان بنت عمي وانه هاويهه عندك مانع.

صمد مو هيه لعبه قبل ذات وهسه جيلان

هجان غصبن عليك وعلى اثخن شاررب

صمد مايصير تبقون بييت واحد انه اخذها وانته تعال لابوي

هجان جيلان بنت عمي وانه ناهي عليها واذا تقرب صوبها بخطوه وحده اعتبر نفسك مذبووووح والعااااقل يفهم

جيلان من صدمه لصدمه اني شلون صرت اخت صمد اني ابوم مهاجر...
وماعندي اخوان
مافد يوم يحن عليه صمد
بس حربه جان زين وياي..
اني بنت مجرم اي مجرم يقتل روح بدم بارد
مايعرف هذه الروح امانه لله مخليها عدنه ولازم نحافظ عليها..

نزلن دموعي جنت اتمنه اشوف ابوي بس هسه اتمنه ماعرفت عندي هيج اب واخ منحطين بالتفكير.. يمكن لو اني عدهم جان من زمان ذبحونيي....

معقوله امي تعرف..
لو بيبي..
افكار كومن براسي بهل لحضه.
بس نهوه هجان الي ماجنت احلن بيها

صدك احبه لا مو احبه اعشگه بس ماجنت متخيله فد يوم من الايام ينهي عليه..

معقوله ابن عمي هجاان؟؟!

صحيت من صفنتي واشوف صمد بالكاع وهجان يضرب بي

ولا حنيت اله اشوفه ينضرب ونفسي لعبانه منه..

هسه ياله عرف عنده اخت.

وخر هجان وسحله من ياخته شمره بالشارع صاح بيه

هجان بسرعه كداميي بدون كلاااام

طلع وطلعت وراه

فتح باب الصدر صعدت سد الباب بقوه

وصعد مسافه ووكف نزل يم بيت اهله

شويه واجه شايل بيده عبايه
صعد وشمرها عليه..

اخذتها لبستها ولا حجيت حرف.

الصدمه محتلتني

صارلي اكثرمن 20سنه مااعرف ابويي منو جنت اتمنه اشوفه وهسه صرت اتمنه لو ماعارفته..

وكف يم بيت كال

هِجان بعبيخ نزلي بس راسج اذا نرفع اكسره وحق الكفـل زينب

جيلان محجيت شي نزلت وصل يم البيت دك لباب شويه وطلعو اسمعه يكول

هجان سلام عليكم الشيخ **** موجود انه متفق وياه من لبارحه اليوم اجي عليه

رد الرجال... اي اتفضل سيدي ينتضرك لشيخ

دخلنه للبيت كعدنه بغرفه خارج بيت بيها ميز وكراسي ثنين وقنفات..

كعدنه اجه الشيخ حجه ويه هجان على صفحه

رجعو كعدو نزلت راسي

بس الصدمني كلام الشيخ

جيلان بنت ***** تقبلين بالزواج من هجان ****
اذا قبلتي قولي نعم وانته وكيلي...

من صدمتي رفعت راسي باوعت على هجان خزرني واني رجعتله لخزره..

حجه هِجان من بين سنونه
صخماان
بلعت ريكي وكلت نعم وانته وكيلي

رجع كرر الكلام لهجان وتم عقدي من هجان الي جنت اتمنه بس اشم عطره..

مو كلشي يصير نفس الي نريده اكو اشياء تصير عكس الي نريدها ابسط مثال

زواجي ويه هجان الي جان شبه مستحيلي..
تم عقدي اني وهجان بس مو مثل الي جنت متخيلته

بهل وقت اني كارهه هجان وهجان مايطيق اسمي

شلون راح تصير حياتنه.. انه وهجان.

كام تشكر من الشيخ وطلعنه.. رجعنه للبيت انطاني ورقه كال وقي هنا اشر

سالته مال شنو كالوهوه يبتسم بنصر

هجان اليوم راح تتحقق العداله انطيت مجال هوااي ابتسمت ووقعت يتبع...

#ابد _ابد_مو خبيثه 😇😇

ياشطوره تكول كم صدمه نصدمتن بهذه البارت هههه
هذه شبيهه الكيكايتين

وهذه الصوره لثنائي القافيه 😂😂😂

هِجان وجيلان

طبعا حسب الاوامر الصارمه الي اجتني شررط شبيه جيلان محجبه 😂

نسبه شبه جيلان 90 بالميه من صدك تخبل عسل هههه

وهجان 88بالميه نفس الشخصيه والخزره بس هجان راعي رموش وعيون سووود لدرجه صدمني عيونهو لون عدسه اكثر من بياض العين 🙃
وحواجبه سيوف ههههه على كوله هذولاك الناس تخيلو شكله ووجهه شوي اعرض ومو كلش ضخم على كلام لبابه 😂😂
وبشرته برونزي فاتح مو هيج.

طبعا هذه الصوره من الفيديو الي نشرته على حالتي بالسناب..

مصممه فيديو على الصوره شوفو اغنيه عن حال هل بطلين والذكي يعرف نهايه قصتهم من الاغنيه

راح اترك رابط حسابي اليوتيوب بالمنصه تلكوني ناشره عن كل الطال القصه يعني اشبته الابطال كلهم باليوتيوب كل بطلين الهم غلاف واغنيه خاصه حسب حياتهم..