رواية لماذا احببتك الفصل الخامس عشر 15 - بقلم اورجانزا الطائي

رواية  لماذا احببتك
البارت الثالث عشر
بقلمي اورجانزا

.
.
.
.
.
.
.
.
.

.
.
.
.
.
.
....
جيلان:

انطاني ورقه كال وقعي هنا اشر

سالته مال شنو كال وهوه يبتسم بنصر

_هجان  اليوم راح تتحقق العداله انطيت مجال هوااي ابتسمت  ووقعت الاوراق.

راد يطلع حجيت  بتوتر وخوف من رده فعله.
_هِجااان

وكف بس مالتفت...

بلعت ريكي حجيت 
ريد اشوف امي والله مشتاقتلها..

رد بروود
_ كومي   اوديج بطريقي.

احس يوم عيد واجاني بسرعه كمت لبست العباه وطلعت  وراه..

كعدت يمه طول الطريق اضحك جني مخبله  
راح اشوف امي  مشاتقتلها  بكد رحمه لله..
احس الطريق صار ساعات  لاهنا ولاهنيه..

وصلنه  من جهه البستان على الشارع العام.
فات من درب يودي للبيت...

 
صلنه قريب البيت  نزلت هوه  منزل حجه وهوع يورث بالجكاره

هجان: شوفي امج موجوده لولا خاف بيت الي يتسمه ابوج.

جيلان  حجيت بانفعال  قصدك عمك مو ابوي  عفته ومشيت حتى ملتفتت بس هوه ضل

دخلت للبيت مشاتقتلها صارلي اربع ايام  بعيده عنها..
  وكفت كدام باب الكلدور دكيتها  نفتحت..

استغربت هذه مو من عوايد امي تعوف لباب مفتوح.
دفعتها ودخلت ممر  صغير يفصل الاستقبال كدامي والهول  على الجهه الييسرى

مشيت  صحت يمــــــــــــــه وينج اني رجعتت يمــــــــــــــــه

ماكو مترد.. دخلت للهول والضحكه ماليه وجهي

بس   ليتني مادخلت على الي شفته صحت بصوت رج اركان البيت اليوم خسرت ابوي وامي واختي وكل هلي امي عوضتني عن الاب والام واخ والاخت.

امي الي ماشفت منها الشينه من اني وصغيره لحد هذه ليوم.

عمت عيني عليها  مدده بالكاع  والدم مفيضها  ليتني بمكانج ييمه وين عفتيني يم وحوووش مايعرفون الرحمه ايدهم والكتل

وكعت على ركبي يم راسها واصرخ ييييمه المن عفتينيي.يمـه مو انه بنتج ييمه  
مو كلتي ماعوفج اله ا ئمنن  على مستقبلج
كله بسببي انه من.ورااااي متيي يييمه انه بمكانج وين رحتيييييي وعفتيييني  ييييييمه

ابوس براسها واحجي  بتوسل يمه انتي مو تكولين انه امج وماعوفج اله اشوف جهالج   هااا مو هيج كلتيلي

هيج ينطييج  كلبج تعوفيني وحيده مالي احد..

يمه  اني لاعندي الاخ الي ينسند عليه ولا اب اليحتوي ولا شخص اليفهم

مافكرتي شلون تعوفيني وتروحين...
يمه مو احاجييج احجيي يمهه مو احجييييي ويااااج ليش متردين عليه يمه 

بستها من راسها  وحجيت
كومي يمه  انه اجيت يمج بنيتج  مو تكولين انتي تسوين  كل الدنيا عندي..

دون وعي اصيح واضرب بروحي ماحسيت غير ادين احتضنتني ودارت راسي..

اشاهك وابجي  واشكي لااماني..

  كتلوها  الي ميخافون لله
مو كتلك راح يكتلوها ماصدكت بيه..

ماتت ماتت امي مااتتت   يااااااالللله منوو اليييييي من بعدجججج يييمه  منووو   الييي

قوه حضنته وهمس بصوت شششش لعد انه وشنو

دفعته مني وصحت وخرر جذااب
حضنت راسها   واشكيلها  يمه تدرين شفت ذات  ذبحهه حربه كدام عيني

يمه اني لسبب بموتج  لو ساكته ماجان هسه موتوج..
بس واللله صووجج انتييي  ليش تعلميني اليسكت على الحق  شيطان اخرس.

لو ساكته جان هسه انتي  يمي..

مااعرف شكد مر من الوقت واجتي الاسعاف

  فحصوها  وخلوها على السديه  اني فرفحت وراها اريد اروح وياها

وهجان كامشني ميخليني  اروح
ادفع بي واصيح ولج ييممه وين عفتييني...

شويه وجرني من ايدي وطلعنه..

بس الي فاجئني دوريه  موجوده بالباب.

والشيخ هوه وصمد  واكفين  بمسافه بسيطه عنهم
والناس ملتمه..

اني شفت صمد لو فقدت مدري شصار بيه  دفعت هجان وركضت عليه..

وصلت يمهم وحجيتت  بحقد وكره  والله  العضيم اليوم اكشفكم   امي وكتلتوها بعد شتردووون مني من الله ياخذكم واخص

جرني عليه الشيخ وحضني

كال بويه جيلان

تملصت من حضنه وحجيت بحقد:  ماتشررف عندي اب مثلك واني ابوي مييت  افهمم

جرني هجان من ايدي    خلاني وره ضهره

صاح بصووت عالي  جسااس

اجه وكف كدامه وكال

جساس: نعم

حجه هجان: ابن عمك  الشيخ ليوم بضيافتك 

جساس قصدك صمد!!

هجان اعتقله  بتهمه قتل ..

جيلان   صعدني للسياره   واني بالي يم امي عندي امل دااحلم لو اتخيل..

اسمع صياح الشيخ وصمد  وهجان الي يرد بكل برود

باوعت من المرايه الجانبيه  صمد مدري شحجه ويه هجان  ووخر عنه ثواني 

وهجان ضرب صمد بوكس على وجهه
رجع هم ضربه  نومه بلكاع  ويضرب بي 

التمو عليه الناس والشرطه..

وخر عنه  ..

جساس اخذ صمد.

بعدت نضري عنهم  الله ياخذ حقي منكم ناركم تاكل حطبكم..

صعد وسد الباب بقوه..

فتح الجكمجه   وسدها...

ساق  بسرعه   وكف لسياره يم باب البيت  صديت عليه
ودموعي تنزل  وكتله.
  هِجان اريد اروح لامي..

هِجان نزلي  بسرعه.

جيلان لا  عليك لله خلني اشوفها ليش تحرموني منها

هجان ببرود جيلان نزليي عندي شغل

جيلان  بعصبيه وبكاء ما ماااانزل اريد امي مو كافي حرمتوني منها..

هجان  بااقناع انتي مو تردين اخذ حق امج وذاات لو لا

جيلان بس كلام  ماتاخذ حق اميي

هجان  . ثقي بالله اليوم ماتندفن كتالها يعفن  بالسجن. 

جيلان بتوسل  اريد اشوفها

هجان اني اخليج تشوفيها بس  نزلي اروح وارجع نص ساعه..

هجان  بعصبيه:
صخمااان نزلي كدامي وقفلي البووب بسرعه.

جيلان الله ياخذك واخلص منك،  تره مليييتت امي هذه امييي  الي مااتتت  وانته تكلي هيجج  لان ماتحس بيه
هذه لو امك ميته جااان حسيت... مااحس غير على  حراره تطلع من خدي

باوعت عليه باستحقار وحجين
والله حرااام عليه   اعتبرك  زلمه  وانخييك..

حجه بقمه عصبيته
هِجان: نزلي لا والله مااضمنلج روحي شسوي ..

جيلان  حقك والله الحيوان الي بداخلك بسرعه يثور عاذرتك ياحيوان.

فتحت الباب ونزلت بسرعه   هستوني دخلت للبيت
ماحس غير نجريت من راسي

دارني عليه وضربني راجدي.

كمشني من حنجي وحجه هوه وكاز اسنانه

هِجان: اذا تعرفين اكو حيون بداخلي ليش تثوريي
كتلج اوديج وانه الممنونه المن هل كلام  ..

جيلان  دفعت ايده وحجيت   حمد لله من تعرف بروحك حيوااان..

كز اسنانه بقوه وحجه امشي من كدامي عاذرج امج ميته  لا والله اشوفج شي ميعجبج.

جيلان  روح من الله يخلصني منك.
عفته ودخلت للبيت سديت باب المطبخ بالصرقي

دك  الباب مافتحت عفتها ودخلت للصاله نزعت عباتي و  كعدت

بالكاع ابجي والطم   اسمع صوت امي وذات يحجن بس ماافهمهن شي

نفسي لعبت   ركضت للحمام تقيئت   واني مماكله شي غير المي..

غسلت وجهي ورجعت
لمكاني ابجي واشكي لربي الي هوه اعلم بحالي..

ثواني  وندكت الباب قوي  واسمع صوته يلعلع ..

هِجان بعصبيه . فتحي الباب صخمان
.. قسم بعضمه للله اذا مافتحتي الباب اكسرها ومااخلييج تشوفين امج.

جيلان بس سمعت كال امي
وكفت  دخت  بالكوه امشي    وجع براسه خلاني اعرهه وابجي بزياده

امشي وابجي  راسي موتني والدوخه لا زمتني  ورجلي بدن يخدرن 
بالكوه وصلت للباب فتحت الصرقي..

و الباب  صار كدامي  اشوفه  اكثر من واحد..

رجليه ثكلن حيييل  ماكدرت ستسلمت ووكعت  بعد ماحسيت بشي..

•••••مشاعر

نصدمت  بالصوره 
حجيت بعصبيه شجابها عندج احجييي

فجر.  احببه

مشاعر من حبتج حييه شحبيتي بي وانتي نادرا ماتشوفي والله والله اذا  ماطلعي من بالج  يافجر اكول لهِجان وهوه يتصرف وياج.

فجر  مشاعر لاهيج تسوين والكعبه احبه لاتوكفين بطريقي..

مشاعر عفتها واخذت الصوره شككتها وحركتها بالسنك
ولله  لو يعرفون اله يسونها سالفه  عليها..

فتحت المي  على رماد الصوره  وسديته

درت ضهرياشوفها كدامي حاطه ايدينها على حلكها وتبجي..

شافتني عافتني وركضت على الدرج راحت لللغرفه

اني هم صعدت  للغرفه   ماحجيت شي وياها كبل نمت.

كعدت ثاني يوم  الصبح  غسلت ونزلت
لكيت بنات هِجان يمنه كاعدات يم امي وبنت عمي  مرت  صمد  وحالتي امها..

سلمت وكعدت   شويه وحجت بان

بان بيبي اني ماريد ام جديده اني اريد امي

...   هوه منو الي جايب الجن ام ابوج لله يهدي  مايريد

بان بس بابا جابنله ام 

... شنهو ومنو  جاب

بان بيبي بابا جاب عمه جيلان   بغرفته

.. جيلان شجابها يمكم   سكتت ورجعت صدت عليه وكالت

مشعيران  جيلان بببيت اخوج

مشاعر من اكول بان خلقت بس للمشاكل محد يقبل

باوعت على امي وزوجه صمد  وخالتي

وحجيت اني مو يمكم شمدريني

بان بيبي تجذب لاتصدكينها هيه تكله اتزوج جيلان  هيه تحبك.

مشاعر بصدمه عزا عزا لج هاي شوكت  اني هيج حاجيه

بان عمه حبيبتي لاتجذبين الجذب حرام بابا يكول

مشاعر حجيت بكلبي من طيح لله حضج وحظ ابوج
على هل دكه الناقصه.

خالتي وزوجه صمد ستاذنن وراحن..

وامي استلمتني واني انكر.
عفتها وكمت سويت ريوك  تريكت خابرت على هجان كتله بنتك  سولف لامي كدام زوجه صمد وخالتي كال هسه اجي..

رجعت نضفت لبيت وطلعت

دااغسل بالطرمه نفتح باب الشارع بقوه.باوعت هذه هِجان  اله اخلي يطيح حظهن  وحده تحجي والثانيه  تأيد..
هستوني اريد احجي صاح بيه.واني مابقه بيها من صوته..

هِجان بعصبيه  كو ميي جيبي عبايتج بسرعه...

رحت اركض جبتها وانطيتها اله طلع  واني الف فكره صارت براسي..

كملت تنضيف  وطبخت الغده  خلصت
  وسبحت   صبيت الغده  تغدو وغسلت مواعين

لان زوجه اخوي راحت لاهلها  وعافت بناتها يمنه

واخيرا كعدت   تذكرت هجان
خابرت عليه    سألته وين انته

جاوبني  بالمستشفى 

كتله يااا ليش شكو  عسه ما شر..

حجالي الصاير لو صدمني  بالي صاير  عاقد على جيلان   زين منين جاب جنسيتها وجنسيه امها ابوها؟؟  

والصدمه الثانيه عمتي ام جيلان  كاتليها ومسلمه امانتها..

والاخيره  جيلان بالمستشفى   صايبتها جلطه دماغيه حالتها خطره .. يتبع..