رواية لماذا احببتك الفصل الرابع وأربعون 44 - بقلم اورجانزا الطائي

اختصرت البارت الواحد والاربعين والاثنين والاربعين.

البارت عباره عن 4300كلمه اذا ماشوف تفاعل عليه بعد مااتجاوز ال2000كلمه

اني نفذت الي تردو بارت طويل وبي احداث وقفله وحده هسه اجه تتف دوركم تتفاعلون على الفقرات..

اذا التعليقات عبرن ال300الكم باليل بارت بس شرط التعليقات كلام مو ايموجي 🙂

وشكرا على النصيحه #متابعه بصمت

قصه لماذا احببتك
البارت  الواحد والاربعون.
بقلمي اورجانزا الطائي
.
.
.
.
.
.
.
.
.
.
.

.
.
.
.
.
.
....

بسيل.

:باس راسها نزله على الكرويته..

گال
هجان: الله اعلم اذا بعد اشوفج بقت يم الله.. ابقي اتذكري شكد حقرت بيج واذيتج وذليتج..

عافها وطلع وجيلان تصرخ تعااال عليك الله لاترووح والله تمووت لاتخليني اخسرك.

طلع ابوي وره شوي رجع گال شبي هل حيوان.. مايكعد راحه.. شخط السياره..

قبل لايكمل بابا مااحسها غير فقدت..

البيت نخبص صاح ابوي ركضت جبت شال حطته على راسها..

شالها اخذها طلع..

جيلان مو طبيعيه صفار وجهه وشفايفها درجه اضافرها بيض..

ليث ماكو طلع ولحد الان مااجه، غمضت عيوني بقوه نخيت الامام الكاظم« عليه السلام»

تطلع جيلان سلامات..

جيلان صارت اكثرمن اخت الي..
واكفه وياي بكل وقت.. طيبه بس يربي شكد فاهيه متاخذ حقها..

تخلي اليسوه والمايسوه ياكلها..
كعدت انتضر امي تخابرني.

تقريبا ساعه كامله اني وحدي خابرت على ليث رفضه..

اتصلت على امي گالت

.. بعدها ماطلعن التحاليل هسه ديسوولها تخطيط قبل شويه سوو ايكو..

تحاليل دم هم اخذولها ،بعد يم الله

رديت عليها زين ماما صحت لولا

ردت:اي صحت بس تبجي عاد مساعه هدئت.

سكتت ثواني گالت: بسيل منو يمج؟؟

بسيل:محد بس اني.

حجت بعصبيه:ليث ويين، مو خابرته گتله اختك وحدهي بالبيت روح الها..

بسيل مااعرف والله خابرته رفضه.

... هسه اگول لابوج هيه الدنيا امان يعوفج وحدج بالبيت ونوب نص اليل، مافكر اخوج قبل يومين بيت جيرانه نباك وفوكاها مغتصبين الطفله.

بسيل ستغربت لان مسمعت گتلها :حسبي الله عليهم، ولا تحاجين بابا هسه يجي ليث.

.. مو هيه هيته روحي هسه اشوف ابوج.

سدته بوجهي، ضحكت على هل حركه الي متبطلها من ميعجبها كلامي تسده بوجهي..

نص ساعه ندكت الباب،اخذت شال من امي لبسته طلعت..

صحت: منو

نصدمت من صوته..
فتحت الباب صار بوجهي يحرك شعره..

انتبه عليه ثواني صد گال عمي خابر عليه..

هزيت راسي، انتضره يدخل رجع عبالي راح يروح بس صدمني وكرهني بي زياده..

رجع عليه شايل ابنه،وزوجته دخلت وراه..

سلمت عليها والصدمه واضحه عليه..

دخلو للهول، رحت للمطبخ حطيت اديه على الكاونتر اهدئ روحي اخذ نفس وازفره..

واردد بگلبي هدئي بسيل يحاول يستفزج مالج دخل بي..

اخذت دولكه مي وديتلهم نطيت لام دريد اول شربت ونطتنياه وديت لديسم اخذه بدون ميباوعلي..

شرب حطه على الطبله عصبتني حركته المستفزه اني واكفه انتضر يشرب حتى اخذ الكلاص يجي الافندي يحطه على الطبله..

ابتسمت حجيت: ام دريد متعشيين؟!

ام دريد:لا والله ديسم خابره عمه بسرعه حتى مخلاني اكمل العشه وهوه جان جوعان.

ابتسمت مجامله طلعت اقلد على كلامها شلون تتنعوص يربييي وتجر بالكلام جر.

هفففف هففف

فتحت المجمده طلعت كبه وبورك وكباب

طبعا امي تنقضني بهل سوالف لان هيه تسوي كميات وتحطهن بالمجمده..

كشرت بتيته حميت الطاوه كليت البتيته بين متحل الكبه والبقيه

كملت البتيته سويت الكباب والبورك والكبه..

خلصت تكلا حطيتهن على الميز طلعت خيار وطرشي صحت الهم يجون يتعشون..

كعدنه كلنه ديسم يوكل ابنه شكلهم عائله متماسكه كلش حلوين..

لدرجه كرهت روحي بهل وقت لان دخلت بينهم..

ابتسمت على منضرهم دنكتاريد اكل مااكدر نفسي مسدوده بالي يم جيلان..

كملو اكل شلت السفره گالت.

ام دريد:عوذريني حوبي مااكدر اساعدج والله.

ابتسمت گتلها لا شنو السالفه..

غسلت المواعين نضفت المطبخ اخذ قواطي ببسي وديتهن الهم ماقبلت تشرب عفتها..

ديسم ميشرب غازيات لهذه هم مشرب..

صارت 12وليث ماكو جبت فراش فرشت بالهول الهم..

مددت كام دريد صعد على بطنها صاحت اوووي

تفاجئت لان طفل هوه كمشت بطنها گالت

ام دريد ليش يااومي مو اخوك يموت ..

بسيل مدري ليش صارت عيني على ديسم الي منتبه عليه حسيت الدمعه وكفت بعيني، صد عني واني ادعي ربي متنزل دمعتي..

دست على گلبي و روحي كعدت يمهم نص ساعه نام دريد وامه..

اخذت جهازي طفيت الضوه طلعت بعدني بالباب نزلن دموعي..

تمشيت للحديقه كعدت بالنهايه مختنكه..

دموعي تنزل كرهت روحي حقدت على ديسم الي علقني بي تالي متزوج وفوك كل هذه زوجته حامل..

لعد شكد اناني من يحب على زوجته وهوه عنده منها طفل..

حسبي الله ونعم الوكيل على كل واحد هيج يفكر..
يعني عنده زوجه وطفل وحامل ويدور تمعشك من ربي يقرضكم انشالله..

ضرب راسي بقوه حجيت مايسوه اذل روحي حرامات كل دمعه نزلت عليه..

اخذت نفس زفرته حجيت شيفهم گلبي هذه الحب غلط ومايسوه..

دك جهازي ليث

فتحته گال

_ها يروحي متصله عليه والله ماكدرت احجي وياج مساعه..

رديت عليه هلو حبيبي اي تصلت، جنت وحدي بالبيت ردتك تجي.. مو تعرف ماما وبابا جيلان للمستشفى.

رد عليه گال:ليش مو ديسم وزوجته اجو يمج..

رديت اي نامو ماتجي والله ضايجه ومختنكه كلش..

رد: هسه بالمستشفى مااكدر والله ابوي مايكدر وحده
حتى ضغطه ارتفع.

رديت:يااا صدك ليش، وجيلان شبيها..

اخذنفس زفره: جيلان عدها ضعف عام جسمها مفتقد الفيتامينات ودمها مصفر اول مره اشوف وحده دمها 5 عدها انسداد شريان التاجي..

بسيل عزااا صدك

رد:اي والله

بسيل زين يسوولها عمليه لولا

رد:الدكتور يگول الها اربع اشهر اذا صارت زينه ميحتاج عمليه بس اذا مصارت زينه يسوولها.عمليه..

بسيل: خطيه والله متستاهل، بسبابا ليش نرفع ضغطه.

ليث: من سمع بجيلان عدها انسداد شريان مرتفع ضغطه، خابرت امي عليهوعلى اساس اجي يمج

بس لنص الطريق رجعت خابرت عليه يحتاجوني

واني خابرت ديسم ياخذ مرته ويجي يمج.

بسيل يعني من وراك

ليث بستغراب: شنو

بسيل لا ماكو شي ياله لعد روح بس شوكت ترجعون.

ليث باجر العصر لان ستقرت حالتها بعد مانطوها مهدئات..

بسيل هاا خوش لعد..

سد الجهاز مني رتاجيت على الحايط عيوني بالسمه على القمر..

دموعي تنزل بهدوء عكس العاصفه الي بگلبي الي ميفهم وباقي غشمه..

غمضت عيوني والف حسبه بالي..

حسيت على صوته..

ديسم: دخلي ليش وكاعده هنا.

فتحت عيوني واكف مكتف ادينه مركز عليه..

دقايق عيني بعينه، احس دااحجيله الي بگلبي من نضره العيون..

دمعن عيوني غمضتهن بقوه صديت عنه گال

ديسم: صعدي نامي محد يستاهل ياخذ حيز تفكيرج.

بسيل:بلعت ريگي كمت وكفت صرت مقابيله مسافه بسيطه تفصل بينه..

محجيت شي مشيت مسافه گال

ديسم:
عاتبني ابعتابك خل ترد روحي..

اوهسني . . ابدلالك . . ياشتل شمام.

حتى ازهك . . وشوفك وينها اجروحي

بيه اشبع غرورك . .

يا أعز جتال

يتمايل غنج لو بيه . . ثكل نوحي

تعاتبني اعله حالك . .

بسيل:دموعي تنزل بغزاره على كلامه وصل عاتبني اعله حالك.. اخذ نفس طويل زفره بتكمله الصار بيك الصار.

جاشدل اجروحك هاي وشتوحي

كبل حبك . . جبل مالاح طرفي السيل...

التفت اله ناطيني ضهره، ثواني التفت، تقدم عليه..

دست على گلبي ، دخلت للبيت بقه هوه بالحديقه صعدت لغرفتي قفلتها.

كعدت ابجي گلبي يوجعني..
دموعي تنزل.. قويت نفسي كمت وكفت طلعت تجددت.

فرشت المصلايه صليت حتى مانويت لامام او فرض بس حسيت روحي محتاجه اصلي..

كملت صلاه قريت قران، سبحت تسبيحات..

رفعت اديه ادعي ربي يطلع حب ديسم الي ماعرف شوكت حبيته من گلبي..

بجيت شكيت لربي، نعست مددت على السجاده بحجاب الصلاه..

ماحسيت غير على جهازي يدك..

فتحت خط بدون مااشوف منو گتله ها حبيبي..

تخلخل صوته بااذاني.. فزيت

ضحك گال

ديسم: مو كافي نوم؟؟ ياله نزلي جبت ريوك تعالي تريكي.

رفعت الجهاز شفته ديسم گتله:الف عافيه ماريد سديت الخط قبل لايجاوب..

متعوده الصبح محد يتصل عليه غير ليث مره هم صارت وياي گلت هاحبيبي طلعت صديقتي..

هسه ديسم شلون حظ..

لفيت المصلايه اتصلت على ليث..

حجيت وياه بخصوص جيلان وابوي گال العصر نجي..

مددت شوي كمت غسلت وجهي نزلت لكيت مواعين مال الريوك غسلتهن.

سويت كهوه..

حسيت عليه موجود وفعلا گال.

ديسم وياج فنجان.

بدون مااحجي هزيت راسي صارت انطيته كعدت كعد مقابيلي يشرب شوي شوي..

كملت كمت غسلته طلعت دجاجه اريد اسوي گال

ديسم لاتسوين راح اجيب جاهز..

بسيل:حجيت بكلبي بعد احس هوه اني ويه امي نادرا مااساعدها..

رجعت الدجاجه، طلعت من المطبخ..

صعدت اخذت ملابس سبحت نزلت جوه..

صارت بوجهي ام دريد ابتسمت مجامله گالت

ام دريد سابحه؟؟!

بسيل ستغربت من كلامها گتلها اي

ام دريد:ليش؟

بسيل: شنو الليش متعوده.

ام دريد:ديسم هم سبح الصبح.

بسيل واذا يعني شببج

ام دريد:لبارحه باليل كعدت ملكيته بالهول ولا بالحديقه صعدت الج لكيت غرفتج مقفوله.

بسيل صدمتني على تفكيرها گتلها واذا اني متعوده اقفلها.

ام دريد:تره واضحه مو مال تستغبين، لان حتى على الريوك خابرج تنزلين..

بسيل مو كافي كلام بايخ انتي تعرفين شنو الي تحجي!!

هسه لو اكول لديسم يقبل تمسيني هيج بكلامج.

لاتخلين الحقد عام عليج وكلامج ابد ابد مامقبول شنو تحجين هيج عليه تره مااقبل..

لاتشوفين الناس بعين اطباعج اني مو هيج اوكي وين رجلج الي يهوبز بيج؟؟؟

بسيل فقدت اعصابي على اتهامها.. بهل وقتدخل ديسم.گال

ديسم:شبيج بسيل ليش صوتج واصل للشارع

بسيل:تعال اسمع مرتك شتكول

ديسم احجن شكو

بسيل: حضره مرتك تكول ليش سابحه، وديسم هم سابح والباحه انته مو يمها تتهمني على اساس البارحه.يمي وليش قافله لباب.
بااختصار تتهمتي وياك.

صد عليها گال: بياء حق تحجين عليها.
تشوفينها شايلتج بالصلوات تاكليها..

قاطعته گتله

بسيل انته ومرتك تفاهمو بعيد عني لا والخلقكم تشوفون وجهي الحقيقي..

عفتهم صعدت دمي فاير من كلامها يربي هذه وين عايشه..

افتر بالغرفه كل شوي اريد انزل..

نص ساعه ندكت لباب ونفتحت.

التفتت شفت ليث تفاجئت گتله

بسيل: اجيتو..

ليث: اي خرجونه وجيلان خبصت لدنيا تريد تطلع..

بسيل حقها والله..

نزلت اضحك ويه ليث يسولفلي على جيلان خابصتهم..

صارت بوجهي ام دريد تخوزر..

مهتميت رحت لغرفه امي

جيلان مدده تون.. كعدت يمها تفتح عيونها وتغمضهن بهدوء..

مالها خلك تحجي..

حاجيت ليث گتله

مو تكول خبصت المستشفى شو هسه ماكو..

ليث: انطوها ابره مهدئ بالمغذي..

بسيل مجرما لعد..

حجيت وياها شوي ماكو بس تبتسم..

دقايق اتصل جهازي باوعت ل ليث گتله بابا.

ضحك گال:رصيد زايد عنده ههه

ضحكت فتحت خط اجاني صوته

عماد: تعالي للمكتب بسرعه.

سد جهاز بوجهي ضحكت كمت وكفت ردت اطلع حجه ليث

ليث: هاا وين

بسيل: المحكمه العليا طلبتني

ليث،الله يرحمج جنتي خوش بنيه..

بسيل هههه اقره الفاتحه تسهيل امر

ليث اذا طلعتي ميته اقراها لروحج الطاهره ههههه

بسيل ههه تطير يمعود رلح اترزل

تمشي للمكتب فتحت الباب تفاجئت ديسم وام دريد..

وكفت كدام بابا گتله محتاج شي؟؟

عدل كعدته گال

عماد: ديسم، بسيل الي سمعته صح لولا.

بسيل بخصوص شنو

عماد: تممتو زواجكم.

بسيل صدمني كلام بابا حجه ديسم

ديسم:عمي المفروض انته تعرفني شنو وتعرف بنتك شنو وهذه الشي ماله صحه.

عماد لعد ليش ضارب مرتك؟؟

ديسم:ضربتها لان تجاوزت تهمت بنتك تتوقع ارضه عليها تمس بنت عمي.

عماد: ملاحضين الي ينحجي عليكم لولا.. زواجكم قدمو مدته.

بسيل: بابا ليش تصدك بيها ماعدها شغل وعمل تحجي عليه.. وانت تصدكها.

عماد الي گلته تسوو ثنينكم خصم للكلام

بسيل لا مستحيل متحجي ديسم

عماد: بعد اسبوعين زواجكم.

بسيل مااقبل والله بابا ملاحظ انته متغير عليه كلشش لولا.

عماد لمصلحتكم بنتي.

بسيل يامصلحه انته بهل كلام توثق كلامها.

متحجي ديسم ليش ساكت.

عماد خلص الكلام اخذو راحتكم.

بسيل قويت روحي حجيت بس بابا احنه عقدنه باطل يعني اني محرمه على ديسم..

عندي امل يتغير شي بس كلام ام دريد ابد مجان بوقته شهكت گالت

ام دريد:عزا العزاني ماخذج قبل لاتعقدون

عماد: صارت عيني على بابا الي كام وكف شمر الملف على الميز بقوه گال.

ديسم سبيل ثنينكم تبقون ام دريد طلعي..

بسيل طلعت ام دريد بقيت ويه ديسم..

ابوي صار اعصااب بحيث وجهه حتقن راح كعد خلف مكتبه،ارتاج كمش راسه بااصابيعه..

دقايق صمت ولا واحد منه حجه شي..

ديسم واكف حاضن ادينه شكله طبيعي، خفت كلش على بابا..

وخر ايده من راسه گال..

عماد:الي يالبعير احجي شنو هل كلام هاي عود وثقت بيك لو واثق بكلب من الشارع احسن.

تعال يبن اخوذ احجي شلون سويت هيج منو يعرف غيركم.

ديسم:محد يعرف غير بسيل صارلها يومين..

عماد بعصبيه مكتومه: اكو واحد عاقل يسوي هيج، العتب على شواربك ، تسوي شي بدون فكر هذه انتَ العاقل والفاهم فوكاها دكتور لك حرامات والله.

وانتِ بسيل مكيفه للوضع ليش محجيتي، شلون تقبلين على هيج شي.

بسيل دموعي تنزل ابد ما خليت عيني بعينه لان غلطت من محجيت..
ديسم تحمل كل شي بحيث يحجي بابا وديسم ساكت، يمكن اني حجيت اكثر منه..

بابا عصب ضرب على الميز گال: ديسم بعد مالك مره يمي واي واحد يجي انطيها.

حرك شعره الكيلي رفع حواجبه بستفزاز تلمس لحيته گال
ديسم : ماتسويها لان مو عمي عماد يجبر بنته واعتقد خفيتها سنوات مو مال هل شغله تخليك تنطيها لاي شخص.

عماد: ديسم سوالفك مال دراستك لاتبيعهن عليه، نزلت من عيني..

ديسم: ايام وارجع لاتهتم عمي الغالي.

عماد بتحذير :ديسم لاتخليني افقد اعصابي.

ديسم :عمي هيه الدنيا ماشيه افقدهن بودي اشوفك من تفقد اعصابك..

عماد: لاانت متخبل دراستك الزايده نگلبت عليك.

ديسم ههههااااي ليش هيج شادين ويه دراستي؟!
زين عمي اني استفزك ، وانت تحاكم تره حلوه.

عماد: عقلك بي شي،

ديسم: اي والله بي ومالي هم تريد تعرف؟!

حضن ادينه گال
عماد: اي طبعا

ديسم:والله ياعمي بنتك ماليه عقلي ومتربعه تربع بگلبي متگلي شنو علاجه منها.

بسيل: كلامه ضحكني رفعت راسي عيني بعين ديسم
غمز حرك خشمه ، اشر بحاجبه التفت بابا يباوعلي،مبينه عليه العصبيه، نزلت راسي بسرعه..

عماد:طايح الحظ كدامي تحجيها، استحي شوي انت متزوج وابنك بالطريق، وانت بسيل ماستحيتي هيج صارت عادي زحتو المستحه، حسابج يمي.

بسيل بلعت ريگي بخوف عرفت نفسي غلطانه..

حجه ديسم بجديه..

ديسم:عمي لاتلوفها عليه.. لو ماانت م جان عرفت ام دريد.

واذا على بسيل فهي الي ان شئت وان ابيت.

عماد والك عين تهدد شوف ديسم اذا ماتحترم نفسك لاتلومني على الي اسوي.

تحلم تشوف اضفرها لبسيل..

ديسم :اني وياك والزمن نشوف شيصير بعدين بس من هسه اگلك عمي بسيل واليوصلها اللهه يرحمه.

عماد: لاتهدد ديسم،بسيل ماتريدك اني جبرتها عليك وهسه تحررت منك.

ديسم:الصراحه انت الك فضل عليه من جبرتها، لان بدون متعرف نبت بگلبها شعور وهل شعول تطول لحد هسه صار حب والحب مو بسهوله تكدر تمحي.

عماد مو كافي فلسفه براسي، دير ضهرك والله وياك.

بسيل طلع ديسم.

صد عليه بابا گال: تحبي لهل حيوان.

بسيل فتحت عيوني من سواله جاوبته لا مااحبه متزوج...

ركز بعيوني نزلتهن بسرعه گال روحي يم جيلان وخليها ترجيه بااذنج انتي وديسم ماتتزوجون لو ينصاغ ذهب على سوايته ولسانه ليوم..

بسيل هزيت راسي بسرعه طلعت من المكتب صعدت لغرفتي ركض سديت الباب ابجي على گلبي الي بلاني بحب..

بجيت من گلت بس شگد جنت قويه ماابجي مو بسهوله اتاثر هسه العكس واتعس لدرجه مااتحمل شقه بسرعه ابجي..

ندك الباب سمعت صوت ليث كمت فتحت القفل

دخل للغرفه كعد على الجرباية گال

ليث : المايخافون الله بجوج،يولون يمعوده لاتبجين.

بسيل : حنيه ليث تتفوق على اهلي كلهم حضنته ابجي مسد على راسي گال

ليث : بسيل لاتبجين يمعوده، وينها الي تنطيني ايجابيات شو هسه صايره هينه بسرعه تبجين ..

بسيل:تعببت والله..

ليث:الله يبعد التعب عنج يبعد روحي حبيبتي.

بسيل: وخرت عنه مسحت دموعي ضحكت گتله عشت اللحضه.

ليث: كفيلج الله لو مطوله لكيتيني حاط ايدي على وجهي وابجي هههه.

بسيل لالا تره فشله مدرب وكذا وتبجي..

ليث:ليش يابه المدرب ماعنده احساس.

بسيل: لا والله لان كسرتني بحضنك ومحسيت بيه.

ليث: لا ياحقيره هذه فوك ما اهدئج.

بسيل: هه هوه وين اكو احسن منك.

ليث هذه الكلام الحلو،

بسيل كرصني من خدي گال

ليث:لاتهتمين لكلام ابوج معصب.

بسيل لا عادي ماكو شي اصلا.

طلعت بعد ما طلع ليث غسلت وجهي نزلت اريد اروح يم جيلان لاكتني امي انطتني فنجان الگهوه

اودي لبابا، ناويه عليه بس متعرف شلون اخذته منها بدون مادك لباب داهمت عليه..

فتحت لباب نازع القميص ضال بالكيمونه دلعه كلش بس تعاليك وديته له حطيته على الميز وخرت اريد احجي..

صارت عيني ،على الوشم غصن شجره الارز بس على شكل حرف s مبين رايد يمحي لان شخوط مال موس او سجينه لان باقي بس الااثر ..

نصدمت بالشكل هستوني اريد احجي گال

عماد اذا خلصتي طلعي.

بسيل نحرجت طلعت من المكتب بس الوشم ببالي..

رحتيم جيلان هستوها صاحيه من المهدئات..

كعدت يمها

سئلتها شبي الحلو مطنكر.

جيلان: تعبانه نفسيتي..

بسيل:الله يبعد التعب عنج يروحي،

ردت ابعد الضوجه منها گلتها..
.. اي ولج شمسويه بالمستشفى.

جيلان: سكتي يمعوده شايفه المثل الي يكول من حفر حفره لاخيه وقع فيه. اني هيج.

بسيل ضحكت گتلها ليش؟

جيلان من فقدت اول مره جان جذب بسوحتى هجان يهدء بس شنو الي صار وياي نگلبت عليه ومن صدك نغمه عليه..

ماحسيت غير على الدكتور يحجي ويه الممرضه مدري دكتوره عدهم شك انسداد شريان.

تخبلت لان جنت اجذب وتالي وكعت براسي من صدك..

سوولي التحاليل وثبتو كلامهم واني خبلتهم والله لان بالي يم هجان.لان اعرفه مو هين وراح يسوي شي..

بسيل يوو لاتهتمين يمعوده..

جيلان اووف تعبت والله..

بسيل للخمسه العصر صارت خبصه بالبيت بابا يصيح
الى رحمه الله جاي جاي مسافه الطريق.

سمعت صوت امي

... تگول عماد منو مات احجي..

رد عليها بخبصه
عماد:هجان هجان مات..

بسيل:صارت عيني على جيلان الي شهكت، فتحت عيونها بقوه ..

༺༺༺༻༻༻
مشاعر..
.
.
. شايفين واحد واكف ومابي شي وينضرب على راسه بقوه هيج اني..

زادن دموعي رفعت عيني لاركان يباوعلي بلعت ريكي

ردت احجي سكتني صوته انطه فتى لعمتي اخذتها گال

اركان كومي مشاعر عندي حجي مهم وياج..

رديت عليه بس اني
قبل لااكمل وقفني كلامه گال

اركان اسمعي الي احجي اذا ماناسبج انسي السمعتي.

مشاعر راح لمكتبه مشيت وراه دخلت قفل لباب وهذه اول مره يسويها..

گال:قبل لاتحجين حرف واحد ،زواجي منج على الورق ماعندي نيه ثانيه وياج، لو متزوج من سنوات هسه بنتي بعمرج.

لهذه اعتبرج بنتي لااتقلبلج ولا شي انتي بمكان واني بمكان ولعلمج مستحيل يجي يوم وتصيرين زوجتي فعليلا.

تبقين مرت سيف اغلى من روحي هذه وليدي..

وحق رب الكائنات، لاعندي نيه زواج منج.

بس ابوج دزلي خبر يريد ياخذج بيته .
واني واعد سيف تبقين بالبيت ماتطلعين منه. بعد بكيفج.

مشاعر: مسحت دموعي گتله بس اني ماريد اتزوج.
اذا اليوم على ورق يجي بوم يتم..

لهذه لسبب اني هم اريد ارجع لاهلي..
وانت عيش حياتك وكلامك صح اني بعمر بنتك لو متزوج.

تخوصر گال
اركان: اخر كلام.

مشاعر هزيت راسي گال

اركان: والجهال.

مشاعر وقت الي تردوهم تعالو شوفوهم..

اركان هذه هو مااجبرج بس تاكدي اني وياج بكل وقت حتى لو مو يمج.

مشاعر شكرا

اركان:حضري روحج اوديج لاهلج.

مشاعر هسه؟!!

اركان:مو تردين تروحين لولا!

مشاعر اي اي اروح..

طلعت من المكتب، لغرفتي حضرت ملابسنه
خلصت طلعتهن للهول عمتي مدمعه عيونها..

تقدمت عليها حضنتها تبجي كسرت گلبي حضنتها بقوه..

شوي طلع اركان گال انتضرج بالسياره.

اخذ الجنط وطلع.

بوست عمتي وحلفتني كل جمعه اجيبلهم الجهال..

تحضن بيهم وتبجي انطتي فتى شلتها طلعت للسياره صعدت وره لان عمتي بالصدر..

نص لطريق فتى كامت تبجي تصرخ حاولت اسكتها ماكو..

اخذها مني اركان حطها بحضنه ويسوق عمتي مقبلت گالت..

.. ولك يبمه تسوي حادث وين تكدر هيج تشيلها.

ماهتم بقت بحضنه اللوتيه سكتت..

وصلنه لاهي ختنكت نكمت على گلبي..

نزلنه من السياره

اركان نطاني فتى كامت تبجي..

نزل غراضي، دكيت لباب طلع مهوال شافني ضحك

دخلنه للبيت صاح لابوي ولحسنيين.

كعدو بالديوانيه

اني وعمتي بالهول يم امي ومرت اخوي.

نص ساعه راحو واكيد امي غثت عمتي..

ابوي ضايج مني لان ماقبلت اجي ويه امي.

شوي شوي تقبل لوضع..

فتى خبصتني بس تبجي مهوال يشيلها تصرخ شوك تاخذ سيف لان ميبجي بس فتى موتتني من ايدي لمهوال لشوك.. وتبجي..

شهر ياله تااقلمت على اهلي اليل ماانامه من وراها بس تبجي..

النهار اشتغل، تقريبا كل الشغل براسي..
من غير سيف وشوك..

يم اهلي ياله حسيت بالمسؤليه من جنت يم عمتي ولاحسيت لان هيه واركان وياي..

بنات حسنين اذوني والنوب بنات هجان شكد يحبني

سبيل احسن من بان

بان اصلا موتتني غيوره لدرجه اذا تشوف فتى بيد مهوال تروح تكرصها وهيه طفله ماتفهم بس تبجي..

احاجيها امي تصيح عليه..

وصلت لدرجه اني الي اشتغل ومن يجي ابوي لو حسنيين امي تگول لحسننين خطيه مرتك تعبت هل ايام..

تعودت عليها اني المشلوع گلبي وهيه ولا همها..
وصلت مرت حسنيين لدرجه تحاسبني على الاكل..

اخر شي جنت كاعده ارضع فتى مميتها..بالهول يم امي

رجلي نجعصت صحت اخخخ صديت مرت حسنين تتمضحك شافتني گالت

.. ياا يا مادري بيج خيه..

هنا صدك ستهضمت من سوايتها كون امي حجت..

مشت الايام والاشهر فتى وسيف كبرو يحبون فتى مدبدبه عكس سيف ضعيف.

واني مشلوع گلبي تمنيت لو مجايه على هل عذاب..

اطبخ الغده شايله فتى..

الجهال مهوال ياخذهم كل جمعه لعمتي للعصر اركان يجيبهم يحط فلوس وياهم اول مره خابرت عمتي گالت هذه راتب سيف.. تفاجئت راتب ايش.

بس لانطت حق ولاباطل..

كعدت من الصبح اشتغل ضهري منكسر من التعب مانايمه غير نص ساعه..

بسرعه نضفت البيت حتى انزل سيف وفتى

كملت تنضيف هاج عليه ضهري دست على الوجع صعدت سبحتهم وبدلتلهم نزلتهم يمي ماائمن اعوفهم فوك..

ريكتهم عفتهم بالهول وحدهم امي راحت للسوك ومرت حسنين هيه وبناتها من اول بارحه يم اهلها مهوال طالع فجر بالغرفه شوك بالمدرسه..

البيت فارغ مأمنه عليهم..

سويت لتمن هدرته بديت بالمركه اسوي اجاني سيف يحبي شلته حطيته على الكاونتر ابوس بي وادغددغه.. ماااسمعه غير صوت فتى تبجي رحت ركض

واشوف بان على رابع درجه وفتى واكعه رحتلها شلتها لو تخبلت دم يطلع من اذاناتها تبجي كمت اصيح اريد احد يجيني ماكو احد بالبيت او شخص اجه بالي ابوي

اتصلت عليه خمس مرات يرفض اتصلت على مهوال ميشيله اخر شخص اتصلت عليه بس خايفه كلش منه لان عنده فتى روحه من الدنيا..

انتضرت هستوني اريد اسده فتح خط گال

اركان ها بويه..

مشاعر بالكوه گتله تعال الحك فتى وكعت من الدرج

تورطت على عمري كام يصيح گال حضري روحج جايكم. سد الجهاز مني

نزلت فجر هزت ايدها وصعدت بان اختفت

لبست حجابي وعباتي انتضره اقل الربع ساعه سمعت هورن بالباب..

طلعت شايله فتى حاطه كلينس من يم اذانها...

اخذها مني گال

اركان:سيف وينن

مشاعر تذكرت سيف بالبيت رجعت للبيت اخذته وطلعت مسافه الطريق وصلنه المستشفى اني بس ابجي اخر شي صاح بيه كال

اركان ماتملين خاطر ربج لاتفاولينها..

مشاعرمو بيدي والله..

نزلنه اخذو فتى سوولها اشعه وفحوصات اتضح عدها فطر بالجمجمه حسب كلام الدكتور لو تموت لو تصحى واذا صحت يصير خلل بدماغها يعني تتخبل..

زدت بالبجي شنو ذنبها لو تموت لو تتخبل الثنين مايرادن..

الدكتور انطانه مده 48ساعه.. يتبع..

........

توقعاتكم للبارت القادم.