رواية لماذا احببتك الفصل الخامس وأربعون 45 - بقلم اورجانزا الطائي

تفاعلو على الفقرات..

قصه لماذا احببتك
البارت الثاني والاربعون
بقلمي اورجانزا  الطائي.
.
.

مشاعرمو بيدي  والله..

نزلنه اخذو فتى  سوولها اشعه وفحوصات اتضح عدها فطر بالجمجمه   حسب كلام الدكتور  لو تموت لو تصحى واذا صحت  يصير خلل بدماغها يعني تتخبل..

   زدت بالبجي شنو ذنبها لو تموت لو تتخبل الثنين مايرادن..

الدكتور انطانه مده 48ساعه..

كعدت بالكاع ابجي  كل الي ديصير بسببي  لو باقيه يم عمتي مصار الي صار..

دموعي تنزل بهودء عكس العاصفه ااي بداخلي..

سيف بيدي ساكت عيني على اركان الي ثواني  ضرب الدكتور   التمو عليه الناس  يصيح  على للدكتور  تحلف  يشتكي على المستشفى..

شال فتى بيده طلعنه..

اريد افهم شكو  شنو الي ديصير..

اخذنه لمستشفى اهلي  دخلنه  عاد التحاليل والفحوصات  من البدايه  ساعه ونص ياله  خلصن  عكس الحكومي الي نص ساعه  وهنا الصدمه كلام الدكتور.

...  حالته جيده  بس متعرضه ضربه قويه بالاذن  عندها ثقب بالطبقبه الوسطه مما اده لنزف الاذن..

طفل هيج عمر مو مال ضرب اتمنه  ماتنعاد.

اركان:يعني  النزف من ضربه؟؟!

الدكتور:اي نعم  الضربه، ضغط  قويه على الاذن هذه لسبب

اركان  فطر بالجمجمه اكو؟

الدكتور طبعا لا  سوينالها اشعه.لو فطر، النزيف ميتوقف.

اركان  تعبتك وياي دكتور.

...  تعبك راحه  استاذ داغر.

مشاعر من فرحتي ابجي واضحك  طلع الدكتور

تقرب عليه اركان  گال

اركان:سؤال واحد وجاوبي فتى منو ضاربها.

مشاعر:خفت.منه اريد احجي مااكدر  بالكوه طلعت الكلمه  وووكعت 

اركان:احجي لاتمتمتين منين وكعت هسه سمعتي الدكتور كال مضروبه  ومتعرضه لضغط قوي على اذانها وحده من الاثنين لو انتي ضاربتها لو احد غيرج.

مشاعر من الدرج وكعت   والله  ما ضاربتها.

اركان:دخيل ربج شكد هاملتها لدرجه   واكعه ومتدرين بيها.

مشاعر:والله مداريتهم.

اركان:مبين عليج، جزاج الله خير على هل معروف.

مساعر، سكت شوي ثواني گال.

اركان:مشاعر سيف وفتى  اخذهم وياي العجبج تجين وياهم ف اهلا وسهلا واذا لا ف الله يسر قسمتج.

مشاعر:انتفضت من كلامه كگتله لا عليك الله ليش هيج هذولي اطفالي   تريد تاخذهم مني.

اركان: انطيتهم الج والنتيجه شنو احجي مو خابرتيتي لولا؟!

مشاعر اي اعترف محد الي  كلها ضدي بس هذه حظي يعني شسوي.. اركان عليك الله لاتصير انت والزمن عليه تره ماتحمل والله

اركان:تعاي عيشي ويانه..

مشاعر:بصفتي شنو متگول تره تعبت..

اركان: بيتج موجوده لاتنسين.

مشاعر كلها تحجي الناس ماترحم والله  اذا مو كدامك وراك يحجون..

اركان:مصار شي اعقد عليج واريد اشوف يا كلب ابن سطعش كلب يحجي عليج،  لاتهتمين لحجي الناس  همه اهل لبيت مخلصانين منهم ويكفرون على ادنه شي مو نوب تردي يرضون عليج انتي.

مشاعر:بس على ورق ومايوم من الايام تطالبني بشي.

اركان:وروح ابوي مسموط الصفحه  ماتقربلج بعد اكثر من هاي.

مشاعر:    مسحت دموعي گال

اركان:هسه شنو؟

مشاعر موافقه.

اركان بيها الخير.

  اتصل جهازي،  انتبهت على الاسم هجان فتحت خط

گال  : مشاعر وين مختفيه شو ماكو وامي تدك وتلطم  .

مشاعر:  صارت عيني على اركان گتله  راح  ارجع ويه اركان...

لمحت ابتسامه خفيفه بوجه  اركان قبل لايحجي  هجان سحب الجهاز مني گال

اركان:هلا والله  وين ما وين مختفي.

ضحك گال:اي يابه  يمعي بالحفظ والصون، بس عندي وياك عتب.

عدل دكم قميمه  باايده گال  : جهال اخوي بنص بيتكم جان ماتو وانتم لاحس ولاخبر..

قبل لاتكمل هجان انت اخوي وعضيدي بس مال فتى توكع  وتنضرب بنص بيتكم  مااعترف بااحد. فتى بنتي مو بنت اخوي.

_اي  فهمت اني بالمستشفى صارلي تلث ساعات وانتم كلكم ماكو لاحس ولا خبر.

_جهال اخوي مالاكيهم بالشارع،   مشاعر  راح اخذها وياي  ويه جهالها بعد مالكم شي يمي.

_حدك هجان، صارت مرتي  بعد مالكم حك يمها

_ الله ومحمد وياك   قبل لاتجي لبيتكم  حجيت وياك انت وابوك، واخذت كلمه منك.

_ الله وياك 

مشاعر سد الجهاز  نطانياء   طلع  نص ساعه اجه اخذ  فتى بحضنه

گال ياله امشي.

طلعنه من المستشفى وصلنه للسياره  گال

اركان:كعدي وره.

مشاعر كعدت بيدي سيف   وفتى بحضن اركان..

وصل لبيت  نزل دك الباب  شوي  طلع رجال جبير لابس عمامه من البيت   تسالم وياه  اجو صعدو بالسياره يحجون بكلام ممفهوم.

وكفنه يم باب بيتنه تفاجئت لان هوه جان رافض  اجي للبيت..

نزلت من  السياره  هوه هم نزل بقه الرجال وحده.

  دك لباب گال

اركان:لاتفرحين تره ترجعين وياي.

مشاعر لعد المن جبتني هنا؟!

اركان:اني رجال يعرف الاصول، اجيت اعقد عليج بيت اهلج اطلعج من بيتهم.

مشاعر هاا ليش انته مو گلت...
قبل لااكمل قاطعني گال

اركان:لايشطح بالج بس انتي تهتمين لكلام الناس وهسه بعد محد اله حجايه اخذتج من بيتكم.

مشاعر قبل لااحجي فتح لباب هجان.

دخلنه للبيت،  گال

اركان:عضيدي سوي طريق، السيد بالباب.

مشاعر بين الصدمه على وجه هجان هز راسه گال

تفضل  تسوي لي براسك.

اركان:المفروض تعرفني عشره سنين.

هجان:هوه منو الي مايعرفك  .

دخلنه للبيت ردت اروح للهول مقبل گال تعاي وياي للديوانيه..

تفاجئت گتله ليش

اركان:تخافين  من كلام الناس  ، واني ماريد اختلطج ويه الناس.

مشاعر رحنه احنه والسيد  للديوانيه   كعدنه شوي دخل ابوي ومهوال وهجان

تحمحم گال:عمي  انه حجيت وياكم من جبت  مشاعر واخذت كلمه منكم اعقد على مشاعر وانتم مارفضتو.
بس اني ماجل الموضوع وهسه اجه الوقت.

رد ابوي اي بس اهم شي موافقه مشاعر..

اركان:لاتهتم عمي مشاعر موافقه.

مشاعر طول كلامهم منزله راسي اخاف ارفعه واترزل

  عقدلنه السيد.

گال: مشاعر حضري روحج حتى نروح.

مشاعر:ماعولت كال هيج كبل ردت اطلع بس اخذ سيف مني طلعت للبيت

تلكتني امي كازه اسنانها عليه  تصيح تگول ماتحملتي بلا رجل  ، رختي برجلينج اله  ، نوب عليه الكح***.

مشاعر ماتحملت طكيتها بوجهه گلت:انتي هم حاسبه روحج ام  والله لو ميته ولا هيج وين اكو ام تحجي هيج على بنتها لو تفشر على بنتها اصلا حسافه عليج..

بعد ممكمله كلام  مااحس غير حرتني من راسي تضرب بيه،  وتصيح  كرهت روحي  لان لهل درجه ضعيفه ومااكدر ارد..

وجهي يحركني.

مااحس غير نرفعت  امي مني..

شفت هجان  وخرها يگول  بيج يمه مو خزيتينه كدام الولد هذه بنتج هيج تضربينها ليشش.

امي تصيح وتگول: واني شكووو بكواد** امشي عني لا والله هسه اموتها  كدامكم..

مشاعر قبل لا يحجي هجان اجه مهوال يگول

مهوال: مشاعر اركان يريدج بسرعه.

مشاعر عدلت  حجابي وعباتي طلعت بسرعه وامي تصيح لاحكه لاحكه..

طلعت للحديقه صار كدامي، گال

اركان: بسرعه  للسياره.

مشاعر: طلعت صعدت بالسياره،  طول ياله اجه
السيد صعد  بالصدر  ، فتح الباب نطاني سيف  سدها بقوه.

صعد بالصدر   ساق طول الطريق السيد يحجي وياه وهو بس اي اي..

وصله لبيته  نزل.

ساق بسرعه وصلنه للبيت   نزلت بيدي سيف..

دخلنه للبيت عمتي من شافتنه فرحت درجه حضنتني اني وسيف سوه..

اخذت سيف تبوس بي من خدوده..

كعدنه بالهول اني وعمتي بس اركان اخذ فتى وياه..

حجت وياي گتلها عقدنه  فرحت دموعها تصب گالت
من سنين متمنيه تصيرين لاركان...

مشاعر عمه ياسنين اذا  سيف صارله سنه وشوي من توفه..

ونت گالت:  انتي شمدريج يعمه الله يغفرله لسيوفي..

مشاعر شنو السالفه عمه كل حجايه والثانيه  الله يغفرله تره والله حيرتوني..

مسحت دموعها بشيلتها گالت: سيف من دره بااركان يريدج عاف البيت وطلع..

اركان من زمان يريدج بس الزمن اله حوبه..

مشاعر   من صدمتي ماعرفت شنو احجي  ، سكتت دقايق گتلها  بس اني مااعرف اركان!!

هستوها رادت تحجي سكتها صوت اركان.

اركان: مشاعر تعاي لمكتبي

مشاعر  كمت مشيت لمكتبه  والف سوال بالي  اريدلهن جواب،  كعد   حط فتى على الميز

كال. امج ضربتج  يتبع.