رواية لماذا احببتك الفصل الرابع وخمسون 54 - بقلم اورجانزا الطائي

صباح الخير..
تفأعو على الفقرات  انطوني حماس حتى اكتبلكم بارت..
تفاعلكم ابد موزين ليش هيج.

  صووتو مو تنسوون

رواية لماذا احببتك
البارت 
بقلمي اورجانزا الطائي
.
.
.
.
.
.
.
.
.
.
.
....گمره

گمره:جنت اشرب بالببسي من سمعت البأر غصيتت  عيني على جساس..
خشمي ودموعي حركني  غمضتهن بقوه صديت عليه

عيونه عليه، وجهه خطف لونه..

گام ديسم يجيب مي  تقرب عليه گال

جساس فهمي قبل لاتحجين..

حجيت بحقد بالگوه تطلع الكلمه: وخر عنييي  احقر منك ماكوو..

دخل ديسم بيده المي شربت شوي احس  حراره تطلع من وجهي..

گمت وكفت حجيت ويه ديسم..

_ديسم اريد انام..

سحب نفس بهدوء گال  كدامج بالممر على جهتج اليمنه غرفتي نامي بيها..

عفتهم رحت للغرفه،ميته قهر ليش هيج يسوي؟!
خاصته هوه يعرف شكد تااذيت  وضعت ليل ماانامه..

ضغطت على راسي بقوه، مددت  صفنت بالسكف  والله يجساس اله اردها الك..

هيج تسوي بيه الحقير يبتزني على گوله امي ردته عون طلع فرعون..

والله يجساس اله اذالك يكلب يحقير ينذل..

شترجه منك گرايب امي بعد..

نمت نومه عميقه ماحسيت  لثاني يوم..
طلعت يم ديسم وحده   سويت ريوك تريكنه بهدوء.

بقينه بالبيت ماطلعنه ديسم حالته مو طبيعيه  يختتنك وجهه ينطعن..

من احاجي يگول عادي..
نام الضهر  ضليت كاعده يم راسه ولاتحركت خايفه عليه..
للخمسه كعد على صوت جهازه  رد عليه هجان

مافهمت من كلامهم شي..

اخر شي گال بيها الخير  ان شالله على باجر

_ ايي ايي مابيها مجال اليوم

_ وصيت عليها والمفروض بهل يومين توصل..

رغم فضولي مسألت لان تعبان..
ختم كلامهم  شمر الجهاز على الميز فتح عيونه وسدهن بقوه..

كام وكف طلع من الهول ضليت بمكاني انتضره..

ربع ساعه  ماكو هستوني گمت حتى اشوفه وين،

صار كدامي مبتسم بتعب..

مسد على راسي گال 
حضري روحج نطلع  تغيرين جو كافي كسل..

ابتسمت لحنيته رغم تعبه يريد يطلعني..
كعدت على الكرويته حضنت اديه  حجيت..
-تعبانه مابيه اكلع والله واريد انام نعسااانه هوااي، فا خليها على غير مره.

هز راسه دنك عليه كرص خدي گال
-ابو طبع اسئل على طبعه  لبارحه  شنو اتفقنه عليه؟!

صفنت اتذكر شنو الي اتفقنه عليه ماتذكر غير بس على امي  واني محاجيه عليها..

صديت عليه حجيت:
-شبيك ديسم قا بل اني دااحجي عن امي.

ضربني بخفه على راسي گال  ال «فا» وال« د» ولا تبطليهن، كلامي نسمع منا طلع منا.

ضحكت كمشت ايده الي ضربني بيها حجيت
-انت گلتها ابو طبع..

حضن راسي گال:
- انتي رحمه من ربي الي..

وخرت راسي من صدره حجيت
-ليشش شكو شنو لسالفه.

ابتسم گال
-لازم اي كلمه احجيها الها معنى وتفسير؟!

على گولتك يااستاذ اي  منك نتعلم يااخي العزيز..

هز راسه گال
ديسم:ماكدر اعوفج وحدج.

گمره  :شبيك ياابو المروه قابل اختك هينه يابعد چبدي..

ضحك تلمس لحيته گال
ديسم:مهما يكن اخاف عليج.

گمره:نحطيت كدام الامل الواقع گمت وكفت
ميلت راسي حجيت قافل؟!!

كرصني من خشمي  گال
ديسم:اخاف عليج،لاتضوجين.

گمره حركت اكتافي حجيت
-لا عادي..

ندكت لباب  طلع ديسم  يفتح لباب 
وكفت باب الكلدور  دخلت ام رنا خاله زوج لبيب..

سلمت عليها  رحت للمطبخ  اجه وراي ديسم..

ارتاك على الكاونتر ضحك گال
ديسم:اجتج من لله..

گمره:ههههه بهذه صدكت اي والله مابيه وانت هم مابيك حيل اكعد واسكت الم طالع.

رفع حاجبه گال: لا راح اطلع نص ساعه واجي.

گمره حطيت القوري على الطباخ صديت عليه
شتسوي طالع؟!!

ابتسم  حرك شعره الكيرلي گال
ديسم:صارلي هواي مشارب گهوه.

قلصت عيوني حجيت
_قصدك الي تسوي الگهوه

ضحك بصوت گال:تفهميها هيه وطايره..

گمره؛: چا غير اختك دكتور..

مسد على بنطرونه گال
ديسم: ياله راح اطلع نص ساعه واجي وتخليهم يرحون بقيهم على العشه..

گمره:خوش بس دير بالك على روحك..

طلع ديسم  صبيت الجاي وديته الهن..
شربو الجاي   ام رنا مصختها كلشوي حاجيه بطولات ابنها..

سوه هيج صار هيج اشتره هيج باع هيج..
اخر شي طلعت صورته شوفتنياه واني ابتسم احس فكي تشنج من كد مابتسمت..

نص ساعه اجه ديسم،  جايب اكل وياه  مجرد حطيتها بالمواعين وديته للهول..

تعشينه  وشربو جاي  اجه ابنها اخذهم..
سويت شاميه  ، واندومي  ماعون حطيت بي جباسه ديسم جايبهن الي..

اخذتهن للهول مشغلين فلم هندي.
كعدت بصفه كدامنه الحلويات  بيدي طاسه الاندومي ..

هستوني اريد اكل الاندومي حجه ديسم  بعد مااخذ بيده شاميه..
ديسم:شخبار دراستج گمره.

صديت عليه گلتله:  كاترينا حلوه موو

رفع حاجبه  نضرلي صفح گال

ديسم: دراستج شصار بيها..

گمره حطيت  الجطل  بالطاسه ونزلتهن..
ماعندي جواب.

كمش ايدي ضغط عليها بهدوء گال
-گمره لاعبالج مامنتبه عليج،بس انتضرج تجين وتحجيلي، انتي مغلسه..

بيوم الي نفصلتي  اتصل عليه ابو عباس زوج المديره انطاني علم

بس ويه حضج توفت ام دريد.
ويوم يجر يوم وكل ماريد احجي وياج تصير سالفه واني اجل بس لهنا كافي.

فتحيلي ولو جزء بسيط من گلبج.
شايفه روحج بالمرايه وجهج ذبلان من غير اطباعج وتصرفاتج المتغيره..

گمره   وينها القويه الي ماترفع صوتها على  الصغير  قبل الچبير..

بنيتي الدنيا اخذ وعطاء  ليوم هذه الج باجر لغيرج
الحياه مسمره  والبشر كذالك..
لاتضيعين حياتج ومستقبلج على شي ميسوه..
گمره شهادتج ثم شهادتج ثم شهادتج ومستقبلج..

البنيه بمجتمعنه ضعيفه ماعدها جناح،  مااگول اخوها لو ابوها سندها لا والله هسه اني اخوج واحس منقص عليج هواي شغلات..

لهذه ياگمره البنيه متسوه شي اذا ماعدها شهاده او عمل توكف على رجليها بي..

مجتمج ذكوري لابعد الحدود،البنيه الي على نياتها متعيش وياهم..

ماأگلج سترجلي وعاركي لاااا  قوي نفسج  لاتخيلن دمعتج رخيصه حاولي تصنعين من الماكو اكو..

كوني مستقبلج وروحج حبي نفسج  بكل اشيائها لاتخلين شي يوكف بوجهج انتي گمر والگمر عالي موش ياهو الهوا لاحه..
لاتنطين مجال لاي مخلوق يستفزج او يهينج رجعيها اله بس بااخلاق.

لاتنزلين راسج لاحد  حتى كدامي تعلمي راسج دومه مرفوع.

گمره  :غرغرن دموع بعيوني صديت عليه ضحك گال

ديسم: صارلي ساعه احجي حتى  اقنع عقلج تالي بعدج تم دميعه..

ضحكت مسحت دموعي حجيت
-چا هيه قابل بكيفي..

هز راسه باابتسامه گال كملي اكل بويه.

اخذت طاسه الاندومي كملت  بالي ولا يم الفلم  كلام ديسم ببالي..

خلص الفلم شلت المواعين  رحت لغرفه ديسم مددت..

اجتاح تفكيري يوم الي ابتزني ابو البأر  شصار بيه..
والله وصلت درجه يمكن افقد عقلي من خوفي والهوس الي صار..

تأفئفت بضجر گمت اخذت جهازي من الشحن راسلت بلسم..

دقايق ردت عليه..
-هلا بالبذاته

ضحكت رديت: - يوم واحد بس براسلتج.

ردت: حقيره انتضرج تراسليني واني مغلسه

-چا ماراسلتيني اذا هيج ميته عليه

-ولو لج سوالفج مو عليه هيج اذا اراسلج تردين وانتي الممنونه.

-رديت: يي شكو ماكو

-سلامتج برينسس شوكت ناويه ترجعين.

رديت ماارجع بعد

-حرام عليج تعوفين ناس تحبج.

كتبت هه هه ضحكتيني  اني اجييت يم شخص كل عائلتي بي.

ردت:گمر خلي نكون واقعيين تره جساس يححبج مبين من تصرفاته وافعاله، واليوم امي حجت وياه حتى يخطب بس هوه مقبل  گال اريد بنت عمي وانتي الوحيدة من بنات عمي ممتزوجه

مجرد خد  شفت لرساله حقدت زياده عليه فوكاها يريدني  لا والف لا اني اتزوج واحد بالسلك لك وفوكاها يبتزني والفشار بطرف لسانه لا وصديق هجان  مخبله.

رديت: عليها لا اكو بعد ثنين فجر وشوگ

ردت: فجر  مايطيف اسمها  وشوگ ماتتزوج لعلمج وهم  ذو الفقار يريدها كل الناس تعرف.

رديت:ولج وداعتج مو اني  اصلا مااحبه اوهمج اذا اكول ابادل شعور..

ردت: انتضري دقايق.

جاوبتها اوكي

عشر دقايق اتصلت عليه فتحت  كامره 
شافتني ضحكت گالت

بلسم:خرب باابليس  والله العظيم ضلمو الگمر  انتي گمر  والگمر گمر  ولج  شنو هذه شعرج الي يگلك مكهرب.

ضحكت گلتلها: وداعتج  جنت مدده شتردينني مثلا

ضحكت گالت: لمهم انتضري ثواني بدون ماتحجين اوكي.

هزيت راسي حجيت اي ست بعد اكو اوامر اخرى

ضحكت نزلت جهازها بحيث الصوره يمي تروح يمنه ترجع يسرى..

مددت حطيت هدفون  دقايق صوت  بلسم تگول.

بلسم:دااشم ريحه اكل طيب

ضحك ضحكه طويله گال
-ام بطن بس ب الاكل اشوفج.

گمره سحبت الجهاز الكامره مفتوحه بس سواد..
هذه صوت جساس!!
ركزت على كلامهم

ردت بلسم سؤال  واحد وجاوب،  تره امي وابوي متحلفين تتزوج حتى يزوجون جهاد وتعرف جهاد مستقل وحده يشتغل ويداوم.

انت تريد وحده من بنات عمي بس متگول مني منهن
ولعلمك ابوي راح يخطب گمره اخت ديسم لجهاد..

رد بسرعه:متقبل.

ردت عليه بلسم
-ليش اني صديقتها واعرف اكثرمنك  لهذه اجيت احجي وياك حتى متخسر.
گمره نفسها الي تحبها لولا..

رد: اييي يبلسم چا اكو غيرها ن بنات عمامج تنحب..
تدرين كلامها مملح  كل كلمه تنطقها مليانه ملح..

ضحكت گالت سامعه معسل مو ملح هذه منين

رد:كل كلمه تنطقها بقصد تعرف مدا اذيتها بس بنفس الوقت صريحه ماعدها لف دوران تاخذ حگها بيدها متحب تبقى تطلب دين تريد سد بسد..

گمره حاطه الجهاز بوجهي  صافنه على وصفه..

ردت بلسم: لعد ياخوي بيت اهلها موجود فوت من لباب  والهوه بضهرك.

رد: لو  غير هل وقت چان خوش،  بس هسه  واحد بالميه توافق.

ردت:ياا ليش شمسويلها..

رد: تكره شي اسمه سلك عسكري، وماعندي الجرئه الكفايه حتى اواجهه..

ضحكت گالت: واذا اگلك سمعت كلامك شتسوي؟!!وضح الاستغراب على صوته گال
شلون  تسمع،انتي هك طاكات عندج..

-والله ياخوي الحلو گمره سمعت كل شي

گمره: مدي احطها واخنگها مو لازم تگول وتحجي. 

كملت كلامها مو هامها احد..
هاك شوف صارلها ساعه ويانه على الخط وسمعت كلامك من الالف للياء..

فاعلة خير مو بيدي..

گمره  حاطه اصبعي على شفتي مركزه كلش وياهم 
بحيث الجهاز بنص وجهي  مااحس غير جساس كدامي جفلت شمرت الجهاز  على الجربايه  اديه رجفن.. اسمع بس صوت ضحك بعيد..

تعوذت من الشيطات سحبت جهازي سديت الخط  مددت اخذت صفنه دقاايق طويلة لحد مالكيت  فكرة  اله اشربك من نفس الكاس دواك يمي  ابو الجووس..

                    ༺༺༻༻
بسيل..

تفاجئت من لبيب يطلع وياها هيج تصرف بس حبيت  ولو متاخر..

گامت جيلان  من يمي جمان نايمه ودريد جوه يم ليث..

نعست كلش  ماسيطرت نمت.. ماحسيت غير على صوت جمان تبجي..

كعدت  سكتتها سويتلها ممه رضعتها رجعت نامت..
نومتها بمكانها نزلت يم امي..

گالت ديسم اجه راد يشوف جمان بس من سمع  نايمه مقبل..

رديت عليها سوه فضل والله..

مقبلت عليه هستوها تريد ترزلني دك جهازها
فتحت خط طلعت من لمطبخ..

دورت شي اكله  كون جاهز مالكيت العجز سيد الموقف  رجعت للهول نص ساعه اجت مبتسمه

گلت ها شكو.

ردت ليوم هجان راح يجدد عقده من جيلان  طلب من عمج يفاجئها

بسيل: واخير راح يسوي حلو

ردت: لاتحجين على ابن عمج.

بسيل تفقت ويه امي  على اساس ليوم مشيتي واني مااعرف..

للعصر مستلمه الوضع ويه جيلان  بس ميته ضحك على ردادات فعلها..

طلب عمي  ابو ذات فاجئني وصدمني بنفس الوقت..
ماحس روحي اكدر اله..
طلبت وقت  وهو مااصر بس گال فكري..

هل ايام يمشن بسرعه ينين اجت يمنه..
بابا مقبل تبقى وحدها..

تحضيرات عرس جيلان  هوسه العرس رغم بشيط..
بس تعب..

اليوم العرس مالتها  ولا حسينه اكو عرس  هيه تشتغل ويانه  مقبلت تسوي حنه  شكد اصر هجان بس هيه رفضت..

ساعه ثنتين الزفه  اني وگمره وليث منروح..
مكياج هكعج يجنن عليها..
عناد جيلان سيد الموقف  تركت البدله لبست قفطان مغربي كل هذه عناد بهجان لان منفذ كلامها..
هذه اول مره اشوف عروس متريد عرس.

صارت الزفه واجو الزفافه ابو ذات هوه السلمها بيده.. رغم جيلان مقبلت بس نحطت بالامر الواقع..
طحت

نسوان عمامي كلهن يخوزرن بستثناء وحده على مااعتقد ام جساس..

طلعت الزفافة، جمان تبجي لان شالتها گمره..
اخذتها  اسكت بيها..

كعدت على الكرويته اسگتها  حجت گمره

گمره:والله الج خلك.

صديت عليها ضحكت حجيت
-تحبين روحج؟!

ردت  بعدم اهتمام:لا وانتي؟!

ستغربت منها حجيت: ليش متحبين روحج، وجمان روحي من الدنيا..

ابتسمت حجت.
گمره:ماتعرفين عني شئ

بسيل:اكيد مااعرف شي عنج بس احب اگلج ربج فوك كل ضالم، سلمي امرج وتفرجي..

ضحكت حجت
گمره: يعني ديسم مسولفلج عني؟!!

بسيل:لا والله مااعرف شي عنج بس باين من  كلامج

گمره:بسيل

-عيونها..

سحبت نفس حجت
گمره:تسلملي عيونج،بس امانه ابد لاتبخلين  بحنانج وامانج على جمان..

صيري سند الها لاتخليها تحتاج احد حتى ديسم..

بسيل:ابتسمت حجيت
- اكيد بكل وقت تحتاجني تلكاني، ان شالله مافد يوم اقصر عليها بكل شي  مااحتاج احد..

گمره:اي عفيه والله  تگوم تحبج.

بسيل ان شالله.

گمره:بسيل، ليش مرجعتي خبر اذا انتي موافقه اولا ولو باين موافقه..

-اهاا وشلون باين موافقه؟!!

گمره بثقه:جمان روحج وديسم بنص گلبج

ضحكت نصدمت: واحتمال لا

گمره بتحدي: والخلقنه ثنينه تحبي گولي شلون

-شلون؟!

گمره:السالفه مطوله اكعد احسن، هسه احجي وانتي تسمعيني وتجاوبين اي اولا

-هزيت راسي: اوكي ياله ست گمره.

گمره: ليش من اجه سويتي گهوه مو جاي؟!

بسيل بثقه -لان هوه يحب الگهوه.

گمره بمكر:ادينج ليش اهتزن، واهم شي ليش تباعيله من مامنتبه عليج.

بسيل:صدمتني شلون مدققه عليه، لان الگهوه حاره، صدفه..

گمره:لو ماتحبي يبسيل مجان هسه جهاله بحضنج،لاتكولين لا لان  يبقه خط وصل بينكم وضاحه نهايتكم لبعض..

بسيل:احبه مااكذب عليج بس هواي شغلات  تفصلنه..

گمره:وحده منهن

بسيل: مااعرف من جد مااعرف بس احس اكو حاجز بينه وهل حاجز مااعرفه شنو..
ساعه اگول احبه وساعه اخلق الف عذر حتى اكرهه..

گمره:واضح  تحبي وميته عليه ولعلمجديسم مايشرب الگهوه غير من ايدج، لبارحه  اجه عليكم بس حتى يشرب الگهوه على گولته مشتاگ للگهوه  بس واضح قصده انتي..

بسيل لاتحكمين من يمج..

گمره هذه كلامه   وبنفسه گال احب بسيل واريدها..
ولعلمج ديسم مريض بس مايگول شنو مرضه..

تخيلي بنص الطريق تخربط وصل الموت والله  مدري شلون   تنفس رغم كل هذه يكابر ويحاول يحتويني..

بسيل: نزيت من گالت مريض..
هزيت راسي ردت اطلع  صار بوجهي ديسم كامش صدره..

شافني وخر ايده وحرك شعره..

خفت عليه حجيت: شبيك

طك رگبته  فتح دكم قميصه،بلع ريكه گال
ديسم: شنو الي تنتضري؟!

ستغربت منه ابتسمت بقلق حجيت: شنو هوه

باوع صفح رفع حاجبه گال
ديسم :لاتستغبين رجاءً

بسيل:لاصدك شنو

ديسم:سلامتج  اريد گهوه.

بسيل: شبيك يمعود،هسه وقت گهوه ليش لازم صدرك؟!

ديسم:ليش هيج توترتي؟!

بسيل اني شوكت؟!!

ديسم: لعد الجيران شوفي ادينج يرجفن جمان راح توكع..

بسيل:انتبهت لنفسي ادي يرجفن، بلعت ريگي حجيت.

-اكعد هسه اسويلك گهوة.

ديسم:اييي رحمه لابوج وامج مشتاگلها..

گمره:مشتاگلها لو مشتاگ للتسويها..

ديسم: گمررره

گمره:شمسويه يااخي فوك مااسهل عليك الموضوع..

ديسم:المفروض اسميج مملوحه  مو گمره.

بسيل: بالكوه كتمت الضحكه  بس يويلي گمره ولا سكتت  ترد عليه

گمره: لييييش هاا ليش عوود عيني عيني اجت گهوتك وهسه تسميني مملوحه چا شني يخوي وين مكانتي الخاصه

حضن ادينه لصدره ارتاك على حافه لباب رافع حاجبه گال..

ديسم: خلصتي مماطلة لو بعدج.

گمره: خلصت،  بس ضجت من رسميتكم الزياده،وو صدك ذكروني اغير اسم بسيل بجهات الاتصال.

ديسم: شنو لسبب

گمره: ولو ميعجبك كلامي، بس صارت گهوه اخوي.

ديسم لا ومتاكده.

گمره:سوالف بنات ليش حاشر خشمك الحلو بيهن.

ديسم:ايي مو اي خشم گمره..

گمره:مااسمحلك تحجي على خشمي، شووف الحظ انته اخذت خشم بابا القلم اليخبل وانه اخذت خشم امي موعوج..

ديسم:  كلام البارحه وينه، وانتي بكل حالاتج حلوه، والحلا مايدوم اله عمر محدد وينمحي.

گمره: تره حجيت على خشمي والله، يعني تشوفون هيج.

بسيل:اي جد فعلا كلامه..
من رخصتكم اروح اني..

.ردت امشي وكفني صوت ديسم

ديسم: انطيني جمان.

-نطيته جمان.رحت للمطبخ سويت گهوه  اخذتها لديسم..

شويه واجه ليث..
سويت عشه گمره ساعدتني صبينه الاكل  تعشينه..
غسلنه المواعين رحنه گعدنه يمهم..

يسولفون بخصوص شخص يشتغل بالعتبه******  ابنه يتاجر بالمخدرات..
لاقين القبض عليه بس ساعتين وطلعو اجاهم امر من ضباط اعلى منه..

شاركتهم بالسالفه سألت منين عرفو جاوبني ديسم بعد مانزل الفنجان على الميز...

ديسم: جساس سولفلي اليوم قابضين عليه ساعتين ومطلعي..

بسيل:القانون وين  الضباط القاده شنو شغلتهن؟!

ديسم:انتي وين تسألين عن القانون؟!
عراقنه العظيم خالي من الانضمه والقوانيين.

عدنه قانون ونضام واحد يمشي الي يعجبه هلا بي والمايعجبه يطگ راسه بااقرب حايط.

بسيل:ياهوه

ديسم:النهب والاحتيال.

بسيل:اي صح بس هم يجي يوم ونكون احرار يجي يوم ويحسون على روحهم..

ديسم وين تحجين يابه  من 2003 ولحد هذه يومج من سارق لسارق والله يعينك ياعراق نوب الانتخابات  الي نجربه كلب ابن كلب  نرجع ننتخبه  على مره ثانيه والله شنو تابع لفلان لو دفع كذا مبلغ..

لعلمج مو التسعينيات يحجون عليها بس والله احسن من هسه صدام حسين جان موفر النه كلشي..

من الصابون للطحين  درجه وجبه التومينيه كل شي بيها..

هسه جيبلك واحد سأله عن صدام كبل يگلك خيولي هل كلب ابن الكلب موتنه جوع..

وارجع للاحصائيات بزمن صدام جانت البطاله 5بالميه اذا مو لله مجذبني..

هسه البطاله 90بالميه والي يشتغلون بس الي عدهم واسطات..

بهذه وقتك حتى ابو الجمله والمخضر يريد واسطه حتى يشغل..

مختصر مفيد زمن صدام مجان اكو بوك صدام الاامر الناهي  هوه يگلوله اعدام يضحك بستهزاء شوف قوته وجبروته..

هذوله الهتليه الي اجو بعد السقوط كلهم ذيوله وخنوسيين خوفك منهم لابيوم ينطوك بصينيه من ذهب..

خلف لله على المرجعيه  واكفه وله جانصرنه خبر كان..

بسيل:تعيش وتشوف  بعدنه بالبدايه انشالله القادم افضل..

هز ايده گال
-ماطول مو ايد وحده فا القادم اسوء النه..

ايد متصفك  ابسط مثال هسه اذا ينذكر سيد مقتدى..
مجموعه من الناس متحبه يحجون عليه بالفارغ.

ومجموعه تحجي على السستاني  هم كذا وكذا..
وين بعد نوصل اذا همه مايردون الزين

بسيل: ماعدهم سالفه