رواية لماذا احببتك الفصل الخامس وخمسون 55 - بقلم اورجانزا الطائي

رواية لماذا احببنك
البارت مفاجى
بقلمي اورجانزا الطائي
.
.
.
.
.
.
.
.
.
.
.
.
.
.
.
.
.
...
مشاعر༻تقرب عليه گال: انه بعد  اعشگج دائي ودوائي..

سحبني لحضنه گتله شبيك   اركاان، وخر رر

قرب وجهه لوجهي  سحب نفس

گال اااه يمشاعر..
   عيني بعينه  قرب وجهه لوجهي..  ثواني معدوده  ابتعد عني تحمحم تلمس خشمه گال

اركان: محتاجه شئ؟!

مشاعر: ستغربت شبي التفت لمكان لصاد عليه  بنت عمه واكفه..

ردت عليه:هاا لا  ردت مي اي مي.

رفع حاجبه  عض شفته گال
-ام فتى من يمج مي.

مشاعر نطيتها مي  اخذته وراحت..
صديت لاركان  بعده واكف بمكانه، 

صبيت الجاي حجيت..
-محتاج شي

ابتسم  گال
-سلامتج، ياله تأخرت يادوب نوصل..

طلع ،  اخذت صيتيه الچاي  وديته الهم، كعدت  بس ولاارتاحيت من نضارتهم..

مر وقت  تدنت عليه وحده من لبنات كعدت يمي حجت
-ليش عازله نفسج، تره احنه بنات عم زوجج يعني مثل اخواتج اذا تحبين يعني..

ابتسمت مجاملة هزيت راسي  حجيت والنعم منجن، بس انتو تحجون بشغلات خاصه يعني مااعرفها لهذه لسبب.

- اني اعرفج عليهم.. ، ديحجون عن وحده تصير بنت خال امي جانت مكطعه روحها حتى تحجي وياه بس هوه لاابالي

  واخير شي تزوجو هسه قبل    ست اشهر توفه زوجها  وهيه احبه واموت عليه واموت وراه شو طب مانحس غير  قبل سبوعين  عقد عليها حماها مدري شلون الها نفس.

رديت عليها:انتي متعرفين شنو ضروفها او حياتها،لايعلم مافي القلوب اله خالقها..

ردت بعدم اهتمام:لا والله نسوان اخر زمن بس يردن يعرسن..

صديت عليها بضوجه حجيت: هيه صديقتج؟!!

ردت لا عيني ماصادق هيج نماذج،خاصته يتزوجن حموينهن بااختصار هذني يكود*بس مبطن..

مشاعر: نرفزني تفكيرها، معقوله اكو هيج يفكرون؟!!

ماتحملت رديت عليها:لاتشوفين الناس بعين اطباعج.
كل شخص اله حياته مانعرف شنو ضروفه  الي ماترضي لنفسج لاترضي لغيرج..

ضحكت گالت:بس سؤال فضولي موتني، انتي مو على اساس تحبين سييف،اشو گلبتي على اخوو بس گوليلي شلون نفسيتج تقبلت يتقرب منج.

مشاعر بقرف: شنو هل نفسيه متگليلي شو تخوطين خوط،  شعليج. بيه انتي!

گامت وكفت حجت
-تدرين اقرف منج،همجيه مااعرف منين جابج النه سيف،  احنه وين وانتي وين.

عوجت حلكها  گامت..
ماتحملت ابقى بالستقبال عفتهم طلعت لغرفتي لكيت القاط على الجربايه  بس شلته علكته..

رتبت الفرشه مددت  نفسيتي تعبت..
رغم ماطولت هواي يمهن بس كلامهن كله بساميير..

اركان رتبته اعله من هجان بس هجان مستواء احسن بشوي..

هل اثنين واحد يكمل الثاني، اركان رتبه هجان ماده..

زفت نفسي بملل شنو فل تفكر يربي..للمغرب اني على كعده الوحده فتى وسيف يم عمتي..

اذن گمت صليت  رحت سويت اكل، تعشينه..
غسلت المواعين رجعت يم عمتي، نفس العاده نامت هيه وتسولف..

رجعت لغرفتي مددت  اخذتني النومه حسيت على حراره برگبتي..

فزيت مخترعه شفت اركان ابتسمت بحراج..
استمر بحركاته  مغمضه عيوني  احاول اتقبل، بس مستحيل  اتحمل لعبت نفسي، دفعته..

وخر عني  گال

اركان:شبيج.

مشاعر دموعي نزلن ضحك بستهزاء گال

اركان:المن هل دموع؟!

ماحجيت سكتت مااعرف شجاوب..
رجع كرر سؤال گال احجي شبيج ليش هل ادموع؟!!

هذه كله لان تقربتلج؟!

مشاعر   جر ايدي شهكت  بصوت حجيت

مااكدر والله مااكدر..

اركان:ليش احجي ؟

مشاعر باانكسار : مااكدر..

كام وكف فتر بالغرفه گال

اركان:مشاعر شبيج احجي ليش احسج مامتقبلتني؟!!

مشاعر:مااعنديشعور تجاهك..

ضرب البلازمه بوكس  فلش الشاشه..

جفلت نهرت بالبجي  اشاهك  وابجي تقرب عليه خفت حيل منه..

مجرد وصل يمي حطيت اديه على راسي ابجي واكول مااحبك والله مااحبك لاتقرب..

ضحك گال:طلع  تفكيري صح.
حمدلله ماخليتيني اتعلق زياده بيج، وله لو متعلق لو يكلولي تركها وينطوني الدنيا فلا اعوفج بس هسه  هه لا..

طلع من الغرف للمكتب..
حضنت رجليه ابجي..
ليش هيج يالله.، مامتقبلته، شلون هيج..

مددت دموعي تنزل ماحسيت غير على صوت الاذان..

طلعت من الغرفه صار بوجهي  ولاهتم لوجودي دخل للمكتب بكل كبرياء وغرور..

تجددت  رجعت للغرفه، صليت وقريت قران..

النوم طار من عيني صارت لسبعه  سويت ريوك  تريكت ويه عمتي..

هوه ولا طلع..
سويت غده فتى وسيف كعدو سبحتهم وبدلتلهم  سيف كعد يمنه بس فتى اكيد مكانها بحضنه..

ريكت سيف،  نضفت البيت بقت غرفتي دخلت محد بيها  رتبت الفرشه،  مسحت الاخشاب بهل اثناء دخل اركان شايل فتى..

ولا عبرني مددعلى الجربايه بحضنه فتى..

كملت تنضيف الغرفه ردت اطلع حجت  فتى..

فتى:ماما اكل الي بابا

مشاعر:جنت بواحد صارو ثنين..
كرصتها من خدها وحضنتها،  راحت تركض لاركان  حضنها مدري شنو حجه الها وهيه تگول ماما
حط ايده على حلكها هيه تكركر..

رحت للمطبخ سويت ريوك الهم ثنينهم  رجعت حجيت الريوك صار..

الكاع ردت وهوه مرد اصلا ولا اهتز..

رجعت للمطبخ اجو وراي ريك فتى وهوه ولا اكل حتى الجاي مشربه..

ستمر وضعنه على طول الايام حتى ملابسه هوه يغسلهن..

لحد ما بيوم عرس جيلان هجان..
جاب ملابس الي وللجهال بالمطبخ جنت اسوي باميه للغده..

ندكت لباب  رادت عمتي تطلع مقبل اركان هوه طلع..

دقايق دخل  وياه بنت عمه الي نرفزتني..

دخلها للهول   رجع للمطبخ گال

اركان:  حضرو چاي بس مو كلش ثكيل..

مشاعر: بالمطبخ بس اني، يعني الكلام الي   تركت الباميه. سويت چاي ثگيل..

صار وديت الهم تلاثه  رجعت للمطبخ  كملت الغده وهمه بعدهم..

مهتميت للثنتين  ونص المفروض احنه طالعين من الوحده..

تجت عمتي گالت
-شوكت ترحون

رديت عليها
-والله ياعمه  اركان مغلس..

ضحكت گالت
- بدل انتي والجهال حطو بالامر الواقع هسه  هم اسمعها حجايه شعدها لزكت ولا ارتاحلها ملعبه..

ابتسمت بداخي حمدلله مو بس اني.. رديت عليها
شنسويلها قابل..

ضحكت گالت: روحي بدلي بس ديري بالج منها

مشاعر   ضحكت  رحت لغرفه الجهال بدلتلهم   راحو  للهول..

رجعت لغرفتي بدلت ملابسي حطيت مكياج خفيف لان زفه..

حضرت قاط الاسود الي اشترا اخر شي  ولو متأكده مراح يلبسه لان حضرته..

دخل شايل فتى نزلها  اخذ المنشفه طلع،  بين ماحضرت عباتي  وشفت عمتي شمحتاجه،رجعت للغرفه لكيته يبدل..

اخذت عباتي،جنطتي  طلعت..
طلع وراي   عمتي كامله  صعدنه بالسياره، بس فتى يم اركان يقفل لباب..

اجه فتح باب  حط فتى بحضني بدون ميحجي.

صعد ساق السياره..

نص الطريق  وصلنه سيارات الزفه  هرجو الشارع بالاغاني..

شغل اغنيه  شايف روحك انته من عندي قلب اخذته
حتى ولا رجعته ماتسأل عليا..

وإني هم #حبيتك كل شي تريد انطيتك
بعمري أنا فديتك حس شوي بيا

شايف روحك انته من عندي قلب اخذته
حتى ولا رجعته ماتسأل عليا

وإني هم#حبيتك كل شي تريد انطيتك
بعمري أنا فديتك حس شوي بيا

أرضا بكل شي آني يالحبك عماني..

مشاعر:اركان ماخذ على الجو يسوق ويدندن على كيف،عمتي تتأفف وهوه ولا يمها..

اخر شي حجت

-وليدي هذه انت الجبير العاقل  مشغلي غنوات واحنه بمنيه شمدريك نوصل لا  تريد نموت واحزه محملين ذنوب فوك ذنوبه اعقل وسد الغنه وانت لاتصير نفس هذه المشتهي ومستحي تريد هذه هيه ورك بس صد واحجي وياها سوالف الف/روخ بطله مشغلي غنوات حتى تحس..

يبعد عافيتي عافيتك ترانه  جنس حوه مايحس لو اهو الغلطان نذب الصوج بيكم يعني صالحها انته الممنون.

مشاعر: بالكوه كاتمه الضحكه،عمتي شكد ماگلبها طيب ابد ماتتدخل ماعلم باين علينه..

رد عليها اركان بنكر: نبعي وروحي من الدنيا منو گال منتحاجه چا غير هيه الداء والدواء منها علتي وشفائي..

على گولتج سوالف ف/روخ  مبطلها سديت بس الطريق طويل گلت اغيرلج جو..

ردت عليه:چا من خايف عليه متخلي قران نسمعه ونقلل ذنوب..

ضحك گال:لعيونج  دعاء العهد ماعندي قران..

ردت عليه: مره الثانيه  قران مو ادعيه..

مشاعر: خدرت ايدي  نزلت فتى على الكشن نايمه.

ستغربت بيدها سبحه لون اسود وذهبي، اول مره اشوفها  ، الكركوشه سناسل ناعمه نهايه كل وحده مفتاح لو قفل، والصاموله مكتوب عليها داغر مزج..

بيدي افرك بيها اريد اتذكر ماكو بالي.

شميتها ريحه ذهب والخرز ريحته طيبه.
صارت عيني بعينه بالمرايه..

صديت لعمتي حجيت عمه هذه سبحتمن.

التفتت شافتها بيدي  گالت

-الحنينه جايبتها لرجلج، چه عاجبته وموصي عليها..

ستغربت من كلامها  مبين من كلامها الضوجه..
رديت:ياحنينه.

هزت ايدها گالت
من بت عم رجلج يعيني،

التفت عليه  عينه عليه گال

اركان: انطوني لسبحه.

مشاعر: انطيته السبحه، قربها لوجهه باسها حطهه بجيب الستره..

فاجئني بصلافته..

سويت روحي مهتميت  حطيت راسي على الجامه  الطريق كله يحجي ويه عمتي لو يتصلون عليه والاكثر هجان لعب بااعصابه..

وصلنه لبيت عمي عماد، كلها نزلت اخر  شي نزلنه  تفاجئت اجه جساس وجهاد ومهوال وإسلام  طلعو طبل من جنطه السياره..

ضحكت بگلبي وين يعرفون  صدك وصلنه قريب على الباب  ودكو طبل..

جهاد واسلام يغنون والبقيه يدكون..

بحيث ضليت فاتحه حلگلي معقوله ابن اخوي هيج صوته لو اركان الي مترئس لالا مستحيل..

دخلت للاستقبال  شفت جيلان ايه من الجمال والكمال  بس عنادها سيد الموقف لابسه قفطان..

هوسو نص ساعه بعدها طلعو بس نصدمت من عمي هوه سلمها وهيه مغلدمه مطايقه الوضع..

حضنت عمي عماد وتبجي الي يگلك هوه ابوها..
طلعنه زفافه، الولد خبصو الجو  ابن عم ابوي راد يرمي اركان وديسم مقبلو..

الطريق كله اغاني  وعمتي تستغفر..
يعني بااختصار احلى زفه صارت عدنه.

وديناهم للفندق  ورجعنه للبيت..
الجهال تعبانين  كبل نامو.

عمتي مرادت اكل  كالت تعبت من وره هل مصروع..
بقيت اني،سبحت  بدلت نمت..
حسيت عليه اجه نام  ماسويت رده فعل..

كعدت ثاني يوم على صوت جهاز.
فتح خط گال  لك كوا** تزوجت وماخلصت منك شتريد مو نايم..

_لابشرفك

-اي كمل، هاا ايي ايي

-مسافه الطريق  جايكم.

فزيت من  قلقه درجه حجه وياي..

گال:بسرعه بنطرون الكابوي والبدي الاسود.

غسل ورجع  اخذ الملابس بدل راد يطلع رجع

صد عليه حضني بقوه گال ديري بالج على امي  والجهال..

ستغرب من كلامه والاكثر گلبي نغزني..
دمعه لالت بعيني.

خفت عليه سيف هم قبل لايطلع گال ديري بالج على روحج..

باسني من راسي گال: انتي الداء والدواء..

مشه شوي  رحت وراء درت ضهره  كتبت
                « امانه علي»

ابتسم طلع من لبيت..
قريت الفاتحه لام البنين تسهيل امر مااعرف على شنو بس الاكثر هجان اتصل عليه..

للعصر بالي يمه كملت شغل لبيت  عمتي  نايمه هيه والجهال..

ماددرت اكعد خايفه اخر شي اتصلت عليه  يدك مايرد..

فوك الخمسه وعشرين مكالمه اتصلت وهوه ميرد
خوف قلق  ارتباك كلهن نجمعن عليه

اتصل على هجان هم ميرد..

خبلوني  خفت عليهم ماكو  ولا واحد يرد..
حالته من طلع ابد مو قانونيه، درجه حجه وياي،وهوه مقاطعني..

اتصلت على مهوال مكالمتين والثالثه رد هوسه يمه بالگوه ينسمع صوته..

گال ها مشاعر

رديت:مهوال هجان وين صارلي ساعه اتصل عليهم هوه واركان ميردون..

مهوال:هجان  راح للمركز..

رديت ليش شكوو

اخذ نفس زفره: سياره اركان مفخخيها ونفجرت بطريقه للفندق الي جان بي هجان ..

مشاعر  شهكت ضربت على صدري دموعي ينزلن  جسمي رجف..

لا يالله ماتحمل والله.. يتبع..

صباحكم قفله تعدل المزاج، وتصحي الدماغ..

اعتبر و تهديد اذا ماتفاعلتو على الفقرات بعد ماكو بارت مفاجئ......