رواية لماذا احببتك الفصل السابع وثلاثون 37 - بقلم اورجانزا الطائي

قصه لماذااحببتك
البارت الخامس والثلاثون
بقلمي اورجانزاا

.
.
.
.
.
..
.
.
...
مشاعر

هذه وصيه سيف الاخيره مشاعر امانتي وطلب مني اني احجيلها.

من هسه مشاعر حدها للعده وترجع لبيتها هجان اخذها منك حجايه رجال.

هجان اذا هيه توافق اي بس اذا ماتوافق لا.

مشاعر تقرب عليه مهوال حضني واني اصرخ اريد سيف..

محد حاس بالي احسه.

تلث ايام بس عشتهن ويه سيف..
من اكول الحب عذاب كلها توكف بوجهي..

حبيبي وكل حياتي ليوم راح مني مو حرام مصارلي اسبوع على زواجي.

خسرته راح مني فقدته ليوم..

من وجع گلبي دفعت مهوال ركضت للشارع اريد اشوفه امسح بدموعي واركض لركض لحد حسيت على شخص كمشني..

ابجي واضرب اريد ادفعه اريد سيف الي تركني بااول الطريق الي ماوفالي..

حاولت ابعده ماكو استسلمت كعدت بنص الشارع اصيح سييييييف تعاااال لك حبيبي ليش ليشششش عفتني ..

اصرخ وابجي راسي يدك..

كومني مهوال مشاني للسياره صعدني... جسد بلاروح..

راسي يوجعني ابجي دموعي ماتوكف..

اتذكر مواقفه الي صارت وياي بهل فتره..

ابد ولا شخص حسسني بااهميتي بس سيف.

وصلت للبيت مهوال وهجان يمشوني..

تلكتني امي تلطم.. تكول

عمت عينج يمشاعر مو كتلج الغريب ذيب مو عافج شوفي..

مشاعر ماهتميتلها بس ابجي الفكدته مو هين..

كعدت بالصاله ابجي ، ولاشخص كلف روحه يواسيني غير مهوال الي من موت ذات تغير 180درجه لايكعد ولا يسولف..

روحي مكسوره اصعب شي من تفارك شخص حنين عليك..

اجه هجان كعد يمي توسلت بي اشوفه قبل لايدفنونه..

وافق وهوه جاي ياخذني للفاتحه..

طلعت وياه مسافه الطريق وصلت للبيت اسمع بس صوت اليبو يرج البيت رج..

نزلت اني وهجان مكسوره محد الي..

دخلت للبيت تلكتني عمتي تحضن بيه وتبجي..

تكلي
_ انتي من ريحه الغالي..

بهل لحضه حسيتها احن من امي عليه..

حضنتهه ابجي وهيه تواسيني وتبجي..

ساعتين عدل ياله اجت امي ومرت اخوي يصيحن يبوو..

كعدن يم عمتي بجي ونعاوي كل واحد فاكد عزيز..

شويه جابو التابوت لومدري شصار بيه بس شفت التابوت..

بدون وعي اصيح بااسمه اريده يمي..

حضنت التابوت ابوس بي اشكيله اريده يمي..

ابجي وابوس بالتابوت..اگله.

سيف ليشش ماتحملتني مو والله مااتحمل فراكك

ليش سييف تعوفني.محد الي يسيف محد الي والله

ليشش رحت مو متتت والله العضيم تعال شوف حالي سيف شوف حالي ..

هيج هنتت عليك هيج بعتني سييف ماعندي غيرك يسيفف مو انته گلت مااعوفج..

كله صوجي ليشش ليشش خليتك تروح.

موگلت باجر اخذج لامير المؤمنين طلبتج منه ليش لعد هسه عفتني مو الله تعب الفركه ساعتيين بس ماتحملت واللله تعببت سيف تايهه وداعه عيونك..

اضرب راسي بالتابوت اريده يسمع اريده يحس بيه اريده يمي..

ثواني دخلو يردون يشيلون التابوت حضنت التابوت

مااخليهم يشيلونه اريده..

ردت افتحه كمش ايدي اركان گال

اركان:لاتفتحينه بنيتي.

ميلت راسي گتله عليك الله، اريد اشوفه اخر مره.. لاتحرمني من شوفته..

دار راسه گال:احلفج بداعه سيف عندج عوفي. هوه يتااذه اذا شوفي..خلي يرتاح..

كلامه خلاني ازيد بالبجي..

شالو التابوت لو احس شالو روحي وياه اصرخ وابجي اضرب على رجليه وراسي صرت شبه المتخبله..

عمتي كمشتني تحضن بيه تسكتني..

طلعو للحديقه صاحت امي خلوها تفوت من جواه خاف تبقه روحه بيها بس اركان رفض. كال

اركان:عوفو هل عادات وين وصلنه وتفوتون البنيه حتى تخبلوها زياده..

مشاعر: اخذو سيف كدام عيني..

بعد ماحسيت على شي جسمي مااحس بي وكعت بالكاع بس اشوف مااكدر احجي دموعي تنزل..

مر وقت جابو مله..

قرت عن مصيبه اهل لبيت..

كلها تبجي على الي فاكدي..

خلصت المله واجن نسوان..

واني جني سمجه مزوهره اريده شلون بي راح وعافني..

لليل امي كالت لزمي عده ولازم ناخذها ويانه

بس عمتي رفضت گالت

ــ يجون ناس شنكو جنتنه ماعولت ابنه يموت حتى تروح لاهلها عوفيها للسبعه..

سكتت امي راحت هيه ومرت اخوي.

بقيت غريبه يمهم مااعرف احد بيهم غير عمتي الي تصير مرت ابوهم ل سيف واركان هيه مربيه سيف عايشه ويه اركان...

امه الحقيقيه لاتحل ولاتربط كاعده حاطه ايدها على خدها حته من راحن النسوان.راحت..

وسيف گالي تصيحين لمرت ابوي عمه وهوه اصلا يصيحلها يمه..

صاحت لبنات عم سيف يعزلن.

اخذتني للغرفه فارغه كعدت گالت

_ بنيتي هذه سنه الحياه لاتسوين هيج بروحج كلنه على هل طريق يوم سيف باجر انه عكبها انتي..

كلنه نموت محد معمر يبنيتي كعدي اقري قران ترحميله ليوم ليله الوحشه صليله يبنيتي موزين عليه

هيج تعذبينه انتي تقبلين تعذبينه شلون تحبي وتعذبي..

ياله كومي وياي توضي وصليله خطيه.. عاش حياته كلها هم خل يرتاح..

كومي بنيتي كولي يالله.

مشاعر تحجي ودموعي ماخذات مجراهن..

كمت وياها جددت صليتله صلاه الوحشه.وسبحتله قريت سوره يس والله العظيم ورق القران نترسن دموع.. اقره ودموعي تنزل..

خلصت قران كعدت بالزاويه ابجي اريده يمي..

تعبت ونعست جسمي رخه مددت اخذتني النومه..

حسيت على ايد تمسد على راسي ابتسمت گلت

مشاعر : سيف اجييت..

سمعت صوت بجي كمزت شفت عمتي كاعده يم راسي، تذكرت سيف ميت زدت بالبجي مااتحمل فراكه..

مر سبوع على وفاه سيف حالتي فرد مره ودوخ راسي يوجعني نفسي تلعب او بالاحرى مااكل نفسيتي مزدوده شكد عمتي تحاول وياي واني مااقبل اكل..

لحد ما ليوم مر على وفاته شهر . لازمه عده صارلي سبوعين.. بهذه الفتره ختمتله القران وهسه بديت بالختمه الثانيه هم اله..

كل خميس نسوي قرايه ثواب لسيف..

بس اني وعمتي نشتغل بنات عم سيف نسحبت بيوم الثالث..

بهل ايام يجون ناس واني

اروح منا ارجع منا رجليه صارن خيوط وجع مو طبيعي بطني

كعدت بالمطبخ يم عمتي..

انتبهت لوجودي گال

_شبيج يمه شكلج بيج شي وجهج اصفر.

مشاعر تعبانه..

_شتحسين شي يوجعج لو شنهي

مشاعر هستوني اريد احجي نفسي لعبت ركضت للحمام احس معدتي تتكطع تكطع.

اجت وراي عمتي، كالت

_شنهي شبيج

مشاعر: معدتي توجعني

رفعت ادينها للسما كالت

_يالله انته اعلم بحال هل مكروده..

مشاعر : عمه شبيج.

_حضري روحج ولبسي بوشيه، اخذج للمستشفى.

مشاعر : مابيه شي هسه اصيراحسن

_اني شكلت بسرعه لبسي بين مااحجي ويه الولد اشوف واحد ياخذنه..

مشاعر:بدون نفس لبست بس الجواريب والحجاب بوشيه والعباه طلعت الها گالت

_ياله بنيتي امشي اركان واكف بالباب هوه ياخذنه..

مشاعر هزيت راسي طلعنه، وصلنه للسياره صعدت وره.

مشه بينه مااعرف شكد وصلنه للمستشفى..

كعدنه اني وعمتي وهوه خلص كلشي

حاجه عمتي اجت عليه كالت

_ياله بنيتي اجه سراج.

مشاعر دخلت للدكتوره سألت شبيه كتلها عن الاعراض الي دصير عندي..

سئلتني اذا متزوجه اختنكت عمتي حجت الها..

انطتني التحاليل كالت سويهن انتضركم.

سويت تحليلين طلعت كتدنه ننتضر شوكت يخلص التحالييل..

ربع ساعه صاحو اسمي راح اركان جابهن نطاهن لعمتي رجعنه للدكتوره قرت التحاليل ابتسمتبس سرعان مانمحت كالت

_ماماتي مو زين على الجنين الاهمال ليش دمج 5 تدرين انتب هسه بااعتبار درجه وحده تفصلج عن الموتى..

لااعرف شحجي ولا اكول بس دموعي تنزل..

معقوله حامل!!

عمتي ركعت بالكاع..

كالت

_الله اخذ ابو وهسه راح تجي ابنه لو بنته بمكانه..

مشاعر نفسي يصعد وينزل ماعندي رده فعل غير الدموع..

كتبت العلاجات طلعنه عمتي كالت لاركان عن حملي..

بس سمعته كال:حمدلله على كل شي..

ده نمشي وصلنه باب الخروج اجه واحد سلم على اركان بس صدمني من كال

_شلونك عقيد داغر.

حجو شوي طلعنه رجعنه للبيت ماكو شي..

دخلت للغرفه مددت على الجربايه ابجي..

شويه اجت عمتي حجت وياي واني كل الي بالي اريد سيف هذه الوكت اكثر شي محتاجته بي..

اخر مره شفت بيها امي بالسابع بعد ماشفتها بس مهوال يجي بين يوم ويوم باليل.

جابت اكل ماقبلت اكل حلفتني بروح سيف اكل

اكلت شوي اخذت الدوه..

كعدت يمي كالت

_مشاعر بنيتي تعرفين شنو يعني العده لو لا.

مشاعر:هزيت راسي بنفي گالت

_العده للمطلكه وللارمله حتى تثبت نقائها
خاف بهل اشهر عدها حمل حتى يبين وهذه لسبب يبين عفتها انو هيه اشهر لاشافت رجال ولاحجت وياه..

والاكثر حتى يصمون حلك الماعدهم شغل وعمل سبحانه رب العالمين..

حطه حتى مايجي قليل شرف يتهم وحده لهذه لسبب.واني سامعه الي تحمل فتره العده هذه ماتنحسب عليها.. وانتي تركيها لان متنحسب عليج حامل.

مشاعر : خاف ميصير!

_قابل شمسويه انتي شبيج يمه..

مشاعر هزيت راسي بقبول..

ثاني يوم داانضف المطبخ العصر عمتي كاعده يم مرت عم سيف وبناتها..

جايات عليه..

كملت تنضيف اخذت كوب مال مي شربته اجت بنت عم سيف تباوعلي من فوك ليجوه..

مهتميت لها گتله محتاجه شي؟!

كالت اريد جاي كوب ومي

انطيتها مي شربت خلته على الكاونتر صبيت الجاي هستوني مطفيته شايله بيدي الكوب كالت

_مشاعر انتي حامل؟

مشاعر : اي. ليش!

_مو هسه عمتي ام اركان كالت شاكه بيج انتي وو اركان. لان سيف تلث ايام من زواجكم ومات..

مشاعر:صاعقه ونزلت على راسي صدمتني صدمه عمري من قهري الكوب حار حيل شلته شمرت الجاي عليها..

صارت عيني على الباب مال المطبخ اركان واكف.

ضلت تصيح وتكمز شافت اركان زادت بجي وصياح...

༺༺༺༻༻༻

"لا سلطة لنا على قلوبنا،
هي تنبض لمن أرادت، ومتى أرادت
وكيف ما أرادت، بعضهم ينبض القلب له،
وبعضهم ينبض القلب به وبعضهم هم نبض القلوب''
.
.
.
.
.
.
.
.
.
موده. غمضت عيوني كتله موافقه..

حسين:كلمه اخيره..

موده: التفت اله هزيت راسي..
كام حسين طلع شويه رجع هوه والسيد..

عقدنه مأمن..

طلعنه من البيت بعد ماودعت ام ريوم

صعدنه بالسياره بدون كلام وصلنه قريب بيتنه

كامش الستيرن بيده اليسره مرتاك على الكرسي التفت عليه يحجي ويااشر بيده اليمنه.. گال

حسين: اي حجايه يحجيها عمي لاتهتمين انتي بنته يزعل منج يوم يومين مايطول..

مهما حجه هذه ابوج لاتكبرين الموضوع واذا لاموج هم استجابي ولاتعاندين.. اي شي يحجي كولي حاضر.. موده ركزي وياي مو تعاندين.اخر مره احذرج..

موده هزيت راسي گتله والله مااعاند..

ابتسم كال

حسين: نزلي وعلى الله.

موده : نزلنه وصلنه باب اللبيت خوف مو طبيعي عندي..

دك الباب حسين حطني وره ضهره، فتحته امي..

حسين :شلونها الغاليه

ردت عليه بحزن عايشه برحمه الله الواسعة

ضحك بهدوء كالها

حسين : عمه بنيتج تريد تشوفج تقبلين تشوفيها وتعذريها لان ماالها ذنب..

ردت عليه وانه شعندي غيرها بس

قبل لاتخلص سحبني من وراه صرت بوجه امي شافتني شكهت دموعها نزلت حضنتني بقوه..... تبجي

دموعي تنزل متمسكه بيها..

حسين :عمه عمي نايم كاعد.

ام موده : كاعد بالديوانيه..

حسين:ياله موده لابوج..

موده : هزيت راسي كمشت ايد امي مشيت الديوانية وصلت لباب التفتت على حسين.

اشر براسه دخلي..

دخلت للديوانيه شافني ابوي كام يصيح..

ابو موده : طلعي بره مالج فوته لهذه البيت.، سماد طلعيها منا..ليش جبتوها اني مو كتلكم لاتشوفوني خلقتها

موده:ماانحسد على موقف الي صرت بي..

حسين كمشه من اكتافه.. كعده بمكانه.

بس الي فاجئني ليش ابوي ايده عوجه..

حلكه معوجه صايره صفح..

امي تبجي وتكول.

ام موده :كل هل ايام مفادن وياك صارلنه شكد نقع بيك.. كول يالله هذه وحيدتك..

رد عليها بعصبيه:سكتي انتي كله من وراج تدافعيلها..
اخذه واطلع انه بنتي مااتت ماعندي بت.

موده بجيت كتله ليش يابه هيج نسيتني؟!!

مارد عليه التف لحسين گال اخذها لا وحي الدارين

اذبحهه واشيل ذنبها..

حسين:عمي استهدي بالرحمن هذه بنيتك طالعه من ضلعك..

موده: بابا والله حرام هيج تسوي انه بنتك.

كام اجه عليه يريد يضربني وكف حسين كدامي..

ابوي جر حسين من ياخته گال

اخذها واطلع لا والعباس اكتلكم ثنينكم..

حسين:ان شالله عمي، رايح بس وعيون عمتي بعد ماتشوفوها اخذها واطلع..

موده، كمش ايدي التفت اله غمض عيونه فتحهن..
طلعنه من البيت امي تبجي، احس الي ديصير بهل وقت كله بسببي..

صعدنه بالسياره.. كال

حسين: نكمل الي مشينه بي مستعده..

موده ركزت بوجهه صرت اخاف اثق بااحد على الي صار بيه..

ابتسم بخفه گال:

حسين: وياج لاتخافين...

موده هزيت راسي بس جذب اذا اكول مخايفه..

مشينه لحد ما وصلنه المحكمه شفت خالد كرهته كره الذين كفرو... تطلكت منه بالمحكه.

رجعنه بالطريق طويل نعست كلش نمت ماحسيت غير على صوت حسين يكعدني.

فتحت عيوني الدنيا ليل..

تثاوبت گتله وين احنه؟؟!

ابتسم بطرف شفته سحب باكيت الجكاير قربه لفمه

اخذ جكاره سده شمره على الجكمچة شغلها سحب نفس زفره من جهه الباب.

التفت عليه جاوب بااختصار .

حسين: كربلاء.

نزل نزلت وياه فتح باب بيت مو كلش جبيره..

دخلنه للبيت قفل لباب گال

حسين: دخلي المن واكفه.

موده هزيت راسي دخلت البيت متروك كله تراب..

فتح باب الكلدور دخلنه لببيت شغل ضوه والبنكه..

دورت على شي امسح بي ماكو..

كعدت.. على الكرويته متروسه تراب..

شوي رجع بيده مكناسه ومكرافه راد يكنس الكرويتات اخذتها منه..

نزعت عباتي كنست بس الهول.

رجعت كعدت بمكاني وحسين اختفه..

شويه اجه كعد مقابيلي گال.

حسين:موده انتي شفتي بعينج عمي رافضج.. هسه انتي زوجتي سبق وحجيتلج ماضييج ميهمني.. بزينه قبل شينه..

لهذه لسبب جبتج لهذه لبيت طبعا صار بيتج..

لاتهتمين لشي، اذا على عمي باجر عكبه يرضه لعلمج الدنيا رايحه.. لاتهتمين رجعي نفس قبل موده لضحكتها ماتنزل من فمه..

موده ابتسمت گتله:شدعوه هلكد انته حباب ..

ابتسم تلمس طرف شفته رفع حاجبه گال

حسين:منو جذب عليج گالج اني حباب!!

موده ننهه كلامه بغمزه مافهمت شي حجيت بااصرار لا والله انته حباب.. درجه صدكتني بدون مااحجي لو شي مو هذه ابوي مصدك السالفه وتبره مني..

اخذ نفس زفره گال
حسين: من اگول طفله كلها تلومني..
موده عيشي كل يوم بيومه لاتسبقين الحدث.
واعتبري ابوج مسافر او اي شي
لان مايبقه هيج وداعتج.. واهم شي لاتخافين.

موده مااكدر مااخاف ، تدري كاعده كدامك وميته خوف منك،
حتى مااواثقه بيك

اخاف لا تتركني وتروح..

تدري اخاف اخاف من كل شي

تسمع هذه الطكه مال البنكه اخاف منها
من كل شي صايره اخاف...

ساكت بس يباوعلي بتركيز.. شوي تحمحم كام وكف ضرب على رجلينه بخفه تقرب عليه ماتفصلنه اله خطوه وحده بس.. گال

حسين واني مااكول ثقي بيه او لا تخافين بالعكس اني اريدج ماتوثقين لان الدنيا مو مال ثقه..

تقرب عليه اكثر كال:بس نكدر نكول اني حارسج الشخصي.. شوكت متحتاجيني تلكيني يمج..

من شده قربه خجلت التفتت على الكرويته..

رفع ايده لامس حنجي بااصابعه صدني عليه عيونه تتجول بتفاصيل وجهي..

بلعت ريكي ابتسم گال ترگي الخجل.. ميلوكلج طفلتي..

حجيت بفهو هااا

مااحس غير... «موعيب هيج مندمجين وياهم »

༺༺༺༺༻༻༻༻

بسيل كومتها نزلتها وياي تلكاني ليث سحبني من ايدي للغرفه مالته

گتله هيوو شبيك تسحلني.

ضحك كال؛: اريد خدمه منج.

بسيل وهيي

ابتسم غمض عين وفتح عين گال

ليث:اريدج تشوفين جيلان شنو شعورها تجاه هجان الها نيه تطلك لولا..

بسيل من الصدمه، فتحت حلكي على كلامه گتله..
وانته.شدخلك..

ليث شبيج يمعوده اريد اعرف شعورها تحب هِجان لو لا..

بسيل اي اعرف مو حماره ماتفهم كدامك دااكولك ليش تريد تعرف.

ليث: حشه الحمار المهم خطيه هجان مبين تحبه وهذه تتعيقل عليه..

على كولتج اصير فاعل خير واجمعهم..

بسيل سحبت نفس براحه گتله اهمداك اي والله خوفتني والله..

رد بستغرب..

ليث ليش؟!!

بسيل: والله العظيم عبالي تحبها وتريد تعترفلها..

ليث اختي العزيزه مو كانو الروايات والكتب الي ده تقريهن مااثرات على دماغج شوي..

اذا احبها اكول الها اختي لو عتبرين اخوج واي شي تردي تدللين حالج حال بسيل الحماره.

بسبل وشمدريني مثلا انته طريقه كلامك واسلوبك يكول هيج.

ليث دائما تضنون بيه ضن السوء ابوم هم عباله احبها كعد رزلني بااحترام ولطافه.. على بنت عمك حالها حال بسيل خيتك هذه..

شتحسون خاطر الله، تره لعلمكم اني مو اعزب حتى ادور..

بسيل متزوج!!؟

ليث انجبي لح شتزوج قصدي احب.

بسيل يااي فدوه كبرت وصرت تحب فدوه للله اي ومنو وشنو شغلتها وشكد عمرها شتدرس من وين من بغداد لولا..

ليث الله اكبر سكتي يمعوده تحقيق خو مو تحقيق.
والله حالف ماكول منو خاف هم ينهي عليها لحد مااعرف شعورها ولد عمها مايردونها ياله اكلكم امشو خطبو فلانه..

بسيل عابت اي والله امشي خل اطلع احسن ما تتفلسف براسي.

ليث امشي لج

بسيل والله هم جان شكبره على گلبي خاف ليث يحب جيلان..

رحت للمطبخ يم جيلان لكيتها حاطه ايدها جوه حنجهه وصافنه..

كعدت يمها، ندستها گتلها شبيج

هزت راسها بنفي

مصار شي مهم تعشينه صعدنه لغرفتنه هي نامت اني درست شوي وحجيت ويه صدبقته حتى تجي باجر هيه وطليقه هجان..

فعلا وافقت وتفقنه باجر العصر ب3تجي.. لان البنيه يمهم..

نزلت سويت كهوه شربتها وصعدت قريت سوره يس..

خلصتها مددت نعست نمت كعدت ثاني يوم من وكت

نزلت كلها نايمه..

نضفت البيت سويت ريوك طماطه وفلفل وبصل وبيض..

حطيت على الميز هنه والجاي..

صعدت فوك ردت اكعد جيلان وخرت الغطه باوعتلي

طلعت كاعده وعيونها حمر دم خشمها احمر من البجي مبين..

محجيت وياها لان البجي شوي يطلع الي بداخلها والي مرت بي مو قليل ابد..

نزلنه سويه غسلت اجت كعدت تريكنه سويه غسلت المواعين .

بديت اسوي برياني للغده.. كعدت امي تفاجئت لان مراح نداوم اليوم..

امي سوت تشريب الدجاج واني خلصت البرياني لل12خلصنه الغده كعد ليث تغدينه غسلت مواعين صعدت سبحت وطلعت..

نزلت وصيت ليث يجيب حلويات وعصاير طبعا اله اسويله شي

خلاني اكوي قميصه..

صعدت لغرفه لكيت جيلان مبدله كاعده كعدت كدامها

حاولت اقنعها هجان شي وانتهه..

بس القلب ومايهوى...

صارت بتلاثه وشي اكيد مرجان مراح تجي على الوقت بالضبط للاربعه وربع ندكت الباب..

حسيت على جيلان خايفه.

كمشت ايدها نزلنه فتحت الباب دخلت مرجان وطليقه هجان البنيه كلش حلوه مبينه صغيره مو جبيره كلش

مسويه ذيل حصان لابسه ثوب وردي فاتح ضارب على وجهه كلش حلوه طالعه

جيلان وجهه صوفر خفت عليها لان بالغده ماتغدت بس كاعده..

بهل اثناء طلع ليث ، سلم عليهن بس مشال عينه من طليقه هجان..

هيه مره وحده رفعت عينه بوجهه ابتسمت..

دخلنه للهول ليث طلع..

ربع ساعه نحجي بمواضيع عاديه والبنيه حبت جيلان ونطلقت بالحجي..

بس والله خايفه من رده فعلها من تعرف جيلان زوجه هجان..

البنيه حجت لجيلان عدها تلث بنات وجيلان كل مجالها تصوفر..

حجت جيلان بس بالكوه حجت

انتي ليش تطلكتي من طليق؟!!

ردت عليها: زوجته مجبره وتطلكت مجبره، بس بعد الله رادلي الزين وحياتي هسه احسن بهواي من قبل..

دخلت امي علينه البنيه كامت گالت خاله؟!!

راحت عليها حضنت امي بقوه

كعدت امي تسولف وياها شلون صارت.. حياتها شلونها..

حجت جيلان.

جيلان:عرفتيني اني منو؟؟!

ردت عليها البنيه لا والله بدون زغر. بس اعرف خالتي ام ليث.. من زمااان الها وكفات هواااي وياي.

ردت عليها

جيلان: اني جيلان بنت عم هجان طليقج..

بسيل البنيه نكلب لونها ضلت تمتمت گالت الها

.... انتي جنجون بنت كرايب الشيخ الي اجي يمكم..

جيلان اي اني.. هيه واني الي طلبت من بسيل تخليج تجين لهنا لان اريد اعرف هوااي شغلات.

ردت عليها . خالتي ام ليث شتقربيلها انتي؟؟!

ردت جيلان مرت عمي عماد اكيد تعرفي..

كعدت البنيه من الصدمه گالت ل مرجان انتي تعرفيين؟؟!

مرجان هزت راسها گالت: لعلمج جيلان زوجته الثانيه مو بس بنت عمه كافي اصحي عاد.

البنيه بسرعه دموعها نزلت صدمتنه.. بهل اثناء ندكت لباب..

طلعت امي للباب كعدت جيلان بصفها كمشت ايدها كالت.

جيلان:بداع بناتج كليلي شنو شعورج، ليش تطلكتي وهجان شنو ليش هل حقاره العده..

بسيل جيلان تحجي وتشاهك من البجي قهرتني وتندمت لان خليت مرجان تجيبها..

ربع ساعه يحجن ويشكن وامي ماكو طلعت من الهول اريد اشوف امي وين صفه بيها.وانصدم بهجان واكف يم لباب والصوت يوصله شكله عصبي وعيونه حمرر.. بلعت ريكي بخوف خزرني.. يتبع

توقعاتكم للبارت القادم.