رواية لماذا احببتك الفصل الثامن وثلاثون 38 - بقلم اورجانزا الطائي

تفاعلو على الفقرات حتى اذا گدرت باليل انشر بارت.

احبتي عذروني باجر ماانشر بارت لان عدنه تعزيه..

قصه لماذا احببتك
البارت السادس والثلاثون«مفاجئ»
بقلمي اورجانزا الطائي

.
.
. .

.
.
.
.

اجت عمتي وامها واخواتها...

عمتي محجت شي بس امها تحجي.

سكتها اركان حجه بعصبيه مكتومه..

اركان: ام سعد الحجته  بنتج مامقبول تمسني بكلامها شنو معناه من تكول شاكين بيج انتي وااركان  اذاماتوزن كلامها لاتحجي احسن مرت سيف بنيتي.. لو متزوج جان بنتي بعمهرها هيه وبنتج.

كلامها هذه اوصله لابوها ولسعد اريد اشوفه يقبل على كلام اخته.

ام سعد وجهه صار اصفرر بحيث كامت تمتمت بكلامها..

حجت بنتها بتنعوص هيه جوتنيي

مدي على هل تنعوص اخنكها والله. بس صدمني اركان..

اركان:هذه ثنين وياج ماعدنه بنات يحركن روحن ويبتالن غيرهن واذا نعادت حسبي حساب ثاني..

استحو بعدها جديده مو ما تطلعون حقدكم.

مشاعر: طلع اركان  وام سعد تقنع بعمتي حتى اركان ميحجي لسعد..

عفتهم رحت لغرفتي..
. بس دخلت للغرفه بجيت الي يكلك دموعي عدهن سباق..

كعدت اعاتب بسيف.. ليش عفتني هيج انطاك گلبك..

ماگلت منو الها من بعدي.. من رحت ولحد الان محد سأل عليه..

وينك حبيبي عفتني  محتاجتك..
سيف هيج هنت عليك مو والله تعبت فراكك تعبني.

شوفني مو نفسي الي تحبها تعبت تعبت، محد الها مكسوره ماعدها احد..

ولك عفتني والناس تاكل بيه..
سيف لااب ولااخ  الي يسيف.. بعدك  مرمرني وعذبني.

لك سيف الدنيا ماترحم  كلها عافتني،  يبعد عمري..

تشوووف تشووووف شديصير بيه، اليوم تهموني ويه اخووك، 

اضرب راسي بالحايط..  اريده اريده عافني وحدي بهل دنيا حتى وداع ماودعني عافني وحدي بس  حسرتي، اعاين على الدرب  اريد اشوفه  يمشي بطوله الحلو.. تالي يجيني بالجفن.

ياربي شمسويه  وهيج يصير بيه شمسويه يالله..

اضرب بوجهي واصرخ ولك  سيف بعد ماتحمل تعاال  والنبي محمد ماتحمل محد رحمني يسييف محد رحمنيي وكتت جااان  كلها تريدني    يسييف  رحت قبل لااودعك.يسيييف محد خلاني اشوفك.. 

شويه اجت عمتي  فتحت لباب شافتني  اجت حضنتني تبجي..

تهون عليه..

يعمه شبيج ليش تبجين  مو هيج تعذبينه بگبره، خلي يرتاح يعمه.خطيه رحمي  خطيه خلي لله يرحمه..

مو هيج يعمه انتي جبيره واعيه خطيه  تبجين والله يعمه تعذبينه  خطيه ماتخينه يرتاح بعتابج..

مشاعر: تحجي واني دموعي تنزل ارد كلمتين ، عافني وراح..

حضنتني بقوه گالت يتمه ادري بجرحج اخضر بس  هذه سنه الحياه.. والموت حق على المسلم والكافر..

لاتسوين هيج  تعذبينه وتتعذبين.

مشاعر:باوعتلها دموعي تنزل.گتله اريد اروحله اشتاگيتله..

.. هسه احجي ويه اركان يودينه اله.

مشاعر: لا اريد اروح يمه  اريد انام بحضنه اريد اشوف شكله  اريد ه يمسح دموعي بيده اريده يمسد على شعري من يشوفني ضايجه..

اريده يحجي وياي اريد نروح لامام علي مو گال اخذج الامام علي لان طلبتج منه.. شو كل هذني مسواهن..

عمه تلث ايام بس   مافهمت منهشي والله، حتى ماحققنه الي نريده..

تدرين  تفقنه بس تخلص السبعه نبدي نحضر للامتحانات..

  عمه گال اخذج من اهلج مااخلي شي بنفسج..

شو هسه  عافني  وهوه بنفسي ليش عمه

لييش عافني  والله تعبت لااب ولااخ يسأل من يوم السابع بعد ماشفتهم..

ردت عليه:  لاتحجين هيج  اني امج يعمري بنيتي كل واحد واشغاله.. والله قسملج هيج.

الله اعلم شضاملج نصيبج يعيني  انتي.

لاتتخيلين فد يوم اعوفج انتي بيج ريحه الطيب  وليدي وبنيه وليدي..

مشاعر سيف شنو سبب موته والله تعبت من كد مافكرت.. احجي عمه فدوه لطولج اعرف اركان ميضم عليج شي..

نزلت راسها اخذت نفس گالت: ولد الحرام يبنيتي..

باوعتلها گتلها اي شلون مو تعبت والله تعبتت ليش تخليني اكتل روحي والحكه..

شهكت گالت غير اموتج  تموتين انتي هم انه بالكوه متحمله العزيز نوب انتي اللي على معزته عازتج..

مشاعر گليلي سبب وفاته..

مسدت على راسي دنكت راسها گالت:سيوفي شهيد ان شا

مشاعر شنو ليش؟ هوه مو بالجيش!!!

ابتسمت بحزن گالت:اركان يفهمج انه مااعرف افهمج شغلته..

مشاعر عمه لاتخبليني شنو السالفه؟؟  تره راح اتخبل اني مااعرف اي شي عن سيف!!

كمشت ايدي كامت  گالت:كومي وياي.

رديت عليها گتلها:وين؟!

ماحجت بس مشت رحت وياها  وصلت للباب عدلت حجابي  كملت مشي..

وصلت  لمكتب اركان..دكت  الباب اجانه صوته يكول تفضل.

ترددت ادخل وياها بس لا لازم اعرف شنو السالفه..

دخلت وياها  مدنكه راسي..

حجت وياه گالت  اركان يمه هسه  اجه الوقت تحجيلها سبب موت رجلها هيه هم الها حك.. تعرف

رد عليها گال

اركان: مو هسه يمه بعد..

ردت عليه عمتي:  ليش ييمه..

رد عليها بااختصار

اركان:بعد هواي.

مشاعر: مادري منين اجتني الشجاعه احجي كدامه..

گتله  ليش هم الي حق اعرف  الصبح طلعتو سوه الضهر اجيت وحدك.
تره اعرف انت  تعرف بكل شي بس ماتحجي..

سد الفايل البيده شمره على الميز كام وكف گال

اركان : تردين تعرفين  لعد خوش  كعدي وسمعي زين  بس والله والله واني مااحلف على شي يستحق..

اذا ذميتي بكلمه وحده بس الله يعرف شيصير بيج.

مشاعر: سكتت ماحجيت حرف واحد لان نبرته شددت..

كمل كلامه بتشدد

اركان: سيف نقتل سبب  انسحابه من قوه    وهذه  القوه اغتالته  لان متريد عليها لزمه والاهم من عرفو اني اخو.

لهذه من اخذته وياي لبغداد بالطريق حاصرونه مسلحين   تصوب سيف بگلبه    حماني  تصوب بمكاني..

هذه كل مافي الامر هوه امني عليج  جان اخر كلامه..

«مشاعر امانه بركبتك ليوم الدين ..» احم   هذه كل شي  عندج شي ثاني؟؟!

مشاعر: اي ليش مخليتني اشوفه... ليش كل حجايه والثانيه رتاح من مات جان متعذب مو والله موتني كلامكم  

اصلا انتم لغز واله العظيم.  سيف مااعرف عنه اي شي غير يشتغل عماله. واصلا عمه ماعرفتها غير بيوم العرس..

اركان بعدم اهتمام:اذن مو لازم تعرفين.

مشاعر ليش؟

اركان بااختصار: لان سيف مسولفلج لهذه لسبب اني مامرخوص احجيلج حرف واحد.

اذا خلصت اسئلتج تفظلي لان عندي شي مهم.

مشاعر  فد كرهته لهل حقير.
طلعت اني وعمتي  ..

كعدنه بالهول  تهون عليه..

سألتها عن ام سعد كالت راحو..

خلص اليوم بالكوه..

صليت قريت قران   رحت  ويه عمتي سوينه عشه..

نفس العاده اني وعمتي تعشينه سوه واركان وحده..

لل11ونص رحت لغرفتي  لازم نوبه لبكاء.موجوده..

مددت بعد ماعيوني حركني..بسرعه نمت.

ماحسيت غير عى حلم مرعب..  سيف تطلع نار من جسمه ويصرخ...  ينطق كلمه سامحوني..

كعدت مخترعه..  شفت الساعه 9وربع.

كمت  تعوذت من الشيطان غسلت  وجهي، رحت يم عمتي ليوم تاخرت بالنوم..

صبحت عليها گالت

... سويتلج بيض سلك،وجبن بالثلاجه كومي اكلي بطنج طفل..موزين عليج.

مشاعر هزيت راسي طلعت بيضه سويتها لفه اكلت منها شوي  تركتها نفسي تلعب..

راحت عمتي لغرفتها طلعت مبدله مستعجله.

حجت بقلق: مشاعر راح اروح لام سعد متخربطه..

ماطول ربع ساعه واجي ممنوع تمدين ايدج على شي كعدي وسكتي خاف كل شي يصير بنيتي..

واركان ساعه ونص ياله يجي.

مشاعر  راحت عمتي  سديت الباب. هستوني دخلت للهول دكت لباب توقعتها عمتي..

رحت للباب صحت منو؟

صدر صوته اليغث

اركان فتحي بويه..

فتحت سرقي الباب  دخل للبيت  كبل بدون سلام..

راح لمكتبه،   فتريت بالبيت مختنكه مامتعوده مااشتغل..

كنست الهول والكلدور,مسحت اخذت وصله صعدت الدرج مسحته..

واكفه داامسح  صدر صوته اليغث

اركان: احم  خالتي وين؟!!

عدلت وكفتي جاوبته: راحت لام سعد متخربطه.

اركان:عافتج وحدج، مو موصيها متطلع وتعوفج وحدج..

مشاعر« حجيت بگلبي.اي مو انكال»رديت عليه  مااعرف.

هوه هم مكلف نفسه يرد.راح  ويه ما انداريت اريد ادنك امسح، مااحس غير زلكت رجلي  وكعت  صحت بصوت عالي ااااااااااااااااااا سيييييف تعااااااااال بطني وجعتني كمشتها واصرخ تعالي سيف تعال..

بالكوه اخذ نفس  فتحت عيوني شفته واكف يم راسي.

اركان:بويه شبيج، احجي لاتسكتين   ولاتغمضين..
شنو اليوجعج كولي..

مشاعر:ببطنننني..

اركان:حسبي الله ونعم الوكيل.. اللهم انك تعلم مافي داخلي.. فلاتحسبه ذنب لي..

༺༺༺༺༺༺༻༻༻༻༻༻

بسيل 
.
.
.
ربع ساعه يحجن ويشكن وامي ماكو 

طلعت من الهول  اريد اشوف امي وين صفه بيها.

انصدم  بهجان واكف يم لباب والصوت يوصله 
شكله عصبي وعيونه حمرر..

بلعت ريكي بخوف  خزرني گال

هجان:هذه شتسوي هناا

بسيل:ااا صصديقتي ليش تعرفها! بابا ماموجود تره.

هجان بعصبيه مكتومه :بسيييل لاتستغبين، انه اجيت ويه ابوج  ، هذه شتسوي هنا احجي  لا والله تشوفون شي مايعجبكم.

بسيل:شبيك دااگولك صديقتي تصير بنت خالها انته تعرفها قابل..

هجان:هين بسيل انتي مومال عيني واغاتي  وخري من دربي.

بسيل:من الخوف سديت باب الهول  جريته من ايده لغرفه بابا..

دكيت لباب طلع بابا   بالبنطرون والفالينه التعلاكه..

حجيت بسرعه:بابا هجان يريد يدخل على جيلان وصديقاتي..

بابا باوع لهجان رجع باوعلي گال: بسبب منو؟

هجان عمي كل شي الك حك بي بس مال  بنتك وبنت اخوك يجيبن طليقتي لهنا لا هذه واكفه انه متحلف لها  اشنقها..

رد عليه بابا:  تاخذ حكك مني بس لاتوصل لبنيه  هسه ماطول هيه مو على ذمتك  وبيتي.

هجان،  اريد احجي ويه صخمان ممنوع تحجي  وتگول لا بااخير هيه زوجتي.

رد عليه بابا: بس اذا تطلبني بااسم لاتتوقع اتركها لو يجي ابوك هم.

هجان:  هه هوه اني اعرف باابوي!!

رد عليه بابا: ابوك مو اني  ، واخر مره اكلك جيلان خط  احمر.

هجان لااخضر احسن.

رد عليه بابا:انته متخبل لو شنو الفلم هجان ماجنت هيج..

هجان: من وره بنت اخوك.

رد بابا:هيج بنت اخوي مسويه بيك

هجان: لاتخليني اطيح حضها وربك.

عماد: شحدك،هذه بنتي اذا تخلي  عقلك وياها  لاتنسه اني الواكف كدامك..

هجان:هيه من عرفتك وياها كامت تمسلت.

عماد:ماكو غيرك اليمسلت. تعال ادخل للغرفه ماائمن اعوفك وحدك وانتي بسيل روحي للبنات..

بسيل دخل هجان يم بابا  واني رحت للبنات حاجيت مرجان  على هجان موجود.

خافت  كالت

مرجان: عوفيها عليه هسه ارهم بس انطيني جهازج..

انطيتها جهازي..

انتبهت لجيلان الي عيونها ممبينات من البجي..

نقهرت عليها   معقوله هيج صاير بيها من وره هجان.

الحب عذاب.

دك جهاز مرجان حجت بسرعه گالت هسه نجي مانتاخر..

مرجان:عذريني بسيل بس   خالي اجه بالطريق وامي خابرت كالت تعالن بسرعه لايجي ويشوفها ماموجوده..

بسيل، طليقه هجان بسرعه كامت  سلمن علينه  وطلعن  للباب  طليقه هجان مدري شحجت ويه جيلان  ابتسمت گالت.

جيلان من عيوني  لاتهتمين بس اشوفه..

التفت  شفت هجان واكف  حاضن ادينه يباوع عليهن

مااعرف بالضبط عليمن يباوع على جيلان لو طليقته..

تباوسن ثنينهن طلعن لبنات

سديت لباب اريد اكول لجيلان هجان هنا بس عبث مالحكت  طلع كدامنه..

رافع حاجبه حاضن ادينه  گال

هجان:صخمان سويتي لبراسج..ماتكعدين راحه.

جيلان   نصدمت  غمضت عيونها گالت

جيلان:كتلك مااترك السالفه اذا مااعرفها.. وانه متاكده جنت عكس الي كتلي عليها واليوم من جد طلعت عكس.. مالك عذر يمي.

هجان: هسه من بعد ماعرفتي الحقيقيه، اگلج يصخمان تحرمين عليه...

بسيل بعده ماكمل كلامه شهكت كمشت قلبها  فقدت الوعي.. يتبع..