رواية لماذا احببتك الفصل السادس وأربعون 46 - بقلم اورجانزا الطائي

رواية  لماذا احببتك
بارت ثالث والاربعون
بقلمي اورجانزا الطائي
. 

.
.
.
.
.
.
.
.
.
.  
مشاعر  كمت مشيت لمكتبه  والف سوال بالي  اريدلهن جواب،  كعد   حط فتى على الميز

كال. امج ضربتج؟!!

تجرئت گتله: ليش  ماخليت عمتي تكمل كلامها؟

مسح على لحيته  حط ادينه وره راسه گال.

اركان:وقت ابد مامناسب.

مشاعر: بلعت ريكي  گتله   لا بالعكس  الوقت كلش مناسب اعرف شكو    وليش انت هواي لحيت على الاطفال!   ومنين تعرفني  وشنو سنين تريدني واني  ماشفتك  غير من  تزوجت سيف.

اركان عقلي وكف والله   انته ابد مامفهوم  وعمتي بالكوه طلعت الحجايه واجيت حضرتك سكتتها.

اني  هم من حقي اعرفكم  شنو  واعرف الي يربي اطفالي منو وشنو؟

طك ركبته   عدل كعدته كال
اركان  :من حقج اكيد لهذا السبب  الج حق اجاوبج على سؤال واحد اختاري.

مشاعر هوه سؤال وجاوبه قابل شكد سئلت..

اركان:اها يعني سؤال  وبي فروع قصدج؟!

مشاعر بغباء هااا اي

ضحك بخفه  گال: انتي داهيه تدرين بروحج.

مشاعر ليش شسوين

اركان سويتي العليج وخلص.

مشاعر اي وهوه شنو لاتضل تقطر عليه الغاز تره ماكو اغبه مني  ، ومابيه افكر احسك نفس  حب المي ينقكط تنكط.

تقدم كعد على الكرسي الجانبي حط رجل على رجل فتح  حضن اصابعه بعضهم گال
اركان  :سؤالج ماسمعته

مشاعر:عرفته تجاهل كلامي  لهذه ركزت گتله منين تعرفني؟!!

تلمس طرف شفته  باوعلي صفح گال
اركان:تقريبا ست سنوات من جنت  صغيره طبعلا على معرفه هِجان بما انو انتي اخته.

مشاعر: تعرف جوابك مو مقنع ابد.

اركان:ها صار  هيج گولي الي تردين تسمعينه حتى احجي.

مشاعر:اركاان لاهيج بداعه فتى،تعرف  قصدي بس مااعرف  ليش تتشرد من الايجابه.

اخذ نفس  زفره بملل گال
اركان: اذا قصدج على كلام نبع الحنان وفلت السان  فهذه ماضي ورقه ونطوت.

احنه ولد اليوم   نعيش كل شي بيومه بعيد عن الماضي

مشاعر:  اول شي لاتحجي على عمتي وثاني شي، انته گلتها نطوت ماحتركت لو تبخرت وتنسي  يعني موجوده بذاكرتك لاتتناسه تره تتاذه.

رفع حاجبه بخفه گال
اركان:  خوش طلعتي ذكيه وتعرفين اتناسه ول انسه ليش ترجعين تعيدين شي راح والله ومحمد وياه بعد شكو مو حتى سلكتي ابوي المسموط بگبره.

مشاعر: زين خوش مااسئل بعد عن هل موضوع بس تجاوبني على سؤال ثاني،  وابوك الله يرحمه ليش تغلط عليه..

اركان لا انتي استغلاليه  ، مااجاوب وابوي المسموط عوفي على جهه.

مشاعر:الله يساعده لان خلفك انسان ممفهوم ابد  كلك غموض وزوايه وابواب افتح باب ينسد الثاني..

زين انت ليش  هيج كاتم على روحك ممكن اعرف.

اركان: سدي الموضوع، كافي هواي لحيتي.

مشاعر خووش بس صدك  تتغده لولا..

رفع ايده شاف الساعه باوعلي رافع حاجبه گال

اركان:ليش  اكو غده المغرب.

مشاعر يامغرب  يمعود

اركات سته اله ثلث.

مشاعر  وييي صدك،اروح اسوي العشه.

اركان قبل لاتسوين عشه سويلي جاي تگيل، صبي بكلاص مو ستكان.

ضحكت على  غبائي الي حط راسي براسه درجه بالبنج احجي عليه..

رحت للمطبخ لكيت عمتي مخدره الجاي بس صبيتله وهيه بس تتبسم..

دكيت الباب دخلت نطيتهياه

طلعت  يم عمتي بالمطبخ سوينه عشه  ونفس العاده اخذ فتى طلع للحديقه وعمتي اخذت سيف لان بجه وراهم..

نص ساعه دخل  انطه لعمتي فتى  
راد يطلع حجت عمتي

_ يمه لاهيج تفرق بينهم  سيوفي يغار من اخته لان بيدك هسه من اخذتها بجه وراك.

اركان:اذا حفيدج مسلوع اني شنو ذنبي مابي  لحم حتى اشيله يزلك من ايدي ويذكرني بناس بس تبجي اربعه وعشرين ساعه..  ماخذ هل طبع منهم.

عاد  هذه  مدبدبه ومحبوبه  متشوفينها بس تشوفني تهادد على كولتج  وانه ييمه گليبي رجيج  من اشوف هل لطافه افقد عليها.

ردت عليه عمتي چا يمه عندك مريتك  وعينك على هل طفله.،سوولكم اخت لفتاوي.

ضجت وخجلت بنفس الوقت بس صدمني رده فعله كور ايده بقوه بانت العصبيه عليه بحيث حجه بصوت عصبي..

اركان  كافي ييمه  بداعه ابوي مسموط الصفحه  فتى تسوه العندي والماعندي.
سنوات وانتي تقنعين ومفاد هسه عود يفيد.

مشاعر:طلع  سد الباب بقوه، كمت تكلاه  حطيتهن بصينيه كعدنه نتعشه بس حصه اركان عفتها..

كملنه عشه غسلت مواعين  سبحت فتى وسيف بدلتلهم  اخذتهم يمي فرشتلهم بالغرفه الي جنت بيها قبل..

سيف بسرعه نام اله فتى الي تشلع باب الگلب ماتنام بسهوله ابد..
ساعه بالثنتين وهيه كاعده..

شلتها رحت لعمتي فتحت الباب  لكيت اركان بالكيمونه
حاط راسه على رجل عمتي وهيه تسويله مساج..

صارت عيني بعينه   بعدت نضري عنه  ردت ارجع.

عمتي حجت.
_وين بنيتي تعالي ليش راجعه، فتاوي شلونها.

مشاعر: عمه  تبجي متقبل تنام..

وخر من رجل عمتي سحب القميص  لبسه بدون ميدكمه.

گال:جيبيها.

تقربت عليه نطيتهياه  اخذها  باسهه من راسها وخدودها
  ضحكت  بصوت على ضحكها  ضحكت عمتي..

مدري شنو يهمسلها وهيه خربانه ضحك..

عمتي ماتقبل تگول:يوكف گلبها اذا تضحك هواي  ..

باوعت عليه گالت.
_ مشاعر بنتي بس  احمي عشه اركان  اذاماتصيرلج زحمه..

رديت لا عمه لازحمه ولا شي رايحه..

طلعت من الغرفه  حميت الاكل طلعت خبز وسويت جاي.من جديد..

تأخرت بالجاي، شوي سمعت  صوته وراي  التفت.

شايل فتى بيده  گال
اركان : كملت الباجه او بعدها.

مشاعر ياباجه، عشانه كباب مو باجه..

ابتسم بطرف شفته گال: كمل لو بعده.

رديت عليه:اي بس  يخدر الجاي.

كعد گال:جيبي العشه بعدين الجاي.

وديت العشه  يمه، كعد فتى كدامه  يوكل بيها..

تقربت  ردت اخذها كامت تبجي وتصيح ببا ببا
تنطي ادينها لاركان.

اركان  فتح حلكه عليها واني صدمتني اول مره تكول ببا
او تحجي لان كله اااا ماتحجي..

ردت اخذها سحبها كعدها بحضنه گال

اركان:اخر مره تسوينها،لاتاخذيها وهيه تريد تبقى يمي.

مشاعر خجلت كلش منه نزلت راسي  صبيتله الجاي  طلعت من المطبخ اسمعه يگول:يروحه لابوج.

رحت لغرفه عمتي لكيتها نايمه.

رجعت لغرفتي مددت يم سيف  صفنت بحياتي..

الي تتغير شوي شوي..

منكد مافكرت اخذتني النومه..  ماحسيت غير على صوت سيف  رجعت نومته تذكرت  فتى مو يمي..

لبست حجاب طلعت  دورت غرفه عمتي ماكو  والهول هم ماكو..

رحت للديوانيه  فتحتها على كيف  لكيتهم

نايم على الكرويته وفتى على صدره حاطها نايمه..
شكلهم كلش حلو.

طلعت اخذت غطه خفيف غطيتهم بي  وصلت للباب ردت اطلع گال.

اركان:  تعاي اخذيها يمج،بالخمسة اطلع.

مشاعر باوعت للساعه اربعه ونص  تقربه عليه اخذتها حست كامت تبجي.. رجع اخذها مني  ومدد  گال

اركان  : طلعي وطفي الضوه..

مشاعر مو عدك طلعه؟!

حجه هوه حاضنها ومغمض گال
اركان: لا اريد انام.

مشاعر ياا ليش.

اركان،:فتى نايمه بحضني  واطلع لا والله
.

مشاعر:صدمني، لان لغه طلعته بسبب  فتى.

عفتهم طلعت صاح 

اركان:ويين مو گلت طفو الصخام  .

مشاعر  طفيت الضوه طلعت لغرفتي مددت  شنو السالفه شبي لغه الطلعه على مود ست فتى لان نايمه بحضنه

                  ༺༺༺༻༻༻
موده.
.
.
.
. اول مستعاديت وعيي شفت امي وحسين يمي بلعت ريكي گتلهم موسى وين؟؟!

ثنينهم نزلو راسهم محجو شي..

ستهضمت  بالكوه طلع الكلام گتله حسسييين موسى ويبن..

قبل لايحجي نزلت دمعته 

اريد احجي مااكدر بحيث  جسمي رجف   ضليت اغمض بعيوني وافتحهن..

اريد احجي   احس   راح افقد بالكوه كتله احجي مو گلبي وجعني...

  فرك وجهه گال

حسين : الله مقاسمه النه

موده  حلگي نشف اريد اعرف الي صار شنو  ميت عايش   بللت شفتي گتله: ممم اااات

مارد عليه   صحت عليه احجيي حسيين احجي مو فرفحت گلبي ماات لولا

حسين:طير من طيور الجنه.

موده شهكت وهيه شهكه هيه كتم صوتي احجي مااكدر  بحيث افتح حلكلي اريد احجي ماكو بس ابجي..

طلع حسين جاب الدكتور گال صدمه

ضليت اليوم بالمستشفى اريد احجي ماكدر لدرجه بس دموعي تنزل بهدوء..

ثاني يوم طلعت من المستشفى للبيت  دموعي تصب بدون وعي..

لحد ما وصلت للبيت  ودني لغرفتي شفت الكريكوت
والمجرات بلون اخضر محضرتهن اله من يجي للدنيا..

حضنت الكريكوت  ودموعي تنزل.. احجي بگلبي  ولك ييمه ماشفتك ولا شتميت ريحتك هيج الله حارمني من الجهال والله يحبيبي  الله حرمنه
لان  ابوك تذمر مراد طفل ورب العالمين حرمنه...

احاول اقنع روحي مابي شي..

اخذتني ذاكرتي  وره مارجعت من المستشفى من اسقطت..

قاطعت الاكل والشرب  ضليت على المغذي..
سبوع كامل مااكل شي  لحد ما تخربطت ودوني للمستشفى.

الدكتور  حجه على حسين   لان عندي سوء تغذيه ومصارلي فتره من اسقطت..

رجعنه للبيت،  حاول يحاجيني  محجيت  كبل تغطيت  نمت..

حسيت على الغطه نرفع و ايدي نعتت، صديت عليه  خزرني حجه بعصبيه.

حسين:سوالف الجهال متبطلينها، تدرين بهذه تصرفاتج تأذين ابوج وتأذينه وياج..حسبي حساب لامج الي مشلوع گلبها،  تدرين صايره انانيه متهتمين لاحد غير نفسج..

موده:خلصت؟؟!

فتح حلگه بصدمه گال

حسين : لا مخلصت،غصبن عليج تكعدين ويانه وتاكلين وانتي الممنونه.

موده:نزلن دموعي گتله  ليش متحس بيه.. تره هذه ابني  وابوي الي ماتوو

لانت ملامحه مسح  دموعي گال

حسين:روحي من الدنيا انتي شلون مااحس بيج،  لاتسوين هيج والله العظيم تموتيني الف مره بالساعه من اشوفج تبجين..

ابنج ابني وابوي عمي  بعد شكو الموت حق ان شئتي او ابيتي..

كلنه على هذه الطريق  ، الموت افضل اله وداعتج.

موده انته كتلت ابني بيدك.. بس گلي شلون نطاك گلبك تموته..

غمض عيونه بقوه گال: عندي انتي اهم من مال وعيال الدنيا كلها..

قبل لا يجون اهلي من تخربطتي سوينه تحاليل،  واتضح انتي متكدرين تحملين الطفل برحمج لان ضعيف ميتحمل..

واذا صار حمل متكدرين تولدين طبيعي  وشغله ثانيه   
والاهم الطفل مايطول عندج يموت..

موده:بس مو عذر بيدك انته ضربتني.

حسين:فقدت اعصابي عندي انتي اهم من الاطفال والدنيا..

موده:لاتقنع روحك..

حسين هذه لحقيقه

موده نعسانه اريد انام..

حسين اكلي  ونامي

موده مااشتهي

حسين:مو بكيفج كومي.

موده:مااكوم نعسانه..

هستوني اريد امدد مااحس غير شالني،ضربت على كتفه  احجي ولا فاد شالني وداني للمطبخ  كعدني على الكرسي.

ام تضحك والدمعه بعينها صبت اكل، كمت ردت اطلع كمشني من ايدي گال

حسين مو على كيفج كعدي اكلي وروحي.

موده ما ريد مااشتهي، اريد اروح.

حسين: گتلج اكلي  ولو تردين تطلعين بالشارع عاريه مالي دخل بيج.

موده، ضحكني مثلا، قبل لااحجي حجت امي

_خلف الله عليج عمه..

حسين: مو طيحت حضي اركض وراها من مكان لمكان..

_هيه مو طكه ونص 

موده:يعني تتوقعون اسويها مثلا؟!

كرصني من خدي گال

حسين: والله طفلة گلبي كلشي  يطلع منها.

موده:لا والله

حسين ههه تعالي اكلي.

موده كعدت  اخذت الخاشوكه اكلت شوي  احس الاكل مر  ، لعبت نفسي ماكملت  اكل..

سنه كامله اراجع دكتورات لحد ماحملت بموسى بس يافرحه مادامت..

شهر الخامس اكتشفت الطفل مشوه  بسبب الادوي وعدم توافق الدم..

حسيت روحي نخمطت، رحت للدكتوره  گالت ذبي لان مشوه واحتمالي يموت بس يجي الدنيا..

خطر على حياتج اذا بقه..

امي وحسين حاولو يقنعوني اذبه بس لا جان عندي امل برب العالمين  عسى ان تكرهو شي وهو خير لكم..

ضليت متمسكه  بالطفل  عندي امل معجزه تصير  ويطلع مابي شي..او الله يلطف بي.

جهزت ملابسه وكركوته،  لحد ماصرت  نهايه الثامن كالت عمليه..

وفعلا قبل العمليه بيوم زرت  الامام الحسين  ودعيت بجاهه عند الله  او  يطلع سلامات والطفل يعيش..

  ثاني  نفجعت بوفاته نهد حيلي مثل هذه اليوم وفاه ابوي وابني واليوم موسى...

مسحت دموعي  حسيت على ايد تلمست كتفي صديت حسين  عيونه حمر.

حضني من اكتافي گال..

حسين:موده اني وانتي من البدايه  نعرف مصير موسى اذا مو اليوم باجر.. الله خلصه من هل دنيا
احتمال لو عايش تعذب..

ضغط على اكتافي گال:دموعج تعذبني..لاتبجين، كلنه مصيرنه نموت..

ردت اكوم شالني   حطني على الجربايه باس راسي بقوه   نزعني الحجاب  عدل المخاد وره ضهري طلع من الغرفه...

عيني على الكريكوت، هسه لو عايش جان نومته بي..

مااعرف شكد مر من الوقت  نفتح لباب  دخل حسين بيده صينيه..

تقرب عليه حطها على الميز   عدل المخاد  كعد كدامي يريدني اكل ماقبلت. گال

حسين:لهل درجه ماعزدي خاطر يمج بس اكلي مره وحده بس واتركج

موده بعدت نضري عنه گال

حسين:مره وحده  اكلي ومعزتج بگلبي  اعوفج بعد ماالح.

موده قرب الخاشوكه  ليمي اكلتها.

رجع سوه الثانيه  گال

حسين: وهذه لخاطر معزه امج.

موده هم اكلتها رجع  مره ثالثه گال

حسين  : هذه اخر وحده لخاطري لو متهتمين الي

موده اكلتها درت  وجهي عنه ضحك گال

حسين:طفله والله.

موده:  طنكرت عقدت حواجبي  كرص خشمي

حسين:من فدوه رحت لام عيون مسحوبه من الله
ياله حبيبي رتاحي..

موده باسني من راسي بهدوه، عدل كعدتي  اخذ الصينيه طلع..

غمضت عيوني نمت.. حسيت على مي بركببتي

فتحت عيوني حسيت عليه  حاضني من ضهري دافن راسه بركبتي   ردت اعدي ايدي زاد قوه حضنه  گال

حسيت ثبتي.

طول هواي  لحد ما قبل لايوخر راسه سحب نفس قوي..

بس باقي حاضني.

ماكدرت انام لان متاكده هذه مو مي هذه دمع.
گتله:حسين عدلني فدوه مااكدر تااذيت.
بدون ميحجي  عدل ضهري گال

حسين:  اوخر خاف متوجعه..

موده رديت عليه، تعال نام على ايدي مو مات ابني تعال بمكانه..

ضحك گال:وان شالله ترجعيني كم سنه ليوره سن موده 

موده وتكول احبج شو تغيرت

حسين: امري  ل لله  هذه الي يورط گلبه بطفله.

موده نام على ايدي حضنته تلمست عيونه ووجهه گتله

موده: حسين جنت تبجي

حسين لا.

موده ممم.مبين كلش زين.

حسين نامي الاطفال مايسهرون هيج وقت

موده:اريد اطلع الجو حلو فدوه..

حسين ساعه ثنتين.

موده حتى لو

حسين تكدرين تمشين لولا

موده عادي ادينك موجودات

حسين هههههههه طفله والله

موده شالني  طلعنه بالحديقه كعدني على الكرسي  كعد بصفي كامش ايدي ضوه الحديقه ضرب عليه عيونه حمر دم  ومبين باجي  بس يكابر..

ضغط على ايدي  ركز بعيوني گال

حسين: سَمراءُ تسامِرُنِي على ضوء القمَرْ
وَرْدِيَّةُ الخدَّينِ تَسْلِبُ النَّظَرْ،

عيناهَا سَوْداوَانِ سُبْحَانَ مَنْ صَوَّرْ
شفتاهَا حمراوَانِ كالخَمْرِ في الكَأسِ اختَمَرْ
أشتَهِيهَا كما تَشْتَهِي الأرضُ المَطَرْ،

سَمْراءُ سلَبَتْ فُؤادِي كَلَمْحِ البَصَرْ
أحِبُّهَا كَحُبِّ الصَّائِغِ للدُرَرْ،
أحِبُّهَا ما الحُبُّ إلا قضاءٌ وَقَدَرْ،

حبيبةُ القلبِ فكرُهَا عِبرَةٌ لِمَنِ اعْتَبَرْ
أجِلُّهَا أنِّي إليهَا عازِمٌ عَلى السَّفَرْ

    
    
.
.
.. گمره
اجاني اشعار  من الفيس.

قام ابن البار  بالرد على تعليقك.
دخلت عليه  گاتب

_تعلمي شي واحد لاتشوفين الناس بعين اطباعج گمره

هزيت ايدي عليه والله يالله  انسان تافه لابعد الحدود منحط ميهمه شي وجريئ كلش.. هو  صاحب الكروب

رديت عليه «لعد انت تعرفها وتحرفها المن هل كلام  لعلمك  كلامك صح بس حرامات انت الي حجيته.»

خرجت من الفيس  لكيت  زيانب  مراسلتني.

_ وينج گمره شو ماكو.

رديت  جنت يم امي  ضايجه كلش  انت شسوين

ردت- جنت طالعه ويه سلوم

صدمتني هذه حبيبها طالعه وياه  كتبت:لج عزا شلون ترحين وياه مو عيب واهلج شلون قبلو

ردت:  تورطت خوو  عاابت ولي عادي قابل مسويه حرام هو يحبني وهذه اهم شي عندي واهلي  شعرفهم  قابل

رديت عليها:گبر اي والله ولج خاف يضحك عليج يمعوده..

ردت: خاف انتي تضحكين عليه هوه يحبني ومايذيني..

ردبت لعد الله يرحمج مقدما

ردت: حبيبتي احنه ببغداد مو بالناصريه حتى يذبحون هه

رديت ليش بغداد  ربها وحد ماتاكلين خر* 

ردت: ياله ولي  سلوم اتصل

رديت من طيح الله حضج وحض سويلم

انطت اعجاب لرسالتي   خرجت من المحادثه  راسلت بنت عمها وديان  ايدت كلامي لان  مسلم شكله ابد مو راحه.. وزيانب ماتهتم لشي عقل ماعدها

شمرت الجهاز نزلت تلكتني امي

_اي ست الحسن  منخمده وانر اخدم بيج ماتنزلين  تساعديني  لو مايعجبج.

اخذت  نفس زفرته بملل گلت: غير انتي ام البيت اني شعليه

ردت بصعبيه:بت الك** حيوانه   اني خدامه الخلفوج   انتي من جهه واخوج من جهه،  وين ابوج لو عرف بي يخلف  شو ميحجي شي..

گمره:اوووو  صيحيله تره مليت والله  شكد تحجين وتغلطين عليه وهوه ساكت تر ه كافي  زهكت والله.

صاحت عليه  واجت تريد تضربني واني  صعدت اركض
لغرفتي اسمع غلطها وصياحها و ابوي ساكت  ولا يحجي..

اذا امي تكول كوم يكوم اذاكالت اكعد يكعد ابد مااحب هيج وامنيتي اذا اتزوج  كون واحد نفس اخويه  واعي ومتفهم  شخصيه مايهتم لاحد  مرح مايمشي بكلام مرته اهم شي.

هزيت راسي  على حضي عندي اب يمشي بكلام مرته..
اخذت جهازي راسلت النبض مالي

كتبت هلو حبيبي  وينك مشتاقتلك مناوي تجي والله البيت ماينحمل بدونك.

رد  بنفس الوقت:  يابعد ناسي بنيتي  منو وياج اكيد امي

رديت عليه وهل يخفه القمر اكيد امك، حاطه كورها وكوري ليكلك عدوتها.

رد  هه لاتكولين هيج بنيتي هذه امج حتى لو،

رديت والله مشتاقتلك  البيت ولا ينحمل بدونك

رد:   مابعد شي  صبري بنيتي.

كتبت ياله حبيبي تصبح على خير..

رد  وانتي بالف خير بنيتي.

سديته منه   دخلت على الفيس  زيانب مسويتلي تاك

   شفت المنشور  حط نقطه  واتحداك.

دخلت على التعليقات   شفت زيانب حاطه نقطه   تلث ردود عليها..

خامس واحد من بعد @شنو يعنيلج.

راده  كمرايه حياتي  هذه الروح والريه

رديت عليها حبيبي الجميل  اموت بيج.

  سديت جهازي  نمت    ثاني يوم الصبح  كعدت على صوت جهازي يدك   خمس مكالمات من وديان  فتحت خط

گتلها: وگبور الفتج نايمه متحسيين يعني.

ردت بخوف وقلق: ولج ام النوم صورتج نشرت يمعوده  اصحيي

  خترعت  من كلامها فركت عيوني گتلها وشينشرها شبيج.

وديان:خرب حضي ولج الغبيه زيانب   مسويه علاقه ويه  ابن البار  واليوم هددها  ناطيها عنوان يم مدريه مدري كوفي بالتاصريه وگايل اذا ماتجين انشر صورتج على الفيس.

گمره: فهميني شنو السالفه اني شعليه بزيانب؟! وهيه شجابها على العماره..

وديان عفيه مو وقتج تستغبين زيانب دازه صورتج لابن البار  على اساس هيه، وهسه الولد مهددها گايل اذا ماتجين انشر صورتج على الفيس.

گمره:لا مامعقوله ماتسويها زيانب، لاتجذبين  ..

وديان طيح الله حضج اذا  متصدكين وروحي شوفيها  ناطيتج  حظر من كل البرامج  ذيج هسه تفيدج من تنفضحين اني لو مااعرفج انتي شنو  ولا احجي  حرف 

لعلمج زيانب بنت عمي  وانتي عود صديقه بنت عمي وهسه فضلتج عليها لان تمس شرفج  وتنهي حياتج وله لو تبقى عليها لا والله. تكول مالي دخل   مسويت شي.

گمره:احس الدنيا سودت بوجهي  راسي وجعني نفس بالكوه اتنفسه  خفت حيل  اذا صدك نشر ت صورتي منو يرحمني لا والله محد هوه الجهاز عندي وغصبن على  امي وابوي..

والفيس لو ما اخوي هم مجان سويته..

نزلن دموعي   مسحتهن گتله:شكرا وديان ابد ماانيالج هل معروف والله  وكولي لزيانب حسبي الله ونعم الوكيل عليها الدنيا صغيره وتدور.

كمت وكفت افتر بالغرفه   راسي  يريد ينفجر من الالم  ،رايحه راده  كل شوي اريد احجي ويه ابن البار  واخاف من رده فعله

اخذت نفس عميق  خمس ثواني بعدها دخلت على حساب زيانب  لكيتها فعلا حاضرتني من كل البرامج.

دخلت على حساب ابن البار
كتبت  باوع اني مدخلني بيك لااعرفك ولاتعرفني   بس صديقتي دازتلك صوري  وهسه حاضرتني عليك الله  اعفيني مالي دخل اني.

ثواني معدوده رد عليه

ابن البار: اي باوعت  ،  وانتي منو بلا زحمه مااعرفج

 
كتبت  اني بكروبك  ،وصديقتي مسويه علاقه وياك   دازه صوري الك ارجوك احذفهن.

دز: واذا مااحذف شلون.

كتبت ليش هيه هيته تره ولد عمامي  يشمروك وره الشمس  لعلمك كلهم بالجيش، خاف ماتدري.

رد لا لا صدك خوفتيني هوااي.

كتبت الله ياخذك حيوان تحذفهن لو والله اكول لابن عمي

رد هسه اني بالواجب  افكر من ارجع اذا انشر لولا بس صدك الكروب كم واحد بي

كتبت لاتسوي هيج عليك الله تره احضرك  والله.

رد  حضري وتلكين صورج يم اخوج  

كتبت منين تعرف اخوي وانت منو  شبيك يالله تره مالي خلك سوالف الزعاطيط

رد  فدوه رحت للمعصبه بس تدرين شكلج يچذب درجه  صورتج ماتروح من بالي  نوب الشعر يابويه والخشم  لوزه لو الخدود تفاح.

لعبت نفسي  من  وصفه كتبت قذر  وربك  احسب حساب خواتك بناتك..

رد: وبنات عمومه عندي هم ازيدج.

كتبت  الله ياخذك قذر

رد:اليوم بال12باليل اراسلج  تواجدي لان مااضمن الج رده فعلي.

رديت عليه الله ياخذك كول امين.

ضحك  بعد مارد.

ضليت بالغرفه لاااكدر احجي ولا اكدر اسكت  تفكير موتني  للعصر  دكت باب  غرفتي  طلعت  فتحتها امي  واكفه  كالت

_ست الحسن كومي  ياله   اشتغلي مو الخدامه  مالتج  وتاكلين وتمسحين ادينج بالحايط..

گمره:بالي يم الصور وامي ترزل، عفتها تحجي  طلعت  برموده   والمنشفه  رحت سبحت وهيه تصيح..

راسي راح ينفجر الف تفكير وصلت درجه وصلت لحد ما وصلت الكل يشوف صوري    لو  وصف هل حقير الي لعب نفسي..

طلعت من لحمام  مددت  تغطيت  بدون ماامشط   جبرت روحي انام...

ماحسيت غير على  صوت جهازي يدك..

فتحت عيوني  سحبت الجهاز بدون نفس   مكالمه ماسنجر  ابن البار.

سديته  رجع اتصل  هم رفضته   اجت رساله من ابن البار

_تحضري بعد دقايق تنشر صورتج.

وخرت شعري من وجهي  كتبت شكد حقير انته

رد تعالي اريد اسئلج كم سؤال

كتبت وهو

رد تعرفين شيصير بين المتزوجين

نهه كلامه بضحكه..

كتبت طيح الله حضك.

رد تدرين هسه محتاج شي واحد   اريد  تفتحين كامره لو والله العضيم انشر صورج..

غمضت عيوني بقوه ماعندي غير هل حل ياربي العالمين ساعدني يتبع..