رواية لماذا احببتك الفصل التاسع عشر 19 - بقلم اورجانزا الطائي

قصه  لماذا احببتك
بارت السابع عشر

بقلمي اورجانزا
.
.
.
.
.
.
.
.
.
.
.
....

ام دريد ضحكت عود بخجل ونزلت راسها: يبعد عمري لعد شعندي غير كرايبك ادير بالي عليهم.

فتحت حلكي هذه شتحجي معقوله متزوج
هوه اكثر وقته ببغداد بااسبوع يوم واحد بالناصريه
يبات علمود اخته..

ومرات يجي لان بابا يخابره...
هوه مستقر هنا شغله وبيته بس صدمني معقوله متزوج..

اجتي ام دريد دفعتني   وهوه طلع.
ودتي للصاله كومتني على كيف كعدت على الكرويته

رجليه يرجفن ماا سيطر  وحدي..

راحت شوه ورجعت  شايله صينيه...

حطتها على طبله  مسويه تمن وتشريب وشوربه وزلاطه وفواكهه..

ضحكت بصوت كالت:  اوكلي عومري لاتبقين بلا اكل.

ابتسمت مجامله:  اي هسه

كعدت كدامي  والضحكه مافاركتهه.

اكلت شوي جابت العلاج اخذته.

باليل اجه عمو ديسم كعد يمنه سأل عليه..
بس استغربت كلام عمو ديسم.

ضرب على رجليه بخفة وكام حجه: ياله ام دريد   كومي ورانه طريق ..

نصدمت  من كلامه شو هاي كامت دخلت للغرفه.

  ابتسم  بهدوء:  تخافين  تبقين  وحدج  دقايق بس  وارجع..

 
عمو ليش هذه مو مرتك ليش  راح توديها.

  رفع حاجبه خربط شعره الكيرلي:  بعدج صيغره  على هل سوالف

خجلت لان  فشلني كلت: هاااا

ابتسم وصاح: ام دريدد وينج.

حجت واجت تركض والكعب يدك بالكاع..

اخذها طلعو..

مددت  على الكرويته اباوع للسكف.ابوي شلونه هسه، ليش رجع للناصريه...

غمضت عيوني تذكرت  ابوعيون  ابد ماانسه لمعتهن..

ضليت كاعده  منمت   شوي واجو مفتاح البيت يمهم..

اسمعه يكللها سكتي ولا حرف قسم بالله اءا نطقتي حرف ادفنج بكاعج تعرفين اني شنو.

ام دريد:  تره هسه سمعتك وداعتك... طبك طووب
متهمني هوه انته كلك على بعضك استاذ  عفطي سزز
ميهمه غير نفسه.

ديسم ها يعني اني عفطي وسززز  عاشت ايدج اذا اني هيج انتي شنو  ممكن تتفظلين عليه اذا متصير زحمه عليج..

..ضحكت  بهدوء وردت بستفزاز. خلك وحده كحبه صايعه  مو شربفه بنضرك..

ديسم: راح تسمعج  وثانيا اني مغلطان هذه الحقيقه..

ام دريد: هه هه هه هه  ضحكتني والخلقك...  بابه هسه تطلع سامعتك وداعه هل خلقه....

ديسم: ياله ياله  نومي  دريد لايصبر غير شي  وداعتج..  زين  تعرفين شلون داعتج قاليه عندي...

ام دريد. مبينه من القاليه مالتك وشيل ايدك. 

لبابه:  ضحكت على نقاشهم  ولا يكلك  هذوله نفسهم الصبح الي مبين عليهم  منسجمين...

من كد مامغمضه عيوني غفيت..

كعدت على صوت ام دريد...

شافتني كعدت سكتت،نهه الاتصال...

بس استغربت لان اليوم شكل ولبارحه شكل..

ضحكت  بهدوء كالت: صباح الخير..
رديت عليها وكمت  رادت تكمش اديه كتلها اكدر بس مقبلت اله تكمش ايدي  ..

غسلت  ورجعت  شويه واجت جايبه ريوك تريكنه سويه..

بس عيني ولانزلت منها.. اخر شي هيه

ضحكت كالت: هل كد معجبه بيه وماادري..

فاجئني لان منتبهه عليه  ابتسمت وحجيت: الصراحه كلش حلوه بس ليش لبارحه  جنتي حاطه مكياج هواي مو حلو عليج حتى ضالم شكلج..

اخذ ت نفس وزفرته بوجع: وهذه.الجمال ماريد احد يشوفه..

حجيت بفظول:ليش  هذه انتي اول وحده تكول هيج..

باوعت بعيوني والدمعه لمعت بعينها يادوب ضهرت ابتسامه بسيطه: ماطيح حظي غير هل جمال...

حجيت باقناع:  بس انتي بالبيت يعني محد يشوفج غير عمو ديسم... شكلج كلش حلو  والله نصدمت بجمالج..

ضحكت مجامله: بالاخص عمج ديسم ماريده يسوف جمالي على كولتج.

لبابه ركزت بعيونها  وحجيت: بس ليش غير زوجج..

ضحكت بستهزاء كالت: زوجي زوجي على كولتج واني ماريده ينعجب بجمالي لان سنوات بسيطه وتحل التجاعيد والترهلات البشره  الجمال لشكل مادايم  بس جمال الروح دايم.

لبابه صح والله

ضحكت كالت  : اعرف ولله لبارحه شكلي شكل مهرج 🤡.

لبابه ههههه

ام دريد: تدرين انتي نسخه مستنسخه من اطباع هِجان.. حركاته كلماته اطباعه نضراته  سحب الكلام..

ابتسمت بفخر: غير تربيته بس منين تعرفي انتي.

ابتسمت باارتباك  كالت: هاا ا ا ا ا ديسم اي  ديسم

حجيت بستغراب: شبي؟

حجت بعجله :هوه ديسم يسولفلي  عنه اي يسوالف..

ختمت كلامها بحمدلله  وكامت..  باليل اجه عمو ديسم ونفس الشي على كولتها مهرج..

كتله خابر بابا مقبل كال  من تتعافين  اني اوديج لابوج افاجئه بيج خطيه تعب وعانه  هواااي.

مرن يومين   طبيعيات نفس الروتين..

كاعده بالحديقه وام دريد تبدل لابنها..

ندكت لباب طلعت  صحت منو.

اجاني صوت ثكيل وهادئ التمست بصوته حنان..

.... اني  ايهم   ام دريد ..

حجيت: منو ايهم؟

جاوب باامر: ام دريد وين وانتي منو فتحي لباب.

فتحت لباب  دخل   واني صرت وره لباب..

طلعت ام دريد  شافته ركضت عليه حظنته..

ناطيني ضهره  بس عامود كهرباء طويل..

اسمعها  تعاتبه..
ليش هيج  حبيبي ولا سئلت عليه..
حتى لله ميرضاها سنه كامله ماشفتك.
ولله كلبي وكع عبالي صار بيك شي..
حياتي من دونك بلا طعم ولله..
هيج هنت عندك مو تكول انتي نفسي الي اتنفسه مو تكول مااعوفج ليش هيج ليششش هااا عفتني
موتكول اني سندج  وعزوتج..

تبجي وتحجي بحركه درجه  بجيت من رده فعلها بس هذه منو؟ معقوله حبيبهاا..

مااحس غير وكعت  والولد خبص الامه يصيح  شالها دخل للبيت  ، دخلت وراه اريد اشوفها شبيها..

حاطهه بالكاع على رجله   منزل راسه  ويضرب على خدها بخفه..

صاح بصوت عالي وعصبي:  جيبوو ميي بسرعه

بسرعه جبت مي بكلاص وديته اله   اخذه دون ميباوع بوجهي..

رش  عليها شوي ضرب على وجهه  شوي شوي استعاده وعيها..

حضنها بقوه  وهيه تضحك بخفه..

كعدت بصفه كمشت ادينه كالت   ولله اذا تتركني ازعل منك وليوم تبقه يمي.

  استجاب الها كال: هوه اني هم ضال لان عندي شغل هنا..

ضربت على راسهه بخفه  كالت نسيت اعرفك على لبابه  هيه كالت اسمي

رفع راسه  عليه  صفن بعدها ضحك..  احس روحي.شايفته بس وينن ماتدري..

كملت بهدوء لبابه اقارب ديسم.

باوع عليه بلل  شفته وابتسم  قصدج بنت هِجان.

باوعت عليه وهزت راسهه..

عفتهم ودخلت غرفتهه   شواي صاحت على الاكل

لكيتهه صابه الاكل كعدت اكل  احس عيونه عليه بالكوه ا كل  تحمد وكمت.

للمطبخ اخذت مي شربت  من البراد  درت ضهري 

نصدمت واكف بباب المطبخ  لابس بنطرون اسود وقميص زيتوني  رافع حاجب، حاضن ادينه لصدره

بلعت ريكي دنكت ردت امشي  وخر عن طريقي

كال: ليش مااكلتي

جاوبته   :لااكلت

حجه بجديه: اكلي تره محد يفيدج و  موزين عليج.

استغربت منه  هزيت راسي ومشيت.

خلص ليوم   انام بغرفه  بالطابق الثاني  لان ادم موجود وحسب ماعرفت  ايهم اخو تم دريد..

مرن  تلث ايام علاقتي ب ايهم شبه زينه يحشش ويضحك..اطباعه كلش حلوه كل شوي يخابر  ابد ميسكت جهازه..

اليوم المفروض ارجع لابوي   الطريق كله  صافنه..

هواي شغلات صارن هل فتره..

اخر شي وصلنه اصر عمو ديسم يوديني بيت جدي  واني متمنيه اشوف  ابوي اول واحد..

وصلنه للبيت  حطني وره ضهره  دك لباب طلع اسلام ابن عمي..

فتح للباب سالمو    هوه شافني نصدم ضل واكف   شوي وطلع للشارع..

حتى عمو ديسم هز ايده..

دخلنه للبيت شافوني نصدمو  بيبي صدمتني تهلهل صاحت على الجهال  دزت جكليت  نصدمت معقوله مغيرينها..

طشت عليه جكليت والبيت انخبص شويه ونزلت عمتي مشاعر بلا حجاب..

رحت الها حضنتها الوحيده الي احسها من ريحه ابوي..

حاجيته لان ملابسه حجاب  شوك جابت حجاب لبسته..

بعدها  رحت لبيتنه   عمي حطني ورا لباب

كالي: نزلي  وجهج لاترفعينه..

دك لباب. طول ياله فتحه ابوي، ابوي عصب لان جاي عمي وتاركني  ونصدمت ابوي فشر من كال بس وهو ينتقد بجيلان بس ولله جيلان متوصل لفشاره..

عمو ديسم  يضحك  اخر شي كاله شو خبصتني تره لعبت نفسي  الي يكلك بس انته عندك بنات.كطيعه منك.

رد ابوي بروود: كواد مو راح ان********

  «مستحيل حتى اوضح الككم 🙈»

ضحك عمو ديسم  جرني دفعني بحضن ابوي  كاله شو اخذ امانتك الي خبصتني بيها..

  شافني ابوي ونصدم  ضل صافن بوجهي  نزلت دمعته جرني لحضنه   احس ضلوعي تكسرن..

بجه بصوت  باس راسي وعيوني  ويشم بيه..

دموعه تنزل.

درجه نزل للكاع سجد..

دخلني للبيت هوه محاوطني..

كعدني بحضنه  ويشم بيه..

شوي وسئلني على الي داهم بيتنه اذا شفته...

عرفته منو بس مااكدر.اكول منو  باوعت لعمو ديسم حتى ينقذني من الجواب .

جاوبته: لا بابا مشفت غير عيونه..

جاوبني بتفائل: عادي هسه اخلي يرسمونه الج.

بلعت ريكي  هزيت راسي   طلع عمو لحكته  حلفته ميكول لاحد اني جنت صاحيه ويجي ابو الثام يضربني ابره..

رجعت  لبابا كالي هوه تزوج جيلان لان امها توفت وهوه تزوجهه ..

وحاليا مريضه..
رحت سلمت عليها ..  كعدت شويه ورجعت.

مشت ايام عاديه..

كاعده  بالحديقه، افكر  بكلام  ايهم..

معقوله  احبه؟؟
لالا شنو احبه ..

ياربي ليش هل شبه البينهم  هفففف يالله  ليش هل حظ

شبيج لبابه خلي يولي حقير ابد ماانسه ولله شلون اجه لغرفتي ساعه بالثنتين باليل، الحقير

رجعت لذاكرتي قبل تلث ايام..

ساعه ثنتين ونص باليل كاعده بغرفتي  اباوع للحديقه ..

طلع للحديقه..  يخابر  طول   هوه  يريد يدخل للبيت شافني  ضحك..

سديت البرده..   مددت على الجربابه..

مااحس غير لباب نفتح.

  وكفت اخذت حجابي لبسته..

تقدم عليه يضحك  خفت وستغربت حجيت:  شبيك شسوي جاي..

كال: اجيت احجي كلمتين واطلع..

  حجيت بخوف : خلي غير وقت 

كال: عوفي هسه كلامج كله  هسه اجيت احجي ومااطلع اذا مااحجي..

كمش اديه نترتهن قوه لزمتهن.

كال لبابه:  بدون لف ودوران اني احبج، ومو من.يوم ويومين..

نصدمت وبهتت من كلامه كتله: هاا  شحبيت واني ماعرفتك غيرمن اربع ايام..

ابتسم وكال: ارفج من سنه تقريبا وكلش قريب عليج حتى اكثر من روحج..

لبابه: احبج اريد اتقدملج بهل ايام بس انطيني موافقه.. يتبع..

توقعاتكم للبارت الجاي.