رواية لماذا احببتك الفصل الثامن عشر 18 - بقلم اورجانزا الطائي

بنات حسابي الانستا القديم تهكر مدري ليش لبارحه
سويت جديد حاطه صورته نهايه البارت.

اكو بنات سئلو عن العصاره مااكدر انطيكم اسمها لان حسب الحاله والشلل. مختصر حسب ارشادات الدكتور

قصه لماذا احببتك
البارت
بقلمي اورجانزا
.
.
.
.
.
.
.
.
.
.
.

....
جيلان

تلقائية غمضت عيوني اول مره احس بدفو حضنه..
او بالاحرى اول مره يبادل بالحضن.

تحمحم

عدل كعدتي مددني ، غطاني فرش دوشك بالكاع بصف الجربايه مدد عليه.. خله ادينه جوه راسه يباوع للسكف.

هواي افكر ليش بيت هِجان متروس مرايه حتى بالحمام اكو.
زين محاط بالتواليت ولله لو تجي باله يخلي..

دون وعي سالته: ليش غرفتك متروسه مرايه؟!

تثاوب وكال: نامي يبعد طوايف الي بالي موزين عليج التفكير والاسئله الزايده بنصاص اليالي.

ضجت منه بس ماوضحت سكتت غلبني النعاس ونمت.

ثاني يوم الصبح كعدت ماموجود اريد اروح للتواليت
واخجل احجي.

لادر احرك اصبح ولا ايد ولا رجل..

صفنت اكوله لا ماكوله تعبت من التفكير..
ياربي هيج الماعنده ام واخت يصير بي..

جنت بكامل حركتي وماجنت راضيه..

رفعت راسي للسكف حجيت بقهر: يارب العالمين
امتحانك صعب واني مااكدرله وحدي

لاعندي ام ولا اخت شلون بيه...

تاذيت حيل واستحي اكول..
من لبارحه الصبح بعد مادخلت للتواليت.

بجيت بقهر على حالي ليوين وصلت حتى التواليت مااكدر اروح.

اني الي محد يكدر يكعدني بمكان اتخبل اذا ماامشي.
لا دموعي الراضيه توكف ولا شهكاتي الي تسكت.

وين وصلت لدرجه هِجان الي يكره طاريي صار يهتم بيه.. وصلت درجه الشفقه الي اكره نفسي بسببها..

تذكرت ذات الي نذبحت بدم بارد وامي الي نقتلت مضلومه.. ولسبب اني.

صديت على جهه الكنتور ركزت بالمرايه واشوف ذات شلون تنذبح..

رجع الموقف تكرر عندي اصيح اريد اكوم مااكدر

اصيح، وشاهك، ابجيي..

درت راسي. غمضت عيوني مااحس غير على ايد تلمس وجهي نزيت.

بس صوته رجعني لواقعي: ششش جيلان سكتي المن هل الصياح..

_ شو كعدي باعيلي ليش هل بجي.

حجيت اني ومغمضه بخوف ورجفه : ذا ا ا ا ا اتتت

سمعته تنهد وحجه بصوت يائس او حزين درجه احسه حجاها من كل كلبه : شبيهااا

ذبحوها كداميييي بالمرايه...

اخذ نفس وزفره: للله ينتقم منهم، وانتي شو باعي ليش هيج ضعيفه وينها الي تفشر وتغلط وميهمها اكبر راس.

باوعتله بضوجه: شعليك انته..

ضحك بصوت مغلف بحزن: يابعد طوايف الديره، كدامج زوجج.
كمل كلامه برفعه حاجب.

كتله: لا ولله تره مو عليه سوالفك.
تره اني وياك محلوف علينه وكلها تدري بينه توم وجيري

هم توم وجيري يتصافون اله احنه مانتصافه واذا نتصافه فد يوم فيكون مصلحه عندك او غايه..

صفت على كلامي وضحك.شمدريج عندي غايه يمج..

حجيت: احسس واحساسي ميخيب ابد.

ضحك بستهزاء كال: عاشش احساسج
بس صحيح عندي غايه.

حجيت بحزه: وشنو هيه بلا زحمه.

رفع حاجب وكال: من تكبرين اكولج لان هسه بعدج بنيتي الصغيره من تكبرين وتصيرين زوجتج اكولج اذا احتاجييت احجيلج طبعا.

رفعت حاجبي بستهزاء: بس مجاوبت

ماحس غير نرفعت.

حجيت بقله حيله واستسلام :وين

باوعلي وغمز اسبحج.

حجيت باانفعال ماااا ماريدد ولله مااسبححح

ضحك بصوت كال بستنكار: ليش تتهميني اني ومته كتلج اسبحج كتلج امشيج.

فتحت عيوني بصدمه : ولله انته كلت ليش تنكر

وكف كدام باب الواليت نزلت راسي استحيت منه..

فتخ الباب جايب كرسي مال تواليت..

كعدني كمش حنجي رفع راسي.

حجه: جيلان انه سترج وانتي غطاي.
لاتخجلين مني..

نزلت دمعتي مسحها بيده

حجه بضحك: اذا انتي هيج تستحين مني لعد بعد كم يون شلون نسوي طفل.

شهكت بخجل:لا وللله ماريدد انته مو الي ولا اني الك.

ابتسم وسكت.
كملت هِجان غسلي..

شالني وداني للغرفه طلع.
بجيت بقهر على حالتي... ليوين وصلت

شويه واجه جايب كرسي متحرك..

شالني كعدني وطلعني للحديقه..

مسوي ريوك. تريكنه..

شال المواعين وداهن للمطبخ ورجع جاب حاسبه وجنطه سوده...

فتح الحاسبه كدامه شغل جهازه على اغنيه حاتم العراقي وطلع الاوراق يكتب بالحاسبه ويدندن ويه الاغنيه
هذه ثاني صدمه هِجان يسمع اغاني

عليكم جذب الكال اني مرتاح.
يا راحه البلياكم تجيني

العطش ذبل شفافي وعافني وراح
متت لكن روني دموع عيني

شلون ارتاح واصبر يالبعيدين
وابد بفراكم ما نامت العين

اتمنى انه طير وعندي جناح ياخذني
وعليكم يوديني يا راحه البلياكم تجيني

اذا ما اشوفكم شيفيد عمري
واذا اضحك دمع ضحكاتي تجري

كبل يمكم واعيش بنار الاشواق
يا حالي شلون لمن صار الفراق

يا راحه البلياكم تجيني

تعالو بعينكم شوفوني
شلوني بعدك ما غفن لحظات العيون

ليالي تمر علي كل ليله ما نام
شوفتكم حلم ضاع ويه الاحلام

كل العاشقين ايامه افراح
وانا على الخد تسيل دموع عيني

... يا راحه البلياكم تجيني...

احس الاغنيه تحجي عن حالنه ثنينه..
بس يختلف الي بگلبنه..
من وحدهن دموعي ينزلن..

سمعت صوته رفعت نضري اله
حاط ادينه جوه حنجه ويباوعلي بتركيز.

حجه بااصرار: ليش لبجي.

ضحكت هزيت راسي.

سكت محجه رجع يكتب...

حجيت بكلبي يبوو ولله مليييت بس كاعده كدامه
اله يكلك مايكدر بلا مايشوفني كدامه
واصلا اني وياه مالخ من الروس.

ضحك بصوت سد الحاسبه كال:اريد اعرف شوكت تبطلين تفكرين بصوت عالي.

بس تدرين حلو انتي فاضحه روحج بروحج.

حجيت بستغراب: ليش شمسويه.

ابتسم وكام وكف شال الحاسبه خلاها على رجليه

سحب ايدي المابيه شي خلاه بطرف الحاسبه

كال: مستقبلي وحياتي المهنيه ولخاصه بيدج حافظي عليه بين ماندخل للبيت.

استغربت من كلامه. كتله ليش شبيها

ابتسم تلمس حاجبه: حياتي بشينها وزينها بيدج والحاسبه محد يعرف بيها غيرج

هزيت راسي حجبت: غير اعرف شنو الزين بالله ن اعرفه.

حضن اديه لصدره ورفع حاجب بستهزاء: والشين الي تعرفي شنو؟!

حسيت على روحي جفصت ابتسمت وكتله الشين تاخبل مني وهسه انته المداريني.

ضحك كال: وداعتج مااكولج ليش مداريج لان بعدج ضغيره ههههه.

عقجت وجهي. ضربني بخفه على خدي

كال: ممنوع هل حركه بنيتي

دفع الكرسي كعدني بالمطبخ طلع تمن غسله وخلا بكدر حط مي وملح وزيت حطه على الطباخ

طلع لحم مثروم حمسه و بتيته بيذنجان وبصل كشرهن وكصصهن دوائر وطماطه وفلفل اخضر كصصهن هم

وكف يكلي خلص تكلاه حطهن بقالب بايركس
وسووه معجون ونومي بصره وبهارت دبس الرمان خلطهم على الطباخ شوي خله الحم المحموس عليهن.

جابه خلا بالقالب صار عدل على حجم المواد حطهن بالفرت

طفه الطباخ وكعد مقابيلي

واني مصدومه ثالث صدمه هِجان يعرف يسوي اكل.

ضحك كال: شبيج هيج فاتحه حلكج وعيونج شفتي جني.

حجيت: اليوم كضيته كله صدامات تدري.

ابتسم كال اي مبيت كل شوي وصافنه.

قابل اني نفسج مكضيتها بس فشار وغلط واستهتار.

عقجت وجهي ابتسمت باانتصار : طالعه عليك ولله..

بستغراب:اهاا يعني اني هيج.

حجيت: اي للاسف تتذكر لو يحتاج اذكرك.

تحمحم وكال: لا وداعتج مااتذكر ذكريني.

حجيت: منو يحلف بالكواويد
«اعتذر على المصطلح »

ضحك كال: شسوي اذا مايصدكون بالله من احلف بيهم ياله ينلصمون.

بس انتي وين سمعتيني.

بالبستان مره من اجيتنه قبل لاتوديني للمستشفى جنت واكف انته يم شباك غرفتي.

على طاري الغرفه ذكرتيني بوحده شيطانه تتجسس عليه اني وزوجتي.

عرفته يقصدني بس تجاهلت.كلامه كتله صدك الدوه مااخذت.

ضحك بصوت كال : هم صح دواج.

كام جاب الدوه اخذته

صار الغده صب الاكل يوكلني وياكل..

خلصنه غسل لمواعين ورجعني للغرفه

بسرعه نمت..

مرن يومين نفس الروتين هِجان وياي وياي

العصر كعد كدامي كال: جيلان توثقين بيه؟؟

صفنت عليه بعدت عيوني عنه

كال: شنو اي لا
حجيت : اخاف منك

عقد حواجبه كال : ليش؟!

تنهدت حجيت :مااعرف بشنو تفكر وتغييرك المفاجئ يخوفني زياده خاصته بهذه الوقت..

حجه بااقناع : بس هذه مو عذر

نزلت راسي بدون مااحجي

رفع راسي كال : جيلان ذا تردين تعرفين كل شي صار وياج تعافي بسرعه خلي عندج امل برب العالمين حتى بااسرع وقت تتعافين شللج شلل نفسي يعني اسابيع ونرجعين لاكن بس اذا تحسنت حالتج النفسيه.

وسبب لشلل هيه حالتج النفسيه لان بااخر فتره تدهورت.

:ملاحضة الشلل النفسي او لشلل المؤقت

اسباب.

يشير الأخصائيون إلى أن مثل هذا النوع من الإصابة بالشلل النفسي

لا ينفع في علاجه أدوية أو عقاقير

حيث إن السبب وراء الإصابة هو تراكم مجموعة من الأسباب والعوامل النفسية التي أثرت في المريض، وبالتالي أدت إلى إصابته بالشلل.

ويمكن لحالات الشلل النفسي أن تستمر لفترة قصيرة لا تتعدى الأيام،

ثم يتعافى المريض بعدها، ويمكن أن تطول الفترة من شخص لاخر

والأمر مرهون بسرعة ذهاب المسببات النفسية التي تمخضت عنها هذه المشكلة،

وكل حالة لها مسبباتها الخاصة فلا يمكن تحديد سبب نفسي يمكن أن ينتج عنه الشلل النفسي.

الفرق بين الشلل المؤقت والدائم 😣

المريض الهيستيري يسحب رجله وراءه ولكن فى الشلل الحقيقى تلتف الساقين «كالمقص»

- العمى النفسى: يصدر عن الشخص المصاب به بعض الحركات اللاراداية بالعين "البربشة".

- الصرع الهيستيري يشعر بكل شىء خلال نوبة الصرع ويتذكر ما حدث له على عكس مريض الصرع الحقيقي.

- يكون لديه لا مبالاة تجاه المرض كرد فعل

«اتمنه مازعجتكم بهل موضوع بس للافاده الله يبعدكم عنه اكثر موضوع جرحني من داخلي

هذه الفرق بين الشلل النفسي والشلل الدائم
انوه الاعراض مختلفه من شخص لاخر حسب طبيعه الجسم. »

هزيت راسي بدون جواب.

تحمحم كمل كلامه : ربع ساعه وارجع اكدر ائمن علييج لولا

تكدرين بهل ربع ساعه تبقين وحدج.

رغم اكو خوف عندي من ابقه وحدي بس تجاهلت الخوف هزيت راسي ضحك وكام

بدل قبل لايطلع جاب الحاسبه يضحك
خلاهه على رجليه شغل توم جيري فيديوهات
ضحكت

كال: تعلمي منهم زين حتى ماتوكعين بمصيدتي ولو وكعتي ههههه

طلع من الغرفه واني ضليت اتابع لحد مااخذتي النومه اني وكاعده

حسيت على صوته الهادئ: جيلان شو جيلان كعدي

فتحت عيوني ابتسم كال ياله صحصحي

وخر الحاسبه من رجليه وكام

شويه ورجع مبدل للبس بس البرموده ..

شالني وداني للحمام سبحني كمل جر الدوش
ورش على روحه نكع تنكع..

وداني للغرفه اخذ ملابس اله طلع ورجع لابس هم برموده
ونفس الروتين المساج نعاد واني ميته خجل منه
وهوه خربان ضحك عليه..

ندكت الباب بقوه ضحك اخذ المنشفه وطلع..

اسمع اصوات عاليه بس مامفهوم شيحجون.

شواي ورجع للغرفه شعره ينكط مي والمنشفه على ركبته وبس بالشورت

من الصدمه فتحت حلكي لاصدك تخبل.

ضحك وتقرب رفعني كعد وراي  اصابعه لامست ضهري نزيت  على حراره بكتفي بيدي المشلوله..

غمضت عيوني حجيت بخجل: هِجااان وخر

همس: ششش

حسيت عليه صصعد لركبيتي .
صحت بيه يوو وخرر هِجان.

ضحك بصوت كال: طبعت اثر على املاكي.

حجيت شنوو اثريشش شبيك انته

باسني من بدايهدي كمل لبسي عدل نومتي كام

بدل وجاب دوشك..

اني اخذتني الغفه الثاني يوم الصبح كعدت تريكنه سويه.

هوه محجه شي حسيته رجع هِجان القديم..
كملنه ريوك هوه نفس العاده شغل اغنيه حاتم يدندن وياها ويشتغل على الحاسبه..

خلص دفع العربانه او الكرسي التحرك وداني للصاله شغل التلفزيون كعد يخابر..

ندك لباب دفع العربانه للغرفه كتله اريد امدد تعبت
مكال شي بسرعه نومني على الجربايه وطلع..

مااعرف شكد مر من لوقت وهوه ماكو..

ثواني سمعت صوت لبابه جذبت اذاناتي لان لبابه بغيبوبه..

شوي شوي تقرب الصوت الضحك

كعدو بالصاله لان الصوت استقر وقريب..

مر وقت طويل دخل هِجان

حاضن لبابه وعيونه تضحك قبل فمه..

مبين هيه انصدمت بس مابينت كبل ابتسمت وتقربت عليه سلمت كالت

لبابه: الف مبروك زوجه ابوي.

ابتسمت حجيت:شكرا.

مرن يومين والبيت صار بي روح..

تكعد لبابه يمي بدون ملل.
والاحلى هِجان هوه الي يشتغل بالبيت..

من تريد تسوي شي لبابه يكلها ماعولت تطلعين من الغيبوبه..

العصر طلع هِجان يتسوك بقيت وحدي بالغرفه.
شويه واجت لبابه كعدت يمي..

تسأل هواي الضاهر محد حجالها كل سؤل تساله اكولها مادريكولي لابوج وهيه تهز راسها..

انتابني الفضول اعرف شصار بيها.. بالغيبوبه بس صدمتني.

لبابه..

.
.
.
..سواد بكل مكان ماشوف شي ولا احس بشي مكان غريب اصوات غريبه.. اشوف مكان بي ضوء بس بعيـــــــــــــد كلشش.

امشي وبعد ماوصلت له..

وصلت قريب الضوء باب صغيره يطلع منها ضوء ابيض.

شفتها دخلت. من دخلت صارت كدامي العيون بلعت ريكي لشوفتهن.

بين الوعي ولا وعي حسيت بشخص يحجي بس ماعرفته منو..

فتحت عيوني بلكوه اشوف..

انتبه الي دااصحه بسرعه التفت صد عليه متنكب بالشماغ..

سبقني بالكلام كال: لا اسف ولا ندمان لان قتلت ابوج.

همست بتعب: ليششش

حجه بقسوه مغلفه بحقد؛: ابوج قتل ابوي ومانام جوه التراب اذا مااخذ حقي منه..

حجيت بقله حيله: واني شنو ذنبي تحرمني من ابوي؟؟

ضحك بستهزاء وكمل: ذنبج بنته يحلوه

طلع ابره سحبها بالسرنجه كمش ايدي وضربني الابره.. ضل واكف كدامي عاقد حوجاجبه شوي شوي نعست ماسيطرت بس اسمعه يحجي..

... هاا اجه اي هذه هو خلص واجبك

همس انتضريني بعد يومين وتشوفيني يحلوه ضحك واختفه الصوت..

مااعرف شكد مر من الوقت سمعت صوت ابوي اريد احجي مااكدر

احس روحي مقيده عن الحركه والكلام.

طلع ابوي احس روحي راحت اريد احجي وياه..

سمعت صوت ذات حجت وياي اسمعها بس مااكدر اجاوب..

شكد حاولت افتح عيوني بس عبث ماعندي قدره غير النعاس..

ختنكت حيل ووجع احتل جسمي بااكمله احس گلبي نكرص ..

اسمع صياح ذات وابوي بس مااكدر احجي
احس بروده صعدت من رجليه..

ثوني وانقط الوصل بيني وبينهم

دقايق حسيت وجع صار عندي..

محسيت شي..
مر وقت سمعت صوت يمي يحجي بعصبيه

... اني مو كلت لاتنطيها الابره مو كتلك انطيها سيسيات.

_ اسكت جان راحت البنيه وكف گلبه وبالشفاعات ياله تحسنت..

روح من دنعل لساعه العرفتك بيها..

فتره غيبوبتي كلها بيوم الاصحه يجي هذه الي يطلب ابوي ثار يضربني ابره..

مااعرف ليلي من نهاري..
لحد ماا اجت جيلان.

شمسوي بيها ابوي صدك قهرتني من كل کلبي.
بس الحلو ساعه تحبه ساعه تغلط عليه..

مشت الايام وبيوم الي حولوني لبغداد المفروض يصادف بي اصحه بس بيومها من اجه عليه سويت روحي ماصاحيه ماعلم كرصني من ايدي احس روحي شاغت.

حتى بدنبوس جك اديه واني صامده..
اجه الدكتور كعد يمه حجو هواي عن الثار والصدمني الثار صارله 25سنه وليوم جاي ياخذه من ابوي..

سأل الدكتور عن حالتي

جاوبه : زينه ومستقره حالتها والاسبوع اليجي ينقلوها لمستشفى ******* ببغداد يعني قربت المسافه شوي عليك.

_لو يوديها للسليمانيه كبل مو احسن من هل كواد*

_هههه يمعود احنه مستشفى اكمش لسانك شوي

_ شلون مستشفى عفطيه ياهو اليجي ويروح بكيفه ماعدكم حسيب ولا رقيب.

_هاي فوك مامكعدينك يم معشوكتك..

_منهي هذه لا والكوااوي* بس ساعدتها لان مالها ذنب بشي اني ويه ابوها مو وياها..

._ لعد المن منومها كل هل اشهر.

_.. اخذ ثاري من ابوها واصحيها لااكثر.

_.. بس

_.. عوف ال بس وكلي شوكت تصحه وراي رجعه وشغل.

_ مو كتلك اضرارها الجانبيه تبقى اقل شي اسبوع فاقده وهذه كدامك..

ختمو كلامهم وطلعو
نصدمت معقوله هذوله بشر؟!

فتحت عيوني بس خوفه بگلبي خاف يجون وينوموني..

بيومها حولوني لغير مستشفى واني بالكوه متماسكه تالي نمت من تعب جسمي..

وصلنه المستشفى، يمعت صوت عمو ديسم يخابر

تاكد ماكو احد يمه فتحت عيوني..

_همست بتعب: عموو عموو

انتبه عليه نهه المكالمه...

كعد يمي مبتسم : واخير صحيتي اروح اصيح للدكتور..

راد يكوم حجيت: لالا عمو ماريده.

استغرب كتله : يضربوني ابره حتى مااكعد يردون يكتلون بابا،فدوه لاتخليهم..

صفن عليه وعقد حواجبه: يصير خير واليوم اخرجج على مسوليتي.

هزيت راسي وهوه طلع ماطول ورجع..

اجتي ممرضه ساعدتني حتى ابدل.

خلصت اخذني عمو ديسم لبيته...

فتح باب البيت ودفعني بالكرسي لان ماعندي قدره اوكف..

وصل قريب باب الكلدور صاح

وينج ام درييد باوعتله متفاجئه.
لان عمو ديسم ينادونه ابو دريد..

طلعت مره مو كلش جبيره وسط رافعه الشعر ذيل حصان صابغته لون اصفرر والحواجب مشخطات
والحمره الي يكلك ماكله مركه ملطختها...

نزل راسه لمستواي كال هذه ام دريد دير بالها عليج

مو صدك

ام دريد ضحكت عود بخجل ونزلت راسها: يبعد عمري لعد شعندي غير كرايبك ادير بالي عليهم.

فتحت حلكي هذه شتحجي معقوله متزوج
هوه اكثر وقته ببغداد بااسبوع يوم واحد بالناصريه
يبات علمود اخته..

ومرات يجي لان بابا يخابره...
هوه مستقر هنا شغله وبيته بس صدمني معقوله متزوج.. يتبع..

شايفيت البارت هذه اذا توصل التعليقات مالته 300 تعليق بدون ملصق والمشاهده 350
الكم بارت باليل وشرط بدون قفله 😹

3380 كلمه الي تكول قصير اشبعها قفات 😂😂

توقعاتكم للبارت القادم مو تغلسون

الي تتوقع صح الها تغشوشه حسب طلبها 🤭

هذه بنت من الانستا دزته الي عاشت ايدج حب ولله فد ضحكني 😂😂😂

وهذه حسابي الانستا القديم تهكر+ مسويه كروب بالانستا توقعات وكذا الي تحب تنضم تراسلني بالانستا .