رواية لماذا احببتك الفصل التاسع وأربعون 49 - بقلم اورجانزا الطائي

تفاعلو بالفقرات  لطفآ
رواية  لماذا احببتك
البارت الخامس والاربعون
بقلمي اورجانزا الطائي
.
.
.
.
.
.
.
.
.

.

لبابه..  تريكنه  طلع جاب غده  تغدينه للعصر طلع بابا خابره  
للتسعه باليل ندكت الباب طلعت  فتحتها.دخل  ايهم نصدمت بشكله
عينه زركه وخشمه بيدم يابس شفته مشكوكه..

شهكت  ضحك كمل طريقه..
رحت وراه   حجيت.

ايهم شبيك ليش هيج وجهك.

باوعلي بنص عين  فتح دكم قميصه شمره على الكرويته نزع الفالينه  شمرها فوك القميص، كعد على طرف الكرويته نزع  حذائه والجاروب  هم شمرهن 

طك رگبته، فتح قبضه  ايده وسدها  كمل طريقه..

احجي ولا مهتم وصل للحمام حجيت

ايهم مو احجي ليش هيج تسوي تره مااحب هل طبع.

وكف بالباب ارتاج على لباب بطرف ايده گال

ايهم: شگد تلغين ياعافيتي

لبابه رغم جنت ضايجه بس ابتسمت لكلامه
_ الغي لان بالي يمك ليش هيج وجهك، ملعوب بي لعب.

اخذ نفس ميل راسه قلص عيونه بلمعه گال

ايهم: لعد انتي شكد بريئه  ويلوموني چي حبيتج..
هذه جزاء الي يلعب ويه هجان..

لبابه  بلعت ريگي  حجيت: لييش شنو الي صار..

ايهم بعدم اهتمال: ماكو شي لاتفكرين هواي.

لبابه انت هم لوتييعني تكول جزاء الي يلعب ويه ابوي وبنفس الوقت تكول ماكو شي لاتفكرين!!

ايهم انت زوجي، وهذاك ابوي الي تعب حتى كبرني وصلني لهل مرحه  وصرت  زوجتك ثنينكم مااكدر انطي بيكم .

سحبني عليه  احتضن خصري   دنك عليه عيوني بعيونه غمض عيونه گال

ايهم:  شگال ربج من خلق عيونج، بلع ريگه اردف، مصدر ضعفي وهيامي هذني، رغم شكلج قويه بس هذني فاضحاتج مبينه منهن  تدعين القوه گلبج ماكو اضعف منه.

باسني من خشمي گال

ايهم: انتي الاربعين شبيه  لاشبيه لك فاانتي  نسخه فريده من نوعها..

لبابه  خجلت، دنكت راسي   وخرت گال

ايهم:ممكن اسبح لو بعد ماخلصتي ستجواب.

لبابه  :لاعادي اسبح..

سد لباب   مشيت خطوتين تذكرت مجاوبني  على شنو بابا ضاربه  ..

رجعت دكيت لباب  حجيت:مو اگول خبيث، شلون بدلت سؤالي  ومجاوبت.

صوت الدوش واضح ضحك بصوت گال
ايهم:على الجايات..

لبابه: خبيييث والله

ايهم:  يمعوده جوعان  مسويتي شي.

لبابه اي مو الثلاجه متروسه غير انت جيب  جاهز ولعلمك بس بيض وطماطه وخيار وصمون بيها يعني من باجر  جيب مسواك.

ايهم   لو ادري محاجي  ياكلمه رجعي لمكانج.

لبابه ضوجني صحت ضوجه   ايهمممم

ايهم:روحة وعافيته و عيونه وگلبه  وبحر عيونه يبعد ناسه وهله  بعد لو كافي ينبع گليبي..

لبابه: نفس العاده  خجلنيي وسكتني بنفس الوقت.

ردت امشي گال: شو خنستي يبعد كلبي

لبابه لا بس  انتضرك تطلع حتى احجي براحتي.

ضحك گال

ايهم: هذه هو موافق  بس هاا مااضمن رده فعلي، انتي المسؤلة

لبابه  اييهم شبيك..

ايهم  بيه البيج  يانور حياتي..

لبابه   رحت للمطبخ هذه مااحصل منه لاحگ ولا باطل..

گليت طماطه  سويت الجاي  كعدت انتضرهن يصيرن
دقايق  حسيت عليه محتضني..

رفعت راسي التفتت  تلمس راسي باس عيوني گال

ايهم: اريد وعد منج لو بعد الف سنه تبقين وياي ماتركيني..

ابتسمت  حجيت
لبابه: لا مااتركك، ماشغت منك اذيه حتى اعوفك..

سحب نفس  عميق من رگبتي گال

ايهم: لبيب شمسويتلي  لدرجه من شفتج ولحد هذه اليوم  انتي بگلبي وجذبني اكثر درجه اريد احبسج بقفص صدري حتى رافقيني كل خطوه  ..

لبابه:عيني بعينه گتله:معقوله لهل درجه تحبني، بس  ماشايفني هواي انته..

حرك خشمه بخشمي گال
ايهم  :اشهر مكابلج وكاعد، وعرفت بيج مماذيه احد درجه  هوااي ناس تجي عليج..

منا بده حبي  الج يكبر بگليبي بعد تعرفي رهيف ههه..

حبي الج  من اول نضره..
نمه هل حب بدون  تبادل..

شايفه الصبار  تكدر تتحمل درجات هائله بالشمي واكثر نموها بااماكن صحراويه ومن تزرعيها حتى لو كل سنه تحطيلها قطره مي هيه عدها شي جبير

واني هيج، نمه حبي الج بگلبي ونمه وحده دون تدخلج..

من حسيت روحي جاهز، تقدمتلج... ورب العالمين لطف بحالي  ..

تدرين حبيت روحج  حبيت كلامج حبيتج من راسج لحد اصغر اصبع برجلج..

لبابه  ربي يحفظك الي من كل شر..

دنك يم اذاني همس

ايهم: وبهل مناسبه  احتركت الطماطه..

لبابه  صحت يااااا  وخرت عنه  لكيتها واصله درجه الاخيره    الطاوه سوده صايره والجاي هم محترك.

ضحك تلمس طرف شفته  گال
ايهم : مريتي نادره منو يلحك بيها..

لبابه  هسه انت مجبر تجيب اكل.

ايهم  شلون ترضين تطلعين  زوجج والدنيا ليل لا وفوكها  ابوج وكلني عسل بدين ثنين...

لبابه اي صدك احجي ليش ضربك؟

ايهم: هجان شكد موكلج سفرجل وزبيب درجه  بعدها بالج.

لبابه: حمدلله الاثنين مااحبهن  وانت  انت ذكرتني ياله احجي ليش ضربك..

كمش اديه گال

ايهم: مدري يامنعول الصفحه گايله  تزوجتج حتى انتقم منج واخذ حگ ابوي  واردج اله..

لبابه:منين عرف،وانت اكيد ماعندك هل نيه موو
وليش ضربك قبل لايتاكد..

هد اديه  فتح الثلاجه طلع مي  گال
ايهم: حجيت الي صار بينه من هددتج ولحد لبارحه  وابوج ماقصر..

لبابه: ثنينكم غلطانين.

ايهم: ابد متصفين وياي.

لبابه لاتنسه هذاك ابوي  والاب  دومه مايتغير عكس الزوج، وابسط مثال عمتي مشاعر  تزوجت توفه زوجهه وتغير عكس جدو الي ماتغير بقه ابوها ومحد اخذ مكانه..

ارتاك على الثلاجه گال
ايهم :يعني تردين تموتيني؟!

لبابه اسم الله عليك بس الموت حقوعليه وعليك وعلى كل بشر بس الي دااوضحه الك  ابوي مو اني اختاريته ربي هوه اختاره الي عكسك انت اني اختاريتك زوج الي، يعني مستحيل اختار من بينكم واحد.

ايهم:اصفيلي على راي  ساعه تموتيني ساعه تحبيني ساعه ماتختارين من بينه بس يا لبيب  هجان گال مابقيها عندك.

لبابه: اكيد مياخذ راحتي.

رفع حاجبه وابتسم گال
ايهم:راحتج يمي..

لبابه: لحد الان اي.

ايهم: يبعد راحتي وعافيتي.

لبابه: شوكت تجيب اكل.

ايهم  : سويلنه بيض يمعوده مابيه اطلع  والله.

سويت بيض  واتعشينه.، غسلت المواعين 

كعدت يمه بالهول مطلع اخبار..

نعست  بالكوه افتح عيوني  مددت على الكرويته  بسرعه نمت..

حسيت على ايهم  غارس اصابعه بشعري وبوسات خفيفه على خدي فتحت عيوني بنعس   ابتسم گال.

ايهم: جان عيشتج الدور  وشلتج وديتج للغرفه بس للاسف هرجان كسرني مااكدر اعيشج هل لحضه  موقت ضربته ثاني يوم  زواجنه

ضحكت گتله:  لا تحجي على ابوي.

ايهم ياله ولج كومي.

لبابه انطاني ايده  ، كومني   رحت للمطبخ شربت مي
غسلت وجهي..

طلعت لكيته واكف مرتجي على المحجر.

ابتسم گال
ايهم:صحصحتي؟!

لبابه اي  حتى النعاس  طار لو مخليني اكمل نومتي..

ابتسم مطط  جسمه گال منطيج استراحه  من لصبح لحد هسه مو كافي.

نهه كلامه بضحكه..

بين ما صفنت على كلامه محسيت غير شايلني.

حجيت بنفعال: لالا ايهم ماتكدر.

ضحك  قرب وجهه عليه گال:  ابوج ضربني بوجهي وبطني  مو برجليه..

لبابه: ايهمم

ابتسم ميل راسه حجه كلمه كلمه
ايهم  : عيونه روحه گلبه كل هله وناسه، يبعد عافيتي، ماي عيوني..

لبابه تره هواي عليه هل كلام.

ايهم:چا لعد انه شگول  وهل عيون كدامي..

لبابه:  خجلت دفنت راسي  بصدره العاري..

ضغط على حضنه گال: من نسلكت عشيرتي على هل خلقه.

لبابه ضحكت بدون مااحجي شي

ايهم: ساكته يبعد الماتو والعدلو،چا هذه هم حضي لو حاجي على  النذل هجان جان لسانج رشاشه

لبابه لاتحجي على ابوي.

ايهم هاا شوفي طلع لسانج، راح تخلين اصلخ ابوج بدعوه  مايشوف دربه.

لبابه: الله لايسمع منك.

ايهم اريد احبسج بقفص صدري، وين مااروح وياي.

لبابه: والله خجلتني.

ايهم:يلوكلج الخجل يبعد الخجل واهله..

لبابه: نزلني على الجربايه، طفه الضوه شغل تيب لام
مدد وسحبني عليه نومني بحضنه..
غرس اصابعه بشعري  ضل يحرك  لحد ماغفيت..

            ''''༺༺༺༻༻༻''''

بسيل والله مااعرف  رادو يشرحوها بس ديسم وبابا ماقبلو..

ردت امي:حسبي لله ونعم الوكيل.

دريد  بقه يم ليث اخذه بره لان يبجي..

اخذت جمان نايمه صعدت لغرفتي، حطيتها على الجربايه غطيتها..

ارتاكيت على تاج الجربايه،   افكر ب ام دريد،  وكلامها الي يرن براسي..

عقلي يفكر   عيني تحركني  ونص راسي يوجعني  هستوني مددت اريد انام..

بجت جمان شلتها  افتر بيها..  اريدها تسكت ماكو..

كعدت جيلان على صوت جمان فركت عيونها گالت

جيلان:   منو هذه

رديت عليها اني واطلع.
  بسيل:بنت ديسم.
هستوني طلعت مااحس غير نجريت التفتت عليها

جيلان: اني بحلم لو بعلم ولج منج من الشيطان، شلون قبلت ام دريد   يجيبها يمج،  صدك مو قبل فتره لو ينصاغ ذهب مااريدها اني ماارتبط بشخص متزوج، وين كلامج..

بسيل وحده وحده  على كيفج يمعوده واحد هل لحضه لو ينصاغ ذهب ماريده.

وام  دريد سلمت امانتها لربها..

جيلان: يااا الله يرحمها بس ليش ماتت

بسيل  مامعلوم.

جيلان خطيه جهالها صغار.

بسيل   دريد كطع گلبي بس يبجي.

جيلان: خطيه، بعد هذه امر ربج.

بسيل ونعم بالله

جيلان لعد شبيها تبجي.

بسيل   يمكن جوعانه..

جيلان  انطيها مميه

بسيل  هزيت راسي نزلنه ثنينه، دخل ليث شايل دريد بيده علاكه سوده وايده الثانيه بيها نستله..

كعد على الكرويته  بحضنه دريد گال

ليث:   حمدلله  ديريد انطاني امل بعد ماتزوج على طيحان الحظ.

بسيل:ليش

ليث:: خبلني يتقنعر كل ساعه مود  ندمني لان عرضت مساعدتي.

بسيل: خطيه لاتكول هيج، صدك اريد ممه وحليب جمان جوعانه..

ليث:  دريد يبقه يمج اطلع اجيب غير هيج مااروح.

بسيل: مو تشوفني شايله جمان..

ليث: همه مو امنوهم عندج انتي تحمليهم والله العظيم تعبني  رايح جاي شايله بس انزله يبجي ويضرب.

بسيل: ماريد شي منك لاتعب روحك.

ليث استلم طنكرت.

بسيل  مو اني ليث.

اخذت دريد وياي صعدت لغرفتي كعدته  على ميز التواليت   وجمان بحضني اسكتها اتصلت على بابا  طول ياله رد..

قبل لايحجي گلت

بسيل:بابا اريد حليب لجمان  ماعندي وبس تبجي.

اخذ نفس زفره گال:ليث وين.

بسيل  : طالع مو بالبيت.

عماد:  رجعنه للكذب،   شبيج انتي وياه؟

بسيل مو كذب بس  تلاغيت وياه  على الاكل.

عماد:   هسه اتصل عليه اخليه يوديلج.

بسيل: اوكي.
سد الجهاز..

  لعبت دريد شوي اخذ على الوضع..  ربع ساعه  نفتح لباب دخلت جيلان بيدها ممه انطتنياها مااخذتها

جيلان: ولج انطي الطفله عوفي عنادج

بسيل:   اني اسوي  .

جيلان  : باله تعرفين لو بس تحجين

بسيل: شرادلها قابل

جيلان: انجبي واخذيها  .

بسيل  جيلان لاتغلطين.

جيلان:تره محترمتج  لحد الان.

بسيل ها هيج صار الحجي.

جيلان:اي والله.

بسيل اخذت جمان كعدت على الجربايه ترضعها  ..

خطيه بسرعه اخذتها.. واضح جوعانه.

نامت حطتها على الجربايه  نومتها

اخذت نفس    براحه   شلت دريد كعدته بحضني   العب بي وهوه ولا يحجي.

خلص اليوم    واني منايمه  بالكوه نام دريد  كعدت جمان  بالف ياعلي نومتها كعد دريد لحد الصبح  حطيت مخاد حتى متوكع  اخذت  دريد نزلته    ريكته كعدته يمي  ..

شوي كعدت امي  وجيلان    بابا مموجو هوه وليث.

امي سوت الغده  وجيلان نضفت.

اخذت دريد شغلتله البلازمه  على كارتون.
صعدت لجمان لكيتها نايمه نزلتها وياي.

كعدت للضهر  اجه بابا وليث  بدلو وطلعو راح يدفنون.

ردات تروح امي  بابا مقبل گال على ثاني يوم.

لليل ساعه 12 باليل  دريد خبصني يبجي   انطيته حلويات مفاد وياه  يريد ابو.
   وصيت جيلان على جمان  نزلت.

شايلته وافتر بي اريده يسكت ماكو قافل بس يبجي.

درجه  كعدت حطيته بحضني وابجي وياه مااعرف شيريد  بس يكول بابا ماما  مايوكعون من حلگه.

اخر  شي گتله
حبيبي شتريد غير اعرف نطلع نشتري  لو جوعان

ضحك  گال بابا رديت عليه
من طيح الله حضي هسه منين اجيب ابوك يعمري هسه نخابر جدو يشتريلك.

عوج حلگه گال:لا بابا 

رديت عليه:اي بابا كال  جدو يشتريله

گال  لا بابا كام  ركض.
خفت عليه كمت بسرعه التفتت. تفاجئت بي
حاضن ديسم ويضحك.

شاله ديسم وتقدم عليه نزلت راسي   مشيت بغير تجاه لان ملابسه حجاب.

وكفني صوته..
ديسم:بسيل..

التفت اله  گتله:البقيه بحياتك.

رمش بخفه گال
ديسم : اخذهم تعبوج .

بسيل انتفضت گتله لا  اني اريدهم بس  اريد اغراضم.

اخذ نفس زفره بااه گال
ديسم:متاكده؟

بسيل:اي متاكده اريدهم يمي ولاتنسه انت وعدت ام دريد..

ديسم:باجر اجيبهن.

بسيل  افضل ليوم  لان ماعندي ملابس ابدللهم.

ديسم:  دريديجي وياي.

بسيل اي طلعه  خطيه.

دريد بابا اريد  اشتري

ديسم:شتشتري؟؟!

بسيل:نساتل كيك عصير.

ديسم:موزين ياكل هل شغلات

بسيل ليش

ديسم  صغير يتسوسن اسنانه.

بسيل  اي خوش بعد ماانطي

سمعت صوت  هِجان حجيت

من شوكت هنا.

ديسم بال11ونص اجيت  اني وهجان.
دخلي جوه قبل لايطلع هجان.

بسيل خوش

هستوني اريد ادخل للبيت  اجه هجان.

ردت ادخل گال:  اوكفي وين متشوفي طلع واني خوش بلا حجاب.

بسيل:   سحبت نفس زفرته مو مال اجادله.
ضليت بالحديقه وهمه بالطارمه يحجون  طولو تعبت  سالفتهم مطوله..

تمشيت من وراهم  وصلت للمطبخ التفت هز راسه  غرس اصابعه  خربط شعره الكيرلي..

صعدت لغرفتي،  جمان نايمه  جيلان كاعده تقره قصص على النت..

مددت يم جمان  بسرعه نمت..

باليل فزيت تذكرت دريم  راح ويه ديسم..

التفتت جيلان ماكو.
نزلت جوه دورت عليه ماكو  فتحت باب الصاله  لكيته نايم بحضن ديسم ليث كاعد يمهم.

اخذت دريد منهم طلعت لغرفتي  نومته   ورجعت نمت..

حسيت الصبح على دريد يكعدني  نزلنه سويه سويت ريوك اله  تريكتنه سويه..

البيت فارغ بس اني والجهال.
لكيت جنطه ملابسهم.

صعدتها لغرفتي كعدت جمان  سبحتها  لبستها اوڤر وضعت  رجعت نامت..

بقه دريد كاعد يمي بالمطبخ  انطيته نساتل كعد ياكل

غسلت مواعين وسويت الغده وكل مايبجي انطيه نساتل عصير كيك هذه عود  ديسم حذرني منهن.

نطيته جهازي   نعس وديته بالهول، نام

كعدت   احس روحي تحملت شي اكبر مني.

مشت الايام ودريد تعود عليه  وجمان تعلقت بيه..
مر على وفاه  ام دريد اربعين يوم  بهل فتره كل اسبوع يجي ديسم  يجيب غراض للجهال مصىف جمان كله منه..

صادف عندي امتحان رحت للجامعه وبالي يم جمان..
بس خلصت الامتحان رحت لديسم رجعني للبيت  لكيت جمان خابصه البيت   امي شايلتها  وتفتى ماتقبل لاترضع ولا تسكت..

ودريد بعد اضرب يردوني  وامي لحد الان ممسويه اكل  ولامنضفه البيت..

بس شافني دريد  اجاني يركض حضني  ديسم حجه وياه راده ماقبل يروحله..
اخذت  جمان من امي بسرعه سكتت ونامت..

نقهرت عليهم لعد شكد انانيه من  اعوف الجهال  يبجون واداوم..

من هذه اليوم قررت اترك الدرايه هذه لسنه  وماعلم الاخيره بس دريد وجمان اهم..

ديسم ماقبل.واصر عليه ارجع بس تفقت وياه ي م الامتحان  وهوه يتكفل بيهم.

بابا گال براحتج امي تخبلت لان قررت هل قرار.

اليوم زواج لبيب بنت هجان عزمونه عليه بس اني ماريد اروح كرهت الروحه الهم..

بس جيلان راحت لان لبيب لحت هواي عليها..

بقيت ويه الجهال  حسيتهم اطفالي مو  اطفال ديسم..

ثاني يوم  رجعت جيلان   هجان جابها..

انطتني جهازها اشوف الصور. اگلب بيهم  نصدمت صوره الها هيه وهجان    صديت الها ارمش گتلها

معقوله انتي وياه وصوره هم

ضحكت گالت
جيلان  لو تدرين شصار

بسيل ولج احجي شكو ليش.

            ༺༺༺༺༻༻༻༻
.
.
.. جيلان عدلت كعدتي  تحمحمت گتلها

باعي لبابه بنت هِجان حجت وياي  رحت لغرفت هِجان  ، دقايق طلعت بسرعه..

وكفت  قريب على الجربايه..   دقايق نفتحت لباب  التفتت نصدمت بهجان واكف.

حضن ادينه لصدره گال
هِجان:شتسوين هنا.

بلعت ريكي گتله: لبابه

ضحك بهدوء گال:مناويه ترجعين..

جيلان:  وين

هجان لگليبي.

جيلان هذه منو الي يحجي، معقوله بحلم ومااعرف..

رفع حاجبه  تلمس شفته گال

هِجان:ليش مو بعينج.

جيلان  لا بعيني ونص بس ياهِجان  صدمتني لان انت مو  من هذه النوع.

هجان اهاا اني هيج ومااعرف.

جيلان:  صراحه اي هيج

هجان:غير انتي ميبستها عليه.

جيلان:لا والله

هجان وداعته ل الله

جيلان   لبابه وين

هجان مو وقتها.

جيلان  شبيك اليوم

هجان بيه بيج..

جيلان لا صدك

تقدم عليه كم خطوه سحبني من ايدي   كعد على الجربايه   كعدني بحضنه  ردت اكوم حضني.گال

هجان: مو كافي عاد، مامليتي.

جيلان من شنو؟

هجان من العناد

جيلان ابتسمت گلتله  ولا انته

هجان:  مليت منج، لدرجه اليوم اجيت برجليه..

جيلان:  شلون مليت مني واجيت؟؟!

هجان:  راسج اليابس

جيلان خنكتني  تره.

زفر نفس بملل گال:اذا انتي زجقصه شسويلج.

جيلان وانت  طنطويل شسويلك مثلا

هجان:غير انتي كاتله روحج عليه هل طنطويل
عوفي هل كلام  الي خمس دقايق احجي  وياك   واطلع.

جيلان: خلصن الخمس دقايق  ياله اطلع لعد

هجان: من كل عقلج اطلع بسهوله؟!

جيلان  اي يعوومري تطلع

هجان من نعلعله  عمرج   عوجتي حلگج وعشيرتج  .

جيلان   خبيث

هجان:بحبي

جيلان لا والله.

سحب راسي  عليه  باسني بين شفتي وخدي  گال 

هجان:مشتاگلج شوگ العافيه

جيلان:  اني هم والله

هجان:شنو الي انتي هم

جيلان مشتاقتلك

هجان مابيها طعم ولذه احجيها بالكاف  هيج حرف حرف  مشتاگه..

جيلا:طلعت معلم وماادري.

هجان انتي وجه رومنسيه

جيلان  : اي

هجان  اگلج المن مكمطه

جيلان هاا

هجان متنزعين

جيلان  فتحت عيوني على وسعهن گتله  ماااا والله راح اروح..

قبل  گمت وكفت،  جرني عليه  مدد على الجربايه گال

هِجان:هيج بغداد  حرفتج  لا والنوب انتي شلونج..

جيلان: شبيها بغداد جنها العافيه.

هِجان:  وانتي جنج ام  حمزه، الي براس الفرع

جيلان: شبيها تخبل

هجان:  اي نامي كافي عاد

جيلان:  هجان  خلصت الخمس دقايق..

هجان صخمان  نامي تره موتيني شكد تلغين.

جيلان:  هرجان ممكن ماتعيدها.

هجان  :شكد تلغين مو دوختيني ونعسان.

جيلان عيب والله اهلك موجودين وبناتك.

هجان:  مااهتم  لكلام الناس يعجبها هلا بيها مايعجبها الف تابوت وراها...

جيلان اهلك

هجان  : صخماان ليش تدورين مشاكل.

جيلان وين  شحجيت قابل.

هجان سلامتج 

طلع جهازه   راسل  گلتله  منو

باس خشمي گال
هجان:  بنت گلبي وراحه روحي.

جيلان  دفعته گلتله وخر لعد روحلها

ختم المراسله   حضني بقوه ضربته برجلي  حاوطهن برجليه گال

هجان: احبج.

جيلان:  فتحت عيوني  صفنت بوجهه گال

هجان:  اعشگج يبعد  عافيتي

جيلان   ابتسمت گتله اموت عليك
مااحس غير دفو على شفايفي  وخر عني  گال

هجان: الله واكبرعليج   خمس سنوات حارمتني  من عسى  روحج بروحي يبعد عافيتي..

كافي نتدخل بخصوصيتهم   نطلع ونسد الباب ورانه بااااي اشوفكم بالبارت القادم.. يتتبع

توقعاتكم للبارت القادم.

ببنات منو تعرف هذه الموقع  الي منزل قصه لم يكن فارس احامي  
قصدي يخص الواتباد اوشنو بالضبط  دوخني للصراحه  ومن دخلت واضح الموقع تركي..