رواية لماذا احببتك الفصل الخمسون 50 - بقلم اورجانزا الطائي

تفاعلو على الفقرات  «كلمات البارت 4500»
وشكرا كلش  هواي لكلامك الجميل  .

رواية لماذا احببتك.
البارت السادس والاربعون 
بقلمي  اورجانزا الطائي
.
.
.
.
.
.
.
.
.
.
.
.
.
.
..گمره..
تدرين هسه محتاج شي واحد اريد تفتحين كامره، لو والله العضيم انشر صورج..

غمضت عيوني بقوه ماعندي غير هل حل ياربي العالمين ساعدني..

سديت الوايفاي  سحبت نفس  رجعت فتحته  دخلت للماسنجر ادور على حساب ابن عمي..

مالكيته بعدين تذكرت اني ممصادقته..

ضربت رجلي بالكاع بضوجه، دخلت على حساب ديسم كعدت ادور بااصدقائه..

لكيت حسابه دخلت عليه كتبت هلو جساس.
افتر بالغرفه  انتضر يجاوبني، ابو البار راسلني  مفتحتها..

عشر دقايق رد

_ منو وياي؟!

رديت اخت ديسم.

رد_ سنين؟!!

عصرت الجهاز  قلدت باله انته لو اخنكك اكو واحد يكول ليش هسه جنت فرحانه لان جاوبت تالي تنعثل اوووو يولي المهم اريد مساعدته

رديت عليه: اي

كتب:شعجب ذاكرتني ان شالله خير

يربي شكد ياكل تبن رديت.
ابن العم مايراد غير بس وقت الشده واني واكعه بشده واريدك توكف وياي..

شاف الرساله   ثواني رد

_ ههه والله كفو بدون لف ودوران نطيتيها من الاخير  خير ياطير شصاير  وياج.

رديت احسن ما  اگول اسئل عليك واني اريد مساعدتك  راح اكتب الي صار رساله وحده حتى ماتاخذ حكم مسبق عليه.

رد _الضاهر السالفه جايده، كتبي بين ما سوي اكل.

رديت:بلسم وين متسويلك هيه.

رد: نايمه وعندي رجلين  وادين  اسوي.

رديت اي  صدك قابل مشلول.

رد اعتبره مدح.

سولفتله من ردوده على تعليقاتي  لحد اليوم.

شاف الرساله طول ياله رد.
_ليش اختاريتيني شعجب ماحجيتي لديسم

رديت: ديسم مو هنا وانت بالسلك تكدر من خلال القانون ماريد سالفه عشاير  .

رد هِجان هم بالسلك.

رديت  هجان وديسم اصدقاء كلش   راح يحجيله وشغله ثانيه ثنينه نعرف هجان مايعترف بالقانون لو نسيت واهم شي اطلبك خدمه لاتنسه بيوم اني ساعدتك.

رد: منو يلحك بيج حاسبتها من كل الجهات.

رديت هسه اريده منك تتصرف وياه

رد:دزي المحادثه البينكم والحساب .

اخذت سكرينات للمحادثه دزيتها لجساس  گال

_خلصت  ليوم اسحله.

رديت لاتسولف لديسم.

_ هه ولا يهمج ماسولف بس بشرط.

_ وهو

رد _ تحذفين الفيس.

_ لا والله، مااحذفه  مو بكيفك.

رد لعد راح اشيل ايدي منج، وخلي ينشر الصور.

رديت ليش تخليني احجي ردتك عون طلعت فرعون

رد:   السنه لاتكملين دوام.

رديت شبيك بابا  غير دراستي..

رد   لعد حذفي الفيس

رديت مااحذفه وطك راسك بااقرب حايط وانته مطلوبلي  لان ساعدتك لونسيت

رد _وحده بوحده

رديت افهمها  شلون متريد.

رد _اخذي راحتج.

طلعت من المحادثه  نزلت جوه  سويت حليب وكاكو  اخذته وصعدت قبل لاتحس امي..

سحبت جهازي فتحته  ابو البار مراسلني دخلت على المراسله فتحتها

كاتب طفشتي.

طلعت من المراسله سويت كتم.

سديت جهازي   طلعت كتاب اريد اقره كافي هواي سختت..

تعبت  بدون مااحس نمت على الكتاب..

كعدت الصبح مكسره تكسر..

سبحت طلعت ملابس المدرسه صدريه سوده  قميص ابيض   شال ابيض.

بدلت نزلت امي وابوي بالمطبخ يتريكون بابا گال..

.. تعالي بنيتي تريگي

بس لازم تدخل امي..

... عوفها اربعه وعشرين ساعه بس تاكل شو مالها نفع بس لسان..

گمره   هزيت ايدي گتله:الف عافيه على گلبكم اكلو ماريد..

عفتهم طلعت  من لبيت رحت للمدرسه طريق طويل ربع ساعه ياله اوصل.

نص الطريق تلاكيت  ويه بلسم صبحت عليها مشينه سوه..

وصلنه  للمدرسه دخلت للصف خلصنه اول درس  كلها طلعت  بقيت  بالصف حاطه ايدي  جوه حنجي، صفنت على حالي.. نزلت دمعتي  غمضت عيوني غلبتني ذاكرتي ليوم  من الايام..

جنت راجعه من المدرسه.. فرحانه  لنجاحي درجاتي كلهن بالتسعين صف ثالث متوسط..

انطيت النتيجه لبابا فرحانه  اخذها من ايدي شافها گال  عفيه..

اله امي ردها موتني: هسه فرحتي كافي عرفتي تكتبن وتقرين بعد ماكو مدرسه كعدي وسكتي.

رديت عليها:ليش ماما مو نجحت.

گالت.:  بنات خالاتج ماكملن انتي المن مكمله..

كعدت اتوسل  بيها: ماما فدوه اني ناجحه ليش هيج  ومشاعر وشوك وبلسم مو يدرسن..

گالت: كومي من يمي  ياله بعد ماكو مدرسه مو مصرف زايد عليه..

گمره بيومها  عافتني كامت صعدت لغرفتر  بجيت من گلت بس ليش امي تختلف عن بقيه الامهات..

مو هذني خالاتي شو يموتن على بناتهن، اله امي دائما تكول الله لو ماخذج ولا جايتني..

اسبوع كامل تعارك بيه وصلت حتى ضرب تضرب بيه..

بس دائما منقذي ديسم الي  وكف بوجهه هيه وابوي
حتى راد ياخذني وياه.

بس ماتقبل لان تعرف ديسم يجي علينه على مودي  ينطيني مصرفي ويطلعني..

اتذكر من بابا گاله ابني الك شقه طابق الثاني  ماخذ غرفتي عافها ويه البيت  وسوه اله شقه بصف غرفتي.. بس غرفتي بابها على البيت وشقته لا اله درج وحد..

كطع سلاسل ذاكرتي صوت بلسم تگول

بلسم:شبيج مغلدمه جنج ارمله.

گمره:  نعسانه.

بلسم: من ترجعين نامي..

گمره هوه هم هيج.

بلسم: عليج لله من مكعدتنه بالاخير يگولون علينه كساله وفوك كل هذه مكان الي  يحجون..

گمره: الورقه تحكم شعليج بالحجي اشو نشاركبس اني مااحب اسلط الضو عليه..

بلسم: ضلي انتي على مااحب وماحب.

گمره: اريد انام بس خاف انام  وتجي عروبه غير  تخصم خمس درجات مني.

بلسم: عاد هيه شلون تريد عليج زله..

گمره شتترجين من صديقه خالتج.

بلسم هههههه الدرس الوحيد الي رسبتي بي العام

گمره  سكتي يمعوده خليني ساكته 

بلسم انسي يمعوده  الفات مات..

گمره اتناسه  مو انتسه.

بلسم درين اتمنه اخذ من ربع قوتج وصبرج، وروحج.
ط

گمره:هذه منو معقوله اني هيج ومااعرف.

بلسم هههه  مو اكولج..

گمره   خلصت الدروس  طلعنه للبيويت  ودعت بلسم كملت طريقي للبيت..
سياره تمشي  وراي على كيف خفت حيل دنيا ضهر..
ماكو احد  بالشارع..

سرعت مشيتي واجذب اذا گلت مخفت عكست لسياره  وكفت غمضت عيوني  بقوه..

دقايق ماكو فتحت عيوني ضحكت  على روحي ماكو احد ولسياره فاتت بالفرع..

غميت روحي  على غبائي، كملت طريقي  وصلت للبيت.

فتحت لباب دخلت، لكيت امي تخابر كاعده على المرجوحه  الي سوت الف مشكله لان ديسم سوالياها..

سحبت نفس دخلت للمطبخ  شربت مي  فتحت الكدرو تمن ومركه شجر. مااحبها تعرف بيه مااحبها  وتسويها مدري ليش..

حميت الجاي  صبيت بكوب حطيت عليه حليب  واخذت نص صمونه صعدت لغرفتي..

قبل لاابدل اكلت لان جوعانه من لبارحه بلا اكل..

  اخذت ملابس سبحت  لفيت شعري بلا تمشيط..

طلعت جهازي من الكنتور   مددت دخلت على الماسنجر   ابو البار داز صوره دخلت عليها انتضرت تحمل..

ثواني فتحت عيوني على وسعهن من الصدمه  گلبي يدك بسرعه  جسمي رجف  دمتعتي لالت بعيني رمشت نزلت على خدي..

منين جاب صورتي باب المدرسه هذه اله اذا مراقبني..
بس منين عرف اني منو وعنوان مدرستي..

جفلت وعلى اثر جفلتي  وكع الجهاز من صوت الاشعار..

اخذت الجهاز  رساله منه كاتب: مدرستج قريبه على بيتي باجر اجي اشوفج وجه لوجه.

خفت حيل منه  اخذت سكرين دزيته لجساس كتبت
جساس هذه عرف مكان مدرستي وفوكاها يهددني يگول باجر اشوفج.

انتضرت مارد  وهذه يرسل ليش هيج صدريتج ضيكه  الكلاب السائبه هواي.

لو _ الله يطيح حضه الي بالي  يضوجج

لو _  دخيل ربج شكد مغروره 

خرجت من المحادثه  شفت الساعه بال5 وجساس ماكو.

حضنت رجليه لصدري  كمت ابجي  خوف قلق ضلام..

سحبت جهازي دكيت على ديسم فوك ال25مكالمه ماير..

  حتى هِجان اتصلت عليه 5مكالمات ماكو..

دخلت بحاله هستريه  اضرب بروحي  اجر بشعري اخرمش بوجهي  مااحس بروحي..

اريد اخفف  الالم الي بداخلي..

   حضنت جسمي يرجف ابجي  واشاهك..

ساعتين  سمعت صوت اشعار  جفلت  وخفت لا هل كلب.

فتحت الجهاز  ايدي ترجف..

لكيته جساس   هستوني اريد اكتب اتصل

فتحت خط  احجي واشاهك.

ليش مو اراسلك ليش ماترد والله حقير، والنبي حتى ديسم وهجان خابرت عليهم بس همه احقر منك مافتحو عليه،  راسي وجسمي يوجعني..

سكتت رد بهدوء: لاتبجين..

مسحت  دموعي  گتله اخاف والله

گال:ششش كافي  اليوم اطيح حضه لاتبجين..

رديت عليه والله

ضحك بهدوء گال:  وداعتج.
عم الصمت دقايق اخذ نفس زفره گال  ياله اخذ راحتج.

سد الجهاز قبل لا اجاوبه..

شمرت الجهاز مددت   ستسلمت للنوم..  للتسعه دك جهازي  شلته  ديسم   خلصت المكالمه رد اتصل  هجان

غلقت جهازي رجعت نمت  دقايق حسيت على  ضربه براسي  وخرت الغطه امي

شمرت عليه الجهاز: ديسم يريدج..

اخذته منها گال: بنيتي روحي من الدنيا  شبيج،

رديت عليه مابيه شي.

گال:صوتج باجي.

رديت لا جنت نايمه

گال:   عذريني لكيتج متصله عليه هوااي.

رديت:جنت محتاجتك وهسه لا اريد انام

گال:  جنت بالمستشفى.

رديت ليش؟

اخذ نفس گال: ام دريت انطتج عمرها..

نصدمت گتله يااا   لبقيه بحياتك حبيبي..
بهيج مواقف يخوني التعبير..

گال  يبعد اهلي وناسي بنيتي عادي ياله متاكده مابيج شي

رديت اي مابيه شي اصلا راح انام.

رد  هايهيه لعد  روحي نامي واقع اجمل ان شالله.

رديت حبيبي والله  وانت هم.

سديت الخط  نطيته لامي هزت ايدها گالت

... بنات اخر زمن

ماهتميت.رجعت نمت..

حسيت ثاني يوم  تعبانه اليوم ولا درست وفوكاها عندي امتحان..

صارت عيني على الساعه 6ونص..

راجعت الامتحان  احس عقلي مو يم الدرس..

اووف شوكت اخلص الخامس   والله اخذ نص حياتي..

بدلت ملابسي اخذت جنطتي نزلت  سبعه اله ربع طلعت للمدرسه..

نفس العاده كملت طريقي  بس هل مره وحدي لان تاخرت امشي بلا واهس..

وصلت للمدرسه   اول درس امتحان  عندي   وست عروبه هيه مدرسه..

ردت ادخل ماقبلت..
عتذرت لان تااخرت بس هيه اكيد مراح تفوتها عليه..

گالت طلعي بره  وين جنتي متاخره  ربع ساعه..

جاوبتها ست اخذتني النوم.

گالت طلعي كملي نومنتج برينسس

رديت: بس هل مره.

گالت  اخر كلامي ماتمتحنين.

اني منا منعول سلفه سلفاي وتجي هذه الي ابد ماانسه دكتها وياي..  تتنعوص عليه..

ردت اطلع صاحت   صديت عليها

گالت:اوكفي يم الزباله، مو عبالج تاخذين راحتج بره..

كزيت اسناني حضنت اديه جاوبتله: شبيج، تره ماتاخذين  شريط  الاحمر...

والله والله اذا ماتخلينب امتحن هسه اشتكي عليج ولا تنسين رسبتي طالبه بس لان شخص طلب منج ودليل عندي.

كافي ماخذه راحتج وانتي تتلاعبين بالدرجات ست عروبه..

تخبلت مني  خزرتني  جرتني من ايدي   نزلتني للمديره..

كعدت تتشكه  على انو هذه الطالبه تتهمني..

والمديره ماقصرت  رزلتني وانطتني فصل اسبوع..

ضحكه ست عروبه رجعتني للسنه الفاتت امتحانات  اخر لسنه جنت  بغرفتي اقره امتحان الفيزياء..

نزلت اخذ حليب وكاكاو حتى اركز..
لكيت امي بالهول كاعده  تحجي عرفت يمنه ست عروبه..

وكفت يم لباب  من سمعت ذكرتني امي ..

... والله ياعروبه تسويين فضل لو ترسبيها هل سنه..

فتحت عيوني على كلامها  معقوله امي تسوي هيج..

ترد عليها تگول: غاليا وطلب رخيص اعتبريها راسبه..

دخلت عليهن   ولا هتمن ضليت صافنه عليهن گتلها   هذه انتي امي  ليش هيج تسوين   ماتكولين بنتي اريدها تنجح وافتخر بيها، شو انت عكس الناس   تسوي  خدمه بس حتى بناتهم ينجحون وانتي تتوسطين الي حتى ارسب؟!!

هزت ايدها گالت: سدي لباب وراج من تطلعين..

كملن كلامهن  ولا هتمن لي..
صعدت لغرفتي ابجي  وادعي ربي  كون غلط الي سمعته..

  وفعلا نهايه المدرسه طلعت  بدرس وامتحنت دور ثاني هم راسبه بي..

بوقتها راحت  من بالي اله ما عدت سنه ثانيه..
وتذكرتها..

كطع سلسله افكاري صوت المديره..

... اخوج لو يسمع مايرضه على تصرفج.

انطتني ورقه فصل طلعت  من الاداره..
كعدت بالساحه..

اجت بلسم تحجي وياي ماهتميت  الها گالت

بلسم: ليش هيج وجهج تدرين ثاير شخابيط خالتي وياج..

هزيت راسي مهتميت..  خلص الدوام
طلعنه للبيتوت وصلت مدرسه الابتدائيه   بالي  ابد مو يم الطريق..

وكفنه نريد نعبر حجت
بلسم:ليوم جساس يجي علينه.

صديت عليها هزيت راسي  واكفين ننتضر جساس..
اجت بنيه صغيره تضحك  وتهرول وصلت يمي مدت ايدها الي  گالت

... يبنيه هاج  هذه ورقه عمو دزها الج.

اخذتها منها ستغربت وخفت  بالكوه فتحت الورقه

كاتب «  خطوات بسيطه دخلي بالفرع   حسبي ست بيوت وانتضريني اجييج واذا مارحتي  اني اجي اخذج ..»

مجرد شفت المكتوب   نفسي ذاق  دموعي تنزل لي يكلك سباق..

بلسم تهز بيه تحاجيني مو يمها..

التفت منا ومنا اختفت البنيه شبه تخبلت  عيوني تفتر منا ومنا

بلعت ريكي  افكار كومه براسي  يخطفني لو يستغلني لو يقتلني  ديسم شگوله   واهلي  اذا عرفو شيصير
صوت السيارات  والطلاب وابو شعر بنات 
اربكني  حطيت اديه على اذاناتي  اريد الافكار تطير

مجرد كمشت ايدي  بلسم  وضغطت عليها  التفتت الها سودت الدنيا بوجهي  انغمه عليه..

ماحسيت غير على صوتبلسم وخالتي..
فتحت عيوني  اريد اتذكر الي صار وياي ماتذكر..

نفتح لباب دخل جساس تذكرت  الي صاير وياي..

بلسم تحجي  خالتي هم تحجي  ابتسمت گالت

.. يخاله  صارلي شكد مشايفتج وجنت متمنيه اشوفج  تالي اجيتيني اليوم  مغميه شبيج يحياتي

هزيت راسي بنفي

صفكت على ايدها  گالت
.... هذه  امج وياج ماكو غيرها   ولك  ييمه شوف شلون مضعفتها وين سنونه المدبدبه..

ضحكت بوجع گلتلها اول شغله مو سببها هيه..

گالت: الله يهديها بس هيج مو هذه وياج بلسم شالعه گلبي.

نطت بلسم: يا يا ليش هيج مو احبج نبع الحنان تره اختلف وياج..

حجت خالتي هيه وتحضني: شفايتلي عندي سنينه جانت  ركعت الشكر..

صارت عيني على جساس الي واكف بدلته العسكريه  حاضن ايد والثانيه  يتلمس بسكسوكته

انتبه عليه  رفع حاجبه  وابتسم گال

جساس : وينها امي التفزعلنه وتسوي صينه لبنت اختها تتغده يمنه..

كامت: خالتي  گالت  ياا واني ناسيه..

طلعت  بلسم كامشه ايدي ونحجي  عاد هوه كعد على الكرسي گال

جساس: من بعد اذنج ست بلسم ممكن تسدين لباب وراج وقبل لاتجي  نبع الحنان تجين.

بلسم: مصالح يالله شوف هذه المخلوق شيسوي.

جساس: ياله وكحه خففي وزن كافي دبه.

بلسم: احلى منك

جساس: اهم شب الاخلاق يابه..

بلسم: على الدبه سولفهن.

جساس شو بعدج

بلسم رايحه يالمصلحجي..

طلعت بلسم،  تحمحم  طلع ورقه من جيبه گال

جساس: هذه الورقه منين.

گمره:من ابو البار

جساس:هسه عرفتي ليش ماردتج تداومين

گمره:هو بعد ماداوم.

جساس:  قتنعتي؟!!

گمره: نفصلت سبوع واهسي مات..

جساس تركي السنه ترتاحي

گمره هوه هم هيج تعبانه..

جساس  احسن شي تسوي.

گمره: اريد ارجع للبيت.

جساس تغدي ورجعي، ليش هيج متغيره وجهج شاحب.

گمره هل كلب ابن الكلب الحقير اخذ راحتي والله طعم الراحه مضايكتها..

جساس: ليوم اطيح حضن وداعتج عرفت عنوانه.

گمره: ياربي انشالله يشوفها بخواته   ويتعذب تعذب يضوك الي ضكته ولو مايستاهلن.

طلع من الغرفه  بدون مايحجي..

شوي دخلت عمتي، جايبه الاكل اكلنه شوي    للعصر جساس وصلني..

دخلت للبيت  امي ولاهتمت صعدت لغرفتي  بدلت ملابسي نزلت جوه اريد اضوجهه..

كعدت على الكرويته شغلت الابلازمه على  سبيستون عليت الصوت،  بيدي جهازي اراسل بلسم..

دقايق  اجت  امي تصيح.

...فاتحه مكوده  ليش الصوت. عالي نصي لا اكسرها على راسج.

باوعت عليها  گتلها بنتج وحيدتج تريد تابع كارتون تحجين عليها ليش..

گالت: عساج لاتهنيتي شعندج كاعده هنا ماتنكبرين لمهجومتج..

  ضحكت  كمت حضنتها نترتني

گالت: امشي عني ياله..

ابتسمت رغم نترتها  قهرتني گتلها: اكبر غلط سواه لله  انطاج ذريه اكو من يستاهلنه اكثر منج..  ولو حرام الي احجي.

اجت رادت تضربني ركضت  للدرج شمرتلها بوسه  بالهوه صعدت لغرفتي..
مشت الايام جساس حل السالفه وابو البار  تركني وبعد ماراسل..

واني ماداوم وامي عرفت  من عرابو  فصلوني وفوكاها عرفو زوجه ديسم توفت

وفوكاها تكول نگلب سحرها عليها هذه السحر مسويته بالمگبره ..

عاد اني مااسكتت  گتلها: ماما  اله اذا مسويه سحر لبابا هل هيج تعرفين  بسوالف السحر وصارلج ساعه  تحجين بالمكابر والهوه مدري شنو الضاهر انتي خبره بي..

مااحس غير  شامره عليه جهازها لطخ براسي..

ضحكت  وكمت اجت وراي رادت تضرب بس نفس العاده صعدت لغرفتي..
ماحجيت لديسم عن فصلي  لان هوه  حاير بهمه..

دخلت للكروب لكيت لبابا تكول  مابعد  سبوع لزواجي.

وفوكاها قانعه جيلان تجي.. كل هذه واني  ماادري..
راسلتهن شويه  بعدها سديته نمت الضهر..
للعصر كعدت  نزلت جوه..

سويت حليب  وككو،  نفت باب الشارع باوعت من شباك المطبخ شفت ديسم  الضحكه ترست وجهي..

عفت الككو طلعت اركض  حضنته   يضحك  يبوس بيه وخرت عنه  گال

ديسم: شلونها گمرنه..

گمره:بخير ماطولك موجود

ديسم  بنيتي  حبيبتي  الج عشر دقايق  تحضرين روحج  انتضرج بالسياره.

گمره هلا هلا من لباب  يابه من يرحون الي اعرفهم كلهم فدوه الك 

كرص خشمي گال
ديسم: خلصت دقيقيه.

گمره ههه لا لا  هسه اجي

طلع صعدت لغرفتي بسرعه لبست بنطرون وبدي  لبست فوكاه عبايه خليجيه..
لفيت لشال شلون مجان نزلت اركض

لكيته كاعد بالسياره  صعدت گتله وين

گال:  بنيتي عدها عرس وماتشتري شلون.

گمره:  يمه فدوه لليفهم.

ضحك گال:   نروح ومن نرجع  عندي سالفه وياج.

گمره:  دريت.
باوعلي صفح گال

ديسم:  من شوكت  ينضم عليه شي يخصج.

گمره:  هم نسيت ههه
وصلنه للمجمع  اشتريت ملابس للحنه والزفه  وبيت وطلعه،  مكياج،  عطور

خلصنه ورجعنه للبيت، واكيد من ديسم موجود ماابقه بيتنه اقيم بشقته..

الشقه نضيفه ماعلم مامفتوحه..
  ديسم جاب اكل وياه  كعدنه نتعشه..

طلعنه فلم  اكشن نتابعه..
خلص الفلم نعست نمت  بغرفه ديسم.

بهل ايام ديسم التها  ويه هجان..

لحد ما ليوم حنه  لبابه..

اخذت  ملابس وياي لبيت هجان..

ديسم وصلني للبيت..

دخلت للبيت  بس شوك و بنات هجان..

سبيل.وبان متغيرات كلش

ضحكت مجرد تذكرت   الي رادن يسونه بمشاعر..

للوحده  دخلت لغرفه لبنات حطيت مكياج  مو كلش قوي.  بس الحمره وردي على بيجي..

حطيت لسبيل مكياج كلش خفيف بس مسكاره وحمره شوي ومورد الع بان محاطه شي غير المسكاره شوك محطت شي

لبست فستاني الوردي   فوك الركبه من فوك لزك على الجسم  لحد الخصر يجي تلث طبقان كشكش تول..
والضهر مفتوح..
وكعب بيجي فاتح..

كعدت اخذ صور  انتضر بلسم تجي راسلتها گالت مااجي.
بلسم معتكفه عن بنات خالاتي  بس اني شوي  ياي..
دزيت الصور الها گالت

...ماكو بعد اكصر منه

رديت عليها  لا  والله

ردت.. ولج والنبي اني خجلت من حجمه هذه يكد لبنت اخوي هههه

گمره: امشي ولي ياله خليني مستانسه ههه
  ختمت وياها المراسله..

رشيت سبري لشعري مالي خلك يتهوس..

شوي  اجت جيلان واستلمتها اله اخليلها مكياج قبلت خليت الها  بدلت..

بدو ينجمعون عكاربنه...
والكال ولكلت سيد الموقف.

شوي اجت لبابه والهلاهل   بفلس..

كعدت مبينه خايفه كعدت  يمها ويه  جيلان.نحجي وياها بس هيه قافله.

سوولها جلوه والحقيره اختارتني وكفت على يمينها..
بيدي شمعه شعور حلو صراحه..

شغلو اغاني    ركصت من گلت بس.جريت جيلان حتى اغث خالتي..
ولبابه حتى هم اغث خالتي..

خجلن رجعن كعدن واني اركص ويه بنات.اقارب ايهم..

كامت بدلت رحت وياها..

للمغرب كلها بدلت بقيت اني ممبدله..

وامي عوزها تاكلني..

صاحتني جيلان وجفصت بااخوها..

تالي گمت  رحت للغرفه بدلت  تراك

طلعت بالحديقه..

تعبت هواي هم من الركص وهم من كد ماضحكت ضحكه مزيفه او مجامله..

نزلت دمعتي مسحتها بسرعه..

ثواني: سمعت صوت هجان

اجه يمي  وكف گال

هجان: اكو عصفوره عازله روحها ليش.

گمره وين عازله يمعود تره  هستوني طلعت..

هجان: منو غاثجگليلي حتى اكسره

گمره ابتسمت گلتله : خالتك، ياله روح كسرها..

تلمس حاجبه گال:  تبقى امج. بعدها وياج

گمره:  الام  يسموها نبع الحنان بس امي نبع الحقد والدغش والغيره والحرمان.. 

اي بعدها ماتغيرت، تصدك  هسه اريد افتح موضوع ويه ديسم حتى انتقل يمه..  

هجان: بيتي مفتوح الج سنين.

گمره: اخوي موجود

هجان: ام لسان

گمره ضلمت ام لسان والله

هجان: ايي ست گمره عبالج نسيت سالفتج

گمره مهمد سلوت واخيرا گلت كمره

هجان: مايلوكلج غير سنين اسم على مسمى

گمره تره  كلها تصيحلي گمره واكثر شخص ديسم لهذه حبيته بس انته  تكول سنين.

هجان عوفي الاسم قبل فتره اتصلتي عليه.
جنت بالفاتحه ومصمت جهازي،  من شف  المكالمه رجعت اتصلت فوك الخمس مكالمات خفت عليج لا سامح لله بيج شي لو خالتي ماذيتج  واعرف خبالج.
ليش غلقتي جهازج؟!

گمره تره واضحه: لان بوقت اتصالي مرديت لهذه بعد مااحتاجك لهذه غلقته حتى اخليك تحس بااحساسي من مافتحت..

هجان: سوالف ديسم كلهن بيج.

گمره ان شالله  دكتوره نفسيه واول شخص اعالجه انته كول امين.

هجان طيح لله حضج  ، عمي بس دخلي مجموعه طبيه  والج هديه خاصه  حسب طلبج.

گمره:تخلصني من خالتك من هسه.

هجان:  اله ازوجج  ياله تخلصين

گمره لا يمعود يطلع اعوج ومرته تمشي ماريد

هجان احسج قصفتي فد واحد يخصج

گمره ايي، نازل من عيني ماطول امي تكوله كوم واكعد.

هجان يبقى ابوج

گمره  ونعم منه بس بالاسم.

هجان لسانج ليوين يوصلج.

گمره: الهدف موجود.

ستغرب راد يحجي اجه  جساس  علينه  خليت الحجاب على راسي  لان هجان بمقام ديسم واصلا هوه جبير  اني بعمر بنته..

بس جساس   لا البس لان مو كل مره اشوفه.

وكف يم هجان گال

جساس:  شلونج گمره.

ابتسمت جاوبته تمام.

ضحك هجان ضرب على ضهر جساس گال:
ابد مو وقتك.

جساس: مصارت العشر دقايق  مو گلت هسه اجي.

هجان:  اروح اجيب الكارت وارجع.

گمره راح هجان   كعد هجان  على الكرسي المقابيلي گال

جساس: ليش كاعده هنا ولد طابه طالعه..

گمره: واذا عادي كلهم  ولد خوالي..

جساس:  حتى وان  ديسم مايقبل.

گمره: واعتقد هم مايقبل احجي وياك موو

جساس: لسانج بطولج تدرين.

گمره  شبيك

جساس: دخلي جوه.

گمره كمت وكفت گتله: واسمع كلامك ليش انته منو بالضبط، اخويه لو ابويه لو زوجي لو خطيبي لو حبيبي شنو موقعك بالضبط.

وكف بمستواي حجه بهدوء درجه خجلني لان رفعت  صوتي   گال: خايف عليج

انتي ماتعرفين مصلحتج وين گمره انتي بريئه لدرجه ماتعرفين نيه الي يحجي وياج..

گمره: بس هجان احجي وياه

جساس: حتى وان يكن

كمره  وليش تخاف عليه ممكن اعرف..

سحب نفس زفره گال: لان يتبع...

......
مشاعر:صدمني، لان لغه طلعته بسبب  فتى.

عفتهم طلعت صاح 
رئيس

اركان:ويين مو گلت طفو الصخام  .

مشاعر  طفيت الضوه طلعت لغرفتي..

مددت  شنو السالفه شبي لغه الطلعه على مود ست فتى لان نايمه بحضنه..

ماكدرت انام  تجددت صليت صلاه الصبح قريت قران...

للسبعه ونص  رحت للمطبخ سويت ريوك، كعدت عمتي كعدنه نتريك..

سئلت عن اركان.

جاوبتها: والله يعمه ست فتى حست واركان مراح  من وراها.

ضحكت گالت: اول طفل يتعلق  بي اركان..

ابتسمت گلتلها: زين عمه شعجب اركان ماتزوج رغم هوه جبير   بعمر هجان واكبر هم..

اخذت نفس زفرته  گالت:بسبب المايخافون لله..

مشاعر ليش.

هزت راسها گالت:  ابو وامه دمرو نفسيته، وحياته..

مشاعر:ليش همه مو طلگو.

ضحكت بستهزاء گالت:بعديش من دمرو دمار خلو مابگلبه رحمه..
رغم قسوته وحقده  غالب عليه بس اركان گلبع ابيض..

بكلمتين حلوات تسحبي وبكلمه وحده تضوجه تكدرين تبعدي الف متر..
بعادته المكان الي  مايحس بالراحه بي يبتعد عنه..

امه شكد تتوسل حتى يروح الها بس هوه ولا داخل بيتها  غير مره وحده..

مشاعر:  غير اكو سبب.

نفس العاده كل ماتريد تحجي مانحسه غير فوكانه تحمحم گال.

اركان:شوكت ينقرضن الدفاتر القديمه..

ردت عمتي:من تتقبلهن  ذيج هسه ينقرضن.

حسيت عليه وكف قريب عليه حجه التفتت عليه گال
اركان: فتى نايمه بغرفتي  راح اطلع مو تنسينها..

مشاعر ايي ابتعد  هوه يدكم دكم القميص باس عمتي من راسها، كعد مقابيلها گال.

اركان: نبع الوفه والحنان لاتهتمين،  فات مات لاتفكرين زياده..

كمشت ايده گالت: ييمه شعندي غيرك،  شلون تريدني اشوف النار تاكل بيك وانه ساكته..

ابتسم بخفه  سحب ايدها باسها  بسرعه وخرتها گال
اركان:طول مااشوفج مرتاحه  اني مرتاح لاتضوجين روحج والنار التاكلني  تتهنه..

مشاعر: كاعده يمهم اطرش بالزفه كلامهم ولا مفهوج خاف خلصت من هجان الي بالكوه افهم منه وكعت بااركان الي  مستحيل افهم كلمه وحده منه..

كام  وكف حجت عمتي: ماتتريك.

غمض عيونه بقوه  وفتحهن گال

اركان: اريد جاي ثكيل يعدل الراس.

ضحكت عمتي گالت:مريتك تسويلك اروح انام تعبانه..

اركان:  مو هستوج جنتي تتگولين محتاج شي شو هسه صارت مرتك موجوده..

ضربت ايد باايد گالت:  ولا يهمك انه اسويك..
كمش ادينها ثنينهن باسهن  گال

اركان: انتي رحمه من لله..

غرغرن عيونها حضنته وبجت   باس راسها گال

اركان: بدون امر عليج مشاعر سويلي جاي..
طلع بدون مايلتفت

ضحكت وگالت: اشرد اشرد بس نهايتها تشوفهن..
بس صوت ضحكته صدرت..

كامت عمتي لغرفتها  حميت الجاي صبيتله بكوب..
اخذته اله للمكتب دكيت لباب دخلت ماكو مموجود..

حطيت الكوب على الميز  وصلت للباب ردت اطلع وگفني صوته  التفتت واكف يم الميز شال الكوب بيده شرب گال

اركان:تعبتج باباتي

مشاعر: وصلت للساني اريد اسئله منين دخل واني اجيت هوه ماكو!

نفضت الافكار جاوبته: مسويت شي حتى اتعب.
هز راسه  طلعت من المكتب حايره منين دخل

معقوله  اتخيل لا شنو لسالفه يووو اعوذو بالله من الشيطان الرجيم.
شبيج مشاعر تخبلتي..

رحت للمطبخ عزلته   بديت احضر للغده كعد سيف..
سبحته وبدلتله  كعدته يمي اريكه..

سيف سوالفه حلوه  بس اذا انتي لاعبتي عكس فتى تجي هيه تلاعب..

بهل وقت دخل اركان گال:  غسلي وجهه وانطينياه..

رديت: وين؟!

رفع حاجب حضن ادينه لصدره  برزن عضلات ايدينه گال: لازم اخذ اذن منج ياله؟!

مشاعر: هاا لا  بس  سؤال..
غسلت لسيف  اخذه وطلع بره اول مره يسويها..

دقايق معدوده   صوت فتى رج لبيت بالبجي..
جابتها عمتي تبجي تصيح بببا  ببا

ضحكنه عليها حست طلع ومااخذها بحيث سبحتها وبدلتلها وهيه تبجي  بالكوه مشطت شعرها خبصتني خبص..

ساعه  كامله  وهيه على صرخه الوحده ماتقبل تاكل تريد ببا شايلتها وافتر بيها اول مره اتمنه اركان يرجع من وكت..

ربع ساعه دخل هوه وسيف بيده كومه علاليك..
هيه شافته زادت بالبجي..

نزل سيف على الكرويته   اخذها مني  تحضن بي وتشاهك يگللها شبيج  مدري شتحجي وجر بشهرها...

بس هوه يفهمها  بحيث
مفهمت  غير ببا ومما  ضحك باسها گال
اركان:  اليوم فتى تصير حبابه تبقه يم امها ومن نام اجي اخذها.

مشاعر: طريقه اقناعه غريبه بحيث فتى تبوس بي  وتحضن ولا يكلك الي قبل دقايق تبجي وتضرب..

انطانياها بدون ماتبجي  طلع الها لعابه كمشتها التهت بيها  نسحب بدون ميبجيها..

نزلتها من حضني كعدت تلعب بالالعاب وسيف كذالك.

ردت اكمل الغده لكيت عمتي مكمله المرمه بس التمن باقي بس ابزله..

كملت التمن  طلعت يمهم..
اذن صليت  ورجعت  عمتي راحت تصلي   بين ماكملت صبيت غده تغدينه  غسلت المواعين  للثنتين ونص كعدت بغرفه عمتي،  فتى وسيف نامو..

هيه وتسولف غفت.. نزعت حجاب مددت  يم الجهال  بصفي فتى نايمه..

مر وقت صحيت على  حركه فتى وضحكها...
فتحت عيوني صار بوجهي اركان  غمضت عيوني وفتحتهن  بعده..

وين يالع حسيت  على غبائي..

اخذ فتى وطلع..
لبست الحجاب الي  تعودت عليه رغم عمتي تگلي حلال تنزعي كدامه..
بس نفسيتي ممتقبلته..

حست عمتي گالت: مشاعر ودي اكل ل أركان..

جاوبتها  وطلعت
مشاعر: رحت للمطبخ  حميت  الاكل، حطيته على الميز..

دكيت لباب، دخلت ماكو مموجود..

ضجت حجيت بصوت ناصي، اووف هل رجال ولا يكعد راحه من  مكان لمكان هسه شمدريني هوه وين  يااخي اثبت بمكاان

سمعت صوت ضحكه فتى التفت شايلها  واكف يم  الميز رافع حاجبه..
تمنيت الكاع تنشك وتبلعني على هل موقف..

تحمحم گال:للاسف مااكبس نوم لهذه لسبب من مكان لمكان.

مشاعر:الاكل برد

اركان:دقايق.

مشاعر طلعت بدون مالتفت،لازم كل مره اجفص كدامه، حطيت الجاي على لطباخ،  رحت لغرفتي.

مرت الايام والاشهر  بسرعه رياح الشتاء البارده..

علاقتي ويه اركان،كلش عاديه على كد السؤال والجواب..
غرفته لحد هل لحضه مداخلتها..

اهلي يمكن تلث مرات رحت الهم ساعه وارجع،راحي ابد مو يمهم.

حسنين مرتين متعارك ويه اركان على انت مانع مشاعر من الجيه..
بس الحلو ابد مگال  هيه متريد تجيكم، يذب الصوج بفتى متكدر من دونه لو ماائمن اعوفها يمكم..

هجان كل خميس يجي عليه يشوفني، ينطي لسيف وفتى فلوس على انو يشترون حلويات بس واضحه قصده لان كل واحد   خمسين  يشتري بيها حلويات وين لاكيها..

فتى متعلقه بي عدها روحها من الدنيا اركان سيف كذالك..

شكد اجفص  بس هوه يعبر مرات يرد بس بضحك..
هيج ماشيه حياتنه لحد ما  قبل زواج لبابه بيوم واحد..

دز عليه لمكتبه، دكيت لباب دخلت..
نفس العاده فتى مكعدها على الميز بصف الحاسبه..

سد الحاسبه گال:باجر عرس بنت هجان..

ردت احجي قاطعني گال: متكعدين  موكفج قصاص؟!!

كعدت على الكرسي  شبك اصابيعه ببعض گال
اركان: كملي

مشاعر: اي  باجر الحنه وعكبها الزفه..

ارتاك على الكرسي گال: حضرو  روحجن العصر اخذكم  تشترون ملابس..

مشاعر: عمتي ويانه غير.

اركان: اي.

مشاعر: اي بس  باجر اريد. ابات يم هجان..

هزز راسه گال: بقت يمج ماامنعج من شي.،انتي ادره بمصلحتج

مرت دقايق  صمت، حجيت تحتاج شي.
كام وكف گال نجج سلامتج، التفت لفتى گال تجين وياي لو يم امج.

تصد لاركان وترجع تصد الي تضكك  حطت اصبعها بحلكها ضحكت گالت ماما.

نصدم بحيث دنك عليها  وخر اصبعها  ويگول
اركان:ها ماترديني..
حضنته من ركبته گالت لا ريدك بابا..

ضحك گال: روحي ويه ماما  نامي حتى ابدل واجي اطلعج وياي.
وخر شعرها تن وجهه گالت  نام

رد عليها: اي نامي واجيج بس اذا اسمع منايمه  ومعذبه  امج مانطلع.

هزت راسها بحركه طفوليه گالت:اي بابا.
شالها باسها من راسها نزلها  اجتني تركض كمشت ايدي.

مرات اتفاجئ عليه شلون يعاملهم احسه يحجي ويه شخص جبير.

وصلت للباب ردت افتحها  مااحس غير هدت ايدي  راحت تركض حضنت اركان من رجلينه ضحك بصوت  شالها گال

اركان: احنه مو تفقنه ليش هيج.

حضنته من رگببته  گالت: بابا حبيبي.

فتح عيونه گال:اريد اسبح وانام.
وخرته عنه كمشت وجهه باادينها الصغار گالت نام يمك.
ارتاك على حافه الميز گال  يوم  يم ماما وباجر يمي

جلبت بي وتبجي بجذب تگول لا لا بابا بابا.
قفلت اله تنام يمه.
عفتهم وطلعت لان باينه ماتجي يمي.

رحت لغرفه عمتي گلتلها  وطلعت  اخذت ملابس سبحت طلعت لغرفه عمتي كاعده
  نطيتها المشط گلتلها:انتي گلتي لاتكصي اني امشطلج.

ضحكت گالت تعالي  شعندي غيرج..

كعدت يمها تمشطلي گالت:شعرج طولان وحليان ابد لاتكصي..

رديت:بسعمه متقصف وكريطيفه   بااطرافه لحد نص ضهري..

گالت: جيبي المك اكصلج.

التفتت عليها مصدومه گتلها: هذه منوو الي تكول اكصه مو انتي مترضين

ضحكت ضربت على راسي بخفه گالت: اكصلج اصبع اصبعين مو نصه..

مشاعر: مو اكول

انطيتها المكص وكفت  مشطته  حددت مكان الكص..

بدت تكص بهل اثناء دخل اركان شايل فتى، لاللحياه ولا للموت.. كعد مقابيلي

كملت كص  نطتني الشعر ذبيته..

طلعت جانت النيه ماارجع بس  عمتي ماتفوتها فايته صاحتني..

رحت الها گالت: تعالي امشطلج

نحرجت  اشرت الها بعيوني گالت: تعالي ولج انتي وياه هم تلعبون حيه ودرج..
ملفلفه من فوك ليجوه شعندج ماتشوفين هل كدوتها تجيني مبنطره..

صارت عيني على اركان   منزل راسه يضحك احي الدمعه وكفت بعيني..

صدت عليه گالت:  وانته لا تفرح تره كرهتني  بالزلم  ولك كدامك جنهاالعافيه

مريتك حلالك  كاعد تتفلسف وباباتي ما باباتي  منين اجيت ابوها  انطيها حنان الاب اي مو بنتي عمه بعيني اي والله

  اني منطيتكم مجال زياده واحد بالشرق والثاني بالغرب، كافي  بهل اسبوع اريد حفيد منكم، راح اموت مشايفه بزرتكم..

مشاعر ميته خجل بس اركان لا وين اصلا من كالت اسبوع اريد اشوف حفيدي  ضحك گال

اركان: اي مو فاتح مصنع، شوكت ماريد ينتج  وين لاكيتها بسبوع واحد تشوفين حفيدج.
على كلامج الي تلعبيهم  شياطين..

ردت عليه عمتي: ولك انت لاتشوفني هيج عبالك مااعرف شي، انته داهيه  بس مو وياي ربيتك من جنت هل كدوتك ولحد هذه يومك  وياك..

تعرف قصدي شنو لاتفرها. وهذوله روحي من لدنيا.

مدد  بالكاع  گال
اركان: لعد سالفه طويله وداعتج.

ردت عمتي: شنهي ليش هيه بكيفك، الغرفه تبقى  لسيف وفتى.

وانت اخذ مريتك بغريفتك واذا اشوفها بغرفه الجهال والله العظيم ارجعها لبيتها واروح وياها وبعد بكيفك

تنحرم منها ومن الجهال.

اركان: لباب مفتوح قابل مانعها.

مشاعر  كبل صديت عليه  عيوني غرغرن دموع  نتبه عليه

گال: يمه لاتضغطين تره لاهيه بحال ولااني بحال..

ردت عليه: انته مخلوس ماتحجي وتكول  لو شلون غير تبادر، مشاعر الاسود ذبي المن  لابسته ورجلج عايش يشم الهوه..

مشاعر  نزلن دموعي بعد  ماتحملت  ابقى يمهم احس اختنكت  تجبره عليه وهو رافض..

كمت بسرعه طلعت من الغرفه  رحت لغرفتي: دموعي تنزل اشاهك  حطيت ايدي على حلكي اكتم الصوت..

بهل اثناء نفتح لباب التفت اركان  دخل سد لباب..
بسرعه مسحت دموعي التفت حجيت: محتاج شي..

حسيت عليه  تقرب  كمش ايدي  نزيت  التفت اله گال

اركان: ليش تبجين.

مشاعر  نزلت راسي محجيت شي..

رجع عاد سؤاله گال

اركان: ليش تبجين احجي، واريد اعرف  شتفكرين بيه..

مشاعر:   مسحت دموعي گلت ليش دائما  تحجون حجي ممفهوم، شنو لسالفه،  وليش عمتي تگول انت احق من سيف عليه فهمني مو والله دخت..

اركان: اخذ وعد منج ماتتغير نضرتج عليه او على سيف، ماكو شخص بالكون مايغلط بالنهايه احنه بشر مو معصومين..

مشاعر: ليش تخوفني..

اركان: سمعي بدون ماتقاطعين.

مشاعر  اترك ايدي واحجي.

هد ايدي  قفل لباب  گال: كعدي  حتى احجي، ومن هسه بس تحجين كلمه وحده على سيف، اعتبري خسرتي ورقتج الرابحه..

مشاعر احجي  حتى افهم ومستحيل احجي عليه يبقى زوجي وحبيبي وابو اطفالي..

شد على قبضه ايده گال: علاقتي بهجان من زمان، اكثر من 10سنوات نختصر قبل زواجه، كعداتنه طلعاتنه كلها سوه..

اهلج يعرفوني وكل فتره اجي عليكم   للبيت..
سيف جان صغير  تقريبا عمره 10سنوات.

ربيته على ايدي،  من اجي عليكم اشوفج تجيبين الجاي الكهوه  للباب يطلع هجان ياخذها منج..

بقيتي بالي،  بس دائما اكول طفله لو متزوج بنتي بعمرها..

مرت السنوات و وعشگي الج يزيد..
تروحين للمدرسه وترجعين بطريقج جنت بس اريد حجه حتى اكول متستاهل عشگي..

بس عبث كل لحضه ويوم يزيد  ماينقص..
سيف كبر ووعه..

انتقل دوامي لغير محافضه، دوامي والمكان الي اشتغل بي  خطر..

جنت من ارجع  كبل لمدرستج، اشوفج من بعيد لبعيد واذا تتذكرين مره  وصلتج بطريقي ويه مرح بنت عمي، بحجه مطر جنتي اعداديه..

الحياة مشت  لحد مادخلتي كليه..
  عرف سيف اعشگ وحده من خلال  كعداتنه..

اخوي عضيدي ابن امي  من لحمي ودمي..   سولفتله عليج طلبت منه يدير باله عليج  فتره دوامي خارج المحافضه..

مشت الايام  واسئل سيف عنج لحد ما بيوم  خابرني بوقتها  راجع للناصريه ساعه وحده ونص باليل الدنيا تمطر.. سيف عرف اريد افتح موضوع امشي عليج..

فتحت خط بعد سلام وكلام  گال:يخوي متفيدك عدها علاقه ويه ولد تحبه ويحبها عدها علاقات..

نصدمت معقوله هيج صارت الف فكره جتاحت راسي..  نسيت روحي  اسوق  مالحكت الف الستيرن سويت حادث وصلت للموت  بس الله قاسملي اعيش..

الحادث اثر عليه بهواي شغلات ولحد هذه يوم   اتعالج بس  الله وحده يعلم الي ديصير وياي..

مشاعر طول مايحجي  دموعي تنزل معقوله هيج صاير..

كمش راسه بقوه  وصل للباب راد يطلع  رحت وراه بسرعه كمشت ايده حجيت

مشاعر: كمل..
صد عليه عيونه حمرر ضغطت على ايده

گال تتاذين..

مسحت دموعي گتله مره ولا الف مره.

رجع كعد  گال: حتى دكتور نفسي  رحت في سبيل استعيد نفسيتي...

رغم الي سمعته عنج   ماتركت سالفتج ضليت وراج.
لحد ما عرفت اخوي الي ائمنته على روحي ومشيت طلع يحبج..

يمكن لو گايليلي ابوك مات جان مهتميت بس اخوي الي ربيته على ايدي يطعني بضهري..

تغلبت على گلبي وسكتت اريد اعرف ليوين  يوصل..
وفعلا وره فتره  تقريبا

بكل عين اجاني گال اريدك تمشيلي على اخت هجان.
من رفضت  يعيرني بمرضي.  فقدت اعصابي  طردته من لبيت..

دخلو واسطات  وناس لحد اجيت بيدي خطبتج لاخوي.

ماشفتج غير ثاني يوم  زواجج..  هذه هيه كل السالفه..

مشاعر  احس گلبي مات بالكوه حجيت : بس  شلون مااا
يث

اركان: منعته بس مفاد  داخل حركه جند****
هذه الحركه اذا واحد طلع منها يقتلو بدون مبرر لان يعتبر   جاسوس..

لهذه سيف بزواجه طلع منها ونتيجه هل شي نقتل..

مشاعر هذه شنوو،  وسيف يوم المات جان واجب وياك

اركان: يدعون الاسلام  ، وسيف مايشتغل عندي.. مو اني الي اخلي اخوي سايق عندي موفرله كل شي.

بس يشتغل ويه هل حركه  بيوم الي عرفت مات كدام عيني  ائمني عليج..

مشاعر:ليش متزوجت كل هل فتره

ضحك بستهزاء گال: انتي نفس هذه الي يسئلو ليش دفنو وهوه ميت..

مشاعر شنو

اركان: هسه كدامج  حياتي  مضام عليج شي، لاتتوقعيني اجبرج على شي.

مشاعر: ضام عليه

اركان  وهو

مشاعر مرضك..

اركان:  عدم  القدره على الانتص **

مشاعر شنو يعني

اركان من سويت الحادث اثر على قدرتي  واكتشفت  عندي ضيق بالاوعيه الدمويه الي تصل للقض**

مشاعر: زين من شوكت وشلون صار هيج

اركان: لان يرتفع ضغطي   واخر فتره ضغطي ولا نزل من وره سيف..

مشاعر: اله علاج  اكيد  لاتهتم  تره عادي..

اركان: بنضرج عادي.

مشاعر: اعتذر

اركان على شنو.

مشاعر: لان صيحت بوجهك.

ابتسم بخفه گال
اركان: تمونين..

مشاعر: حتى لو، زين عمتي تعرف

اركان:لا متعرف وهذه يبقه سر بينه..

مشاعر سرك ببير

اركان: لا هايهيه انفضحنه..

مشاعر: لا والله شبيك.

اركان: كل الي حجيته تنسي

مشاعر ان شالله.

اركان واليوم تشرفين لغرفتي، النه اسبوع لازم  نسوي طفل.

مشاعر  : نصدمت فتحت عيوني گلتله لا

ضحك گال: جديدات مشاعر  ابد لاتنجبرين على شي..
وكلام امي بس رادت تحسسنه  لاتهتمين.

مشاعر:  هذه غرفه  فتى،وسيف.

ابتسم رفع حاجبه بخفه گال:   كدامي للغرفه لعد.

مشاعر  ضحكت  باس راسي

گال بنيتي، ولو عمتج متقبل.

اركان اعشگج دائي ودوائي..

مشاعر: ابتسمت بدون مارد عليه..

طلع من الغرفه للعصر  طلعنه  كلنه فترينه  اشتريت ملابس الوان..

رجعنه للبيت  بدلت لسيف نومته  بقت فتى يم اركان  سبحت  نزعت الاسود..

طلعت من الحمام، لغرفتي هستوني مددت اجت عمتي گالت

... بدون مطرود طلعي من غرفه احفادي.

مشاعر  ضحكت گتلها  وابني

صاحت: يالتتفلسف براسي وينك اركان شو تعال..

ضحكت على التتفلسف   اجه اركان  گال   شنو

وكفت بالباب گالت: اخذ مرتك واطلع.

اركان: مرتي ليش ماتجين مو مال عيني واغاتي.

مشاعر  اجييت

  رحت لغرفه اركان منيم فتى على الجربايه،  كعدت على طرفها

گال:  لاتسوين صوت فتى نايمه اخذي راحتج..

مشاعر قبل لااحجي   فتح  باب الحمام  يمكن بالغرفه

لا ساعه ولا ساعتين بالحمام.
مددت  بصف فتى نمت..

ماحسيت غير على طكطكه  فتحت عيوني الغرفه ضلام..

حسيت عليه سحب فتى من يمي حضنها..

ضحكت بگلبي  ليش هيج يحبها
اخذتني النوم كعدت ثاني يوم    رحت للصالون حفيت حطيت مكياج..

فتى و سيف يم عمتي، رجعنه من الصالون للبيت الحنه  كلش حلوه بس فتى موتتني  تبجي تريد اركان..

لليل كلها طشت  وفتى على بجيه الوحدع اتصلت على اركان تحجي وياه والخبيثه تگول تعال..

فعلا ربع ساعه دك گال بالباب انتضرج
رجعت  بالطريق نامت بحضنه
وصلنه للبيت عمتي حجت على اركان  وهوه ولا مهتم

يگول: شلون ترديني مااروحلها وهيه تگلي بابا تعال

ردت عمتي: مدللها شوف ليوين راح توصل..

ضحك اخذها  وراح للغرفه عمتي اخذت سيف  نومته يمها..

رجعت للغرفه،  نزعت حجابي والعباه بدلت ملابسي
مددت  بينه فتى شالها  حطها من الجهه الثانيه  نطاني ضهره نام..

كعدت ثاني يوم مموجود   من الصبح رحت  بس عفت فتى.

خلص العرس بهدوء..
رجعت للبيت بالليل ماكو شي جديد..

ثالث يوم  الصبح  اتصل  هجان على اركان..
سمعته يگول مكضيه ان شالله،  انه وياك  عضيدي..

الضهر  يريد يطلع گال طلعيلي قميص  الاسود   والقاط الاسود.

فتحت كنتوره ملابسه كلهن عباره عن اللون الاسود

صديت عليه حجيت: اذا ملابسك كلهن لون اسود  شلون اعرف الي تريده..

ضحك هز راسه گال: واضح هذه القاط الاسود وهذه القميص ساده عكس الي بيهن تطريز.

طلع من الغرفه للحمام  ماطول طلع..  عاف الباب مفتوح  نصدمت هذه مكتبه مو حمام!!

تقرب سديت الباب فعلاً  باب تفصل عن مكتبه..

عمتي صاحتني  طلعت هوه يبدل..

رحتلها گالت:  حضري التقديم، بنات عم اركان اجو.

سويت جاي طلعت كيك  حطيتهن بصينه..

اجه  اركان صدمني لابس دشداشه سوده ولاف غتره لفه خليجيه  محابسه الفضه سبحته السوده..
گال من اجه

گلتله: بنات عمك اجو

رفع حاجبه گال:منهم من الشيطان..

رديت والله مااعرف

تقرب عليه گال: انه بعد  اعشگج دائي ودوائي..

سحبني لحضنه گتله شبيك   اركاان، وخر رر

قرب وجهه لوجهي  سحب نفس

گال اااه يمشاعر..
   عيني بعينه  قرب وجهه لوجهي..  ثواني معدوده  ابتعد عمي تحمحم... يتبع