رواية لماذا احببتك الفصل الثالث والعشرون 23 - بقلم اورجانزا الطائي

تفاعلو على الفقرات 🔪

قصه لماذا احببتك
لبارت
بقلمي اورجانزا

.
.
..
.
.
.
.
.
.
.
.
.
.
.
..بعد مرور ست اشهر 🖤

ليوم احلى واجمل يوم بحياتي..

كعدت الصبح من وكت ساعه سبعه ونص ، بدلت ملابسي طلعت للحديقه العاده الي مستحيل اتركها ابلل الحديقه والاشجار حتى تطلع ريحه..

ندكت لباب وابوي وامي نايميين تقربت على لباب حجيت منوو

اجاني صوته الرزن الخالي من المشاعر..

... انه بنت عمي..

رحت ركض تخذت حجابي ،فتحت لباب دخل للبيت انطاني ظهره كال عمي وين صار..

ابتسمت كلت:نايم هسه اكعده

هز راسه كال: طالع بالسياره كوليله خل يستعجل ..

قبل لااجاوب طلع سديت لباب هزيت ايدي ولله متكبر..

كعدت ابوي كتله على حسين
كام بدل وطلع..

بقينه بالبيت اني وامي عزلنه لبيت سوينه اكل..
صارت بالتسعه ونص اجتي مشاعر وخالتي..

بدلت طلعنه اني وخالتي ومشاعر للصالون استلمتني مكياج وتسريحه..

طولت هوواااي تجيب وتلطخ يابه اني سمره شدعواكم تسووني بيضه..

وعمتي يبعد خالتج خليها تبرج برج..
كملنه مكياج لبست لبدله لون فستقي كلش حلوه ..

سوت تسريحه بڤ بسيط من كدام والباقي كله رفعته خلتلي ماشات على شكل ورد..

خلصت من الصالون خالتي خابرت حتى يجون ياخذونه..

بردت كلش لبسوني جاكيت فرو مال عرايس..
نص ساعه واجو غطوني بالبركع طلعنه من الصالون
فتحو باب لسياره..

سمعت صوته يحجي ويه خالتي..
نصدمت شعجب اجه هوه لعد ابوي وين؟؟!

صعدنه بالسياره احس المسافه طويله...

وصلنه للبيت ويه ماردت انزل وكعت بعتبه باب لبيت..

هوه كومني بس شنو تكسرت تكسر من الوكعه..
اخذتني عمتي للغرفه كعدت والدمعه بعيني..

البيت مخبوص لان ليوم حنتي..

شوي رتاحيت طلعوني للصاله كعدت كلها تدك وتركص اله اني الممنوعه من الركص بااوامر السلطه العليا...

اجو اهل خالد جلتني المله للسته المغرب فض كل شي..

باليل كعدت يم امي بس تبجي..

احجي وياها وهيه قافله بس تبجي تكول: حاسه راح يصير شي.. وانتي لزكتي على هذه ال اسمه خالد شبي ابن عمج اشو رجال حوك اخو خيته..

رديت عليها :يماا حرام تكولين هيج صرت زوجه خالد..

كفختني على راسي بخفه كالت: اني خايفه من هذه خويلد احسه مو راحه..

خلص ليوم بعد تعب طويييل..
ثاني يوم الزفه كعدت بالتسعه الصبح، سبحت بدلت
انتضر جيلان تجي، لان هيه تروح وياي للصالون..

بالحديقه افتر يا رايحه ياجايه، صفنتعلى التيل مال الكهرباء الي متروس وايرات...

ابتسمت واني اذكر خالد الي من بعد اربعين ام جيلان رجع خطبني لان ابوي رد الموافقه قبل..

صحاني من صفنتي صوت جيلان
انتبهت لوجودها ضحكت رحت حظنتها..

متغيره كلش حليانه بالزياده..
دخلت جوه سلمت على البنات وامي.

طلعنه ليوم بس اني وجيلان نروح للصالون واحد من الولد يوصلونه..

سألت امي كالت هِجان هوه يوصلكم ..

طلعنه اني وجيلان وصلنه هِجان للصالون..

خلت المكياج لبست البدله البيضه مجرد باوعت لنفسي بالمرايه نزلت دمعتي..

سوت تسريحه ، جيلان خابرت حتى يجون ياخذونه..

شوي اجه هِجان اخذنه للبيت الطريق كله مشغل اغاني..

وصلت للبيت نزلتني جيلان ودوني للمضيف
كلها تهوس وتركص جيلان اختفت مدري شكد مر وقت واجت ، لابسه بنطرون ابيض وبدي كشكش للفخذ لون ماروني لابسه حجاب..

اشرتلها كعدت يمي مدري ليش فجئه حسيت اريد ابجي وانهي هل زواج دون سبب..

هدتني شوي كالو اجت الزفه كامت من يمي دخلن النسوان يهوسن..

... اخونه خوش اخو يستاهل الهوسه.
فشخني تفشخ بالجكليت..

شوي ابوي دخل خالد لابس قاط اسود وقميص ابيض.. شكد حاولت وياه يلبس دشداشه بس هوه رافظ..

وصاه عليه سلمني بيده وطلع..

كعد يمي همسلي: طالعه حلوه..

اني ابتسمت تفاجئت بوحده من كرايبه كالت اجه العريس والكذله تهفيله مدري شكالج وانتي غمزتيله

💃🏼💃🏼💃🏼💃🏼💃🏼 كللللللللللووووووشششششش

اخذنه شمعه بينتكم الفلووسس متفيييدكمم كللللللوووووشششش

جبالك ورده تشم بيها بس كونكللللللللللووووووشششششش

سبع ساعات بالصالون لاتلعب بكذلتها كللللللللللووووووشششششش

ادلل خوويه دللل فوك الميه نحط ميتيين 💃🏼💃🏼💃🏼💃🏼

كللللللللللووووووشششششش

«مامليتو كافي خل نكمل 😂🔪+ حافظين هوسه مال عرس لو الديجي كافي ووافي »

خللصو هوسات طلعنه من البيت رادو يلبسوني عباه ماقبل الشيخ ابو خالد لبسني عبايته...

الزفه ماطولت هواي.. وصلنه لبيتهم ذبحو ذبيحه
قبل لاندخل للبيت..

دخلت للبيت كعدوني بالصاله صار المغرب جابو الاكل كعدو ياكلون

اجت ام خالد الشيخه صعدتني لغرفتي..
حجت وياي طلعت..

دقايق سمعت هوسه يم لباب دخل خالد يضحك.

سد لباب، تقرب عليه باسني من شفتي لعبت نفسي

حاولت اتملص منه.. حجيت وياه بس نصلي صدمني من ماسمع ال..

تقرب عليه خلعني ملابسي احساس مكروه ولا حبيت نفسي لعبانه جسمي متشنج درجه بهل لحضه تمنين لو مامتزوجه..

ثواني حسيت باالم فضيع درجه دموعي نزلن دفعته ردت اوخر جرني من ايدي شمرني على الجربايه ..

حظنت رجليه العاريات ابجي ماريده يتقربلي كرهت قربه الي..

سحبني من رجلي ضربني راجي اذاني صوفرت

دموعي تنزل مااكدر مارريد ماريد قربه نفسي لعبانه
من قربه... تقرب مني وصار الي مفروض يصير مستحيل انسه هل يوم..

درجه من لعبان نفسي دفعته بقوه وتقيئت بالكاع.. مااحس غر جرني من ايدي و..

•
•
•
•
•
•
•
•
اصعب شي بالحياه بالنسبه للرجل عندما يعشق بجنون..

احبيت انسانه عفويه خليط من التوت واليمون..
انسانه متفائله بالحياه.. صغيره بالعمر لاتعرف المسؤاليه جاهله ما يخبئ لها القدر ف هي لاتعرف شي اسمه العقل.. تفعل مايقول لها قلبها فهو اساس خرابها...

تلث سنوات 1,095 يوم كفيله توكعني بحبها

اوقات تخليها على الجرح يطيب ومرات تخليها على الجرح يلتهب من كلامها...

انسانه مختلفه من كل الاتجاهات شخصيه بشوشه وفرحه لابعد حد ممكن..

الاقارب كلها تعرف بنت عمي الي من اجت للدنيا ولحد هذه يومي..

جنت اشوفها طفله لااكثر لان سكني قريب عليهم..

فتره نتقلت للبصره.. تقريبا 9اشهر وتلث ايام رجعت للناصريه، الوالد اكل راسي بسشوفها جنها العافيه، عاد صدك صدفت ورحت زياره عليهم..

سلمت على عمي وزوجته..
ماشفتها كعدت يمهم فوك لساعتين وهيه ماكو..

قريب ما ردت اطلع اجتي هستوها كاعده من النوم شعرها منكوش والوجه مورم والحواجب مغنبدات

شكلها يخليج صافنه عليها.. من شافتني صفنت شوي بعدها سلمت عليه طلعت..

اني هم ودعتهم ورجعت.. للبيت صعدت لبيتي فتحته دخلت قفلت لباب.

شمرت القميص والبنطرون على الكرويته تعبان مووت حر عاد تموز بعد بالناصريه شلون تصير..

سبحت طلعت شغلت المبرده والبنكه مال الغرفه نمت..

كعدت المغرب على صوت الاذان صليت كملت شغلت لتلفزيون على فلم مصري..

سحبت جهازي خابرت ابو نصير على البيت شصار مصار عليه..

الوالد انطاني قطعه.. سلمتها لابو نصير خلفه يبنيها تصير بضهر بيت اهلي

بس الوالد قفل يريدني يمه اني قفلت اله اطلع خارج لبيت..

عاد انطاني الطابق الثاني الي رممته وسويت بابه خارج..

مشت الايام تركض ركض كل يوم وساعه ودقيقه وثانيه يزيد حبي لهل طفله..

مرات اصفن ليش اضلمها وياي.. وهيه صغيره.

صدفه بيوم ابن عمتي خطبها بيومها مدري شصار بيه.. احسها قطعه من روحي راح اخسرها.. بااي لحظه..

يوم كامل.. حالتي حاله بس لله يعلم بيها صراع بين العقل والقلب عقلي يكول طفله حرام عليك تحرمها من احلى لحظات حياتها.. وگلبي يكول محبوبتك وبنيتك شمحلاها تربيها على ايدك بنيه گلبك مستحيل تقصر عليها بشي..

سرعان ماانفض الافكار وارجع اكوول لا طفله اروح اضلمها..

بس مستحيل اكدر اشوف ابن عمتي زوجها..

صدع راسي من كد مافكرت بيها طفله صغيىونه شلعت گليبي..

طلعت ويه صديقي مصطفى ...وكفنه لسياره بنص البستان .. جكاره وره جكاره
مااكدر اوكف احس حمل شكبره على گلبي..

ضحك ضربني بوكس بيدي كال: بشرفك هل كدوتها وشالعه گلبك..

التفت اله زفرت نفس وياه حسره طالعه من گلبي: شالعته وملوعته هم...

سحب الجكاره من ايدي كال: تره سهله البنيه مسمايه الك.. وانته ابن عمها تكدر تنهي عليها..

سحبت الجكاره بقوه: الف مره كلت مااتزوج اجباري شصخم بتمثال يمي اريدها راضيه قلبا وقالبا ماريد اجباري خاصه نهوه ماريد هيج يزيد كميه الحقد..

.... بس فهمني انته شلون بيك تريدها ماتوافقك وماتتزوج غيرك وحضره جنابك الموقر مامعترفلها لو كايل اريدها..

نزلت الجامه شمرت الجگاره بالكاع:حجيت يابه اذا الله قاسمها الي لو بعد الف سنه هم ترجع واني استقبلها بكل حالاتها.....

.... ههههاااااي والله عندك خلك لنفترظ مارجعت طول العمر هم تنتضرها..

مطيت جسمي حجيت: لابد زوجها يموت تتطلك ذيج هسه اتزوجها ههههه..

مصطفى خابرو راح واني رجعت للبيت...

صعدت لبيتي فتحت لباب دخلت سديته مددت بالصاله تعبان..

شوي دك جهاز طلع المتصل عمي..

فتحت خط طلب مني اروحله..

كتله ربع ساعه سديته سبحت بدلت رحت لبيت عمي كعدنه بالحديقه..

عمي فتح موضوع موده وياي جوابي متغير نفسه تكبر وهيه تختار واله مااختارتني ذيج هسه قلبا وقالبا.. خيتي..
تفهم الموضوع وسد لسالفه..

مشت الايام لحد مابيوم صادف عد كرايب الشيخ فاتحه هنا اكتشف الي موده كبرت ووعت..

واكفين بالبستان عفت خالد ودخلت للبيت ربع ساعه رجعت وانصدم اشوف خالد وموده واكفين سوه قريب عليها كلش

اني ابن عمها ماواكف وياها هيج..

ضجت منها عفتهم طلعت من لبيت كله..

طلعت للبستان الي شهد على حبي لموده..
كعدت على الحشيش مرتاك على البنيد مال السياره.. اشرب جگاير..

دقايق سمعت صوت دراجه التفتت ضحكت حجيت شجابك متكليي..

مصطفى وياك لحد لوحه هههههه غير عضيدي شلون ترضاها ماجيك.

اخذت نفس من الجكاره زفرته.. شلون عرفت اني هنا

سحب الجكاره كال: جهازك مغلق..

استغربت واذا مغلق؟!

ذب الجكاره بالكاع داسها برجليه كال انه وياك من الصغر عضيدي وابن عمتي شلون ترضاها مااعرفك..

دومك من تعصب تفضل الوحده ،تغلق جهازك والجكاره هذه متفارقك..

ضحكت بصوت حجيت عمي انته اخوي مو بس ابن عمتي..

كعد يمي طلعت جكاره اخذها من ايدي وشمرها كال

من دنعل الساعه العرفتك بيها كاافي ماشبعت ولك اني ولا اشرب جكاير بس اخذ منك من تشرب ماريدك تتاذه تالي تطلع جديده..

ضحكت ضربته على ضهره حجيت يابه تهوون تهون وتصير سوالف هذه تلوكلك اكثرمن الخوف وداعتك..

هستوني ردت اسحب الجكاره مااحس غير نجر الباكيت..

الكلب كسر الباكيت شمره بالكاع ضحكت فتحت باب لسياره طلعت التكه من الجكمجه اخذت باكيت طلع جكاره..

هز ايده كال ولله ولا اخذ منك هل مره...

مصطفى يعرفني اذا ضايج وماريد احجي درجه اصلا م يسأل ليش ضايج..

صار المغرب رجعت للبيت الطريق كله افكر بهذه الفصعونه الاخذت تفكيري..

••« تسريع بالاحداث»••

مرت الايام.. مابيها شي جديد غير شلعان گلبي..

لحد مابيوم عمي جمعنه كال جايين خطابه لموده من عشيره ثانيه ابن الشيخ خالد..

سيطرت على اعصابي مابدر مني اي تصرف خطا مرتاك على الرچوه مال الديوان احرك اصابعي بيها..

محد اعترض على زواجها..

طلعو الولد بقيت بس اني والولد وعمي كالي انته رايدها..

نفس الجواب الي تعودو يسمعو..

اي بس اذا قبلت هيه دون خوف اريدها توافق هيه مو تجبرونها..

ضرب على رجله بخفه كال:هذه هو موده الك.. احسن من الغريب

بسرعه اعترضت: لا عمي عليك كفيل زينب اذا تجبرها على شي، وانه مستحيل اتزوج وحده ماتكنلي بالمشاعر..

وبنتك مو سلعه ياهو اليعجبك تشمرها عليه.. احتمال اني مااستاهلها اكو الافضل مني..

.... بس انت ه ابن عمها وااوله من الغريب..

اخذت نفس وزفرته بملل: واحتمال الغريب يدللها. ويعاملها احسن مني شمدريكم انتو..

وعمي هذه كدام ابوي موده اذا مقبلت تحرم عليه حرمت اميمتي واخيتي..
ليوم الدين..

هز راسه كال لعد اشوفها شتكول اذاموافقه ارد موافقه..

هزيت راسي.كتله بيها الخير ان شالله

عفتهم صعد لبيتي.. صعبه حيييييييل تحب شخص ميحبك..
طفيت الضوه كعدت اشرب جكاير كل حسره تطلع مني احسها حركه على گلبي..

ثاني خابرت عمي طلبت منه اشوف.موده..
عسا وعل من اسمعها تكول مااريدك اريد خالد اكرهه..

سبحت بدلت طلعت لبيت عمي..

حجيت ويه عمتي كالت هسه تجيك.

سحبت جكاره سحبت منها نفس زفرته صارت كدامي مدنكه راسها.. اجتاحتني ذكرى من مشيت عليها رفضت مره الثانيه حجيت بيها عمي كالي اخذها مكبعه بس هنا اني رفضت..

اعترفتلها بحبي كامت تبجي عافتني ومشت من هذه ليوم بعد ماتواجدت ويه موده بمكان واحد..

طفيت الجكاره بالمنفضه
تحمحمت وكفت... عدلت تيشيرتي، ابتسمت ابتسامه يادوب تبين حجيت: تعالي موده.

كالت: هاا ايي اجييت.

مبينه خايفه موده شبيج تعالي هناا .

موده هاا اي اجيت

تمشت لحد الكرويته المقابيله رادت تكعد حجيت

موده تعالي هناا

كالت هاااا بببسدك..

ابتسمت رفعت حاجبي الايسر مسحت على لحيتي حجيت:

لايشطح بالج انتي بنيه عمي وانه بيتكم كاعد تعالي هنا على هل الكرويته وين شارده باخر لديوان..

محجت شي كعدت مسافه بسيطه تفصلنه

تحمحمت حجيت:

موده انتي تعرفين منو انه وشنو انتي بالنسبه الي.
انه خطبتج من عمي

وعمي كال اخذها مكبعه

وانه رفضت واذا متصدكين سألي امج جانت شاهده كتله يعمي انه مااخذ بنيتك اذا مو برضاتها كال مو بكيفها اهي اله كتله لا وقسم بالله العلي العظيم
والكفل زينب اذا مو برضاتها تحرم عليه حرمه اميمتي واخيتي

وعمي وعمتي ثنينهم موافقين

بس انه حجيت وياج اذا تتذكرين يابنت الحلال انه احبنج ورايدج زوجه الي.

بس انتي الله يحفظج رفضتي وبعد ماشفت خلقتج. لحد هذا يومي

والبارحه عمي اجانه كال جاييج خطابه واجه يشوف منهو منه رايدج وحجه ويانه

وكالي انته رايدها لولا وانه ماجذب عليج كتله رايدها

احجي هيه مدنكه راسها من كلت رايدها رفعت راسها باوعت بعيوني ليتها ضلت مدنكه مارفعتلي راسها..

باوعت عليه عيونها مدمعه صفنت بعيونها عكدت حواجبي حجيت:
المن هل دموع
حجت بصوت اشبه للهمس بس مال وحده تريد تبجي..

موده مممابيه اشيي

زفرت حسره حجيت چاا المن هل دموع

هزت راسها بنفي كالت هجج

اخذت نفس حجيت موده انه اليوم جايج متعني اريد اسمع موافقتج
انتي تهوييني لولا..

وثقي بكفيل زينب والسبع سماوات كلمتج ماتوصل لعمي حدها لهنا « دك على صدره » وماتطلع لحد ماتطلع هل روح منه..

وانه كايلج هاويج ورايدج زوجه وانتي بكيفج انه حلفت بكفيل زينب وقسمت اذا انتي ماموافقه تحرمين عليه حرمه اخيتي واميمتي..

شهكتها احسها شكت گلبي ماتحمت تقرب عليها احساس بداخلي يريد يحضنها يكسر ضلوعها..

رفعت راسها تلاكت عيوني بعيونها بلعت ريكهت وصلتني..

حجيت بثقه اريد اثبت لگلبي هيه متحبني..

هاا يبنت عمي باينه ماهاويتني تكلمي هيه كلمه وحده اي ، لا وانه ابقه سندج من بعد عمي.

عيوني بعيونها عندي امل واحد بالميه تكلي اي..

كالت لاااا احسها جابت سجينه وطعنتها بگلبي..
غمضت عيونها شكلها حركتها الطفوليه تغري..

تقربت عليها بستها من كصتها ووخرت بسرعه

هيه تصنمت ضحكت حجيت اقنع گلبي وقنعها..

تره اني بايس اخيتي ومن اليوم انتي اخيتي وتحرمين عليه ليوم الدين وكلامج وياي ميطلع من هذه الديوانيه بس تطلعين عتبتها تمسحي من ذاكرتج.

غمضت عيوني فركت وجهي بقوه اخذت نفس وزفره

مااتحملت طلعت وكفت بعتبه لباب حجيت

استودعج بالله خيتي الغاليه..

كل كلمه احجيها اقنع نفسي بيها..

طلعت من لبيت صعدت بسيارتي وطريقي اخذني لكربلاء.. وصلت الامام الحسين واخين العباس زرت نخيت العباس تتيسر بحياتها..

رجعت بالطريق المغرب.. اتصل عمي كتله خليها تتزوج بيها الخير..

سديته وياه سقت بااسرع مااعندي اتذكر كل كلمه كلتها...
طريق السريع امشي لحد ماوصلت الناصريه بعدني هستوني مشيت مسافه..

صارت كدامي مره لفت لستيرن ماسيطرت نضربت سيارتي بالوري.. سيارتي تتكلب بيه راسي يصوفر مالابس حزام الامان،

نركعت بالجام الامامي للسياره اخر شي حسيت عليه السياره مكلوبه.. يتبع...

توقعاتكم للبارت القادم

صوتو
القفله عاديه خوو 🙂