رواية لماذا احببتك الفصل الثاني والعشرون 22 - بقلم اورجانزا الطائي

بعد مااكللكم تفاعلو لان راح اتعامل وياكم بالقفله 😂😎

قصه لماذا احببتك
لبارت العشرون
بقلمي اورجانزا

.
.
..
.
.
.
.
.
.
.
.
.
.
.
..
بسيل..
رجعت ويه ليث مصارله هواي من اشتره سياره..

ليث الطريق كله يضحك عليه لان هيج حجييت
وصلنه للبيت واني هزيمه ياعرب كبل لغرفتي
سديت لباب عليه ولله اذا تشوفني امي تقتلني بدم بارد لان طلعتها كذابه...

بدلت ملابسي ،اخذت جهازي اتصل رقم غريب فتحت خط بدون مااحجي.

اجاني صوته الهادئ: هذه سادس صدفه تجمعنه سوه وكل صدفه اكول ماريد اواجها
بس عبث.. بنت عمي الغاليه لهل درجه متحمسه تتعرفين علينه واني ماادري..

اخذ ت نفس زفرته بملل استاذ ديسم.

حجه بهدوء مغلف: ايي استاذج هانم

بس العفو انته منين اجيت استاذي..

حجه ببروود: يابه ابن عمج مو استاذج.

حجيت بندهااش: ياا الله شهل معلومه الغريبه..

ضحك بهدوء كال:تصبحين على خير

قبل لااجاوبه سد بوجهي الحقير..

ذبيت الجهاز على الجربايه كمت بدلت ملابسي مددت ونمت.
كعدت الصبح نزلت تريكت امي محجت وياي
وبابا طالع.. حاولت احجي وياها ماقبلت وليث يحشش عليه..

للعصر اجه بابا حتى بدون سلام راح لمكتبه سد لباب
نص ساعه تقريبا.. دكيت لباب دخلت.

مرتاك على الكرسي كامش راسه..

عدل كعدته وابتسم كال:تعالي ام الجفصات..

ضحكت بااحراج تقربت منه كعدت يمه..

حجه وهوه مبتسم: شبيج بنيتي احسج مهمومه..

دمعن عيوني من كلامه، ابتسمت حجيت: امي متقبل تحجي وياي..

ابتسم كام وكف عدل بنطرونه الرسمي تقدم عليه حط ادينه على اكتافي كال:امج اساس الغلط و انتي كذالك..

لان كذبتي امج كدام ابن عمج وصديقتج.. وغلط امج نسبتج خطيبه اخوج واني ماراضي على الاثنين..

بنيتي انتي بعدج صغيره متعرفين شي..
انتي اكبر هموومج ليش امي متحجي وياي عكس باقي البنات لان اني موفرلج بيئه مختلفه كليا عن بقيه المجتمع..

بعض الي بعمرج حاليا متزوجه وعدها سره اطفال..
بس بنتي اريدها هيه تختار مستقبلها بيدها ماريد بعد كم يوم او سنه تدعين عليه..

اريدج تذكريني بالزينه من تكولين ابوي كون تفتخرين ونكولين هوه سندي..

حسبي حساب بس هل 6اشهر انتي واخوج بالعراق.

رغم كلام بابا كان تشجيع وتفائل بس نقبض گلبي
من جاب سيره الموت من وحدهن دموعي نزلن.. يعني ابوي يريد يفترق عنه بشي او اخر..

مسح دموعي وضحك بهدوء: ليش لبجي يروح ابوج

حظنته وحجيت بين دموعي: بابا ليش تريد تفرقنه..

اخذ نفس طويل وزفره كال: اوف يبسيل مو اكلج انتي ماتعرفين شي، ابعدج عن عمامج اخلصج منهم اني مااضمن حياتج بعد موتي..

ملت راسي حجيت بخوف:بااابا فدوه عوف سيره الموت ليوم شبيك..

باسني من راسي كال: الموت حق عليه وعليج وعلى امه محمد..

استهضمت حجيت: بس بابا على كولتك حبل الكذب قصير لابد اله نهايه..

اذا مو ليوم باجر يعرفون عمامي عندك بنيه..

مسح على راسي كال: بنيه ابوبها صايره تحجي.. فتره بسيطه واعلنج كدام عمامج، تتعرفين عنهم وبتدها تسافرين متبقين هنا لان العراق مو امان الج والاخوج.

هزيت راسي، ابتسم كال: لاتزعلين عليه

ضحكت حجيت:ماازعل بس بشرط

حظن ايد لصدره والثانيه حطها جوه حنكه ،رفع حاجبه الايسر كال ان شالله خير ماطول بيها شروط..

ضحكت حجيت: ابوي ومن حقي اتشرط عليه..

ابتسم كعد على الكرسي لمقابر

حط رجل على رجل ،حظن اصابعه ببعض كال : بنت ابوها تتدلل خيطي وانه البس..

ابتسمت كلت: كولي ليش انته ستقريت ببغداد وانته اصلك ناصريه وامي انباريه.. وليش ماتقبل امي تشتغل بمهنتها واختصاصها.. والاهم ليش ماتزوجت بنت عمك.

ضخك ضرب ادينه ببعض كال انتي كلتي شرط والشرط صار اسئله..اختاري واحد بس اجاوبج عليه.

حجيت بندفاع لا بابا فدوه صارلي شكد اريد جواب وانته متكول لخاطري فدوه جاوبني على الكل..

هز راسه كال: اربع اسئله وكل سوال رادله ساعاات
واني مصارلي هواي من رجعت..

نزلت راسي حجيت.هم صدك لعد كلي ليش ماتقبل امي تشتغل بمهنتها واختصاصها..

مط ادينه كال: امج اشتغلت بمهنتها وهيه المحاماه مايقارب ست اشهر .. ربحت اول قضيه وجان الجاني موكلها... لهذه تركت من عرفت هيه مدافعه عن شخص مجرم حاولت وياها بس هيه رفظت رفظ قاطع.. صادف بوقتها جنت خاطبها..

لعد ليش احنه مندري شو كل مانسأل تكول ابوكم ميقبل.

ابتسم كال: بس بنيتي الصغيره متدري وله اخوها يدري..

هاا ليش بابا تره اني ولله كبرت وهذه السنه الرابعه الي بالجامعه.. بنتك الصغيره كبرت.

مسح على راسي كال: بس بنضري تبقين الي تركض وراي وين مااروح... هسه ياله كدامي لان تعبان..

حجيت بزعل: يعني تطردني

ضحك كال نعم اطردج..

طلعت رحت لغرفتي.. باليل نزلت ليث صاحلي حتى اتعشه..

كعدت بس مبين بابا ميحجي ويه امي..

كملنه اكل غسلت المواعين امي راحت لغرفتها وليث طلع يجيب حلويات واني سويت كهوه ساده لبابا
وديتها اله بالمكتب مقبل كال اكعد يمج انتي واخوج..

اكثر شي احبه ب بابا حتى لو متعارك ويه امي ميحسسنه موفرلنه جو عائلي دافي بعيد عن المشاكل الي تصير وياه هوه وامي او بعمله..

كعدنه بالصاله شويه واجه ليث..

ليث يحشش عليه لبارحه بابا مقبل..

مددت على الكرويته نعست بس مالي واهس اكوم من يمهم..

حسيت على بابا يكعدني.. كمت صعدت لغرفتي.

اسابيع مرت خاليه من الاحداث غير ديسم يخابرني واني ارفض..

كعدت بالثنتين باليل نزلت غسلت وجهي ، للمطبخ حطيت القوري طلعت بيضتين سلكتهن وقشطه شيفت طماطه حطيتهن على الميز.

طلعت الخبز حميته.. رحت للمكتب دكيت لباب دخلت لكيته نايم بالكاع على وشك.. كعدته كعد بسرعه حجيت بابا ياله كوم
نتريگ

هز راسه وكام طلعت قبله طفيت القوري كعدت انتضره..

ربع ساعه اجه اجه لابس بنطرون قماش اسود وقميص ابيض كاف رداناته..

كعد مقابيلي كال: صباح الخير يوجه الخيير..

ابتسمت كلت: انته الخيير كله..

تريكنه سوه حسب مافهمت ليوم محاكمه صمد ابن عمي الشيخ..

كملنا ريوك كام طلع لغرفته..
لميت المواعين.. انتضرته كمل تبديل لبس طلع بيده الجنطه السوده والستره والباس بيد..

خله الجنطه والباس المحاماه على الميز لبس الستره
والساعه

باسني من راسي كال: بنيتي العميد خابرني لبارحه
كال عندج اوراق توقعين عليهن مال النقل... وصيت ليث يوديج للجامعه.. ماوصيج بنتي ديري بالج على نفسج..

تفاجئت منه كلت: ليش بابا اوراق ايش.

ابتسم كال: قبل فتره شتفقنه مو كلت 6اشهر وتطلعون خارج لعراق..

والاوراق مال قبولج بالجامعه..

هزيت راسي ضحك باسني من راسي كال ديري بالج على روحج وامج لبارحه تعبانه..

اخذ غراضه وطلع.
شمرت مي وراه سديت لباب

دخلت للبيت شفت لساعه بالاربعه ونص
صليت وصعدت حظرت ملابسي ثوب اصفر منقط بااسود لنص الساق توربان جنطه شوز كعب اسود..

سحبت كتاب أقرأه بيه اخذني الواهس اقره عيوني وجعن من كد ماقريت.. باوعت للساعه بالتسعه ونص.

نصدمت هاي شكد صارلي اقره ولله ولاحسيت..

كمت سبحت، بدلت نزلت ل ليث لكيته كاعد ومبدل

شافني ضحك كال : جهازج وين بداعه العزاز.

بالغرفه ليش

رفع حاجبه كال؛: المن مصمته

صفنت عليه تذكرت جهازي من روحه المطعم ولحد الان مصمته لان ديسم يتصل واني ارفض..

مممم لان الحقيره تخابر عليه ومال خلكها..

هز راسه كال ياله لعد بسرعه لان عندي شغل ليوم استلم الاجهزه..

كتله اي صعدت اخذت جنطتي ونزلت
وصلني للجامعه كالي نص ساعه وارجع الج..

نزلت رحت للمكتب دكيت لباب دخلت
سلمت على العميد صديق بابا..

طلب مني اوقع الاوراق وقعتهن اخذ الاصلي وانطاني نسخه كال تنطينها للوالد..

كمل الفايل وانطانياه اخذته منه ردت اطلع اتصلو عليه..

كال اهلا اي، اي، اي، اي

مفهمت منه ردت اطلع وكفني كلامه كال انتضري بعد ورقه توقعيها اجيبها واجي

ستغربت معقوله العمييد بجلالته يروح يجيب ورقه..

هزيت راسي كعدت ثواني ونفتح لباب شنو لسالفه شبسرعه« كلت بگلبي»

التفت نصدمت منه حجيت دون نفس شتريد.

ضحك بصوت عالي حرك شعره الكيرلي بعدم مبالا: ا ر ي د ج ا ل ج نهه كلامه بضحكه

باوعتله بااستهزاء: حجيت ومنو كللك اني اريدك يايه..

ضحك كال: وداعتج يجي هل يوم بس انتضري بنت عمي..

حجيت بعد مبالا بااحلامك يحلو انته..

ضحك كال: اعرف وداعتج

حجيت بتسائل شنو الي تعرفه؟؟

حرك شعره الكيرلي كال: حلو وغمز

رفعت شفتي حجيت انته ومنو كالك انته حلو وان شالله عينك بالفكسس كول امينن

ضحك كال اميين يارب توكعين بعشگي ولو متاكد..

هزيت ايدي دك جهازه..

باوعلي ابتسم كال اي كدامي

عقد حواجبه كال امم

هاا خوش
غالي انته.

عفته ردت اطلع كمش ايدي نفضتها منه شد عليها ماتحملت ضربته بعكسي ببطنه هد ايدي ثواني مااحس غير ايده ملتفته على خصري هستوني ردت اعيط كال

احجي وياها
خله الجهاز على اذاني

سمعت صوت بابا يكول

بنيتي رجعي ويه ديسم ائمن الج اني خابرته يجيج خطيه جان بشغله واجاج وهسه مااكدر ارجع لبغداد لان حاليا بالناصريه..

حجيت بخوف ليش شكو بابا وليث وين؟؟

يعمر ابوج رجعي ويه ديسم مااثق ب ليث يجي ياخذج..

بنيتي اذا ترديني اخسر القضيه ضلي على عنادج
وخطيه ذات وام جيلان بركبتج...

خفت حيل كتله ليش شكو غير افهم

سد الجهاز مجاوبني وخر عني ديسم كال

كال: ياله امشي صارلنه هوااي نركض وره هل قضيه مامستعدين نخسرها من جهلج..

طلعنه من الجامعه صعدنه بالسياره.
رجعني للبيت دكيت الباب طلعت امي نصدمت بينه

دخلنه للبيت صعدت بدلت ونزلت
ردت ادخل لصاله سمعت امي تحجي ويه ديسم

تكوله:بنيتي هذه قطعه من روحي، ماريدلها الاذيه وانت تعرف كلش زين شصار ويه ذات بنت عمك

هذه هِجان نهه على ذات ليش مو يكدر يخطبها..
الف طريقه حتى تصير اله مو اله نهوه واصلا شلون اله نفس يتزوج وحده ماتحبه..

عمك ضمها منكم صح بس بيوم الي اجينه بالعزيمه هوه راد ياخذ بسيل ويانه بس من كعدنه الصبح غير كال بالبدايه اكلول الهم عندي بنيه باله اوديها الهم
بس من اجينه وصار كدامه النهوه وثاني يوم سمعنه ذات بالمستشفى لا هنا تغير تفكيره..

والله والله يا ديسم اذا بيوم واحد من ولد عمها لبسيل اجه وخطبها فلا ارفظ وهلا بي

بس كتلك احنه نخاف عليها ولعلمك بهل فتره احنه نريد نجيكم احنه وبسيل..

ضحك بهدوء كال:لله كريم خاله بس ارجع واكول اكبر غلط ضميتوها لان اذا مو ليوم باجر تنعرف
وكدامي مامحسوب على الزلم اذا حجيت
ولعلمج لهذه الحضه محد يعرف عدكم بنيه..

ابتسمت لا اراديه على كلامه دخلت يمهم شافوني سكتو اول مرن يكبر بعيني« استاذ مغرور»

حديث الجامعه شكد بنات يتوددله بس هوه رافسهن كلشش مغروور لدرجه مافد يوم شفته يحجي ويه استاذه ماعلم استاذه مرام من تشوفه تجي يمه وشكد تحجي وياه وهو ماداير بال..

صبت امي الغده تغدينه سويت جاي وديتله مقبل يشرب يكول مااشرب الضهر جاي..

خلص لنهار. ودعنه الشمش واستقبلنه القمر وابوي وليث ماكو..

صارت بال8 وربع

ندكت لباب طلع ديسم دخل بابا شايل بنيه بيده

بدون كلام اخذها لغرفته اني وامي لحكناه للغرفه امي عرفتتها لان من شافتها شهكت وضربت على صدرها..

نومها على الجربايه.. وجهه عباره عن شخوط وزراك
شفتها مشكوكه لدرجه لدم يابس..

بس ونينها ينسمع..

سئلته امي منو وياها جاوبها بااختصار « لان شهدت بالمحكمه »

طلع كعد بالصاله سلم على ديسم..

كعد مقابيله كالي بسيل جيبيلي كلبيه..

رحت لغرفته اخذت كلبيه وخاولي رجعت ل بابا فتح دكم القميص نزعه وانطانياه جنت واكفه بصفه..

استغربت اول مره اشوف كتف بابا واشم بي..

طلع للحمام سبح ورجع كعد يمنه ارتاج على الكرويته

دك جهازه رقم غريب فتحه حط ايده على كصته

كال الو منو وياي

كمز من مكانه كال منو انته وهوه ويين شنو خطفتووو،، الوو الوو شمر جهازه على الكرويته

عصر راسه كال: ليث ويين

جاوبته امي: عنده استلام اجهزه ليوم..

ضرب على راسه بقوه

حجه ديسم شكو عمي ومنو مخطوف غيرتحجي حتى نفهم..

عصر راسه بقوه كال ليث خاطفي...يتبع.

#ابد _ابد _مو خبيثه 😇✌

توقعاتكم للبارت القادم

صوتو