رواية لماذا احببتك الفصل الثامن والعشرون 28 - بقلم اورجانزا الطائي

//تفاعلو على الفقرات حتى العصر باجر الكم بارت 🔪

بنات هوااي ديسئلون عن القصه شوكت اختمها تردون اختصر بيها لو لا؟ جاوبو

قصه لماذااحببتك
البارت السادس والعشرون «تعويض»
بقلمي اورجانزاالطائي
..

.
.
.
.
.
..

.
..

..

بسيل..
.
.
داانحجي اني وياها سمعت هوسه يمها
اسمع يسئلون عن زوج جيلان يردونه يوقع جيلان صاير عدها نزيف.. حجيت بخووف ماماا ماامااا احجي شكووو بس احجي سمعت صوت بجيها

كالت:جيلان عدها نزيف.. روحي بسيل بعدين اخابرج..

سدت الخط واني گلبي وكع من الخوف عليها ياربي شصارر هسه.

تجددت وصليت لفاطمه الزهراء ركعتين بنيه شفاه جيلان..

ضليت ادعي لجيلان تشافه لان فعلا ولاشفت اذيه منها بهل يوميين صوتها مينسمع..

بهل لحضات اتصل ديسم عليه.. تفأفت فتحت خط

اجاني صوته يحجي بررررود يقتلل..

...هله بسيل جيلان عمليتها يامستشفى.

رديت عليه بهدوء : هلابيك مستشفى ***** موجوده، صدك جنت احجي ويه امي وسمعت يردون توقيع هجان.. اذا عرفت ليش خبرني فدوه..

رد برود اكثر من القبله گال: ايي سد الجهاز بوجهي.

غمضت عيوني بعصبيه هذه الحيوان شايف نفسسه اووووي عميي مااريدك هيه كووه مااحبه اوووووف يربي شكدد حقير كلب نذل سخييف شلون يحجي ويااي ماعنده ذووف مختل عقلي بعد شريد منه اذا هوهدكتور نفسي اكيد مخبببببل..

شمرت الجهاز على الميز حظنت رجليه لصدري صفنت بالفراغ رجعت بذاكرتي قبل يوم واحد...

دااراسل سدر جاينها خطابه ومموافقه ابوها مصر اله يزوجها لهذه الولد لان عنده شهاده وبيت ويانه بالكليه..

هيه تحب ديسم...

عرفت من مرجان اني بنت عمه..
طلبت مني اشوف مشاعره اتجاها.
خجلت اردها واگول مااكدر.. لان اخجل ومو ذيج العلاقه بينه اني وديسم..

انقهرت عليها... گلبي مينطيني اوكف بقسمتها..

بهل اثناء
دز رساله ديسم.. كاتب وين انتي؟؟!

رديت عليه:بالغرفه ليش!

رد:سلامتج بس سؤال..

رديت:معقوله بس سوال زين انته وين؟

رد وداعتج بزونه بس سوال، شنو اشتاقيتيلي

تلقائيه ضحكت على «بزونه» كتبت للاسف حتى مااكد انام من كد مااشتاقيتلك

ثواني رد: اوف اوف يابه طاااح گليبي باباتي گليبي رهيف مو مال هيج حچي وداعتج مايتحمل..

ضحكت رديت:عااا واله اول مره اعرف يعني اعذرني هههههه

رد: بسيل؛

رديت نعم استاذ هه

رد عليه: سوال جاوبي بصراحه وتأكدي اتفهمج بس جاوبي بصراحه دون كذب..

رديت اوكي شنو؟؟

رد:گلبج اكو من ساكنه لولا.

تفاجئت من السؤال:جاوبته لا ليش..

رد بسرعه اريد اخطبج من عمي..

نصدمت من سرعه جوابه رديت عليه بس اني ماريد..

رد:نطيني وقت تعرفي عليه راح اعتبر روحي مسمعت الجواب..عندي استعداد انتضرج شكد مترديين.

رديت عليه ولحراره احسهه صعدت عندي: ديسم اني ماعندي شعور اتجاهك.. اعذرني وانته حالك حال ليث مستحيل اشوفك غير هل شي عذرني واني مااستحقك اكو غيري يحبك وبس يريد رضاك واتمنه تلاحظ.

ربع ساعه ياله رد. بزونه اول شي اني سبق وگلت عندي شعور اتجاهج.. واذا عبالج لان بنت عمي فلا والله اذا تتذكرين جنتي مرحله اولى تستلمين درجاتج.. شفتج وعجبتيني خلصت لسنه..

بعد ماشفتج غير بالسنه الثانيه.. هم نهايه السنه.. وماعرفت انتي من ياقسم حتى اسمج ماعرفته.

شهرين شفتج بالامام الكاظم «ع» تركت جماعتي ولحكتج لحد مااجيتو لبيتكم جنتي ويه بيت خالتج..وهنا تاكدت انتي بنت عمي.

بيومها انتضرت ساعتين بالباب حتى اتاكد من عنوانج
ثاني يوم اجيت سئلت عليج كالو بس بنيه وحده ولد واحد وتأكد..انتي بنت عمي.

بعد ماشفتج غير من عرفت سدر معجبه بيه.. وسئليها ماناطيها مجال حتى تخابر وكم مره دزت بنات عليه وماعترفت بيها. انتي الوحيده الي بعيني..

حتى استقراري ببغداد جنتي احد اسبابي..

ولعلمج بسيل سدر تعرف انتي بنت عمي وهيه مستخدمتج اله بس حتى تتقرب مني وانتي بدماغج مطي لهذه لسبب اذا دازتج سدر لان نخطبت فا كوليلها اذا ماتكعد راحه كلامي ويه ابوها..

قريت لرساله ضجت كلش لان هذه عود صديقتي ماشاء لله وهيج تريد تستخدمني.. بس معقوله هلكد يحبني.. لالا مااتوقع قابل شنو هووه.

مارديت عليه لان مااعرف شكتب اصلا
لهذه عفت الجهاز... صحاني من صفنتي كلام ليث..

ليث بسيل يمعوده وين صافنه دااحجي وياج..

باوعتله ضحكت حجيت: ههه والله على ذي ولايسوه ايي شبيك.. محتاج شي.

ليث بشك:لا بس گتلج جيلان نازفه بالعمليه وبالف ياعليي متلاحكيها..

بسيل بخوف: يااا صدك هسه شلونها..

ليث بضحك :يمعوده مطلعينها من البنج والفشار ماله والي تفشر.وتغلط على هجان نوب ساكته تصيح اريد اميي

بسيل بحزن :خطيه فراق الام مو سهل تره بس يستاهل خو اني ولاحبيته شايف روحه وشايل خشمه للستار ليكولك مدري شنو..

ليث بعدم رضه :بس والله هذه هجان صاحب وكفاات لايغرج بروده عصبي لدرجه مو طبيعيه..

بسيل بعدم مبالا:عشتووو قابل شنو هوه

ليث :بسيل عوفي هل كلام ام خشم روحي سويلنه اكل..

بسيل :ابو بطن روح جيب لفات فلافل مابيه اسوي والله

ليث والله العظيم مابيه اطلع

بسيل لالا يحلو تروح مثل لشطور مره خليتني جوعانه ومااخليك تعيدها ولله

ليث :حقيره امري للله

بسيل طلع كدامي لحكته اخويه حبيبي تكدر تجيب وياك حبشكلات نساتل ككو ببسي اي شي تلكاه تره ميته جووع

ليث ولج منو كلج اني محامي

بسيل ليش شدخل المحامي

ليث :ابوج محامي وعنده فلوس جيب جيب اني عنده قاعه جيم وماعندي غير الخمسه وهسه خرد خرد..

بسيل :مو اني وحيدتك هيج تسوي بيه 🥺

ليث :امشي لج عيون الدامعه.ولبريئه ماتلوك

بسيل :ههههه ياله مو تنسه لا ولله اخابر بابا

ليث طيح لله حظ الي يجيبلج اكل

بسيل ههههه حشه الطايح حظه ههه

طلع ليث وره ربع ساعه اجه جايب لفات وحلويت
عود الاخ جايب لي الحلويات تالي هوه اكلهن عاف بس السفن 🤦🏼‍♀️الي مااحبه

بابا وماما بقو يم جيلان مااجو على أساس باجر يرجعون وياها..

يوم كلش عادي طبعا ماطبخت لان خليتهن براس ليث لفات فلافل..

ثاني يوم كعدت متاخره غسلت وجهي ونزلت جوه
سمعت صوت بالهول رجليه اخذني للهول شفت ليث وديسم يتغدون..

صارت عيني بعين ديسم سلمت عليه گلت هلاو شو هذه دير وجهك ليث وكول هلا احسها من وره خشمه

كملو حديثهم بس ليث كال تعالي اكلي ويانه..
بدون تردد كعدت وياهم اكلت شويه وكمت.للمطبخ غسلت كعدت على الميز..

صاح ليث:بسييل ويااج جااي

لكيت القوري حار معقوله ليث موي جاي بالعاده يسوي محروك هههه

طلعت كهوه سويت الي ولديسم لان ميشرب جاي بالريوك اذا بيض..

كملت صبيت الجاي وديته الهم

ليث اخذ الجاي مالته، وديت ال ديسم گتله تفضل

با ع عليه بعدم اهتمام اخذه مني كال تعبتج وياي خويه..

صدمني درجه فتحت حلكي لان قبل فتره احبج وكذا وليوم خيتي!!

ليث غص بالجاي رحت جبتله مي شربه كال

ليث:هاي من شوكت طلعت اخوها واني ماادري؟؟
لعد عمي حاجه ابوي قبل فتره ..

كبل التفتت لديسم الي خازر ليث

حجيت بتوتر شنو وشكوو

رد ديسم ماكو شي لاتخلين بالج..

ليث ضحك وماحجه شي بعد..

اني هم شربت الكهوه اخذت المواعين رحت للمطبخ غسلتهن...

العصر جابو جيلان شايلينها ابوي وهجان..

مرت الايام بسرعه والتلث اشهر خلصن بسرعه..

بهل فتره بابا راح لعمو الي ضاربه هجان وگايل عندي بنيه وهمه ماحاجيين شي على كلامه هوه..

باجر الطياره مالتي اني وليث..

ليوم بيت عمو ابو ديسم يردون يجون علينه حتى مكالو لبابا سبب زيارتهم..

حضرت جنطي تلاثه نزلت جوه كاعدين حتى بيت عمو ابو ديسم..

سلمت على زوجه عمو بس شنو تنافخ ومعاجبها الوضع سلمت على عمو كيف وسلامه حلو بس شنو زوجته خزرته خلته يكعد ..

ديسم سلمت عليه رد باابتسامه
جانت اكو بنيه صغيره كاعده بصفه شاورها كامت سلمت عليه بس شنو جمال تنكرط..

حسب ماعرفت اسمها سنين..

كعدت بصف جيلان الي مسولفتلي عليهم كلهم انو عمامي يمشون بكلام زوجاتهم بستثناء بابا وعمو الشيخ..

صار كلام وعتاب باالاخير حجه عمي كال لابوي

الله بالخير عليك ابو ليث
رد عليه ابوي..

تحمحم كال ابو ليث انه جيتك من درب بعيد بس حته امشي على المحروسه بنيتك لوليدي ديسم على سنه لله ورسوله ونه ناخييك واتمنه منك متردني..

بسيل نصدمت بحيث غمضت عيوني وفتحتهن تلث مرات من الصدمه، بلعت ريكي من الخوف..

حسيت على جيلان كمشت ايدي شدت عليها..
باوعتلها غمضت عيونها وغضت شفتها همست سكتي لاتحجين عمي يحلها..

التفتت لبابا الي ماحجه شي ضل ساكت.. صديت على ديسم الي منتضر جواب ابوي ليث امي ولبيت كله ينتضر جواب ابوي مطمئنه نوعا ماا لان بابا مايجبرني على شي..

بس صدمني كلامه. كال حشاك من الرد يخوي اعتبرها صارت بس يبقى القرار الها وهو اذا كدر يقنعها.. اني مااضغط على بنتي.

عمو كال على بركه لله ان شالله ديسم كدها ان شالله هاديسم..

رد ديسم ان شالله باوعلي درت وجهي باوعت لبابا اريد اشوف ليش هيج كال

مانطاني مجال ولا التفت عليه ماتحملت حجيت بابا اكدر احجي وياك

هز راسه راد يكوم حجت ام ديسم عيشتو وليش تكومين الزلمه من نص ااديوان لعد انتي شكد مربايه وابني عاف بنت خالته وخطبج..

باوعتلها بصدمه حجيت ليش عمه قابل شمسويه اني دااحجي ويه ابويه لاحرام ولا عيب..، واني مربايه ونعم التربيه وابنج اذا يريد يتزوج بنت خالته خل يدزوجها قابل جابره احد اني..

ردت السعلوه: شووف ديسم من هسه بعدها عد اهلها رزلت امك شوف شلون تصيح على امك هيج تجازيني ياابن بطني بعد ماابقى هناا دقيقه كوم ابو ديسم شووف مانطووك مره..

كام عمي ابو ديسم عصبي ضليت صافنه هوه اني شحجيت حتى هيج هزيت ايدي..

كامو رادو يطلعون ديسم الوحيد اعصابه بارده...

بابا راح وراهم ..

كعدت بصف جيلان حطيت رجل على رجل تنفست براحه اخذت القوطيه شربت منها ضحكت

جيلان ولج يمعزايه شلون طفشتيها..بس تستاهل يربي شكد اكرهاا اول مادخلت كالت يابوو ليثث شلوون تكعد وحده عاار بيتك ويييع مال الكبر الي يلفج ..

بسيل هههه اخذت حقج منها ولا تهتمييين يعمري ههههه

دانحجي ماحس غيردخلو عمو وزوجته وبنته وابوي وامي بس ليث ماكو

بابا صاح عليه بعصبيه كال كومي اعتذري من زوجه عمج...

صدمني واني مغلطانه لو مدري منو يحجي مااهتم مادام على حق محجيت شي بس سكتت صاح بيه

غمضت عيوني وبعدت نضري عنه..

اجاني صوته كال :وصل عمي ميحتاج تعتذر..

بابا مقبل اله اعتذر.. بهل اثناء دك جهاز بابا طلع بره..

مدري شحجت زوجه عمو وعمو صيح عاد كال مكان ماتحترمون بي مرتي مااكعد بي

اني ضحكت شو هذه مااحس غير يريد يضربني ماتحملت صحت بي

شبيككك عمووو شنو لسالفه هل درجه مرتك مسيطره علييك وهييج تهجم عليه شمسويه شو كدامك انته..

مااحس عليه غير هجم عليها ضربني راجدي الوحيد لموجود ديسم ختات ورا..

ماادري بي خرمشته من ظهره عود اريد اكمش قميصه..

حاماني وماقبل ابو يضربني حتى صيح عليه كال مالكم دخل لابنتكم ولا الكم دخل بيها حتى تضربوهاا..

دخل بابا وصار صياح منا ومنا طلعو بيت عمو زعلانيين.. بابا زعل مني كال باجر متسافرين

واني عندت شكد جنت رافضه بس هسه اختلف كتله لااسافر

حجه بعصبيه كال سافري وقسم بالله بعد مالج دخله لهل بيت اله مااموت..

عفتهم يصيحون صعدت لغرفتي سديت لباب ابجي واشاهك حاطه ايدي على حلكي حتى مايطلع صووت...

اتصل جهازي شفته رقم ديسم فتحت خط خليته على اذاني اسمع صوت نفسه مبين ديشرب نركيله.. لان صوت واضح.

شهكت كال لاتبجين على شي مايسوه
ضليت استمع اله هوه ياخذ نفس منها ويه كل نفس اسمعه يكول اه يازمن..

سد الجهاز مني شمرته على الجربايه نمت كعدت باليل فتحت لباب لان جيلان تنام يمي بابا جاب جربايه وكنتور الها يمي بالغرفه...

غسلت وجهي وقتت جهازي بالسبعه ونص لان بالثمانيه نروح للمطار ورجعت نمت..

دك المنبه غسلت وجهي بدلت ملابسي اخذت جنطي نزلتهن الكل كاعد اكلت لفه جبن شربت شوي جاي

كعدت انتضر ليث يخلص..

كعدت يمي جيلان حاولت اغير قراري بس اني مصره جان قرار بابا ومستحيل اغيره..

كمل ليث سلمت على بابا مارد عليه امي كذالك بس جيلان حضنتها بكل قوه طلع ليث الجنط صعدت بالسياره..

مشت السياره لمصيري المجهول شنو الي راح يصيير معقوله مستقبلي يتحسن؟؟ اخر لحضاتي ببلدي الي نخلقت بي وعييت بي بغداد عاصمه القلب بغداد الروح بغداد المغذي بغداد ااه يابغدااد ام الشهداء ام الاجياال بغدااد السلام شوكت تصيرين اسم على مسمى بغداد السلام..

طريق كلش قصير احسه وصلنه للمطار نزلنه الجنط

دخلت المطار كملنه الاجرائات رحنه لصاله الانتضار

حجه ليث ماالج نيه تتراجعيين

باوعتله وهزيت راسي مستحييل اتراجععع هذه قراري.. صوت كلش عالي يصيح

نطلب من المسافرين الى لبنان الرحله السادسه ساعه 10صباحا التوجه الى بوابه****

باوعت ليث كتله يتبع...

توقعاتكم للبارت القادم..

صوتوو🔪