رواية لماذا احببتك الفصل التاسع والعشرون 29 - بقلم اورجانزا الطائي

سلام قرئه ممتعه
اتمنه تتفاعلون على الفقرات..

قصه لماذا  احببتك
البارت السابع والعشرون
بقلمي اورجانزا الطائي

.

.
.

.
.
.
. بسيل..  

باوعتله وهزيت راسي مستحييل اتراجععع هذه قراري..   صوت كلش عالي يصيح

نطلب من المسافرين الى لبنان الرحله السادسه ساعه 10صباحا التوجه الى بوابه****

باوعت ليث كتله رحلتنه بيش لساعه؟؟

كمش اصابعه گال:8ونص..

ضحكت گتله هسه بيش لساعه؟؟

سكت محجه  حجيت بعصبيه  احجيييي بيش لسااعه..

التفتت للجهه الثانيه  بيها ساعه حجمه كلش جبير  مكتوب  ساعه 10و3دقايق..

هزيت راسي  شفت لساعه لبيدي 8و30دقيقه...

ضجت حيل من موقف الي ابد مااتمنه اتخله بي..
كمت وكفت  باوعتله گتله بس اكلك حراماات انته اخووي...

ابتسم كال المهم انتي اختي ماريد تخرب علاقتج ويه اهلنه  عوفي العصبيه ولبارحه انتي غلطانه..

بسيل ابوك مدري شجاه  هوه رادني اسافر وهسه  اختلف يريد يزوجني لابن عمك..

ليث  بسيل ديسم من زمان رادج  بس ابوي كاله اقنعها..  بس انتي حتى من يجي ماتطلعيين  اله شلون تردين توافقين..

بس يعمري ديسم يحبج رايد رضاج..

بسيل مااعرف شنو احجي لهذه سكتت بدون مااجاوبه..

رجعنه من المطار للبيت   دك لباب بابا فتح لباب   دخلنه  صعدت لغرفتي  بدلت ملابسي والف شغله براسي..

مددت اخذتني النومه ماحسيت غير على جيلان تكعد ني تريندي اتعشه..

غسلت وجهي ونزلت تعشيت  بس بابا ماموجود  ..

خلصنه عشه  اني وجيلان غسلنه المواعين..

كملنه  كعدنه بالهول يم امي وليث.

ليث فتح  موضوع زوجه عمي وامي مقبلت صيحت علينه..

لان ليث يحشش عليها شلون تحجي..

شوي حجت امي  ..

.... حبيبتي جيلان هذه البنيه الي كاعده يم ديسم  شكد عمرهاا..

ردت جيلان: والله خاله مااعرف بس الاكثر عمرها 13لو 12بعدها تصغيره..

ردت امي:بس واعيه وفاهمه رغم صغر عمرها...

جيلان اي ولله كلش لو تشوفي ديسم يعاملها معامله الكبار ولا يكلك صغيره..

بسيل ضحكت وحاجيت: ليث حضر روحك...

ليث:ليش وين ناويه تروحين؟؟

بسيل امك حطت عينها على مره الك..

ليث منو. يووم

ام ليث:بسييل كعدي راحه اني حجيت شي..
لايوم مو يمك هذه اختك تنطتنط مالك دخل بيها انته اشر واحنه حاضرين..

بسيل رحمه لله والديج  ماماتي سويتيني انطنط لعد شبقيتي للقرد..

ام ليث؛ بسيل سوالفج مال تفرين لسالفه عليها عوفيهن هذني على صفحه لان ميفيدن ولله

بسيل ماما صايره ماتحبيني ترررره..

ام ليث  اذا انتي مااحبج لعد احب منو غيرج..

بسيل يمه فدوه لامي اروح

ليث بملل:  جيلان  كومي احسلج  لان اشتغلت الواكه
مال ست بسيل بعد شيخلصنه..

بسيل ليييث والنبي تره ازعلل

ليث هوه اني صوجي لو عايفج مسافره احسن الي وللبيت

بسبل كلش اهتمييت..

ليث اي واضح كلشششش

بسيل صدك اطلبك لفاات فلافل مو تنسسه

ليث يوم اني رايح لاتطلب رجل واني مالي خلك تتطلب..

بسيل   طلع ليث  شويه ورجع وياه لفات  اكلت نص لفه وصعدت لغرفتي... نمت.. نعسانه كلش مدري ليش..

خلصت هل فتره كله روتين بروتيين  

كاعدين نتغده دك جهاز بابا رد عليه وحسب مافهمت انو موده بنت ابن عم ابوي الحنه مالتها بعد يومين عازمنه عليها..

بابا انطه لامي فلوس نشتري ملابس..

العصر نطلع نشتري ملابس للجامعه والعرس..

جيلان ستقرت يمنه حتى نقل سوالها بابا وحاليا  تداوم وياي نفس الجامعه والخط..

اني مستحيل اروح لان على اخر شي خلافي  ويه ام ديسم تافه وهيه سوت سالفه..

بين ما سبحت وبدلت صار العصر طلعنه نشتري..

جيلان تخجل تاخذ واني شيل وحط  اي شي اشتري منه قطعتين الي والها..

اخذتلها فستان قصير بف لون رصاصي وابيض كلش حلو..

وبنطرون ابيض وبدي شيفون كشكش لون ماروني.. للعرس

وهيه شسوي بيهن.. خبلتني.

خلصنه ملابس بيت وطلعه وصلنه قريب الشارع ننتضر سياره حتى نرجع وكفت سياره ديسم  نزل حجه ويه امي..

جانت اكو بنيه وطفل بالصدر من سمعت  راح نصعد وياهم رادت تنزل بس امي مقبلت..

صعدنه وره اني وجيلان وامي...

اخذ العلاليك من ايدي   ضحك بدون ميحجي شي.

صعدت وره كرسي  كل شوي صايره عيني بعينه.. 

الطفل بجه اله كعد بحضنه بس صدمني يصيح بباا   وللبنيه مما..

والبنيه كله تحاجي عيني وگلبي  وهوه يرده اي حبيبتي...

ضجت كلشش واضح الطفل جبير يعني مو مال اربع اشهر..

حتى من خطبني مصار تسع شهور..

بنص دوامه تفكيري  حاجتني جيلان..

جيلان بستغراب:لج بسبس ديسم متزوج وخطبج، ولله لو قابله بي متزوج ويتزوجج جان خنكتج،شوفي شلون مرتاحين مبينين  عائله بيرفكت..

بسيل احس النار تطلع من عيوني مدري ليش كلش ضجت، لو بس تطخين بيه ابجي..

رديت على جيلان:متسكتين اذا هوه ابن عمج ومتعرفين متزوج تردين اني اعرف!!

جيلان اعتقد هوه ببغداد واربعه وعشرين ساعه يمكم..

بسيل  يوو هسه شمدريني انيي..

جيلان ياله خيرها بغيرها ههه

بسيل   من كد ماضجت وعصبت صحت  يوووو جيلا... ماكملت جيلان حسيت على روحي  بلعت الكلام سكتت صارت عيني بعينه رفع  حاجبه بمعنى شكوو 

سويت حركه بشفتي يعني مالك دخل..

ابتسم  تلمس لحيته الشگره..

وصلنه للبيت امي جلبت بيهم وهو وافق..

نزلنه للبيت،  جيلان بقت يمهم واني صعدت لغرفتي..

مااعرف شريد بالضبط  راسي صدع من كد مافكرت...

كعدت وره الباب بالكاع  تلقائيه نزلن دموعي احس روحي ناقصه شي بس شنو؟؟

اتذكرت كلامه من يكلي انتي اول وحده اكن الها مشاعر واول وحده اعترفلها بهيامي...

تذكرت من اجو هوه واهله وعمو ضربني حتميت بضهره..

مسحت دموعي كمت بدلت ملابسي  نزلت  لكيت امي وجيلان يسون العشه والبنيه وياهن تسوي..

للتسعه باليل خلصنه العشه اجه بابا  صبينه الاكل على الميز.

امي صاحتني اخذلها فلفل اخذر شرائح لبابا..

اخذت الماعون لكيت ليث كاعد بمكاني.. ومكان الوحيد الي مكاعدين بي مقابل ديسم..

انطيت الفلفل لامي وكعدت اكل  كل ماتصير عيني عليه يوكل بالطفل..

اخر شي هوه ديوكل بي عظ اصبعه كلها ضحكت  صارت عيني بعينه بالكوه بلعت الغصه الماعرف شنو موقعها..

   بعدت نضري بسرعه  تحمدت وكمت بسرعه..

ويه ما اريد اطلع من المطبخ صاح بابا سوي كهوه..

هزيت راسي وسويت كهوه.. خلصت ويه ما خلصو  غسلو

ديسم راح لهول   وبابا طلع وراء  وليث طلع يجيب ببسي وسفن  زوجته بقت يم امي والطفل يم جيلان..

اخذت الصينيه  فتحت باب الهول   ماكو احد غير ماهتميت  وديت الصينيه اخذ فنجانه حكه على ميز

گال بيج شي؟!!

باوعتله ضحكت   ويه ما ضحكت وكف  كدامي

: ويه ما حجيت نزلن دموعي:هامك البيه؟؟!

عيني بعينه شعور غريب  ماريد ابعد عيوني عنه   احس عيونه تجاوبني على الاسئله الي بدماغي..

نزلن دموعي زياده تقرب عليه مسح دموعي بطرف ابهامه ايده دافيه لامست خدي..

بلعت ريكي   وخرت  ردت اطلع كمش معصم ايدي

گال. اوكفي بزونه..

دفعت ايده بقوه   طلعت  ويه ما طلعت صارت زوجته بوجهي..

بس الفاجئني نضرتها شلون تباوعليمن فوك ليجوه بستهزاء  مااكتفت بس هم  خزرتني حسيت روحي مسويه شي..

صعدت لغرفتي ابجي بس على شنو ماادري..

اتصل عليه ديسم رفضته رجع اتصل مرديت عليه اخر شي غلقت الجهاز..

مددت على جربايتي  غطيت روحي   وابجي..

كمت مسحت دموعي طلعت ملازمي اقره..

  اخذني الواهس احجي عليه بگلبي بحيث كاتبه بالملزمه

استاذ مغرور الكذاب الحقير النذل  المخبل ابو النسوان  حشره دماغ سزز

شخطت على الكتابه..

اجت جيلان تستفسر..

شبيج بسبس؟!

بسيل مابيه شي ليش!!

جيلات فاندام دزني عليج..كگال شوفيها بس.

بسيل منو؟؟

جيلان شبيج  قصدي ديسم

بسيل من طيح لله حظج وحضه  شيصخم بيه..

جيلان انزل احسن الي انتي راح تغردين وانيمالي خلك للاسف   يعني..

بسيل  راحت جيلان واني حظرت ملابسي  بنطرون اسود وبلوز حياكه خردلي فوك الركبه..

كملت ملابس  وقتت جهازي  نمت كعدت على صوت المنبه بدلت ملابسي نزلت  سويت كهوه شربت وجيلان مكمله ملابسها هم..

نص ساعه اجه ابو الخط طلعنه وصلنه للجامعه اني لقسمي وجيلان لقسمها   خلصت اول محاضره  والثانيه بالثالثه بنص المحاضره..

دك باب دخل  ديسم  ستاذن من الاستاذ وطلبني نحرجت طلعت وياه اخذني..

لمكتبه  دخلت وراه   قفل لباب كعد مقابيلي كال  تعالي كعدي..

ماهتميت  ضليت واكفه رفع حاجب كال ليش ميعجبج تكعدين؟!!

رديت بعدم اهتمال: استاذ محتاج شي مستعجله..

ضحك كال ام دريد زوجتي..

ضجت كتله: وشعليه اني؟!

كال صارلي سنه من تزوجتها..

رديت ميهمني..

كال بس انتي تهميني..

رديت منو يكول..

رد باابتسامه  اني اكوول..

وانته منوو باله!

على كوله ذولاك الناس ابن عمج شيال همج..

ضحكت بستهزاء گتله خاف العكس همي من ابن عمي...ولله اعلم

كعد على طارف الميز حط رجل على رجل  حظن ايد والثانيه كامش حنجه  كال:بس اريد اعرف انتي ولاتعرفيني وحاطه هل علامات الاكس لعد لو تعرفيني شنو تخلين؟؟!

رديت عليه:يعني انته اسوء من هييج؟؟

ضحكك بصوت  وكفهوس شعره الكيرلي بيده  تقرب عليه كمشني من معصمي كال: لايعلم مافي القلب اله خالقه.. اعترفي لاتكذبين عيونج تدمع ولعين ماتكذب...

رديت عليه اني مااكذب  وعيوني متحسسه لااكثر.

ابتسم كال العين تدمع بحالتين عندالشعور بالحب او الكذب  اذن انتي تحبين؟؟

رديت بستهزاء  احب اي احب  ليش لا قابل  الحب حرام لو عيب!

رد برود: وهسه شنو؟ اني اشوف الحب حرام..

هااا الحب حراام هذه من شوكت حرام..

ديسم حرام لان ماكو الي يتقن الحب.. ماكو الي ينطي مستحقه..الحب بهل وقت تسليه وتجربه مشاعر لااكثر..

بسيل ليش تشوف الناس بعين اطباعك..
اذا انته تضحك على ناس مو شرط كلها تضحك وتكذب..

ضحك كال  ماتستفزيني بسييل.. ونصيحه من استاذج تركي لف ودوران لان ميفيدج  سوالفج ابيعهن على العميد يعني للاسف مايفيدنج..

بسيل افتح لبااب اريد اطلع..

ضحك تقدم عليه كال افتح بس قبل كل شي توافقين على زواجنه..

ضحكت بستهزاءگتله:من كل عقلك اتزوج متزوج؟؟!

ابتسم بهدوء كال  بيها شي!!

عصبت من منطق گتله اي بيها هوااي  ، وشعايزني حتى اتزوج متزوج اشو كلها تتمناني  واني ماريد..

تقرب اكثر سحبني من ايدي لحضنه ضربته بيدي كال  : ومو بعينج الي يريدج وانتي حاكرته..

صارت عيني بعينه،  نضرته جمدت حركتي بحيث اريد ابقه بين ادينه..

بلعت ريكي  بخوف هستوني اريد احجي مااحس غير دفو على شفايفي بحيث غمضت عيوني..

حسيت على نفسي دفعته بقوه ضربته راجدي..  تخوصر  ، غض شفته .. دليل على عصبيته..

گال:يصير خير بسيل.. فتح لباب  طلعت سدها قوي وراي..

مشيت من الممر للحديقه  كعدت جوه شجره..

افكار غريبه شنو الي ديصير وياي معقوله احبه لا شنو لسالفه مااحبه اصلا مااطيقه..

افكاار افكااار كومه افكار عجيبه ساعه اي ساعه لا..

حسيت على ضل صار عليه رفعت راسي شفت استاذ  امير

ابتسمت كمت وكفت.

كال اريد احجي وياج شوي..

بسيل:تفضل استاذ..

... احمم بسيل للصراحه اني اجيتج من لباب   عاجبني اخلاقج وروحج اتمنه تتقبلين الموضوع الي اريد احجي بي..

بسيل ان شالله..

تحمحم گال ولنعم بالله.
كمل كلامه..  اليوم العصر ان شالله تجي الحجيه عليكم اذا مابيها زحمه..

بسيل هلا بيها لا بالعكس لازحمه ولاشي..

ابتسم گال هلا بالمهلي.

هستوني ردت احجي  سبقني ديسم كال: من رخصتك دكتور اذا خلصت اريد اطلع..

ابتسمت گتله ماعندي شي..

طلعنه سويه  مرينه على جيلان مخلصه  اخذناها ويانه طلعنه للبيت لان ابو الخط صاير عنده ضرف..

الطريق كله ديسم سايق بسرعه   بحيث كل مره بالخط نص ساعه ياله نوصل هوه سوه الطريق ربع ساعه..

وصلنه للبيت دخل ويانه..

اني صعدت للغرفه بدلت ملابسي نزلت  لكيته كاعد بالمطبخ يم امي لان محد بالبيت غير امي..

اخذت جزرايه  ، كعدت  على ااكرسي مقابيله..

اكلتها  وهو كل ماتصير عيني عليه مبتسم..

كمت سويت نسكافيه كوب  كعدت اشرب  حطيته على الميز..   امي حجت

... خزرتني كالت؛ بسيل ليش ماماتي ماسويتي لابن عمج وياج

هستوني اريد احجي،سحب الكوب من كدامي شرب منه كال وصل مرت عمي..

هزيت ايدي حجيت صدك ماما ليوم ام الاستاذ امير  تجي علينه..

.. هلابيها بس ماعرفتها..

مره وحده شفتها بس بالجامعه..

وليوم الاستاذ كال راح تجي الحجيه عليكم گتله هلا بيها..

هزت راسها كالت هلابيها..

اني صاعده ماما عفتها وصعدت لغرفتي  مددت تعبانه كلشش ثواني دك جهازي  فتحت خط ديسم..

ديسم ايي ست بسيل كثرانه خطابتج..

ضحكت گتله اي مو كتلك الف من يتمناني..

ديسم بس واقعج اني..

گتله.. هه واثق من نفسك

كال.. وداعتج كلش واثق..

الله يديم ثقتك لعد ههههه

من اكول بزونه مترضيين

باااي ديسم اريد انام تعبانه دايخه  راسي يوجعني وجسمي مكسر تكسرر..

تحمحم كال:انتي لعد شكد كلك هيه بوسه وكل هذه صار لعد لو غير شي شيصير مثلا؟؟

احس روحي صخنت من كلامه  كتله ديسم بعد لاتخابر والله لعبت نفسي ايييعع سديت الخط..

دز رساله::  يبعد طوايف عمج المصخم هههه

قريتها وسديت الجهاز مجرد اتذكر ساعه تلعب نفسي ساعه ابتسم..

نعست ماكعدت غير العصر  جايه ام استاذ امير..

غسلت وجهي ونزلت سلمت عليها..

كعدت يمهن نص ساعه كالت والله ليوم جايه اريد بسيل لابني امير..

امي خزرتني واني ضحكت جيلان ندستني تگلي تدرين جايه تخطبج

ضحكت گتلها لا

امي كالت  اشوف ابوها..

وفعلا حجو شوي بمواضيع  عامه..  بعدين راحو باليل  اجه بابا وديسم وهجان  وجساس..

سوينه العشه تعشينه  ونفس العاده كهوه وره العشه لبابا وديسم وهجان وجساس بس ليث جاي ههه

وديت الهم  حجت امي على ام امير اجت تخطبني..

ديسم جان يشرب بالكهوه غص  جساس جان كاعد يمه..

يضرب على ضهره بقوه ويكله مكان اليسري يمري يبن عمي طحت بالرجلين ههههههه

كلش حبيت شخصيه جساس لان مرح يختلف عن لبقيه..

بابا گالي جيبي مي  لابن عمج رحت  جبت كلاص مي نطيته اله اخذه بس شنو خزرني خزره بحيث بهتت..

رجعت كعدت يم جيلان الي مامهتمه لوجود هجان..

حجه بابا بما انو موجودين جايين خطابه لبسيل واني موافق   شتكولون..

ديسم  صارت عيني بعينه كال  عمي من بعد اذنك اني رايد بسيل زوجه الي امامكم وامام لله..

بسيل بس اني ماريدك ومموافقه عليك..

رد بابا: بسيل مااجبرها گتلك قبل تكدر تقنعها اقنعها..

ديسم من رخصتك  عمي بسيل بنتك اني ناهي عليها.. يتبع..

صوتوو🔪