رواية لماذا احببتك الفصل الثامن وخمسون 58 - بقلم اورجانزا الطائي

رواية لماذا احببتك
البارت 52
بقلمي اورجانزا الطائي
.
.
.
.
.
.
.
.
.
.
.
.
.
.
حال جيلان
. إذا الدنيا أخذت مني وجودك فاعلم أنك في قلبي حي
فكل شيء جميل لم تمحوه أثر السنين .
في كل لحظة اتخيلك وأؤمل يوما بأن تعود ..

ضحك گال ماكو غير ابوج.

- ايهمم

ابتسم گال
-عيونه روحه عافيته ناسه وهله بعد..

قبل لااجاوب  طلع  رحت وراه، فتح خط حجه بسرعه

-عاد انت تتصل بااوقات متفيد...

كمل كلامه باابتسامه ثواني  نمحت الابتسامه..
حجه بسرعه..

-لعد هجِان  وين.

-ها  مسافه الطريق ماطول.

سد الجهاز گال
-لبيب بسرعه  حضري روحج

ستغربت وخفت نفس الوقت حجيت.
-شكو شصاير غير افهم.

لبس بنطرون والتيشيرت گال

- كملت وانتي على حطتج واكفه، ياله بسرعه  سبيل  بالمستشفى،وبان وحدها بالبيت..

-ياا صدك شبيها

رد وطلع من الغرفه..
-علمي علمج،.

لبابه لبست حجابي وعباتي طلعت وراه قفل لباب  طلعنه لبيت ابوي..

مسافه الطريق وصلنه..
دكيت لباب طلع اسلام فتحلي لباب، سلم على ايهم.

دخلت للبيت بس بان كاعده..

شافتني ركضت عليه حضنتني حجت
بان:اشتاقيتلج لبلب.

تفاجئت لان مو من عوايد بان تعترف بشي..

كعدت يمها  حطت راسها على رجلي، مسدت على راسها حجيت

-شبيها سبيل

- مااعرف جنت اكنك، وهيه نايمه شو كعدت تبجي وتصيح معدتي.

-شنو اكلت؟

- بابا جاب عشه من المطعم  هيه خبطت  دجاج على كباب وسفن وحليب  كل شوي ماكله شي لحد مانامت وكعدت متخربطه.

لبابه:موزين عليها ليش هيج تكثر.

بان:صايره دبه وتجيب وتاكل.

لبابه: مو هيج.

بان:تولي مالي خلكها سبع ارواح هسه يجيبوها.

لبابه: مايصير هيج تحجين عليها.

بان:انام احسن

لبابه ولا تتغير  مصيبه هل بنيه..
  كامت  وكفت عدلت السويتر  الي مال اسمن منها بس هيه مدري ليش تحب  تلبس اكبر من حجمها..

  فتحت شعرها سوته كبايه حجت.

-اريد اطلع بالحديقه مختنكه  تجين وياي لولا.

لبابه:يمعوده وين  تطلعين هسه دنيا ليل.

ردت بعدم اهتمام حطت ادينه بجيوب السويتر  وطلعت من يمي.

-ابقي انتي  اني طالعه.

ولا تكعد راحه طلعت وراها، لكيته واكفه  ويه اسلام  تسولف وياه  وهو منزل راسه  لان بلا حجاب.. صحت  باان

صد عليه  ثواني  دك جهازه دخل للاستقبال.

تقربت عليها حجيت
- بانه ليش متلبسين حجاب كدام إسلام.

باوعتلي بستهزاء حجت.
بان: شنو الجديد يعني تره كلش  عادي 

رديت: شنو العادي غير محرم عليج.

ضحكت گالت:ليش مو صفر.

صحت: باان لاتستهزئين،   تره ينحجي على ابوج هيج.

عدلت كذلتها گالت
بان: تره  عايشه وياه من جان عمري 8سنوات،لو متزوج بنته بعمري

-باوعتلها صفح حجيت،تره صغير بالعشرينات شلون دبرتيها وانتي كلج على بعضج عمرج 13سنه.

ضربت على راسها بخفه گالت ياكلمة رجعي لمكانج، ومستحيل البس حجاب كدامه، بعدني صغيره، تفكير عمامج بطلي، لله يساعد بنتج يمكن بالكماط تلبسيها حجاب.

هزيت راسي حجيت: مو قصه تفكير،بس انتي بلغتي  تعرفين قصدي محاجه اطوخ، واهم شي عمرج13 ولد عمج او خالج  كل هذوله يعتبرون غرباء عنج وتحلين عليهم، بس عمامج واجدادج  وابوج هذوله عادي.

وشي ثاني هذه لبسج مو مال تلبسي كدام  إسلام.

تأفئفت گالت
-قبل شويه ليش تلبسين واسع واكبر من حجمج هسه مايصير  شنو الفلم ستقري يااختي.

اخذت نفس  حجيت
_سويترج قصير

   فتحت عيونها بصدمه گالت
_وين القصر يمعوده  شو لنص رجلي.

سكتت ماحجيت لان بان مستحيل تطلع روحها غلطانه.

كعدت كدامي  بيدها الجهاز كل شوي تضحك  لو تغلدم، اخر شي صاحت يبوو الله ياخذك.

على صوتها طلع اسلام.

_شبيج شكو شصاير؟!

كعدت ولا كأنو صاير شي، حجت بعدم مبالا
_جنت اقره قصه والقفله تموت.

رد عليها اسلام
_واذا قفله هيج تعيطين مافكرتي دنيا ليل ولناس نايمه ابد ماعندج مسؤلية، كل تصرفاتج ترجع على عمي،لهذه على كيفج.

صفنت بوجه حجت
-ليش من تشوفون حيوانه محترمتكم  تضلون وراها منا لحد ماتطكها بوجهكم،القاضي راضي  انتم شنو ومنو، واني غلطت لان كعدت يمكم، تصبحن على عقل صاحي بااي.

لبابه:خجلت الحقيره بحيث ماعرفت شنو اگول لااسلام.

دخلت للبيت ضحك اسلام گال.
-من كل عقلها هذه، اكو وحده هيج تصيح  بس لان قفله مادري شني..

ابتسمت حجيت
-اعتذر بمكانها..

ابتسم مسح على شعره گال
-من رخصتج  لبيب.

دخل للبيت، ضليت كاعده بالحديقه، غلبتني ذاكرتي لقبل سنوات.

مره وحده نصحتني ذات على العباه حتى طريقه كلامها ونصيحتها حلوة..

معقوله لو عايشه ذات  وحجت ويه بانه  تلبس الحجاب..

لو جيلان تكدر تعيش وياهن، هوه اني اختهن خباني وصلت عدهن يتفقن عليه..

طيرت هل افكار  دخلت للبيت قفلت لباب  رحت لغرفة بانه دخلت لكيتها مغطاية.

كعدت يمها وخرت الغطة ضحكت..
حجيت بعتب
-ليش هيج تحجين ويه اسلام تره اني يمج وجفلت كيف هوه؟!

ضحكت گالت،
- والله العظيم باليمو يمج اريد اكمل لبارت وتعالي  رزلي شكد ماتردين.

ستغربت وضجن من اندماجها حجيت
-مساعه مو صيحتي وگلتي القفله قويه مادي شنو.

غرست اصابيعها  بشعرها تضحك گالت
-اي مو القصه مكتمله بس القفله قويه جانت.

- طفله والله العظيم، يعني على بارت هيج سويتي.

حجت بعدم تقبل
-عمري 13موزغيره.

رفعت حاجبي بستغراب حجيت على كيفج بانو مساعه من احجي على الحجاب تگولين صغيره  وهسه غيرتي.

-لبلوب الحلوه الشطوره غدوه اروحلج اخلص القصه  واحجي  .

لبابه:اخر شي اكوله  القصص الي تقريهن مابيهن فائده الج، ومن تقرين اقري مناسب لعمرج.

اعترضت حجت
-لا غلطانه هذه تاسع قصه بهل اسبوع،بس والله تعلمت منها هواي شغلات منها الصبر والحب مو كل شي بالحياه، والثقه الزايده موزين واهم شي الناس مو امان  كدامج مرايه وراج كشايه، وعرفت النهوه والفصليه والهديه وسنينه العشيره وهواي شغلات..

لبابه:معقوله  هذه انتي بان؟!

ضحكت گالت
-ليش شبيه اشو چني العافيه.

لبابه: عفتها وكمت هذه مالها فائده..
ساعتين اجو   سبيل تعبانه كلش بيدها المغذي، بحيث اجه ابوي شايله وايهم كامش المغذي.

نومها على الكرويته شكلو المغذي بالحايط، سلمت على بابا راح لغرفته صاحني..

دخلت وراه لكيته يحضر ملابسه، طلعهن حطهن على الجربايه كعد كدامي على الكرسي كامش راسه..
الهدوء سيد الموقف  ثنينه ساكتين.

عشر دقايق حجه بحده لاكن بهدوء..
-انجبرتي  بزواجج، ليش محجيتي وگلتي ايهم تهددني؟!

بلعت ريگي حجيت بهدوء.
-لا مانجبرت.

عصر راسه بااصابعه حجه
- لبابه انتي النفس الي يصعد وينزل، مافد يوم ضميتي عليه شي،ان كان يخصج او يخصني  ، شنو الي خلاج تضمين عني والاهم هسه ليش تطمطميم هوه حجاها بالسانه وفوكاها يگول

حچيتلك السالفه حتى اعيش ويه بنتك بهدوء ماريد تبقى بنفسها وتضوج مني..

لبابه: رغم الخوف من رده فعل بابا بس ضحكت على كلام ايهم.

صديت عليه رافع حاجبه  حاضن ادينه لصدره..
هز راسه حجه
-اهم شي مرتاحه، وياه هل حيوان.

ابتسمت حجيت: والله  بابا  يمكن نجبرت اول فتره بس علاقتي وياه تحسنت من جنت هنا وله جان حجيت وياك بس حبيته  ايهم انسان لطيف ومحبوب الي بگلبه على لسانه..

ضحك بستهزاء گال
- ايهم داهيه ماتعرفي شنو تفكيره.

حجيت بعتراض: لا والله  مو هيج.

هز ايده گام وكف كال
- يجي يوم واشوفج ايهم داهيه ماتفهمين الي بداخلة، الي يجيني ويگلي اني جبرت بنتك حتى اتزوجها شترجه منه متگليلي..

هز راسه اردف.
-اذا مرتاحه وياه الله يديمكم بس لافد يوم تنسين  ابوج موجود يسندج حتى لو على حياته..

ابتسمت حجيت
-اي والله مرتاحه، وطبعا انت سندي بالحياه اول مااحتاج الجئ الك لاتهتم..

شبه ابتسامه ابتسم تقرب عليه باسني من راسي، مسح على لحيته گال
-اخذي راحتج بنيتي..

ردت اطلع تذكرت، التفتت حجيت.

-بابا

التفت عليه گال نهر گلبه لابوج محتاجه شي؟!

ابتسمت حجيت
-جيلان

عقد حواجب گال
-شبيها؟!

-موكافي طولت شوكت تجيبها.

ابتسم گال
-لبارحه جد ولعقدوان شالله  بس هل ايام.

ختم كلامه  اني هم طلعت..

ثاني يوم رجعت لان بابا مقبل ابقه.
ايام قليل صار زواج بابا من جيلان يمكن اكثر وحده فرحانه اني..

بهل ايام مصار شي كله روتين لحد ما ثاني يوم رجعنه من عيد ميلاد فتى وسيف رحت لاهلي

لبنات بالمدرسه،
سألت جيلان عن لبنات   فاجئتني  خاصته بان..

سولفتلي عن سبيل  شلون متغيره، وفعلا  من رجعت
كله ويه جيلان حتى تساعدها بالطبخ ودرجاتها كلش زينه مختصر متفوقه جانت منعزله، وهسه كله نايمه على رجل جيلان درجه صدمتني من سمعتها تصيح لجيلان ماما..

ماتختار ملابس هيه كله ماما جيلان اختاري انتي حتى تنسيق جيلان تنسقلها وهل شي الي خله بان هم تتقرب لجيلان..

العصر اجو بيت جدي كلهم وديت جاي ومي..
تفاجئت لان عمي  طلب سبيل لابنه اسلام بس ينتضرها تخلص سادس.

بابا مرد الموافقه گال: لاحجز ولاهم مايحزرون عود من تصير بالسادس تعالو خطبوها واذا قبلت بكامل ارادتها ذيج هسه يتهنون.

جدو وعمو رفضو وزعلو بس اسلام تقبل الموضوع وافق على هذه الشي واخذ كلمه من بابا سبيل ماتنجبر.

للمغرب راحو  كعدت رحت للغرفه لكيت سبيل تكمز وكاعده يمها جيلان تضحك  تفاجئت لصراحه.

هيه شافتني  حضنتني وتفر بيه..

حجيت بقلق،شكو يمعوده

ضحكت گالت

-امانه متطلع لاحد، حتى لابوي..

-يي شنو

غمضت عيونها حطت ايدها على وجهه گالت

- احب اسلام، وهو اعترفلي قبل كم يوم

نصدمت حجيت
-ولج ياحب يابطيخ انتي عمرج 14سنه شلحكتي تحبين؟!

ضاجت مني  رجعت كعدت يم جيلان حجت

-ماما جيلان احجي وياها تره مو صغيره

جيلان مقبلت لانطت بيه ولا انطت بسبيل.
خلص اليوم  وبسيل تحوس درجه اخذت محدتها حجيت وياها تگول معليج.

توقعت حلمانه بس  شو راحت دكت باب غرفه جيلان وابوي فتحها بابا  دخلت للغرفه صاحني  دخلت وياها..

كعد على الجربايه وارتاك على التاج

-بابا اريد انام يمكم

بابا ضحك وفتح ايده  گال
- هلا بيج بنيتي  تعالي..

راحت نامت بصفه  دقايق طلعت  جيلان شافتنه ضحكت.

ضحكت گلتلها مخلفيج وناسيج ولج امشي يمي.

-ما ماروح اريد انام  بحضن جيلان وعلى ريحة ابوي..

ستغربت منها  ،راحت يمها جيلان   نامت بحضنها  ابوي ضحك كال

-ها يالبذاته طفرتي 

ضحكت سبيل گالت
-لابابا فدوه اول مره احس بطعم الام اريد انام بحضنها..

ابتسم گال
-  يعني مليتن مني؟!

سبيل:لا والله

لبابه: شفتها قافله  نامت بين جيلان وابوي.
رحت للغرفه نعست نمت  بقت بان تقره قصص..

ثاني يوم دوامهم صباحي  كعدت الصبح البنات رايحات للمدرسه.

جيلان سوت الغده  واني نضفت البيت..
لل وحده ماكو  لبنات..

جيلان تتصل على بابا ماكو ميرد وكفو كلوبنه.

للثنتين ونص وماكو  اربعه وربع  ندك الباب
طلعت اني وجيلان فتحنه لباب دخل عمو جساس ابن عم ابوي وياه بان عيونها حمرر دموعها تنزل كامشها من اكتافها..

نطاها لجيلان حضنتها لان رادت توكع.

سئلت عن سبيل دنك راسه گال

جساس: حضر روحكم الجنازه بالطريق..

لبابه فتحت عيوني  بروده قاتله اخترقت جسمي..

باوعت لجيلان وكعت بالكاع  دموعها تجري  حضنت بان وتبجي

عمو جساس نزل راسه محجه شي غير هم السابقون ونحن اللاحقون..

بان حضنت جيلان وتصرخ كدامي كدامي ماتت
ماما جيلان بيدي

- ماما سبيل گالت گولي   لماما جيلان احبها هواي ..

لبابه دموعي تنزل،خسرت اختي.

نص ساعه جيلان تخربطت وجهه خرمشته تخرمش

كامت تريد تحجي ويه عمو جساس طلعت وياها  وصلنه للباب مال الهول صوته عالي يحجي بالتلفون.

-اليوم شيخلصكم من هِجان، شلون  يكتلونه هوه بالسجن، ولك كو**  شجابهم على صمد ياابن الكائنات حاطينه بالسجن حتى ننقذ حياته لو يموت وتتفرجون عليه..

لبابه:شهكت خليت ايدي على حلكي جيلان   كمشت الحايط حجت.

جيلان: جججسساس صمد شبيي؟!!

نصدم عمو جساس  سد الجهاز كمش راسه گال

جساس:  ماكو شي.

جيلان: جساس عليك لله  صمد  شبي احلفك بكلااام لله  اخووي شبي  احجي سايمه عليك ابو الفاضل؟!

كمشت گلبها تباوع لجساس..

نزل راسه گال
-البقيه بحياتج  انطاج عمره.

لبابه: شهكت زرك وجهه  فقدت الوعي..

ضل جساس حاير اصحي بيها ماكو  ارش مي ولاتصحه

جساس: جيبي بطانيه ديباج اي شي بسرعه.

لبابه:  اخذت ديباج  انطيتهياه  لفها بي  شالها  طلع..

نفسيتي تعبت  الله يساعدها  لجيلان صمد علاقته كلش زيينه وياها.

لليل ماكو اي خير لل12ونص  بان قافله على روحها.
اتصل محد يرد اخر شي اتصلت على ايهم رد عليه.

جيلان صاير عدها جلطه  وانسداد بشريان التاجي.

مسويلها عمليه ناجحة.
وسبيل لحد الان بالمستشفى ابوي مقابل تندفن قبل لايندفن الي قاتلها..

وعمو صمد دافني اليوم..يتبع..

توقعاتكم للبارت القادم
صوتو وتفاعلو على الفقرات