رواية لماذا احببتك الفصل السابع وخمسون 57 - بقلم اورجانزا الطائي

ممكن توصلون المشاهدات 50الف.
تفاعلكم يسعدني

رواية لماذا احببتك
البارت 51
بقلمي اورجانزا الطائي

.
.
.
.
.
.
.
.
.
.
.
.
.
.بسيل:تعيش وتشوف  بعدنه بالبدايه انشالله القادم افضل..

هز ايده گال
-ماطول مو ايد وحده فا القادم اسوء النه..

ايد متصفك  ابسط مثال هسه اذا ينذكر سيد مقتدى..
مجموعه من الناس متحبه يحجون عليه بالفارغ.

ومجموعه تحجي على السستاني  هم كذا وكذا..
وين بعد نوصل اذا همه مايردون الزين

بسيل: ماعدهم سالفه،تعرف احسن شي سويته ما الك دخل بالسلك او الجيش.

حرك شعره گال
-زوج الي يشتغل بالجيش..

ردت گمره.
-اي والله  ولد عمامك كلهم بالسلك الي يكلك ماشايفين جيش..

ضحك گال
-هوه اكو تعيين بالعرق لو شغل غير الجيش..

باوعتله صفح حجت
والمهندس  مايكدر يصمم حتى يبنه بس هوه يطرب على السلك.

ضحك گال
-حرية شخصية، وانتي شدسوين كل شوي بشكل.

ابتسمت حجت بحماس
-دااقره قصه كلش حلوه اخلصها واقراها الك.

ابتسم گال
-بس شي زين وتستفادين منه مو بس تضيعين  وقتج على شي عابر..

ردت عليه..
-ترى القصه تحجي عن  واحد كلب ابن كلب  يحب وحده.

كملت كلامها حجه.
-استلمي اول ذنب شالته من غلطتي عليه وين تلكي حتى يحاللج ويواهبج.

ردت عليه
-يوو يديسم قابل اني صدك اغلطعليه اشو الاسم مو حقيقي..

رفع حاجبه  سحب نفس وزفه گال
بس النيه عليه لان هوه عاش الحدث مو اسمه.

كعدت تكمل القصه ولا كن صار شي..

دك جهاز ليث طلع گمره ملتهيه بالقصه واني بيدي جمان..

صارت عيني على ديسم وجهه ازرك يفتح بعيونه ويغمضهن  بقوه  فاتح حلكه.

يكح ويشاهك صوتهكلش عله  رحت عليه  اني وگمره دكيت على ضهره بخفه     حالته نفسها..

دفعنه ثنينه طلع للحديقه   بالكوه يسحب النفس راحت عليه گمره  تضرب على ضهره بقوه  بحيث گلت هذه هو نكسر ضهره..

بس صدمني من كعد يتنفس سريع گال

-جيبولي مي..

انطته گمره مي شرب  ..

راد يروح ماقبلت بس هوه اصر انطريت احاجي ليث وفعلا ليث حجه وياه باتو يمنه..

گمره صعدت يمي،  حايره بالقصص  تقره واني كعدت  اغير ملابس جمان..

رضعتها نومتها بحضنه بدون مااحس نمت..
ماحسيت غير على ثاني يوم..

جمان نايمه  غسلت وجهي  لبست حجابي نزلت..
صبحت عليهم كعدت اتريك محضرين لكل شي،  مااكلت هواي  سويت گهوه الي ولديسم وچاي ليث.

وديته للهول ليث بسرعه شرب الچاي وطلع..

گمره صعدت لغرفتي تكمل قصتها، ضليت اني وديسم بالهول.

نحرجت كلش، ماحسيت كعدتنه حلوه ماعلم مادار بينه حديث او اي كلام..

كمت وصلت للباب حجه ديسم
-بسيل..

صديت عليه،  حرك شعره الكيرلي گال..
- خمس دقايق من وقتج ممكن.

بلعت ريگي  هزيت راسي ابتسمت رجعت كعدت بمكاني..

زفر نفسه،گال
-بسيل لمره وحده  بحياتنه نكون واقعيين انتي تشوفين حياتنه هسه تمام..

لابد يوم  من الايام تتزوجين،  طبعا مستحيل شخص غيري.

بس الحياه  وما ادراك احتمال منصير لبعض  ذيج هسه جمان ودريد  وين يبقون؟!
فكري منو لجمان الي تعلقت بيج، لاتتوقعين اعوفهم يمج طول العمر لان مستحيل اطفالي وامانتي.
لاتصيرين انتي والزمن عليه، وحق هذن الفوكانه شفن النبي عربي حتى قنعت عمي.

هسه تجين انتي ترفضين، لو م واثق عندج شعور اتجاهي قسم بسدن الكعبه فلا اتقدملج والح عليج..

قبل عذرج متزوج، وهسه يمكن ارمل..

شتكولين موافقه لولا..

بسيل ضحكت  سحبت نفس حجيت واهلك؟!!

ابتسم بخفه گال
-موافقين.

بسيل:معقوله  امك توافق؟!

حط ايده على رجله گال
-شحدهم يمنعوني منج، وافقو وهمه الممنونين.

ستغربت حجيت
-شسويت لامك، تره اخر شخص ممكن اتوقعه يوافق.

هز راسه گال:سلامتج بزونتي

فتحت عيوني على وسعهن حجيت
-مالكيت غير البزون؟!

  ابتسم بثقه گال
-هوه اكو احلى منهم

رديت بعدم اهتمال
-مااتقربلهن.

ابتسم گال
-تعرفين القط او البزون  الشيرازي.

ضحكت حجيت
-هذه شنو ومنو مااعرفه  نوع جديد؟!

ابتسم گال
-هذه النوع من احسن وارقى والطف  القطط على وجه الارض،  يتميز بحاسه السمع عاليه  ،   ولذكاء سرعه بديها تمييز نبره صوت ان كان غاضب او مفرح او حزين..

-طبعا بكذا موقف  شفتهن عندج خاصته من يحجي وياج عمي..

و صديق،  هادئ، لطيف، مسالم ، تشوف الاشياء رغم عتمه المكان..

سكت ثواني واردف
- شيلي الصديق،  ولبقيه انتي، قبل فتره شفتج رغم ضلام المكان تمشين وتشوفين.

هااوالاهم  ووفي مخلص.يجهد نفسه في اشياء  ومايبين على شي  يزعجه.

وهذه اكيد انتي رغم تعبين ويه الاطفال لاكن ماتبينين..

...ابتسم غمض عيونه ثواني وفتحهن گال
تذكرين اول مره گلتلج بزونه؟!

عقدت حواجبي اتذكر الموقف تذكرته ابتسمت،هزيت راسي

تحمحم گال

عيونج مسحوبه ولمعتهن كلش قويه يجذبن النضر، وهذه القط هيج..

صد على جهه  مسح وجهه گال
وانتي قصيره  وهذه  القطه قصر ألاقدام

تفاجئت شلون مركز..

رجع كمل كلامه قبل لاانسى  تكره الليمون والبرتقال وانتي  تكرهينهن.

صدقا  بسيل كل هل صفات بيج انتي..

ضحكت حجيت،
-شكد مركز دخيلك..

ابتسم  تلمس لحيته گال
-اذا مو عليج اركز چا عليمن.

خجلت منه  مشيت تجاه الباب  حجيت
-خلصت لخمس دقايق.

ضحك بصوت گال
-بزونه وربج، ماگلتي شنو جوابج، تره عمي  واكفه موافقته عليج..

صديت عليه ابتسمت حجيت
-لعد موافقتي من موافقه ابوي.

ابتسم گال:  وسدن الكعبة، شهر واحد وتصيرين يمي.

رفع حاجبي حجيت
-واثق؟؛

ضغط على عيونه گال
- وداعه هل عيون واثق، وحق سدن الكعبه انتي الي وعن قريب هم..

                      ،،،༺༺༻،،،
.
.
.

ايهم:صحصحتي؟!

لبابه اي  حتى النعاس  طار لو مخليني اكمل نومتي..

ابتسم مطط  جسمه گال منطيج استراحه  من لصبح لحد هسه مو كافي.

نهه كلامه بضحكه..

بين ما صفنت على كلامه محسيت غير شايلني.

حجيت بنفعال: لالا ايهم ماتكدر.

ضحك  قرب وجهه عليه گال:  ابوج ضربني بوجهي وبطني  مو برجليه..

لبابه: ايهمم

ابتسم ميل راسه حجه كلمه كلمه
ايهم  : عيونه روحه گلبه كل هله وناسه، يبعد عافيتي، ماي عيوني..

لبابه تره هواي عليه هل كلام.

ايهم:چا لعد انه شگول  وهل عيون كدامي..

لبابه:  خجلت دفنت راسي  بصدره العاري..

ضغط على حضنه گال: من نسلكت عشيرتي على هل خلقه.

لبابه ضحكت بدون مااحجي شي

ايهم: ساكته يبعد الماتو والعدلو،چا هذه هم حضي لو حاجي على  النذل هجان جان لسانج رشاشه

لبابه لاتحجي على ابوي.

ايهم هاا شوفي طلع لسانج، راح تخلين اصلخ ابوج بدعوه  مايشوف دربه.

لبابه: الله لايسمع منك.

ايهم اريد احبسج بقفص صدري، وين مااروح وياي.

لبابه: والله خجلتني.

ايهم:يلوكلج الخجل يبعد الخجل واهله..

لبابه: نزلني على الجربايه، طفه الضوه شغل تيب لام
مدد وسحبني عليه نومني بحضنه..
غرس اصابعه بشعري  ضل يحرك  لحد ماغفيت..

صحيت ثاني يوم على صوت ايهم يگول..

_افهم يااخي،بنتك احبها المن مدخل روحك بس گلي..

_ماتستفاد وداعتك،لو ما اعرف شنو هيه وشنو الي بداخلها فلا اخليها  بضهر جنسيتي.

_ستهدي بالرحمن وتعال احجي وياها وچف الامام الحسين اذا كالت ماريد شتريد اسوي بس يهجان اذا ماقبلت ترجع وياك، حياتي وياها خط احمر ممنوع حتى انت تدخل بينه.

_هاي هيه الله وياك.

ختم الاتصال شمر الجهاز  حط ادينه وره رگبته  دقايق طويلة التفت  انتبه عليه ابتسم بقوة گال

-صحوج المايخافون الله.

صبحت عليه حجيت
- ويه منو تحجي.

ابتسم  تقرب  مدد على الجربايه سحبني عليه، شهكت
قوه على حضنه گال

-ساعه اقنع بهجان  بنتك تريدني وهوه قافل.
ميدري كل دقيقه  يضيعها عليه بنته تنحبس بمكانها  دقيقتين، حسبي ساعه ش تصير..

لبابه: لاتحجي على ابوي، واني شعله.

عض ايدي گال
-ذنبج بنته من لحمه ودمه..

مااعرف ليش خفت من نبره صوته وحده كلامه ماعلم عاديه..

ضحك گال
-وين صفنتي؟!

ابتسمت حجيت
-ماكو شي.

رفع حاجبه بشك گال
-متاكده؟!

- ايي متاكده..

قوه على حضنه گال
- ولو ماصدكتج بس ياله عديتها..

حضني  ونام..

ماكدرت انام لان كعدت، بالكوه سحبت روحي من يمه..

ردت اسوي ريوك ماكو شي، سويت الچاي  رجعت للغرفه..

نايم على صدره  بس اكتافه طالعه..

كعدت بصفه  حطيت ايدي على كتفه  حركته، حجيت

-ايهم  كوم كافي هواي نمت.
نومه كلش ثگيل بالكوه ياله كعد.

بين ما سبح حضرتله ملابسه، وديتهن اله اخذهن بدل طلع، وكف كدام المرايه، مشط شعره ولحيته..

صد عليه گال:شكال  ربج من خلقج بااحسن شكل..

ابتسمت صديت عنه  ، تقدم عليه  تلمس حنجي صدني عليه صارت عيوني بعيونه  ابتسنم  عض شفته گال

-كل حركه تسويها تغريني حتى رمشت عينج احسها تگول تعال اضمك بين رموشي..
لو خجلت الي يزيد شغفي  وعشگي الج..

تلمس خدي ميلت راسي ركز بعيوني گال
-تدرين مرات احس رب العالمين، عاقبني بيج.

بعد شريد من الله  انثى خلق واخلاق..

بلع ريكه عقد حواجبه بخفه وهمس
-اعشگج، يالخليتيني اعرف شنو يعني "الحب
اعشگج يالورمتي گليبي 
اعشگج ياحلم وامنيةگلبي.

تقرب عليه باس ارنبه خشمي  ضحك گال
-تصدكين هسه ارتاحيت لان حصلت عليج، جان شبه مستحيل، لاكن صار حق وحقيقة..
بنتي،مرتي،صديقتي زوجتي كل شي انتي.

ابتسمت حجيت..
- تره والله مااعرف شنو ارد عليك.

ضحك گال
-گولي اريد اجبان،  طماطمه، بيذنجان، بتيته، بصل، خيار، لحم، بيض، توابل، اريد اسوي غده، لو ريوك..

ضحكت  من كل گلبي حجيت
-لعد وياك طرشي نسيته.

هز راسه  گال
-ياله ماطول هذه هنا السوك.

طلع من البيت قفلت الباب وراه،  مسحت البيت ماعلم مابي شي..

ساعه كامله ياله رجع.

اخذت المسواك صفيته بالثلاجه..
سويت ريوك،  وديته للهول تريكنه،   وغسلت المواعين، سويت غده، رجعت يمه بالهول بس ضوه لبلازمه مطفي الضوه وساد البردات..

فتحت الضوه ماقبل حجيت

- اريد اصب غده  كافي كسل.

ضحك گال،  قبل ساعه تريكنه شلحك ينهضم حته تغدينه.

كعدت يمه حجيت
انت ضل بهذه سوالفك..

ضحك فتح ايده هزيت راسي ضحكت رحت يمه..

حضني باسني من راسي گال
-لله يحفظج لگليبي.

ردت احجي  اجه اشعار سحب جهازه فتح ماسنجر  بابا مراسله..

ضحك گال
-استاذ هجان موقتها وياي.

ضربته بخفه على ايده حجيت

-لاتحجي على ابوي..

شدد على حضنه گال
بعد حجيت، متعلم من ابووج لساني مايلزم.

صديت عليه حجيت
-بابا مو هيج.

رفع حاجبه گال
-شوفي واذا مو هيج  بعد ولاانطق حرف ضده.

  بابا كاتب
- ايهم وين انت

رد عليه ايهم
-يعني وين غير بحضن  بنتك يااعمي العزيز

رد عليه ابوي
-من دنعل عشيرتك واحد واحد، كوا*سرسري

ضحك يصووت عالي گال
-ابوج ابد مامندفع، هذه منو الي فشر.

ضجت حجيت انته ستفزيته هذه هم حجايه ياايهم

رفع حاجبه گال
- بخته قوي ماتنطين بي

  هزيت راسي حجيت
-ثنينكم مانطي بيكم  ابوي عيني وانت ضواها شلون تريدني افرق بينكم.

ابتسم گال
- خبيثه محضره الرد لكل شي

- طالعه عليك.

ضحك كمل مراسله ويه ابوي بس فاجئني   ابوي راد عليه.

- اطلع اريد احجي وياك بعيد عن لبابه.

سويت روحي منتبهت  گال

-حبيبي الحلو  ثواني وارجع..

هزيت راسي وابتسمت   غمضت عيوني غفيت..

ماحسيت غير على طفيه الكهرباء.

فتحت عيوني  ترمش الكهرباء  اجت تفاجئت اني شوكت اجيت للغرفه اتذكر جنت بالهول..

صديت لجهه ايهم  كل عاده نايم على بطنه بس كتوفه طالعه..

كمت طفيت الثلاجه لان مولد.

اشتهيت اسوي گهوه صارلي هواي مامسويتها..

طلعت الگهوه والدله بديت اسوي بيها،  سمعت صوت

التفتت لمصدر الصوت

مرتاك على الباب  حاضن ادينه لصدره العاري..

گتله:محتاج شي؟

شبه ابتسامه ضهرت گال
.. لا سلامتج، شدسوين..

جاوبته:كهوه.

تقرب كعد على  الكرسي گال
_يا نوع؟!

ميلت راسي حجيت
_مره.

ابتسم  مسد على لحيته اخذ نفس گال
_ايامي من دونج.

ضحكت وحجيت
_  وانتَ!

رد  باابتسامه مكر هامس  

_حلوه 

ابتسمت حجيت
_ نفس ايامي وياك..

كام وكف تقرب عليه  احتضن خصري   باسني من خدي دك جهازه..

ضحك  بصوت عالي گال
_ ماكو غير ابوج.

- ايهمم

ابتسم گال
-عيونه روحه عافيته ناسه وهله بعد..

قبل لااجاوب  طلع  رحت وراه، فتح خط حجه بسرعه

-عاد انت تتصل بااوقات متفيد...

كمل كلامه باابتسامه ثواني  نمحت الابتسامه..
حجه بسرعه..

-لعد هجِان وين وانت منو؟!!يتبع

مسائكم قفله  تلوك لدماغكم يحلوين.

توقعاتكم للبارت القادم.
لاتنسون التصويت.