رواية لماذا احببتك الفصل الثاني عشر 12 - بقلم اورجانزا الطائي

ملاحضه علقو  على الفقرات وتفاعلو حتى باجر الكم بارت حلو  ودسم ومتروس  احداث 😂😂

قصه لماذا احببتك
البارت الحادي عشر « مفاجئ»
بقلمي اورجانزا
.
.
.
.
.
.
.
.
.
.
.....جيلان

دموعي ماوكفن   مااكدر كل رمشه من عيني اتذكر شكل ذات.

مشاعر وموده  يبجن ويهدن بيه
بس عبث الشكل مايروح من بالي..

انه مااخلي امي تذبح دجاجه مو نوب بني ادم ينذبح كدامي تحت مسميات  غسل لعار..

كومتني مشاعر  دخلني جوه  بالصاله   اشاهك
واتوسل فدوه خابرن هِجان   والله بس يحسون اني ماموجوده يذبحون امي 

مشاعر ببكاء   هسه اذا اخابره شنو اكله بس فهمني

موده  وين جهازج جيبي اني احجي وياه انتي طلعي منها

مشاعر هاج اخذي

جيلان  جابولي مي مااكدر اشربه.
كعدت  يمي موده واتصلت

موده هلا والله شلونك خويه

لالا انه موده بنت خالتك شنهي ماعرفتني

لالا عادي بس تعال بسرعه محتاجيك خالك الشيخ صابته جلطه واهو بيتك لان طلب يشوفك

ها ايي اي كالت مشاعر 

اي هم صدك بس اكلك ديسم مو ببغداد خلي يروح يمها بين ماتجي.

بس امانه الله  محد يدري خابرتك  ومحتاجيك وبداعه لبيب هِجان  تجي لبيتك وحاول تسرع بس مو تسوي حادث

ياله ياله مع سلامه

سدت الخط  ونزلن دموعها  كالت تره ميحتاج  روحه للقاضي.

واذا تردنه يجي بس كولو عمك صابته جلطه والله كبل يجي لان عباله بسببه..

مشاعر هيج راح يشكون اذا خابر على واحد من الولد شلون.

موده انتي بس سكت  ميخابر لان حلفته وكتله ميردون يكولوولك.

جيلان  اي طبه تصير اجفل لو اصرخ صارت عندي خوفه..

تعبت حيل لدرجه مااكدر افتح  عيوني  يوجعني لدرجه

مااكدر اديرهن من اليمنه لليسره

  مددت على القنفه سمعت  طبه جفلت وكلبي يدك بس لا اجوني..

موده حجت
مشاعر فتي غرفه هِجان خليها بيها  وقفليها حتى خاف يجون لو امي خالاتي من يجن ميشوفنها هناا

وبالتالي كلهم يعرفون هِجان مفتاحه بيده ميقبل احد يدخل لغرفته..

مشاعر اي ولله صدك  كومي موده  تعالي لغرفة هِجان لان والله خالاتي ماطول شافنه طولنه راح يجن.

موده  هزيت راسي 

فتحت مشاعر الغرفه ودخلت   جابت مي بطل 

وحجت

مشاعر: جيلان انتضري بس يجي هجان والله كلشي ينحل  واذا تحتاجين شي بس دكي الباب تلكينه يمج خاف تسمعين صوت  ابد ابد لاتحجين.

جيلان هزيت راسي وهنه طلعت  قفلت الباب واني 

كعدت بالكاع بنهايه الجربايه  كدامي مرايه على طول الحايط  تقريبا عرضها 3 متر او اكثر  وارتفاعها اقل من نهايه الحايط بشبرين..

على الجهه اليمنه كومدينه مجرات حجمهن  صغير  عرضها  ست مجرات  واليسره  رفوف  ممليه عطور وعلب..

باوعت بالمرايه  ركزت واشوف شكل ذات كدامي   صرخت خليت ايدي على حلكي

اي مرايه اباوعلها اشوفها شلون مذبوحه

كمت بسرعه كعدت بين الكنتور والحايط مسافه صغيره حشرت نفسي وكعدت بيها   حاضنه رجليه لصدري وابجي..

صوت ذات براسي من فضلت الموت على هِجان وصوت لساعه  تك تاك تك تاك تك تاك..

خليت اديه على اذاناتي ماريد اسمع.

عيني على الباب اخاف يجوني..

شوي وسمعت صياح يبووو

گلبي يدك بسرعه  خفت   زدت بالبجي  والشهك..

ثواني وتحركت يده البااب  غمضت عيوني وادعي  مااجو عليه..

اجاني صوت مشاعر

مشاعر بقلق وبكاء شبيج جيلان شو وخري ادينج يمعوده فتحي عيونج...

جيلان  مااكدر احجي بس ابجي واشهك وخرت اديه عن اذاناتي وكعدت كدامي

مشاعر ليش هنا كاعده

جيلان ببكاء وغصه . اخاف ولله

مشاعر غمضت عيونها وفتحتهن  جيلان انتي قويه لا هيج تسوين..

وهسه وصل خبر الوفاه لبيت اهلي.
كالو  ضاربتها شاحنه ومشوهه وجهه..

جيلان  بصدمه لا والله اني كدام عيني شفتهم شلون ذبحوها والله  وداعه امي  شفتها جذاببييين واللله جذاابين لاتصدكونهم

وين هِجان  اريد هِجان راح يذبحونه اني وامي وراهه واللله 

مشاعر اششش والله مصدكتج بس مراح نكول شي
منا لحد مايجي هجان ويعرف حتى مايصير حجي  وائمن الج.

جيلان ببكاءبعد شكد ياله يجي  والله اخاااف 

مشاعر قبل شوي خابر كال  دخل الناصريه

جيلان لاتجذبين عليه شبسرعه  والله جذابه تردونهم يذبحوني  بجت 

مشاعر  لج شنو الي جذبون صارله ساعتين  ونص مدري اكثر

جيلان جذابه والله

مشاعر  اني راح اروح للفاتحه لان امي دزت عليه وراح اروح تبقه يمج موده  لان خالتي راحت قبل امي  كالت جيبو موده وياكم..

جيلان ماجاوبتها   طلعت وقفلت الباب

امي شلونها ومنو يمها هسه بالها عليه.. مجرد تذكرت كلامه  اذبحج امج واذبحج   بجيت بقوه خليت ايدي على حلكي ماريد صوت يطلع.

صار هدوء وطبك الباب قوي خفت  وابجي  واردد اجو يذبحوني اجوي يذبحوني  ابجي واشاهك واردد اجو يذبحوني..

شويه  وسمعت صوت موده تحجي  ويه هِجان مجرد سمعت صوته حسيت بالامان.

عند سماع صوتك

اعجز التحكم بمشاعر.

اهتز كياني.

ارتعد قلبي.

وعجز لساني.

فانته الامان لي ولقلبي..

بقلمي..

سألها عن بناته واخته

اسمع موده تكله
هسه يجن راحن لبيتك.
وخالي اخذو البيته..
انته بدل وارتاح انه رايحه للمطبخ

دقايق طويله  نفتح الباب 

دخل للغرفه مجرد شفته ركضت عليه حضنته.اشاهك وابجي

هوه نصدم بالبدايه بس صدمتني رده فعله..

وخرني عنه وضربني راجدي بگفه ايده   احس وجهي يطلع منه نار

صاح بصوت رعد البيت

هِجان بعصبيه  موددددده

اجته موده تركض وجهه اصفر

موده بخوف هاا

هِجان بعصبيه. صخمااات شتسووي بغرفتييي  احجي بسرعه

موده بتوتر وخوف: اول شي لاتصيح وخلي نحجي اوكف شوي

هِجان : احجن ياله

موده: خويه جيلان تخاف لايذبحوها

جيلان   بس حجت هيج موده  مااحس غير  الحقير فوكاي  واكف جرني من ايدي وكفني

هِجان متحجن شكو  ليش يذبحوها

جيلان  اخااف والله اخااف بس انته متاذيني  والله يذبحني هوه كالي اذبحج انتي وامج  والله

هِجان ياصبر ايووب احجن شكو  ومنو يذبح تره شلعتنه گلبي  مشاعر وييين

جيلان ببكاء عمو الشيخ ذبح ذات كداميي  زادت بالبجي من عصر هِجان ايدها..

هِجان شتحجين انتي موده احجي شكوو

موده بس عوف ايدها راح تنكسر  حتتى احجي

هِجان ياله احجي تركتها.

موده اسمع خويه البارحه ذات ماكو اختفت فص ملح وذاب

دوروها اخوتك وولد عمومتك هم ملكوها

اليوم الصبح جنه كاعدين اجتنه جيلان هذه حالتها تبجي  وتول راحيذبحوني خابرو هجان
من سالناها 

خالي الشيخ  كايل لصمد يذبحه وصمد بجت وكملت ذبحها..

هِجان: عصب وفتح عيونهه كز على اسنانه  وكال ليش محد كالي

موده ابوك يكول هوه بيا حال وانته اصلا رفعت النهوه يعني مو اله  حجت بصوت اشبه للهمس، يكولولك.

خزرها وكال ابن عمها انه لاتنسين موده، اردف بغضب كملي.

موده. فا صمد  جيلان شايفتهم شلون ذابحيها  وصمد ضاربها وخالي لشيخ كايللها اذا تطلع اذبحج واذبح امي وره ذات..

وهيه عايفتهم وجايه علينه.همه لحد الان محسو بيها مختفيه لان محد دورها

وقبل ساعه  طش خبر وفاه ذات بحادث سير على اساس شاحنه رادمتها  ومشوهه وجهه وكبل ميته.

وجيلان اجتي تتحامه بيك  لان تدري بيك مراح تضلمها وتاخذ حك ذات مننهم.

هِجان  بغضب مكتوم؛: الي يسأل عن جيلان كولو ماجت 

وانتي موده هسه اخابر حسين يجي ياخذج يوديج  وانه باقي ممنوع تكولين اني اعرف اريد اشوف شوكت يخابرون عليه..

جيلان  راحت موده وانه بقيت بالغرفه بس ماقفلها..
حتى مادخل الها بس صوت تكسير من بره واخاف اطلع

  كاعده وحاضنه جسمي لصدري  وابجي اخاف من هِجان يكول الهم اني يمه والله يذبحوني..

مااعرف شكد مر من الوقت  واجاني صوته العصبي
عدلت حجابي وماباوعت بالمرايه...

طلعت خوه ليكدام والف ليوره   وصات للصاله مرايه مكسوره   وايده مضمده..

اشر على كرويته كدامه

كعدت  وكمشت اصابيعي وابجي بصمت.

هِجان بغضب   سولفيلي من البارحه لليوم شصار بدون جذب ولف  ودوران. الج عشر دقايق  بس.

جيلان اااا البارحه الصبح  امي كالت ذات شارده من البيت  مختفيه ماكو الها اثر  يدورون عليها بس محد طلع السالفه لاحد.

لحداليوم الصبح  جنت كاعده بالبستان سمعت صوت ذات    عمو كال الصمد  اغسل عارك يابوي  وشهكت ماكدرت اكمل  صاح بيه  كتله   و وو وو  وو  رجع صاح بيه

هِجان  بعصبيه:  صخماااان تحجين لو اوديج لعمي.

جيلان لالا  صمد حطها بالكاع م بجيت بقوه وحجيت من بين دموعي  وووذذذبحهاااا   رحت عليها شافوني  صمد ضربني وعمي كال اذا اسمع واحد يدري يذذذبببحنيي ولله وبذبح اميي

ضرب ايده على رجوه الكرويته وكال

هِجان  ليش اجيتي عليه انه بالتحديدد

جيلان   ببكاء  احس مو كلمات مدري شنو  لان انته تحب ذاات   ومتاذيني وو

هِجان ضحك باستهزاء  وكال  تدرين انتي سويتي نفس ذات يعني هم شردتي..

جيلان  لالا  تكول لاعمي  والله هوه بنته ذبحها نوب اني الغريبه يمكن حتى يكطمني ويشمرني للجلاب

كام وكف وكال انتي مو غريبه  وثانيا انتي دخيلتي وموش انه الي يرد دخيل  وحك ذات انه ارجعه..

سكت وحجه  وانتي نامي اليوم بغرفه البنات ومن يجن تنامين بغرفتي وومنوع تسمعيهن صوتج لحد ماا شوف شغلي..

هزيت راسي وهوه طلع وانه رحت لغرفه بناته كعدت  بالكاع خاف ميقبل اكعد على جربابي بناته..

ضليت كاعده بالكاع مااكدر انام اخاف  وكل واهسي يم الباب كل ماتنسد لو تنفتح اجفل

تلث ايام لااكل ولانوم تعبت حيل بالكوه اوكفوعلى حيلي 

بس ادوخ ومااشتهي المي  كل ماريد اشرب اتخيله دم وتلعب نفسي

ولحد الان محد كال لهِجان ذات ماتت ينتضر يكلوله
اجتي مشاعر  اليوم

سمعتها تحجي ويه هِجان  تكله

مشاعر يخوي البارحه باليل اجتي ام جيلان  تبجي  حجت ويه الشيخ جيلان مختفيه  الها من موتت ذات
ونخبص دز ناس تدورها..

وسألني عليك حرت شكله بي كلت ماكنالك  حتى لان انته حاير ببنتك..  عاد سكت.

دك جهاز    ماميز شيحجي بس كلامه بهدوء

دموعي بس ينزلن  حتى صايره مااكدر احجي صوتي منبحوح..

شويه وانفتح الباب دخلت مشاعر

كالت شلون صرتي.

هزيت راسي بدون مااحجي

مشاعر   ليش كاعده بالكاع كومي كعدي على الجربايه

هزيت راسي ب لا

كالت

مشاعر ليش متحجين..

اشرتلها على لساني مااكدر احجي.

مشاعر هسه اسويلج حليب وزيت زيتون

ماحجيت شي شويه واجتي جايبه الكوب ماقبلت اخذه..

كعدت يمي  ماحجت شي ولا اني حجيت لان مااكدر ومالي نفس.

شوي وكامت  طلعت   مااعرف شكد وصاحتني  وكفت احس راسي يدور وحراره برجليه مشيت  وصلت قريب المطبخ  مشاعر واكفه  وهِجان  يعدل بساعته..

احس كلام مشاعر بعيد حيل ثواني وغواش احتل عيوني   وفقدت التوازن  بعد محسيت بشي غير الحراره الي باذاناتي وصوت هِجان ومشاعر الي ماافهمته..

مشاعر•••

بنات هِجان خبلني وحدتهن وحده..
كعدني  الصبح  ماكعدت موتني اليل ماانامه من وراهن ب3 ونص ينامن  واني متعوده 12 نايمه.

كعدني رادن غلست ماكعدت    شويه  وتعاركن كعدت على صياحن  يم راسي ..

 
سبيل تحجي وتخوصر..
لونايمه مو احسن  المن كاعده.

بان امشي امشي عوفيها خلها تسوي ريوك

مشاعر والله ولا الي خلك احجي عفتهن  وكمت غسلت ولميت شعري...

رحت للمطبخ سويت ريوك بيض سلك لان هنه ياكلن بيض سلك وحليب  واني جاي

كملت خليت على الميز   وحطيت مملحه وعلبه لشكر  والخبز.

كعدت اجن  كعدن سويه  حطيت شكر لكوابتهن   واستكاني و شلت المملحه ورشيت على البيض حجت ام لسان

بان.   احنه ناكل خيار الصبح ويه البيض مناكله وحده مو صدك سبيل

اتنفست بذيق  وكمت سويت شرائح خيار متأكد مياكلنه بس خباثه..

رجعت كعدت لكيتهن ماكلات نص الاكل    خليته على الميز كعدن ياكلن بس ولا ذاكن الخيار لان هنه اصلا ميحبن الخيار.

اكل لفتين  بس  هنه ياكلن سريع 

خطت استكان الجاي  شلته بيدي  هستوني شربته  لعبت نفسي  منه كمت اكح، الحقيران  بس يضحكن

صحت بيهن  منو خلت ملح بالجااااي احجن بسرعه

بان  بمكر اذا انتي عمه شنسويلج انتي خليتي ملح 

سبيل ياا عمه انتي خليتي احنه شفناج بعينه

مشاعر  بسرعه احجن لاتجذبن لا ووالله اكول لهِجان اخلي يعاقبجن

سبيل بخوف بان بان خلته مو اني ولله عمه

بان حقييره  ليش تكليلها  ، قابل صدكتي راح تكول لابويي

مشاعر   جريت بان من اذنها  وحجيت ولج انتي شوكت تعقلين بعدج هل كدوتج وهيج لسانج.

بان وشسويتج عيييني

مشاعر لا ولله بنت امج من جرت العييني

بان لاتحجيين على اميي حقيرره

مشاعر ولج منو الحقيره

بان وخر ي وخري

مشاعر بعصبيه احجي منوو

باان اكو غيررج انتيي

مشاعر فقدت  اعصابي وضربتها راجدي شوهاي بدل ماتبجي

دفعتني بقوه  عنها وكالت يااارب تموتين ونخلص منج عمه حقيره

مشاعر اليوم اطيح حضج والنبي..

سبيل خنست بس هل الحقيره ام لسان طويل راحت واسمعها تلعلع..

شلت المواعين وغلستهن  ونضفت البيت للضهر اجتي امي..

الوجه مايتفسر

اجتي كعد انطيتها مي شربت..

سألت على بنات هِجان  هستوني اريد احجي اجتي ام لسان تبجي.

امي خلتها بحضنها وهذه تشكيلها وتبجي

والله حتى اني تاثرت بكلامها

والثانيه كاعده بسدها

  امي ماقصرت رزلتني كدامهن وهذني يضحكن   كامت من حضن امي وتطلع لسانها  ومشت

ضحكت عليها يربي شكد وكحه

نوب سولفتلي على ذات حركت دمي وراحت..

ساعه وحده هيج اجتني ام لسان متخوصره

بان عمه حقيره، شو مسويتي اكل احنه نتغده ب12 وهسه ميتييين جوع

مشاعر احجي عدل لا ولله اكتلج.

بان هسه اني شكايله   بابا هيج علمني

مشاعر ولج جذابه ابوج علمج تكليلي عمه حقيره

بان لا بابا علمني اكلج عمه لان احترمج اكبر مني واخته

مشاعر وحقيره شنو هذه مو غلط لو لا

بان  لا عمه شبييج حقيره اسمج لان انتي حقيره فهمتيي.

مشاعر  بان والله والله راح اكتلج فهمتي لولا  امشي عني بسرعه هسه اسويلج اكل.

عافتني وراحت  طلعت بتيته كليت  وحطيتها على الميز وصحتهن اكلن وخلصن  وراحن عني.

ضل بالي يم ذات خابرت امي كالت ملكوها وابوي مانع احد يخابر على هِجان لان راح ويه بنته..

اليل كله بالي يمها   شصار وياها.استدرجت امي بالكلام  صمد وسليم يدورونه

يعني مشارده ويه سليم ياالله وين لعد.

صار الصبح  واني كاعده سويت ريوك للبنات  اتركين وراحن يتابعن كارتون

شويه ندكت لباب طلعت  فتحتها  شفت سنين فد فرحت لشوفتها

طببتها جوه بالمطبخ

سولفنه على ذات   وين معقوله رايحه..
  اخذتها ورحنه بالصاله نصيت الصوت لان عالي  ام لسان ضاجن دزيتها تجيبلي مي..

شويه وجابته الي  نسيت دكه البارحه   اني واحجي ويه سنين شرربت منه ردت ازوع مصاريني من الملوحه البي.
ركضت للمطبخ  ذبيته بالسنك بس شنو شكد حاطات ملح درجه مو كله ذايب..

غسلت وجهي ورجعت عليهن   حجيت بعصبيه  باان ليش مخليه مللح  للمي

بان  بفطاره مزيفه. مامخليه ملح واني شمدريني دردين تشربي عبالي تغسلين ايدينج وجبتلج من البوري مي.

مشاعر بان  عقلي مو لعبتي نفسي  والله امشي لغرفتجن عقاب الجن ممنوع تابعت كارتون اايوم.

عافني وكامن مطنكرات

سنين خربانه ضحك عليهن..

راحن هنه شويه وندك الباب
طلعت واجت وراي سنين

صحت منوو اجاني صوت طفل.

فتحت الباب وصرت وراه

دخل لطفل شايل ملابس  استغربت

.. خاله هذني الكم ملابس امي كالت  نشمرن من هذه البيت.

فتحت حلكي من الصدمه هذني ملابسي  البارحه سبحت وشريتهن..

اخذتهن منه وكتله حبيبي شكرا هذه الهوه طيرهن.

راح الولد واني وثلت حدها وياهن رحت عليهن  لكيتهن نايمات

عفتهن وطلعت  شبسرعه نامن وهنه قبل ربع ساعه يلعلعن..

كعدت كمشت راسي منهن  حاجيت سنينه اني اروح اسبحلان ولله  متت حرر واكول للولد الهوه هوه وين الهوه.

سنين ههههه اني هم كلت دنيا حاره ياهوه تحجي عنه

مشاعر لعد شاكله  متكليلي   عفتها اخذت ملابس ورحت للحمام سبحت وطلعت  شميت ريحه غاز

تمشيت للمطبخ  الريحه قوت    ركضت للغاز مشتغل والعيون مفتحه سديتهن وفتحت باب المطبخ

واشوف سنين  واكفه  شافتني حجت بسرعه

سنين واخيير ا  فتحي مو متت حرر

مشاعر وانتي شتسوين هنا

سنين بنات اخوج سدن عليه لباب ههه

مشاعر هنه مو نايمات

سنين وين بس دخلتي للحمام  اجن يمي

مشاعر ليوم اني اعلمهن ولله وصلت حدها الحقيرات

اخذت صونده من الكاونتر  ثارلي هواي بس اهدد بيهن بس لا والله وصلت حدها ساعه ملابسي ساعه غاز ساعه ملح

اخذتها ورحت عليهن كاعدات يلعبن بغرفتهن ولا كانو شي

جريت ام لسان من اذانها  واحجي بثعبيه انتي فتحتي موو

ولا تجاوبني بس تكلب بعيونها  ضربتها بالصونده يامكان اليوجع  طلعت حركه كلبي بيهن ثنينهن عفتهن يبجن  وطلعت

مشطت وكعدت بالمطبخ يخوفن هذني
 
نص ساعه واجتي موده واستلمتها رزايل  گلبي تعب ولله  كل يوم وحده شكل..

موده مستفزه بشكلل مو طبيعي كلها تكللها انتي مستفزه  وهيه تضحك تستفز بالزايد...

سمعنه صوت الباب يندك   قوي رحنه للباب
فتحنه الباب جيلان تبجي صدمني شكلها كلت امها صار بيها شي لو ذات

بس صدمتنه من كالت  اريد هِجان  ذبحو ذاات

تيبست بمكاني   اخذناها بالصاله حجت السالفه واني مصدومه من كلامها ولله حتى خفت..

لايجونه

  موده خابرت على هِجان  خلقت حدث من دون حدث

شكل جيلان يبجي  ضعفانه حيييل وين جيلان جانت وين صارت

تقريبا شهر او اقل مشايفتها.. لان ملتهيه تحضر بالمرحله الجديده..

سواد جوه عيونها وملامح وجهه ذبلانه حييل   احسها بالكوه عايشه..

تبجي وحاضنه رجليها  وتردد  ذبحوها ذبحوهاا

اكثر  وحده تاثرت بمووتت ذات هيه جيلان لان جانت اقرب وحده الها  لدرجه مو طبيعيه..

وتحسهن اخوات حتى الشبه  قبل  جانت ذات تعارك بيها  وتضربها بس يوم وليله ذات تغيرت ويه جيلان  صارت اكثر من صديقه لها وبعد  ماكطعن.

سنين صافنه ماكو اي رده فعل
موده دموعها تنزل  بهدوء

وديننه جيلان بغرفه هِجان حتى بنات ميشوفنها  يروحن يسولفن.

شويه وخابرتني امي  تبجي

تكلي ذات داعمتها شاحنه ومشوهتها ماردتها مرد

مااعرف شا كول ذات صمد ذبحها  ، وجذبو كالو مدعومه..

كالت حضري روحج هسه اخذج وياي خالتج راحت..

سديت الخط  وحجيت ويه موده الي كالته امي

موده لعد شتردينهم يكولون اكلنه خر* بدينه

شويه وندكت لباب طلعت موده  جايه خالتي ام ديسم

كالت يبووو يخاله مااتتت العزيزه
بجت شويه ونعت شويه واخذت سنين وراحت

رحت لغرفه هجان جيلان كاعده بالزاويه وتبجي حاطه ادينها على اذاناتها..

حجيت وياها  وطلعت  اخذت البنات ورحت  لبيتنه

بدلت وطلعنه لبيت عمي 
وصلنه للبيت  صمد  مكرفص بالكاع ومخلي ايده على عيونه

وسليم  عيونه حمرررر  وجهه محتقن اعصاب شكله

شافني   نزل راسه ومشه   وعمي كاعد وصافن

امي تصيح يبوو والبيت مخبوص بالصياح   والطم

خالتي ام ذات  تدك وتلطم   وتصيح

... ولكمم بنيتييي  بعزز شبابهاا   وماتتتت االله لاينطييي الجان الهوايد ولكممممم بنيتتيي  ورده مفتحه وررده ماتت  يبوووو  ولكم  انه اعيششش وهيه تسكن جوه التربااان  واكممم هذه عزيززززه روحييي  وينك يحيي الداريييين وينك يابوو فاااضل اريد حكها تطلعه من عييين السبع ولكم بنييني. شنو ذنبهاااا بيااا ذنننببب نكتلت   بيااا ذنببببب بس  احجوو 

مشاعر،   خالتي تبجي وتخرمش بروحها  كطعت گلبي

للعصر انكلب البيت ناس   وكلها تعرف بنت الشيخ ابو قامه بنته  ماتت حادث شاحنه

«اختصر ايام الفاتحه»

باليوم الثالث  عمتي ام جيلان اجت  للشيخ تبجي
اخذها وراح للمضيف   رجعت كعدت يمنه
حجيت وياها  كالت جيلان مختفيه صارلها 3ايام.
قهرتني حيل.

شوي واجه عمي سالني على هجان كتله يم بنته ببغداد وصدكني لان ابوي  هم ثبت كلامه.

ثاني يوم رحت لبيت هجان  بحجه ملابس للبنات
فتحلي لباب  البيت  ودخل  لكيته كاعد بالصاله ويشرب جكاير 

حجيت وياه  قافل ينتضر عمي  يكله ذات ماتت

بس حسب الي فهمته منه  لان ماكالو  هل تلث ايام 

لان مدسترين السالفه  من كل النواحي وكاتبين  بشهاده الوفا ميته حادث سير غير معمد  وفاتحين القضيه يوم وسادينه بعدم ايجاد دليل يثبت

ولو هجان موجود يعرفون هوه عنده عرف ومايكدرون يسوون شي بدون ماهوه يسوي..

كتله شراح تسوي هسه

هجان  شرب من الجكاره  وكال  عمج ميدري شراح اسوي بي  هز راسه وارتاك على الكرويته

شوي دك جهازه اشر بالجهاز هذه عمج

حجه وياه وحسب الي فهمته كايله ذات توفت بحادث   وماكدر يكله لان يم بنته.

بس هجان  صدمني عادي عذره ولا كان شي
سالته  كال انتضري  ماتعبر سبعتها ذات اذا مو كتالها بالسجن..

كتله شلون

هِجان عمج يخلي راسه ويه واحد بالاستخبارات  هههه
لج بابا اني  عندي عرف  بكل المحافظات  واسطتي جبيره بالدوله..

ومكمل كل شي بس بقت عليها شهاده صخمان حتى تثبت الدعوه عليه

ميدرون  حتى بدون  مااخذتقرين من الجثه اني سويته حسب كلام ذات.

دك  جهازه اخذه وطلع  واني رحت لجيلان حجيت وياها متكدر تحجي

سويت الها حليب وزيت زيتون مقبلت تشربه حجيت وياها حاولت اغير جو بس عبث  عفتها وطلعت

لكيت هجان مبدل واكف بالمطبخ

كتله الله جابك كمل وبعدين شيصير

كال الادوث مينسه سالفته

مشاعر بانزعاج مقبوبله منك خويه كمل

هجان بتحسب.
والشفيه صمد من اخذه واحقق وياه  ويعترف تثبت عليه  وانه اكلج نهايته سجننن  لان قتل معمد  وعمج راس الجبير

سهلها عليه من مكال شارده حتى البسها براس ابنه

مشاعربستغراب  ليش

هجان. لان القضاء راح يحسبها غسل شرف  وتحكم عشائرين.  حسب السنينه..

مشاعر والله داهيه انته..

هجان  أخذ نفس  وزفره وكال ااا يمشاعر الاستخبارت وعمج الشيخ علمني هوواااااي

مشاعر صدك هجان جيلان تاكل لو لا صايره متنشاف  شضعفاتها..

هجان  اصلا ناسيها متكول اريد اكل  وانه وين وانتي وين.

مشاعر هجان خطيه  لاتسوي هيج بيها تره تحبك والله

هجان بعدم مبالا اعرف تصدكين لكيتها تشكي لبابه عليه  زعطوطه. سكت  واردف
صيحيها  خل تجي  تاكل  او اكل بالثلاجه

مشاعر  ماعولت كبل صحت جيلااااااان تعاليييي شويي

شويه واجتي  بس شنو نفس السكران تروح يمنه ترجع يسرى   وصلت باب المطبخ احجي وياها ماكو   اخر شي فقدت الوعي.

ركضنه اني و هجان عليها  شالها هجان  وداها بالهول  اخذت المي ارش عليها ماكو  وجبت عطر شممناها  ماكو  

اخر شي حجيت ويه هجان ولله ماتصحه شوف مو رشيت المي والعطر وهيه ماتصحه

هجان هوه اني شمطيح حضي غيرج  وخري  ش ويه

مشاعر   اخذ من ايدي العطر وكعد بصفها بس تبعده مسافه..

رش كميه من العطر نكع ايده  وخلاها يم خشمها  ملامحها نعفسن   ومدري شتحجي   شفايفها يتحركن بلاصوت   قري ايده هجان على خشمها حركت ادينها ودفعته  وكع بالكاع صاح بصوت عصبي

هِجان  صخماااان والخلقج متعبر هل دفعه من طيح للن حضج
  شويه وصاحت بقوه 
درجه تني وهجان نصدمنه بس خربت ضحك وهجان خزرني عاد سكتت بس بالكوه كامشه الضحكه..
.
.
.
.
.
.
.
.
.
.
.

جيلان••••

حسيت على ريحه  كلش قويه  خنكتني 
فتحت عيوني واشوف حربه  يمي كامش القامه ويريد يذبحني  دفعته بقوه واصيح وخر وخر عني  والله مسويت شي  ابجي واصيح التفت  واشوف امي  مدده بالكاع و الدم تارس بطنها 

  صحتت يمممه  التفتت للجهه الثانيه هجان واكف  واكو اشواك  بينه  صحت بصوت عالي هجااااااااان
ضربني راجدي حربه  شهكت وصحيت  اباوع  شو مشاعر  تضحك وهجان عاكد حواجبه.. يتبع...

البارت عباره عن 3590كلمه.