رواية لماذا احببتك الفصل الحادي عشر 11 - بقلم اورجانزا الطائي

قصه لماذا احببتك
البارت العاشر
قلمي اورجانزا

.
.
.
.
.
.
.
.
.
.
.
.
.
.
.
.... موده

يماا شنو

.... ابن خالتج حربه مات.

موده: ياا خطيه لله يرحمه

... انه طالعه راح اروح لبيت خالتج تجين وياي

موده اي اروح.

... روحي بسرعه غيري ملابسج وانه اكول لابوج.

موده هزيت راسي وصعدت بدلت

رحنه للفاتحه يوم وثاني يوم ابوي دز عليه..
كايل لامي اروح لبيت عمي ابو حسين

العصر رحت لبيت عمي ابوحسين

ضليت يمهم 20 يوم حسيت تلث ايام وصاحي جابو للبيت حالته حاله ايده ليسره مكسوره

وجهه مورم

كعدو بالديوانيه
والخطار رايح راح
الجايات خو ميخلصن...

بهل ايام البقيت بيهن يم بيت عمي حسيتهم مختلفين عن الي جنت اشوفهم بي

خاصته حسين بين كلمه وكلمه خيتي واصلا ميباوع بوجهي غير مره من تحمدتلة..

مشت الايام وخلصن العشرين يوم
اخر خمس ايام صارت حالته احسن وصعد لبيته..

عرفت هجان ابن خالتي مصوبينه هوه وبنته...
ضجت على لبابه كلش حبابه
بس اجذب اذا اكول ضجت على هجان لا عادي..

جنت مااحب اجي لبيت عمي بس من اجييت لا تغير تفكيري وكلش حبيتهم حسيتهم اهلي والبنات ابد مافرقني عنهن..

رجعت للبيت عادي ماكو شي الحياه مستمره

عرفت ابوي راد الموافقه لاهل خالد ولان خالد بالفاتحه ومن تصوب هجان هم موجود ابوي مقابل اروح...

روتين ممل اكل نوم شغل هذه كل الي جنت اسوي من غير كعده الحديقه ورشها لصبح حتى يطلع ريحه التراب.

عرفت من امي هجان رافع النهوه عن ذات

اول مره يكبر بعيني هجان ههه بس ولله احترمه لان جبير وحنين على بناته وعاقل ومحبوب كلش

كعدت الضهر الساعه 1 ونص.

لكيت امي كاعده وتدك على وجهه

كعدت يمها كتله شبيج يماا

كالت بنحيب وقهر. ولج ييمه بنت خالتج سودت وجهنه عود هذه الجبيره الفاهمه وين نضم وجهنه عن لناس

موده بتسائل ليش يماا شكو شبيهت ومنو منهن الله ماكثرهن بنات خالاتي..

... ذات ذات من لله يصلح حالها

موده بفزع ليش يماا شسوت احجي عاد

... ذات رايحه شارده مدري ويه منو كاعدين الصبح مدورينها ماكو فص ملح وذاب لايكدرون يحجون ولايكدرون يسكتون..

حتى لبساتين خامينهن فارغات يصوصن
ورجل خالتج هادر دمهه لان ناهبه..

موده عزااا صدك يمااا مو بنته هذه ليش هيج

.... يارببييي استر علينه ولج هوه ايده والقامه

وصمد يخم بيها
ابو كايله وين متلكاها جيبها سحل وبيدك تذبحها...

موده: لايماا صمد ميذبح ذبايح تردي يذبح اخته بس حجي

قابل بيهم نفع ميسوونها وداعتج

... بعصبيه وانفعال.
امشيي من وجهي. ميسووها مو انتي جنتي موجوده قبل 25 سنه...

موده جنت مكنبصه تربعت كدامها وكتلها بفضول احجي شكو قبل 25 سنه.

.. والله والله يموده اذا متوخرين من وجهي اعتبري روحج ميته، شكد تلحين اكص ايدي اذا بقيتي يومين يم رجلج

موده بتفكير
لالا لا يمااا ذيج هيه ماالح ولا اجاوز ولا العلع على كولتج.

... بعصبيه اي مو هذه تفكيله زرو** عابت يحلكي شلون اريد احجي.
استغفرت وحجت بعصبيه

توخرين من يمي لاوالخلقج يموده احطج واذبحج.

موده ههههههه اموووواح حبيبه گلبي

موده امش ولج ام لساان شايفه انه انتي تبقين على گليبي

موده عفت امي وصبيت تمن ومرك
كعدت اكل

تذكرت ذات من تكول بس يلحون عليه اني اشرد ويه سليم

يارب ينجمعون...

امي تدك وتنوح بنيه ووحده الله اعلم شسوو بيها هسه
ابوي هم ماسكت ضل يحجي على امي وامي ردته عاد سكت ..

يوم كامل ذات مختفيه باليل نمت من وقت

كعدت على صوت امي تكعدني

غسلت وتريكت

امي كالت نروح لبيت خالتي ام هجان

ابوي موافق اروح وياها.

بدلت وطلعنه الصبحيات

مسافه الطريق.ونزلنه يم بيتهم

فتحولنه لباب دخلنه للبيت

طلعو الولد سلمت عليهم ودخلنه بس هجان ماكو مختفي.

مشاعر بيت هجان هيه وبناته وسينين بنت خالتي ام ديسم..

سلمت على خالاتي ام هجان وام دسيم وام جساس

عاد جمعتهن هذه بس من تصير شغله لو يحجن على احد.هه

خالاتي وامي مسيطرات على رجولتهن اله خالتي ام ذات خطيه ولا يم لسيطره..

شويه وعفتهن وكمت مهوال اخذني لبيت هِجان

فتحتلي لباب سينين تضحك

حجت وياها ومهوال راح

سينين هلا

موده بضحكه هلا هلا شلونج

ابتسمت وكالت حمدلله

موده دخلنه للبيت تلكتني مشاعر باوستها وكعدنه..
بالمطبخ

كتلها شبيج شو هاي هدت عليه

مشاعر بعصبيه وخوف. هوه شنو البيه غير خبالج انتي وبنت خالتج

وحدتجن وحده اذا تحجي لسانها رشاشه، وكحات الله ميجرعجن ، وحده تشرد والثانيه تتمضحك تعرفين هسه هيه وين..

بس لله يعرف شنو مصيرها.. اذا رجعت ومو بعيد يذبحوها على جهه لكفار، وانتي جنتي تشجعيها ..

موده ضحكت على كلامها وكتلها. يعني هيه مره وحده «حركت جنتفي الايمن كملت » وايدتها..

مشاعر يارب العالمين شحجي وياها هذه

موده صدك هِجان يعرف بذات شارده..

مشاعر ضربت على رجليها وكالت لا مايدري

موده باستغراب شنو ميدري غير اخوانج ولد عمي كلهم يدرون بيها..

مشاعر عمت عيني عليه غير مفرفح على بنيته يبات يمها والبارحه الضهر محولها لمستشفى ******* ببغداد

وابوي كال ممنوع تكولووله هوه حالته حاله..

موده بس غلطتو لان احتمال هِجان بمعارفه يلكاها، ومستحيل يتخله معنها بالنهايه هوه يحبها..

مشاعر انتي ياحب تحجين عنه غير هوه رفع النهوه
والغبيه شردت.

وشي ثاني هِجان كرامته فوك كل شي.

سنين اذا يحبها مستحيل يتخله عنها..

موده المفروض هيج.
صدك شو ماكو صوت لبنات هِجان والله ضالمات البنات تكولن لله ميجرعهن..

مشاعر سكتي انتي هوه وين الضلم غير شيبن راسي

موده صارلي ساعه يمكم ولا سمعت صوتهن.

سنين هههه غير مشاعر صيحت عليهن هذه ام لسان بان غلطت عليها والثانيه تشجعت، صيحن عليها وهيه ماقصرت حطتهن وكتلتهن بالصونده ههه

موده ياضالمه ليش هيج مو بنات اخوج

مشاعر لاتصيرين براسي حقوق الطفل وتنعثلين احاجيهن اكلهن هذه غلط ام لسان تكلي يوو ماعولنه خلصنه من ذات تجينه انتي، ومااحجيلج شلون يتجاوزن عليه

هذه التغلط وهذه الي تلاسن لله لله يساعد ذات شلون متحملتهن..

ولج درجه اكلهن جيبلي مي يرحن ذنينهن الحقيرات يخلن ملح بالمي لو يجيبنه من البوري..

ملابس اغسلهن الكاهن بالكاع مشمرات

ولج اخر شي سوتها ام لسان ذابه ملابسي على جيراته الجدد وابنهم الصغير قبل شويه جابهن الي دشداشتي والداخليات..

احاجيها ترادد ماتحملت وضربتها بالصونده الي حاطتها اهدد بيهن من رجعنه لهنا..

موده هههههههههههه ولج بنات صغار هيج مسويات بيج.

مشاعر سكتي لاالطم اخر شغله سونها مساعه دخلت للحمام وعفت سنين يمهن

طلعت من الحمام لكيتهن حابسات سنين بالحديقه ومشغلات الغاز.. والبيت متروس ريحه غاز

موده- ههههههه هذني صاكاتجن ههه سكتت شويه تذكرت سينين حجيت

صدك سنين شكد صار عمرج...

سنين بتفكير
- 12ونص يمكن

-موده بشقه
-ولج  12سنه وهذني الجنيات حبسنج بالحديقة ههه

سنين-ههه شسويلهن كالن طوبه جيرانه وكعت بالحديقة واحنه نخاف من لشجره تعالي نوشيها ورحت
ادور ماكو تالي طلعن يضحكن عليه.. ادك الباب محد يفتح ومااكدر اصيح لان ديسم ميقبل اعلي صوتي..

موده- يابه شوف الاخلاق ولله لو عندي اخ لازوجج اله
ولو عندي ثنين ولد خاله جساس ومهوال اختاري واني اتمم الشغله ههههه

سنين عزاا شنو اني ماتزوج وجساس اخاف منه وهوه اصلا يحب وحده... يعرفها ديسم وانه معتبرته اخوي

نفس مهوال..

مشاعر بابتسامه
سنينه جيبيلي مي بس مو تحطين ملح

سنين هههه لا

موده: كامت سنين ومشاعر استلمتني حطيت ايد على الميز والثانيه حطيت عليها حنجي استمع الها احب اغثها لهل بنيه مدري ليش

مشاعر بعصبيه وقله حيله
-. انتي شحجي وياج بالضبط مراهقه تعلميها هيج
ولج من الله ياخذني واخلص تلزك بدماغها...

موده: اووو تره سنين نسخه مستنسخه من لبابه الفرق هذه تحشش ولبابه جامده.

مشاعر: انتي مو مال واحد يحجي وياج ولله احجي على كيف تحجين بصوت ضربت على كصتها وسكتت

موده: مشاعر تره خالتج لله يسلمها مامقصره ويه سنين لي يكلك عدوتها حتى طلعه ميخلوها تطلع، وعمج لله يسلمه يشوف ويسكت
بس ديسم بي حظ ومن موجود فنها اذا احتكت بسنين

مشاعر: اعرف أعرف شسوين مثلا اذا عمي مايحجي كلمه بعد كلمتها وهيه خوش مسيطره تكله كوم يكوم يكله اكعد يكعد سكتي سكتي اجتي سنين ماريدها تضوج...

موده: سكتنه سنين جابت المي سكت وادك على الميز باصابعي شوي تذكرت جيلان.

صدك جيلان شنو رده فعلها من عرفت هِجان نهه ورفع النهوه..

مشاعر انتي هم تدرين بيها تحب هِجان؟؟

موده متطيرين ليش مو دائما تكول اعشگ واحد عنده تلث بنات وكم مره من يجي تاكله بعيونها ومره جنه كاعدين بالحديقه ولد عمومتج واكفين بجهه البستان

الغبيه كالت

-شفتو من لكه بنته تبجي شلون سكتها ونومها على ايده
هسه شيصير لو انام بحضنه نفس بنته ههه..

مانحس غير الصوت ورانه يشمر بسامير

التفتنه هِجان يخابر

كال الثكل حلوو للبنيه عافنه ومشه بس مااعتقد عرف الكلام اله..

مشاعر هزت راسها وحجت عاد هيه بالاستفلات استاذه
انطيها بس فشار وضحك  مافالحه بشي ثاني.

موده شنو شنو منو الي مفالحه بشي ثاني غير هيه لو بنت عمي جان صارت اعلانه

لج هيه مو دكتوره المستقبل.

مشاعر حمدلله عاد بالدراسه زينه..

موده هسه كليلي شنو رده فعلها مو جلطتيني وديتيني يمنه ورجعتيني يسره..

مشاعر من عرفت نهه بجت وكالت انتهه قبل لاتبدي.
وبعدها متعرف رفع النهوه.

واصلا مو كلها تعرف بس الاهل يعني مطش لان عمي زغل على هِجان من كاله

وهِجان يريد عمي يرضه ياله توصلها السالفه لان يعرف بنت خالتج متهوره ومو بعيد تدك وتركص

ذات وماادراك من ذات

من جنت اكلها احس عمي راح يتندم لان سماج ذات تكلي لاميندم لو تستهزء

بس ولله هسه متندم لان اسم على مسمى..

موده. ههههه اول مره تحجين شي بي حظ، كليلي وهِجان شسوه؟؟

مشاعر اخذت نفس وزفرته. اله لله هِجان لاليله ليل ولا نهاره نهار حاير ببنته..

موده بعدنه نحجي ونسمع دك لباب قوي

كمنه تلاثتنه للباب

حجيت منوو

اجاني صوت جيلان فتحت الباب

دخلت للبيت حالتها حاله الوجه اصفررررر والدموع تنزل وتشاهك لابسه تراك رياضي تيشيرته للكمر والشال مشمور ولله لو يشوفها هِجان اله يطيح حظها....

جيلان ببكاء اريد كروه لسايق

مشاعر سنينه روحي جيبي فلوس من المجر

راحت سنين جابت فلوس لبست العباه وطلعت رادت تنطي بس مالكته..

رجعت للبيت سدينه لباب .

مشاعر شبيج يمعوده احجي امج بيها شي

هزت راسها بنفي

مشاعر لعد شكو ولج مو هبطتيني احجي

جيلان ببكاء وشهك اريد هِجان وينه وبجت.

باوعت لموده الي حبست الضحكه من كلام جيلان وحجيت شسوين بي

غمضت عيونها وشهكت بصوت كالت

•••••••جيلان

الى من اسر قلبي
ليتك تراني.

عندما ارهق نفسي واعرضها للخطر

ليتك تشعر بي

عندما ابكي

عندما اتحطم

عندما اسقط

عندما اغفو وقلبي ينبض باحرف اسمك التي اعادت الحياه لي

عندما اصاب بنوبات بكاء بسببك

عندما انضر الى السماء وارسم ملامحك في الغيوم.

عندما افكر بقلبك ماذا يراني.

فانتَ الذي احببتك واتقنت الحب..

ليتك تراني كما اراك.. يااسر قلبي ❤

بقلمي..

....

حياتي عباره عن طلعات وونسات ويه الكروب

بس وقت فراغي من اخلص شغلي ودراستي اطلع

كل من يشوفني اضحك واطلع وعايشه حياتي بكيفي

لا اب يتحكم ولا ام طاغيه..

ابوي مااعرفه منو لان اني مسجله باسم عمو ابو ذات هوه تكفل بمصروفنه..

بقت حصره بگلبي اريد اعرف منو ابوي
او يستحق اشتاقله
گلبه طيب لو لا
اذا يشوفني يعرفني لولا
هواي اشياء جنت اسويهن ويه ابوي من ضمنهن اطلع وياه..

بس كل هذني بمخيلتي موجودات..

جنت عايشه بكربلاء مدينه الامام الحسين واخيه ابو فضل العباس.

كل جمعه احنه يم الامام ازوره وادعي الله يجمعني باابوي..

ماتت بيبيتي واني صغيره من بعدها انتقلنه للناصريه حياه وناس وعادات جدد عليه..

عمو الشيخ يدز مصروفنه واحتياجاتنه بيد هِجان

مشت حياتي بس مختلفه عن مشاعر وذات وموده

تعلمت السان مايجيب نتيجه غير لسمعه..

بطبيعتي بارده حيييل شكد يحجون عليه ويرزلوني بس استفزهم بابتسامتي..

ماعلم بگلبي ميته قهر بس ماابين..

اني اكثر شي يم بين عمي لشيخ والولد كلهم وياي وخيتي ماتكع من لسانهم.

اله هِجان الي كل مايجي علينه حبه بگلبي يكبر

حبيته من عمري 14سنه جان متزوج وهواي راح تحجون عليه شلون تخلين عينج على متزوج.

بس اني شكد حبيته وما كتله احبك او خليته يحس بيه..

اذا اخرب حياته ويه زوجته اكيد راح تجي وحده تخرب حياتي فا بالنهايه الدنيا دواره كما تدين تدان..

كلهه تعرف هِجان يتخبل من طاري اسمي مو نوب شكلي..

اكثر من مره يدزلي خبر ويه امي ماعدهم بنيه تلبس هيج خلي تحشم روحها بس اني مقتنعه بلبسي وشكلي

واهم شي راضيه ربي وامي ومن ثم نفسي.

اكثر جياته علينه هِجان بالبيت واني بالبيت ماعندنه احد لا ولد ولاتلد

فا البس تراكات تيشيرت للكمر

مره وحده شافني وحكم عليه من لبسي وهوه اصلا ميشوفني من اطلع شنو البس.

حجه ويه امي عليه ليش هيج البس.

بس الحلو باامي ماجبرتني اغير ه غير بس كدامهم مالبس هيج وهوه الوحيد الي يجينه..

وماشاء خلق اني شكد مابارده بس افشر ههه وهذه الي مكره هِجان بيه.. لان صارت بوجهه اكثر من خمس مرات.

حب هِجان هوه حب الطفوله لحد ماكبرت وطلك مرته يمكن جان احلى يوم بحياتي

ذات جانت شاهده على حبي اله وهيه اول وحده عرفت بيه اني احبه.. اني اكبر من ذات ب3سنوات

ذات تحب سليم اني اشوف حبهم كلش حلو بس ابد ماحسيت سليم يحبها نفس حبها..

ذات حبت بجنون وتالي نتيجته لهل جنون شنو

من هو الحاكم في محكه الحب
القدر ام النصيب ام الفراق
هل يكون للحب فرصه الانتصار على العادت والتقاليد العشائريه وطبقات المجتمع
ام العكس..

قلمي...

بس عبث اني وياه نار وثلج وين نتصافه اذا هوه اعصاب واني بااره..

من عمري 14ولحد هذه اليوم انام ولدمعه على خدي بسبب هِجان

ومره من كد مابجيت اغمه عليه..

من تصاوب هجان متت كطعت الاكل ولشرب احبه يانااس اعشگه هذه حب حياتي الي بنضري مستحيل يحبني.

لان اني وياه نختلف جذري..

صحه هِجان فرحت احس صار انجاز عظيم بحياتي

بس الصدمني نهه على ذات.. بيومها رجعت على جهه البستان فارغ مابي احد

صرخت بصوت عالي كعدت بالكاع ابجي ورجعت للبيت ..

كبل لغرفتي نزعت صايه والحجاب ومدتت ابجي

احس كل شهكه تطلع مني تجرح زردومي.

كعدت بالكاع اكرص بيدي واستجمع المواقف الي صارت بهل فتره ..

كلهن واحد وره واحد..

موت حربه الي جان الي سند.

ونهوه هِجان

واصابه هِجان
والقلق النفسي الي صار وياي

درجه ضعفت حيل جان وزني 65 صار 53 واعشار

خلال فتره كدر حب هِجان يقضي عليه تمرضت وصار عندي نقص فيتامينات وفقر دم عاد 7ونص...

كل الي يصير وياي واني منعت امي توصل لبيت الشيخ اني متخربطه..

كل هذه واشتغل اعمال يدويه حتى انسى حب هِجان واعتمد على روحي ومانحتاج لاي احد وبعدين يمنه..

كل ماتوتر واضوج اكرص بيدي لو بركبنتي بحيث صاير بركبتي طكع زرك وبديه كذالك حتى امي نتبهت

اخر ايام تخربطت حيل درجه مااكدر اكوم وصخنت.

سبحت بالكوه ولبست برموده..

ونمت حسيت على امي تسويلي كمادات

فتحت عيوني بتعب بتسمت ورجعت نمت

بين الحلم والوقع حسيت على روحي نرفعت من الجربايه..

مابيه افتح عيوني او بالاحرى ماريد ارجع لعالمي المألم

حسيت بوغزه مال ابره فتحت عيوني بالم صار غواش رجعت نمت..

مااعرف شكد مر منن الوقت كعدت اني بمكان مختلف مو غرفتي هذه صوت الاجهزه يمي التفت من جهه

فارغه والثانيه هِجان فتحت عيوني وسديتهن تلث مرات هذه واقع لو حلم رجعت سديتهن وفتحتهن ماكو

مددت على السرير حطيت اديه على عيوني عصرتهن نزلن دموعي وحجيت بصوت مسموع.

شبيج جيلان خرفتي درينه تحبي بس مو هيج يعوف بنته ويجيج صحصحي الصخونه اثرت عليج

فجا اخترق سمعي صوته

هِجان بهذه صدكتي عفت بنتي واجيت عليج ست جيلان واخيرا تفضلتي علينه وصحيتي شدعواج

جيلان عصرت عيوني حيل يربي شنو هل حظ الي عندج يجيلان لازم تخربين كلشي

سويت روحي نايمه ماحجيت شي اخاف افتهن ويعصب عليه مالي خلكه..

مااعرف شكد مر من لوقت وفتحتهن

صدمني ابن خوش ناس واكف يم راسي وحاضن ادينه لصدره وعاكد حواجبه بلعت ريكي من منضره شكد ماحلو وهيبه بس يخوف.

تحمحمت وكعدت حجيت بصوت اشبه للهمس ولارفعت عيني بعينه اني كلومره اتحداه واضل اباوع بعيونه بس هسه اختلف الوضع..

.. امي وين

هِجان راحت تجيبلج سلابات غر الي لابستهن

نتبهت على روحي البدي نص ردات مابي شي لان حتى متغطيه بشرشف..

ماجاوبته حجه

هِجان يعني بس كليلي ماتعرفين تحجين كلمتين لو شنو بالضبط

هم مجاوبته رجع كال

هِجان بعصبيه مكتومه مو صوجج صوج الكو** الي واكف يحجي وياج..

جاوبته حشه الك**

هِجان اتمنيت فد يوم الكاج عاقله بدون فشار ولبس مال ك*** صاير مافرق بينج وبين الك***

جيلان كمشت ايدي الي بيها الكانونه اكرص بيها بس ماتحملت رديت عليه ببروود

محد جابرك تحجي ويه الك*** لو تبقه يمها اعتقد
درت وجهي عنه والدمعه حزت بعيني

راسي ساطرني من الالم وهذه ياكل خ** براسي

عافني وطلع واني ماعولت كعدت ابجي على حظي

وهذه لقائنا جان كفيل يشيل حب هِجان من گلبي

لان كلماته بوقتها حسيتهن طالعات من كل گلبه..

بعد مااجه لحد ماامي اجتي عليه جايبه ملابس.
ماعلم سالتها كالت لبستج صايه والحجاب ياله خابرت عليه..

نص ساعه سالتها شوكت اطلع كالت هِجان يم بنته خلي يخلص ونطلع.

يعني لبيب هنا

... اي هنانه

جيلان: ماما اريد اشوفها فدوه

.. بس خلي نشوف هِجان

جيلان هزيت راسي وساعدتني امي ابدل لبست صايه والحجاب..

شويه واجه كال

هِجان ياله عمه خلي اوديكم

... يبعد عمتك بس خلي جيلان تشوف لبابه اذا مابيها زحمه

هِجان لا عمه زحمتيش ياله تعالو

جيلان ولاباوعت بوجهه كرهته من كلامه بس لو تشوفون گلبي لا تلكوني بعدني احبه واموت عليه..

مشينه شوي صرت احسن وصلت للغرفه البيها لبابه

دخلت وحدي تقربت يمها كعدت علةوالكرسي يمها

خليت ايدي على ايدها وحجيت وياها

لبابه مناويه تكعدين تره طولتي هوااي وانتي عندج شماات شلون تخليهم يضحكون ويفرحون لنومتج هذه

لبابه كعدي احجي على ابوج تدرين اليوم شيكلي يكلي صاير مافرق بينج وبين الك***
ابوج ليش ميحس بيه ..
لهل درجه حقير ونذل
تدرين احلف عليه سمعني من كلت احبه.
بس تجاهل.. وهذه الاحسن

لج صارلي شهرين احاول اكره روحي بي بس عبث مااكدر ..

حتى تذكرت مره من اجيتو علينه جان بوقتها عمري 18 سنه

صادف اجيتو علينه امج جانت علاقتها بامي زينه يعني بس مو كلش..

العصريات هيج اجه مهوال واخوج ابو اسلام

دزوني على ابوج وامج

جانو بغرفه وحدهم بس الباب مفتوح

هه جان حاضن امج ويمسح على راسها..

لبابه والله تعذبت من شفتهم هيج وبيومها حتى ماصحتهم رحت لغرفتي..

وباليل اجتني امج جابتج انتي وخواتج يمي كالت

هِجان دزهم الج وضحكت عافتني محتركه ابجي

اعرف مو من حقي بس هذه نار الحب..

تدرين اني من زمان احب ابوج بس ابوج حيوان وكلب ونذل ميستاهل دومه يغلط عليه ويسممني بالكلام..

ومن هذه اليوم راح اطلع حبه من گلبي امسح شي اسمه هِجان الحيوان.

مسحت دموعي بستها من راسها والتفتت اريد اطلع صاير وراي صدمني وجوده بس محجيت شي جان شكله يوحي بالصدمه والانذهال..

تجاوزته وطلعت كمشت ايد امي ومشينه
طلع ورانه

طلعنه من المستشفى كعدت وره وامي بالصدر.

خليت راسي على الشباك ولا باوعتله جنت اسرق نضرات هسه اختلف الوضع

هِجان كاااان واني حاليا والواقع ماارجع للماضي..

الايام تمشي ببطئ بس خاليه الاحداث روتيين كله

ذبيت روحي بالشغل والدراسه احضر للنسه الجديده لان مابعدله شي وتبدي..

كعدت الصبح امي كالت ذات شارده تخبلت عليها وين هسه وشتسوي يوم كامل ماضكت طعم النوم وكطعت الاكل وين هيه وشصاير وياها..

ثاني يوم الصبح لابسه تراك رياضي للكمر تيشيرته لون وردي فاتح.. وشال اسود كعدت بالبستان بين الشجر

بين بيتنه وبيت عمي الشيخ

معقوله عرف هِجان بذات مهزومه شسوه

يارب العالمين هذه الرجال شيب گليبي لانه الكادره احبه ولا الكادره انهي گليبي من حبه..

اوووف ياربي ساعدني اني وحبل افكار سمعت صوت

هذه لصوت مو غريب صوت صديقتي واخيتي وبير اسراري ذات

كمت وكفت نفضت التراك وباوعت

اشوف ذات وصمد وعمي وسليم..

عمي تشكر من سليم حسب الي فهمته وراح

انصدمت شو عافها عينها عليه وتضحك

وعمي يصيح عليها
وهيه تكله مازوجه لهجان لو يبقى اخر بشر

وهوه
يردها غصبن عليج تتزوجي

حجت بصوت توسل ماريده مااحبه انه مااحبه افهم يابه

حجه اله اذا حاطه واحد بالج هل متردي وانه ماعندي بنات تعشك وتحب فهمتي

بس انه اعشك
اي اعشك

تقدم عليها صمد وضربها راجدي وكعها
بالكاع وكعت جنطه صغيره منها

صمد دفر لجنطه

هيه عاطت بي وخرر منييي وكامت

وكفت رادت
تروح الها جرها صمد دفعته
وكامت بوجه عمي الشيخ

وكالت ليش يابه العشك شبي لاهوه عيب ولا
هوه حرام لو نسيت يابه ترانه ماانسه

جرها من حجابها عليه وكال
وحك الكفل زينب اذبحج واطمج بكاعج لامن شاف ولامن دره

شيكولون عليه الناس تالي عمري بنتي ابن عمها نهه عليها
ورفع النهوه وهسه مهزومه

ترجعين وتسكتي لاحس ولانفس ومن يجي هجان
اهديج اله شمرها من ايده بالكاع

صاحت الله الذبح اشرفلي من الزواج وانه ماتزوج هِجان

يابوي الشيخ اغسل عارك بيدك مو هيج سنينتكم
المهزومه تنذبح غسل عار

وانه عار عليك وعلى
ولدك شيكولون بنت الشيخ مهزومه.

صاح عمي الشيخ لصمد اغسل عارك بيدك.

«بنات الي تخاف خلي تعبر 12سطر »

منظر ميروح من راسي شال القامه بيده
وجر ذات من ايدها شمرها بالگاع 

فتح القامة   داس على ادينها  حطها على  ركبتها
وهيه ولا كانو بشر  ولا مهتمه
كمش راسها بيده  ذبحها..

وخر منها واشوف ذات شلون ترفس نفس
الدجااجه من تنذبح،  الدم ينزل منها

بسم لله الرحمن الرحيم
~«وَإِذَا النُّفُوسُ زُوِّجَتْ (7) وَإِذَا الْمَوْءُودَةُ سُئِلَتْ (8) بِأَيِّ ذَنْبٍ قُتِلَتْ »~

صدق الله العظيم.

جسمي رجف   بدون وعي
صرخت ورحت اركض الها

وصلت قريبه عليها جرني، صمد وعصر ايدى بقوه

.... اششش ولا كلمه غسلنه عارنه لله اعلم ويه منو
جانتت

دفعته وحجيت
-وخر وخر من الله ياخذك لك، موتتها ذبحتها، بيدك هاي اختك  شلون الك گلب

جرني  من  ايدي  بقوه وضربني راجدى كمشني من حنجي كال

... بس تحجين حسبي حسابج مذبوحه وراها
دفعني بالكاع قريبه عليها صرخت

وابتعدت رعب بالنسبه الي

عمي حجه

.... جيلان بس انه وانتي وصمد

يدرون ذات نذبحت محد يعرف غيركم بس
تطلع السالفه

اذبحج انتي وامج لامن شاف لامن دره
وهسه روحي لبيتج بسرعه

جيلان. اني مشيت اخذت
الجنطه وركضت صاح عليه صمد

ولا وكفت
والركض اخذني للشارع العام

اجرت تكسي رجال جبير

وكبل بيت هجان بس شكل ذات مراح من بالي
كل ماارمش اشوفها كدامي..

حاطه جنطتها على كلبي وابجي

مااكدر اتحمل الي شفته والله حرام اسميهم بشر قتلو روووح رووح امانه عدهم

دقايق وصلت منطقه بيت اهل هِجان ردت انزل كالي الرجال تندلين كتله لا انطبته اسم هِجان

والرجال ماقصر سال تالي وصلنه ماعندي فلوس جايه بطرك روحي كتله عمو بس يطلعون انطيك الكروه ولله

هز راسه وكال اذا موش اهلج ردي انه اوديج ولاتهتمين للفلوس

هزيت راسي نزلت شهكاتي ودموعي ماتوكف

دكيت الباب محد طلع وخفت حيل بس انه والرجال

دكيتها بقوه فتحولي الباب طلعت سنين دورت الرجال مالكته.

سدن الباب وحجيت اريد هجان

سألتني مشاعر شسوي بي

كتلها ذات ذبحوها وبجيت بقوه ضلن صافنات عليه صحت بيهن خابرن هجان فدوه والله راح يذبحوني وراها يتبع...

                 «نِهّآيَةّ قُصّهّ ذِآتٌ. »

خلصت اول قصه من اصابع الخمسه...

بنات ترحمولها لذات توفت تاريخ 2011/8/9

_ توقعاتكم للبارت القادم

_ شنو جانت شخصيه ذات بالنسبه الكم...

والي عنده سوال بخصوص قصه ذات يسال واني اجاوبكم 🖤