رواية لماذا احببتك الفصل الثاني وأربعون 42 - بقلم اورجانزا الطائي

قصه لماذا احببتك
البارت التاسع والثلاثون
بقلمي اورجانزا الطائي
.
.
.
.
.
.
.
.
.
... اركان.

حسبي لله ونعم الوكيل  اللهم انتك تعرف مافي داخلي فلا حسبه ذنب لي.

اخر شي سمعته  بعد ماحسيت غير على اصوات عاليه  صياح عياط فتحت عيوني اركان بوجهي..

غمضت عيوني وجع  موطبيعي  محسيت غير على صوت الاجهزه فتحت عيوني على كيف  غوش

عصرتهن رجعت فتحتهن   اسمع صوت بجي يمي..

انتبهت على عمتي،   صارت عيني بعينها..

انتبهت عليه بجت  بصوت  گالت ولج يعمتي تردين  تعوفيني  وترحين. انتي البقيتي من سيوفي..

مشاعر  رمشت گتلها بوهن: عمم ه  الطط  فل

نزلن دموعي گالت

..  مابي شي يحبيبتي مابي شي قوي  الله  كاتبله عمر جديد..

مشاعر: بجيت بصوت غمضت عيوني شكرت ربي..

ضليت يوم واحد بالمستشفى محد اجاني من اهلي..

ثاني يوم رجعنه للبيت  عمتي مخلتني اشيل شي لان الطفل مهدد بااسقاط..

سبحان الله، وكعت من لدرج ومصار شي  لابيه ولا بالطفل.

عمتي مداريتني  الاكل ليمي يجي حتى المي هيه تجيبه الي..

ملابسي وكل غراضي عنتي تسويها..

ثاني يوم من اجيت للبيت اجت امي عليه..

كعدت يمي  ضجت منهه..

عمتي حارت شسوت جابت جاي وعصير وكيك..

وامي مراضيه..

عمتي منتبهه على امي  بس غلست..

حجت امي

ام هِجان: من رخصتج خيه اريد احجي ويه بنيتي.

مششاعر:  غمضت عيوني  بقهر لان سوت هيج ويه عمتي..

ضحكت عمتي طلعت..

حجت امي: شوفي متقصدين ذبوج من الدرج حتى توكعين الطفل  وانتي حضري روحج اخذج وياي..

مشاعر مااروح ابقه يم عمتي..

ردت عليه بعصبيه: مو هيه بكيفج  غصبن عليج تجين وياي شعندج باقبه هنا  رجلج ومات الله لايرحمه بهذلج..

قاطعتها گلت؛:  لاتحجين عليه ماما سيف مااذاج بشي..

ردت عليه: ليش تردين تبقين هنا اله شايفتلج شوفه..

مشاعر  شبيج يمه صدك  تحجين..  

انلصمي بلاصوت  تجين وياي ابوج گال جيبيها شعدها  بيت ناس. غربه..

مشاعر ماما شبيج ليوم  ياله حسيتو عندكم بنت شو من مات سيف ولحد اليوم ياله اجيتي عليه..

ام هِجان: عبو براسج  غيروج علينه..

مشاعر دمعت عيوني گتلها تمنيت  همه اهلي مافد يوم حسسوني اني غريبه عنهم.

ام هِجان: سحروولج  هل متقبلين تجين وياي الله اكبر عليهم.

مشاعر: يمه المره مامااذيتني ليش هيج تحجين عليها

ام هِجان:حضري روحج  ترحين وياي ابوج گال اذا مااجت اتبره منها..

مشاعر ليش تاذوني   هيج..

توطت على عمري حجيت هيج كامت تصيح عليه اجت عمتي  على صوت الصياح.

امي تعاركت وياها  بس هيه ولا حجت

واني عاندت امي، ماقبلت اروح  وياها..

نمت بغرفتي  ابجي اجت عمتي  حضنتني تهدي بيه..

لليل  اجه اركان  اسمعه يحجي ويه عمتي ويگللها

اركان:  هيه تايهه  تجي تصيح عليها 

ردت عليه عمتي: امها مهما صار..

صار هدوء نمت  مشت الايام  واني كل شهر اراجع دكتوره..

مشت الايام  وحاليا شهر التاسع الي تلث ايام.

كاعده انتضر سراي  كدامي ثنين..

اني وعمتي اجينه جابنه اركان وراح..

صاحت اسمي اخذت الراجيته نطيتها الكشفيه دخلت للدكتوره ابتسمت گالت

الدكتوره: شلونج بنتي.

ابتسمت گتلها حمدالله

سوتلي فحص گالت  مااكدر اولدج طبيعي لازم عمليه لان ماعندج توسع.. لازم ناخذ سونار 

حجيت   براحتج دكتور، بس هذاك الشهر سويت..

ردت عليه: بس هل مره نشوف جنسه.

مشاعر: بلعت ريكي گتلها اي

كتبتلي حاله مستعجله،  صعدت لدكتور السونار   اول ماصعدنه دخلت للسونار.

طبعا جان دكتور الي يسوي سونار يمه مساعده وبرده تفصل..

سوه سونار  گال  صحه جيده دكات الگلب مستقره بس على مقعد يعني يلزملج عمليه..

مسحت بطني المنتفخه احسها تريد تنفجر من حجمها..

عدلت عباتي اخذت الورقه نزلت للدكتوره دخلت كالت نفس مگتلج حتى الطفل على مقعده يعني لازمج عمليه..

مشاعر اي شوكت نسوي دكتوره ميته تعب والله  بحيث احس بطني تريد تنفجر..

ابتسمت گالت
دكتوره  فتره بسيطه وتحطينهم بحضنج..

اليوم سوي إجراءات   وان شالله على الاحد عمليتج يعني بعد تلث ايام..

مشاعر   طلعت لعمتي  گتلها على  كلام الدكتوره طلعنه لكينه اركان..

اخذ الراجيته جاب العلاج ورجع صعد و نطانياهن

ارتاجيت على الباب.. عمتي سولفتله  لازم عمليه.

وصلنه للبيت  رحت لغرفتي اخذت ملابسي  سبحت..

داامشط بشعري  صاير طويل كلش  بحيث مااكدر امشطه..

صارت عيني بالمرايه ابتسمت على شكلي  بطني كلش جبيره اصلا سمناننه وزني بال70 رغم جنت 50

ماعلم مااكل هواي وجهي سمنان او على كولت عمتي مورم من الحمل..

قطع  تفكيري صوت عمتي التفتت الها واكفه يم لباب گالت..

...  يمه تعاي اكليلج لكمه

ابتسمت الها گلت:بس امشط شعري..

گالت تعاي اكلي وانه امشطه الج..

ابتسمت الها لفيت شعري لبست الحجاب طلعت وياها بالمطبخ تعشينه سوه..

غسلت المواعين وهيه وياي كملنه رحنه لغرفتها

اخذت مشط تمشطلي.. گالت

.. ماشاءالله  شعرج طويل..

ابتسمت گتلها:بس اريد اكص من طوله لان يتعبني والله..

شهكت گالت:لايمه ليش شعرج جنه العافيه ليش تكصينه، واذا على التمشيط انه امشطه الج.

مشاعر ابتسمت على حنيتها گتلها: تعبت والله ثكل على راسي.

لايمه عوفي  حرامات بعدين تتندمين.

مشاعر  : مااكصه  خلي بس انتي تمشطي..

ضحكت گالت:من عيوني اني امشطه  عوفي..

ضفرتلي شعري،  لبست حجابي مددت يمهه الهث.

ضحكت گالت:شبيج يعمه تره ماسويتي شي بس مددتي لهثتي..

مشاعر واللله عمه تعبت  ومليت احس بطني تريد تنفجر..

ابتسمت گالت  :مابعد شي وجهالج ينورن الدنيا..

اخذت نفس گتلها  ان شالله.

گالت:مناويه تعرفين الي بطنج شنو.

ابتسمت گتلها: لا مااهتم للجنس خليها على لله..

گالت  جهزت للطفل  تشوفي؟

ابتسمت هزيت راسي بنفي لا ماريد اشوف.

ضحكت  مددت  يمي  هيه وتحجي نامت..

بهل وقت ندكت لباب بين ماردت اكوم  دخل اركان.

حجه ويه عمتي  واني لاالكايمه ولا المدده

گال:  حجيه اريد عشه  انتبه لعمتي نايمه واني كاعده

دنك  التفت گال نايمه؟؟!

بالكوه طلعت مني الحجابه:اي نايمه..
تريد عشه؟؟!

تحمحم دار ضهره  گال:لاتعبين نفسج راح اطلع.

  ارتاجيت على الميز وكمت بدون مااحجي وياه..

طلعت اكل مالته من الفرن حطيته على الميز 

رحت اله  دكيت باب مكتبه  گال تفضل.

فتحت الباب  الهث،   واكف لابس كله اسود بااسود  لبس الستره گال

اركان:محتاجه شي؟!

بلعت ريكي گتله لا، بس  حضرتلك الاكل على الميز..

هز راسه گال 

اركان  وياج كلاص جاي.

مشاعر فتحت حلگيمن الصدمه: يعني فوك مسويت الاكل ولو هوه بس طلعته من الفرن وحميته..

يريد جاي.

بدون مااحجي مشيت للمطبخ مامسوين جاي سويت جديد..

كعد ياكل بكل هدوء..

صار الجاي  صبيتله ستكان  هستوني اريد احطه على الميز گال

اركان:هذه كوب؟!!

مشاعر  ماعرفت شگول سكتت

رد عليه  بدون ميباوع

اركان: اخذي الج صبيلي  ب كوب.

مشاعر اخذت الاستكان غسلته رجعته لمكانه صبيتله بالكوب.

حطيته على الميز رجعت لغرفتي  قفلت لباب لبست دشداشه خفيفه نمت بسرعه..

مرن الايام بسرعه ليوم  عمليتي بين الخوف والفرح..

اخذوني للعمليات  حطولي تخدير  بسرعه ستسلمت للنوم..

اسمع اصوات وكلام يمي  سمعت الدكتوره تكول..

اذا يبقه النزيف نخسر الرحم .

اريد احجي مالي قدره   احس راسي يدور..

فتحت عيوني..  شفت عمتي  هوه المفروض اشوف امي بس وين امي زعلت مني  لان ماقبلت اروح  وياهه..

ابتسمت گالت حمدالله على سلامتج بنيتي يتربون بعزج،ودلالج..

ابتسمت  گتله  شكرا عمتي، سكتت ثواني گلت عمه الطفل وين..

ابتسمت گال ربج عوضج بعصفورين جنهم العافيه..

جابت الطفل وتجت قربته مني گالت هذه وليدج..

شفته دمعن عيوني تمنيت سيف موجود ويشوف ابنه..

  اجتي شايله طفل ثاني ستغربت گتلها ابن منو هذه؟!!

ابتسمت گالت هذه الوكيحه بنتج هرجت المستشفى هرج..

ضحكت  نزلن دموعي..
اخذت الولد انطتي البت حضنتها   زادن دموعي سبحان الله الله اخذ مني شي وانطاني شي..

  شوي ندكت لباب   عدلت حجابي عمي.

دخل اركان   سلم علينه ردينه تقرب يمي گال:

اركان: حمدلله على السلامه، الله يحفضهم الج واشوفهم بااعلى المراتب.

ابتسمت گتله تسلم.

ابتسم گال

اركان شنو تسمينهم.

مشاعر  عمتي تسميهم ماكو بالي  اسم.

عمتي بجت گالت يايمه ولج ابن بطني ماسواهه وخلاني اسمي وليداته واني تكولين انتي تسمينهم.

مشاعر تعبتي وياي هواي والله..

رد علينه اركان:مو كافي  حزن يايوم اشوفجن بس الوجه يبجي من غير البجي حتى كرهتوني بالحزن كافي عفيه شعب بالحزن بجه بالفرح بجه شوكت تسكون وتفرحون دخيل ربكم.

نهه كلامه باابتسامه..

ردت عليه عمتي:انته غاسله ايدي منك شوكت اشيل ابنك بحضني متكلي الاصغر منك صار ولدهم بطولهم وانته  ماكو..

رد عليها:

اركان: مو بحضنج عصفورين عندج مو كافي اني ماريد.

هسه شتسمينهم.

ردت عمتي عليه ضل بعقلك لوليد سيوفي   والبنيه  ليلى

اركان بس ليلى جبير على طفله.

ردت عمتي
لعد شنسميها؟

صد عليه گال:مابالج اسم

مشاعر: هزيت راسي گتله لا  مابالي والله.

اركان فتى اسمها..

مشاعر: كلش  حلو اسمها

ردت عمتي خاب  يمه شبيك مسميها فته  مادري شنهو

اركان ههه احسن من ليلى

مشاعر: اذن بااذانهم حطوهم يمي..

خلص اليوم  عمتي جابت الهم مميه..

ثاني يوم طلعت من المستشفى  للبيت  ..

عمتي جابتلي الاكل  كعدت يمي   اكلت شوي..

مشت الايام صار الي  عشرين يوم والده    فتى صار بيها ابو صفار وصل 12  اركان يوديها للدكتور  لحد مطابت..

شلت الخياطات   هسه احسن بهواي من قبل.

كمطت فتى وسيف اخذتهم للهول يم عمتي اخذت مني فتى   كامت بجي  نطيتها سيف  اخذت فتى

سيف ماله صوت بس فتى يبو هارجه البيت بحيث اركان الي منشوف شكله  هسه بس تبجي يجي ياخذها  مني لو من عمتي تسكت ولا تبجي  يعوفنه ويروح لمكتبه..

اغلب الوقت فتى بيد اركان وسيف بيد عمتي  يمكن بس باليل ينامون يمي  متعودين عليهم اكثر مني..

قطع حبل افكاري صوت عمتي..

.. هذه الجنيه تدور اركان..

ابتسمت گتلها مصيبه اذا تعودت  ضليت افتر بيها

ضحكت عمتي گالت روحي سويلنه جاي وجيبيها يمي سيوفي نام.

مشاعر نطيتها فتى رحت سويت جاي ضلي واكفه يمه صار صبيت الي اني وعمتي   وديته اخذت ستكانها

دخل اركان سلم علينه

گال:ريحه الجاي وصوت فتى جابني 

ضحكت عمتي گالت تعال تسوي فضل اخذها  متزوج حتى  يصير عندك ولييد

بينت للضوجه على وجهه گال:  فتى تكفي وتوفي.

كعد يم عمتي اخذ فتى  سكتت ضحكنه عليها.

رحت صبيت كوب جاي  اجيت اانطيته  اخذه بدون مايحجي..

ضحكت عمتي گالت

... مشاعر تدرين  بالبنج شتكولين

مشاعر:هزيت راسي بنفي

گالت:  تصيحين فوك ما من وحدي گتله على الاكل يريد جاي  ميعجبه يشرب جاي بالاستكان اله بالكوب..

مشاعر بلعت ريكي باوعت لاركان   رافع حاجبه  يباوعلي..

ربع ساعه صاحتلي  رحت يمهه بس ميته خجل..

كعدت يمهه گالت

مشاعر انتي جبيره وتعرفين كلش زين الحلال من لحرام وموت سيف الله قاسمه  .. 

بنيتي انه مااهتم لكلام احد عندي حجي الناس الماينع ويه النعال حشاكم  بس يحبيبتي سيف الله يرحمه امنج  عند اركان قبل لايموت طالب من اركان مايخليج تطلعين من هل بيت..

مشاعر عمتي تحجي اني منزله راسي دموعي تنزل بهدوء... سكتت رجعت حجت

..  لهذه يبنتي اركان   يريد يعقد عليج تكونين  زوجته اما م الله والناس. 

مشاعر شايفين واحد واكف ومابي شي وينضرب على راسه بقوه  هيج اني..

زادن دموعي  رفعت عيني لاركان  يباوعلي  بلعت ريكي

ردت احجي  سكتني صوته  انطه فتى لعمتي اخذتها گال

اركان  كومي مشاعر عندي حجي مهم   وياج..

رديت عليه بس اني
قبل لااكمل وقفني كلامه گال

اركان اسمعي الي احجي اذا ماناسبج  انسي السمعتي.

مشاعر راح لمكتبه  مشيت وراه دخلت قفل لباب وهذه اول مره يسويها..

........جيلان
.
.
.
.

نزلت راسي  وافلت للمطبخ  صاحت عمتي گتلها اريد احمي الجاي..

ضحكت: كتله  على گلبك  مابيه شي بس انفلاونزا

ضحك گال خاف هجنالانزا هههه

من كال هجنالانزا ضحكت بصوت  درجه صارت عيني على هجان رافع حاجبه..

ضحك گال

ليث: المهم ضحكتي يعني لاانهيار ولاهم يحزنون...

هزيت راسي باابتسامه دخلو كلهم للبيت اجيت ادخل كمش معصم ايدي گال

هجان والخلقج يجيلان اله اطيح حظج.

جيلان:سوي الي تريده ميهمني تره

هجان:راسج يابس بس والله اذا شفنج حجيتي هيج ويه ليث لاتكولين ليش هيج سويت لان والله والله  تشوفين غير شي..

جيلان  ركزت بعيونه: شغيرك هيج.

انتبه  ثواني تحمحم والتفت گال

هجان:انتي.

جيلان:هه اني تره حتى مابقيت  يمك هواي..

هجان:شكلج دمرني.

جيلان:شبي

فرك وجهه بقوه گال

هجان: نسخه ذات.

جيلان  بللت شفتي گتله نختلف بالاطباع ولون العين مامنتبه على هل شي؟؟!

هجان:حبها عماني.. خلاني اشوفهه بوجهج..

جيلان:تعرف انته نذل؟؟

رفع حاجبه بخفه گال

هجان:لان حبيت بنت مشلخ.

جيلان:الله ياخذك انته وياه.

هجان:تدعين عليه بالله ماتحبيني بس ابوج سندج.

جيلان:ثنينكم اذيتوني بس كل واحد اذيته من نوع خاص.

انته تعرف شكد احبك واذيتني حتى گلت مو بنيه وختمتها اليوم.. هم بااتصالاتك وتشبهني بذات..

وعمك الافندي شكد شافني ابجي وااون على ابوي  اياام ماانام  واربط خيوط مكطوعه في سبيل اوصل لابوي بس ليتني ما وصلت..

اصلا الله مايتشرف بيكم ومتندم على خلقكم واحد انكس من الثاني..

ضحك بستفزاء كال

هجان شلون دبرتيها الله متندم!!

الله من خلقنه مو حتى يتندم بس حتى يشوفكم شلون النذاله تمشي بدمنه هه

جيلان كزيت اسناني بقوه گتله ادعي الله يريحني من حبك.. تره تعبتي والله،  نزلن دموعي مسحتهن بسرعه.

ابتسم بخفه گال: لعد اني شكول اذا الي جنت احبها ومااعادلها بمي الذهب نذبحت كدام عينج.

ذات جانت كل  شي بحياتي،  تزوجت سنواات ماراحت من بالي حتى اجي من بغداد للناصريه بس حته اشوفها..

جيلان بلعت ريكي كتله

بس هيه ماتحبك، من يوم يومها ماحستك غير اخ  لان هيه عدها سليم يسواك ويسوه عشيرتها كلها..

هجان اصحه   عمي ابو ذات خيرها بينك  وبيت الموت وهيه اختارت الموت عليك لهل درجه ماتحبك لاتعيش بوهم حبك الها..

هجان:ذات ماتت ليش هسه تحجين عليها هيج.

جيلان اريدك تصحه من الي عايش بي..

هجان مااصحه ماطول  النفس يصعد وينزل..

جيلان  بكيفك انته حر بتصرفاتك..

هجان:جيلان اني طلكت بسمه بس لان حجت على ذات.. وعندي منها تلث اميرات..
واخوها هه صار خبر كان بهذه اديه تشوفينهن كتلته..

جيلان  هزيت راسي گتله  : مستحيل تسويها..

ضحك

هجان  گال اخوج حربه مات تعرفين سبب موته لا اكيد لان بيدي كتلته كل هذه لان مسو ذات بحجايه.

فاتخيلي ممكن شسويلج وانتي تحجين عليها هسه؟؟

جيلان جسمي رجف  ، خفت منه، شكله نگلب ابد ابد هذه مو هجان..

ابتعدت منه  اديه يرجفن معقوله كتل بدم بارد معقوله هيج عنده دم بني ادم رخيص!!

كمش اديه  نفضتهن گتله وخر وخر   انننن ت كككااتل

لك بني ادم تكتله لييش ليششش..

دموعي ينزلن بكثره  اني احاول استوعب الي ديصير..

جرني بقوه حضني گال

هجان: احجي الي سمعتي حتى  ابو قامه يندفن  ،  وداعتج ههههههه

   ادفع بي  همس

هجان  عمي وراج قسم بالله اذا شافج انهييج ورب الكون.

جيلان دفعته  ركضت لغرفتنه اني وبسيل  سديت الباب ابجي بصوت.

حاطه اديه على حلكي حتى ينكتم الصوت..

ايام مشت واني لااكل ولاشرب  باليل مااكدر انام صرت اتخيل شكل هجان شلون يكتل..

من غير منضر ذات مطلع من راسي  صرت بس ارمش اشوفها..

تعب وارهاق  راسي يوجعني  من السهر والتفكير..

دراسه ماادرس.
شكلي يخوف صرت صفره عيون ذبلانه هالات سوده

درجه عيوني يوجعني اذا اكلبهن..

لاليلي ليل ولانهاري نهار..

اروح للجامعه  مااركز..

ارجع للبيت  احاول انام   بس انام اتخيل شكل ذات واكعد..

كعدت افكر معقوله  هجان يكتل بس ليش مدخل سجن؟؟!

لالا شلون ينسجن وهوه يشتغل بالجيش.

ماعندي حل غير اشوف بسمه..

قطع حبل افكاري صوت  جهازي.

رقم غريب مرديت عليه اتصل اكثر من خمس مرات فتحت  بدون مااحجي..

اجاني صوته الي خلاني ازيد بالبجي..

هجان: ساعه اتصل ليش متردين؟؟!

جيلان غمضت عيوني بقوه  حجيت بصوت باكي:رقمم غررريب..

ضحك بستهزاء گال
هجان : ليش مو متصل عليج ماحافضه رقمي يمج.

جيلان لا

تحمحم گال: الزونبي شوكت ناوي يطلع منج.

جيلان بستغباء: اي زونبي؟!!

هجان: ليش متاكلين   شنو مطلعيج من القبر بكفاله؟؟!

جيلان:  مااشتهي،  وشفايتلي اموت عود ذيج هسه ماريد احد يطلعني..

هجان:ولبابه شلون بيها

جيلان:شبيها لبابه

هجان سلامتج.

جيلان سكتت  هوه هم سكت ثواني رد عليه..

هجان: لاتفكرين هواي نامي واكلي بعدي الافكار من راسج فكري بمستقبلج  وحياتج بعيده عن الكل، ومو كل شي تسمعي تصدكي حطيها ترجيه بااذنج.

جيلان :شتقصد؟؟!

هجان:اقصد سلامه گلبج وراحه بالج.

جيلان : ممكن سؤال؟

هجان: جواب

جيلان :شو انته تكتل الكتيل وتمشي بجنازته؟
سبب الي اني بي انته وهسه انته جاي تهون عليه..

اخذ نفس زفره بااه اه
گال
هجان: شسوي اذا اني هيج.

جيلان مسحت دموعي گتله:انته وين هسه.

هجان:بالنجف.

جيلان شتسوي؟؟!

هجان واجب

جيلان شوكت تخلصه.

هجان:اخذتي دور الزوجه وتسأليني..

جيلان لا بس ردت اتاكد.

هجان اهاا لعد خوش.

جيلان بتوسل:عليك بداعه ارض الامام علي  انته صدك كاتل حربه،اخو بسمه

هجان:انتي شتكولين اسويها لولا.

جيلان لامتسويها بس لايلعم مافي القلب اله خالقه..

هجان  تركي السالفه جيلان.

جيلان شتعرف عني؟؟

هجان بلون الله   فضوليه لابعد الحدود...

جيلان لهذه مااترك السالفه،اني اعرف شلون افهم السالفه واتاكد من صحتها..

هجان:جيلان وحق سبع سموات اذا تطرقتي للموضوع، وحجيتي ويه اي مخلوق  تحرمين عليه ليوم الدين... وگولي هجان مگال.

جيلان حقي اعرف  الصح من الغلط..

هجان لا مو حقج.

جيلان بس..

قبل مااحجي  گال..

هجان ديري بالج على نفسج واكلي كافي مزعطه..الله وياج.

جيلان سد الجهاز مني واني  زدت بجي..
كعدت بسيل على صوتي..

صدمنتي  تعرف بسمه  توسلت بيها حتى اشوف بسمه 
قتنعت..

نزلنه جوه  هيه مدري وين راحت  ..

شوي اجت يمكن اذا اكول اطول يوم بحياتي محد يصدك..

  اليل مانمته  ثاني يوم  للعصر اجت بسمه..

الصراحه  تفاجئت بشكلها شلون متغيره، كلش حلوه بحيث ضليت صافنه على جمالها حتى هيه احلى من ذات  ومني هم باالف مره  شعجب طلكها  لان من جد لو اني بمكانه فلا اطلكها  هادئةلابعد الحدود..

كعدنه بالهول خفت افتح الموضوع وياها دمعتي بعيني  قلق من عمي اذا عرف..

ندكت لباب كامت عمتي بعدها بسيل  حجيت  بس خايفه لاتكولي اي..

بلعت ريكي گتلها: ببسمه شنو سبب طلاكم..

بتسمت دمعت عينهه بسرعه ضلت ترمش..

گالت: اني مجنت اريده وزواجي گان لسبب هوه الستر فقط.

جيلان بس واضح انتي تحبي...

بسمه: صح الحب يجي من بعد العشره واني وياه سنوات سوه بس  اذا تعرفين  شخص يحب وحده  وتلكين جهازه محفضته بيها صور البنيه شيصير بيج واصلا انتي يبقه حب بگلبج اله طبعا لا.

جيلان صح بس سوال عندج اخ مقتول؟؟!!

بسمه هه لا اسم الله عليهم.

جيلان  ابتسمت  گتلها الله يحفضهم الج زين سبب طلاكم لان يحب ذات لو شنو..

بسمه ااه الصراحه ردت اسافر   ابن خالتي سوالي الجواز وكمل امور السفر..

بيوم تفقت وياه  نطلع سوه لان اهلي مجانو قابلين واني اريد احقق هدفي   واسباب ثانيه..

لهذه اجه اخوي ردنه نطلع اني وياه بدون علم هجان  ومصارت السالفه بوقتها هجان طلكني وانتهت السالفه والسبب مني ..

جيلان: بعد قلق وبجي ايام سمعت شي حلو من فرحتي ضحكت حضنت بسمه..

ضحكت بادلتني الحضن گالت

بسمه:جيلان اريد وعد منج ديرين بالج على بناتي  تعتبرينهم بناتج..

اني محسستهن حنان الام ابد جنت دوم اتعارك  وياهن ماعلم هنه صغار بس الصراحه اغار لان اشوف هجان شلون مددللهن وهاملني عسى مااكول شي يعصب وتعال لي يسكته اني من النوع عصيسه ابد مااسكت لهذه نتعارك..

جيلان بس اني هسه مطلكه منه..

بسمه لا مامطلكه مبين عليج شلون تحبي ولاعبالج اني مااعرف  تحبي

لا من زمان من جنت اجيكم اشوفج شلون تباعيله  وتضوجين من اكعد يمه ههه لعلمج

مره تعاركت ويه هجان بسببج

لان گتله تحبك ماقبل يكلي هذه نفس بنتي واعز هم. تالي هسه انتي زوجته  شوفي الدنيا شصغراتها..

وهو يحبج مالج دخل بكلامه..

جيلان بسمه شكد حبابه انتي قبل ولامبين عليج دائما تتعاركين وياهم..

بسمه:باعي ابسط مثال كدامج  انتي مو صرتي جنتهم  هسه انتي وين مو يم عمج لو لا

اذن الخطا لامني ولامنج من هجان المايعرف يصرف غروره وكبريائه عامات عليه واهله الي حسبي الله عليهم  لعبو بيه لعب

والله حتى مره امه شمرتني من الدرج لو ما جلبت بالمحجر

تعاتت وياها  نشمرت من خامس درجه  وبلتها براسي.. والاضرب تكسرت.

هسه لو تحجين ويه امها ومشاعر ومرت اخو ينكرن لان هم مره صار شهد وهنه نكرن.

جيلان:  اذا الحق وياج لو بعد الف سنه يبين..

وعلى النيات ترزقون.

بسمه حسبي الله عليهم كلهم لان انبصاحبه حق وصاحب الحق ماكول خاصته اني الوحيده الغريبه بينهم.

جيلان والنعم بالله.

بسمه انطيني رقمج  عندي هوااي كلام اسولفه الج.

جيلان   سجلي 078**

بسمه حفضته يمي شكرا.

جيلان العفو..

دخلت بسيل الوجه اصفر شكلها مو راحه صاير شي والاكدلي هيه وصديقتها يحجن..

شوي اتصلو على مرجان راحن بالباب  سلمت عليهم

حضنتني بسمه گالت

بسمه:انتي الوحيده تستحقين تكونين ام لبناتي ديري بالج عليهن.

ابتسمت گتلها عد عيناج.

طلعن البنات التفت وليتني مالتفتت  هجان كدامي..

هجان:صخمان سويتي لبراسج..ماتكعدين راحه.

جيلان نصدمت غمضت عيوني هل مخلوق ولاينضم عليه شي.. احجي بثقه وقوه بس شنو ميته خوف..

جيلان:كتلك مااترك السالفه اذا مااعرفها.. وانه متاكده جنت عكس الي كتلي عليه واليوم من جد طلعت عكس.. مالك عذر يمي.

غمض عيونه سد قبضه ايده گال

هجان: هسه من بعد ماعرفتي الحقيقيه، اگلج يصخمان تحرمين عليه...

صارت نغزه بگلبي كمشتها لمحت خوف بوجهه واريد اتاكد يحبني لو لا 

قبل  لايكمل كلامه شهكت كمشت گلبي  وكعت بالكاع سويت روحي  فاقده الوعي..

حسيت عليع شالني مدي اضحك بس تخرب السالفه
سويت روحي منتهيه..

خلاني على الكرويته
اسمعه يصيح مي  ماكو شوي شمر على وجهي.. رمشت..

سمعت صوت كسر وصياح

هِجان: هذه شنو مو دااكول اريد ميي.

شوي هم رش بس ماتحملت رمشت بلعت ريگي..

ضرب على وجهي بخفه يحجي بصوت ناصي..

  گال يشلعان گلبي شلون بيه ورطتين بحبج  جنجن اجذب عليج من اگلج تشبهين ذات لااصلا يختلف شكلج عنها جذري بي اريد ابعدج عني لان تستحقين احسن مني..

جيلان ابتسمت  لعترافه وبجيت لان يريد يبعدني عنه..

فتحت عيوني  ابتسمت وبجت بنفس الوقت..

حضني  قوي گال

هجان :لاتسوين هيج تاذيني وتااذين نفسج بنفس الوقت..

لااني الج ولا انتي الي.. جيلان الشي الحلو مايدوم بحياتي.. افضل تكونين بعيده عني ولا اخسرج للدوم..

انتي شي حلو صار حياتي بس مدام، انتي اجمل لحضات صارت بحياتي ماانساهه..

جيلان اريد وعد منج ماتهملين روحج خسرتج بس ماتندمت على خسارتج..

الله خله حبي الج بلاء شكد حاولت اعرف اني
« ليش حبيتج»

معقوله حتى اتدمر وارجع ليوره..

جيلان نزلن دموعي  گتله : هجان لاتسوي هيج فدوه انته كل شي بحياتي..

تعرف شنو من اخر مره حجيت وياك واني دموعي مانشفن ليش تخليني اتعذب والله والله احبك ومن زماان...

حبيبي انته لاتسوي هيج والله اتعذبني بس ماتعرف شلون..

ماعرف منين اجتني لقوه حتى احجي اليكاتمته بوجهه..  غمضت عيوني  حجيت

تدري تخبلني من تذكر اسم ذات بدل اسمي..

وجنت متاكده انته مااعليك بيهن بس تااكد وفعلا تطلع الحجيته غلط..

بس اريد اعرف ليش تكرهني بيك لييش

:باس راسي  نزل راسي من حضنه على  الكرويته..
عرفته راح يروح..

غمض عيونه بقوه فركهن گال

هجان  الله اعلم اذا بعد اشوفج بقت يم الله.. ابقي اتذكري شكد حقرت بيج واذيتج وذليتج..

كلامه خلاني اتخبل هنا من صدك گلبي اذاني

ونقلب السحر على الساحر.

طلع هجان من الهول اصيح واصرخ  تعااال عليك الله لاترووح والله تمووتني لاتخليني اخسرك.

اشاهك گلبي وجعني   صرت بالكوه اخذ النفس..

شوي دخل عمي  گال

عماد  شبي هل حيوان.. مايكعد راحه.. شخط السياره الله يستر منه..

تقرب عليه   عمي مااعرف شصار بيه بحيث سودت الدنيا بوجهي  وكعت حسيت وجع قوي براسي.. يتبع..

توقعاتكم للبارت القادم.

كلمات البارت4010 تعويض عن التاخير.

هذه اجمل تعليق..