رواية لماذا احببتك الفصل الثاني وخمسون 52 - بقلم اورجانزا الطائي

تفاعلو على الفقرات...      ملاحظه /تكمله البارات موجود في النهايه من گمره..
 
رواية لماذا احببتك
البارت السابع والاربعون
بقلمي اورجانزا الطائي
.
.
.
.
.
.
.
.
.
.
.
.
...
جيلان:  فتحت عيوني  صفنت بوجهه گال

هجان:  اعشگج يبعد  عافيتي

جيلان   ابتسمت گتله اموت عليك
مااحس غير دفو على شفايفي  وخر عني  گال

هجان: الله واكبرعليج   خمس سنوات حارمتني  من عسى  روحج بروحي يبعد عافيتي..

جيلان هجاان

سحبني لصدره  حضني بقوه  نمنه..
كعدت الصبح   فتحت عيوني هجان  حاط ايده جوه راسه ويباوع  عليه

تثاوبت حجيت:  صباح الخير..

رد:  صباحج الورد والياسمين

ابتسمت كمت وخرت  من يمه گال ولخلق الكواو** صخمان مو جيلان اسمج.

صديت عليه حجيت: بدينه هجان.

ضحك هز راسه گال: هذه الحركه لاتسويها

جيلان بستغراب: ياحركه!!

هجان تعكدين حواجبج تقلصين عيونج   وتغلدمين.

جيلان:  قصدك هذه سويتها، گال

هجان:  لعلمج هذه الحركه تخليني انشد الج  لا عبالج تضوجيني لو تستفزيني..

جيلان: لو ناويه استفزك جان سويت هذه لحركه..
  رفعت طرف شفتي وحاجبي سوه..

هجان: وربج بالي صافي لابعد الحدود انتضرتج كل هذه السنوات  بس حتى ندخلين الغرفه وتردين تطلعين بسهوه وانتي ام الراهي على صيح عليه..

جيلان ههههه لا والله تره هيج عادي..

هجان المهم خااف بالج انطيجياها من الاخير.

جيلان اغراضي وين؟!

هجان: الي جبتيهم

جيلان لا الي يمك، ذبيتهن

هجان: ماذب شي اله ذكرى حتى لو سيئه..
بالكنتور تلكيهم.

جيلان فتحت الكنتور  ملابسي الي هوه اصلا مصفطهم على حطتهن..

فتحت كنتوره دورت مالكيت الي اريده..
دخل للحمام گال حضريلي ملابسي من يمج..

طلعتله ملابسه بالي مو يمهن..
كعدت على الجربايه احاول اتذكر..

دقايق طلع  وكف  يمي اخذ الملابس گال

هجان: شلون دبرتيها البس تيشيرتين  ولا بنطرون.

جيلان نتبهت للملابس مطلعتله تيشيرتات اخذتهم ثنينهم رجعتهم طلعت قميص وبنطرون اخذهن بدل  وكف يم ميز المرايه يمشط..

كمل فتح مجر  طلع منه محبس فضه شذرته رمادي وبيها سواد مامفهوم..

سبحته  المارونيه على برتقالي لونها غريب لاهيه برتقاليه ولا هيه مارونيه  او بالاحرى لونها برتقالي بس خطوط ونقاط  ماروني..

رش عطر  صد عليه گال: المن صافنه.

جيلان: عليك بعدك على هل عاده..

   رش عطر  عليه گال: على حطه ايدج.

جيلان: لا يمعود ولا الي خلك صياحك..

ضحك بصوت كرصني من خدي گال
هِجان : شكد تجفصين يبعد حيلي..

جيلان، توجعت من كرصته غلدمت تلمست مكانها بوجع

رفع حاجبه  يباوعلي بطرف عينه  گال: عياره

جيلان لا والله هيه شنو قابل هيته

صد عليه  گال: هيه شني هيته تعرفيها لو بس تحجيها.

جيلان: يعني فاتحه سبيل مدري شلون اوصلها بس مو كل شي مسموح..

هِجان:لاتحجين شي وماتعرفين معناه.

جيلان: يوو ياكلمه رجعي لمكانج هاءاها سكتت ارتاح.

هجان:شمسويه ل لبابه حد هل درجه تحبج.

جيلان:على گولت گمره، طيبه گلبي هيه معلقه ناس بيه..

هجان: هذه منو؟

جيلان: شبيك بنت خالتك..

هجان: قصدج  بنت عمج؟!!

جيلا، باوعتله صفح   حجيت: لا بنت عمك.

هجان:  سنين..

جيلان اي هيه شبيك

ابتسم قلص عيونه گال البية بيج..

جيلان: خبيث

رفع حواجبه بتعجب گال
هجان: هاي شنو.

جيلان:  قابل جذب

رفع حاجب بحركه سريعه حتضن خصري دكات گلبي تسارعت.. انفاسه اخترقت مسامات وجهي  تقرب عليه اكثر  بلعت ريگي تلقائية غمضت عيوني
همس يم اذني..

_استسلامج لمساتي بحضني يدمرني..

حسيت طبع بوسه رقيقه تحت اذني قريبه على فكي.
سرعان مابتعد گال..

_ اريد ريوك من ادينج..

ابتسمت  حجيت:غالي وطلب رخيص..

ضحك گال: والله حيوو  طلعت حجايه محلايه منج..

نصدمت  من كلامه: لا.والله تره انت مدري شبيك.

طلع  بدون مايحجي..  رحت وراء سويت ريوك...
كعدت لبابه تريكنه سوه.

راحت تبدل    شلت المواعين اغسلهم حسيت على ادينه حاوطني راسه على كتفي گال

هِجان: زعلانه؟!

هزيت راسي بنفي.

حرك راسه بااتجاه واحد،شد على حضنة گال
هِجان:ليش متحجين البزون باگ لسانج.

جيلان:صارلي ساعه الغي   واضحك وهسه جايني زعلانه؟!

ضحك بهدوء  لافني عليه گال
هِجان:هيج بغداد ترد الروح،كبرانة وعقلانه، وينها جيلان المستفزه لسانها متبري منها.

ابتسمت حاوطت رقبته بااديه ركزت بعيونه گلتله
جيلان: الزمن والوقت والحياه تغيرن.

قلص عيونه سحب نفس..
هِجان:كبرانة ومتغيره..

جيلان:چا غير العمر يمشي..

قرب اكثر عليه همس: يبعد حيلي..

دمعن عيوني صديت  تلمس حنجي بااصابعه صارت عيني بعينه ابتسمت..
جيلان:روحي متعلكه بيك..

نزلت دمعتي مسحها باابهامه گال..
هِجان:نفسي بيج..

جيلان: ويه ما  ردت احجي  وكفي صوت گمره..
بسرعه وخرت عنه.. والبقيه تعرفي

بسيل:بس ولله تستاهلون.

جيلان :خبيثه  وداعتج.

بسيل : عليج غير .

دك جهازي  شفته هِجان ابتسمت كمت طلعت من الغرفه فتحت خط..

حجيت وياه يحجي من وره خشمه ضجت   سد الخط بوجهي..

رجعت للغرف  مددت تعبانه نعست نمت..

حسيت ثاني يوم.

غسلت  لبست حجابي نزلت. 
عمتي و بسيل مخبوصات يعزلن..

بسيل انطتني جمان كَالت

بسيل :اخذيها فوك  غيريلها ملابسها..

اخذتها صعدت لغرفته  بدلتلها  نزلت..

تغدينه   غسلت المواعين ويه عمتي سئلتها كالت

... : اكو ناس خطبو بسيل ليوم يجون يشوفوها.

نصدمت من كلامها ، معقوله بسيل موافقه؟!!

سكتت ثواني اردفت.

جيلان: وبسيل موافقة ؟؟

...: عمج مقبل يكول :خليها بالامر الواقع.

جيلان :ضجت حيل منها ومن عمو..

بس خطيه  ومااعتقد انتو تجبرون بنتكم الوحيده على زواج ؟!!

ابتسمت كالت :منو يكول وحيده ؟انتي هم بنتنه.

جيلان بااصرار :حتى لو مايصير هيج تجبروها،  شعجب هيج مخبوصه ..

ردت :  كلتلها خطابه الج.

جيلان هااا صدك ليش هيج عمه تخدوعوها خو كولو  اجوج خطابه..

ردت عليه :بداعه امج لاتحجين شي وانتي عدلي روحج .

ضجت  منها سكتت صعدت لغرفتنه  لكيتها  تبدل لدريد ..

كعدت كدامها حجيت..

جيلان :ضوجه كلش.

بسيل لا وين

ضجت من روحي لان محجيت الها عفتها  مددت  غطيت راسي دموعي تنزل..

باين بسيل تحب ديسم  من نضراتها وحركاتها  وكلامها من تشوفه او تسمع  من يذكرو..

قطع حبل افكاري صوت بسيل.

بسيل : جيلان كومي بعد نص ساعه ويجون خطار ..

جيلان : شسويلهم  قابل..

وخرت الغطه  حضنت ادينها لصدرها كالت..
بسيل : معقوله اليوم بنت عمج  واختج مشيتها وانتي متساعديها..

جيلان بصدمه :معقوله صدك والله تعرفين وديسم شصار بي ولج، هوه  يحبج وانتتي تحبي المن هل هيلكه بعد  والله حقيره ليش هيج  وجهاله شلون بيهم مو دكيتي صدرج.

بسيل :ماكو دكمه اطفيج.

جيلان : حقيره

بسيل :عليج  وداعتج.

جيلان: انجبي حقيره والله خطيه الولد يحبج.

بسيل: اعتقد عل طفلين منه؟!!

جيلان: ولي حقيره واني ضايجه عبالي يجبروج.

بسيل هه هه هه ضحكتيني ولنفترض  يجبروني ليش متحجين وتكولين بسيل كذا  وكذا صار.

جيلان : عمتي حلفتني .

بسيل: ياله كومي بدلي وياي..

جيلان: اجيت يحقيره..
  طلعت فستانين واحد الي  لونه بيجي شيفون  طويل كلوش خفيف .. ولثاني الها.. لونه زيتي مخطط بالاسود كصه عدله..

بدلنه ثنينه مكياج كلش خفيف مجرد ترتيب..

نص ساعه صعدت عمتي كالت نزلو..

نزلنة ثنينه  بسيل تضحك..

نسوان ماكو بس زلم جايين، رحت بالمطبخ اجه ديسم     تفاجئت معقوله جاي على مشيه حبيبته!!

انطيته صينيه التقديم طلع..
رجعت يم بسيل الي حاطه جمان بحضنها  تبوس بيها وتكرص خديداتها.

كعدت بصفها نزيتها بخاصرتها  باوعت صفح كالت

بسيل :خير ياطير..

جيلان:سالمين عيني ،تره استاذ ديسم موجود .

بسيل بعدم مبالا :واذا عادي.

جيلان رفعت حاجبي كلتلها مو تحبي؟

بسيل :منو كال احبه!!

جيلان :اطفاله يمج انتي تربيهم ، اصدك ل لله تربيهم  اكيد لا اصلا عيونج فاضحاتج حبيبتي. 

بسيل : شكد تحجين خاطر لله.

جيلان: دولي..

بهل وقت اجت عمتي كالت

...ياله بنتي جيلان يردوج كومي غمزت..
رحنه اني وبسيل وياها..

وكفنه يم باب الاستقبال ..عمتي دكت لباب على كيف طلع ديسم  شافنه ابتسم كال  موجوده سيدنه..
دقايق وبده السيد يحجي وينصح..

جيلان بنت **** هل تقبلين الزواج من هِجان ابن ****على مهر مقدمه ٥٠ مليون ومأخره ٧٥مليون اذ قبلتي قولي نعم وانت وكيلي..

فتحت عيوني من الصدمه بحيث دموعي الي يكلك محضرتهن  اضحك  وابجي  عمتي وبسيل مبتسمات

كبل حجيت بحماس ' اي اي موافقه '

كرصتني  بسيل وصوت ضحك بالاستقبال..

تدنت عليه همست :ولج يمعزايه فضحتينه غير تلث مرات يسأل ياله اشو انتي مستعجله من اول مره اي ايي موافقه خب حظي.. نهت كلامها بضحكه.

دنكت راسي   ميته من الفرح  واخيرا  رغم لبارحه تعاركت وياه وتجاوزت عليه واتصل عليه اكثر من مره مرديت اخر شي دز

" وين ترحين عني لو بجهنم اجي واطيح صبغج..

تم عقدي من هِجان  رجعنه للهول  احس فرح الدنيا كلها عندي..
ساعه كامله  ارتفعت اصواتهم  خفت بس صوت ضحك شوي رتاحيت..

اجه ليث يضحك  كال

خجليث :جنجن بسبس استدعجتن المحكمة العليا.

بسيل: يالله باين رزاله راح ناكل..

جيلان :اجييت .

ضحك كال
ليث: لا امني هل مره مابيها مجال يمكن كبل للوادي ،صد عليه كال

وانتي ست جناجل مستعجل ، وين كلامج  ماريده  وخل يولي..

بسيل :يالله ، بس لعلمك مافد يوم كالت ماريده كله عوفني  لان هيه تريده ..

جيلان : لا لج والله اكول ماريده ،بس قابل كل الب ينكال صدك ..

بسيل :شوف استاذ ليث ابد لاتثق بكلامها تره هذه تمشي وره كَلبها..

جيلان نزووول.

بسيل:ام الجناجل امشي لاينحكم علينه مئبد..

جيلان: رحنه للاستقبال  عمامي كلهم كاعدين حتى ابو ذات..

صارت عيني على هِجان كاعد كدامي حاط رجل على رجل  ولامهتم.. لابس رسمي نيلي وقميص سمائي فاتح اول خمس دكم..

ساعته الفضيه والسبحه والمحابس بيده..

ثوني اركان حجه وياه صد عليه مبتسم غمز..

ماحس غير نكرصت من صفحتي  صديت

بسيل:ولج فضحتينه يمعزايه كلها نتبهت عليج..

جيلان:قطع كلامنه صوت عمي..

عماد:كعدن كدامي ثنينجن..

جيلان: كعدنه على الكرويته الكدامه..

التفت على جهه هجان  ورجع التفتت علينه..

سحب نفس زفره گال
عماد: جيلان هاي كدام الموجودين تردين عرس حالج حال كل عروس لولا مااجبرج على شي  انتي فصلي واحنه نلبس..

جيلان:ابد مجان بالي انو  اسوي عرس وهيج اشياء جان همي الوحيد انجمع بهِجان تحت سقف واحد..

ابتسمت بخجل گلت:الي تريده انته عمو..

عماد:جيلان انتي تردين  عرس لولا.جاوبي بااختصار اي لا

جيلان:لا

عماد هذه هو ماكو عرس..

قاطع كلام عمي صوت هجان  الكل التفت عليه..

هجِان:ايي مو اني ماخذها فصليه لو هديه، قابل بكيفها نمشي، اسويلها عرس وغصبن على راسها وراس الي يعارض.

جيلان:بالكوه حصرت الضحكه رغم كلامه  بعصبيه  لاكن اركان وجساس غيرو الموضوع..

عمي رافع حاجبه معاجبه الوضع..

گال:اي استاذ هِجان  شوكت العرس..

ابتسم عدل كعدته گال:  يوم خميس على  الثلاثاء كلش زين.

هز راسه بخفه گال:هذه هو انتم ادره بمصلحتكم..

التفتت على ابو ذات گال

تفضل ابو حربه هذه بسيل كدامك..

تفاجئت شيسوي بسيل؟!!

تحمحم حجه بثكل واحكام :  بنيتي  بسيل ابن عمج ديسم طلب مني اخطبج اله من ابوج. القرار بيدج موافقه تكونين زوجه  ديسم امام الله والناس..

صديت على بسيل الي  مصدومه  نزلت راسها بدون متحجي..

سكت ثواني اردف  بتمسك:شتكولين موافقه لولا وتااكدي محد يجبرج على شي انتي بكيفج وانه وياج..

...
.
.
.
.گمره

     گمره.

كمت وكفت گتله: واسمع كلامك ليش انته منو بالضبط، اخويه لو ابويه لو زوجي لو خطيبي لو حبيبي شنو موقعك بالضبط.

وكف بمستواي حجه بهدوء درجه خجلني لان رفعت  صوتي   گال: خايف عليج

انتي ماتعرفين مصلحتج وين گمره انتي بريئه لدرجه ماتعرفين نيه الي يحجي وياج..

گمره: بس هجان احجي وياه

جساس: حتى وان يكن

كمره : وليش تخاف عليه ممكن اعرف..

سحب نفس زفره گال: لان ماتعرفين اوادمج، لاتنسين بعدج صغيره ياهو اليجي يضحكك عليج..

سكت  التفتت للجهه الثانيه   تخوصر  صد عليه گال
جساس: لسانج كصري مايلوكلج  ،وينها گمره الي كل الناس تتمنه بناتهم بهدوئها  ،وينها الي ينحلف بيها..

گمره انتي ماتفهمين الناس شتفكر  خاصته الزلم شمدريج شنو نيتهم اتجاهج احتمال يكرهوج احتمال غريزه كدامهم،ياگمره اخر مره اگول عرفي وادمج..

گمره:كمل كلامه مشه من يمي..
رجعت لغرفه لبابه  كعدت شوي  احس سويت شي خطا..

تذكرت هوه الوحيد الساعدني من ابتزني ابو البأر..
اخر شي اقتنعت من اشوفه اعتذر منه لان من صدك هوه ساعدني هواي من غير حجه لمصلحتي..

ليش هيج سويت؟!

قطع حبل افكاري صوت سبيل..

سبيل:ام لول  كومي تعشي.

گمره:ابتسمت هزيت راسي..
رحت تعشيت رجعت للحديقه..
عسى وعل اشوف جساس..

نص ساعه وهوه ماكو،مر وقت  گمت رجعت  للغرفه..
مددت سحبت جهازي..

راسلتني بلسم..

حجيت وياهه..

سألتها عن جساس گالت

... مو يمي قبل شوي اتصل عليه بعده بيت هجان..

انتبهت للساعه ب 1ونص گمت بسرعه طلعت بدون مارد عليها..

كعدت بالمطبخ  ثواني دخل جساس  منزل راسه ضاغط بين عيونه  .. فتح عيونه  شافني  وخر ايده عقد حواجبه..

قبل لايحجي حجيت بتردد..

.. جساس!!

حرك رگبته يمين  ويسار صدر صوت طگطگه..
رد: هاا، هِجان وين صارلي ساعه انتضره  وماكو صارت الخمس دقايق خمس ساعات  من التسعه مدري الثمانيه ولحد الان ماكو اتصل عليه يدك الضاهر مصمته..

گمره:شمدريني اني اخر مره شفته المغرب  بالحديقه، بعدها تعشيت ورحت لغرفه لبابه..

جساس: اني اعلمه هل ساقط  يضربني بوري صوجي اني الحيوان انتضره ..

گمره عدم تركيز :حشه الحيوان.

حسيت على روحي  گلتله اااا قصدي  حشااك..

هز راسه گال: اللهم طولج يااروح، طلع من المطبخ..

ضربت على كصتي  شگد غبيه غير اريد اعتذر منه، جفصت  هسه وقتها قابل هفف.

رجعت لغرفه لبابه  مددت  بعدها لهوسه.

دزيت رساله اله كتبت من تفتح راسلني شي مهم

راسي موتني..

نعست نمت

كعدت بالخمسه لكيته شايف الرساله ما رد..
كلبت شوي راسلني ديسم..

-شبيها گمرتي لحد الان كاعده.

ضحكت كتبت- منو گال سهرانه تره هستوني كعدت

رد- نوم العافيه حبيبتي، مشتاگلج بنيتي  اليوم باليل ارجع لبغداد والغراض ممحضرات.

ضجت حيل لان راح يروح  كتبت: تروح وترجع بالسلامه  بس لاتطول فدوة والله اشتاقلك.

رد_ تكابليني وتكعدين  بعد المن تشتاقين...

كتبت:چا غير انته بمكان وانه بمكان

رد اليوم اخذج وياي لبغداد ام الچا..

رديت بحمااس:صددك والله

رد:اي ماائمن  تبقين وحدج هناا.

رديت:تعال اخذني احضر روحي

رد:على كيفج يابه، من تنزف گمره اخذج للبيت تحضرين غراضج  وباليل نطلع لبغداد.

رديت:معقوله اكو اخ نفسك، تدري صرت احسد روحي عليك يااحسن اخ بالعالم.

رد: اي اكو خيرات لله بس اكو الي يبين حبَ واهتمامه لاخته واكو الي  مايبين بس يخاف عليها من نسمه لهوه..

رديت:شفايده الحب اذا مايبين اهتمامه للمقابل

رد: بي فوائد هواي منها تماسك روحي..

رديت: احتمال مااعرف
تذكرت بسيل والجهال كتبت-بسيل والجهال شلونهم.

رد برحمه ربج عايشيين.

رديت ما ناوي تخطبها تره انته تحبها

رد- احاول بس هسه  تاازمت الامور مااعتقد عمج  يوافق بسهوله..

رديت:چا هيه بكيفه

رد لا بكيفج انتي وين عايشه گمره غير ابوها..

رديت: وين كلامك، اخذها من حلك السبع اشو هسه متراجع تاخذها من حلك ابوها

رد كفيلج اخو زينب بس تگول اريدك  لو مو يوكف عمي هم اخذها..
بس هيه تصد بيه..

رديت على گوله المثل مدري كلام اهلك يگولون:اخذ اليحبك ولاتاخذ التحبه..

رد: مايكفي  كلامج، واثق منها  عدها شعور اتجاهي بس  هيه حاطه ام دريد  واهلج خط فاصل بينه..
وعمج من حجيت وياه اخر مره يگول امك وابوك يوافقون ياله..

رديت يووو سالفه مطوله   وامك حاطه فجر بالها والنوبة هيه شلون عاد

رد:لاتحجين على البنيه مشايفين شي منها،  وان شالله مابعد شي..

رديت:والنعم بالله   مااحب بنت خالتك.

رد ملاحضه عمك وخالك وابوك وامج  ، غير اهلج هذوله

ردت چا انته هم اهلك وعكاربك المن تنسبهم بس الي

رد:  گمره مايصير  اكبر منج، اذا يسمعج احد يحجي عليه لاز منطيج مجال..

رديت  صاار

رد عفيه ببنيتي  ياله اروح انام   تصبحين على واقع اجمل بنيتي..

رديت: تصبح بخير حبيبي وسندي بحياتي

طلعت من المحادثه   گلبت بالتطبيقات  نعست رجعت نمت..

ماحسيت غير على  حركه بالغرفه  فتحت عيوني  شفت لبابه مبدله سألتها وين رايحه گالت..
لبابه للصالون،

بسرعه لبست عباء خليج لفيتها لبست لشال وحذاء رياضي  طلعت من الغرفه ويه لبابه حجت عليه لان بتراك لبيت..

وصلنه للمطبخ شفت هجان وجيلان..
تذكرت الخمس دقايق  الي گال عليهن جساس
ضحكت واستلمتهم..

اخذنه هجان للصالون..
استلمو لبابه ومشاعر اجت.

  دخلت على الماسنجر لكيت رساله من جساس كاتب خير ياطير بشري هم اكو سالفه صفح.

رديت:هل مره لا بس اسفه على كلامي لبارحه تجاوزت عليك. اعتبرني بلسم وتجفص.

رد- انتي گمره لو غلطان

رديت:شبيك يولي چا  خيالي وماادري

رد اكول منج من الشيطان.

رديت  : ليش تخليني اتندم  مو اجيت اعتذر منك لان تجاوزت.

رد مقبوله منج بنت العم

رديت: حمدلله لعد باي

رد:بويه مصالح

رديت: يامصلحه متگولي غير اعتذرت وخلص الموضوع.

رد:  هذه هم يسمو مصلحه

رديت  :چا خوش هسه اني مصلحجيه..

رد اي وربج،

داتكتب  رسل گمره..

حذفت الي كتبته ورديت نعم.

جساس: كلامي لبارحه جان من خوفي عليج لااكثر، ديسم ماامنج يمي اذا تحتاجين شي  عد عيناج بس راسليني.

رديت: تسلملي جساس، اليوم اروح لبغداد.

رد: اعرف گال ديسم

رديت: اي

رد:  هوه اليوم وياكم اروح..

رديت صددك والله

رد  وداعتج.

ضحكت صارت عيني على المرايه لبابه تباوعلي  هزت راسها بتسائل  غمزلتلها  ابتسمت..

  تراسنه هواي بدون مااحس بالوقت  لحد ما مشاعر گالت  راح نرجع

كتبت: باله باي راح نرجع.
عفت جهازي بسرعه  بدلت..

رجعنه للبيت  صار وقت الزفه كلش حبيت كلام هجان من سلم بنته..

  طلعو زفافه بقيت اني وجيلان وبنات هجان..ماراحو زفافه هواي..

ربع ساعه ودعت جيلان  اخذني ديسم للبيت وطلع عنده شغله يسويها ويرجع..

لميت غراضي الي بشقه ديسم..

رجعت لغرفتي  لميت ملابسي بسرعه..

نزلت جنطه ملابسي،  صارت بوجهي امي..

تباوعلي من فوك ليجوه  هزت ايدها گالت

....:ماخذج لبغداد  تكو*** نوب عليه يعزل  وياج
مايعرف اخته شنو  هيهي يومين موهواي يجيبج النه مطينه راسنه..

صدمتني بكلامها ردت اضوجها لان دائمه تگول انتي لاتشوفين روحج زركه انتي..

: گلتها ليش تشوفيني هيج اني سامعه البنيه مرايه امها..

شهكت ضربت على صدرها، اجت عليه ضربتني راجدي جرتني من شالي تضرب بيه وجعتني  حيل على صوتي اجه بابا  ولا سوه شي ضل واكف..

دخل جساس  وخرها عني  حجه بعصبيه.

جساس:  والله العظيم من يحجون عليج مااصدك،  شبيج خاله غير هذه بنتج من لحمج ودمج..

ردت عليه:  اسكت انت ماتعرف شي..

رد غير. افهم شكو ليش هيج تضربيها..

قبل لاترد دخل ديسم  بس شفته  ركضت عليه حضنته عدل شالي وگال

ديسم: جساس اخذ گمره   شويه واجيكم.

جساس  : بس ديسم..

قاطعه ديسم  گال

.. گمره كدامي بسرعه جساس وراها بدون مطرود..

گمره:طلعت كدامهم ثواني اجه وراي جساس  يحجي ويه روحه..

وصل ليمي گال كدامي صعدي  ،اريد اشوف اخوج ليوين يوصل..

گمره:صعدت بالسياره جساس بقه يفتر يم لسياره  رايح جاي..

نص ساعه  طلع ديسم   حجو هوه  وجساس  مبينين ثنينهم هادئين..

دقايق صعدو   صارت عيني بالمرايه  ديسم يباوعلي بعتب كرهت روحي من نضرته  صديت على جهه الثانيه دموعي تنزل بهدوء..

محد يعرف احساسي لان من جد ماكو هيج  ام ولو احتمال اكو للبيوت اسرار..
امنيه حياتي اشوف حنيه منها حتى لو بالغلط..

ابد مااحن الها كل مااشوف ضهري احقد عليها زياده..

اخترق انفاسي  ريحه الجگاير انتبهت لجساس نايم..

صديت لديسم  يدخن  ويه كل  زفره آه ه
اول مره اشوف ديسم يدخن   ..

كح بقوه درجه لاختناق وكف السياره بنص الطريق نزل  من لسياره  دنك بالكاع هتز مرتين وكع على وجهه .. خفت عليه..

صحه جساس  التفت لجهه ديسم   والي شاف عيني  لكدام صد لمكان ديسم..

بسرعه نزل  ركض لديسم  يدك على ضهره.. ردت انزل
وكفت بيكم  نزلو منها ولد..

انطو مي لجساس  غسل وجه ديسم  بقو فوك النص ساعه  ماخليت امام مانخيته..

ديسم الاخ والاب والصديق..
ديسم كل حياتي.

دموعي تنزل اشاهك اريد يجي يمي..

وكفه جساس حط ايده فوك رگبته  كمش خاصره ديسم،  يمشي على كيف..

صعده بالصدر   ارتاك على الكشن صاح ااه ياالله  اخذ امانك وخلصني..

كمش راسه يون..  حطيت ايدي على حلكي ابجي

جساس هز راسه  صعد  ساق لسياره..

لنص الطريق  حجه ديسم.

ديسم: اوكف جساس  يم المحل..

وكف السياره  نزل ديسم  ، نزل وراه جساس..

دخلو للمحل  اقل العشر دقايق رجعو يضحكون..

فتحت حلكَي مساعه ضايجين ثنينهم وهسه يضحكون؟!

صعدو ثنينهم  صد عليه ديسم انطاتي علاكه  اخذتها منه باين التعب بوجهه..
ابتسم صد على الطريق ضلو يحجون ويضحكون..

مالي نفس اكل الي جابهن ديسم..

وصلنه بغداد..  تحديد بيت ديسم.

نزلنه اني  وديسم جساس مقبل ينزل بس  ديسم اصر عليه ينزل..

فتح لباب دخلنه  للبيت  نضيف مابي شي..

جساس نزل الجنط..

گال: نص ساعه وارجع اجيب اكل واجي..
ديسم ايده  راح..

  سد الباب كعد بالهول كعدت كدامه گلتله..

گمره:شلون صرت والله خوفتني ليش هيج صار وياك..

ابتسم فتح ايده..

گمت بسرعه كعدت بصفه حضن كتفي گال

ديسم:شوصيتج؟

صديت عليه گلت: مامجذبه  هذه كلامها مو تكول جيلان مرايه امها..

ديسم بعد قبول:مو حجي هذه  تبقى امج  گمره لاتأذيني،  ولسانج كصي مايصير تحجين هيج..

تحجي  عليج تسبج تبقى امج عندج رب رحيم ياخذ حگج لاتردين الغلط بالغلط..

هيج رب العالمين ينصفها لان تأذينها   تبقى ام.

والجنه تحت اقدام الامهات..

شلون تردين لله ياخذ حگج منها وانتي تأذينها بكلامج وافعالج..

انتي تربيتي وانه ماارضه تربيتي تحجي وتسوي هيج..

اريد وعد منج بعد ماتصدينها ولاتحجين عليها بحضورها او غيابها..

بنيتي امشي وره اليبچيك ولاتمشي الي يضحكك..

الي يبچيچ احتمال لمصلحتج بس الي يضحكج هذه يضحك عليج..

والله سبحانه وتعاله ماسوه شي لو مااله اراده..
لهذه ياروحي انتي  فكري بيوم من الايام راح تصيريين ام تقبلين بنتج تغلط وتحجي وتتطاول عليج؟!!

هزيت راسي بنفي گال

ديسم: تعلمي الي ماترضي لغيرج لاترضي لروحج يبعد عافيته لاخوج..

ابتسمت مسح دموعي گال..

ديسم:  ياله كومي سويلي چاي مهيل كون يرد الرووح..

گمره: تدلل لعيونك اطيب چاي اسوي..
بس سؤال شعجب مو گهوه.

ابتسم غلص عين  حرك شعره الكيرلي گال
ديسم: من بعد ذولاك الناس ماتحلى الگهوه..

گمره ابتسمت  تخوصرت قلصت عيوني  حجيت:قصدك بسيل..

ضغط على شده شعره  اخذ نفس زفره ب ااه گال

ديسم:چا اكو غيرها..

گمره:على كيفك عابس..

ديسم بستغراب:هذه منو؟؟!

گمره:  لاتگول نسيته  ابن عبدلله  الي  حب 7سنوات واهلها مايرضون ينطوها تالي ابوها طلب من عابس يجيبله الجنه..

ديسم: بتركيز ايي كملي

گمره:فا هذه عابس امه ميته وابو متزوج  فا راح لقبر امه  اخذ من يم رجليها تراب..

وداه لابو البنيه من سأل ابو البنيه هذه شنو اني ردت الجنه..

جاوبه عابس:انت طلبت الجنه، واني جبت الك تراب من يم قبر رجلين امي لان سامع الجنه تحت اقدام الامهات..

فا ابو البنيه موافق على عابس  بدون مهر اعتبر مهر بنته تراب الي جابه عابس.. ولسلام عليكم..

ديسم:حلو  ، وانتي تعلمي من تحجين احجي عدل عوفي ال «فا»و«د» تره كلامج يصير ابد مو جديي..
ومراسلتج من تردين تحجين بجديه عوفي الايموجي..

گمره:مو حرام ليش تقصفني..

ديسم: انصحج مو احسن ماتبقين فاا وداا شعندج..

گمره:صاا اخب العزيز، هيييج لو هم لا

ابتسم هز راسه گال
ديسم متكعدين راحه..

گمره:اروح اسوي الچاي..
عفته رحت للمطبخ  سويت الچاي..

رجعت للهول ديسم وجساس كاعدين
جايب لفات..

اخذت لفه صبيتلهم چاي..

اخذت قوطيه الببسي اشرب بيها

حجه ديسم: ايي جساس شصار بكروبك..

صد عليه رجع صد على ديسم گال : زين..

شرب رشفه من الچاي گال

ديسم: ابو البأر وافق على طلب الانضام..

گمره:جنت اشرب بالببسي من سمعت البأر غصيتت  عيني على جساس..
خشمي ودموعي حركني  غمضتهن بقوه صديت عليه

عيونه عليه، وجهه خطف لونه..

گام ديسم يجيب مي  تقرب عليه گال

جساس فهمي قبل لاتحجين..

حجيت بحقد بالگوه تطلع الكلمه: وخر عنييي  احقر منك ماكوو.. يتبع..

مسائكم قفله ترد تفاعلكم..

سؤال:ماذا يعني لك/ي الخذلان..

اتمنه الكل يجاوب..

وشكرالكم عائلتي.

كلمات البارت 4404