رواية لماذا احببتك الفصل الثاني وثلاثون 32 - بقلم اورجانزا الطائي

ملاحظه لاتنسون التفاعل على الفقرات

وليوم باليل ينزل لقائي مع الكاتبه زينب ماجد في قناه اليوتيوب وحسابي الانستا
قناتي اليوتيوب قصص ام كيان
حسابي الانستا umkno2

«نفس الصوره بجميع البرامج »

قصه لماذا احببتك
البارت الثلاثون
بقلمي اورجانزا الطائي

.
.
.
.
.
. .

.
.
...

بسيل..
.
.
.

تم زواجي من ديسم بس مجرد گال السيد بالرفاه والبنين.. قبل لايكمل كلامه، ركضت للحمام كعدت بالكاع ابجي..

صعب وكلش صعب الي صار بيه.. ابجي حاطه ايدي على حلكي ماريد يطلع صوتي..

اشاهك وابجي نفسيتي تعبت بهل يومين..

مااعرف مر شكد من وقت..

دكت الباب اجاني صوت ليث يحجي:بسيل طلعي والله موزين عليج تضلين بالحمام..

ختنكت من كد مابجيت فتحت لباب راد يحجي ماوكفت صعدت لغرفتي سديت لباب جيلان نايمه.

حطيت ايدي على حلكي اصيح بصوت ربي اخذ عمري وخلصني..

كعدت بالكاع ابجي واشاهك الي يكلك طفل..
من وجع روحي.. صرت اضرب بروحي اريد بس اهدئ ماكو ضربت ايدي بالكاع الم مو طبيعي صار..

زدت بالبجي الي يكلك اريد عذر.. ابجي بصوت عالي..لدرجه جيلان حست من النوم شافتني ابجي واشاهك اجتي كعدت يمي تريد تفهم شكو..

حضنتها بقوه وابجي ..ابد مانزلت من حلكي ربي اخذ عمري وخلصني.. مالي ذنب بشي.ليش هيج يعاملوني ليششش يربيي..

على صوت صياحي وبجيي اجت امي وليث..

امي رادت تكمشني دفعتها صحت ماريدكم وخروو وخرر من الله ياخذ عمري ليش دمرتونيي مو گلتي اني اوكف وياااج شو سكتيي ومحجيتي هااا ليششش هيج ليشش مو والله دااتعذب بس متحسون بيه ابجي واضرب على وجهي بحيث احس وجهي يحركني..

امي كعدت بالكاع تبجي ليث كمشها من اديها يسكتها واني ماادري ليش هيج فقدت اعصابي..

ثواني اجه بابا عصبي، باوع لامي رجع باوعلي حجه بعصبيه:شنو هل استفلات شبيج تخبلتي؟؟

صوتج واصل سابع جاار من شوكت معلمج ترفعين صوتج على امج احجي شو خنستي..

رديت عليه بحقد: من يوم الي بعتني بي ، بيوم الي هديتني بي، بابا انته موتتني واني بالحياه، تعرف شنو يعني تكول اخذها بعباتها ، باابا انته رخصتني تعرف شنو رخصتني والله حرام حرااام عليك تسوي هيج هااي عود انته المثقف لعد شعفت للمادارس والله والله ليوم اكتشفت انو المدارس احسن من الدارس باالف مره..

على الاقل يصير عنده احساااااس مو نفسك تعرف بابااول مره ا تندم لان انته ابوي واتنه اي شخص من الشارع يكون ابوي بس مو انته لان انته حكمت عليه باالعدام..

ماحس عليه غير سطرني براجدي ضحكت گتله تصرفاتك تبين نبغ عقلك مو هذه كلامك هسه تضربني لان حجيت الحقيقه..

كمشني من حنجي احسه نكسر گال كلمه زايدي ادفنج بمكانج..

ضحكت گتله صاير دفان ومادري..
ولعلمك بابا اخوتك كلهممم يمشون بكلام زوجاتهم بما فيهم اخوك الي هسه دااتضرب علموده ههههه عود معتبره شخصيه وكذا...

بسبل دفعني ويه مادفعني لطخت بحافه الشباك بكصتي ..

حراره نزلت على عيني كومتني

جيلان باوعت عليه شهكت صاحت: عموو بسيل نشك راسها..

تقدم عليه ليث وابوي يردون يكمشوني ما كو دفعتهم صيحت والله والله الي يقرب عليه اموت روحي.. وكولو بسيل كالت.

بابا مسمع كلامي تقرب عليه اكثر بجيت بصوت كعدت بالكاع حاضنه رجليه ومدنكه راسي..

ثواني سمعت صوته ماحجيت شي بس ابجي..

سمعت جيلان تگول: نشك راسها بس هل حجايه كالتها مااحس غير هوه يمي گال غير تودوها المستشفى حرك ايدي صحت بي وخرر وخر كله بسببك يااستاذ المثقف..

جرني من ايدي وكفني هستوني اريد اصيح..

مااحس غير شالني گال جيان بسرعه حجاب اضرب بي ولا يحس طابوكه..

نزل هوه شايلني واني اصيح وخر ما وخر

وصل للباب حطت جيلان عليه الحجاب..

طلعنه من لباب ليث راد يجي بابا خله ابده كدامه منعه دنك راسه مدري شنو كال وبعد ايد بابا اجه كعدني وره وليث صعد يمي صعد بالصدر ساق السياره..

مدري منين طلع تيشيرت لونه بيجي گال ليث اضغط مكان الجرح..

اخذه ليث ضغط على كصتي واني متت من الوجع ماجنت حاسه..

ابجي من وجع كصتي مدري من وجع ايدي مدري روحي..

وصلنه للمستشفى واني بس ابجي نزلني ديسم اخذوني كبل اجه

دكتور صديق ديسم ودوني بغرفه واني ابجي شاف الجرح كال: يحتاج خياط..

اجه يخيط كصتي واني بس شفت الابره دخت..

ديسم كمش ايدي صحت اخخخخ بقوه..

الدكتور يخيط واني دموعي تنزل..

خلص خياط كال: مابيها غير العافيه

حجه ديسم :دكتور بس ايدها بس كمشتها صاحت..

شاف ايدي كال هسه ادزلكم دكتور..

طلع الدكتور ورهشوي اجت دكتوره شافتها كالت رض..

كملنه من المستشفى رجعنه للبيت واني مغلدمه بوجه ديسم وليث..

وصلنه للبيت صعدت لغرفتي كبل مددت محجبت ويه احد..

ماحسيت غير باليل على صوت جيلان تكعدني رادت اكل عفتها ورجعت نمت..

بعد محسيت غير الصبح كعدت على صوت المنبه ..
جيلان ماكو الظاهر نزلت..

كعدت غسلت وجهي طلعت ملابس بدون واهس..

بدلت لبست الشال نزلت لكيتهم كلهم كاعدين بس ديسم ماموجود..

باوعو عليه امي صاحتني گال : تعالي ماماتي تريكي.

ماباوعتلها مشيت كبل للهول كعدت على الكرويته..

انتضر الخط ربع ساعه دك هورن، طلعت للخط صعدت كعدت من جهه الجام..

حطيت راسي على الجام، صعدت وياي جيلان كعدت يمي كمشت ايدي ضغطت عليها.. ابتسمت بقهر

رجعت صديت على الجامه ، تمر كدامي احداث الصارت وياي بهل فتره محسيت غير على جيلان تحاجيني

جيلان: بسيل بسيل وصلنه..

بسيل ها هزيت راسي نزلنه حاضنه ملازم على صدري وامشي بلا هدف..

راحت جيلان لكليتها، واني مشيت مالي واهس ادخل للكليه. رحت للشجره الي اكعد اكثر وقتي جواها..

كعدت ارتاجيت على الجذع غمضت عيوني راسي يوجعني، اريد اعرف ليش اجيت واني مالي واهس!
كمت بسرعه حجيت ويه نفسي كافي كسل كومي قابل كعدتج راح تغير واقعج.

تمشيت للقسم مالتي هوسه خلصت المحاضرات واني ساعه بالي يم الاستاذ ساعه بغير مكان...

طلعت يم باب الجامعه انتضر جيلان.. الجو حار مختنكه كلش..

شويه اجت جيلان

جيلان بضحك گالت: شبيج مطنكره خشمج ميكصه الطبر..

رديت عليها ميته حر امشي ياله الخط اجه هسه..

جيلان حجت بصياح: شنوو ميته حر هجم بيت الباميه الدنيا ثلج تگلي ميته حر..

بسيل: ضربتها بهدوء على ايدها گتلها: ولج صوتج مو فضحتينه..

جيلان: كلنا العراق ليسمعج يكول سويت الرذيله بالشارع..

بسيل عزاا لج انتي ولاتكعدين راحه، عمي جذب اني ميته برد امشي عاد.

جيلان: ليوم مااخلص منج..

بسيل: لا والله ، صعدنه بالخط وصلنه للبيت ماكو شي عادي..

دكت جيلان لباب ليث فتح الباب ، سلم اني عفتهم ودخلت للبيت..

اول مادخلت اجتي ريحه الدولمه بخشمي.. فد شتهيتها..

دخلت للبيت امي واكفه يم الطباخ اني صعدت لغرفتي اخذت ملابس سبحت بس جسمي وطلعت..

مددت على جربايتي غطيت راسي حاولت انام اكثر من مره ماكدرت..

كمت اخذت كتابي فتحته صارلي هوااي مقاريه

صارت عيني على الكلمات الي بين القوس

«أحبّك موت لا تسألني ما الدليل، أرأيت رصاصة تسأل القتيل.قد تكون بعيداً عن نظري لكنّك لست بعيداً عن فكري.»

عدتهه اكثر من مره احاول افهم المعنى لان مستحيل كاتب او شاعر يكتب شي بدون احساس او حدث صاير بحياته..

حسب مااستنتج منها يعني هيه حبته للموت وهوه يريد دليل عن حبهه فا حبه اذاهه وتعبهه اكو مسافه بعيده بينهم بس رغم هل مسافه بس هوه بگلبها موجود.

هزيت راسي حجيت بگلبي ياله استلم عود هذه حابه وهوه يسئل خاب متطير..
صرت اشوف الحب اسوء شي بالحياه.

تفكير+ تفكير +قلق+خوف يساوي ارهاق عدم لثقه بالنفس، اكتئاب حاد

واني شلوون عاوزني الااكتئاب اووف يالله انته الوحيد التعرف نيتي شنو وغايتي شنو..

ياربي العالمين ارزقني الراحه من حيث لااشاء فانت اعلم بما في قلبي..

دقايق دخلت جيلان بعدها ممبدله حجيت وياها:شو بعدج مابدلتي؟؟

جيلان:عمتي مسويه دولمه واني افوتها لاحبي لا اكلت ماعون دولمه وهسه ابدل وانزل اتغده لان ميته جوع..

بسيل والله بعدج جوعانه ولج هستوج ماكله موزين هيج تسمنين...

جيلان:منو كلج اني بسيل الي ادور رشاقه لاحب الدولمه ثم معدتي القميله ثم الرشاقه..

بسيل: نوب قميله لا هاي هيه ربح العراق..

جيلان: والعراق شعليه عوفي بضيمه.

بسيل: ماتشوفين احنه نرجع ليوره لان الاغلب يفكرون بالاكل المهم ياكلون ويشربون ميفكرون بالمستقبل شيصير.. الاكل يروح ويجي بس مستقبل مايتغير.. فرصه وحده بس.

جيلان:صدددك بسبس شو اني حاسه راح يطيح حظنه من تفكيرج.

بسيل هه هه هه ضحكتيني يگلبي امشي بدلي احسن ما نتخارب على شي فارغ..

جيلان: ههههههههه اروح لاانعلس من حضرتج.

بسيل: جيلان اخذت ملابس وطلعت، رجعت اقره بالكتاب.. بسرعه اجتاحتني ذكره سيئه كلام
« بابا اخذها بعبايتها»

ضحكت بستهزاء حجبت: الاب من يكول هل حجايه ميحس بنته شنو رده فعلها او احساسها ميفكر شنو حلمها احتمال تحب احتمال هل شخص مو مناسب لعمرها او لشخصيتها او لتفكيرها..

وهذه اكبر غلط البنيه هيه اساس المجتمع شوكت يحسوون مو البنت هيه ام هيه اخت هيه زوجه..

البنت هيه اساسه مهدوم شلون يثبت..

اووف اووف غمضت عيوني
مددت غطيت راسي احاول انام..

ثواني سمعت صوت جيلان تحاجيني..

جيلان بسبس كومي تغدي انتي من لبارحه لليوم بلا اكل..

بسيل: حجيت من جوه الغطه ماريد من اجوع اكل

جيلان تره وداعتج متستفادين شي غير اذيه نفسج.. كومي اكلي محد يفيدج.

بسيل:اعرف المهم نعسانه اريد انام..

جيلان بكيفج عليه نصحتج.

بسيل. جبرت روحي انام ساعه كامله اتكلب منا ومنا..

مااحسيت غير على صوت سنين..

سنين:بسيل بسيل كعدي..

بسيل : فتحت عيوني گتله هاا سنين.

سنين كومي اكلي وياي..

بسيل ليش مااكلتي؟؟

سنين: انتضرج تكعدين حتى تكل وياج..

بسبل: بس اني مااشتهي شلون؟!

سنين: جبري روحج..

بسيل: تقبلين تااذيني؟

سنين: لا لا ليش اذيج اريدج تاكلين

بسيل مااكدر والله العظيم

سنين موزين تبقين بلا اكل.

بسيل وعد من اجوع اجي اكل وياج هسه مااشتهي..

سنين والله

بسيل والله هههه

سنين لعد اني راح انزل اجه ديسم ياخذني رتح ارجع للناصريه..

بسيل ياا ليش متبقين هنا. والله تعودت عليج

سنين: هوه اني وين شفتج اجيت على مودج وكل الوقت بالغرفه واكول مااروحلها خاف اضوجها..

بسيل: هههه لعد شكد ماعندي ذوق عايفتج وحدج..

سنين: ههه على مره الجايه اذا صارت..

بسيل: سلمت عليه ونزلت سنين كلش حبابه ولطيفه.. تصدمني بتفكيرها رغم صغيره بس تفكر تفكير اكبر من عمرها..

وخرت الغطه وكفتت دخت غمضت عيوني بقوه وفتحتهن احسن..

نزلت جوه بس حراره برجليه مو طبيعيه درجه اني من رجعت من الجامعه لبست صيفي وهسه حراره تصعد من رجليه ليفوك..

وصلت اخر درجه ماسيطرت كمشت الحايط خطوتين بس خطيتهن قطعت القدره على التحكم بجسمي حراره بصدري.. وكعت بالكاع على ضهري فاتحه نص عيوني حسيت باامي وجيلان وسنين فوكاي امي ترش مي على وجهي.

جيلان..

.. كاعده بالمطبخ اني وعمتي وسنين نسولف على بسيل..

شوي مانسمع غير طبه قويه ركضنه ونشوف بسيل واكعه بالكاع.

سنين جابت مي اخذته عمتي رشت عليها بس تشهك ودموعها تنزل.. خفت كلش عليها شفايفها زركن

تباوع على عمتي ترجع تباوع عليه اني وسنين..

اجه ديسم شافها كعد على ركبه شال ايدها وتركها وكعت بسرعه..

ديسم بصياح: بسرعه عمه شكر بسرعه..

راحت سنين تركض جابت الشكر.انطتهياه

گال لعمتي تفتح حلكها وتخلي شوي..شكر.

سوته عمتي ودموعها تنزل..

باوعت لدينها صارن زرك ويه مااريد احجي صاحت عمتي

ام بسيل: ولك يعمه شوف رجيلاتها زركن و ثلجن..

جيلان: باوعت لرجلينها زرك دستهن قالب ثلج..

باوعت لبسيل شهكت بصوت عالي وغمضت عيونها.. عمتي زادت بجي وتلطم

ديسم تخبل من شافها هيج بسرعه تقرب عليها يريد يشيلها يهمس الها

ديسم: انتي بزونتي مستحيل تسوينها وتركيني..

شالها وطلع لاحجاب ولا شي

عمتي تصرخ وتلطم راحت بنيتي راحت وماتهنت بحياتها..

سنين تبجي وتشاهك وتكول لا مابيها شي هسه ترجع والله شبيكم..

واني الصدمه والتفكير لسلبي حتلني.. معقوله اخسرها نفس ماخسرت امي وذات يتبع...

النهايه...

نزلو.

شبيكم متتحملون شقه🤓💔

#ابد _ابد _مو خبيثه