رواية لماذا احببتك الفصل الحادي وثلاثون 31 - بقلم اورجانزا الطائي

ملاحظه / تم قص  مشاهد لوجود كلمات غير لائقه 🔞
ممكن تتفاعلون على الفقرات 🥺
البارت عباره عن 3268 كلمه 🌚

قصه لماذااحببتك
البارت التاسع والعشرون
بقلمي اورجانزاالطائي.
.
.
.
.
.
.
.
.
.
.
الى عينيك اعلن انتمائي..
فاانت عشقي الابدي.
وموازات حياتي من  نواحيها
فيا عاشق روحي و قلبي  وجسدي   انت انتمائي..

.........

موده..
يفتر بالغرفه رايح جاي..
واني عباره عن قطعه ثلج كاعده بطرف اجربايه حاضنه رجليه لصدري  دموعي تنزل..  شهكاتي عاليه..

طلع صوت شهكه  كعد كدامي  حجه بعصبيه موده  ولاصوت سكتي صوتج مااسمعه..

خفت من شكله كل شوي اتخيله شكل حيوان..

عله صوت بكائي   وشهكاتي..  لدرجه كمشني من حنجي احس حنجي نكسر.. 

شهكت بصوت عالي  خنكني من ركبتي،  گال ششششش ولا صووت لا والله العظيم ذبحج على ايدي،  احجي منو ماخذج المن مسلمه روحج.. احجي

كلامه صدمه  بالنسبه الي..  نفسي نكطع  بالكوه اخذ النفس..

ضربني راجدي احس فكي نكسر..من قوته.

  اوخر بيده  من ركبتي يزيد بضربه..

ضغط بخنكي  كز اسنانه گال: مسلمه روحج لحسين مووو ليوم اخلي سالفتج على كل لسان  نوب عليه الكح**

ولج اني خالد ابن الشيخ ***** انتي تضحكين عليه ليوم اذبحج والخلقج..

اكح  واشاهك وهوه ولايمه بس يريد يصيح..

وخر عني جرني من شعري  وكفني  گال احجي المن مسلمه روحج..

كحيت وشهكت بصوت  عصرني من اديه صحت بوجع  اخخخ

گال: احجيي منو احجي منو الماخذج احجي  يالساقطه المن مسلمه روحج احجيي.

  اشاهك دموعي تنزل بغزاره،  حجبت بالكوه گتله  والله ممم، سل مه  روحي غير ك. كملت بجي..

صاح احجي ولج من دنعل ابوج لابوج  ياكواد ماخذج يالساقطه...

كلامه سجاجيت  تدخل لگلبي.. 
شهكت حجيت بغصه والله محد والله

ضحك گال:بس ليوم والخلقج باجر ارجعج منين ماجبتج..

لزمت ايده بستها لاخالد لافدوه والله محد لامسني والله  ليش متصدك..

دفعني  بالكاع   تعورت بكصتي..

باوع عليه بقرف  گال: اني ميشرفني اتزوج وحده بت شوارع..  مود  انتي طالك..

موده: ماعرف شنو من شعور اجتاحني حزن على خوف على فرح..

نكسرت من اقرب شخص لقلبي.. زوجي المفروض سندي من بعد ابوي..

خالد الوعدني بااشكال  والوان  رفعني للسما بااحلامنه الي جنه مخططين الها  فجا بدون سابق انذار نزلني للكاع...

دموعي تنزل  نصدمت من كلامه درجه حتى مااحجيت لو حرف واحد..

اخذ جهازه  اتصل   يباوع عليه  من فوك ليجوه  واني ربي كما خلقني..

تسحبت للفرشه  جريتها غطيت روحي..

_هوه حجه:الو حسين  تعال اخذ كحب** ماريدها 

_ههههه تعال ابو علي بنت عمك المصيونه مو بت بيت الي خابص روحك عليها مو بت بيت كحب*

-تعال  هسه اخذها لا والله العظيم افضحه كدام الديره كلها..

-فجا  لونه تغير، ونكلب كلامه  جان يصيح نكلبت الموجه صار يتوسل..

-لاتحجي لاتنسى الزاد والملح البينه..

-لا اعذرني مو قصدي..

-هاي هيه انته فصل واني البس..

-اي اي اهم شي من تجي جيب العلاج اي اي

مافهمت منه شي شلون نگلب بثواني..

غلق الجهاز.. تقدم عليه گال  موده كومي حسين راح يجي ياخذج ترتاحين فتره.

اقل الربع ساعه اتصل اتصل عليه

كال: ياله بسرعه كومي..

نصدمت منه گلامه ولامهتم..

بسرعه لبست ملابس  طلعت وراه ابو حجه : وين رايحيين

صدمني جوابه  گال  اريد اروح لبيت البستان هنا مماخذ راحتي...

ضحك ابو گال: روح وبيض وجهنه..

ضحك  طلعنه صعدت بالسياره يمه.. مشت السياره تقريب ربع ساعه بالبستان..
وكفت كدام سياره..

نزلنه واني گلبي احسه يريد يطلع من الخووف والقلق..

وصلنه للسياره
  نزل حسين     فتح باب الوره صعدت 

مجرد شفته امنت...

والله زمن جنت تخاف من حسين وامن بخالد تالي هسه العكس..

خالد حجه وياه مهتم صعد وشخط السياره بحيث  ردمت راسي بالجامه...

ساق بسرعه..  وابد محجه حرف واحد..

  وصلنه  بالفرع مالتنه خفت  ...
وكف السياره يم  باب بيتهم.

التفت منا  ومنا گال: نزلي موده..

نزلت فتح باب مال بيته  صعدت  لبيته وياه فتح الباب دخلت  كامشه گلبي ..

  اشر على الكرويتات : گال اكعدي لاتضلين واكفه..

حجيت بغباء هاا

هز راسه گال: عاجبج تبقين واكفه ابقي ماعندي مانع..

عافني  ورراح للغرفه

كعدت على الكرويته.. انتضره يطلع. ماكو ولاطلع..

صار الصبح  واني كاعده على نفس كعدتي حتى العباه مذبيتها..

ندكت باب  گلبي وكف  من الخوف رحت ركض لغرفته  لكيته  واكف يلبس بالقميص..

واني  عوزي بس ابجي من الخوف

حرك حواجبه  ودكم اخر دكمه گال: شبيج منو يركض وراج..

بلعت ريكي بخوف: گتله باب ندكت.

هز راسه گال راح اطلع  واقفل لباب ابد ماتطلعين ولاتطلعين صوت.. ساعه 5العصر اجي  للبيت اذا تندك ماتفتحينها حتى لو ذكرو اسمج..

هزيت راسي بخوف گتله: واذا اجه بابا لو خالد..

باوع عليه  رافع حاجبه بنص عين كال :الضاهر انتي عاجبج الصار بذات الله يغفرلها يصير بيج!

مجرد ذكر الصار بذات  جفلت  فتحت عيوني على وسعهن گتله: لالا ماافتح لاي واحد بس انت افتحلك والله..

هز راسه  ضهرت ابتسامه كلش خفيفه بس سارع ما محاهه..

  طلع للباب    قفلها واني بقيت بالغرفه.. الفرشه مخربطه.ماعدلتها مالي خلك لشي..

كعدت بالكاع صافنه على الحايط.. بعد شراح يصير وياي اكثر من هل شي..

بدل ما هسه اني نايمه بحضن خالد، كاعده بغرفه حسين وبحمايته هم..

آه وين جنت وين صرت جنت اخاف من خيال حسين وهسه هه هسه اني بحمايته..

هه جنت ولا اكول حسين وهسه مااكول حسيوان..

خالد يا خالد ليش هيج تغيرت..  ليش صرت اخاف منك ليش احسك مصدر خوفي..  ليش يالله ليشش

معقوله الله ضاملي بعد اكثر؟؟
اووف يربي انه بحمايتك قبل لااكون بحمايه حسين..

بس شلون عرف اني مو بنيه ماا اني محد لامسني..
زين هوه متقربلي  مجرد ما سحبني عليه صطرني راجدي  ان شالله يصطرك العباس   يا حقير والله ضربته توجع راسي لحد الان بوجعني..

ايي يموده شفتي ماامج جانت تكول حاسه راح يصير شي وانتي اريده بشره قبل خيره المهم هوه..

على كولت جيلان دودتي اله هوه..

تذكرت ذات تنخي الامام العباس   وبسرعه يستجاج دعائه..

نخيت الامام العباس من نيه صافيه.. دخيلك يالعباس اريدك تاخذ حقي من خالد..

نزلن دموعي مسحتهن  مددت على الكاع بارده ثلج..
  تلفلفت بالعبايه عيوني حركني  بالكوه فاتحتهن..

سلمتها لااهل لبيت ونمت..   فتحت عيوني  شهكت شفت خالد كدامي يضحك.. شكله يخوف..

صحت بصوت حسيييين، حسيين  ختنكت بالكوه اخذ النفس اختنكت   ارجع ليوره وهوه يتقدم عليه مكشر اسنانه واضحه لون اسود  واصفر..

عااا وخرر وخرر   تقرب كلش عليه كمش اكتافي  صحت بصوت غمضت عيوني بقوه.. ودموعي تنزل..

ابجي واستنجد ب حسين  اريده ينقذني..

فجا حسيت ضربات على خدي..  سمعت صوته يگول: موده انه يمج شش  لاتخافين،

فتحت عيوني على كيف شفته كدامي كاعد على نص رجل،  شفته  شهكت زدت بالبجي.. اشاهك وابجي.

كمش ايدي مسد عليها بخفه گال: شش لاتخافين هذه حلم  والاغاث احلام..

عيوني ممليه دموع بعيونه البارده من اي احساس..

شهكت عصر ايدي على كيف گال: كومي كافي دلال  مابيج شي..

ضحكت من بين دموعي: گتله تدري اخاف منك..

شبه ابتسامه ابتسم  ضهرت  غمازته الخفيفه الي حفرت خده،  ..  حجه بهدوء: ليش؟!!

موده  ستهضمت گتله:لان عندك غمازه..

شبه ابتسامه خفاهه بيده التلمست  لحيته:  گال اصابعج مو كلهن سوه.

حجه هل حجايه وكام وكف  تمشه للكنتور  اخذ كلبيه طلعمن الغرفه كلهه..

كعدت نزلت لعبايه من راسي خليتها على اكتافي..

حضنت رجليه  منزله راسي.. مدري شكد مر  دخل للغرفه ينشف بشعره..

مشط شعره  التفت عليه   تحمحم  گال: موده تعالي للصاله عندي كلام مهم وياج..

هزيت راسي  طلع كدامي رحت وراه غسلت وجهي كعدت كدامه نزلت راسي اطكطك بااصابيعي....

حجه بهدئه المعتاد: موده انه اريد اخذ شورج   بخصوص خالد تردين ترجعيله لو لا؟

موده  مجرد ذكر خالد  رفعت عيني بعينه نزلت دمعتي عكد حواجبه  گتله: بغصه لا ماريد..

هز راسه بتفهم گال: لعد هذه هو باجر طلاكج منه..

ماادري ليش حجيت هيج: شبسرعه باجر!

رد بعدم مبالا: لمصلحتج.

موده الناس ماتسكت   شيكولون ثاني يوم زوتجهه تطلكت..

باوعلي خطف كال:وانتي شعليج بالناس،ان شالله اذا يكلولج ذبي روحج من الصطح تذبينها شبيج باباتي.
عليج بروحج انتي مالج دخل بكلام الناس اذا نضل على كلام الناس جان هسه احنه بخبر كان..

حبي نفسج ،  عيشي لنفسج،لاتعيشين للناس  تره محد يستحق الاهتمام غير نفسج..

دنكت راسي گتله  اي

گال باجر الصبح نطلع من غبشه لان باجر اوديج  لغير بيت.. ختم كلامه وكام وكف

  سبقته حجيت  باوعتله: ليش مراح ارجع لبيت اهلي..

رد هوه منطيني ضهره ميهم عليج بالنتيجه كفي عن الاسئله تره تكبرج عمرين..

سكتت محجيت شي وهوه راح للغرفه..
ضليت بمكاني نعسانه كلش مددت على الكرويته  بسرعه نمت'ماحسيت غير على طكطكه

فتحت عيوني بالكوه واكف على راسي يدك على صينيه خشب..

فتحت عيوني على وسعهن گتله:  هاا شبيك؟

رفع حاجب گال: ياله ست الحسن كومي خل نطلع  ورانه طريق..

هزيت راسي كمت غسلت وجهي  ورجعت

صار كدامي  گال: ياله امشي ماخلصتي

حجيت بتردد بس اعدل حجابي..

هز راسه وكف يم باب البيت دخلت لغرفته عدلت شالي  ولعباه وطلعنه من البيت هستوهه الشمس طالعه..

لطريق  كله افكر اذا بابا عرف شيسوي واذا صار كذا شغله شيسوي   لحد ماقطع سلسله افكاري

حسين كال وصلنه..

نزلنه  الشمش طالعه    وكف يم باب بيت دكها مره مرتين بالثالثه طلع رجال جبير بالعمر لابس عمامه..

سلم عليه حسين بس فاجئني بحركه سواها اول مره اشو فه  يبوس راس احد..

  دخلنه للبيت الرجال صاح ام  غايب  اجونه الخطار  طلعت مره ملفوفه لف بالعباه درجه ماشفت شكلها

حسين  بس طلعت المره دنك راسه..

اخذتني المره  للصاله كعدت يمها..

سلمت عليه گالت: اعتبريني امج شتحتاجين كولي

المره بيضه كطن  عيونها سمائي فاتح حواجبها شكر  بس السيد  بياضه عادي كلش حتى يميل للسمار وعيونه جوزي..

بحيث من كد ماا جمال ضليت صافنه على شكلها

  جابت اكل اكلت شويه..  المره ولا تحجي  ساكته..
بس هيه مبينه صغيره.

ساعتين ونص احنه كاعدين هناك صاحولي..

عرفت هذه سيد  واجينه نطلك يمه..

بسرعه بسرعه رمه عليه يمين الطلاك  تطلكت منه  مدري شنو حجه ويه حسين وطلع..

اخذني حسين يم المره..   كعدت يمها وحسب مافهمت منها

گالت: تاخذني يمها منا لحد ماتخلص العده..
ربع ساعه

گامت وكفت عدلت عباتها گالت:ياله بنيتي كومي

ستغربت منها گتلها:ليش هذه مو بيتج..

ابتسمت بهدوء كالت:لا هذه بيت عمي، بيتي وره البيت ..

هزيت راسي كمت وياها..
طلعنه من باب الحديقه لبيتها..

دخلنه للبيت صغير  طلعت بنيه تركض  حضنت ام غايب..

يطلع عمرها 13اذا مو اكبر..

باوعت عليه سلمت من بعيد.. كلش حلوه بس ماتشبه امها ابد البنييه سمره وعيون رصاصي وملامحها كلش حلوه عيونها بارزه كلش كبار لدرجه البياض كلش قليل لون الرصاصي محتل عيونها..

دخلت للبيت  ام غايب سوت غده مال هواي مو مال نفرين..

كاعده يمها خلصت طبخ كالت هسه اجي بس اودي الطبخ..

نصدمت گتلها ليش المن تودي..

ابتسمت گالت لبيت عمي غداهم..

هزيت راسي محجيت شي بس ليش عود مو عدهم بنات وجنه  هين شعليها.اوو اني شدخلني بيها

ربع ساعه اجتي  دمعه بعينها مجرد تلمسينها تبجي.

حاجيتها گتلها: خاله شبيج..

نزلت دمعهتا مسحتها بسرعه   وابتسمت گال مابيه شي بنيتي..

ماصدكتها لان مبيته مغثوثه..

اجتي بنتها ريم،  گال: ماما منو وياج هم زماله..

ردت عليها بعدم رضه كالت :مو عيب هذه عمتج زمن مو زماله اني مربيتج هيج اني بنيتي  حبابه وقويه ومأدبه..

دنكت ريم گالت:همه اصلا ميحبونه مدري ليش انتي ماتقبلين ترحين يم بابا..

اخذتها لصدرها گالت: ريوم موعيب يحبيبتي همه يحبوج غير انتي بنت ابنهم اصلا يموتون عليج بنيتي..  امشي نصب الاكل مو عيب عدنه خطار واحنه مانقدملهم اكل..

ابتسمت گال:بس ماما همه يأذوج خاصته زماله..

ردت عليها امها مرايم  اني شحجيت.

ضحكت  باست امها من خدها گالت لا اروح اصب كل وانتي ارتاحي تعبوج بيت زماله. ااااا لا لا قصدي عمه زمن.

هزت راسها بعدم رضى راحت للمطبخ صبت الاكل جابته اكلنه   شالته هيه غسلت المواعين..

صادف بهل فتره كل مايجي حسين يروح لبيت عم ام غايب..

اني مااطلع كاعده بالبيت  ..

بهل خمس شهور الي كعدت بيهن يم ام غايب  تتفاجئت باام غايب  الي اصلا ماعدها ولد  وهذه الي ماافهمته  ابد ماتنزع الحجاب  لدرجه طول هل فتره مشايفه شعرها...

  ريم تقربت مني وصارت صديقتي.. وعرفت عمرها 16سنه..

ابوها متزوج على امها وطالعين خارج المحافظه..

وامها بقت بيتها  يم عمها بس زمن الي تصير عمت ريم تتعارك ويه امها هيه ومرت حماها..

لان زوج ام غايب متزوج اخت زوجه مرت حماها..

وشادين وياها ماعلم بالغده هيه تسوي الغده والعشه كذالك حتى تنضيف ومواعين العشه تلكاهن ثاني يوم الصبح تغسلهن..

ام ريم يتيمه الاب امها مطلكه من جان عمر امها خمس سنوات هيه واخواها باقيين يم ابوها  واختها رايحه  ويه امها..

عمر ال9سنوات مات ابو ام ريم  ويقت يم عمها وهذه كل الي تعرفه ريم عن امها لان كتومه بشكل مو طبيعي..

  حبيت ريم كلش ملتزمه بصلاتها حتى صلاه اليل تصليها..

ستغربت هل فتره محد سئل عليه لابابا ولا امي..
معقوله تبرو مني لو شنو لسالفه..

ليوم اخر يوم الي يم بيت ام ريم  كعدنه اني وريم  بجينه من صدك تعلقت بريم  لان كلش بريئه..

  اجتي ام ريم  كعدت يمنه  گالت: ليش تبجن

حجت ريم بعد مااشوف موده واني تعودت عليها..

ردت ام ريم:اني اوصي جدج يخلي ابو علي يجيبها كل فتره..

حجت ريم  بفرح صددك مااما

هزت راسها  گتلها  بعد مااشوفكم..

گالت لا تحجين هيج اذا الله قاسملنه نشوفج لو بعد الف سنه هم نشوفج..

ربع ساعه  دك جهاز ام ريم طلعت من الغرفه شويه ورجعت مبتسمه گالت يردوج يم بيت عمي..

ابتسمت بخوف وتردد گمت لبست حجابي  وعبايتي طلعت بره..

دخلت نفس الديوانيه الي طلكت بيها گلبي نعصر خفت  ..

الرجال طلع  بقه حسين كاعد على الكرويته حاط رجل على رجل  شافني كام وكف عدل تيشيرته الزيتوني.. مسح على لحيته گال  تعالي كعدي عندي حجي وياج..

بلعت ريكي كعدت على نفس الكرويته بعد مسافه  مدنكه راسي واطكطك اصابعي..

تحمحم حجه بهدوء:موده

مادري ليش من يحجي صوته يجبرني اباوعله..

باوعتله ابتسم بطرف شفته تلقائية ابتسمت  حسيت على روحي دنكت راسي..

صدرت منه ضحكه كال:ليوم راح اخذج وياي.

باوعتله حجيت:لاهلي..

يباوع بعيوني من عين لعين  حرك حاجبه من حجه  گال: بكيفج.

بلعت ريكي بااحراج گتله زين همه ليش مسئلو عليه؟؟

مسح على لحيته: مجانو ميعرفون لبارحه حجيتلهم

نصدمت گتله شلون ميعرفون كل هل فتره  معقوله خالد محجه الهم..

رد بعدم مبالا:انتي هم حاسبته على الزلم اصلا حرام لازكله شارب بوجهه'ولعلمج هوه من يوم الطلكج لحد الان هوه مو بغداد باجر عود يجي..

رديت عليه بعدم فهم:ليش.

رد عليه مو كافي اسئله، هسه نحجي باالمهم.

لبارحه حجيت لعمي سالفتج، وعمي كال اعقد عليج  انتي شتكولين موافقه لو لا..

غمضت عيوني نزلت دمعتي  گتله وانته شنو ذنبك تعقد عليه..

اخذ نفس  وزفره ب اه كال ذنبي؟ ذنبي بس الله يعرفه..

صديت عليه گتله ليش وانته اكيد تريد تعيش حياتك ويه انسانه تحبهامو مطلكه..

ابتسم بخفه گال مو حلو عليج الاستغباء.. لو ما انتي تعرفين البير وغطاه..

ضحكت گتله اعرفه قبل احتمال تغير الوقت اله حوبه يغير الناس..

اخذ  نفس وكال:يغير بس الماعده عقل. واني كدامج نفسي احتمال متغير بس مو بالي بالج..

نزلن دموعي، تقرب عليه مسح دموعي بطرف اصابيعه گال عيونج ميلوكلهن الدمع..

يابنت الحلال حياتج الله وياها نقطه وباب   سديناه..
من اليوم نبدي بحياه جديده  اني وياج بس.

ماضي مالج مالي دخل بي عسى ما حابه 20ولد 
ماريد اعرف شي عنها
حياتنا هسه الي بدينه بيها نقطه وباب  جديد

المهم اني حاضرج ومستقبلج..ميهمني اي شي..

الصراحه ابد ممتوقعه كلامه  صفنت بوجهه گتله:معقوله هذه يكفي تثق بيه وما بيوم من الايام تخذلني وتتركني وحيده..

ابتسم بهدوء گال: سمعي موده وحطي هل كلمات ترجيه بااذنج.

اذا وافقتي راح تشوفيني من ناحيه ثانيه مختلفه عن الهسه اني بي  وتااكدي مواني الااعوف طفلتي.. هسه گولي موافقه لو لا.

بلعت ريكي گتله اسفه بس والله اني..يتبع...

        ༺༺༺༺༺༻༻༻༻༻

#ابد _ابد موخبيثه 🥺

#رجعتلكم_ بقوه🖤