رواية لمضه الفصل الأول 1 - بقلم نورهان سليمان

_شهد أنا مبحبكيش، شايفك أخت وبس، وبنت خالتي بس والله. شهد: خلصت؟ مين ابن *** اللي قال إني بحبك؟ هل أنا قلت لك إني بحبك؟ أحمد: لا، بس... شهد: مبحبش. نقطة وخلص الكلام. ابقى سلم على خالتو، وادفع الفاتورة يا يا بن خالتي. أعرفكم بنفسي بقى.

اسمي شهد، عمري 20 سنة، قصيرة وعيوني عسلية، محجبة، وفكلية فنون جميلة. بعشق الرسم سيكا يعني. آه، والنطع ده ابن خالتي الوحيد. بحبه من زمان وهو ولا الهوا. بس اللي سابنا خسر. دلعنا ويانا يا المهزء اللي تاعب قلبي وياه ده. وقفت قدام البيت، مسحت دموعي وهديت، ورسمت ضحكة عكس الوجع اللي حاسة بيه. شهد: يخلق يا هووووو، أنا جعانة. أمي: أهلاً بالمفجوعة. شهد: أهلاً بيكي يا ماما. اقعدي، ده يعتبر بيتك بردو.

أمي: يا مري منك، أنا هقدر عليكي يا لمضة. شهد: أنا عملت إيه دلوقتي؟ أمي: لا ولا حاجة. ها، أحمد كان عايز إيه؟ شهد (بارتباك) : هااا، لا أصل... أصله، آه، كان بيعزمني على الغدا. أمي: غريبة، بمناسبة إيه بقى يختي؟ شهد: مش ابن خالتي ياما. الله. وبعدين تلقيه شفق عليا إكمن مفيش حد معبرني كده. أه، واللي اسمها أمي دي صعبة أوي، شبه المحقق كونان كده. أمي: أنا صعبة يا حيوانة؟ طب مفيش شوكولاتة؟ شهد: مين قال كده؟

دا أمي دي نسمة، نسمة كده. يالهوي، ويخربي على جمالها يا ناس، جرجينا هتغار منك والله يا أمي. أمي: أيوه كده، اتعدلي. شهد: طب اطلعي بشوكولاتة بقا. أمي: لا مفيش. شهد: استعنا بالحنين. يا ست الحبايب ياااااا حبيبة، يا أغلى من روحي ودمي، يا حبيبة ياااااست الحبايب. أمي: آه ودني منك لله. خدي واختفي بقى من وشي. شهد: دخلت أوضتي، وفتحت الشوكولاتة وقعدت آكلها، نسيت اللي حصل.

شهد: يا سلااااام، لو كانت الشوكولاتة دي راجل كنت اتجوزتها، وبلا أحمد ولا مرجان. وبصت في المراية، لقت وشها كله شوكولاتة. وهنا اتفتح باب الأوضة ودخل ابن خالتها (ساكن في الشقة اللي قصدها) أحمد: شهد، أنا و... ههههههههههه. أي ده؟ شهد: أعاااااااا، بره، بره. وحدفته بالمخدة وجريت من قدامه.