رواية لمضه الفصل الثاني 2 - بقلم نورهان سليمان

أحمد طلع بره وبيضحك على منظرها وهي كانت هتموت خلاص يعني. شهد: إنت هنا ليه؟ أحمد: بيتنا يا شهد، وأنا حر. شهد: ماشي يا أحمد، عن إذنك. أحمد: شهد استني. شهد: نعم. أحمد: خطوبتي بعد تلات أيام. شهد بضحكة: ألف مبروك، ربنا يتمملك على خير. عن إذنك. دخلت شهد الأوضة وقفلت الباب وقعدت تعيط. "أحببتك حد الثمالة، وأيقظتني بمياه باردة هشمت قلبي أشلاء."

وبعد ساعات نامت مكانها من العياط. صحيت على أذان العشا، دخلت اتوضت وصلت وشكت كتير أوي لربنا، وقررت تنساه خالص ونامت. صحت تاني يوم. أمها: شهد يلا يا روحي هتتأخري على جامعتك. شهد: مش هروح النهارده يا ماما، تعبانة. أمها بحزن: حاضر. صحت شهد الساعة 3 واتصلت بخلود صاحبتها عشان يتقابلوا على كورنيش البحر. شهد: خلود، أنا هروح على الكورنيش، هتيجي؟ خلود: مالك يا شهد؟ شهد: مالي أنا الحمد لله يا بنتي.

خلود: شهد متحاوليش، إنتي بتروحي هناك لما بتتضايقي. شهد: أحمد هيخطب بعد تلات أيام. خلود بزعل على صاحبتها: نص ساعة وهكون هناك. شهد: أشطا، سلام. خلود: سلام. لبست شهد دريس زهري وطرحة بنفس اللون. شهد: ماما، أنا هخرج مع خلود. أمها: طيب، متتأخريش. شهد بضحكة وحركة مسرحية: حاضر يا فندم، علم وينفذ. أمها: ربنا يهديكي ويعوضني. شهد: هيهديكي يا ماما، متقلقيش. أمها: حيوانة.

وأبو وردة اتحدف وشهد جريت بره البيت وهي بتضحك. وفجأة كان أحمد طالع وشافها. أحمد: إزيك يا شهد. شهد ببرود: الحمد لله. أحمد: راحة فين؟ شهد بحده: أظن ده شئ ميخصكش، عن إذنك. راحت على الكورنيش ملقتش خلود، قعدت وسرحت في البحر و... طفل: تاخدي وردة؟ شهد بتبص لقت طفل بيمد إيده بالوردة. شهد بابتسامة: لا. الطفل زعل وهيمشي. شهد: أنا هاخد كل الورد ده. الطفل: بجد؟ شهد: هههه، أه والله بجد. إسمك إيه يا عثل؟ الطفل: إسمي أحمد.

شهد سكتت وإفتكرته: معقول مش بيحبها؟ معقول سابها؟ أحمد: الورد. شهد: ها؟ أه الورد، أسفة. إنت عارف إن إسمك بحبه أقوي، وعندنا أحمد كبير زيك كده قمر. أحمد: بتحبيه؟ شهد: لا. أحمد: ليه؟ شهد ودموعها بتنزل من عينيها: عشان هو وحش أوي. أحمد بطفولية مسح دموعها: مش تزعلي، هكبر وهبقى أتجوزك وهحبك خالص عشان إنتي طيبة أوي. شهد: هههههه، خلاص مش هزعل بقا طالما هتتجوزني يسطا، وادي دموعي أهه. مبسوط يا حوده؟

أحمد: أه. لازم أروح لماما، سلام. شهد بضحكة: سلام يا أبو حميد. وبعدين رنت على خلود. شهد: ألو، فينك يا بنتي؟ خلود بأسف: أنا أسفة بس ماما تعبت ومش هعرف أجي. شهد: تمام. خلود: أنا... شهد: أوعي تتأسفي، إنتي أختي يا كلب البحر ومقدرة. خلود: والله يبنتي مش عارفه أمدحك ولا أشتمك ههههه. شهد: ههههه، ادعيلي. خلود: من عوينات عونيا. شهد: بيئه أوي هههههه، سلام. قفلت شهد والسؤال: هتعمل إيه؟

وهتقدر تنساه إزاي وهي شايفاه قدامها على طول وهو ملك لغيرها!!!