رواية لست من نسلي "نادر المالكي" الجزء الثاني الفصل العاشر 10 - بقلم سوارة

النتيجة طلعت إيجابية.. سامح وسهر أولادك! مالك بيبص لها بصدمة وهو مش مصدق نفسه. زياد بيحتضنه بفرحة. مالك باستعجال: يلا يلا يا جماعة نرجع بسرعة، أنا عايز أشوف أولادي. زياد بضحك: الله يرحم لما كانوا ولاد أخوك 21 سنة مشوفتهومش! مالك بابتسامة وهو فاتح بوقه مترين: أولادي! نهر وزياد بيضحكوا على شكله. بيمشوا كلهم وبيتوجهوا على القصر. نادر وسهر بيقعدوا وبيلاقوا مفيش حد. نادر وسهر باستغراب: إيه ده؟ مفيش حد غيرنا!

سهر: أنا طلعت عشان أنادي على ماما وبابا، بس هما مش موجودين. نادر بابتسامة: خلاص نتكلم شوية لحد ما يجوا.. أنا لسه ما اتعرفتش على أختي. سهر بابتسامة حزن: أنت طيب يا نادر، سامحني على الكلام اللي قولته. نادر بابتسامة حزن: مسامحك يا سهر، أنتي أختي الصغيرة برضو. سهر بحزن: متزعلش، بس أنا مش أختك الصغيرة، أهلي ماتوا وأهلك ربوني! نادر بابتسامة في تفكيره: أزعل إيه ده؟ أنا فرحان، ده أنا لو صليت الفجر تلت مرات ما كان جالي كده!

سهر بابتسامة: أنت خريج حقوق وشغال محامي؟ سألت سامح وهو قالي كده، بس ما بثقش في كلامه. نادر بابتسامة بلهاء: سألتي سامح عني؟ بيقطع كلامهم جيه سامح. سامح باستغراب: إيه ده؟ مفيش حد على السفرة؟ سهر: والله إحنا نفسنا بنسأل، حتى أنا ونادر لينا ساعة قاعدين ومحدش فيهم جه! سامح وهو بيقعد معاهم: غريبة! نادر: اتصل بيهم، أنا معنديش رقمهم. سامح كان لسه هيتصل بيتفاجئ بصوتهم وراه. صوتهم: إحناااااااااااا جين!

نادر بيقف: ماما وبابا، أنتوا كنتوا فين؟ زياد ونهر بابتسامة: خلوا مالك يحكيلكم إحنا كنا فين وليه! الكل بيبص على مالك وبيقعُدوا. مالك بابتسامة وهو بيبص على سامح وسهر: روحت عشان أستلم النتيجة من المعمل. سهر بخوف: نتيجة إيه عمو؟ أنت كويس؟ مالك بابتسامة: كويس، كويس أوي... اسمعوا القصة كلها من الأول. وبيحكيلهم القصة. سامح بصدمة هو وسهر: يعني إيه؟ يعني إحنا أولادك؟ مالك بابتسامة: آه. سهر بفرحة ودموع

وهي تروح عنده وتحضنه: وربنا كنت حاسة تجاهك بحاجة. سامح بيبتسم وبيروح عنده: أنا فعلاً لما شوفتك حسيت إني شايفك قبل كده، بس ما افتكرتكش عشان وقتها كنت صغير! سهر: بس اللي مش فاهماه، هو صاحبك كان بيعمل معاك كده ليه؟ مالك بتنهد: عشان كان بيحب واحدة وهي رفضته وقالت له إنها بتحبني، فحب ينتقم مني ويحرمني من ولادي، ربنا يسامحه. على الأقل بسببه قدرت ألاقيكم. وبيتنهد.

أما بالنسبة لنادر ونهر، فالقوات الإيطالية حبست نور وخدت حكم مؤبد، ونفيسة خدت إعدام لأنها عندها أكتر من تهمة، منها الشروع في القتل! مالك بيبص لنادر بيلاقيه بيبتسم وهو بيومئ له بأنه عمل الصح. نهر بابتسامة: وأخيراً الفرحة جات. نادر وهو بيقف: وعشان الفرحة تبقى فرحتين، أنا قررت أتجوز بنت مالك، حتى لو رفضتوني مش هتجوز غير بنت مالك، أنا بقولكوا اهو! وبيتجه نحوها وبيقعُد على ركبته: تقبلي تتجوزيني يا سهر؟

سامح بضحك: هنسقفلك يا نادر والله، بس فين الخاتم؟ نادر بيبص على سامح بصدمة وبلاهة والكل بيضحك عليه. بعد سنة في قاعة مليئة بالمعازيم والزينة: نادر: وأخيراً بقيتي على اسمي يا بنت مالك، قولتلك مش هتجوز غيرك! سهر بفرحة: أنا مش مصدقة والله يا نادر، من أخويا لجوزي. نادر بهمس: هقولك على سر. سهر بتبصله باستغراب وهي بتسمعه.

نادر: على فكرة، لما ضر..بت الولد في كتب الكتاب، ضر..بتك بس عشان اللي عمله، كنت هستنى كتب الكتاب يخلص عشان ما أعملش فضيـ*ـحة لسامح، بس لما شوفتك من أول مرة صدقت الحب من أول نظرة... بس بعدها سكتت لما كنت فاكر إنك أختي وقولت يمكن فهمت غلط أو كان مجرد إحساس لأنك حد قريب مني! سامح على الميكروفون: ناااادر وسهر، إنتوا بتتهامسوا في إيه؟ قوموا ارقصوا، هشغل سطلانة! نادر وسهر بيبصوا له بصدمة وبيضحكوا وبيقوموا.

نهر بفرحة: أنا فرحانة، وأخيراً اتحقق كل اللي نفسي فيه وشوفت الأولاد مبسوطين. زياد بابتسامة: فعلاً، بس باقي نحنا. نهر بتبصله باستغراب بتلاقيه نزل على ركبته وبيطلع خاتم. نهر بتبصله بفرحة وعيونها بتنزل دموع وبيلبسها الخاتم وبيلف بيها.