رواية لست من نسلي "نادر المالكي" الجزء الثاني الفصل التاسع 9 - بقلم سوارة

استني اسمه سامح وأمه اسمها بدريه سعد؟ نهر باستغراب: أيوه هوا انت تعرفها؟ زياد بتفكير وصدمه: معقول يا مالك؟ مالك وهو بيحط ايده على راسه: الله يخرب بيتك يا حسام حتى وانت ميت مصايبك معانا! نهر بعدم فهم: مش فاهمه كلامكم مال سامح؟ وايه علاقته بحسام؟ زياد باستيعاب: كده يا مالك سامح يبقى ابنك! نهر بصدمه: ده اللي هوا ازاي؟ مالك بتنهد: كان بيجري في الجامعه وهو متأخر على محاضرته بتوقفه بنت جميلة وهي بتعيط.

بدريه بعياط: لو سمحت. مالك باستعجال: معلش شوفي حد غيري انا مستعجل والله. بدريه بانهيار: مقدرش اشوف حد غيرك الموضوع كبير اوي ومحدش حيحلها غيرك و يخص حسام اخوك! مالك بيقف والخوف بينهش قلبه من حالتها وهو عارف مصايب آخوه: في ايه؟ حسام عمل ايه؟ بدريه ببكاء: حسام اخوك عايز يتجوزني عرفي غصب عني. مالك بصدمه: اييييييييه؟

بدريه بانهيار: استغل ضعفي واني مليش حد غير اخويا وهو اتعرض لحادثة واتشل من شهرين وهو كان عنده مشكله معاه فعايز ينتقم منه ويتجوزني غصب عنه قدام عيونه والا هددني بأنه هيقتله وهيوريه قدام عيونه! مالك بصدمه: اييييه... متخافيش انا هتصرف معاه! بدريه بخوف: لالا ارجوك اعمل اي حاجه غير انك تتكلم معاه حتى لو انت وقفته عنده شلة اصحابه بيهددوني برضه.

مالك بتفكير وقلة حيلة: انا مش هقدر اتصرف غير مع حسام واوقفه.. طب جربي تبلغي عنهم! بدريه ببكاء شديد: حاولت ومشيت القسم كلهم أصحاب نفوذ وواسطات تخيل الراجل اتصل على اب واحد فيهم وضربوا اخويا المشلول جامد يوميها كقرصة ودن ليا لو فكرت! مالك بصدمه: لا كده الموضوع كبير اوي! بدريه بتوسل وبكاء: عشان كده انا جيتلك ابوس ايدك اتجوزني. مالك بصدمه: اييييييه؟

بدريه بانهيار: ده الحل الوحيد ارجوك ارجوك عشان خاطر ربنا انا مليش غير اخويا ده انا اموت لو جراله حاجة طب اعتبرني اختك ولا اتخيل اختك في مكاني ارجوك. مالك بتفكير: طب بصي انا مش هينفع اتجوزك عشان لسه زي ما انتي شايفه انا في الجامعه ومليش دخل مصروفي من ابويا بس هشـ. بدريه: ولا عايزه منك ولا فلوس ولا حاجة وهنتجوز جواز مؤقت بس حاجة تخليهم يعرفوا اني مراتك ويبعدوا عني!

مالك بهدوء: بصي يا استاذه انا لما اتجوز مش هتجوز جواز مؤقت ولا ليه مدة محددة عشان نحل مشكلة لأنه حرام وانا لما اتجوز هتجوز بجد واصرف على مراتي واعملها اللي عايزاه واللي ربنا أمرنا بيه إنما الكلام اللي بتقوليه ده كلام غريب صراحة ومينفعش معايا. بدريه: خلاص خلاص اعمل اللي عايزه المهم تساعدني. مالك بيومئ لها وبيمشي. نهر: وبعدين حصل ايه اتجوزتها بعدين انا ازاي معرفش بالكلام ده؟

مالك: بعدها اشتغلت مع دراستي وبقيت شغال وبدرس بعدها اتجوزنا وجبت منها ولد صغير سميته سامح بعدين اكتشفت انها برضو بتخوني مع صاحبي نفسه وبتراسله ولما صارحتها قالتلي انا كنت بحبه اساسا بس بسبب اخوك اضطريت اتجوزك وطلقتها وانا لما اتجوزتها محدش كان يعرف غير اهلي وأهلها يمكن عشان كده ما تعرفيش بس بعد فترة عرفت انها توفت وفي ناس قالولي أن ابني مات معاها غريبه.

نهر: صح على فكرة المرأة دي ماتت فعلا من زمان اللي كانت معاهم واحدة اجنبيه أساساً وهي تبقى مرات ابوه. مالك بغيظ: ابوه هو انا على فكرة. نهر بابتسامة ورطة: اه اقصد الراجل اللي في العربية كان اسمه. مالك بتنهد: عاصم عبد المجيد. نهر بصدمه: صح!! .. عرفت ازاي؟ مالك: هو ده اللي كل ما اتجوز واحدة الاقيه بيجري وراها ويتجوزها. نهر بتفكير: مالك انت بتقول ان كل ما تتجوز واحدة وتطلقها هوا بيتجوزها صح؟ مالك بيومئ لها بمعنى ايوه.

نهر: طب مش ممكن سهر تكون بنتك برضو؟ انت بتقول الاجنبية كان عندك منها طفل وقالتلك اجهضته مش ممكن بيكدبوا عليك زي ما سمعت بوفاة سامح وطلع حي؟ وطلع هوا بيربي ابنك! مالك بتفكير وصدمه: رااحت عني ازاي؟ فعلا! وفي الصباح بياخد منهم خصلة من شعرهم بدون ما بيعرفوا وبيروحوا يعملوا تحليل في المعمل بدون علم الأولاد. بعد مسافة بتطلع النتيجه. نهر: هاااا افتح النتيجه. مالك بخوف: خايف خايف من النتيجه. نهر وهي بتلتقط

منه النتيجه وبتفتحها: ليه نتيجه ثانوية عامة؟ وبتشهق بصدمه... النتيجه....