رواية لست من نسلي الفصل الرابع 4 - بقلم سوارة

زياد ابني مش هيتجوز غير بنت عمه نهر! الكل بصدمة: إيه! أنتِ موافقة؟! حسينه وهي تحط يديها على أكتاف نهر: أيوه أكيد موافقة، هو أنا هلاقي أحسن من نهر لابني فين؟ نفيسه بعصبية وهي تحضن بنتها: معنى كلامك ده إنك موافقة على المهزلة اللي حصلت لبنتي دي، وأنتِ عارفة إن ليها ست سنين موقفة حياتها على زياد!

حسينه: نفيسه، زياد ما وعدش تغريد بحاجة، وأنا ما وعدتكوش بحاجة إلا لما أنتم بنفسكم اتكلمتوا معايا، وقلت لكوا لو زياد موافق مفيش مشكلة! نفيسه: يعني خلاص البنت بارت بسببك يا حسينه، بارت! حسينه بهدوء: ما بارتش لسه، وإن شاء الله ربنا يرزقها بنصيبها اللي كاتبهولها قريب. نفيسه وهي ترفع سبابتها: من النهاردة مفيش حاجة بتربط بينا وبينكم غير التار، تار بنتي وهأعرف آخذه منكم كلكم، وهتشوفي يا حسينه، وانسَي إن ليكِ أخت!

حسينه بجمود: خلصتي؟ يبقى اتفضلي، ومن النهاردة ممنوع رجلك تعتب هنا، براااااا! معتز وهو يحك ذقنه بتفكير: يا ترى يا حسينه ناويه على إيه؟ موافقتك وراها سر كبير وألف مكيدة أكيد، أنا لازم أعرف نيتك! نهر ببراءة: مرت عمي، هو في إيه؟ رايحة جاية رايحة جاية شبه المروحة كده. حسينه بشرود وهي تبص لها: بأفكر يا نهر لحل للمصيبة اللي أنا فيها دي. نهر وهي تحط يديها على كتفها: ربنا هيحلها من عنده أكيد، ماما كانت بتقولي دايمًا كده.

حسينه وهي تملس على شعرها بحنان: هي واحشاكي أوي؟ نهر بحزن: واحشاني أوي أوي، نفسي ترجع لي بسرعة. حسينه تبص عليها بشفقة وتفكير: كله منك يا حسام، أنت السبب في كل حاجة، أنا لازم أفكر في حل، أنا مستحيل مهما كان أقتل طفل مسكين مشفش الدنيا لسه بسبب طيش ابني، وفي نفس الوقت مش هينفع أجوز نهر لحسام بعد اللي عمله فيها، وزياد مش هينفع يتجوزها وهي حامل برضه! ومش هينفع يعرفوا إنها حامل، أنا لازم ألاقي حل! حسينه تبص على نهر بقوة

وتمسكها من كتفها ناحيتها: نهر يا حبيبتي، أنتِ مش هتقولي لحد على أي حاجة من اللي قلتيه ليا، مفهوم؟ نهر بخضة من تغيرها: مفهوم. حسينه بخوف: متخافيش يا بنتي، أنا بس بأقولك كده عشان أمك مش هترجع تاني لو حد عرف، فلازم تسكتي، أنتِ فاهماني؟ نهر بخوف من فكرة إن أمها مش هترجع: فاهماكي! في صباح يوم جديد وعلى طاولة الفطور. معتز وهو يبص على حسينه بتفكير: أنا قررت أعجل بجواز نهر وزياد ليوم الخميس الجاي.

حسينه بخوف وتوتر: لا، الخميس قريب أوي، ثلاثة أيام بس، وإحنا ملحقناش نجهز لحاجة! معتز بشك: وإحنا مش مضطرين نجهز لحاجة، الفرح مش هينفع ينعمل زي ما أنتِ عارفة عشان أم نهر، (ويَبص على نهر) مسافرة، والقصر أهو كبير وكله أجنحة، ولو عايزين يعزلوا الفلل موجودة برضه، والاثنين موافقين، يبقى إيه لازمتها التأجيل؟ حسينه بتلاعب وهي تحط يديها على أكتاف نهر: لا إزاي!

وده مش مبرر برضه، نهر من حقها تفرح زي باقي البنات، ويتعملها خطوبة وفرح وشهر عسل ومهر وتلبس الفستان وتخرج وتشتري حاجات كتير وتجهز نفسها، دي بنت الغالي ومرات ابني الكبير برضه، ولا مش كده؟ نهر بتأييد وهي تحضن حسينه: كلام عمتو صح الصح يا عمي، أنا عايزة أعمل كل ده! معتز يتنهد ويبص على حسينه: خلاص زي ما نهر عايزة، مش هأقدر أقول حاجة! زياد وهو يقوم على السفرة: الحمد لله أنا شبعت، كملوا أكل، ورايا اجتماع مهم. مالك وهو يأخذ

مفاتيحه من على السفرة: الحمد لله، استناني أنا خارج معاك أهو، (ويخرجان) الخادمة باحترام: أنا آسفة لمقاطعتكم وأنتم بتأكلوا، بس نفيسه أخت حضرتك برا وجايبة بنت حضرتك معاها وهي بتعيط ومصرة تدخل والحرس مش عارفين يدخلوها بسبب أوامر من حضراتكم. حسينه بصدمة من إن أختها تكون عملتها: إيه! نور بنتي! (وتقوم من على السفرة جري ووراها باقي العيلة) نور بانهيار وشهقة: طلقني يا ماما، طلقني بعد كل السنوات دي بسببك!

الأم وهي تحضنها: وبنتي دخلها إيه بمشكلتنا يا نفيسه، مشكلتك معايا مش معاها! نفيسه بزعيق: بنتك كانت أرض بور وأنا كنت مخلية ابني يستحملها على أساس إن تغريد تتجوز زياد زي ما إحنا عايزين، بس زي ما أنتم رديتوا لنا جميلنا بالإساءة، إحنا برضه هنردّه لكم أضعاف، وأنا لسه مخلصتش تاري منك ومش آخر مرة تشوفي وشي، هتقابليني كتير وهتترجيني برضه! نور تزق أمها بقوة وتدخل على جوه جري وهي بتعيط، وحسينه تجري وراها.

نور بانهيار في أوضتها: اطلعوا برا، مش عايزة أشوف حد فيكوا، أنتم السبب! حسينه ببكاء: يا بنتي متقوليش كده، كان غصب عني! نور ببكاء: غصب عنك إزاي يا ماما؟ أنتِ وافقتي على جواز نهر من زياد بإرادتك وخالتو حذرتك وأنتِ طردتيها، يعني مش بابا اللي غاصبك! حسينه بجمود: كله يطلع براااااااا! معتز وحسام ونهر يطلعون برا، وحسينه تتأكد إنهم مشوا وتقفل الباب كويس. نور تبص عليها بعدم فهم.

حسينه بجمود: اسمعي الكلام اللي هقولهولك كويس وميخرجش من هنا ومحدش يعرف بيه غيرنا، مفهوم؟! نور بخوف من تغيرها المفاجئ: مفهوم مفهوم. حسينه: (وتحكي لها على كل اللي حصل) نور بفرحة وتفكير: بجد يا ماما نهر حامل؟ حسينه باستغراب من فرحتها: أيوه بجد. نور بابتسامة خبث: نهر هتكون المفتاح الذهبي اللي هيخلصنا من كل مشاكلنا! حسينه بعدم فهم: مش فاهمة كلامك يا بنتي، وضحي أكتر.

نور: أنا هأخذ الطفل اللي في بطن نهر وهأربيه على أساس إنه ابني، وكده أكرم هيرجعني وحماتي مش هتقدر تعمل حاجة، ومحدش هيعرف غيري وغيرك بالكلام ده، وكده هنكون ضربنا عصفورين بحجر واحد! حسينه بخوف: أنتِ متأكدة؟ الموضوع مستحيل يا بنتي. نور وهي تبص قدامها بقوة ومش شايفة غير نفسها: مش مستحيل، اسمعي كلامي كويس وركزي. حسينه بابتسامة: يعجبني دماغك يا بنتي، طالعة ذكية زي أمك!

نور: بس دلوقتي أهم حاجة أروح أتأكد من الدكتور إن نهر حامل، أصل مش هنقدر نثق بكلامها وأنتِ عارفة حالتها. حسينه وهي تبص قدامها بتفكير: تمام يا بنتي. وكانوا غافلين عن الأذان اللي بتسمعهم. وفي طاولة الغداء والكل بيأكل. معتز بعصبية: متبكيش يا نور، أنا هأخدلك حقك منهم وهأندمهم كلهم! مالك بتأييد ونفس العصبية: وأكرم ده بالذات أنا هأندمه وهأعرفه قيمتك كويس، مش أختي اللي تترمي الرمية دي!

نور بتمثيل البكاء: خلاص الموضوع خلص، أنا مش عايزة منهم حاجة لأنهم مش غلطانين، أنتم السبب! زياد بجمود: مش بسببنا، ده اللي كان لازم يحصل، وفي الحالات كلها أنا مكنتش هتجوز تغريد، فأقفلي على السيرة! حسينه وهي تغمز لها: أنتِ ليه مش بتأكلي يا بنتي؟ نور بتمثيل: مش عايزة أكل حاجة، أنا قعدت معاكوا عشان خاطرك أنتِ بس! حسام: خلاص يا نور، متزعليش، أنا هأخرجك وتغيري جو وبالمرة تفكي على نفسك! حسينه

بتأييد وهي تبص على نهر: أيوه فكرة كويسة، روحي معاه واشتري كل اللي عايزاه واللي نفسك فيه، وخدي نهر برضه عشان تشتري الحاجات اللي محتاجالها. زياد بعصبية: أنا مش هأوافق نهر تخرج مع حسام، أنا هأخدهم! مالك بإحراج: أحممم، زياد عندك اجتماع في الشركة بعد نص ساعة وبيستمر ثلاثة ساعات. زياد بعصبية: ألغيه! حسينه تخاف المشكلة تكبر أكتر ومخططهم يفشل. حسينه: خلاص يا ولاد، مش عايزة خناقة، أنا هأخرجهم وبالمرة تكون خروجة حريم!

زياد بهدوء: خلاص تمام، وأنا ومالك هنوصلكم في طريقنا. حسينه: تمام، يلا يا بنات اطلعوا نجهز ونأكل برا! بعد مسافة وصلوا قدام مول كبير ونزلوا الثلاثة. زياد: خدوا بطاقة البنك، اشتروا اللي عايزينه من حسابي. حسينه بتوتر وهي تلتقطه: بارك الله فيك يا ابني، يلا امشي إحنا وصلنا! زياد وهو يبص لهم بقوة: لا مش همشي إلا لما أتأكد إنكم دخلتوا!

حسينه ونور يبلعان ريقهما بخوف ويمشيان ومعاهما نهر ويدخلون المول، يقفون مسافة جوه وهم يبصون عليه من بعيد. حسينه بخوف: هاا، شوفيه مشي ولا لا؟ نور بتوتر: أيوه مشي مشي، بس خلينا نطلع من البوابة الخلفية عشان مش مطمنة من نظراته لو بيراقبنا. حسينه بخوف: تمام، امشي قدامنا يا نور ووقفي تاكسي وأنا هأجيب نهر وراكي. نور: تمام! حسينه: عايزين نعمل فحص حمل لو سمحتي. موظفة الاستقبال: تمام، عايزة الاسم الرباعي. حسينه: نهر الـ..

نور بمقاطعة وبسرعة: نور نور. الاستقبال تبص لهم باستغراب: نهر ولا نور؟ حسينه: نور معتز الـ.. الاستقبال: تمام، ادخلوا على أوضة الكشف على طول اللي هي هناك. نور بخوف: تمام، (وتسحب نهر وتبعد مسافة) بصي يا نهر لو حد سألك عن اسمك اسمك نور، مفهوم؟ وإلا أمك مش هترجع! نهر بخوف: مفهوم مفهوم. ويدخلون أوضة الكشف، بعد مسافة تطلع النتيجة. نور بلهفة: ها يا دكتورة، إيه النتيجة؟

الدكتورة: مبروك المدام نور حامل في الأول داخلة على الثاني وده التقرير. نور تمسك منها التقرير بفرحة وتقرأه وتتنطط كأنها حامل فعلًا: بصي يا ماما مكتوب إيه في التقرير، مكتوب نور معتز حامل حامل! شكرًا يا نهر، (وتحضنها وسط استغراب نهر) حسينه بفرحة من نجاح أول خطة: يلا نرجع البيت بسرعة ونبلغهم! معتز باستغراب: إيه اللي رجعكم بالسرعة دي؟ ده أنا قلت إنكم مش هترجعوا إلا بعد ساعتين على الأقل!

حسام بنفس الاستغراب: آه يا ماما، وفين الحاجات اللي اشتريتوها؟ حسينه تسكت بتوتر وترد بدالها نور بفرحة: أصل أول ما روحنا المول دوخت وأغمى عليا! معتز وحسام بخوف: إيه دوختي ليه؟ مالك؟ طب روحتي الدكتور؟ ده عشان مأكلتيش أكيد! نور بضحكة: اهدأوا اهدأوا، براحة عليا، أيوه وروحت الدكتورة وقالت لي ده فعلًا عشان مأكلتش وغلط عليا عشان الجنين، (وتحط يديها على بطنها) معتز بعتاب: شوفتي يا بنتي ده عشان ماكلتيش، أغـ...

دقيقة دقيقة، أنتِ قلتي إيه؟ جنين؟! حسام بابتسامة: بجد يا نور أنتِ حامل؟ نور وهي تخرج التقارير من شنطتها: أيوه قلت جنين وأنا حامل، شوفوا التقارير أهي. معتز وحسام يمسكون التقارير: مكتوب حامل! نهر بتساؤل: وهو الحمل حاجة حلوة يا عمي عشان تفرحوا كده؟ معتز بابتسامة: أيوه أكيد يا نهر. نهر بفرحة وهي تسقف وتحط يديها على بطنها: طب ما أنا... نور وحسينه بيبصوا عليها بصدمه وخوف من كلامها…