رواية ليالي الرعد الفصل الأول 1 - بقلم رودينا

ليالي: يعني إيه يا ماما؟ يعني هتجوزيني وأنا عندي 15 سنة؟ ريهام: البنات زمان كانوا بيتجوزوا وهما أصغر منك، كانوا بيتجوزوا وهما عندهم 9 سنين. ليالي: يا ماما ده كان زمان! والطب أثبت إن ده كمان غلط على صحة البنات، وبعدين الزمن غير الزمن، البنات دلوقتي بتتجوز في العشرين. ريهام: مليش دعوة، اللي عندي قولته، وبكرة هتقابلي العريس، توافقي فاهمة؟ ليالي بيأس من أنها تقنع مامتها: فاهمة. ريهام: يلا غوري نامي. ليالي: حاضر.

وبعدين كملت في سرها: غايرة. -ريهام: ليالي، انتي يا زفتة! ليالي: نعم يا ماما. ريهام: قومي فزي يلا، روقي الشقة بسرعة. ليالي: حاضر. قامت ليالي غسلت وشها ولمت شعرها كحكة وروقت الشقة. ليالي: ماما. ريهام: عايزة إيه؟ ليالي: خلصت الشقة، شلت السجاجيد ونفطها، واللي في الصالون غيرتها بالجديدة، وكنست ومسحت، ومسحت الترابيزة والبوفيه والعمود الرخام والتسريحات، حاجة تانية؟

ريهام: آه، ادخلي البسي وانزلي السوق وهاتي الحاجات ديه من السوق. دخلت ليالي لبست وخرجت، خدت الفلوس ونزلت السوق، جابت الحاجة ورجعت. ليالي: حاجة تاني يا ماما؟ ريهام: أيوا، روحي اعملي الأكل يلا. ليالي: حاضر يا ماما. ومشيت بتبرطم: (آه والله ولسه صغيرة، التعب والزعل يا لوز، والله ولسه صغيرة على البهدلة يا لوزة، أهئ أهئ) وبعدها انفجرت في الضحك. (كانت بتحاول تضحك نفسها عشان الغم اللي هي فيه)

ريهام: بطلي برطمة واتنيلي اعملي الأكل. عملت ليالي الأكل وخلصت، واتغدت هي وريهام ومحمد (أبوها) بعد ما رجع من شغله. -ريهام: يلا بسرعة خلصي المواعين وخشى اجهزي. ليالي: حاضر يا ماما. خلصت ليالي وراحت جهزت، وبعد خمس دقايق العريس جه. (ليالي: 15 سنة، بنت جميلة، شعرها طويل لحد الركبة لونه أحمر، بشرتها لونها أبيض وعينيها لونها أزرق غامق، وقصيرة، حاجة كده قمر يعني، ولما بتتعصب مش بتشوف قدامها)

(رعد: شاب كده زي ما بيقولوا مز، عينيه رصاصي جميلة كده، رجل أعمال كبير وشاطر جداً بس لسه مش مشهور أوي، وطويل وجسمه رياضي، وعنده 25 سنة) (ريهام: مرات أبو ليالي، بس بتكره ليالي عشان بنت واحدة غيرها. أيوا هي شخصية مريضة كده) (ريما: مامت رعد، طيبة جداً وحنينة جداً، وهي اللي اختارت ليالي لرعد) (محمد: أبو ليالي، راجل طيب وعلي نياته، مبيحبش يزعل حد) (ملحوظة يا شباب: رعد هيتجوز عشان مامته مش أكتر)

-رعد: إزيك يا طنط، عاملة إيه؟ ريهام: إزيك يا حبيبي، المهم إنت عامل إيه؟ رعد: الحمد لله يا طنط. ريهام: إزيك يا ريما؟ ريما: الحمد لله، إنتِ عاملة إيه؟ ريهام: الحمد لله، اتفضلوا. ريما: شكراً. دخلوا وقعدوا يتكلموا شوية، وبعدين. ريما: امال فين العروسة؟ ريهام: ثانية هندهلها. ريما: تمام. دخلت ريهام تنده ليالي، ورعد ومامته كملوا كلام مع محمد. عند ليالي. كانت قاعدة في الأوضة، وفجأة

دخلت عليها ريهام قالتلها: يلا عشان عريسك يشوفك. ليالي: حاضر يا ماما. ريهام أدت لليالي صنية اللي عليها المشروبات وخرجت، وخرجت ليالي وراها. أول ما خرجت ليالي. رعد بصدمة: ....... ليالي بصدمة: .......