رواية ليان الادهم الفصل الثاني 2 - بقلم دينا مصطفى

عند بيت ليان عمر: ها يابا خير؟ مصطفى: خير يابني. أنا أخويا اتصل بيا النهاردة. فاطمة: كويس يا مصطفى، هما أخبارهم إيه؟ والله كريمة وحشتني هي والأولاد. مصطفى: هما كويسين الحمد لله. بس إبراهيم طلب مني إننا نزورهم في إسكندرية آخر الأسبوع ده، وبيقول إن فيه شيء ضروري. وأنا وافقت. عمر: بس يا بابا عمي مقلّكش إيه هو الموضوع؟ ليان: يا تذكي، أخواتك درش بيقولوا هنزورهم عشان هيقول الموضوع الضروري أكيد يعني، مقلّش. عمر: بصلها بقرف.

ليان: متبصش كده ياض أنت، بدل ما أقوم أضربك. عمر: تضربي مين يا أم شبر ونص أنتِ؟ ليان: أنا مش شبر ونص، أنت اللي زي الزرافة يا أبو طويلة. عمر لسه هيكلم، راح قطعهم مصطفى عن الكلام. مصطفى: بعصبية. بس يا عمر، بس يا ليان، إيه شغل الصغار ده؟ ليان راحت قعدت جنب مصطفى. ليان: في إيه يا درش، متعصب ليه؟ اهدى يا حبيبي كده وقول. مصطفى: بقولك إيه يا ليان. ليان: قول يا قلب ليان. مصطفى: أنا ليه بحس إنك أمي مش بنتي؟

ليان: عشان أنا أعقل واحدة طبعاً. فاطمة: هو فين العقل ده؟ عمر: مخفي يا ماما. ليان: شوف يا درش، غيرانين مني إزاي. فاطمة: خلاص بطلو كلام ويلا قوموا عشان تتغدوا. أدهم وصل البيت ودخل. أدهم: السلام عليكم. الجميع: وعليكم السلام. أدهم: خير يا بابا، في إيه؟ حازم: ما إحنا بقالنا تلات ساعات بنسأله ومش راضي يقولنا، هيقولك أنت. إبراهيم (والد أدهم) : خير يا ابني، إن شاء الله. هو الموضوع بيخص عمك مصطفى اللي في القاهرة. سلمى

(أخت أدهم) لحازم: أين الجبهة لا أراها، ههههه. حازم: اخرسي يا باردة أنتِ. وبعدين اشمعنى أدهم اللي قلتله؟ أنا متلقح زي الطور جمبك من الصبح. سلمى: أديق، قلت زي الطور يا طور. إبراهيم: بس يا ولاد، عيب كده. سلمى وحازم: اسفين يا بابا. أدهم: ماله عمي مصطفى يا بابا؟ إبراهيم: أنا عزمت عمك مصطفى وعيلته آخر الأسبوع، وعشان كده لازم كلكم تبقوا موجودين تمام. كريمة (مامت أدهم) : بجد يا أبو أدهم؟ فاطمة وأبو عمر والعيال جايين؟

إبراهيم بابتسامة لأنه شاف السعادة في عيون أم عياله: آه يا كريمة، جايين. سلمى: بس يا بابا، إحنا مش فاهمين من لما كنا صغار. حازم: آه صح. أدهم: بس إيه اللي هيجيبهم فجأة كده؟ إبراهيم: أنا قلتلكم، أنا اللي عزمتهم. أدهم قام: أوك تمام. كريمة: رايح فين يا حبيبي؟ أدهم باس رأس كريمة وإبراهيم: رايح أرتاح شوية يا ست الكل. كريمة: مش هتتغدا معانا؟ أدهم: لا، بالهنا والشفا ليكم. أنا مش جعان، بس هنام شوية دلوقتي.

سلمى: أبيه أدهم. هو أنا ممكن أطلب منك طلب؟ أدهم باس رأسها: اطلبي يا ست البنات. سلمى بابتسامة: أنا كنت عاوزة آجي أتدرب عندك في الشركة. أدهم: تمام، ماشي. مفيش مشاكل، بس مش هيأثر على دراستك. سلمى: لا، متقلقش. أدهم: خلاص، من أول الأسبوع تيجي معايا. أوك؟ سلمى بفرحة: أوك. أدهم: لحازم. وأنت مخصوم من مرتبك يوم لأنك مجتش النهارده. وسابهم وطلع على أوضته. حازم بصدمة: أنتو متأكدين إنه أنا ابنكم؟ إبراهيم ضربه على قفاه.

حازم: حط إيده على قفاه. أنا كدا اتأكدت. وقعدوا يضحكوا عليه.