رواية ليان الزعيم الفصل السادس عشر 16 - بقلم ايه عيد

بحبك يا قلب اسر. بعدين دخل أوضة الملابس وبدل هدومه ورجع نام، واخد ليان في حضنه. في أوضة ميا، كانت ماسكة الفون وبتكلم مامتها بعصبية. ميا بغضب: بقولك بشوف الحب في عينه ليها يا ماما. هام: يا بنتي اهدي، يمكن انتي فاهمة غلط. ميا بدموع: اسر ضاع مني يا ماما، خلاص ضاع. وبعدين كملت بشر: بس لا، اسر هيكون ليا أنا، مش هيكون لحد تاني، أنا بحبه وهو مش هيتخلي عني أكيد. هام: طب ما انتي بتقولي اهو بيحبه.

ميا بعصبية: انتي السبب، لو خلتيني أنزل من الأول كنت لحقته قبل ما يتجوز. هام: الله، طب وأنا كنت أعرف منين يعني. على العموم أنا نازلة قريب وهنشوف. ميا: تمام. وقفت الخط. في الصباح. ليان فتحت عينها، ولقت نفسها في حضن اسر، ومهربتش زي كل مرة. قعدت تبص عليه بحب. اسر بدأ يفتح عينه وشافها وهي سرحانة فيه. اسر: هو أنا وسيم للدراجادي؟ ليان اتخضت. ليان: إيه؟ إيه؟ لا أنا... اسر شدها لعنده وقال بهمس وهو قريب منها: انتي إيه؟

ليان وهي سرحانة فيه، بس استوعبت نفسها وقامت على طول. ليان بتوتر: لا أنا قصدي يعني، هو أنا نمت على نفسي امبارح ولا إيه؟ اسر: اممم، وأنا جبتك هنا. ليان بكسوف وهي بتلم خصلات شعرها: ش... شكراً. اسر قام وبصلها. اسر: طب أنا عازمك على العشا النهاردة. ليان بذهول: بجد؟ اسر برفعة حاجب: يعني شايفاني بهزر؟ ليان: ل... لا، بس دي أول مرة يعني. اسر قرب منها وحاصرها. اسر: يعني هو عيب أعزم مراتي على العشا؟ ليان بتوتر: إيه؟ إيه؟ ل...

لا. اسر: طب يلا غيري هدومك عشان المدرسة. ليان بكسوف: حاضر، بس ابعد شوية. اسر قرب وطبع قبلة على خدها. اسر بابتسامة: اتفضلي. ليان جريت من قدامه بكسوف ودخلت الحمام. اسر ابتسم وكلم الخادمة تجيب الفطار. بعد مدة خرجت ليان وهي لابسة لبس المدرسة، ولقيت الفطار موجود على الطربيزة. ليان: هو احنا هنفطر هنا؟ اسر وهو بيلبس ساعته بعد ما أخد شاور ولبس بدلته: اممم. ليان راحت وقعدت على الكنبة وبدأت تاكل. ليان: دا أنا جعانة أوي.

اسر راح عندها وقعد جمبها وقومها وقعدها على رجله. ليان الأكل في فمها ومليان ومصدومة. ليان بلعت الأكل وبتوتر: ه... هو انت بتعمل إيه؟ اسر ابتسم بخبث: هو... كل مراتي. ليان حطت إيدها على جبينه. ليان: هو انت تعبان! اسر ضحك: لا، ليه؟ ليان باستغراب: مش عارفة؟ بس انت فيك حاجة النهاردة. اسر: طب كلي يا فيلسوفة عصرك. اسر طول الوقت عمال يأكل ليان وهي مكسوفة. تحت في الصالة. ميا رايحة جاية ومستنية اسر.

سميرة: ما تهدي يابنتي، في إيه؟ ميا اتوترت: ها؟ لا مافيش. وقعدت على الكرسي. نزل اسر وليان وراه ومعاها شنطة مدرسته. ميا قامت بسرعة: اسر انت منطزلتش فطرت معايا ليه؟ اسر برفعة حاجب: عادي يعني، كنت عايز أفطر فوق. ميا باستيعاب: آآه تمام، بس انت يعني يمكن تكون تعبان ولا حاجة. ليان: لا متخافيش كويس. وكنا بنفطر فوق سوا. ميا بضيق وهي بتبص على ليان من فوق لتحت: اممم، تمام. وخرج اسر وليان وركبوا العربية واتجهوا على المدرسة.

في المدرسة. اسر دخل مع ليان جوا، وليان مستغربة. ليان: هو جاي معاها ليه؟ اسر بجدية: روحي انتي على حصتك. ليان باستغراب: حاضر، بس هو انت هتعمل إيه؟ اسر قرب منها وباسها من جبينها. اسر: هقولك بعدين. ومشيت ليان. اسر دخل مكتب المدير اللي كان فيه رامز والد كارما. اسر قعد قصاده بكل هيبة. رامز بخوف: أنا أسف يا اسر بيه... بنتي مش هتعمل كدا تاني. اسر بحدة: بس هي عملتها. دخلت كارما.

المدير: كارما، جالنا كلام إنك بتضايقي المدام ليان. كارما بكذب: إيه؟ أنا لا طبعاً، أنا معملتش كدا، دا بالعكس هي اللي بتغير مني. اسر بص لوالدها بحدة: هتخلي بنتك تسكت... ولا أسكتها أنا. رامز بص لبنته بغضب: اقعدي وانتي ساكتة. وبعدين بص لاسر: أنا هعمل اللي انت عايزه يا اسر بيه. اسر بنظرة مخيفة: تاخد بنتك وملمحش وشها في المدرسة تاني... دي أقل حاجة أعملها. رامز بخوف: اللي انت عايزه هيحصل. كارما بغضب: بابا!!! انت بتقول إيه؟

رامز بعصبية: اسكتييي انتييي. اسر قام وحط إيده في جيبه. اسر: أتمنى إنك متشوفنيش تاني، عشان لو حصل... انت اللي هتزعلو. وخرج. رامز أخد بنته من المدرسة كلها واخد ورقها. في الكلاس. ليان قاعدة. ودخلت نور وقالت بصوت عالي مليان فرحة: كارمااااا راحت يا عياااال. كل الطلاب فرحوا وبقوا يتنططوا بسعادة. نور جريت على ليان وحضنتها. نور: تعرفي مين اللي عمل كدا؟ ليان بضحك: مين؟ نور: جوزك يا ليان، اسر السيوفي.

ليان اتصدمت وعرفت هو ليه دخل معاها المدرسة. كل الطلاب جريوا على ليان وبدأوا يشكروها على اللي اسر عمله. وبقوا بيتعرفوا عليها. وليان فرحانة إنها بقى عندها أصحاب أكتر. في المساء. ليان كانت بتجهز نفسها عشان العشا ولبست فستان. اسر دخل وحضنها من ضهرها وبدأ يستنشق ريحتها. اسر: إيه الحلاوة دي؟ ليان بكسوف: شكراً. اسر لفها ومسك وشها. اسر: أنا آسف على أي حاجة وحشة عملتها فيكي. ليان حضنته. ليان: أنا مش زعلانة منك.

اسر ضمها ليه أكتر. وبعدين مسك إيدها وخرجوا. تحت في الصالة. نزل اسر وفي إيده ليان. ميا جريت عليه: اسر انت رايح فين؟ اسر باستغراب: هو في إيه؟ كل ما أشوفني تقوليلي رايح فين يا اسر؟ ميا بإحراج: ما هو، أصل أنا... جت أميرة وهي مستغربة تصرفات ميا. أميرة: في إيه يا ميا؟ ... دول طالعين يتعشوا سوا. ميا بعفوية: وليه تطلعوا تتعشوا برا، ما تقعدوا هنا. اسر برفعة حاجب: نعم؟

ليان بضيق من ميا: أظن إن مش انتي اللي هتقولينا نقعد ولا نمشي. ميا بغرور: أنا بكلم اسر، مش بكلمك انتي. اسر بحدة: ما أنا وهي واحد، يعني لما تكلميها تكوني بتكلميني. ميا بإحراج وبراءة مزيفة: أنا آسف يا اسر، مقصدش... طب ممكن أجي معاك؟ اسر: تيجي معانا فين؟ بقولك طالع أنا ومراتي نتعشى سوا، انتي هتعملي إيه معانا؟ ليان واقفة مبسوطة من رد اسر. ميا بحزن مزيف: بقيت كدا يا اسر... على فكرة انت اتغيرت بعد الجواز.

وجريت على فوق وهي عاملة نفسها بتبكي. اسر اتنهد ومسك إيد ليان. اسر: يلا بينا. أميرة: مع السلامة. اسر: سلام. في طريق مهجور. سامي كان ماشي بعربيته وفجأة شاف بنت بتعدي الطريق لوحدها. سامي ابتسم بخبث ونزل من العربية وقف قدامها. سامي: إيه القمر ده؟ البنت خافت منه وبقت ترجع لورا بخوف. البنت بخوف: ارجوك ابعد عني. سامي بخبث: أسيبك إزاي بس، دا أنا مصدقت لقيتك. ومسكها من دراعها ورماها في العربية. البنت بخوف: ارجووووك سيبني...

حد يلحقنيييي. سامي بدأ يقرب منها، بس هي بعدته وطلعت من العربية. وجت تجري وقعت على الأرض. وسامي بدأ يقرب منها، بس هي لقت حجر قدامها مسكته وهوب على رأس سامي. وسامي اغمى عليه ووقع. والبنت مسكت التلفون واتصلت بالشرطة. في المطعم. اسر حاجز المطعم كله وهو وليان بياكلوا. اسر طلع علبة من جيبه ومسك إيد ليان، وطلع من العلبة خاتم من الألماس. ليان بذهول: دا ليا أنا؟ اسر بسخرية: لا ليا أنا. ليان بزعل طفولي: بطل تتريق عليا يا اسر.

اسر بحب: وهو أنا أقدر يا قلب اسر. ليان اتكسفت. ليان: آآآه. اسر لبسها الخاتم وباس إيدها، وليان مكسوفة. ليان شدت إيدها: أنا متأكدة إنك تعبان النهاردة. اسر بضحك: ماشي، مقبولة منك. ليان: بقيت بتدلعني كتير على فكرة وأنا ممكن أبوظ كدا. اسر ابتسم: لما أنا مدلعكيش مين اللي هيدلعك، ويا ستي متقلقيش ادلعي انتي بس ومتشغليش بالك. أنا أعمل أي حاجة عشان أميرتي. ليان بكسوف: أميرتك؟ اسر: امممم. ويلا بقى تعالي معايا.

وقامت مع اسر وخرجوا خارج المطعم. في فيلا فخمة. دخل اسر وهو ماسك ليان وطلعوا على فوق في الأوضة. ليان: الله يا اسر، الفيلا حلوة أوي. اسر: مش أحلى منك. ليان اتكسفت. اسر مسك إيدها. اسر: ليان، تقبلي تتجوزيني؟ ليان بضحك: ما إحنا متجوزين أصلاً. اسر: بس على الورق بس. ليان بصتله. اسر بحب: أنا لما بفكر إنك مش موجودة في حياتي بضايق، لما بحس إنك بتبعدي عني بتجنن، لما ألاقيكي زعلانة مني مش بقدر أسيبك زعلانة.

كنت بتجاهل مشاعري كتير، بس انتي في الأول كنتي مجرد وصاية، أما دلوقتي انتي حياتي كلها، ومش هقدر أبعد عنك. أنا لأول مرة أتكلم كتير كدا أصلاً. ليان، أنا... بحبك. ليان اتصدمت. اسر قرب منها. اسر: أوعدك إني مش هزعلك مني أبداً، ومش هخليكي تبعدي عني، أنا مش هسيبك. ليان بنظرة حب: اسر. اسر بحب: عيون اسر. ليان: أنا خايفة. اسر قرب منها وهمس: متخافيش، أنا معاكي. وقرب أكتر وووووو.