رواية ليل الأسد الفصل الثالث 3 - بقلم سلمى صواف

جه الليل على أبطالنا وكل واحد باله مشغول بحاجة. وجه معاد كتب الكتاب، خلص كتب الكتاب وليل طلعت تستريح. أما أسد بيسلم على الناس اللي ماشية. طلعت غيرت وخدت دش وسمعت صوت في البلكونة. طلعت تشوف اتصدمت بشخص ملثم جمبها ولسه هتصرخ. حست إنها اتخدرت. في مكان تقريباً جديد أول مرة نزوره. في حتة تقريبا مقطوعة، وباين عليها إنها متوسطة. لكن الأثاث فاخر، لكن منظره كئيب جداً. وراجل قاعد عند البلكونة بكرسي هزاز.

وقطع شروده صوت ست حضنته. نور: وحشتني أوي. الراجل: انتي أكتر. آه انتي خرجتي بالليل إزاي؟ نور: استنيت لما ناموا وخرجت. الراجل: بس وحشتني يومين متجييش. نور: مش بإيدي والله. طب مش يلا؟ الراجل: يلا. عند ليل... حست إنها فاقت ولقت راجل ملثم قاعد قصادها. ليل: انت مين؟ الراجل: أنا... وشال القناع من على وشه. ليل بصدمة: انت... أما عند أسد... خلص وطلع على أوضة ليل لأن الكل نام والوقت اتأخر. فضل يخبط بس مردتش.

دخل واتفاجئ إن البلكونة مفتوحة وورقة على الأرض. مكتوب فيها: لو عاوز مراتك تعالى العنوان... أسد اتصل بصاحبه مروان. أسد: ألو. مروان: في إيه يا عريس؟ أسد: مش وقتك، ليل اتخطفت. مروان بقلق وصدمة: لـ ليل اتخطفت؟ أسد: في إيه انت قلقان كده ليه؟ مروان: انت لسه هتسأل؟ يلا أنا هنزل أنا والفرقة ندور في كل حتة، إنشاء الله نلاقيها. انزل بس بسرعة. أما عند ليل... ليل بصدمة وغضب: سامر! سامر بضحكة مقرفة: أيوه سامر، موحشتكيش؟

ليل بقرف: أنا بقرف منك لما أفتكر اللي عملته. سامر: ولسه هتقرفي مني أكتر. لسه هيقرب منها وقفه صوت ست. الست: سامر! ايدك... الست: ليل كبرتي أوي. ليل بصدمة: انتي شطانة، مستحيل تكوني إنسانة. أما عند حتة زرناها قبل كده... الراجل: باشا، ليل اتخطفت. إلياس بغضب جحيمي: مين اللي عمل كده؟ الراجل بخوف ومن نبرته: ا ا سامر. إلياس: جهز الرجالة، وليـل تيجي هنا في ظرف ساعة. محدش عارف يوصل لمكان ليل. أما عند ليل، كانت بتبكي بحرقة.

لحد ما سمعت ضرب نار. وحد جه فكها من ضهرها وخبطها على رأسها. بس شافت وشه وقالت: انت مين؟ بعدها أغمى عليها. وصحيت على صوت أسد وهي في المستشفى. أسد: ليل، انتي كويسة؟ ليل بتعب بسيط: آه، أنا جيت هنا إزاي؟ أسد: جالي بلاغ إنك في المستشفى. ليل: طب اللي في البيت قلتلهم إيه؟ أسد: جدك اتصل، وقلتله إننا رايحين أوتيل وكده.