رواية ليلة الاسد الفصل الحادي عشر 11 - بقلم دنيا محمد

سليمان: تخيل نعيم بيه وليل يعرفوا ساعتها هتروح في سكة اللي يروح ميرجعش. ياسر بزعيق ويخنقُه: انت ناوي تقولهم ولا إيه؟ سليمان بخنقة: مش هقول، سيبني يا غبي هموت في إيدك. ياسر بيسيبُه. ياسر في ذهنه: هعمل إيه في المصيبة دي، يعني ملقيتش غيرها واتجوزها. _بعد ساعتين. أسد بيخرج من الحمام ولافف فوطة على وسطه وعضلاته بارزة، وبيلاقي غزال ماسكة هدومه. غزال بخجل: احم، قالولي أجي أصحيك عشان تتغدى. أسد: بجد؟ هما اللي قالولك برضو؟

غزال بتردد: أيوا، عشان ليل مرضيتش تصحيك، هي فا قالولي أنا. أسد بابتسامة مزيفة: طب هاتي. غزال بتوهان: أجيب إيه؟ أسد بضحك: الهدوم يا بنتي. _ليل بصدمة: لا مستحيل. فيروز: لي مستحيل يا ليل؟ ده أسبوع بس. نعيم: استني انتي يا فيروز، خلاص يا ليل براحتك، ومحدش هيغصبك على حاجة انتي مش عايزاها. أنا بس كنت عايز أفرحك يا بنتي، عرفت من مامتك إنك بتحبي التخييم، وكل شهرين بتروحي مكان شكل، قولت تروحي انتي وأسد، وأهو منها تغيري جو.

ليل كانت بتسمع كلامه وهي مبسوطة، والضحكة مالية وشها. ليل: كنت قلت كده من الأول بدل ما تقولي شهر عسل وبتاع، ماشي أنا موافقة، بس ممكن أروح لوحدي، ومتقلقش عليا، مش لازم أسد يجي معايا، يعني هو أكيد مبيحبش الجو ده. نعيم: لا يا بنتي مش هينفع، دي حتى هتبقى عيبة في حق جوزك. ليل: طيب. دولت: قايمة رايحة على فين؟ انتي لسه مخلصتيش أكلك، ولا الأكل معجبكيش بقا؟ ليل بابتسامة: لا الأكل حلو أوي، بس أنا شبعت.

وتكمل بفرحة: طيب هروح أتفق أنا وصحابي على معاد. _أسد: انتي لسه واقفة؟ غزال بتفوق من سرحانها: هااه؟ أنا هروح أهو، متتأخرش انت بس. أسد بتسرع: استني بقولك إيه، هاتي كده المقص اللي هناك ده. غزال وتشاور عليه باستغراب: ده؟ بس لي؟ أسد ويمسك تيشيرته من ناحية رقبته. أسد بخنقة: في حاجة مضايقاني مش عارف، ده خيط ده ولا إيه، تعالي اعمليه بالمقص. غزال بتستغل الموقف وتلف إيديها حوالين رقبته. غزال: استنى أثبت بس.

وتكمل بضحك: أثبت لأقص لك وداني بالغلط. أسد بضحك: يلاهوي، فاكرة لما قولتيلي تعالي أقصلك شعرك وعورتيني في وداني وبوظتيلي شعري، دودي وقتها كانت هطلع عينك. غزال بابتسامة: أيوا فاكرة، ده أمك كانت هتموتني. أسد: إيه يا بنتي كل ده؟ غزال بكدب: استنى، البتاعة ماسكة في التيشيرت. ليل بتدخل وهي متسرعة. وتشوف مدى القرب اللي بينهم. ليل باستغراب: انتوا بتعملوا إيه؟ أسد ويبعد غزال عنه ويوجه كلامه لـ ليل.

أسد بتوتر وبيزعقلها: مش تخبطي قبل ما تدخلي!! ليل بجمود: آسفة، كنت فاكرة نايم. غزال باستفزاز: برضو يا حبيبتي لازم تخبطي قبل ما تدخلي أي مكان، هو أهلك معلموكيش كده؟